PERBUATAN YANG DAPAT MERUSAK

AMAL KEBAIKAN
Oleh:
Drs. ABIDIN LAENTO, S.Pd.I

‫االسالم عليكم ورمحة اهلل وبركاته‬

‫ف اَْألنْبِيَ ِ!اء َواْمل ْر َسلِنْي َسيِّ ِدنَا حُمَ َّم ٍد‬ ِ ‫السالَم علَى َأ ْشر‬
َ َ ُ َّ ‫الصالَةُ! َو‬ َّ ‫ب اْ َلعالَ ِمنْي َو‬ ِ ‫اَحْل م ُد‬
ِّ ‫هلل َر‬ ْ َِ
ُ .‫ ََّأما َب ْع ُد‬. ‫َأص َحابِِه َأمْج َعِنْي‬ ِ
ْ َ ‫َو َعلَى آله‬
‫و‬
‫ين ءَ َامنُوا‬ َ ‫ {يَاَأيُّ َها الَّ ِذ‬.‫فقد قال اهلل سبحانه وتعاىل أعوذ باهلل من الشيطان الرجيم‬
‫ب‬ُّ ِ‫ضا َأحُي‬ ً ‫ض ُك ْم َب ْع‬ ُ ‫ب َب ْع‬
ْ َ‫ض الظَّ ِّن ِإمْثٌ َواَل جَتَ َّس ُسوا َواَل َي ْغت‬ ِ ِ ِ
َ ‫اجتَنبُوا َكث ًريا م َن الظَّ ِّن ِإ َّن َب ْع‬
ْ
ِ َّ ‫ِإ‬ َّ ِ ِ ِ
:‫يم} (احلجرات‬ ٌ ‫اب َرح‬ ٌ ‫َأح ُد ُك ْم َأ ْن يَْأ ُك َل حَلْ َم َأخيه َمْيتًا فَ َكر ْهتُ ُموهُ َو َّات ُقوا! اللهَ َّن اللهَ َت َّو‬
َ
.)12
Sininna umma selleng malebbi engkae riamasei ri Puang Allah Ta'ala.
Tosukkurussi mappoji lao ri sese arajanna Puang Allah Ta'ala, nasaba engkatasi
nawereng umuru malampe nenniya ajjappa-jappang natopada engkasi hadere ri
lalenna iyyae onrongnge sikira-kira akkatta untuk pasilennerengi pakkasiwiyattta
naweddingngi lao ri sese arajanna Puang AllahTa'ala, mammuware Puang Allah
Ta'ala engkai simata natarima lempu sininna pakkasiwiyatta naweddingi matu
napasiduppayakki decenna ri lino nalebbi-lebbipiha matti ri ahera, insya Allah.
Makkotoparo tekkiyallupaitopa massalawa nenniya mappassalama lao ri Nabitta
Muhammad saw, Nabi iyya mpataengngi rupa tauwe pole riapusange natiwi lao ri
laleng patujue, mamuwarei nasaba barakkanna' assalawatta nenniya appassalamatta
lao ri Nabitta Muhammad saw. weddingngi mancaji appanganro-anroang matti ri esso
rimunrinna Puang Allah Ta'ala.
Sininna umma selleng malebbi engkae riamasei ri Puang Allah Ta'ala.
Ri lalenna iya wettu mabbarakkae upomenasai malai sebagai pallise wettu
iyanaritu engka tellu hal iya weddingnge paccappui amalatta idi rupa tauwe iyanaritu:
1. Pau-pau rimonrie (gibah)
2. Sere atie (hasut/dengki)
3. Appalettu-lettu salae (adu domba/fitnah)
Sininna umma selleng malebbi engkae riamasei ri Puang Allah Ta'ala.
Taroni upannessangekki tasseddi-seddi, iyanaritu:
1. Pau-pau roimonrie (gibah)
Naiyya riasengnge pau-pau rimonri iyanaritu ripaunna ja’na tauwe natanniya
pato. Makkedai Nabitta Muhammad saw rilalenna seuwae haddese'na:

.)‫اك مِب َا يَكَْرهُ َف َق ِد ا ْغتَْبتَهُ! (رواه مسلم‬

َ ‫َأخ‬
َ ‫ت‬َ ‫ِإذَا ذَ َك ْر‬
Bettuanna: Narekko mupouwi keadaanna padaorowanemu rigau
engkana nacacca rekkoero, majeppu iyanaritu
nariyaseng pau-pau rimonri.
