Ang Perspektibo ng mga Mag-aaral sa Senior High School sa Isang Pribadong

Paaralan sa NCR sa Epekto ng K-pop sa Kulturang Pilipino

Anora, Princess Junen R.1, Banzuela, Eitan Andrei P.2, Del Mundo, Matthew A.3, Ricaborda, Maria
Sophia T.4, Sumanting, Darla Nova E.5
princess.junen.anora@adamson.edu.ph 1, eitan.andrei.banzuela@adamson.edu.ph 2,
matthew.del.mundo@adamson.edu.ph 3, maria.sophia.ricaborda787@adamson.edu.ph4
darla.nova.sumanting@adamson.edu.ph 5
Abstrak: Ang pananaliksik na may titulong “Ang Perspektibo ng mga Mag-aaral sa Senior High School sa
Isang Pribadong Paaralan sa NCR sa Epekto ng K-pop sa Kulturang Pilipino” ay naglalayon na matukoy
ang epekto na dulot ng K-pop sa kultura ng mga mag-aaral at ang perspektibo nila sa nasabing mga epekto.
Naglunsad ng sarbey sa paraan ng google form ang mga mananaliksik sa mahigit 100 na mag-aaral upang
matukoy ang epekto ng K-pop sa pambansang kultura ng mga mag-aaral sa isang pribadong paaralan sa
NCR. Ayon sa ipinakita ng resulta ng sarbey, sang-ayon ang mga respondente na mayroong epekto ang K-pop
pagdating sa kanilang pagkain, pananamit at wika. Sa kanilang pananaw ang epekto na ito ay maganda.
Nakakuha ng pinakamataas na mean score ang pahayag na umiikot sa kahiligan ng pagkain ng Koreanong
kultura. Sa pananamit, may mean na 2.19 na nagsasaad na minsan lamang sila nagsusuot ng mga damit na
katulad ng Koreano. At ang sa wika naman, hindi masyadong ginagamit ang wikang Koreano kumpara sa
sariling wika. Ito ay may mean na 2.49 na nangangahulugang “hindi gaano.” Base sa mga nakalap mula sa
sarbey na ito, bagaman na ang K-pop ay gingusto at tinatangkilik, hindi masyadong malaki ang weighted
mean mula sa talahanayan- na nagpapakita na hindi kalakihan ang epekto ng K-pop sa kultura ng
mag-aaral. Samakatuwid, nararapat lamang na mabigyang gabay ang mga mag-aaral na mahilig sa K-pop
upang hindi malala ang maging epekto nito sa kanilang pambansang kultura at identidad.
Keywords- Epekto, Koreano, K-pop, Kultura, Sarbey, Mean, Perspektibo

INTRODUKSYON Pilipino ang K-pop, naiimpluwensyahan sila ng

Ang kultura ay isang napaka importanteng bagay—ito
ay ang ugat at ang identidad ng mga tao na siyang
pinagmulan ng mga tradisyon ng bawat pamilya. Ayon
sa Merriam Webster (2023), ang kultura ay mga
nakabahaging katangian ng mga tao, mga paniniwala, at
mga gawain ng isang institusyon o organisasyon.
Hindi maipapagkait ang katanyagan ng K-pop sa
kasalukuyang henerasyon. Ayon kay Necula (2016), ang
buong mundo ay naiimpluwensyahan ng K-pop, kung
baga nahihiligan nila ang mga musika nito. Ibig sabihin,
ang buong mundo ay naiimpluwensyahan kulturang
Koreano sa pamamagitan ng paglalaganap ng K-pop sa
buong mundo, at ang impluwensya na ito ay tinatawag
na Hallyu wave o Korean wave. Sapagkat, ang buong
mundo ay naiimpluwensyahan ng kulturang Koreano,
ang mga Pilipino ay kasama na rin dito. Ayon sa isang
journal ni Delgado (2018), kinahihiligan ng mga
Pilipino ang K-pop dahil sa kanilang pananamit,
koreograpiya sa kanilang sayaw, personalidad at ang
kaakit-akit na ritmo. At dahil sa kinahihiligan ng mga
kulturang Koreano.
Ang impluwensya ng K-pop ay hindi lamang
matatagpuan sa musika na taliwas sa maaaring iniisip
ng publiko, bagkus ang impluwensya ay makikita rin sa
pagpili ng pagkain at kagustuhan ng mga Pilipino. Ang
kagustuhan ng mga Pilipino sa pagkain ng Koreanong
pagkain ay nagmula sa pagtangkilik sa K-pop at
K-drama. Ang kapansin-pansing promosyon ng K-pop
fandom ay mas lalong nagpakita sa naganap na
penomenolohiya ng Hansik (Korean cuisine), na siyang
kasikatan ay tuloy-tuloy sa loob ng nakalipas na
dalawang dekada sa Pilipinas (Tupas at Lee, 2020).
