ANG

LITURHIYA
PARA SA PAGHIKOT
SANG SAKRAMENTO SANG KASAL
KAG
Diocese of Negros Occidental
Iglesia Filipina Independiente
Cathedral of Saint John the Baptist
Bago City, Negros Occidental

SANG BALAAN NGA MISA.

WEDDING PROCESSIONAL SEQUENCE
OPTION A:
1. Best Man
2. Groom
3. Grooms Parents (Note: Ang ila lugar yara sa likod sang
Groom. Ang Groom wala ginasipit sang ginikanan. Solo sya
nga magalakat)
4. Principal Sponsors
5. Secondary Sponsors
6. Grooms Men and Bride’s Maids
7. Brides Mother by a Male Relative
8. Bible Bearer
9. Ring/Coin Bearer
10. Flower Girls
11. Maid of Honor
12. Bride escorted her father or Male Relative(escort is on left
side of the bride)
OPTION B:
1. Best Man
2. Groom
3. Grooms Parents (Note: Ang ila lugar yara sa likod sang
Groom kag palihog indi pagsipiton sang ginikanan)
 4. Principal Sponsors
5. Secondary Sponsors
6. Grooms Men and Bride’s Maids
7. Brides Mother by a Male Relative
8. Bible Bearer
9. Ring/Coin Bearer
10. Flower Girls
11. Maid of Honor
12. Bride(Solo March)

ANG LITURHIYA PARA SA PAGHIKOT SANG SAKRAMENTO SANG

KASAL KAG SANG BALAAN NGA MISA
ANG PAGSUGOD.
(Magasulod ang tanan nagamartsa sang pagsunod, samtang ginakanta
ang nagakaigo nga ambahanon ukon Musika.)
Pari : Sa Ngalan sang Amay, sang Anak, kag sang
Balaan nga Espiritu.
Tanan : Kabay pa.
Pari : Hinigugma nga mga kautoran: Yari kita karon
nagatililipon sa presinsya sang aton mahal nga Dios
agud masaksihankag ipahayag ang pagti ayon sang
aton mga utod nga si ______(N) kag si (N) _____. Sa
Balaan nga Sakramento sang Kasal. Ang paghi usa kag
mga saad sang pagti ayon ginpasad sang Dios sa
ginsugoran sa pagtuga Niya sang kalibutan, kag ang
aton gid Ginuong Hesu Kristo ang nagpakamaayo sini
paagi sa Iya presencia kag una nga milagro nga ginhimo
sa Canasang Galilea. Ini nagapatimaan sa aton sang
halimbawa sang paghili-usa sa tunga ni Kristo kag sang
iya siomabahan nga amo ang iya lawas, kag ang Balaan
nga kasulatan nagatudlo sa aton nga ini
pagatahuron sang tanan nga katawhan. Ang paghi usa
sang Lalaki kag Babaye sa balatyagon, lawas kag
panghunahuna gintuyo sang Dios para sa pareho nila
nga kalipayan: sa pagbinuligay pagbuyloganay sa
kahamungayaan kag kalisdanan kag suno sa kabubut-
on sang Dios, para sa pagmu-ad sang katawhan, agod
mapalambo sa kaalam kag paghigugma sa Ginoo. Gani,
ang pagti-ayo indi dapat nga pagakabigon sang
pasapayan sang bisan sin-o nga nagahandom sini,
apang dapat niya tamdon kag huna hunaon sang lubos
kon siya handa sa pagbaton sang mga katungdanan
suno sa tinutuyo sang Dios sa Iya pagpasad sini.
(Ang Pari magapamangkot sining masunod sa Kalaslon)
Sa atubangan sang Dios kag sining kadam-an
kinahanglan
ninyo sabton sa bug os nga kamatuoran ini nga
pamangkot: Nga kon sin o sa inyo duha ang may
 nahibaluan nga kabangdanan nga ining inyo paghi-usa
sa sakramento sang kasal indi mahimo suno sa
kasuguan, kag suno sa pulong sang Dios, dapat niya
subong ipahayag.
(Kon wala, ang Pari magapadayon.)
Pari : (Nobyo)(N) ____ kag (Nobya)(N)_____, nagakari kamo
subong nga adlaw sa pagpangayo sa Dios nga selyuhan
kag pabakuron Niya and inyo paghigugma sang walay
katubtoban nga paghi-usa, sa atubang sang iya
presinsya kag sang iya Simbahan.

Si Kristo una nga nagpakabalaan sa inyo sa panahon

sang kamo ginbunyagan. Subong, kamo Iya
ginapabaskug paagi sa kabugana sang iya grasya, nga
ginadulot sini nga sakramento, agod kabay kamo
magaatubang nga may pagsalig sa mga paghangkat nga
magaabot kag mahigugmaon nga batunong ang mga
responsibilidad sang is aka Kristohanon nga pagti-ayon
nga may pareho nga katampad sa walay katubtoban.

ANG PAGPAHAYAG SANG ILA TINUTUYO SA PAGTI-AYON.

Pari : Karon(Nobyo)(N) ____ kag (Nobya)(N)_____, nagakari

bala
kamo nga hilway kag wala sang pagpangduhaduha sa
paghi-usa sang inyo mga kaugalingon sa bug-os ninyo
nga kabuhi sa paghigugma kag pag alagad sa isa kag isa
bilang bana kag asawa?

