Rosario, Tandag City, Surigao del Sur 8300 Telefax No. 086-214-4221 Website: www.sdssu.edu.ph
GRADUATE SCHOOL
Kabataan, Kapit Lang!
ni Luz Marie A. Corvera
Sa kawala'y nakatingin, mga mata'y nangungusap,
kabataan na may tanong, at puno ng pangarap. Bakas buhat ng kahapon, na may sakit at pahamak. Anu-anong nasa likod, ng bukas na tinatahak? Kabataang sumusuko, bisyo na ang nagtuturo, mga pangarap ay nilimot, pag-asa ay naging biro. Pagsisikap na hinulma, sa bawat gabi't umaga, ngayo'y tila naaanod, ng bulok na alaala Kabataang nangangarap, nanatili at nagsikap, oatuloy na kumakayod, kahit ubod na ng hirap. Hagdan ng bawat tagumpay, ay natatawid na pala sapagkat may mga biyaya, `pag nagtiis nagtiyaga. Tanong ng munting isipan, ay natural na nandiyan. Iligpit mo lamang iyan, panahon ang sasagot d'yan. `Yong sakit ng karanasan, sa landas na dinaanan. O tagumpay na nakamtan, na hindi mo namamalayan Kabataan! Kabataan, na pag-asa nitong bayan, pangarap na inaasam, ay huwag mong bibitawan. Magtiyaga't magsumikap, at hindi mamamalayan, tagumpa'y iyong nakamtan, kaya't kapit kabataan!