Unashamed of the Gospel February 14, 2022
Romans 1:16
“For I am not ashamed of the gospel, because it is the power of God
that brings salvation to everyone who believes: first to the Jew, then to
the Gentile.”
Hindi ko ikinahihiya ang Magandang Balita, sapagkat ito ang
kapangyarihan ng Diyos para sa kaligtasan ng bawat
sumasampalataya, una'y sa mga Judio at gayundin sa mga Griego.
INTROUCTION
Sinabi ni Pablo. “Hindi ko ikanahihiya ang Magandang Balita…”
Dati siyang pinakamasama sa lahat ng makasalanan, isang lapastangan
sa Dios, isang mang-uusig, isang marahas sa mga sumasampalataya kay
Cristo ay kinahabagan, at pinatawad. Pinasagana sa kanya ang
kagandahang-loob (grace) ng Dios (1 Timoteo 1:13-14). Siya ngayon ay
naging maalab, agresibo at militante sa pangangaral tungkol sa
kamatayan at pagkabuhay na muli ni Cristo para sa ikaliligtas ng
sinumang magtitiwala kay Cristo.
Ngayon, siya naman ay inuusig, ginugulo, at ikinulong dahil kay Cristo,
gayunpaman, hindi siya nahihiya.
Ayon kay C.H. Spurgeon, “kapag ipinangangaral natin na si Cristo na
napako, wala tayong dahilan upang tayo ay mabulol o mautal, o mag-
alinlangan; dahil walang dahilan upang ikahiya ang Mabuting Balita”
Reasons Why We Are Not Ashamed of the Gospel!
A. For the “Purpose it Offers” – Know and Enjoy the Depths of
Christ’s Love.
(Dahil sa “Layunin na Iniaalok nito” – Ang makilala at malasap ang
lalim ng pag-ibig ni Cristo)
Ang Magandang Balita, una sa lahat ay tungkol sa kamatayan ni
Cristo: Pinatutunayan nito ang lalim ng Kanyang pag-ibig.
1. Ito ay may malaking halaga – nagbuwis ng Kanyang buhay
2. Hindi tayo karapat-dapat sap ag-ibig ni Cristo – namatay si
Cristo nang tayo ay makasalanan pa. (kaaway ng Dios).
Ang kagalakan na malaman na tayo ay minahal, hindi man tayo
karapatdapat.
Ito ay libre at kusang kaloob – “walang makakakuha ng aking
buhay; kusa ko itong ibinibigay” (Juan 10:18)
B. For the “People it Serves” Roman, Jew, Greek, so universal in its
range.
(Dahil sa mga “Tao na Inaabot nito” mga Romano, Hudio, Griego,
na napakalawak na sinasaklaw nito)
Ang Genesis 3:15 ang kaunaunahang Magandang Balita na
idineklara at ipinangako para sa kaligtasan ng sangkatauhan.
1 Timoteo 2:4-6 – ang pagtubos ng Dios ay walang itinatangi.
“Ibig niyang ang lahat ng tao ay maligtas at makaalam ng
katotohanang ito. 5 Sapagkat iisa ang Diyos at iisa ang
tagapamagitan sa Diyos at sa mga tao, ang taong si Cristo
Jesus. 6 Inihandog niya ang kanyang buhay upang tubusin ang
lahat mula sa kasalanan. Ang katotohanang ito ay pinatunayan
sa takdang panahon.”
Mark 16:15 ‘At sinabi ni Jesus sa kanila, :”Magsihayo kayo sa buong
sanlibutan, at ipangaral ninyo ang Magandang Balita sa lahat ng
tao.”
C. For the “Power it Shows “the dynamite (Gk.) of GOD: not to
destruction, but to salvation, "turning right side up".
(Dahil sa “Kapangyarihang Ipinakikita nito – ang kapangyarihan ng
Dios: hindi upang magwasak kundi magligtas)
 Ang Supernatural na kapangyarihan ay nasa atin sa
pamamagitan ng Magandang Balita.
Si JC Ryle ay pinaaalalahanan tayo tungkol sa supernatural na
kapangyarihan ng Magandang Balita isinulat niya na… Walang
karamdaman na hindi gagaling sa ilalim ng Magandang Balita. Ang
bawat makasalanan ay gagaling kung siya ay lalapit kay Cristo.
Sa pamamagitan ng Magandang Balita, “Ang Pagkapako at ang
Pakabuhay na muli ni Cristo” tayo ay naliligtas.
1 Corinto 1:18 – “Ang mensahe tungkol sa pagkamatay ni Cristo sa
krus ay kahangalan para sa mga taong naliligaw ng landas, ngunit
ito’y kapangyarihan ng Dios para sa ating mga naliligtas.”
D. For the “Problem it Solves” the way in which GOD can righteously
exercise His love in saving us.