Nobyo
kag Nobya : Huo nagakari kami sa atubang sang Dios nga hilway sa
amon
 kabubot on, kaupod ang amon mga Pamilya kag
kaabyanan: sa paghigugma, pagtahod, kag sa pag-
alagad sa isa kag isa sa bug os namon nga kinabuhi.

Pari : Handa bala kamo sa pagbaton sang mga anak nga

igatugyan
sang Dios sa inyo kag sa paghatag sa ila sang
kristohanon nga panimalay kag edukasyon?
Nobyo
kag Nobya : Huo, Handa kami.

Pari : (Nobyo) N_____, imo gid bala kabubut on nga pagkari

sa
pagti-ayon kay N(Nobya) ____, nga mangin asawa
mo kag magpuyo kaupod niya suno sa kasugoan
sang Dios sa sini nga Sakramento? Higugmaon mo bala
siya, lipayon, tahuron kag tipigan, sa balati-an kag
maayong lawas kag likawan moa ng iban, siya gid lang
ang imo higugma-on sing tampad tubtob nga kamo
pareho nga nagakabuhi?

Nobyo : Huo, paagi sa bulig sang Dios.

Pari : (Nobya)N _____, imo gid bala kabubut on nga magkari

sa
pagtiayon kay N (Nobyo) _____. Nga mangin bana mo
kag magpuyo kaupod niya suno sa kasuguan sang Dios
sa sini nga sakramento? Higugmaon mo bala siya,
lipayon, tahuron kag tipigan, sa balati-an kag maayong
lawas kag likawan mo ang iban, siya gid lang ang imo
higugma-on sing tampad tubtob nga kamo pareho nga
nagakabuhi?
Nobyo : Huo, paagi sa bulig sang Dios.

Pari : (Magpanugyan sa mga tawoi sing masunod.)

Kamo tanan nakasaksi sining mga panaad magahimo
sa bug-os ninyo nga ikasarang sa pagtib ong kay
N ____kag
N ______ sa ila nga pagti ayon?

Tanan : Himuon Namon.

Pari ukon
Lector : Ang mga ginikanan ni N____ kag ni N____,
ginapangabay sa pagpalapit kag magtindog sa kilid nila.

Pari : Kamo bala ang nagtugyan sini nga lalaki kag sini nga
babaye nga matiayon sa isa kag isa?
Ginikanan : Huo, Kami.

Pari ukon
Lector : Ang mga ginikanan ginapangabay sa pagbalik sa ila
mga pulungkuan.

(Ang Pari magakadto sa iya lugar sa Altar.)

Pari : Ang Ginuo mangin yara sa inyo.

Sabat : Kag Mangin yara man sa imo.

Pari : Mangamuyo kita.

Maluluy-on kag Walay Katubtuban, Mahigugmaon nga Dios,

Imo kami gintuga nga lalaki kag babaye sa Imo imahen.
Tuloka sining maluluy-on ang imo mga anak nga si N.
______ kag si N. _______, nga nagkari sa pagpangita
sang imo bendisyon kag bulig sang imo grasya agod sa
matuod nga katampad kag malig-on nga paghigugma kabay
 ila tahuron kag tipigan ang mga saad nga ila ginhimo.
Paagi kay Hesu Kristo nga amon Ginuo nga nagakabuhi kag
nagahari kaupod Mo kag sang Balaan nga Espiritu, isa ka
Dios nian kag sa walay katubtuban.

Tanan : Kabay pa.

ANG LITURHIYA SANG BALAAN NGA PULONG

Pari
ukon Lector : Ginapangabay ang tanan sa pagpungko sa
pagpamati sang Pulong sang Dios.

ANG UNA NGA PAGTULON-AN

Manugbasa : Ang naha una nga pagtulon-an naghalin
sa libro sang Genesis, kapitulo 2 nagasugod sa
versiculo 18 tubtob 24.

Dayon nagsiling ang Ginoong Dios, “Indi maayo nga nagaisahanon lang ang
tawo, gani himuan ko siya sang kaupod nga magabulig sa iya kag bagay sa
iya.” Ginhimo sang Ginoong Dios halin sa duta ang tanan nga klase sang
mga sapat nga nagaestar sa duta pati ang tanan nga klase sang mga sapat nga
nagalupad. Dayon gindala niya sila didto sa tawo agod tan-awon kon ano
ang ipangalan niya sa ila. Kag kon ano ang tawag sang tawo sa ila amo na
ina ang ila mga ngalan. Gani gin-ngalanan sang tawo ang mga sapat nga
nagaestar sa duta pati ang mga sapat nga nagalupad. Pero wala gid sing bisan
isa sa ila nga bagay nga mangin kaupod niya nga magabulig sa iya. Gani
ginpatulog sang Ginoong Dios ang tawo sing mahamuok gid. Kag samtang
nagakatulog siya, ginkuha sang Ginoong Dios ang isa niya ka gusok kag
ginkipot dayon ang ginkuhaan sini. Ang gusok nga ginkuha sang Ginoong
Dios sa lalaki ginhimo niya nga babayi, kag gindala niya siya sa lalaki.
Dayon nagsiling ang lalaki,
“Ari na ang pareho sa akon! Tul-an nga ginkuha sa akon tul-an, kag unod
nga ginkuha sa akon unod. Pagatawgon siya nga babayi, kay ginkuha siya
halin sa lalaki.”

Amo ina ang rason nga bayaan sang lalaki ang iya amay kag iloy kag mag-
upod sa iya asawa, kag sila nga duha mangin isa.