Dahil sa impluwensya na napapanood sa telebisyon at
mga komersyal o patalastas sa social media, nakahiligan
na rin ng mga Pilipino ang Koreanong pagkain (Joven
2015). Sila ay naimpluwensyahan sapagkat ang pagkain
ay patok na patok sa panlasang Pilipino. Ang ramyeon
ay isa sa mga sikat na pagkain sa Korea na hanggang
ngayon ay mabibili ng mga Pilipino sa lokal na
pamilihan. Sinasabi rin na ang kimchi ay gawa sa
repolyo na binuro sa bawang, sibuyas, luya at paminta
ay isa rin sa sikat na pampawala ng umay, (Course
Hero, 2020).
Ang mga natuklasan ni Tupas at Lee (2020) sa kanyang
pag-aaral ay mayroong pagkakatulad ang pagkaing
Koreano at pagkaing Filipino; kimchi bilang “number
one side dish”, bulgogi ay inihaw na karne, bibimbap
bilang isang masarap na kanin na nasa mangkok at
japchae ay ang Koreanong katumbas ng sotanghon o
bihon. Ang mga nabanggit sa pag-aaral ay
nagbibigay-katwiran na ang epekto ng pagkonsumo ng
Koreanong pagkain ay nakabatay sa pakiramdam ng
pagiging pamilyar nito sa Pilipinong kultura. Kumbaga,
ang Koreanong pagkain ang nagsisilbing ‘third party
substitution’ para sa mga luto ng kanluran at tradisyonal
na Pilipinong pagkain.
Ngunit, ang ideya na tanging ang K-pop at K-drama
lamang ang siyang nakakaapekto sa atraksyon ng mga
Pilipino sa Koreanong pagkain ay tinunggali ng isang
Filipino chef na nagngangalang Sharwin mula sa
artikulong Here's how Filipinos have grown to love
Korean food (2020). Ayon sa kanya, itong kagustuhan
ng mga Pilipino sa Koreanong pagkain ay hindi lamang
dahil sa epekto ng K-pop at K-drama bagkus dahil na
rin sa pagiging parehas at pamilyar ng Koreanong
pagkain sa Pilipinong pagkain.
Ang pagkahilig ng mga Pilipino pagdating sa
pakikisama at pakikibagay sa ibang kultura ay hindi
lamang makikita sa pagbabago ng pagkaing
kinokunsumo; ang fashion sense o paraan ng pananamit
ng mga tao ay lubha ring apektado. Ayon sa pag-aaral
na isinagawa ni Tanhueco (2019), dahil sa paraan kung
paano ginagamit ng Pilipinas ang teknolohiya sa
globalisasyon, hindi maipagkakaila na ang K-fashion ay
sinusuot na ng karamihan.
Ang pahayag na ito ay suportado ng pag-aaral na
tinatawag na Impact of Korean Popular Music on
PSALMS Junior High School Student Lifestyle na
ipinahayag ni Salceda et al (2019), kung saan nagbigay
sila ng mga talatanungan upang mangalap ng datos sa
mga mag-aaral ng PSALMS Junior High School. Mula
dito, napag-alaman sa pag-aaral na ang paraan ng
pananamit at kagandahan ay pumapangalawa sa bilang
ng mga nakakaapekto sa pamumuhay dahil sa K-pop.
Ito ay makikita sa paraan ng mga kabataang Pilipino na
gayahin ang itsura ng kanilang iniidolo at ang paraan ng
presentasyon ng mga K-pop idols at artists. Bilang
resulta, ang mga mag-aaral na iyon ay nagsimulang
mag-suot ng mga kagiliw-giliw na naka-istilong damit
at mga pusturiyosong sapatos upang magaya nila ang
kanilang iniidolong Koreano.
Hindi lang sa pagkain at sa pamamaraan ng pananamit
ang nakikita na epekto ng K-pop (o Korean wave) sa
kultura ng mga Pilipino. Isa sa mga epekto ng Korean
wave (Hallyu na nangangahulugang K-pop at K-drama)
ay ang paggamit ng Koreanong wika o lenggwahe. Isa
ito sa mga linggwistikong pagbabago sa isang kultura
na hindi gaanong nabibigyang pagsusuri.
Ayon sa isang blog na nangangalang Beginer’s guide to
K-pop (2017), ang Korean pop o Korean pop music ay
may iba’t ibang musical genre na nagmula sa South
Korea. Bagama't mayroong language barrier na
humahadlang sa mga mag-aaral upang maunawaing
mabuti ang kahulugan ng kanta, dahil sa mga
nakakaakit na pagmumukha ng K-pop idols, liriko na
nagpapaganda ng kanilang musika at mataas na kalidad
ng kanilang pagkanta at pagsayaw, ito pa rin ay patuloy
nagtutulak sa mga mag-aaral na tangkilikin ang K-pop.
