“Ang Pagbabago ay Nagsisimula sa Ating Kalooban”

Wikang Filipino ang ating pagyamanin at kultura ng Pilipinas ang dapat

tangkilikin. Mula sa talakay ng Filipinolohiya tungo sa Pambansang Kaunlaran, ito ang
aking napili para sa karanasang bayan. Ayon sa aking pagkakaalam, mayroong mahigit
isang daan na indigenous Filipino ethno-linguistic group sa ating bansa at dito
nagkaroon ng iba't ibang diyalekto. Katulad ng Tagalog, Chavacano, Bisaya,
kapampangan, at iba pa. Kasaysayan ang simbolo ng bawat na wika mayroon ang mga
Pilipino, hindi lang ito basta ordinaryong salita na binabanggit ng ating mga kababayan
dahil isa ito sa mga dapat na pinanghahawakan. Tuwing sasapit ang Agosto, mas
nagpapalawak sa atin ang pagdiriwang ng Pilipinas sa kahalagahan ng wikang Filipino,
kada taon ay iba iba ang tema ngunit iisa ang layunin. Ang isa sa mga nagpapatunay sa
ating wika na maipagmamalaki natin ay ang salitang "po" at "opo" ng mga kabataan na
ugaliin ang pagiging marespeto sa nakatatanda at ang salitang "siya" naman ay
nangangahulugang "he, she, or it" sa wikang Ingles, walang pagkakaiba, iisa ang pag
tukoy sa kapwa.

Ayon sa ating pambansang bayani na si Dr. Jose Rizal, "ang hindi marunong
magmahal sa sariling wika ay higit pa sa hayop at malansang isda; kaya ating
pagyamaning kusa gaya ng inang sa atin ay nagpala." Ito ang kanyang kataga sa
pagpapahalaga sa kanyang bayan, ang wikang Tagalog ay hindi malilimutan. Siya ang
inspirasyon ng bawat Pilipino upang makamit ang kapayapaan na hinahangad ng
sanlibutan. Isa ito sa mga magandang ehemplo na aking maisasaad sa aking sanaysay,
ang importansya ng mga taong kasapi sa pagsisimula ng pag usbong ng historya
Pilipinas.

Ayon naman sa ating ika-pitong presidente na si Ramon Magsaysay, "huwag

ikahiya ang ating wika dahil iyan ang kaluluwa ng ating bansa." Bilang isang Pilipino,
taas noo at maging matapat sa pinagmulan ng ating mga ninuno. Maging malaya sa
pag-iisip dahil ang wika at kulturang ating panghihikayat ang nagpapatunay na tayo ay
tunay na mga Filipino. Ang paninindigan sa bayan ay hindi na dapat pang ituro dahil
nasa tao ang gawa kung nasa tamang daan ito maglalakbay.
 Filipinolohiya, ang pag aaral sa kaisipan, kultura at lipunan na ginagalawan ng
mga Pilipino. Sa paraang ito, maipapaliwanag ko ang proseso ng talinong bayan base
sa mga naging karanasan nito. Ilang taon na ang nakalipas, marami na ang nagbago,
iba iba na ang perspektibo ng mga tao, at maaring nakalimutan na ang kulturang
pinanggalingan. Sa modernong panahon na ating kinatatayuan, lumaganap na ang pag
gamit ng teknolohiya. Napadali ang ating pamumuhay at nakatulong ito sa pang araw
araw na buhay pero ang mga pagbabago ang dahilan ng pag talikod ng mga kabataan
sa yaman ng ating bansa. Hindi magtatapos ang pagmamahal sa sariling atin kung
mayroon tayong kababayan na mananatiling isinasapuso ang pagiging Pilipino at isa na
ako sa mga taong iyon. Wala naman akong iba maipagmamalaki kundi ang pag asa sa
paulit-ulit na pagbangon sa mga trahedyang nararanasan, dala dala pa rin ang ngiti sa
mga labi at mga kamay na bukas sa pagtulong sa kapwa.

Isa sa mga ugali ng Pilipino ang crab mentality, mahirap man isa isahin at
sabihin na "mahalin mo kung ano ang mayroon ka" dahil hindi lahat tao ay marunong
makuntento. Ano nga ba ang dapat nating gawin upang mabawasan ang kaugaliang
ito? Gamitin natin ang social media, maging boses sa mga taong tahimik at tulungan o
turuan ang mga tao na mas palawakin ang kaalaman tungkol sa ating kultura. Kung
walang magtuturo, sino ang gagawa? At kung walang gagawa, sino ang magsisimula?
Hikayatin natin ang bawat Pinoy na maisakatuparan ang walang tigil na pag unlad ng
komunidad at lalo na ang likas na moral ng mamamayang Pilipino.

Sa asignaturang Filipinolohiya, ang pagpapahalaga sa wika at kultura ay dapat

simulan sa ating kalooban. Ang pagpapakilala at pagkaintindi sa katotohanan sa kabila
ng mga pangyayare ay pagtanggap sa ating tradisyon. Ang kasaysayan natin ay aral na
dapat hindi na ulitin at maaring gawin pa rin hanggang sa kasalukuyan. Mahal ko ang
aking kultura, ang pagbigkas ng ating wika para sa bayan, at ako ay isang tatak Pinoy.