7

FILIPINO
Unang Markahan-Modyul 1
Mga pahayag at Salita na Nagbibigay-Patunay

1
 WEEKLY HOME LEARNING PLAN
FILIPINO 7
Aralin 1 Unang Markahan
Learnin Learning
Learning Tasks Mode of Delivery
g Area Competency
Gumising, ayusin ang sarili, kumain ng umagahan at ihanda ang sarili sa isang
makabuluhang araw!
Mag-ehersisyo, mag-meditate at makipag-bonding sa pamilya.

Filipino MELCs: 1. 1. Basahing mabuti Ang Weekly Home Learning

Nahihinuha at sagutan ang Plan ay ilalagay sa isang
ang kaugalian bawat hinihingi expanded envelope na may
at kalagayang sa araling ito. kulay lila para sa Baitang 7 na
panlipunan ng ilalagay sa plastic envelope
lugar na 2. Isulat sa bilang proteksyon sa pagkabasa.
pinagmulan ng sagutang papel
kuwentong- ang iyong tugon Ito ay kukunin ng mga
bayan batay sa sa Isagawa at magulang o guardian sa
mga Tayahin sa paaralan sa itinakdang araw at
pangyayari at pahina 9-10 petsa para sa kanilang taon at
usapan ng pangkat.
mga tauhan 3. Ipasa ang
(F7PN-la-b-1) sagutang papel Hanapin lamang ang silid-
Layunin : na may aralan ng Tagapayo kung saan
Nakapaghihinu kumpletong itinalaga ang taon at pangkat ng
ha mula sa sagot. mag-aaral.
mga linya o
pahayag na PAALALA: HUWAG
may kinalaman KALIMUTANG ISULAT ANG
sa kaugaliang SUMUSUNOD SA ITAAS NG
dapat taglayin INYONG SAGUTANG PAPEL:
ng bawat
indibidwal. PANGALAN:
SECTION:
SUBJECT:

Inihanda ni Iwinasto ni Binigyang pansin

FLORDELIZA R. ORTAL LEILA M. MONSANTO CRISTETA R. LAMBON

Guro sa Filipino 7 Ulungguro III Punungguro IV

2
Filipino 7 a. Nakalbo ang Datu (Kuwentong-bayan ng
Unang Markahan Maranao)
Modyul 1 b. Mga Pahayag at Salita na Nagbibigay-Patunay

Alamin:

MELCs: 1. Nahihinuha ang kaugalian at kalagayang panlipunan ng

lugar na pinagmulan ng kuwentong-bayan batay sa
mga pangyayari at usapan ng mga tauhan (F7PN-la-b-1)
2. Nagagamit nang wasto ang mga pahayag sa pagbibigay
na patunay. (F7WG-la-b-1)

Layunin : Nakapaghihinuha mula sa mga linya o pahayag na

may kinalaman sa kaugaliang dapat taglayin ng bawat
indibidwal.

Subukin Natin

PANUTO: Basahin ang mga tanong at hanapin sa pagpipilian

ang sagot. Isulat ang titik ng tamang sagot sa iyong sagutang
papel.
____ 1. Ano kaya ang maaring maging bunga o epekto sa tao ng
mga katangiang taglay ng sultan?
A. paggalang C. pagkatuwa
B. paghanga D. pagmamalaki
____ 2. Ano ang tawag ngayon sa Kutang-Bato na nasa Mindanao?
A. Cotabato C. Catandunes
B. Catanauan D. Corregidor
____ 3. Anong kultura ng mga Muslim ang makikita sa Pag islam?
A. pag uugali C. paniniwala
B. tradisyon D. pananampalataya

3
____ 4. Sa unang putok pa lamang ay tumimbuwang na ang
kanyang ina. Ang salitang tumimbuwang ay
nagangahulugang ___________.
A. tinamaan at namatay C. bumaligtad at lumagapak
B. nabuwal dahil sa putok D. natumbang patihaya
____ 5. Alin sa sumusunod ang katangian ng isang pinuno?
A. magandang kumilos C. mahusay mamuno
B. may matipunong pangangatawan D. mapagkawanggawa

Balikan Natin

Panuto: Isagawa ang sumusunod na gawain. Isulat ang iyong

sagot sa sagutang papel.

A. Sa pamamagitan ng isang pangungusap, isulat kung anong

paniniwala ang nakapaloob sa sumusunod na gawi o
kaugalian ng mga Pilipino. Gamitin ang mga pahayag na
nagbibigay-patunay tulad ng: totoo, tunay, talaga at tiyak.
1. sama-samang pagsamba sa Panginoon
2. pagbibinyag/pagbabawtismo

B. Bakit mahalaga na matutuhang gamitin ang mga pahayag

na nagbibigay-patunay?

