MGA KARANTAHON

Pasaylo-a ako Ginoo

Pasay-loa kalooye,
Pasayloa pamatii,
Pasaylo-a ug tabangi

Nakasala sa imo Sa Im’ mga kasamdan

Bungalos nga anak mo Ako an tinikangan
Niyan naghihinulsol Asay ko iginbalos
Tugob na sin paghasul san gugma mo nga tim-os

Pasaylo-a ako Ginoo Pasaylo-a ako Ginoo

Pasay-loa kalooye, Pasay-loa kalooye,
Pasayloa pamatii, Pasayloa pamatii,
Pasaylo-a ug tabangi Pasaylo-a ug tabangi

Akon nasasakitan San gugma mo nailo

Pagsamad san im’ dughan Nawad-an sin kaalo
San gugma mo pagtamay Sin luha ko panaon
Sa imo pagsalikway, An ak kamasupakon.

Pasaylo-a ako Ginoo Pasaylo-a ako Ginoo

Pasay-loa kalooye, Pasay-loa kalooye,
Pasayloa pamatii, Pasayloa pamatii,
Pasaylo-a ug tabangi Pasaylo-a ug tabangi

O Dios namon san kalooy, Ikaw an amon Amahan

Magburuhat, Manunubos, O Ginoo san ngatanan.