Manugbasa: Ang pulong sang Dios

Sabat : Salamat sa Dios

ANG IKA DUHA NGA PAGTULON AN

Manugbasa : Ang ika duha nga pagtulon an naghalin sa

nahauna nga sulat ni San Pablo sa mga Taga Corinto,
Kapitulo 13 nagasugod sa versiculo 1 tubtob 13.

Bisan makahambal ako sang nagkalain-lain nga mga lingguahe sang

mga tawo kag sang mga anghel, pero kon wala ako sing gugma sa akon
isigkatawo, daw pareho lang ako sa agong nga magahod ukon lingganay
nga matagsing. Kag bisan makasugid ako sang mensahi sang Dios kag
makahibalo sang tanan nga tinago nga mga kamatuoran pati ang
nagkalain-lain nga mga kaalam, kag bisan mapasaylo ko ang bukid
tungod sang akon dako nga pagtuo, kon wala ako sing gugma wala gid
ako sing pulos. Bisan ipanagtag ko sa mga imol ang tanan ko nga mga
pagkabutang, kag bisan ihalad ko ang akon lawas nga sunugon, kon wala
ako sing gugma wala ako gihapon sing pulos.

Ang tawo nga nagahigugma mapinasensyahon, maayo sa iya isigkatawo,

indi mahisaon, indi hambog ukon bugalon, indi bastos, indi
maiyaiyahon, indi maakigon, indi madumot, wala nalipay sa malaot
kundi sa matarong, permi mainantuson, permi may pagsalig kag
paglaom, kag permi mabinatason.
May katapusan ang mga pagsugid sang mensahi sang Dios kag ang mga
paghambal sa iban nga mga lingguahe nga wala natun-i, pati ang mga
pagsaysay sang kaalam sang Dios, pero ang gugma wala gid sing
katapusan. Kay ang mga butang nga aton nahibaluan pati ang aton
pagsugid sang mensahi sang Dios indi pa gid kompleto. Pero kon mag-
abot na ang adlaw nga makompleto na ang tanan, madula na inang mga
bagay nga indi pa gid kompleto.

Sang bata pa ako, ang akon paghambal, ang akon pag-intiendi, kag ang
akon hunahuna pareho sang bata. Pero sang may buot na ako, ginbayaan
ko ang pagginawi sang bata. Sa karon daw nagatulok kita sa espiho nga
malubog; pero magaabot ang adlaw nga mangin klaro gid ang tanan.
Karon limitado ang aton nahibaluan; pero magaabot ang adlaw nga
mahibaluan ta ang tanan, pareho sang pagkahibalo sang Dios sa aton.

Tatlo ka butang ang nagapadayon, kag ang tatlo nga ini amo ang
pagsalig, paglaom, kag ang gugma. Pero ang gugma amo gid ang labing
importante.

Manugbasa : Ang pulong sang Ginuo

Sabat : Salamat sa Dios

Ang Pagsindi sang Kandila sang kalaslon.

Pari ukon
Lector : Ginapangabay naton ang mga abay nga
magasindi sang kandila sang kalaslon nga
magpalapit na.

Ang aton Ginuong Hesu Kristo amo ang Kapawa sang

Kalibutan. Kung nasindihan nga mga kandila
nagasimbolo sang presinsya ni Kristo sa aton tunga
kag ang gahum sang iya nagapang-ubay nga kapawa
sa kabuhi ni (N) ______ kag (N) _____ kag sa aton
tanan.
Pari: Pakabalaana O Ginuo, ining nasindihan nga
mga kandila nga nagasimbolo kay Hesu Kristo nga amo
ang kapawa sang kalibutan. Tungod sini kabay si (N)
_______ kag si (N) _________ sa ila pagkabuhi bilang
magti-ayon pirme magausoy sa dalan sang kapawa
paagi kay Hesu Kristo nga amon Ginuo.

Tanan: Kabay pa.

Ang Balaan nga Ebanghelyo

Pari: Ang Ginuo mangin yara sa inyo.

Sabat: Kag mangin yara man sa imo.

Pari: Ang Balaan nga Ebanghelyo suno kay San
Marcos, Kapitulo 10 Versiculo 2 tubtub 9.

Tanan: Himaya sa Imo, Ginuong Hesu Kristo.

Pari: May pila ka mga Fariseo nga nagpalapit sa iya,

kag sa pagdakupdakop sa iya, nagpamangkot sila,
“Sugiri kami, tugot bala sa aton Kasugoan nga ang isa
ka tawo magbulag sa iya asawa?” Si Jesus nagsabat
paagi sa isa ka pamangkot, “Ano bala ang kasugoan
nga ginhatag ni Moises sa inyo?” Nagsabat sila. “Si
Moises nagtugot nga ang bana maghimo sang papeles
sa pagbulagay kag ugaling magbiya siya sa iya asawa.”
Si Jesus nagsiling sa ila, “Ginsulat ni Moises ining
kasugoan para sa inyo, tungod kay matig-a gid ang inyo
mga tagipusoon. Pero sa ginsuguran, sang pagtuga
sang Dios sang kalibutan, ginsiling ini, “Ang Dios
naghimo sa ila nga lalaki kag babaye. Kag tungod sini,
ang lalaki magabiya sang iya Amay kag Iloy kag
 magapuyo siya upod sa iya asawa, kag sila nga duha
mangin-isa. Gani, indi dapat bulagon sang tawo ang
ginhiusa sang Dios.”

Ang Ebanghelyo sang aton Ginuong Hesu Kristo.

Tanan: Pagdayaw sa imo, Ginuong Hesu Kristo.

