PAMPANGA COLLEGES

COMMISSION ON HIGHER EDUCATION

FILIPINO 2

ANG TAGALOG, PILIPINO, AT FILIPINO

ILANG MAHALAGANG ISYUNG

PANGWIKA

CATHERINE B. CABRAL

BSBA FM-1B

#5
 ANG TAGALOG, PILIPINO, AT FILIPINO

Tagalog
Ang katutubong wikang pinagbatayan ng pambansang wika ng Pilipinas 1935

Isa sa mga dayalekto o wikain sa Pilipinas na sinasalita sa mga lalawigan. Isa itong
wikang natural nagging batayan ng Wikang Pilipino. Ang wikang Tagalog ay ang wikang
sinasalita sa rehiyong Tagalog Kasama ang Bulacan, Bataan, Batangas, Cavite, Rizal,
Laguna, Quezon, Mindoro, Marinduque, ilang parte ng puerto princesa, Nueva Ecija,
Metro Manila. Opisyal na kinilala ni Pangulong Manuel L. Quezon ang Tagalog bilang
batayan ng wikang Pambansa noong 1937 sa bisa ng kautusang tagapagpaganap blg.
143 simumulan itong ituro sa lahat Ng paaralan sa buong kapuluan simula noong 1940.

Wikang Tagalog: Batayan ng Wikang Pamabansa ng Pilipinas

Nang nakamit ng Pilipinas ang kalayaan at naging pangulo si Pangulong

Manuel L. Quezon, nagkaroon ng kahirapan sa pagtamo ng pambansang
pagkakaunawaan. Ang Pilipinas ay binubuo ng napakaraming pulo na pinaninirahan ng
iba’t ibang etnikong grupo na mayroong iba’t-ibang wikang sinasalita. Upang
masolusyunan ang nasabing suliranin, iminungkahing magtatag ng isang wikang
pambansa na siyang magbubuklod at magsisilbing instrumento ng komunikasyon ng
mga etnikong grupo sa buong Pilipinas. Kaya sa taong 1935 pinagtibay ang
sumusunod:

Artikulo XIV, Seksyon 3, 1935 Konstitusyon

Ang Kongreso ay gagawa ng mga hakbang tungo sa pagpapaunlad at pagpapatibay
ng isang wikang pambansa na batay sa isa sa mga umiiral na katutubong wika.
Malinaw na isinasaad na ang wikang pambansa ay ibabatay sa isa sa mga katutubong
wika ng Pilipinas at hindi sa dayuhang wika. Upang matupad ang nasasabing batas
itinatag ang isang ahensya ng pamamahalaang siyang mamamahala ng pag-aaral at
pagpili ng wikang katutubong maging batayan ng wikang pambansa ng Pilipinas
Ang ahensyang ito ay tinatawag Na Surian ng Wikang Pambansa

Ang pagtatag ng Surian ng Wikang Pambansa ay pinagtibay ng Batas Komonwelt

Blg 184 Binubuo ang SWP ng mga representante mula sa iba’t ibang etnikong grupo sa
Pilipinas.
Pinag-aralan nila ang mga pangunahing wikang ginagamit sa Pilipinas. Ito ay ang mga
sumusunod:

1. Tagalog
2. Cebuano
3. Kapampangan
4. Bikolano
5. Pangasinense
6. Ilokano
7. Waray
8. Hiligaynon

Ang mga nabanggit na pangunahing wika ang siyang pagpipilian ng magiging

batayan sa pagbuo ng wikang pambansa. Upang maging obhetibo ang pagpili ng mga
representante ng SWP, bumuo sila ng krayteryang siyang pagbabasehan
Kinakailangang ang katutubong wika Na magiging batayan ng wikang pambansa ng
Pilipinas ay nararapat Na taglayin ang mga sumusunod na mga katangian:
1. Mayaman sa bokabularyo at may tiyak na istruktura
2. Sinasalita ng nakararaming bilang ng mga Pilipino
3. Mayaman sa nakalimbag na panitikan at literatura

Lumabas sa naging resulta ng pag-aaral, ang wikang katutubong Tagalog ang

siyang Nakatutugon o pumasa sa tatlong krayteryang inilahad. Kung kaya’t ang wikang
katutubo ng Pilipinas ay ibinatay sa wikang katutubong Tagalog.
Pinagtibay ito ng Kautusang Tagapagpaganap Blg. 134 na nagsasaad na: Tagalog
ang ginagawang saligan ng Wikang Pambansa sa dahilang ito’y nahahawig sa
maraming wikain sa bansa. Sa madaling salita’y hindi magiging mahirap ang
Tagalog para sa mga di-Tagalog dahil kahawig ito ng lahat ng wika ng Pilipino.