Jesus malooy ka sa amon, pasayloon Mo kami

An sala gindumtan namon, di’ mna magliliwat kami

Namatay si Jesucristo didto sa kalbaryo

Basi la kita matalwas, san kabidoan nga dako.
 KALAG NI CRISTO
Kalag ni Cristo, santosa ako
Lawas ni Cristo, talwasa ako.
Dugo ni Cristo, hubga ako.
Tubig san kilid ni Cristo, hugasi ako.
Kasakit ni Cristo, lipaya ako.
O maupay nga Jesus, pamati-a ako.
Sa sulod san Imo mga kasam-dan, tago-a ako.
Ayaw itugot nga bumulag ako sa Imo.
San mapintas nga kaaway, bulige ako.
Sa takna san akon kamatayon, tawga ako,
Ngan pakadaa ako sa Imo,
Basi upod san Imo mga santos,
Magdayeg ako sa Imo sa kagihapunan. Amen.
Cordero sa Dios nga nagkukuha Ka san mga sala san kalibutan,
kalooye kami.
Cordero sa Dios ....kalooye kami.
Cordero sa Dios ....tagi kami han kadaet
PAG-AMPO
Tamdi, Ginoo, nangangamuyo kami sa Imo, sa maloloy-on nga
mga mata, ini nga Imo mga anak, kay tungod sa ira igintubyan ni
Jesucristo nga Imo Anak an Iya kalugaringon ngan kinarawat Niya an
kasakitan sa Cruz. Nga upod sa Imo, buhi ug naghahadi sa ngatanan
nga mga katuigan. Amen.
PAGKARAWAT SAN KAMATAYON
Ginoo ug Dios ko, tikang niyan kinakarawat ko sa Imo mga
kamut, sa mainalagdon ug malipayon nga kasingkasing, an bisan ano
nga kamatayon nga karuyag Mo ihatag sa akon, upod an iya mga
kasakitan, mga kabiduan ug mga arantuson. Amen.
VIA CRUCIS
Tungod san tigaman san Santa Cruz, sa amon mga kaaway,
bawi-a kami Ginoo nga Dios namon. Sa ngaran san Amay, san
Anak ug san Espiritu Santo. Amen.
GINOO KO JESUKRISTO
Ginoo ko Jesukristo, matuod nga Dios ug matuod nga tawo,
Magburuhat ngan Manunubos ko, nagbabasul ako nga gayud san
akon mga sala ngatanan, sa bug-os nga kasingkasing ko, kay
nahigugma ako sa imo labi san ngatanan kay Dios ka man.
Nagtutuyo ako sin diri na pakasala liwat; igkokompisal ko an
akon mga sala ngatanan; naglalaum ako nga pagwad-on Mo an
akon mga sala ngatanan, tungod san mahal nga pagkasakit ug
pagkamatay mo sa Krus tungod sa akon. Amen.
PAGHALAD
Maghigugmaon nga gayud nga Jesus Manunubos, kaupayan ug
kinabuhi san akon kalag; ihinahalad ko sa Imo ini nga akon mga
pagpalandong san mga kasakitan nga Imo gin-antus tikang didto
sa hukmanan ni Pilato ngadto sa Imo lubnganan. Bulige ako,
Ginoo, nga magmapulsanon ini nga ukon pamalandong ug dida
sa pagkilala ko san mga kasakitan nga Imo binati tungud san
akon mga sala, mahatultol unto ako sin paghinulsol ug mahibaro
ako sin hingpit nga paghigugma sa Imo. Amen.
Virgen Santisima, Iroy ko nga langitnon, updi ako, nanga-
ngamuyo ako sa imo, dida sini nga akon pagsulsog san dalan san
kasakitan nga sadto gin-agian san Imo Anak basi akon pagpulsan
sin paghigugma sa Iya sa bug-os ko nga kalag. Amen.
 SIYAHAN NGA ESTACION
Nagsisingba ug nagdadayeg kami sa Imo, Ginoo Jesucristo, Kay
tungod san Imo Santa Cruz ug Imo pagsakit, gintubos Mo an
kalibutan. Kalooyan kami Nimo nga nagsakit Ka tungod sa amon.
Palandonga dinhi sinin siyahan nga estacion nga si Jesus,
katapus paghampaka ug pagpudong-pudongi sin mga tunok,
ginhukman ni Pilato nga igraysang sa Cruz…
Dayegon Ka, Ginoo, namon nga Dios.
PAG-AMPO
Mahigugmaon nga Jesus,/ diri si Pilato kundi an akon mga sala/
in naghukom sa Imo/ nga patayon Ka sa Cruz. Tungud san Imo
