Mahal kong Labs,

O aking sinisinta, humihingi ako ng paunmahin, kung sa pagpasok ng

hatinggabi’y hindi ka nabigyang pansin, at kung naghintay ka man ng mahaba,
matamis at mabulaklak na mensahe mula sa akin, gayon ay iyo itong basahin.
Marahil laganap ngayon ang teknolohiya at nauuso ang paggamit ng tinatawag
na social media, ay nais kong maiba at ipahayag ang mensahe sa pamamagitan
nitong munting liham na iyong binabasa, na kahit hindi ko sulat kamay at
ginamitan ng tinta dulot ng ilang rason gaya ng baka hindi mo pagkaintindi o
pagkaunawa, sana’y iyong ikalugod ang makalumang estilong ito na aking
ginawa.

Ngayong ipinagdiriwang ang iyong kaarawan, gusto kong ito ay pasimulan sa

pamamagitan ng pagbabalik tanaw sa nakaraan. Alam kong naging mapait ito
at hindi ganoon kaganda, ngunit ang kinahantungan naman, sino nga ba ang
mag-aakala? Sabi mo nga ako’y hudyat ng iyong patuloy at taimtim na
pagdarasal na kalaunan nama’y nabigyang tugon ng Poong Maykapal, ngunit
iyong tinanong kung sa paanong paraan nga ba kita talaga napasakamay? Wala
man akong ganoong katibay na dahilan o katwiran, pero ako’y naniniwala na
magmula noong Oktubre nang sayo’y mawalay, hindi ko alam kung bat ba ako
lubos na naapektuhan, parang pinagisa ang pighati’y lumbay, nang malaman na
sa pagpasok ng buwan wari ko’y Disyembre nang mayroon ng ibang sayo’y
nagbibigay kasiyahan. Naalala mo pa ba? Hindi ko alam kung iyo pa bang
natatandaan, na sa tuwing ika’y nasa labas ng pasilyo mula sa ikalawang
palapag, ika’y tinatanaw at patagong pinagmamasdan, hinihiling na kahit na
saglit man lang sana’y ikaw ay lumingon, at nang makita nga’y nakadidismaya
ang reaksyon. Walang araw na hindi ko iyon pinagsisihan, bat ba kailangan
pang pagsalungatin ang landas, marahil siguro ang pagkakataon at panahong
yaon ay hindi angkop, para magkaroon tayo ng relasyong sa kasalukuyan
nama’y humantong.

Humayo naman tayo sa panibagong yugto, hindi mo alam kung gaano ako
nalulugod. Sadyang napakaswerte ko sa hindi pangkaraniwan at natatanging
babaeng ito, hindi kaninuman maihahambing o maikukumpara, sa ubod ng
tino. Hindi ko na kailangang alamin kung ano ba talagang nakita mo sa akin,
basta’t naniniwala ako na sa huli’y di mo ko bibiguin. Hindi ko na rin gaano
pang papahabain, baka masyado ka nang nacocorny-han, kunot na ang
noo(cringe), at abot kuyukot ang ngiti at kilig. Luh? Asa ka HAHAHAHA

Nawa’y walang humpay mo akong samahan sa paglalakbay nating ito, sa

hirap man at sa ginhawa makakaasa kang katambal mo ako. Hindi ako
magsasawa at muli’t muling ipaalam bawat minuto, na ika’y totoong
minamahal nang buong puso’t sigurado. Ang pagliliyag na ito at silakbo ng
damdamin ay totoo at walang halong biro, sayo ay matapat na nangangako.
Magiging saksi ang Diyos, ating magulang, kaibigan, isama mo na lahat pati
angkan, na sa harap ng altar ika’y aking pakakasalan. Kahit may katagalan,
sana’y walang makahahadlang. Sana’y hindi mo ito malilimot, ang
intensyon ko’y mapasaya ka ngayong araw, at pagmamahal ay ipabatid at
ipahayag nang lubos. Happy Birthday Labs kuuu! I love youuu <3 Heart
Heart HAHAHAHA

Nagmama
hal,

Gabriel

Babaeng kay ganda, laman ng puso ko’t isipan

Tunay kang minamahal at aking pinangangalagaan (pet kita eh)
Sa hirap at sa ginhawa at pagmamahal ang laan
Di ka pababayaan hanggang walang hanggan

Yaring pag-ibig ko ay siyang lahat na,

Ngiti, luha, buhay at aking hininga!
At kung sa Diyos naman na ipagtalaga
Malibing ma’y lalong iibigin kita.