Riwettuero makkedai sahaba’e, pekkoni narekko makkomemengngi, E…
surona Puang Allah Ta'ala? Aga nappebalina Nabitta makkedae:
.)‫ َوِإ ْن مَلْ يَ ُك ْن فِْي ِه َما َت ُق ْو ُل َف َق ْد َب َهتَّهُ (رواه مسلم‬،ُ‫ِإ ْن َكا َن فِْي ِه َما َت ُق ْو ُل َف َق ِد ا ْغتَْبتَه‬
Bettuanna: Narekko makkomemengi aga mupau majeppu pao-pao
rimonriwi asenna, narekko de nappakkuwa pada toha
mupaue, majeppu iyanaritu nariyaseng belle iyaregga
fitnah.
Sininna umma selleng malebbi engkae riamasei ri Puang Allah Ta'ala.
Jaji iyaro riyasenge pau-pau rimonri desiseng nawedding ripapole nasaba
uppanna-uppanna naripapole berarti nariabberangi amalatta lao ri tau laingnge
gangkannna narekko megani tau pura ripau ja’na, matti ri esso rimunri pole manengi
tau purae ripau nadenana gaga wedding riakkamajareng sangadinna amalatta mani
bawang. Padatoha kajajiangnge rialena Pangulutta Imam Syafi’i wettunna engka tau
palettukengi makkedae E… puang, engka tau pauwi ja’ta, iyaro wettue Pangulutta
Imam Syafi’i naengkalingai iyaro adae tappa lesui ribolana mala ulaweng nainappa
nadokkoreng iyaro tauwe, inappa makkedai tiwirengi iyae tauwe pauengngi ja’ku, aga
nakkutanana iyaro tauwe lao ri Pangulutta Imam Syafi’i, magi namega ladde mani
hadiah tawerengi iyaro tauwe pauengngi ja’ta puang, makkedai Pangulutta Imam
Syafi’i iyatu ulawenge narekko mateka usalai maneng naekiya amala nawerengekka
iyaro tauwe paungi ja’ku narekko mateka sibawaka muttama rilalenna kubburukku.
Sininna umma selleng malebbi engkae riamasei ri Puang Allah Ta'ala.
Naiyya ja’na iyaro pau-pau rimonrie naseng Nabitta Muhammad saw rilalenna
seddie haddese'na turu pekkogi pabbettuanna makkedae: Nigi-nigi tau mappau-pau
rimonri siseng nade’ natoba namate, alena monriolo tama ranaka, na nigi-nigi tau
mappau-pau rimonri natobamua namate alena marimonri muttama suruga.
Sininna umma selleng malebbi engkae riamasei ri Puang Allah Ta'ala.
Riyolo tekkupaggangkanna iyaewe bicarakku lebbiriyolo urampengkki seddi
riwayat makkedae: riyolomero engka seuwa tau mannippi, iyaro tau mannippie naitai
rilaleng tinrona, ripodanngngi makkedae narekko messuko matu koele’i agi-agi mita
anre’i, makkaduanna taroi, makkatellunna tarimai sibawa madeceng, maeppana aja
mupetturennu, malimana lariko, aga naiya riwettu paseddinna messutongenni maele,
naiyya nariwettu messuna, naiya bunge naritae iyanaritu bulu maloppo namatanre, aga
naddepperini iyaro bulue rigau engkana takkajenne, naiya wettunna maddeppe iyaro
bulue tappa mancajiwi baeccu, iyaro onna bulue tappa mancaji padamani laona nanre
sitimpue aga nalani nanrei, nadeppa naengka nanre anre makkuaro pada-pada
cenninna, purai kkua napuadani makkedae Alhamdulillah, purairo joppasi sijoppa-
joppanna aga naruntunna sitekke ulaweng, aga ningngerassi pappaseng maduae
makkedai taroi, aga nalemmenni iyaro ulawenge, niya purana nalemme mompoi iyaro
ulawenge aga nalemmesi paimeng gangkanna genne wekka tellu gangkanna makkedai
rilaleng atinna purani utaro.