pagsulsog/ san dalan san kasakitan,/ nangangamuyo ako sa
Imo /nga inin akon kalag /Imo man unta buligan/ dida san iya
pagsulsog /san dalan san kinabuhi. Ayaw itugot /nga mahimulag
pa ako sa Imo/ ngadto sa akon pagdangat /sa Imo himaya.
Amen.
Nakasala ako, Ginoo, Imo ako kalooyan;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay
IKANAPULO KAGUPAT NGA ESTACION
Nagsisingba ug nagdadayeg kami sa Imo, Ginoo Jesucristo, Kay
tungod san Imo Santa Cruz ug Imo pagsakit, gintubos Mo an
kalibutan. Kalooyan kami Nimo nga nagsakit Ka tungod sa amon.
Palandonga dinhi sinin katapusan nga estacion an pagdara kan
Jesus ngadto san lubnganan, an paghulira sa Iya ug an pag-ukoy
san Iya lawas didto sin tolo ka adlaw ngadto san Iya kabanhaw.
Dayegon Ka, Ginoo, namon nga Dios.
PAG-AMPO
Mahigumaon nga Jesus; / tungud san pagbangon Mo/ didto sa
Imo lubnganan/ katapus san tolo ka adlaw/ nga Imo didto pag-
ukoy, / ayaw itugot/ nga madayon sin paghilubong/ inin akon
kalag/ dida san kasal-anan. Ug sanglit kay nabanhaw Ka man,/
mabanhaw man unta ako/ ngada san Imo gracia,/ ngan
mabanhaw liwat ako/ sa katapusan san kalibutan/ sin
pagkarawat san langit/ nga Imo gin-andam/ nga iharatag san
magtinumanon. Mahilungon unta ako/ sa Imo didto sa langit,/
basi mahagugma /ug magdayeg ako sa Imo sa kadayunan.
Amen.
Nakasala ako, Ginoo, Imo ako kalooyan;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay
 IKANAPULO KAGTOLO NGA ESTACION
Nagsisingba ug nagdadayeg kami sa Imo, Ginoo Jesucristo, Kay
tungod san Imo Santa Cruz ug Imo pagsakit, gintubos Mo an
kalibutan. Kalooyan kami Nimo nga nagsakit Ka tungod sa amon.
Palandonga dinhi hinin ikanapulo kagtolo nga estacion nga
katapus kamatay ni Jesus, gintanggal Siya dida sa Cruz sin duha
Niya nga mga tinun-an ug kinarawat ni Maria Santisima dida sa
iya mga butkon an patay nga lawas san iya Anak.
Dayegon Ka, Ginoo, namon nga Dios.
PAG-AMPO
Virgen san kasakit,/ tungud san amon kabiduan/ san pagkarawat
mo/ san patay nga lawas/ san imo hinigugma nga Anak,/
karawata man ako/ nga imo anak,/ ngan kon patay an akon
kalag,/ tagi gad san kinabuhi san gracia. Tutdo-i ako, Iroy ko,
/sin paghigugma kan Jesus/ ngan ayaw itugot /nga mahimulag
pa ako sa Iya/ ngadto sa akon pagdangat/ sa Iya himaya. Amen.
Nakasala ako. Ginoo, Imo ako kalooyan ;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay
IKADUHA NGA ESTACION
Nagsisingba ug nagdadayeg kami sa Imo, Ginoo Jesucristo, Kay
tungod san Imo Santa Cruz ug Imo pagsakit, gintubos Mo an
kalibutan. Kalooyan kami Nimo nga nagsakit Ka tungod sa amon.
Palandonga dida sinin ikaduha nga estacion nga si Jesus, san
pagkarawat Niya san Cruz dida sa Iya abaga, nagdumdom sa
aton ug naghalad sa Dios Amay hadto nga lya kasakit tungod sa
aton.
Dayegon Ka, Ginoo, namon nga Dios.
PAG-AMPO
Mahigugmaon nga Jesus,/ tikang niyan /kinakarawat ko /an
ngatanan nga mga kakurian/ ug kasakitan nga Imo ihatag sa
akon/ dinhi sinin kinabuhi. Tungud san Imo pagpas-an san Cruz,/
nangangamuyo ako sa Imo/ nga Imo ako buligan/ dida san
pagpas-an/ san akon kalugaringon nga Cruz/ basi akon
madara /sa dako nga pag-antus ug pagpaubos. Ayaw itugot/ nga
mahimulag pa ako sa Imo/ ngadto han akon pagdangat/ sa Imo
himaya. Amen.
