Professional Documents
Culture Documents
Irakasgaiak lotura zuzena du bigarren lauhilekoan eskaintzen den Hizkuntzalaritza Aplikatua hautazko irakasgaiarekin. Bi
irakasgaiekin euskararen normalizazioari ekin nahi zaio. Euskararen Arauak eta Erabilerak irakasgaiaren helburu nagusia
da Informatika Ingeniaritzaren arloan euskaraz aritzeak sortzen dituen zalantza eta arazoei erantzutea, ikasleak gai izan
daitezen euren arloko ideiak era eraginkorrean azaltzeko. Hizkuntzalaritza Aplikatua irakasgaiak, berriz, normalizatze-
prozesu horretan sakondu nahi du, informatikaren eta euskararen arteko alde aplikatua jorratuz. Nolanahi ere, ez da
nahitaezkoa lehenbiziko irakasgaia eginda izatea bigarrena hautatzeko.
Graduaren azken mailako irakasgaia izaki, eta hizkuntzari buruzkoa, baliagarri eta lagungarri izango zaio ikasleari gradu
amaierako proiektua zuzen eta egoki idatzi eta aurkezteko. Baita aurrean duen lan-bizitzarako ere. Arlo teknikoetako
ikasleak ezinbestekoa izango du hizkuntza, hala idatzizkoa nola ahozkoa, lan-munduan nahiz ikerketan. Gradua amaitu
ondorengo ibilbidean, eguneroko jarduna izango du txostenak idaztea, proiektuak proposatu, garatu eta aurkeztea, lankide
eta bezeroekin harremanak izatea, eta abar. Horretarako, beharrezkoa da hizkuntza egoki erabiltzea eta arloko hizkera
menderatzea.
Euskararen egungo egoera soziolinguistikoa kontuan hartuta, ikasgai hau beharrezkoa da, euskara batuaren hiztun-
komunitatea sortua dela esan badaiteke ere, alde batetik, euskara batuaren ezarpena oraindik ere prozesuan dagoelako
eta, bestetik, euskara berezitua sortze- eta garatze-bidean dagoelako.
Irakasgai hau egiteko euskararen gaitasun-agiririk eskatzen ez bada ere, irakasgaia ondo jarraitzeko eta gainditu ahal
izateko, gutxieneko maila bat izan beharko du ikasleak, idatziz nahiz ahoz komunikatzeko.
CONTENIDOS TEÓRICO-PRÁCTICOS
EDUKI TEORIKOAK. Aurreko atalean zehaztutako helburuak lortzeko, hainbat gai landuko dira irakasgaian zehar.
Or.: 1/4
ofdr0035
3. Testu motak, espezializazio mailaren arabera
3.1. Testu orokorrak eta administratiboak: curriculumak, mezu elektronikoak eta inprimakiak
3.2. Testu zientifiko-teknikoak: testu entziklopedikoak, dibulgazio-testuak eta ikerketa-testuak
3.2.1 Testu espezializatuetan maiz erabiltzen diren zenbait diskurtso-eragiketa: testu-antolatzaileak eta diskurtso-
errutinak
EDUKI PRAKTIKOAK. Gai horiek era praktikoan landuko dira, batik bat. Horretarako, hainbat ariketa labur egingo dira
eskolan lauhilekoan zehar. Horiez gain, honako lau proiektu hauek egin beharko dituzte ikasleek:
1. proiektua. Wikipediako artikulu bat lantzea. Zeregin honetan azalpenezko testuen testuinguruan, hainbat tresnaren
erabilera integratuko dugu.
2. proiektua. Jomugan zabalkundeko aldizkariren bat izanda, gai baten inguruko artikulu bat idaztea eta beste ikaskideek
egin dutena ebaluatzea.
3. proiektua. Termino eta hitz multzo batzuei ordainak ematea eta hartutako erabakiak arrazoitzea.
4. proiektua. Itzulpena moldatzea eta egindako aldaketak azaltzea.
METODOLOGIA
Eskola gehienak praktikoak izango dira, eta eduki teorikoa ere arazo praktikoei hobeto aurre egiteko emango da.
Irakasleak eGela erabiliko du irakasgaiko materiala ikasleen eskura jartzeko, eta ikasleek ere plataforma horretara igo
beharko dituzte egindako lanak. Eskolak, ahal dela, ordenagailu-gelan egingo dira, ikasleak ordenagailua eskura izan
dezan uneoro, kontsulta-baliabideak erabili ahal izateko.
IRAKASKUNTZA MOTAK
Eskola mota M S GA GL GO GCL TA TI GCA
Ikasgelako eskola-orduak 40 10 10
Horas de Actividad No Presencial del Alumno/a 60 15 15
EBALUAZIO-SISTEMAK
- Ebaluazio jarraituaren sistema
- Azken ebaluazioaren sistema
KALIFIKAZIOKO TRESNAK ETA EHUNEKOAK
- Ikus ohiko deialdirako eta ezohiko deialdirako orientazioak. % 100
OHIKO DEIALDIA: ORIENTAZIOAK ETA UKO EGITEA
Ebaluazio jarraitua izango da irakasgaiaren ebaluazio-tresna nagusia, hark izango du lehentasuna. Hala ebaluatzeko,
eskoletara joan beharko du ikasleak, eta behar den garaian egin eta bidali beharko ditu zereginak. Nahitaezkoa da
zeregin guztiak egitea. Hori dela eta, arrazoi bereziren batengatik eskolaren batera joaterik izan ez duen ikasleak etxean
egin beharko ditu eskola horretako zereginak, eta irakasleari bidali ahal bezain laster.