Ating Tuklasin

Basahin mo at unawain ang isa sa mga kuwentong-bayan ng

mga Maranao. Alamin kung masasalamin ba rito ang katangian at
paniniwala ng mga Maranao. Pinakamalaking tribu ng mga
Muslim sa Mindanao ang Maranao. Ang salitang Maranao ay
nangangahulugang “tao ng lawa” sapagkat karaniwan silang
nakatira sa lawa ng Lanao.

4
 NAKALBO ANG DATU
Kuwentong-bayan ng mga Maranao

Ang kuwentong ito ay tungkol sa isang Muslim. Ilalahad dito

ang paniniwala ng mga Muslim tungkol sa pag-aasawa. Sa
kanilang paniniwala, ang isang lalaki ay maaring mag-asawa nang
higit sa isa kung may kakayahang sustentuhan ang pakakasalang
babae at ang magiging pamilya nila.

May isang datu na tumandang binata dahil sa paglilingkod sa

kaniyang nasasakupan. Sadyang lagi siyang abala sa
pamamahala ng kanilang pook kaya nalimutan na niya ang mag-
asawa. Dahil dito, pinayuhan na siya ng matatandang tagapayo
na mag-asawa na upang magkaroon siya ng anak na magiging
tagapagmana niya.

Napilitang mamili ang datu ng makakasama niya

habambuhay. Totoong naging pihikan ang datu dahil sa dami ng
magagandang dilag sa pinamumunuang pamayanan. Ngunit dahil
sa tulong ng matiyagang pagpapayo ng matatandang bumubuo ng
konseho, natuto ring umibig ang datu. Ngunit hindi lamang iisang
dilag ang napili ng datu kundi dalawang dalagang tunay na
magaganda at mababait pa. Dahil sadyang wala siyang itulak-
kabigin kung sino sa dalawa ang higit niyang mahal, pinakasalan
niya ang dalawang dalaga.

Isa sa dalagang pinakasalan ng datu ay si Hasmin. Siya ay

batang bata at totoong napakalambing. Kahit na matanda na ang
datu, mahal ni Hasmin ang asawa. Mahal na mahal din siya ng
datu kaya ipinagkakaloob nito sa kanya ang lahat na hilingin
niya. Dahil sa pagmamahal sa matandang datu, nag-isip si
Hasmin ng paraan upang makmukhang bata ang asawa.

“Ah! Bubunutin ko ang mapuputing buhok ng datu. Sa

ganitong paraan magmumukhang kasinggulang ko lamang siya.”

5
 Ganon nga ang ginawa ni Hasmin. Tuwing mamahinga ang
datu, binubunutan ni Hasmin ng puting buhok ang asawa. Dahil
dito madaling nakakatulog ang datu at napakahimbing pa.

Sadyang mahal din ng datu Si Farida, ang isa pa niyang

asawa. Tunay na maganda at mabait din si Farida ngunit
kasintanda siya ng datu. Tuwang tuwa siya kapag nakikita ang
mga puting buhok ng datu. Tuwing tanghali, sinusuklayan niya
ito. Kapag tulog na ang datu, palihim niyang binubunot ang itim
na buhok ng asawa.

Dahil sa ipinakikitang pagmamahal ng dalawang asawa ay

kuntento na sa kanyang buhay ang datu. Tunay na naging
maligayang-maligaya siya at pinagsisihan niya kung bakit hindi
kaagad siya nag-asawa.

Ngunit gayon na lamang ang kanyang pagkabigla nang

minsang manalamin siya. Hindi niya nakilala ang kanyang sarili.

Kalbo! Kalbo, ako! sigaw ng datu.

Nakalbo ang datu dahil sa pagmamahal ni Hasmin at Farida.

Halaw sa Panitikang Rehiyonal 7, pahina 14-15.

Pokus na tanong: Masasalamin ang paniniwala at katangian ng

mga Maranao sa kanilang mga kuwentong-bayan? Patunayan.

Ating Suriin

Ang kuwentong-bayan ay mga salaysay na likhang-isip

lamang? Lumaganap at nagpasalin-salin ang mga ito sa iba’t ibang
henerasyon sa pamamagitan ng pasalindila. Isa sa mahalagang
elemento ng kuwentong- bayan ang tauhan. Sila ang
gumaganap ng mahahalagang karakter.

6
May dalawang uri ang tauhan:
1. Tauhang lapad (flat character)-hindi nagbabago ang
katauhan mula sa simula hanggang sa magwakas ang
kuwento.
2. Tauhang bilog (round character)-nagbabago ang
katauhan mula sa simula hanggang sa wakas ng kuwento.

Nauuri rin ang tauhan sa katangian ng protagonista at

antagonista. Ang protagonista ang pangunahing tauhan sa
isang akda. Sa kanya nakasentro nang pangyayari. Antagonista
naman ang lumikha ng hakbang upang hindi magtagumpay ang
pangunahing tauhan.