Nakasala ako. Ginoo, Imo ako kalooyan ;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay
 IKATOLO NGA ESTACION
Nagsisingba ug nagdadayeg kami sa Imo, Ginoo Jesucristo, Kay
tungod san Imo Santa Cruz ug Imo pagsakit, gintubos Mo an
kalibutan. Kalooyan kami Nimo nga nagsakit Ka tungod sa amon.
Palandonga dida sinin ikatolo nga estacion an siyahan nga pag-
hiparakop ni Jesus sa tuna. An lya lawas puno na sin mga
kasamdan tikang san paghampaka sa Iya, ug lugos na siya
makalakat. Ginhuhukaan pa san Iya mga kaaway, sanglit
nahiparakop siya sa tuna.
Dayegon Ka, Ginoo, namon nga Dios.
PAG-AMPO
Jesus ko,/ diri an ka bug-at san kahoy/ nga Imo ginpapas-an/
kundi an kabug-at san akon mga sala/ amo in nakapukan sa Imo
sa tuna. Tungud ini nga Imo pagkapukan,/ ayaw na gad itugot,
Ginoo,/ nga mahulog pa ako/ san sala nga mortal. Ayaw itugot
/nga mahamulag pa ako sa Imo/ ngadto sa akon pagdangat /sa
Imo himaya. Amen.
Nakasala ako, Ginoo, Imo ako kalooyan ;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay
IKANAPULO KAGDUHA NGA ESTACION
Nagsisingba ug nagdadayeg kami sa Imo, Ginoo Jesucristo, Kay
tungod san Imo Santa Cruz ug Imo pagsakit, gintubus Mo an
kalibutan. Kalooyan kami Nimo nga nagsakit Ka tungod sa amon.
Palandonga dinhi hinin ikanapulo kagduha nga estacion nga
katapus sin tolo ka oras nga mapait nga paghingutas ni Jesus
dida sa Cruz, nabugto an Iya kinabuhi; dida sini, natuman an
pagtubos san kalibutan.
Dayegon Ka, Ginoo, namon nga Dios.
PAG-AMPO
Jesus ko,/ hinahadkan ko /sa dako nga paghinangup/ inin Cruz,/
nga Imo namatyan/ tungud san higugma Mo sa akon. Angay
unta ako patukan na,/ tungud san damo ko nga mga kasal-
anan,/ kundi an Imo kamatayon /amo in akon ginlalauman. Tagi
ako, Ginoo,/ san gracia /nga maka-angbit/ unta ako /san bunga
san Imo kamatayon. Nabibiduan ko na/ an akon pakasala; /Ayaw
itugot Jesus ko, nga makasala pa ako sa Imo/ ngadto sa akon
pagdangat /sa Imo himaya. Amen.
Nakasala ako, Ginoo, Imo ako kalooyan;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay
 IKANAPULO KAG-USA NGA ESTACION
Nagsisingba ug nagdadayeg kami sa Imo, Ginoo Jesucristo, Kay
tungod san Imo Santa Cruz ug Imo pagsakit, gintubos Mo an
kalibutan. Kalooyan kami Nimo nga nagsakit Ka tungod sa amon.
Palandonga dinhi hinin ikanapulo kag-usa nga estacion nga didto
sa Calvario, pagbutangan kan Jesus dida san Cruz, gindupa Niya
an Iya mga kamut ug iginhalad Niya an Iya kinabuhi sa Dios
Amay tungud san magpakasasala. Iginraysang an Iya mga kamut
ug tiil dida sa Cruz san Iya mga kaaway.
Dayegon Ka, Ginoo, namon nga Dios.
PAG-AMPO
Mahigugmaon nga Jesus,/ nangangamuyo ako sa Imo /nga Imo
man unta /igraysang/ inin akon kasingkasing/ ngada san Cruz
/basi diri na ako bumaya /sa Imo /ngan magpadayon ako/ sin
paghigugma sa Imo /sa bug-os ko nga kalag. Ayaw itugot /nga
mahamulag /pa ako sa Imo /ngadto sa akon pagdangat /sa Imo
himaya. Amen.
Nakasala ako, Ginoo, Imo ako kalooyan;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay
IKAUPAT NGA ESTACION
Nagsisingba ug nagdadayeg kami sa Imo, Ginoo Jesucristo, Kay
tungod san Imo Santa Cruz ug Imo pagsakit, gintubos Mo an
kalibutan. Kalooyan kami Nimo nga nagsakit Ka tungod sa amon.
Palandonga dida sinin ikaupat nga estacion an pagkatapo ni