Pilipino
Ang unang itinawag sa pambansang wika ng Pilipinas. Noong Agosto 1959, naglabas
si Kalihim Jose E. Romero, ang Kalihim ng Kagawaran ng Edukasyon ng Kautusang
Pangkagawaran Bilang 7, na nagsasaad na tukuyin ang Wikang Pambansa bilang
Pilipino. Bukod sa iba pa, ganito ang isinasaad sa kautusan: Alin sunod sa mga
layuning nagbunsod sa pahayag ng pangulo at upang maitatak sa Wikang Pambansa
ang di-mapapawing katangian ng ating pagkabansa, ang salitang Pilipino ay gagamitin
sa pagtukoy sa wikang ito. Ang paggamit ng Pilipino ay isa pang hakbang tungo sa pag-
alis ng rehiyonalismo. Buhat noon ang Pilipino na salig sa wikang Tagalog ay nalinang
at lumaganap sa buong bansa sa iba't ibang sektor sa lipunan. Sa katunayan, ito ang
naging wikang interehiyonal at mabisang midyum na nag-uugnay sa mga pulo at iba't
ibang pangkat linggwistiko sa Pilipinas

Pagpapalit mula sa Pilipino Patungo sa Filipino

Filipino
Ang kasalukuyan pambansang wika ng pilipinas, Lingua Franca ang mga Pilipino, at
isa sa mga opisiyal na wika ng pilipinas kasama ng Ingles 1987 May dalawang put
walong (28) Letra.

Tandaan iba ang wika opisiyal sa pambansang wika noong 1987 lamang ginawa ang
pambansang wika ay walang pangalan. Sinabi lamang sa konstitusyon noong 1935 na
ang pambansang wika ay batay sa Tagalog. Sa Konstitusyon 1973, sinabi naman ang
ang kongreso ay mag sasagawa ng hakbang upang makabuo ng pambansang wika na
tatawaging Filipino. Ngunit hindi opisiyal ginamit ang salitang Filipino bilang
pambansang wika.

Ayon sa Saligang Batas Ng ating Konstitusyon, Artikulo XIV, Seksyon 6:

Ang Wikang Pambansa ng Pilipinas ay Filipino. Samantalang nililinang, ito ay dapat

pagyabungin at pagyamanin pa salig sa umiiral na mga wika Ng Pilipinas at sa iba pang
mga wika. Alinsunod sa mga tadhana Ng Batas at sang-ayon sa nararapat na
maaaring ipasya ng kongreso, dapat magsagawa ng mga hakbangin ang pamahalaan
upang ibunsod at puspusang itaguyod Ang paggamit Ng Filipino bilang midyum ng
opisyal na komunikasyon at bilang wika Ng pagtuturo sa sistemang pang- edukasyon.
Sa tulong Ng pambansang wika ay naging madali ang pakikipagkomunikasyon ng mga
tao sa lipunan. Malaki ang naitutulong nito sa pagpapaunlad ng bansa, sa paghahatid
ng mga kaalaman at mensahe, pagpapahayag ng mga opinyon at ideya, pagbibigay
suhestiyon sa paglutas ng mga suliranin, pagpapanatili sa pakikipagkapwa at sa
pagpapaliwanag sa mga pagbabagong nagaganap sa lipunan.

Ayon sa aklat ni Irma Ugot, Resolusyon blg. 1-96 taong Agosto 1996 ng komisyon sa
Wikang Filipino KWF Ang Filipino ay ang katutubong wika na ginagamit sa buong
Pilipinas bilang wikang komunikasyon ng mga etnikong grupo. Katulad ng iba pang
wikang buhay, ang Filipino ay dumaraan sa proseso ng paglinang sa pamamagitan ng
mga panghihiram sa mga wika Ng Pilipinas at ang ebolusyon ng ibat-ibang barayti ng
wika para sa iba- ibang sitwasyon sa mga magsasalita nito na may iba’'t ibang saligang
sosyal, at para sa mga paksa ng talakayan at pagpapahayag.