- Proiektuak: % 55
- Testa: % 20
- Aurkezpena: % 20
- Parte-hartzea: % 5
Or.: 2/4
ofdr0035
Ebaluazio jarraitua egiten hasi eta alde batera uztea erabakitzen duen ikasleak nahiz hasieratik azken ebaluazioko
azterketaren bidez ebaluatua izatea aukeratzen duen ikasleak eskubidea izango du azken ebaluazioko azterketa egiteko
(ebaluazioaren % 100). Eskubide hori baliatzeko, ikasleak idatzi bat aurkeztu beharko dio irakasleari, etengabeko
ebaluazioari uko egiten diola adieraziz, lauhilekoaren hasierako 9 asteen barruan (1.-9. asteetan). Halako idatzirik
aurkeztu ezean, ebaluazio jarraiturako aurkeztutako zereginak kalifikatuko dira.
Azken ebaluazioko azterketa eskolak ezarritako egunean eta orduan egingo da. Idatzia eta ahozkoa izango da, eta %
100eko balioa izango du. Ordenagailu-gelan egingo da, hizkuntza-tresna elektronikoekin lotutako gaitasunak ebaluatu
ahal izateko.
Ahozko aurkezpena azterketa-egunean bertan egingo dute ikasleek, idatzia bukatu ondoren. Aurkezpena egin ahal
izateko, eGelara igo beharko dute euskarria aurrez.
UPV/EHUko Ebaluaziorako Arautegiko 12.2 artikuluaren arabera, ohiko deialdiari uko egin nahi dion ikasleak idatzi bat
aurkeztu beharko dio irakasleari, lauhilekoa bukatu baino hilabete lehenago gutxienez. Deialdiari uko egiten dion ikasleak
«ez aurkeztua» kalifikazioa izango du.
Ohiko deialdiko azterketaren egitura bera izango du; hau da, hiru atal hauek:
Or.: 3/4
ofdr0035
EUSKALTZAINDIA (1986): Maileguzko hitz berriei buruzko Euskaltzaindiaren erabakiak. Bilbo: Euskaltzaindia.
EUSKALTZAINDIA (1993): Hitz elkartuen osaera eta idazkera. Bilbo: Euskaltzaindia.
EUSKALTZAINDIA (1994): "Eratorpenaz". Euskera XXXIX (2. aldia). LEF batzordea.
GARZIA, Joxerra (2008): Jendaurrean hizlari. Irun: Alberdania.
GARZIA, Juan (1997): Joskera lantegi. Gasteiz: HAEE-IVAP.
GUTIERREZ, Bertha M. (2003): Aproximaciones al lenguaje de la ciencia. Burgos: Fundación Instituto Castellano y
Leonés de la Lengua. Colección Beltenebros.
HAEE/IVAP (1997): Argiro idazteko proposamenak eta ariketak. Gasteiz: Herri Arduralaritzaren Euskal Erakundea
(HAEE/IVAP).
HAEE/IVAP (2005): IVAPeko estilo-liburua. Gasteiz: Herri Arduralaritzaren Euskal Erakundea (HAEE/IVAP).
SARASOLA, Ibon (1997): Euskara batuaren ajeak. Irun: Alberdania.
UZEI (1982): Maileguzko hitzak: ebakera eta idazkera. Donostia: UZEI.
ZABALA, Igone (1999): "Izen-sintagma konplexuak: adjektiboen eta izenlagunen segidak". In J. C. Odriozola (koord.),
Zenbait gai euskara teknikoaren inguruan. Bilbo: EHUko Argitalpen Zerbitzua, 107-157.
ZABALA, Igone (2000): "Hitz-hurrenkera euskara tekniko-zientifikoan". Ekaia 12: 146-166.
ZABALA, Igone (2000): "Euskararen zientzia eta teknikarako erabileraren hizkuntza berezitasunak". Ekaia 13: 105-129.
ZUAZO, Koldo (1988): Euskararen batasuna. Iker 5. Bilbo: Euskaltzaindia.
Aldizkariak
ELHUYAR. Zientzia eta Teknologia aldizkaria. https://aldizkaria.elhuyar.eus/
EKAIA. Euskal Herriko Unibertsitateko Zientzi eta Teknologi aldizkaria. http://www.ehu.eus/ojs/index.php/ekaia
GOGOA. Euskal Herriko Unibertsitateko Hizkuntza, Ezagutza, Komunikazio eta Ekintzari buruzko aldizkaria.
http://www.ehu.eus/ojs/index.php/Gogoa/index
Or.: 4/4
ofdr0035