Ang pyesang ito ay para sa lahat ng taong makakarinig, sa lipuna’y nasa laylayan

Inaapakan, minamaliit at pinagsasawalang bahala lamang

Teka, teka, Hindi ako nagpaparinig ha! Ngunit ANG ISANG KATULAD KO’Y sadyang nagnanais na marinig

Marinig ng mga taong may kakahayahan na baguhin, baguhin ang kapalaran ng kapwa ko Pilipino na
nasa laylayan, mga walang kakayahan at walang boses para sumigaw

Nawa ang pyesang ito’y magsilbing boses at instrumento upang akoy makapukaw ng kahit kaunting
ATENSYON

ATENSYON NG MGA NASA UPUAN NA TILA BA’Y KAGARA, PUNO NG KARANGYAAN, NGUNIT ANO NA?
MAY NAGAWA NA BA? MAY GINAGAWA BA? DAHIL KUNG WALA, SIGURO, TAYO NA LANG DIN ANG
MAGTULUNGAN.

Tara ating simulan.

Sa paglawak ng aking isipan

Sa pagkasaksi ko sa kahirapan

Sa bayang aking kinalakihan

Napaisip na lang bigla ako sa kawalan

Kasalanan ba ang pagiging mahirap?

Kung oo, pakilinawan ako at pakilawakan ng isip niyo

Sa mga usaping ito na hindi mo dinaranas, oo ngunit nakikita mo BA ANG KAPWA MO TAO?

Nakikita mo ba kung paano sila maghikahos sa gutom at kalbaryo? Dahil kung hindi, hindi ko kailangan
ang opinion mo. Inuulit ko, wala ka sa lugar na isipin iyan kung ikay isang bulag sa mga bagay na totoo.

Ginusto ba nila ito?

Kung oo, muli pakilinawan ako at muli pakilawakan ang isip niyo

Paki-usap pakiusap eto na naman ako, nagpapaulit-ulit ngunit iisa lamang ang gusto kong ipunto

Walang taong ginusto ang maging mahirap. Ngunit may mga taong kayang kaya silang bigyan ng
kaukulang atensyon ngunit ano? Ginagawa ba nila ang trabaho?

trabaho na bigyang prayoridad ang isyung ito, trabaho, trabahong ang ilay hirap na ngunit nananatiling
mahirap at tinuturing na tamad na tao. Ano?

Bilog ba ang mundo? O NABILOG LANG ANG ATING MGA ULO

NA ISISI ANG KAHIRAPAN SA TAO DAHIL TAMAD DAW KUNO ANG MGA ITO
Teka lang saglit may naalala lang ako

Sila’y mga Magsasaka na todo kayod

umulan umaraw o bumagyo may maihain lang sa hapag , makakain lang ng sapat ngunit sa lipuna’y
hindi pa nagging sapat, naturingan pang tamad hindi bat tama ako?

Nagiging sarado ang isipan natin sa mga usaping ganito pero bukas na bukas ang ating mga bibig sa
pangbbatikos, paninisi at pangungutya ng kapwa tao?

Hindi dahil nakakaangat ka, may Karapatan ka na apakan ang sitwasyon ng iba.

Hindi sa kung anong antas ng pamumuhay ka nagiging bida

Kaibigan, imulat mo ang iyong mata nna imbis na manisi ka sa antas ng buhay ng iba, tumayo ka,
kaibigan, tumayo ka tumulung ka at magsilbing inspirasyon sa iba.

Dahil kung mananatili kang mapagmatyag, bulag, at walang ginagawa, mas kakawawa ka.