Pari ukon
Lector: Maglingkod ang para sa Homiliya/Sermon.

Pari: (Maghatag sang Homiliya ukon Sermon).

ANG TIMUTUO AKO

Nagatu-o kami sa isa ka Dios, Ang Amay, nga makakagahum.

Magbubuhat sang Langit kag sang duta, sang tanan nga mga bagay nga
makita kag indi makita.

Nagatuo kami sa isa ka Ginuo, nga Hesu Kristo ang bugtong nga Anak
sang Dios, sa walay katubtuban gin-anak sa kaliwat sang Amay, Dios
gikan sa Dios, kapawa gikan sa kapawa, matuodtuod nga Dios gikan sa
matuodtuod nga Dios. Gin-anak sa kaliwat, indi binuhat nga isa lamang
sa kina iya sang Amay. Sa kalalangan niya ginlalang ang tanan nga mga
butang. Nga bangod sa aton nga mga katawhan kag sang aton kaluwasan
nagkunsad diri sa aton halin sa kalangitan; Sa gahum sang Espiritu Santo
ginbun ag siya ni Maria nga Ulay, kag nangin Tao. Kag bangod sa aton
ginlansang sa Krus sa idalum ni Poncio Pilato; nag antos siya namatay,
kag ginlubong. Sa ikatlo nga adlaw nabanhaw siya sa pagtuman sang
Kasulatan; nagkayab siya pakadto sa kalangitan kag naglingkod sa tuo
sang Amay. Magakari siya liwan nga mahimaya-on sa paghukom sang
mga buhi kag mga minatay, kag ang Iya ginhari-an wala sang
katubtuban.
Nagatuo kami sa Epiritu Santo, ang Ginuo nga nagahatag sang kabuhi,
nga nagagikan sa Amay, nga kaupod sang Amay kag sang Anak
ginasimba kag ginahimaya. Nagpamulong siya sa lalang sang mga
manalagna.

Nagatu-o kami sa isa, Balaan, Katoliko, kag Apostoliko nga Simbahan.

Nagakilala kami sa isa ka Pagbunyag sang pagpatawad sang mga sala.
Nagalaum kami sa pagkabanhaw sang mga minatay, kag sa kabuhi
Sang kalibutan nga palaabuton. Kabay pa.

Ang Pagbayluhanay sang mga Saad.

Pari ukon
Lector: Ang Nobyo kag Nobya ginapangabay sa pagtindog para sa
pagbayluhanay sang ila mga saad sa pagti-ayon.

(Ang Nobyo magaatubang kag magakuha sang tuo nga kamot sang iya
Nobya kag magasiling)

Nobyo: Sa Ngalan sang Dios, Ako si(Nobyo)(N) ________

nagatigayon sa
imo (N) _____, nga mangin-asawa ko sumogod karon nga
adlaw, sa kaayuhan ukon kalisdanan, sa kahamungaya ukon
sa kaimulon, sa balatian ukon maayong lawas, higugmaon ko
ikaw sing himpit kag lipayon, tubtob ang kamatayon,
magahamulag sa aton. Amo ini ang akon saad. Kabay pa.

(Magbuy anay sila sang ila mga kamot. Dayon sa tigaylo, ang Nobya
naman ang magaatubang kag magakuha sang tu-o nga kamot sang
Nobyo nga nagasiling.)

Nobya: Sa Ngalan sang Dios, Ako si (Nobyo)(N) ________

nagatigayon sa imo (N) _____, nga mangin-asawa ko
sumogod karon nga adlaw, sa kaayuhan ukon kalisdanan, sa
kahamungaya ukon sa kaimulon, sa balatian ukon maayong
 lawas, higugmaon ko ikaw sing himpit kag lipayon, tubtob
ang kamatayon, magahamulag sa aton. Amo ini ang akon
saad. Kabay pa.

Ang Pagbendisyon sang mga Singsing kag Aras.

Pari ukon
Lector: Ginapangabay ang tagdala sang mga singsing kag
aras, sa pagpalapit agod mabendisyunan ang mga
ini.

Pari: Pakabalaana O Ginuo, ining mga singsing, agod

mangin simbolo sang mga saad sa diin ining lalaki kag ining
babaye magahiusa sang ila mga kaugalingon sa isa kag isa,
paagi kay Hesu Kristo nga aton Ginuo. Kabay pa.

Pakabalaana man ining aras, nga nagasimbolo sang

material nga pagkabutang agod siya nga nagahatag kag siya
nga magabaton kabay magagamit sini sa pag angkon sang
walay katubtuban nga kabuhi, paagi kay Hesu Kristo nga
amon Ginuo. Kabay pa.

Ang Pagbayluhanay sang mga Simbolo.

Singsing.(Ang magahatag sang singsing magasul ob sini sa tuo nga ‘ring
finger’ sang isa nga nagasilin;

Nobyo:(Sa iya Nobya)

N. ______, isul ob ini nga singsing nga tanda sang
akon saad, nga ang bug os ko nga kaugalingon, kag ang tanan
nga akon ginaangkon, ginapasidungog ko sa imo, sa ngalan
sang Amay, Sang Anak, kag sang Balaan nga Espiritu, Kabay
pa.

Nobya:(Sa Nobyo)
N. ______, isul ob ini nga singsing nga tanda sang
 akon saad, nga ang bug os ko nga kaugalingon, kag ang
tanan nga akon ginaangkon, ginapasidungog ko sa imo, sa
ngalan sang Amay, Sang Anak, kag sang Balaan nga
Espiritu, Kabay pa.