Jesus ug ni Maria dida sa dalan. Si Maria nakasud-ong san
makapapaid nga kahimtang san Iya Anak ngan nasamad an
kasingkasing sin dako nga kasubo.
Dayegon Ka, Ginoo, namon nga Dios.
PAG-AMPO
Jesus ko,/ tungud san kasakit/ nga binati ni Maria Santisima/ san
paghitapuan niya sa Imo/ dida sa dalan san kapaitan,/ tagi ako,
Ginoo/ sin maina-lagdon nga gugma/ san Imo gisasantosi nga
Iroy. Ug Ikaw, /Virgen nga Iroy ko,/ igpakatakus pagbulig/ nga
sin pagbasul/ san maraut ko nga mga binuhatan. Ayaw itugot
/nga mahamulag pa ako sa Imo/ ngadto sa akon pagdangat /sa
Imo himaya. Amen.
Nakasala ako, Ginoo, Imo ako kalooyan;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay
 IKALIMA NGA ESTACION
Nagsisingba ug nagdadayeg kami sa Imo, Ginoo Jesucristo, Kay
tungod san Imo Santa Cruz ug Imo pagsakit, gintubus Mo an
kalibutan. Kalooyan kami Nimo nga nagsakit Ka tungod sa amon.
Palandonga dida sinin ikalima nga estacion nga pagkita san Iya
mga kaaway nga harapit na marapus an Ginoo dida sa dalan, ug
tungod kay dako an ira tinguha nga mahiraysang gud sa Cruz,
nagsugo sira kan Simon Cirineo nga magpas-an san Cruz sa luyo
ni Jesus.
Dayegon Ka, Ginoo, namon nga Dios.
PAG-AMPO
Mahigugmaon nga Jesus,/ tikang san Imo pagbulig,/ sa
mainalagdon nga kasingkasing/ kinakarawat ko an Cruz/ ug na
ngatanan nga iya mga pagturon-an. Kinakarawat ko liwat/ an
kamatayon/ nga Imo karuyag ihatag sa akon,/ upod an iya mga
kakurian/ ug sa bisan ano nga adlaw/ nga Imo igtalaan. Ayaw
itugot/ nga mahamulag pa ako sa Imo/ ngadto sa akon
pagdangat/ sa Imo himaya. Amen.
Nakasala ako, Ginoo, Imo ako kalooyan;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay
IKANAPULO NGA ESTACION
Nagsisingba ug nagdadayeg kami sa Imo, Ginoo Jesucristo, Kay
tungod san Imo Santa Cruz ug Imo pagsakit, gintubus Mo an
kalibutan. Kalooyan kami Nimo nga nagsakit Ka tungod sa amon.
Palandonga dinhi sinin ikanapulo nga estacion an pagrabut san
mga kaaway san panapton ni Jesus nga nadukot sa Iya panit
tungud san pagmara na san Iya dugo. Dida sito, nabag-o liwat
an mga kasamdan ug dinmugang sin pagdugo an Iya kalawasan.
Dayegon Ka, Ginoo, namon nga Dios.
PAG-AMPO
Maghigugmaon nga Jesus,/ tungud san pagkuha-i sa Imo/ san
Imo panapton,/ ihatag sa akon/ nga mahibaro ako/ sin pagkuha
dinhi sa akon/ san ngatanan nga mga kaipahon /nga maraut /ug
san labis na nga pag-higugma .san kalibutan .basi dida ko la sa
Imo/ ibutang an akon kasingkasing. Ayaw itugot/ nga
mahamulag pa ako sa Imo/ ngadto sa akon pagdangat /sa Imo
himaya. Amen.
Nakasala ako. Ginoo, Imo ako kalooyan ;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay
 IKASIYAM NGA ESTACION
Nagsisingba ug nagdadayeg kami sa Imo, Ginoo Jesucristo, Kay
tungod san Imo Santa Cruz ug Imo pagsakit, gintubus Mo an
kalibutan. Kalooyan kami Nimo nga nagsakit Ka tungod sa amon.
Palandonga dinhi hinin ikasiyam nga estacion an ikatolo nga
paghi-sukamud ni Jesus sa tuna. Ura-ura na an lya kamaluya nga
diri na ngani nakakapitad; pinadisan pa san mga huka sa lya,
sanglit nahiparakup liwat Siya sa tuna.
Dayegon Ka, Ginoo, namon nga Dios.
PAG-AMPO
Mahigugmaon nga Jesus,/ tungod san kamaluya/ nga Imo gin-
antus/ didto sa dalan san kapaitan,/ tagi gad ako sin kadig-on/ sa
