HKBP SIRAITURUK

MINGGU QUASIMODOGENITI
16 April 2023

1. Prosesi (Tangiang na Hohom)

2. BE 23:1-3 JESUS HAMI RO DISON
Jesus hami ro dison, asa masihangoluan
I pe ro ma Ho tuson, jala baen ma pardomuan
Ni TondiM tu tondinami, unang mampar rohanami
Holom rohanami be, nang parbinotoannami
Molo so ro TondiMi manondangi rohanami
Ingkon Ho do paturehon dalannami sidegeon
Sondang sian Debata, hatiuron sian ginjang
Baen ture sondangi ma, rohanami asa sonang
Lao manjalo hangoluan, pinatupaMi o Tuhan
3. Votum – Introitus – Martangiang
4. Ina Parari Kamis
5. BE 206:3 NA DISON DO AU TUHANHU
Ndang adong pangidoanku, dungkon asi ni rohaM
Na dilehon Ho, Tuhanhu, tu na unduk di hataM
Rohami ma tu rohangku, sai pasauthon ma hataM
6. Patik: I – IV
7. Remaja & Naposobulung
8. BE 399:1-2 UNANG TARLALAP DI HATA
Unang tarlalap di hata, tulus sigop jambarmi.
Ndang dapot ho hasonangan, molo godang sabatmi.

HKBP Siraituruk – 16 April 2023 - Quasimodogeniti

 I pe tostosi luhutna, na manggugai rohami.
Arta na godang, nang sangap, sabat na jorbut do i.
Unang tarlalap di hata, tulus sigop jambarmi.
Ndang dapot ho hasonangan, molo godang sabatmi.
Unang lilian di dalan, tuju tongtong surgo i,
Ai naung rade do inganan dibaen Tuhanta disi.
Unang bonsa rohamuna, pos rohamu lao tusi,
Ai toguonKu hamuna tu lambung ni Ama i.
Unang lilian di dalan, tuju tongtong surgoi i,
Ai naung rade do inganan, dibaen Tuhanta disi.
9. Manopoti Dosa
10. Ina Jetun
11. BE 189:6+8 O JESUS NA PANGOLU AU
Sai huhaposi hataMi, ai na sintong do i
Huingot bagabagaMi, na so ubaon i.
Dihalungunhon rohangki, naeng ingananMu au
Antong urasi tondingki, parbadiai ma au.
12. Epistel: Pangungkapon 21:5-7
21:5 Dung i didok na hundul di habangsa i ma: Ida ma,
saluhutna do hupaimbaru! Jadi didok ma: Surathon ma i, ai
haposan do angka hata on jala na sintong!
21:6 Laos didok ma tu ahu: Nunga saut! Ahu do Parjolo jala
Parpudi, Bonana jala Ujungna. Lehononku ma tu na mauas
sian mual aek hangoluan i, so pola tuhoron!
21:7 Teanon ni na monang i ma saluhutna; jala Ahu gabe
Debatana, ibana gabe anakku!

HKBP Siraituruk – 16 April 2023 - Quasimodogeniti

13. Mannenkoor Immanuel
14. BE 718:1+3 HUBEGE JESUS MANJOU
Hubege Jesus manjou, hubege Jesus manjou;
Sipalua au manjou: Porsan silang, ihuthon ma Au.
Sai ihuthononhu Jesus, sai ihuthononhu Jesus.
Sai ihuthononhu Jesus, huihuthon Jesus, Tuhanki.
Aloonku ma diringku, aloonku ma diringku;
Porsanonku ma silangku, mangihuthon Jesus Tuhanki.
Sai ihuthononhu Jesus, sai ihuthononhu Jesus.
Sai ihuthononhu Jesus, huihuthon Jesus, Tuhanki.
15. Manghatindanghon Haporseaon
16. Ina Sion
17. Tingting
18. Tangiang Pangondianon
19. Ama Jeriko
20. BE 248:1-3 SALELENG HO DI TANO ON
Saleleng ho di tano on patigor ma roham.
Paingotingot ma tongtong nidok ni Debatam.
Sai songon hau na denggan ho ramos parbue nii.
Bulungna pe na uli do antong sai tiru i.
Godang do hinauli ni aek mata i tongtong.
Pasuman ma dirim tusi sai baen roham sintong.
21. Jamita: Hesekiel 36:22-27
36:22 Dibahen i dohononmu ma tu pinompar ni Israel:
Songon on do hata ni Tuhan Jahowa: Ndada ala hamu ahu
mambahen songon i, ale pinompar ni Israel, ala ni goarhu

HKBP Siraituruk – 16 April 2023 - Quasimodogeniti

 na badia i do, na niramunanmuna di tongatonga ni bangso
parbegu, angka hasahatanmuna i.
36:23 Jala ahu ma pabadiahon goarhu na timbul i, naung
niramunan di tongatonga ni angka bangso parbegu, na
niramunanmuna tahe di tongatonganasida, asa tung
ditanda angka bangso parbegu, ahu do Jahowa, ninna
Tuhan Jahowa, ia dung huparbadiai diringku di bagasan
hamu di adopanmuna.
36:24 Jala ahu mambuat hamu sian angka bangso parbegu,
jala paluhutonku do hamu sian saluhut angka luat, jala
boanonku do hamu mulak tu tanomuna i.
36:25 Dung i urashononku ma tu hamu aek angka na tio, asa
tung ias hamu; urasonku do hamu tahe sian saluhut
haramunonmuna i dohot sian saluhut ganaganaanmunai.
36:26 Jala lehononku tu hamu roha na imbaru dohot tondi na
imbaru tu bagasan ateatemuna; jala unsatonku do roha
batu sian dagingmuna, jala lehononku tu hamu roha sibuk.
36:27 Jala lehononku ma tondingku tu bagasan ateatemuna,
jala ahu mambahensa, asa marparange hamu di bagasan
angka patikku, angka uhumhu pe radotan jala
patupaonmuna
22. BE 713:1--- TOGU AU O TUHANKI
Togu au O Tuhanki, iring-iring langkangki,
Tung maol do dalan i, unang lilu au disi.
Jesus Tuhan, gomos tiop tanganki,
Nang rahis pe dalan i, sahat au tu surgo i.

HKBP Siraituruk – 16 April 2023 - Quasimodogeniti

 Nang pe ro galumbang i, manahopi solungki,
Ndang mabiar au disi, ala Ho di lambungki
Jesus Tuhan, gomos tiop tanganki,
Nang rahis pe dalan i, sahat au tu surgo i.
Togu au O Tuhanki, mamolus galumbang i
Ho patogu rohangki, sahat tu ujungna i.
Jesus Tuhan, gomos tiop tanganki,
Nang rahis pe dalan i, sahat au tu surgo i.
23. Tangiang Panimpuli

HKBP Siraituruk – 16 April 2023 - Quasimodogeniti