Pansinin mo ang mga salitang initiman sa binasang

kuwentong-bayan. Sila ay mga salitang ginagamit sa
pagbibigay ng patunay.
Ang talagang, sadyang, totoong, tunay nga at iba pang kauri
nito ay mga pahayag/salitang nagbibigay ng patunay. Karaniwang
ang mga ito ay sinasamahan ng ebidensiya o batayan .Maaring
gamitin ang mga katagang gaya, kahit pa, sapagkat, kasi, dahil
at iba pa.
Mga halimbawa:
1. Sadyang laging abala ang datu sa pamamahala sa kanyang
nasasakupan.
2. Totoong naging pihikan ang datu dahil sa dami ng
magagandang dilag sa pinamumunuang pamayanan.
3. Talagang mahal ng datu ang dalawang dilag na pareho
niyang pinakasalan.
4. Tunay ngang masasalamin sa panitikan ang kultura at
kaugalian ng mga taong naninirahan sa lugar na iyon.

Sa pagbibigay ng patunay, karaniwang pinaiikli na lamang

ang sagot. Pinatutunayan na lamang ang pahayag, kaya hindi na
ito inuulit pa.
Gaya nito: Nakawiwili ang aklat na ito. A, totoo iyan.
Talaga.
Tunay.
7
 Ating Pagyamanin

Panuto: Pumili ng isang pangyayari sa binasang kuwentong-

bayan at isulat sa maliit na puso. Iugnay ito sa
kaganapan sa inyong lugar o iba pang lugar sa bansa.
Isulat mo ang iyong sagot sa loob ng dalawang malaking
puso. Gayahin ang pormat sa iyong sagutang papel.
Sikaping gamitin ang mga salita/pahayag na nagbibigay-
patunay.

PAGSASANAY 2
PANUTO: Ilarawan ang sumusunod na mga tauhan. Punan ang
tsart sa ibaba. Gayahin ito sa iyong sagutang papel

Tauhan Katangian Paniwala Sariling

pananaw
Datu
Hasmin
Farida

8
 Isaisip

Maraming nagagawa ang pagbasa. Sa pagbabasa, nasasalamaim

at naiuugnay ang buhay o pangyayari ng ibang tao sa sariling
karanasan ng bumabasa maging sa akdang binabasa nito.
Nakatutulong ang pag-uugnay ng mga pangyayari na
maunawaan ang naiisip ng may akda dahil sa lakip nito ang
sariling kahulugan o interpretasayon na susundan ng pagkilala sa
mga kaisipan at kabisaan ng paglalahad.

Isagawa

PANUTO: Kapanayamin ang iyong nanay/tatay o sinomang

nakatatanda sa inyong bahay tungkol sa paniniwala at kaugaliang
kanilang alam. Isulat mo ang kanilang mga sinabi. Pagkatapos
sumulat ka ng isang talata tungkol dito. Gamitan mo ng mga
pahayag na nagbibigay ng patunay. Gawin mo ito sa iyong
sagutang papel.

9
 Pamantayan sa pagmamarka (RUBRIK)

Pamantayan 5 4 3 2 1
Nakakasunod nang
Nilalaman mahusay sa panuto
Hindi nagkaroon ng
Kalinisan pagbubura sa gawain.
Organisasyon Naisagawa nang malinaw
ang gawain/Angkop ang
mga ideya/pahayag na
isinulat.

Ating Tayahin

PANUTO: Sagutin nang may katapatan ang sumusunod na maga

tanong. Isulat sa sagutang papel ang iyong sagot.
1. Masasalamin ba ang mga paniniwala at katangian ng ilang
Maranao sa kanilang mga kuwentong-bayan? Ipaliwanag.
2. Bakit mahalaga ang paggamit ng mga pahayag/salita na
nagbibigay ng patunay sa pagpapahalaga sa mga kwentong-
bayan?

Karagdagang Gawain

Sumulat ng isang talata na magpapatunay na ang kuwentong-

bayan ay salamin ng mga kaugalian at kalagayang panlipunan ng
lugar na pinagmulan. Sikaping isaalang-alang ang paggamit ng
mga pahayag na nagbibigay ng patunay. Isulat sa sagutang papel
ang talata.

10
Gabay sa Pagwawasto

Sariling Sagot
Pagsasanay 2:

c
Sariling sagot
Sariling sagot
Pagsasanai 1:
Balikan
Pagyamanin:

Sariling pagkaunawa
5. C Isaisip
4. A
3. C Sariling pagkaunawa
2. A Tayahin
1. A Sariling pagkaunawa
Subukin Natin Suriin
Sariling pagkaunawa
Isagawa

Sanggunian

AKLAT:
 Baisa, Ailene G. et al. Pinagyamang Pluma 7. Phoenix
Publishing House Inc, 2014.
 Dela Cruz, Leonora. Gantimpala: Pinagsanib na Wika
at Panitikan. Innovative Education Materials, INC.
 Dillague, Nora M. et. al. Sandigan: Sining ng Komunikasyon
para sa Mataas na Paaralan. Phoenix Publishing House, Inc.
Quezon City.
 Panitikang Rehiyonal-Kagamitan ng mga mag aaral..pahina
12-22

11