Professional Documents
Culture Documents
BLOQUE 1
Bárbaros:Na época do Imperio Romano, denominación con sentido pexorativo dos pobos que
non tiñan a cultura e a lingua romana. Aproveitaban a debilidade económica e militar do imperio
para ameazar con incursións. No século V d.c conseguiron invadir o imperio. Na península
entraron visigodos, godos, vándalos…
Guerras cántabras: conflicto que ocorreu no noroeste da península entre os anos 29-19 a.C. O
emperador Octavio Augusto encargouse personalmente destas guerras. Os romanos impuxeron a
súa estructura económica e a súa organización administrativa, política e social. O territorio foi
sometido á romanización e o motivo da conquista basouse no interese polas minas.
Megalitismo: Expresión cultural que xorde no Neolítico e se prolonga ata o Bronce Final,
caracterizada polas construcións arquitectónicas feitas con grandes bloques de pedra. Desenvólvese
entre o IV e III milenio Destacan os enterramentos colectivos (dólmen,tholos). Os dólmens teñen
unha cámara sepulcral, e o tholos ten falsa cúpula.
BLOQUE 2
Manso: unidade de explotación familiar que se deu no réxime feudal co dominio señorial.
Consistían en pequenas parcelas que o señor cedía aos servos e campesiños da aldea a cambio de
partes da colleita e de certas prestacións. Xunto coa reserva señorial constituían os elementos
básicos de explotación dos feudos na Alta Idade Media.
Marca Hispánica: Territorio pertencente ao Imperio Carolinxio, nos séculos VIII e IX que ía
desde Pamplona ata Barcelona. Denominaba a fronteira creada polos francos ao sur dos Perineos
para frear a expansión musulmá. Dependían dos reis francos, a finais do S.IX coa decadencia
carolinxia fragmentáronse en distintos condados e reinos que deron orixe aos condados cataláns,
reino de Aragón e de Navarra.
Mesta: o honrado Consello da Mesta foi unha asociación de gandeiros de Castela creada en 1273
por Afonso X, o Sabio. Vinculada á trashumancia de gando ovino polas chamadas cañadas reais
que unían os pastos de verán no norte na cordillera cantábrica cos pastos do sur de inverno. A
monarquía favoreceu este negocio que tivo o seu máximo apoxeo no século XVI polos beneficios
fiscais que producía o tránsito e exportación da lá de ovella merina dende os portos do Cantábrico.
Mozárabe: Poboación cristiá de Al-andalus durante a dominación árabe da península ibérica entre
os séculos VIII-XI. A conviviencia cos árabes foi pacífica, tiñan que pagar impostos pola súa
condición de dimmíes ( non árabes), isto provocou numerosas conversións ao islam. Moitos
acabaron emigrando cara os reinos hispanos do norte e participando na repoboación.
Taifas: Conxunto dos reinos nos que se dividiu Al-Andalus despois da disgregación do Califato de
Córdoba. Para evitar a conquista, moitas pagaron parias aos reinos cristiáns. A última taifa en
sobrevivir será o reino nazarí de Granada. O califato desapareceu no S.XI.