The Finality of God’s Revelation in Christ January 8, 2023
Hebrews 1:1-8, John 1:16-18
Noong una, nagsalita ang Diyos sa ating mga ninuno sa iba't ibang
panahon at sa iba't ibang paraan sa pamamagitan ng mga
propeta. 2 Ngunit sa mga huling araw na ito, siya'y nagsalita sa
atin sa pamamagitan ng kanyang Anak. Sa pamamagitan ng Anak
ay nilikha ng Diyos ang sanlibutan, at siya ang piniling
tagapagmana ng lahat ng bagay. 3 Nakikita sa Anak ang
kaluwalhatian ng Diyos. Kung ano ang Diyos ay gayundin ang
Anak. Siya ang nag-iingat sa sansinukob sa pamamagitan ng
kanyang makapangyarihang salita. Pagkatapos niyang linisin tayo
sa ating mga kasalanan, siya'y umupo sa kanan ng
Makapangyarihan doon sa langit.
4 Ang Anak ay ginawang higit na dakila kaysa mga anghel, tulad
ng pangalan na ibinigay sa kanya ng Diyos ay higit na dakila. 5
Sapagkat kailanma'y hindi sinabi ng Diyos sa sinumang anghel,
“Ikaw ang aking Anak,
mula ngayo'y ako na ang iyong Ama.”
Ni hindi rin niya sinabi sa kaninumang anghel,
“Ako'y magiging kanyang Ama,
at siya'y magiging aking Anak.”
6 At nang isusugo na ng Diyos ang kanyang panganay na Anak sa
sanlibutan ay sinabi niya,
“Dapat siyang sambahin ng lahat ng mga anghel ng Diyos.”
7 Tungkol naman sa mga anghel ay sinabi niya,
“Ginawa niyang hangin ang kanyang mga anghel,
at ningas ng apoy ang kanyang mga lingkod.”
8 Ngunit tungkol sa Anak ay sinabi niya,
“Ang iyong trono, O Diyos, ay magpakailan pa man,
ikaw ay maghaharing may katarungan.
INTRODUCTION
 Si Jesus ang pinaka lubusan at kahulihan na kapahayagan
ukol sa Dios: Sinabi sa Hebreo 1:1-2a kung paano nangusap
sa atin noon ang Dios: “Noong una, nagsalita ang Diyos sa
ating mga ninuno sa iba't ibang panahon at sa iba't ibang
paraan sa pamamagitan ng mga propeta. 2 Ngunit sa mga
huling araw na ito, siya'y nagsalita sa atin sa pamamagitan
ng kanyang Anak.” Ito ay isang napakalawak na pananaw sa
kasaysayan ng pagtubos, na binibigyang-diin ang
pangungusap ng Dios sa Kanyang mga pinili sa
pamamagitan ng Kanyang mga Salita. Ibinibigay ng Dios ang
kapahayagan ukol sa Kanyang sarili sa pamamagitan ng
kalikasan, ng Kanyang patnubay, at gabay ng ating budhi.
Ngunit ang mga ito ay hindi sapat para sa kaligtasan.
Ibinibigay ng Dios ang espesiyal na kapahayagan sa
pamamagitan ng Kanyang salita at ni Cristo na Siyang
pinakamataas sa mga kapahayagan, ang Salita ng Dios na
nagkatawang-tao (Juan 1:18).
Sa pamamagitan Niya malinaw na nakikita natin ang Dios.
(Heb. 1:1–4).
BODY OF THE MESSAGE
 Jesus is Creator. Verse 2:
“Sa pamamagitan ng Anak ay nilikha ng Diyos ang sanlibutan.”
Si Jesu-Cristo ang lumikha ng lahat ng bagay (Juan 1:3;
Col.1:16)
Siya ay lumikha mula sa kawalan. Makapangyarihan ang
ating Dios.
Ang lahat ng nilalang ay umaasa sa Lumikha sa kanya,
samakatuwid nararapat lamang na lubusan tayong umasa
kay Cristo.
 Jesus is Radiator and Imprint. Verse 3:
 “Nakikita sa Anak ang kaluwalhatian ng Diyos. Kung ano ang
Diyos ay gayundin ang Anak.”