Purai kua joppasi sijoppana gangkanna lettui risewwae onrong, naitai engka
seddi manu-manu rilellung ri jana’e, aga nakkedana iyaro manu-manu’e lao riiyaro
onnang tauwe, tulukka, aga naingerassi pappaseng matellue makkeda tarimai, aga
natarimai iyaro onnang manu-manu’e, naputtamani rikantonna, aga nakkedana iyaro
onnang jana’e, e… rupa tauwe tulukka kasi tawerekka iyatu manu-manu’e nasaba
malupu laddekka de’pa nengka wanre puppukesso, aga nateppa nengerangi pappaseng
maeppae makkedae aja muapettu rennu, aga nausahani palece’i iyaro jana’e
gangkanna medde iyaro jana’e de najaji nanre iyaro manu-anu’e, naekiya iyaro onna
tauwe nasepai cedde jukuna poppanna inappa nawereng iyaro jana’e, nakkeda iyana’e
muanre assaleng ajamua muanre iyae manu-manu’e, purai kua nalleppessanni
paimeng iyaro manu-manu’e.
Gangkanna joppasi si joppa-joppana takko tappa runtu’si sewwa bakke
makebbong baunna, nengerassi pappaseng malimae makkedae lariko, aga nalarina
pole rirekkoero bakke makebbonge narewe lao ribolana.
 Naiya wenninna mannippisi iyaro onnang taue, naiya riwettu mannippinna
naellauwi sarekkoammengi narifannessangengi akkattana nippinna, aga
naripannessangenna makkedae iyaro pammulange iya muanre iyanaritu "caimu"
muitai maloppo naekiya sabbarakko perengi gangkanna nancaji baiccu namacenning
rasana, maduanna iyanaritu "amala madecemmu" mauni musobbui mampo mutoi
panggakanna, gangkanna naisseng maneng taue, matellunna iyanaritu "amanah’e",
narekko riwerekki amanah parellui rilakaksanakan sibawa madeceng, maeppana
iyanaritu narekko engka tau mellau tulung ri idi tulullaloi sesuai sibawa
kemammpuatta walaupun kita harus mengorbankan diri sendiri, malimanna iyanaritu
"pau-pau rimomnri’e", aja lalo mupojiwi pau-pau rimonriwi ja’na padamu rupa tau
nasaba uppa-uppanna mupauwi ja’na padamu rupa tau majeppu padaitu narekko
manreko nanre makebbong. Narimakkuannanaro pada tabelai laloi riyasenge pau-pau
rimonri.
Kunie upaggangka riyolo naimonripasi risambungi bicaratta, mamuare
napabbarakka’i Puang Allah Ta’ala.
2. Sere atie (hasut/dengki)
‫ {واتل علَي ِهم نبَأ اب ءادم بِاحْل ِّق ِإ ْذ قربا قربانا فتقبل ِمن ِمِه‬:‫قال اهلل تعاىل‬
ْ‫َأحد َا َومَل‬
َ ْ َ ُِّ ُ َ ً َ ُِْ َ َّ َ َ َ َ َ ْ ‫َ ْ ُ َ ْ ْ ََ ْيَن‬
ِ َ َ‫يَُت َقبَّ ْل ِم َن اآْل َخ ِر ق‬
.)27 :‫ني} (املائدة‬َ ‫َّك قَ َال ِإمَّنَا َيَت َقبَّ ُل اللَّهُ م َن الْ ُمتَّق‬
َ ‫ال َأَل ْقُتلَن‬
Artinya: Ceritakanlah kepada mereka kisah kedua putera Adam (Habil dan Qabil)
menurut yang sebenarnya, ketika keduanya mempersem-bahkan korban,
maka diterima dari salah seorang dari mereka berdua (Habil) dan tidak
diterima dari yang lain (Qabil). Ia berkata (Qabil): "Aku pasti
membunuhmu!". Berkata Habil: "Sesungguhnya Allah hanya menerima
(korban) dari orang-orang yang bertakwa".
Sininna umma selleng malebbi engkae riamasei ri Puang Allah Ta’ala.