Ayon naman sa panayam Ng ibinigay ni Komisyuner Ricardo Ma. Duran Nolasco Ng

KWF sa Mariano State University, ang kasalukuyang Filipino ay dating wika ng
katagalugan na naging wikang pambansa bunga ng kombinasyon ng mga pangyayaring
historikal, ekonomikal at sosyolohikal kaya't naging pambansang ligua franca Ng
magkaibang etnolinggwastikong grupo sa bansa.

Para naman kay Komisyuner Francisco Rodrigo, ang Filipino ay hindi bagong wika na
kinatha o kakathain ng sinuman. Ito ay umiiral na batay sa Pilipino kung saan naman
itong Pilipino ay batay sa Tagalog.

Malinaw na malinaw ang ibig sabihin ng Filipino bilang pambansang wika. Hindi ito ang
wikang Tagalog na ginagamit ng mga Katagalugan ng maynila. Bagkus, ito ay mga
wikain na ginagamit Ng bawat mamamayan saan mang sulok Ng bansa na kung saan
naiintindihan ng karamihan. Ang mga salitang iisa ang kahulugan sa bawat lugar at
nauunawaan ng karamihan ay pinasok sa ating pambansang wika. Sa madaling salita,
hindi lamang Tagalog ang wikang Filipino kundi kinapapalooban ito ng iba't ibang
lenggwahe Ng bansa.

Ang ating pambansang wika na Filipino ay hindi lamang Tagalog. Ito’y sumasakop sa
lahat ng wikang sa ano mang parte ng ating bansa. Pero, ang Tagalog ay ang wikang
ginagamit sa maraming parte ng Luzon, ang pinakamalaking rehiyon sa Pilipinas.

Kaya naman, gingagamit ang Filipino bilang wika sa pang-araw-araw na talastasan.

Dumaan sa masusing pag-aaral ang Surian ng Wikang Filipino na naglalayong
humanap ng wika na mas pabor para sa nakararami. At dahil sa pag-aaral na ito,
nalaman na mas dominante ang Tagalog.

ILANG MAHAHALAGANG ISYU PANG WIKA.

Hindi makasaysayan ang pagkakabuo ng pampanbansang wika ng Pilipinas May mga
suluranin at isyu rin itong pinagdaanan at dadaanan pa hanggang kasalukuyan. Narito
ang ilan.

1. Ang pagkakapili ng Tagalog bilang wika batayan ng pambansang wika ay maaring

tinutulan ng mga hindi nagsasalita ng wikang Tagalog. Ito ang dahilan kaya kailangan
pa mag labas ng mga dahilan kung bakit Tagalog ang piniling batayan. Dahilan din ng
pagtutol na ito kaya't hindi dineklara Tagalog ang pambansang wika. Kinikilala lamang
ito bilang pambansang wikang batayan ng pambansang wika

2. Ang kautusang tagapagganap Blg. 210, (EO No. 20) kinikilala din sa tawag na
"Gullas Bill" naka saad sa kautusang ito na itinuturo ang ingles bilang pangalawang
wika sa mga mag-aaral sa unag baitang at bilang wika pangturo sa mga asignaturang
matematika, Siyensiya at ingles simula sa ikatlong baitang. Nilalayon ng kautusang ito
na palakasin ang pagkatuto ng mag aaral sa ingles sa pamamagitang ng pandaragdag
ng mas maraming oras sa pag gamit ng ingles bilang wikang panturo. Sa halip na mas
paigtingin ang paggamit ng Filipino at mas palalimin ang pagkatuto at pagpapahalaga
ng kabataang Pilipino sa kanilang pambansang wika, ang kabaliktaran nito ang taglay
ng EO No. 210. Sa kabutihang palad hindi naman ito malaganap na naipatupad.