Aras.
Nobyo: (Para sa Nobya)
Batuna ining kinaandan nga pilak pangkasal bilang
tanda sang akon panaad sa pagtugyan sang akon kaugalingon
sa dungganon nga pagpapangabudlay para sa
kahamungayaan kag kalipayan sang aton pamilya, kag sa
pagpadayun nga pagpangita sang oagbendisyon sang Dios sa
aton paghiugma kag panimalay.

Nobya: (Sabat sa Nobyo)

Ginabaton ko sa bug os nga kabubut on, mahal ko nga bana
upod ang imo dungganon nga saad sa pagpaninguha para sa
aton painmalay, kabay ang Dios magbendisyon sang aton
paghigugma kag indi niya pag idingot ang iya walay
katubtuban nga pagpangapin. Kabay pa.

Ang paghatag sang Balaan nga Kasulatan (Biblia).

Pari: Sa inyo N. _____ kag N. ______ ginahatag ko ining

Balaan nga kasulatan. Ini nagaunod sang Pulong sang Dios.
Ang tao indi lamang mabuhi sa tinapay ukon material nga
pagkaon, kundi subong man sa tagsa ka pulong nga
nagakawas sa bibig sang Dios. Himua ninyo nga ang Pulong
sang Dios mangin matuod nga iwag sa inyo mga tiil kag
kapawa sa inyo dalanon agud ang inyo kalipay mangin lubos.

Ang Pagpahanumdom sa mga Maninoy kag Maninay sang ila

Obligasyon.

Pari: Hinigugma nga mga Maninoy kag Maninay, sa

 sining sakramento sang pagti-ayon kamo nangin ikaduha nga
Ginikanan ni N. _____ kag ni N. ______ Giyahi ninyo sila sa
pag usoy sang dalan sang pagkamatarong agud kabay
mapamatud an nila nga sila mga maayu nga Kristiyano kag
subong man maayo nga katawhan nga matinumanon sa
kasugoan sang Pungsod kag sa pagpaninguha sa pagpasad
sang isa ka panimalay nga napun-an sang paghigugma,
paghidaet kag hustisya nga mangin yara sa ila, nga may
paghimulat kag pagkaubos, mahimo nga mga maayo sang
sulondan kag huluwaran sa kabuhi. Sa tini on sang mga
pagsulay, krisis kag mga mga palaligban ipaambit sa ila ang
inyo kaalam kag mga laygay.

Maninoy kag
Maninay: Sa Ngalan sang makagagahom nga Dios,
kinasingkasing nga tinguhaan kag tumanon namon
ang amon mga katungdanan sa iya kag kay N.
______ kag kay N. ______ bilang ikaduha nga
ginikanan.

(Ang magti-ayon magabalik sa ila lugar kag magluhod.)

Pari ukon
Lector: Palihog maglingkod ang tanan samtang aton
pangabayon ang mga abay sang Belo kag Cord.

Ang Belo isa ka kinaraan nga simbolo sang pagkabalaan ,

pagkaputli, kag katampad. Ang Bana kag ang Asawa
ginapandungan sang Belo sa pagpahayag sang
pagkabalaan, pagkaputli, kag pagkatampad sa ila
paghigugma sa isa kag isa.

Pari ukon
Lector: Ang Cord (ukon Kordon) ginatawag nga “Jugal”
 halin sa Latin nga pulong nga “jogum”, buot
silingon gota.
Ang Cord nagasimbolo sang gota nga nagabugkos sang
bana kag asawa sa kalipay kag kasubo sang kabuhi sang ginti ayon nga
naga unongay sa kabuganaan ukon sa kaimolon, sa balatian ukon
maayong lawas tubtob pareho sila nga nagakabuhi.

Ang Pagbantala.
(Ang Pari magahiusa sang kamot sang Bana kag Asawa kag
ibantala ang ila Paghi-usa sang sakramento sang Kasal).

Pari: Ang Ginti ayon sang Dios indi pagbulagon sang tawo.
(Marcos 10:9). Karon si N. _____ kag si N. ____ kag si N.
_____ nagtugyan sang ila mga kaugalingon sa isa kag isa
paagi sa tampad nga mga saad, sa paghugponganay sang ila
mga kamot, kag pagbayluhanay sang mga singsing, akon
karon ginabantala nga sila Bana kag Asawa, sa Ngalan sang
Amay, sang Anak, kag sang Balaan nga Espiritu.

Tanan: Kabay pa.

Ang Pangamuyo sang Katawhan.

(Ang ginhatagan sang katungod sa pagpamuno sa masunod nga mga
pangamuyo, nga sa diin ang tanan magasabat, Ginuo, pamatii ang amon
pangamuyo).

Lider: Ginapangabay ang tanan sa pagsabat, “Ginuo, pamatii ang

amon pangamuyo”.

Walay katubtoban nga Dios, manunuga kag manugtipig sang

tanan nga kabuhi, ginikanan sang amon kaluwasan kag
tagahatag sang tanan nga grasya.
 Tuloka sang maluluy on ang kalibiutan nga imo gintuga, kag
ginhalaran sang kabuhi sang imo anak, ilabi na gid si N. ___
kag si N. ____ nga imo ginhi usa nga mangin isa ka unod sa
Balaan nga Sakramento sang Matrimonyo. Mangamuyo kita
sa Ginuo.

Sabat: Ginuo, pamatii ang amon pangamuyo.