Naiyya defenisinna riyasengnge sereati iyanaritu majana pappeneddingnge mitai
tau laingnge narekko riwerengngi pappadalle pole ri Puang Allah Ta’ala.
Sitongenna iyaro riyasenge sereati lomui pada ja’na pau-pau rimonri’e iyanaritu
weddingngi napaccappui amala’e pada toha makkedanna Nabitta Muhammad saw ri
lalenna seuwa haddese'na iyanaritu:
ِ ِ ِ ‫ِإ‬
َ َ‫َّن اْلغ َّل َواْحلَ َس َد يَْأ ُكالَ !ن اْحلَ َسنَات َك َما تَْأ ُك ُل النَّارُ اْحلَط‬
)‫ب (ابوداود‬
Bettuanna: Majeppu pau-pau rimonrie nenniya sereatie iya dua
manrei decengnge padatoha akkanrena apie ri aju
tunungnge.
Makkedai Nabitta ri lalenna Haddese laingnge:
ِ ‫ِإ‬ ‫ِإ‬
.‫ب‬ ُ ‫يَّا ُك ْم َواْحلَ َس َد فَ َّن اْحلَ َس َد يَْأ ُك ُل اْحلَ َسنَات َك َما تَْأ ُك ُل الن‬
َ َ‫َّار اْحلَط‬
Bettuanna: Upattikekkotu mennang naiyya riyasengnge sereati, nasaba riyasengnge
sereati nanre decengnge padatoha akkanrena apie ri aju tunungnge.
Sininna umma selleng malebbi engkae riamasei ri Puang Allah Ta’ala.
Onro ja’na riyasengnge sereati gangkanna seddi ahli hikmah mappoadai
makkedae, ati-atiko pole riyasengnge sereati, nasaba pammula-mulang dosa kajajiang
ri langie nenniya ritanae nassabari iyanaritu "sere ati". Ri langie iblis mattojoi pole
riparentana Puang Allah Ta’ala hanya karena gara-gara isuromi suju’ lao ri Nabi
Adam nade namelo suju’ nasaba masere atinnai lao ri Nabi Adam. Naiyatosi rilebo'a
iyae lino, iyanaritu Qabil naunoi anrinna riyasenge Habil nasssabaritu sereati.
Sininna umma selleng malebbi engkae riamasei Ri Puang Allah Ta’ala.
 Pura marissengengngi ri seseta makkedae iyaro pangulutta Nabi Adam sibawa
pangulutta Hawa rimunri purana siala gangkanna mabbija-bija, menurut riwayat
makkedae iyaro pangulutta Hawa wekka 21 memmana, tungke-tungke ananna taddua
siseng (kabai naseng tobonewe). Ana mammulanna iyanaritu Qabil sijajiangi
riyasengnge Iqlima, maduae iyanaritu Habil sijajiangi riyasengnge Layudza dan
kembar terakhir iyanaritu riyaseng Abdul Mughits sijajiangngi riyasengnge Ammatul
Mughits, naiya ana paccappurenna Nabi Adam menurut riwayat ritellae Nabi Sits, iya
Nabi Sits degaga kembarna jaji egana ananna Nabi Adam yamanenna iyanaritu 41 =
(20 x 2 + 1).
Wettuero parentae pole ri Puang Allah Ta’ala, nasuroi Nabi Adam pakawingi
ana’na dengan syarat de nawadding newa siala sijajianna jadi iyaro wettue, Qabil
mestinna sialai Layudza sedangkan Habil sialai Iqlima, iyaro pasanganna Qabil maja
tappana iyatosi pasanganna Habil iyanaritu Iqlima, naiyaro Iqlima makessing tappana
(cantik). Gangkanna iyaro Qabil de namaelo mewai siala Layudza nasaba tau maja
tappana aga masere atini anrinna nasaba anrinna makessing tappana naewa siala,
gangkanna napoleini sere ati Qabil nassabari naunoi anrinna riyasenge Habil. Maka
terjadi pembunuhan pertama di atas bumi ini gara-gara sereati.
Sininna umma selleng malebbi engkae riamasei ri Puang Allah Ta’ala.