3. Ang CHED Memorandum Order (CMO). Ang kautusang ito ang pumatay sa
asignaturang Filipino at panitikan sa kolehiyo, kasama ang asignaturang Philippine
Government and Constitution. Katwiran Ng CHED. Itinuturo naman ang Filipino mula
elementarya hanggang sekundarya, at sa grade 11 at 12, sa ilalim ng kurikulum Ng K
to12 kaya maaari ng hindi ito ituro sa kolehiyo. Nawalan ng saysay ang CMO No.20
nang maglabas ng Temporary Training Order (TRO) ang korte suprema matapos
magsampa ng petisyon Ang mga propesor ng Filipino sa kolehiyo at mga mag-aaral na
nagmamalasakit sa Filipino sa pangunguna Tanggol wika. Sa pagbaba ng TRO sa
Korte suprema, masasabing nagtagumpay ang Filipino sa laban nito. Subalit marami pa
ring mga kolehiyo at unibersidad ang hindi sumunod sa TRO at nagtangal ng Filipino sa
kanilang kurikulum. Gayunman, patuloy paring umiiral at iiral Ang TRO Hanggat hindi ito
binabawi Ng Korte suprema.

Ang negatibong saloobin ng ilang Pilipino sa wikang Filipino. Bagamat nakasaad sa

Konstitusyon na Filipino ang ating pambansang wika ng Pilipinas. Marami paring mga
Pilipino ang hindi kumikilala sa Filipino bilang pambansang wika. Ayon sa kanila,
Tagalog parin ang wika na ito nagtatago lamang sa tawag na Filipino. Para magamit
bilang wikang panturo sa iba't ibang disiplina gaya ng matematika at siyensya. Hindi nila
tinangap na maaaring gamitin Ang Filipino sa internasyunal na usapin.

Ang Pagtangi at/o pag-ayaw ng maraming Pilipino mismo sa kanilang sariling wika,
kasama na ang ilang nasa pamahalaan, ang pinakamatinding kalaban ng Filipino. Sila
ang dahilan kung bakit hanggang ngayon, hindi umuunlad ang paggamit ng
pambansang wika sa sarili nitong bansa at marami pa ring ang Pilipino ang utak-
kolonyal.

 Ang wika ay isang makapangyarihang instrumento ng paghahatid ng mga

damdamin, saloobin, pananaw at kaisipan ng isang tao. Ito din ay
nagsisilbing behikulo ng komunikasyon at pagkakaintindi ng isang
indibidwal. Sarili natin wika, ang wikang Filipino ay sumisimbolo ng atin
pagkakatao, ang atin pagiging Pilipino; dumaan ito sa isang malalim na
kasaysayan, ngunit bumangon bilang wikang Pambansa.

 Sa pagpasok ng makabagong henerasyon na siyang mas pinaiiral ang

paggamit ng wikang Ingles sa pakikipag-usap o pakikipagkomunika,
karamihan sa mga palabas ngayon sa telebisyon ay gumagamit na rin ng
wikang Ingles lalong lalo na sa cable channels. Sa panahon ngayon, ang
teknolohiya ay patuloy ang pag unlad at pagyabong dahil sa kamangha-
mangha nitong tulong at gamit sa pang araw-araw. Ngunit sa kabila ng
lahat ng pagbabagong ito hindi maikakala na ang telebisyon ay naging
malaking bahagi din ng ating pamumuhay at naging isa sa pangunahing
paraan ng telekomunikasyon. Ang telebisyon ay nagbibigay ng iba’t ibang
impormasyon na siyang nakakatulong na mabigyan ang mga manonood ng
sapat na kaalaman ukol sa pinapanood nito. Ang ilan sa mga ito ay balita,
teleserye, sports, dokyumentaryo, at iba pa na siyang nakakapukaw ng
atensyon ng mga manonood. Dahil sa mas malawak na paggamit ng
wikang Ingles sa mga programa sa mga na ito, nakakalimutang bigyan ng
pansin ng karamihan sa atin ang ating sariling wika, ang wikang Filipino.
 Paggamit ng ibang lenggwahe, dahil sa modernisasyon ang mga tao ay
nakikisabay din at dahil don madaming wika narin ang nakakalimutan o
mas tinatawag na patay na wika.