Lider: Ihatag sa ila ang kaalam kag katutom sa paghatag

sang kahusayan sang ila adlaw-adlaw nga kabuhi, agod kabay
ang isa kag isa mangin kusog sa tini-on nga ginakinahanglan,
manuglugpay sa tini-on sang palaligban, manuglipay sa tin-
on sang kasubo, kag kaupod sa kalipayan. Mangamuyo kita
sa Ginuo.

Sabat: Ginuo, pamatii ang amon pangamuyo.

Lider: Itugot ang ila mga kabubut on mahi-usa sa imo

kabubut-on kag ang ila Espiritu sa imo Espiritu, agud kabay
sila magtubo sa paghigugma kag paghidaet sa imo kag sa osa
kag isa sa tanan nga adlaw sang ila kabuhi. Mangamuyo kita
sa Ginuo.

Sabat: Ginuo, pamatii ang amon pangamuyo.

Lider: Hatagi sila sang grasya, kon masakit nila ang isa kag
isa, sa pagkilala kag pagbaton sang ila mga sala kag sa
pagpangayo sang kapatawaran sa isa kag isa kag sa imo.
Mangamuyo kita sa Ginuo.

Sabat: Ginuo, pamatii ang amon pangamuyo.

Lider: Himua nga ang ila kabuhi mangin tanda

sang paghigugma ni Kristo sa sining makasasala kag
nabahinbahin nga kalibutan, agud kabay ang paghiliusa
 mangibabaw sa pagbinahinay, ang pagpatawad magaayo sang
sayop, kag ang kalipay magdaug sang kawalay-paglaum.
Managamuyo kita sa Ginuo.

Sabat: Ginuo, pamatii ang amon pangamuyo.

Lider: Bugayi sila sang mga anak nga magasunod sa ila,

suno sa imo pagbuot, kag sang grasya sa pagpadako sa ila sa
pagkilala, sa paghigugma, kag sa pag-alagad sa imo.
Mangamuyo kita sa Ginuo.
Sabat: Ginuo, pamatii ang amon pangamuyo.
Lider: Ihatag sa ila ang katumanan sang ila
paghigugmaanay agud kabay ila mahimo ang maghigugma
kag magkabalaka sa iban. Mangamuyo kita sa Ginuo.

Sabat: Ginuo, pamatii ang amon pangamuyo.

Lider: Itugot sa tanan nga mga persona nga nati-ayon sa
sakramento sang kasal nga nakasaksi sining pagbayluhanay
sang mga saad nga kabay ila man masapuan nga napabakod
ang ila kabuhi kag ang ila katampad mapamatud an.
Mangamuyo kita sa Ginuo.

Sabat: Ginuo, pamatii ang amon pangamuyo.

Lider: Itugot nga ang paghi-usa sang amon duna

nga pagkatawo, sa diin ang tanan mo kaanakan nahi-usa sa
isa kag isa, kag ang mga buhi sa mga minatay, kabay
mapabag-o paagi sa imo grasya, agud ang imo kabubut-on
matuman diri sa duta subong sang sa langit; sa diin ikaw O
Amay, Anak, kag Balaan nga Espiritu nagakabuhi kag
nagahari sa himpit nga paghi-usa. Mangamuyo kita sa Ginuo.

Sabat: Kabay pa.

 (Ang Belo kag ang Cord pagakuhaon, Ang Bana kag Asawa
magtindog nga nagaatubangay sa isa kag isa.)

Pari: Karon sa atubangan sang Dios kag suno

sa kasuguan, kamo Bana kag Asawa na. (Bana) N. ____
pwede mo na nga halukan si N. _____ nga imo asawa.

Mga kautoran, Akon karon ginahatag sa inyo si

Mister kag Mrs. N. _________. Aton sila sug-alawon sang
pagpamalakpak.

ANG BALAAN NGA EUKARISTIA.

Ang Paghidaet
(Ang tanan magtindog. Ang Obispo/Pari, nagatindog sa atubangan
sang katawhan, magsiling):

Pari: Mga kautoran, kita ang lawas ni Kristo: Paagi sa

isa ka Espiritu kita tanan nabunyagan nga mangin
katapu sang isa ka lawas.

Tanan: Aton tipigan ang paghi-usa sang Espiritu sa

paghili-ugyon sa paghidaet.

Pari: Ang paghidaet sang Ginuo mangin yara sa inyo.

Tanan: Kag mangin yara man sa imo.

(Ang Pari/Selebrante magkadto Balaan nga Latok, magbasa sang isa

sang mga masunod nga dinalan para sa pagsugod sang paghalad.)

Ihatag sa Ginuo ang dungog nga angay sa iya Ngalan; Magdala sang
mga halad kag magkadto sa iya puloy-an. Sa kakunyag, aton idulot sa
Ginuo ang mga halad sang aton kabuhi kag paghimud-os.\
(Ang mga halad sang sumilimba pagakolektahon kag dalhon sa tunga
malapit sa ganhaan. Samtang ginahimo ini, ang tanan magalingkod kag
isa ka himno ukon ambahanon nga nagakaigo ang pagakantahon. Ang
Tinapay kag Bino ginahanda man sa Balaan nga Latok.)

(Kon handa ang tanan, ang tanan magtilindog. Dalhon sang

representante ukon mga gintugyan ang tanan nga mga halad sa Altar.
Batunon ini sang Diakono ukon mga Sakristan kag ibutang sa ibabaw
sang Balaan nga Latok. Kon wala sang Diakono o Sakristan, igabutang
sang mga representante ang mga halad sa ibabaw sang Balaan nga
Latok.)