Onro ja’na riyasenge sereati, gangkanna pangulutta Muawiyah nappasengengngi
lao riumma’na makkedae, E… sininna ummakku abelai riyasenge sereati nasaba iyaro
tau masereatie weddingngi nakenna 5 rupanna abalae iyanaritu:
1. Nakennai lasa doko (makojo naseng tobonewe) nasaba denna nullei matinro
matanna tuli nawa-nawai anu nalolongenge taue.
2. Nakennai lasa bota nasaba de napaja tuli pikkirikiwi anu nalolongenge taue.
3. Maloang matanna nasaba de napaja najelling warangparanna taue.
4. De naritangnga ri Puang Allah Ta’ala nasaba tangnga pammase.
5. De nullei lolongeng asennanngeng nasaba maja’na pappaneddinna mitai bali
bolana lolongeng warangparang maega.
Sininna umma selleng malebbi engkae riamasei ri Puang Allah Ta’ala.
Makkedai Anre Gurutta Hasan Basri seddie pattasawwufu maraja, duami tau
parellu ri sereati, iyanaritu:
1. Tau kepaddisengenge de’e napaja simata mappanganroangi paddissengenna
esso wenni.
2. Tau sogi simata-mata mabbereangengngi waramparanna ritujunna laleng
napojie Puang Allah Ta’la.
Makkedai topi pangulutta Hasan Basri, engka Tellu tau de naritarima
paddoangenna iyanaritu:
1. Tau de nappesau mare anu haram

.‫َّار اَْوىَل بِِه‬ ٍ ِ ‫ُك ُّل حَل ٍم نَب‬

ُ ‫ت م ْن َحَرام فَالن‬
ََ ْ
Bettuanna: Tungke-tungke juku pekke’e pole ri anu harangnge apipa matu
pabbissaana.
2. Tau napoji’e mappao-pao rimonri.
3. Tau engkae sereati ri lalenna atinna.
Sininna umma selleng malebbi engkae riamasei ri Puang Allah Ta’ala.
Riyolo tekkupaggangkanna iyae bicarakku maeloka werekki seddie riwayat
iyaregga kissah makkedae engka sewwa esso pangulutta Anas, tettong ri seddena
Nabitta sibawa sahaba’ lainge massempajang sunna qabliyah. Purai massempajang
qabliyah Nabitta sibawa sahaba’e maeloni kame pangulutta Anas naripuadang ri
Nabitta makkedae, ajasana yolo mukame’ nasaba engkaro risaliweng tau lise suruga
maelo mewaki sibawa massempajang, naiya wettu tamanana iyaro tauwe inappani
kame’ pangulutta Anas.
Purani massempajang taue engkana seddie sahaba penasaran maelo missengi
aga amalanna iyaro taue naritanggungi ri Nabitta tau lise suruga, gangkanna naccueri
iyaro taue lettu ri bolana, makkedai sahabae lao ri tau engkae ritanggungi ri Nabitta
tau lise suruga. Agaro amala ripugau gangkanna naritanggungiki Nabitta muttama ri
laleng suruga. Makkedai iyaro sahaba’e detogaga sedding istimewa ri seseku,
gangkanna iyaro sahaba’e tuli naperhatikangi gauna iyaro tauwe, nade naoto
massempajangpenni narekko wenniwi nenniya deto nappuasa sunna narekko essoi.
Makkuaniro gau'na iyaro sahaba’e gangkanna lettu tellungesso tellumpenni
monro ribolana iyaro taue, nenniya gennenna tellumpenni monro aga nadesa'ni
(napassani) iyaro taue sarekkoammengi naripuadang iyaro amala’na iya istimewae
napogau gangkanna rijamin ri Nabitta muttama rilalenna suruga. Aga nakkedana iyaro
taue lao ri sahaba’e tellumpenniki’tu monro robolaku detu gaga istimewa muita
upegau, nasaba matinro matokka deto woto massempajang mpenni, deto wappuasa
sunna ko essoi. Iyamiro bawang sipungekku tuo rilebonna iyaewe lino, de upuada
seddie ada narekko tanniya tongeng nenniya deto naengka naompo ri laleng atikku
riyasengnge sereati lao ri padakku rupa tau. Aga nakkedana iyaro sahaba’e iyanatu
amala mupogau nassabari najamikko Nabitta tau lise suruga.