(Dahil sa mga “Problemang Nilulutas” nito – ang paraan kung
paano isasagawa Niya ang Kanyang pag-ibig na nagliligtas sa atin)
Ang doktrina ng Propitiation of Sin: Ang kahulugan ng katagang
propitiation ay pampalubag-loob. Ito ay may dalawang bahagi, una
ay umaawat ito sa galit ng nasaktang tao at pangalawa ay ang
pakikipagkasundo.
Sa Roma 3:24-25, ang mga mananampalataya ay “pinawalang-sala
sa pamamagitan ni Jesu-Cristo, na Siyang inialay ng Dios upang sa
pamamagitan ng kanyang dugo ay mapatawad ang kasalanan ng
lahat ng sumasampalataya sa kanya, upang mapatunayan na ang
Dios ay matuwid, nagtimpi at ipinagpaumanhin ang mga kasalanang
nagawa ng mga tao.”
Ito’y kahangahangang pag-ibig at kahangahangang kabutihan ng
Dios!
E. For the “Pardon it Secures” instead of "the wrath of God" for all
who turn and trust Him.
(Dahil sa “Kasiguraduhan ng Kapatawaran” sa halip na poot ng
Dios para sa mga lumapit at nagtiwala sa Kanya)
Sinisigurado nito ang ating kaligtasan: Kapatawaran at
Pagpapanumbalik
Ang kaligtasan ay nagtataglay ng parehong negatibong aspeto na
mapatawad sa lahat ng sala at maligtas sa kabayaran ng kasalanan,
ngunit ito rin ay may positibong idea ng personal na relasyon sa
Dios, ang pagpapanumbalik ng relasyon na nasira dahil sa kasalanan
(Roma 5:10-11).
Ayon kay Pablo, ang mensahe ng krus ang gumagawa para sa
kapangyarihan ng Dios upang mapanumbalik ang ugnayan ng
makasalanan at ng Panginoon. Ngayon ay nabibilang na tayo sa
Pamilya ng Dios… ang ating buhay ay natatago na sa Dios
(Ipinangakong mga Probisyon at Pag-iingat).
CONCLUSION
Ang kredo ng “Fellowship of the Unashamed”:
.
Ako’y bahagi ng Fellowship of the Unashamed. Nasa akin ang
kapangyarihan ng Banal na Espiritu. Wala nang atrasan ito.
Lumampas na ako sa guhit. Nag-desisyon na ako. Ako ay disipulo n
ani Jesu-Cristo. Hindi na ako lilingon pa, magpabaya, mag-hinay-
hinay, tumalikod, o huminto. Ang aking nakaraan ay tinubos na, ang
aking kasalukuyan ay may kabuluhan, at ang hinaharap ko ay may
kasiguruhan. Tapos na ako sa mababang uri ng pamumuhay,
lumakad ayon sa nakikita, sa maliit na pagpa-plano, sa makinis na
tuhod, sa mga walang kulay na mga pangarap, sa mahinang
pangitain, sa walang-halagang usapan, sa maramot na pagbibigay,
at sa di-malakihang layunin. Hindi ko na kailangan ang kadakilaan,
kasaganaan, posisyon, promosyon, papuri, o kasikatan. Hindi ko
kailangang maging tama, una, nasa itaas, kinikilala, kinikilala,
pinupuri, pinagpipitaganan, o ginagantimpalaan. Ako ngayon ay
nabubuhay na nadarama ang presensiya, natuto sa
pananampalataya, nagmamahal sa pamamagitan ng katiyagaan,
itinaas sa pananalangin, at pagpapagal sa pamamagitan ng
kapangyarihan.
Ang aking hakbang ay nakatakda, ang aking lakad ay mabilis, ang
layunin ko ay ang langit, ang daraanan ko ay makipot, ang daan ko
ay magaspang, ang mga kasama ko ay kakaunti, ang aking Gabay ay
mapagkakatiwalaan, ang misyon ko ay mainaw. Hindi ako kayang
bilhin, makompromiso, mapigan, maakit, bumaiktad, mahaluan, o
maantala. Hindi ako mapapangiwi sa harap ng kahirapan, mag-
alinlangan sa harap ng kaaway, makipagkasundo sa hapag ng
kaaway, magdalawang isip sa popularidad, o malito sa
pangkaraniwan.
Hind ako susuko, aatras, magpabaya o tumigil hangang naipangaral,
naipanalangin, nakaimbak, at nagpuyat para sa layunin ni Cristo.
Ako ay disipulo ni Cristo. Hahayo ako hanggang sa Kanyang muling
pagbabalik, magbigay hanggang ako ay bumagsak, at mangaral
hanggang malaman ng lahat at gumawa hanggang sa Kanyang
pagbabalik

At sa muli Niyang pagbabalik upang kuhanin ang mga nasa Kanya.

Hindi magiging mahirap para sa Kanya na makilala ako. Ang aking
watawat ay magiging malinaw dahil “Hindi ko ikinahihiya ang
Magandang Balita, sapagkat ito ang kapangyarihan ng Dios para sa
kaligtasan ng bawat sumasampalataya (Roma 1:16)
(Reported to have been written by Bob Moorehead)