(Ang Pari, upod ang iban pa nga mga Selebrante sa paghalad

magpandong ukon magbayaw sang iya kamot sa ibabaw sang mga
halad; kag buylog ang mga Sumilimba magapangamuyo sang masunod):

Pari: Walay katubtoban nga Dios, kami nagadala

sa imo tungod kami nakahibalo nga ang amon kabuhi
kag sang tanan nga nagakabuhi nagikan sa imo, kag ang
tanan nga yari sa amon, imo nga gintugyan sa amon. O
Ginuo, nga amon Dios, batuna ining amon mga halad
saulogon nga may kalipay ining Eukaristia.

Sabat: Kabay pa.

Pari: Ang Ginuo mangin yara sa inyo.

Sabat: Kag mangin yara man sa imo.

Pari: Itib ong ang inyo mga kasingkasing.

Sabat: Ginatib ong namon sila sa Ginuo.

Pari: Maghatag kita sang pagpasalamat sa Ginuo nga aton

Dios.
Sabat: Matarong ini nga maghatag sa iya sang pasalamat
kag pagdayaw.

Pari: Matarung gid, ini aton katungdanan kag aton

kakunyag sa gihapon kag sa tanan nga duog nga maghatag
sang pagpasalamat sa Imo, O Ginoo, Balaan nga Amay,
makagagahum, walay katubtuban nga Dios.
Bangod sang paghigugma sang asawa kag bana, imo
kami ginhatagan sang imahen sang langitnon nga Jerusalem,
napunihan katulad sang asawa para sa iya bana, ang imo
Anak nga Hesu Kristo nga amon Ginuo, nga nagahigugma
kag naghatag sang iya kabuhi para sa iya, agud mapabag-o
niya ang bug-os nga tinuga.

Pari: Gani, buylog sa mga Anghel kag mga Arkanghel kag

sa tanan nga hubon sa langit, malipayon namon nga
ginabantala ang Imo Himaya kag walay katapusan
nagadayaw sa Imo kag nagasiling;.
Balaan, Balaan, Balaan, ang Ginoo, Dios nga gamhanan kag
sang ikasarang. Ang langit kag duta napuno sang imo Himaya.
Hosanna sa kahitaasan. Bulahan siya nga nagakari sa Ngalan
sang Ginoo. Hosanna sa kahitaasan.

Pari: Balaan kag maalwan nga Amay, bangud

sang imo walay katubtuban nga paghigugma sa amon,
imo kami gintuga para sa imo kaugalingon; kag sang
nahulog kami sa sala kag nangin ulipon sa malaut kag
kamatayon, sa imo kaluoy imo ginpadala si Hesukristo
ang imo isa lamang kag walay katubtuban nga Anak, sa
pag-ambit sang amon tawhanon nga kinaugali, sa
pagpangabuhi kag pagpakamatay subong isa sa amon sa
pagpasag-uli sa amon sa Imo; ang Dios kag Amay sang
 tanan. Sa pagtuman sang imo kabubut-on, nagdupahan
siya sa krus kag ginhalad niya ang iya kaugalingon, ang
himpit nga sakripisyo para sa tanan nga katawhan.

Pari: Sang gab-i nga siya ginatugyan sa

pagpakasakit kag kamatayon, ang aton Ginoong
Jesucristo nagkuha sang tinapay kag sang nakahatag
siya sang pagpasalamat sa Imo,iya ini gintipiktipik kag
ginhatag sa iya mga gintutun-an kag nagsiling:
“Kuhaa, kan-a, ini ang akon lawas nga ginhatag para sa inyo: buhata
ninyo ini sa pagdumdum sa akon.”
Sa tapos sang panihapon, nagkuha siya sang tagayan
nga may bino kag sang nakapasalamat siya sa imo, ginhatag
niya ini sa ila nga nagasiling
“Imna ini, tanan kamo, kay ini ang akon dugo sang bag-o nga tipan
nga ginbubo para sa inyo kag sa kadamuan para sa pagpatawad sang
mga sala. Sa tinion nga gina-inum ninyo ini: buhata ini sa
pagdumdum sa akon.”
Aton ibantala ang misteryo sang aton pagtuo
SI KRISTO NAMATAY
SI KRISTO NABANHAW
SI KRISTO MAGAKARI LIWAN.
(Ang Pari magapadayun.)
Amon ginasaulog ining handumanan sang amon kaluwasan O Amay sa
sining sakripisyo sang pagdayaw kag Pag-pasalamat kag amon
ginahalad sa Imo ining mga bahandi, sa kalalangan sang Imo Balaan nga
Espiritu. Pakabalaana ini tanan agud para sa amon mangin lawas kag
dugo sang imo Anak , ang Balaan nga pagkaon kag ilimnon sang bag-o
kag walay katapusan nga kabuhi sa iya.
Pakabalaana man kami agud nga amon batunon ining Balaan nga
Sakramento nga may pagtuo kag mag-alagad sa Imo sa paghiusa nga
dayon kag sa paghidaet, kag sa katapusan nga mga inadlaw dal-a kami
kaupod sang imo mga balaan didto sa kalipay sang Imo walay katapusan
nga ginharian.Ini tanan amon ginapangamuyo sa kalalangan sang Imo
Anak nga Hesukristo, sa kalalangan niya, kaupod niya kag sa paghiusa
sang Balaan nga Espiritu.Imo ang tanan nga kadungganan kag Himaya,
O Amay nga makagagahum, nian kag sa walay katubtuban.
Sabat: Kabay pa.
Pari: Subong sang aton manluluwas nga si Jesucristo nga
nagtudlo sa aton nga may pagsalig. Mangamuyo
kita:
LORD’S PRAYER:
BREAKING OF BREAD:
Pari: Ginoo, naga-ampo kami nga imo kami luwason
sa tanan nga malaut kag ihatag mo ang paghidaet sa
amon panahon. Sa bulig sang imo kaluoy, tipigi kami
nga mangin hilway sa sala kag luwas sa lakas nga
pagpanumdum, sa kalalangan sang imo Anak nga si
Hesukristo nga amon Ginoo nga siya nagakabuhi kag
nagahari buylog sa Imo kag sang Balaan nga Espiritu,
isa ka Dios, nian kag sa walay katubtuban. Kabay pa.