3. Appalettu-lettu salae (adu domba/fitnah)
ِ ُ‫َفتَبَّينُوا! َأ ْن ت‬ ‫اسق بِنبٍأ‬
ِ ِ َّ
‫صيبُوا! َق ْو ًما‬ َ ََ ٌ َ‫ين ءَ َامنُواِ ِِإ ْن َجاءَ ُك ْم ف‬
َ ‫الذ‬ ‫ يَاَأيُّ َها‬: ‫قَ َال اهللُ َت َعاىَل‬
ٍ ‫جِب‬
.)6 :‫ني (احلجرات‬ َ ‫َما َف َع ْلتُ ْم نَادم‬ ‫صبِ ُحوا! َعلَى‬ ْ ُ‫َ َهالَة َفت‬
Sininna umma selleng malebbi engkae riamasei ri Puang Allah Ta’ala.
Gau weddinge solangi iyaregga paccappui amala’e yang ke 3 iyanaritu:
"Applettu-lettu salae". Naiya appalettu-lettu salae rilaenna Bahasa Arab’e ritellai
namimah (‫ )مَنِْي َمة‬yang dalam bahasa Indonesia dikatakan "mengadu domba".
Naiyya appalettu-lettu salae weddingngi nassabari nasisala-sala taue, iyana biasa
napogau tau fase’e riyolo gangkanna nassabari naturun iyae ayae iyanaritu Surah Al-
Hujurat Ayat 6 iyanaritu rimakkedanna Puang Allah Ta’ala:
‫اسق بِنبٍأ‬
ِ ِ
...‫َفتََبَّيُن ْوا‬ ََ ٌ َ‫ يَاَأيُّ َها الَّذيْ َن َآمُن ْوا ِإ ْن َجاءَ ُك ْم ف‬: ‫قَ َال اهللُ َت َعاىَل‬
Bettuanna: E… sininna tau mateppe’e narekko napoleikotu mennang seuwa tau fase’
tiwirakko biritta (kareba) salidiki lebbiriyolo….
Sininna umma selleng malebbi engkae riamasei ri Puang Allah Ta’ala.
Narekkko iritai ayae riyase samanna Puang Allah Ta’ala napattikekki ritujunna
riyasenge appalettu-lettu sala, apalagi narekko iyaro tau tiwiengngi iyaro birittae
iyarega karebae tau fase (tau nafoji memeng mappasisala-sala), parellui ritangnga
riyolo iyaro biritta iyarega karebae, nasaba nigana missengngi iyaro birittae iyarega
karebaero hanya werekkada provokatormi, maelomi pasisala-sala taue nassabariwi
wedding terjadi perang saudara, padatoha biasae irita ritelevisie, engka terjadi di
beberapa daerah di Indonesia, pada-pada’na kajajiange ri Poso, Maluku dan
sebagainya. Iyamanengro engka maneng saba’na pole riyasenge appalettu-lettu sala
gangkanna terjadi korban akibat perang saudara tersebut.
Sininna umma selleng malebbi engkae riamasei ri Puang Allah Ta’ala.
Narampei Nabitta ri lalenna seuwae haddesenna turu pekkotoha pabbettuanna
makkedae: Tellu rupanna nassabari namawere paccallanna seddie tau rilalenna
kubburunna iyanaritu:
1. Appau rimonrie
2. De’na namapaccing pole ritemena
3. Appaletu-lettu salae
Sininna umma selleng malebbi engkae riamasei ri Puang Allah Ta’ala.
Purai kajajiang riolo seddi tau melo balui atanna lao ri seddi tau. Aga nakkedana
iyaro tau meloe melliwi iyaro atae magi mumaelo balui atammu, makkedai iyaro tau
punnai ata: iyae atakku napoji ladde mappalettu-lettu salae. Makkedai iyaro tau meloe
melliwi iyaro atae narekko iyatu bawang kekurangenna taroni uwelli iyatu atammu,
puraikkua nawajani ellinna lapong ata inappa nalai iyaro atae natiwi lao ro bolana.
