Para sa akin, kalayaan at pangarap ang sinisimbolo ng apoy
na nasa kwentong “Ang Gamu-gamo at ang Liwanag”. Ito ay sa kadahilanang kung ating susuriin, ang kwento na ito ay naisulat sa kasagsagan ng pamumuno ng mga Espanyol sa ating bansa na kung saan talamak ang pakikibaka ng ating mga ninuno patungkol sa ating paglaya mula sa kanilang malupit na pamamahala. Dahil doon, masasabi ko na ang ating mga ninuno ang gamu-gamo at ang apoy ang siyang paglaya na kanilang inaasam na sa tuwing lumalapit, ginugusto, at ginagawan nila ito ng aksyon patungo sa apoy ng paglaya lalong nanganganib ang buhay nila. Ngunit, kahit alam nilang mapanganib, mas gugustuhin pa rin nilang ilaalay ang kanilang buhay o masunog sa apoy nito makamit lamang ang kanilang pangarap na kalayaan para sa Inang bayan.
2. Sa bawat bumabagsak at namamatay na gamugamo, hindi
pagkalungkot manapay paghanga ang kanyang nararamdaman. Ano ang iyong mahihinuha ukol rito? Ang linya mula sa kwento na nasa itaas ay nagbibigay mensahe sa akin na hinahangaan ng batang Rizal ang bawat Pilipinong handang mag-alay ng kanyang buhay para sa bayan. Nais niyang ipabatid sa atin na hindi dapat tayong maawa at malungkot sa buhay na kanilang isinakripisyo sapagkat inialay nila ito para sa ating kalayaan. Sa halip, dapat itong bigyan ng pagkakakilanlan at kahangaan sapagkat hindi madali ngunit marangal ang kanilang pagsasakripisyo. 3. Anu-anong pagpapahalaga ang nakapaloob sa akda? Bigyankatwiran. Base sa aking personal na pang-unawa, unang ipinapaalala sa atin ng kwento ang kahalagahan ng pagkakaroon ng pag-asa at pagsasakripisyo upang makamit ang ating mga pangarap sa buhay. Mahihinuha ko doon na minsan sa ating buhay kailangan nating magsakripisyo ng mga bagay-bagay tulad oras, tulog, o kahit pera, upang makamtan natin ang ating mga inaasam o ang ating mga pangarap. Nangangailangan din ng pagkakaroon ng pag-asa para magpatuloy sa buhay dahil alam naman nating hindi madali at maraming pagsasakripisyo ang kailangan nating gawin sa proseso ng pagkamit ng mga pangarap na iyon. Pangalawa, ang kwentong ito ay binibigyang importansya ang pagkakaroon ng sense of nationalism sa isang indibidwal. Itinatampok nito ang ideya na bilang isang Pilipino isa sa ating obligasyon ang magsakripisyo ng ating buhay o kahit ng mga simpleng bagay para sa ikabubuti, ikauunlad, o kahit sa kalayaan man ng ating bansa.