Kordero sang Dios nga nagakuha sang sala sang kalibutan.

Maluoy ka sa amon.

Kordero sang Dios nga nagakuha sang sala sang kalibutan.

Maluoy ka sa amon.

Kordero sang Dios nga nagakuha sang sala sang kalibutan.

Ihatag sa amon ang imo paghidaet.
(Maghipos sang makadali.)

ANG BALAAN NGA PAGPANGALAWAT

(Ang Pari buylog ang Sumilimba magasiling.)

Tanan: Wala kami nagapangahas sa pagpalapit sa Imo

latuk, maluluy-on nga Ginoo nga nagasalig sa amon
pagkamatarung kundi sa Imo kapid-an kag daku na kaluoy.
Indi gani kami takus nga magtipon sang mumho sa idalum
sang imo latuk. Apang imo kinaugali ang padayon nga
paghatag sang kaluoy, gani, tuguti kami Maalwan nga Ginoo
sa pagkaon sang lawas sang Imo palangga nga Anak nga
Hesukristo kag sa pag-inum sang iya dugo agud kami nga
ginapabaskog kag ginapalab-as sang iya kabuhi, magpuyo
nga dayon sa iya kag siya sa amon. Kabay pa.

Ang Bahandi sang Dios para sa katawhan sang Dios. Batuna ninyo
ini sa handumanan nga si Kristo naghatag sang iya kabuhi para sa
inyo, kag magpakabusog kamo sa iya, sa inyo mga kasingkasing, nga
may pagtu-o kag pagpasalamat.

(ukon)
Ini amo ang Kordero sang Dios nga nagakuha sang sala sang
Kalibutan. Malipayon ang gina-agda sa Iya Bangkite.

(Ang Obispo/Selebrante kag iban nga mga Ministro amo ang una nga
magkomunyon, dayon sunod ang tanan nga Sumilimba.)

Nagapakalawat: Ang Lawas kag Dugo ni Kristo.

Nagapangalawat: Kabay pa.

Pangamuyo Pagkatapos sang Komunyon.

Pari: Ang Ginuo mangin yara sa inyo.

Sabat: Kag mangin yara man sa imo.

Pari: Mangamuyo kita.

O Dios, Taghatag sang tanan nga matuod, matahom
kag sang kabugana. Nagapasalamat kami sa paghiusa mo sa
amon sing tingob sa Balaan nga Misteryo sang Lawas kag
Dugo sang inmo Anak nga si Hesu Kristo. Itugot paagi sa
imo Balaan nga Espiritu, Si N. ______ kag N. ______, nga
karon nahi-usa sa Balaan nga Matrimonio, kabay mangin isa
sa kasingkasing kag kalag, magkabuhi sa katampad kag
paghidaet, kag magaangkon sang walay katubtoban nga
kalipay nahanda para sa tanan nga nagahigugma sa imo,
tungod gid lang kay Hesu Kristo nga imo Anak kag amon
Ginuo.

Sabat: Kabay pa.

Panghingapusan.

Pari: N. ____, N. _____ karon nga nakabaton na kamo sang

Balaan nga Sakramento sang Matrimonio. Ginapanugyan ko
sa inyo nga mangin tampad sa isa kag isa.
(Sa Asawa).
N._____ higugmaa ang imo Bana kag mangin maayo
nga asawa, kag magpabilin sa pagtuo, paghigugma kag
pagkadiosnon.
(Sa Bana).
N. ____ higugmaa ang imo asawa pareho sang
paghigugma ni Kristo sa iya Simbahan, magkabuhi kaupod
niya sa Balaan nga kahadlok sa Ginuo.
Ang Pagbendisyon.
Pari: Ang Ginuo mangin yara sa inyo.

Sabat: Kag mangin yara man sa imo.

Pari: (Ang Pari mag -isa sang iya mga kamot sa ibabaw
sang bag ong kasal.)
Kabay ang Ginuong Hesu Kristo, nga nangin dinapit nga
bisita sa kasal sa Cana sang Galilea, magbendisyon sa inyu,
sa inyo mga pamilya kag mga abyan.

Sabat: Kabay pa.

Pari: Kabay itugot niya sa inyo, subong sang inyo pagtuo

sa iya nga pagkabanhaw, kamo magahulat sa iya nga may
kalipay kag paglaum.
Sabat: Kabay pa.

ANG PAGPADALA.

Pari: Ang Ginuoi mangin yara sa inyo.

Sabat: Kag mangin yara man sa imo.

Pari: Maglakat na kita sa paghidaet, paghigugma kag pag

alagad sa Ginuo.

Sabat: Salamat sa Dios.

ANG PAGLAGDA SANG MARRIAGE CONTRACT.