Tessiagai ettana monro ri bolana, poleni abiasanna iyaro lapong ata iyanaritu
napoji mappalettu-lettu sala, mula-mulanna napoadangi benena gau'na makkedae
iyaro bapa’mu dena napojiki gangkanna iyaro bapa’e melo gare’ tellekki inappa
mabbene paimeng, puraikkua laosi napoadang lakkainna (bapa’e) makkedae, iyanaritu
baineta makkukkuawe menyelewengi engka burane napoji lainge gangkanna dena
napojiki, gangkanna maeloitu beneta gereki, purai kua laosi ri benena puangna
puadangi makkeda narekko meloki napoji lakkaitta nenniya taccaingi mabbaene
faimeng narekko matinro bapa’e laoki takellui janggonna nasaba kebetulangi iyaro
lakkainna malampe memeng janggonna, purai kua laosi napoadang bapa’e makkedae,
iyaro baeneta meloitu gereki narekko meloki mitai buttinna laoki rilewuretta inappa
tajjei matinroe, aga najoppatongenna bapa’e lewu bapa’e nainappa joppatongenni
najjetongenni matinroe, de namitta pole tongenni benena tiwi piso cukkuru maelo
nakellu janggonna lakkainna, naiya lakkainna riwettu naitana benena tiwi piso
cukkuru makkedani atinna ilaleng maelo tongenni mpunoka baineku padatoha
napoadae atakku, aga nateppa motoni lakkainna nasittaiwi bainena inappa nagere
bainena gangkanna mate, naiya naisenna tomatuanna lapong makkunrai, makkedai
riunoi ana’na aga nauno toni ritu manettunna, naiya purana nauno manettunna teppa
naissettoi tomtuanna tomatuanna lapong burane makkedai riunoi ana’na ri bisenna,
aga nateppa joppatopa taomatuanna lapong burane maeloto mpunoi bisenna, aga
naterjadina perang saudara di kedua bela pihak gara-gara wasselenna appalettu-lettu
salae denre.
Sininna umma selleng malebbi engkae riamasei ri Puang Allah Ta’ala.
Makkuniro seddie gau kajajiang ritujunna seddie keluarga sampai terjadi
pertumpahan darah sampai kedua belah pihak, narimakkuannanaro pangulutta Ali
Karramallahu Wajha napoadai makkedae narekko nalettukiki biritta (kareba) oloiwi
nasaba enneng (6) passaleng sarekkuamengngi aja napoleiki sessekale maddi monri,
iyanaritu:
1. Aja mumasitta mateppa narekko napoleiko biritta iyarega kareba,
nasaba ajakke kareba lattu-lattumi (hanya kabar burung saja).
2. Tangngai iyaro tau palettuengi iyaro karebae ajakki tau
napojimememmi mappasisala-salae (jangan sampai orang itu hanya provokator).
3. Narekko naletturiko kareba tangngai riyolo iyaro karebae, narekko
kareba madeceng asittakko pugau’i, narekko kareba mappasisala-sala abelaiwi
salama’notu.
4. Narekko engka silessuremmu iyarega seajimmu nalettuki biritta
makkuaro asittakko pangajariwi engkanotu laksanakangi riyasenge amar ma’ruf
nahi mungkar.
5. Aja mupoji teppa pattongengi narekko nalettukiko kareba
temmannessa, nasaba ajakke kareba melomi mappasisala-sala.
6. Aja muteppa sebar luaskangi iyaro beritae lao ritau egae nasaba
rigau missengngi maelomi mappasisala-sala gangkanna weddingi terjadi riyaseng
perang saudara.
Makkuniro urapisie rampengekki mammuare engka napabbarakka Puang Allah
Ta’ala lao pada riidi maneng, makkuatoparo lao rialena tau mabbicarae, nassabari
nawedding rilolongeng upe’e rilino nenniya asalamakeng matti ri wanua ahera.
 ‫لسالَم علَي ُكم ورمْح ةُ ِ‬
‫اهلل َو َبَر َكاتُه‬
‫ُ‪.‬‬ ‫اهلل الت َّْوفِْي ُق َو َّ‬
‫الس َع َادةُ‪ ،‬اَ َّ ُ َ ْ ْ َ َ َ‬
‫وبِ ِ‬
‫َ‬