Si Jesu-Cristo ang sinag ng kaluwalhatian ng Dios (Heb.1:3a)
Ang kahulugan ng salitang sinag (“radiant”) ay
nagpapahiwatig ng matinding liwanag at kaningningan ng
Dios. Hindi lamang Siya reflection ng kaluwalhatian ng Dios,
Siya mismo ang pinagmumulan ng liwanag na ito.
(commentary)
Siya rin ay ang eksaktong larawan ng kalikasan ng Dios. ang
Kaniyang karakter ay ang karakter ng Dios. si Jesus ay ang
“kalikasan ng Dios,” Siya ay “larawan ng Dios na hindi
nakikita”. Hindi lamang tayo nagkaroon ng impormasyon
patungkol sa Dios kay Jesus. Si Jesus mismo ang Dios.
Ang karakter ng Ama, Exodus 34:6 – “Si Yahweh ay nagdaan
sa harapan ni Moises at sinabi niya, “Akong si Yahweh ay
mahabagin at mapagmahal. Hindi ako madaling magalit;
patuloy kong ipinadarama ang aking pag-ibig at ako'y
nananatiling tapat.”
“Si Yahweh ay mahabagi't mapagmahal, hindi madaling
magalit, wagas ang pag-ibig.” (Awit 103:8)
Jesus; character (Mat 9:36, 11:28-29; Jn 8:11,13:1,34,15:13;
Luke 23:34)
Walang ibang katulad ang ating Dios. Siya ay mabuti
magpakailan man.
 Jesus is Upholder. Verse 3b:
“Siya ang nag-iingat sa sansinukob sa pamamagitan ng
kanyang makapangyarihang salita.”
Ang kahulugan nito ay hawak Niya ang buong kalawakan o ang
buong daigdig ng Kanyang makapangyarihang mga kamay.
Lahat ng mga bagay.
Mga nakikita o hindi nakikitang nilikha.
Hindi lamang sa mga malalaking bagay, nakatuon din ang
Kanyang pansin sa mga ibon sa parang (Mat. 10:29-30, Luk.
12:6, Mat. 6:25-26)
Hindi Siya napapagod. Lagi Siyang masigla. Kaya nga ang iyong
mga pangangailangan ay hindi problema sa Kanya. Ito ay isang
oportunidad para sa Kanya na makita ang biyaya Niya. Hawak
Niya ang buong kalawakan sa pamamagitan ng kapangyarihan
ng Kanyang salita, kaya kung kailangan mo Siya, walang
maaring makakahadlang upang tumugon Siya para sa iyo.
 Jesus Fulfilling God’s Redemptive Plan
Sa plano ng Dios sa kaligtasan, ang Anak ang “Siyang naglinis sa
ating mga kasalanan”, at pagkatapos “siya'y umupo sa kanan
ng Makapangyarihan doon sa langit.”(v.3)
Walang sinuman na makakagawa nito maging ang mga anghel
(v.4). Tanging ang Panginoon lamang ang maaari. Samakatuwid,
si Jesus ay Dios!
Kay Jesu-Cristo mayroon tayong katubusan sa pamamagitan ng
Kanyang kamatayan sa krus na “naglinis sa ating mga
kasalanan” (v.3c)
“Sa kanya lamang matatagpuan ang kaligtasan, sapagkat
walang ibang pangalan sa buong daigdig na ibinigay ng Diyos
sa mga tao upang tayo ay maligtas.” (Gawa 4:12)
CONCLUSION
Dahil ang kahuli-hulihang kapahayagan ay dumating na, ang
implikasyon nito ay ang kapahayagan ay tumigil na at wala ng bago
na dapat pang ipahayag patungkol sa Dios na hindi pa
naipapahayag sa katauhan ni Cristo. At ang lahat ng kapahayagan
ukol sa Dios ay naitala na sa Kasulatan upang magamit sa
pagtuturo, sa pagtatama, sa pagtutuwid at pagsasanay sa lahat ng
bagay upang mabigyang kaluguran at kaluwalhatian ang Dios. Kung
gayon ay hindi na natin kailangan ang isang propeta upang
mangusap para sa atin upang kumuha ng direksiyon sa ating buhay
o maging sa panaginip o pangitain upang gabayan tayo. Ang biblia
lamang ay sapat na upang marinig ang tinig ng Dios na ipinahayag
sa pamamagitan ng Anak: “Ito ang aking Anak, pakinggan ninyo
siya.” (Lukas 9:35) Ang marinig ang Anak ay magiging posible
lamang sa pamamagitan ng nasulat na Salita.