kasingkasing/ nga akon ika-aato/ san ngatanan nga mga
panulay/ nga amo in nagaaghat sa akon/ sin paglaris sa Imo.
Ayaw itugot/ nga mahamulag pa ako sa Imo/ ngadto sa akon
pagdangat/ sa Imo himaya. Amen.
Nakasala ako. Ginoo, Imo ako kalooyan ;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay
IKAUNOM NGA ESTACION
Nagsisingba ug nagdadayeg kami sa Imo, Ginoo Jesucristo, Kay
tungod san Imo Santa Cruz ug Imo pagsakit, gintubus Mo an
kalibutan. Kalooyan kami Nimo nga nagsakit Ka tungod sa amon.
Palandonga dinhi sinin ikaunom nga estacion sa pagkita ni
Veronica san bayhon ni Jesus nga puno na sin balhas ug dugo,
kinmuha siya sin panyo ngan iginpahid san bayhon san Ginoo, ug
dida san panyo nahapatik an ladawan san diosnon nga bayhon.
Dayegon Ka, Ginoo, namon nga Dios.
PAG-AMPO
Jesus ko,/ an kamatahum san Imo diosnon nga nawong/ naliwat
tungud san mga kasamdan,/ san hugaw ug san dugo. An akon
kalag/ matahum man sadto anay/ san pagkakarawat ko pala san
bunvag,/ kundi gin-puno ko/ san hugaw san sala. Tungud san
Imo kasakitan,/ ibalik, Ginoo,/ adto nga kamatahum san akon
kalag/ dida sa pagpasaylo san akon kasal'anan.Ayaw itugot/ nga
mahamulag pa ako sa Imo/ ngadto sa akon pagdangat /sa Imo
himaya. Amen.
Nakasala ako, Ginoo, Imo ako kalooyan ;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay
 IKAPITO NGA ESTACION
Nagsisingba ug nagdadayeg kami sa Imo, Ginoo Jesucristo, Kay
dida san Imo Santa Cruz ug Imo pagsakit, gintubus Mo an
kalibutan. Kalooyan kami Nimo nga nagsakit Ka tungod sa amon.
Palandonga dinhi sinin ikapito nga estacion an ikaduha nga
paghiparakup ni Jesus sa tuna; kapukan nga nakadugang san
mga kasamdan san Iya lawas ug san Iya bayhon.
Dayegon Ka, Ginoo, namon nga Dios.
PAG-AMPO
Mahigugmaon nga Jesus,/ kadamo na sadto nga mga pag-
pasaylo/ nga Imo ihinatag sa akon/ ug kadamo liwat sadton mga
tinuyo/ nga akon kapukan dida san sala. Bulige gad ako, Ginoo,/
nga magpadayon na ako/ sin pag-okoy dida sa Imo gracia.
Iglarang sa ngatanan/ nga mga panulay,/ dumangup ako sa
Imo /basi diri ako pagdag-on. Ayaw itugot /nga mahamulag pa
ako sa Imo /ngadto sa akon pagdangat sa Imo himaya. Amen.
Nakasala ako, Ginoo, Imo ako kalooyan ;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay
IKAWALO NGA ESTACION
Nagsisingba ug nagdadayeg kami sa Imo, Ginoo Jesucristo, Kay
tungod san Imo Santa Cruz ug Imo pagsakit, gintubus Mo an
kalibutan. Kalooyan kami Nimo nga nagsakit Ka tungod sa amon.
Palandonga dinhi sinin ikawalo nga estacion an pagtangis san
mga babaye san pagkita nira san makapapaid nga kahimtang san
aton Ginoo ug an pagsering sa ira ni Jesus: Mga anak ko, ayaw
kamo pagtangis tungud sa akon; pagtangis lugod kamo tungud
sa iyo ngahaw ug tungud san iyo mga anak.
Dayegon Ka, Ginoo, namon nga Dios.
PAG-AMPO
Jesus ko,/ gintatangisan ko na /an mga sala /nga akon nabuhat/
tungod san kabiduan/ nga iginhatag ko sa Imo /dida siton nga
akon mga pagpakasala. Diri sadang mahi-asoy/ an ako
kabungalos sa Imo:/ tagi gad ako sin hingpit/ nga paghinusol.
Ayaw itugot/ nga mahamulag pa ako sa Imo/ ngadto sa akon
pagdangat /sa Imo himaya. Amen.
Nakasala ako. Ginoo, Imo ako kalooyan ;
Nakasala kami sa Imo, Imo kami pasayloon.
Amay namon
Maghimaya ka Maria
Himaya sa Amay