Klase sang mga bata sa Araling Panlipunan

kay Ma’am Elisa. Bahin sang klase nila ang

mahibaluan ang mga lugar sa palibot sang
ila eskwelahan.
“Mga bata subong magwa kita sa
eskwelahan kag tan-awon naton ang iban
pa nga mga lugar nga makit-an sa palibot
sang aton eskwelahan.
Wala sang magbulag sa iya bantay para
malikawan ang disgrasya sa dalan.”
“Huo Ma’am,” dungan nga sabat sang mga
bata.
“Sige, malakat na kita. Tandaan ninyo ang
mga lugar nga inyo makita,” pahanumdum
ni Ma’am Elisa.
Dugay-dugay, nagbalik na sila sa ila hulot-
klasehan.
“Ano ang nakit-an ninyo sa atubangan sang
aton eskwelahan?”
“May karsada,” sabat ni Edgar.
“Indi a, may mga tiangge,” tugda ni Ela.

“Husto kamo nga duha, Edgar kag Ela.

 Makit-an sa atubang sang aton
eskwelahan ang karsada kag sa tabok sini
ang tiangge,” paathag ni Ma’am Elisa.

“Ano naman ang makit-an sa tuo nga

bahin sang aton eskwelahan?”
 “Barangay Hall,” dungan nga sabat nila.
“Dira nagaobra ang akon tiyo kay sia
ang kapitan sang Barangay,” padayon nga
paathag mi Ma’am Elisa.
“Tama, Barangay Hall ang sa tuo sang
eskwelahan. Dira nagapulong ang kapitan,
Kagawad kag iban nga mga opisyales sang
Barangay,” padayon nga paathag ni Ma’am
Elisa.
“Ano naman ang ara sa wala sang aton
eskwelahan?”
 “Klinika,” sabat ni Ena.
“Dira ako gindala ni Nanay sang
ginhilanat ako,” hambal ni Elsa.
“Pag-ubo ko dira man ako gindala ni
Lola,” sugpon ni Enrico.
“Husto ang ginhambal ninyo. Kon may
masakit, nagakadto kita sa klinika kay
didto may doctor nga nagabulong sa aton.”
“Ano ang nakit-an ninyo sa likod sang
eskwelahan?”
“Balay nga daku,” hambal ni Edgar.
“Huo, Ma’am, manami ang balay kag pag-
on,” sugpon ni Ena.
“Sunod Ma’am sa iya atop may nagatiyog
kon maghangin,” tugda ni Elena.

A huo, ang tawag sina elisi. Madasig ang

tiyog sang elisi kon mabaskog ang hangin
kag mahinay ang tiyog kon mahinay ang
hangin,” paathag ni Ma’am Elisa.
“Daw bentilador Ma’am,” dugang ni Niko
kag Lito.

Nasadyahan gid ang mga bata sa ila nakita

kag ulihi na nila natalupangdan nga buhi
na gali.