Sinabi ni Touhami (2017) sa kanyang pag-aaral na The
Influence of the Korean Wave on the Language of
International Fans: Case Study of Algerian Fans ang
epekto ng K-pop sa wika ng mga mag-aaral ay makikita
sa paggamit nila ng mga lenggwaheng Koreano sa
kanilang pang-araw-araw na diskurso hanggang sa
paggamit ng Ingles na may inangkop na kahulugan sa
Hallyu. Pagkatapos, nagsimula silang gumamit ng mga
kakaibang biro na kinuha mula sa pananalita ng
kanilang mga Koreanong idolo at mga diyalogo ng
K-drama. Nagsimulang gumamit din ang mga
mag-aaral ng kasabihan sa wikang Korean at
unti-unting gumamit ng ibang pagbigkas at ilang tunog
sa Ingles.
Bukod sa pagkakaroon ng wika na tanging makikita
lamang sa loob ng K-pop at K-drama fandom, ito’y
nagresulta sa mga respondante mula sa nabanggit na
pag-aaral na magkaroon ng pinaghalong wikang Ingles
at wikang Koreano sa kanilang pang-araw araw na
pananalita. Isang halimbawa nito ay ang pagsasabi ng
"aissh" na maaaring magpahayag ng emosyon ng
pagkainis o kasiyahan.
Habang binabago ng K-pop ang paraan ng pamumuhay
ng indibidwal, lumilitaw din ang mga pananaw tungkol
sa kulturang Koreano. Gaya ng nakasaad sa isang
pag-aaral na ginawa nila Salceda et al. (2019), na
tuwing nakikipag-ugnayan ang isang indibidwal sa
kulturang Koreano, tandaan na ang kanilang iniisip,
pananaw at paniniwala tungkol sa hitsura ng kultura
Koreano ay iba sa kulturang Pilipino. Sa katunayan, ang
K-pop ay patuloy na umuunlad sa paglipas ng panahon,
at ito ay nakarating na sa iba't ibang bahagi ng mundo,
partikular na sa Pilipinas. Ito'y nagbigay daan sa mga
tao na makipag-usap at kumonekta sa kulturang
Koreano tulad sa kanilang mga tradisyon, paniniwala sa
wika at iba pang mga aspeto ng buhay. Sa karagdagan,
may mga koreanong kagawian na naisama sa buhay ng
mga Pilipino; koreanong pagkain, musika, K-pop at
K-drama ay iilan sa mga tradisyon na nagamit ng
Pilipino sa kanilang kultura.
Sa kabilang banda, ang isang pag-aaral na isinagawa ni
Deen (2014), ay nagsasabi na karamihan sa mga K-pop
fans ay nakakaramdam ng pagkabukod sa lipunang
kanilang kinabibilangan. Ibig sabihin, nakakaramdam
sila ng hindi pagtanggap bilang isang indibidwal dahil
sila ay ‘kakaiba’ sa kombensyonal na mga pamantayan.
Kung kaya’t, ang pagiging miyembro ng isang K-pop
fan club ay nagbibigay ng kaginhawaan, koneksyon at
pakiramdam na sila ay tanggap.
Gayundin, nagbibigay din ito sa kanila ng potensyal na
malayang maipakita ang mga gawi sa subculture na
nilikha nila sa isang fandom katulad ng lenggwahe,
paraan ng kilos, pananamit at marami pang iba.
Gayunpaman, karamihan ng K-pop fans sa loob ng
isang K-pop subculture ay ayaw sa mga Koreaboos
(mga taong masyadong nahuhumaling sa kulturang
Koreano) dahil nahuhumaling at pinagsamantalahan
nila ang kulturang Koreano nang hindi nila nalalaman.
Samakatuwid, hindi maibabahagi ng mga Koreaboos
ang kanilang mga ideya dahil hindi sumasang-ayon ang
komunidad ng K-pop sa kanila.
Gayunpaman, hindi lahat ay may magandang opinyon
sa K-pop. Ito’y pinatunayan sa isang pag-aaral na
Understanding the Potential for a Hallyu “Backlash” in
Southeast Asia: A Case Study of Consumers in
Thailand, Malaysia and Philippines (Ainslie et al.,
2018), kung saan kinuwestiyon ang maraming grupo
mula sa maraming bansa. Nalaman na ang mga
pananaw at tugon ng mga Pilipino sa Koreanong
kultura, ay nagsasabi na ang K-pop ay “oversaturated at
business-minded” at pinaniniwalaan din nila na hinihila
nito ang mga Pilipino palayo sa kanilang sariling
kultura. Subalit, mayroon din namang mga tugon na
galing sa Pilipino na nagsasabi na ang K-pop ay
tinatanggap nila. Ito ay sa kadahilanan sa pagkakaroon
ng bukas na isipan at pagiging madamdamin. Sa
kabuuan, makikita natin na ang mga Pilipino ay may
halo-halong tugon at pananaw sa Koreanong kultura.
Ninanais na matukoy ng pananaliksik na ito ang mga
epekto ng K-pop sa kultura ng mga mag-aaral ng senior
high school sa isang pribadong paaralan sa NCR.
Epekto ng K-pop partikular na sa pagkain, paraan ng
pananamit, at wika. Dahil sa kasikatan ng K-pop,
maraming aspeto ng kultura ang naapektuhan. Ito rin
ay nag-udyok sa mga mananaliksik na alamin kung
ano-ano ang partikular na mga epekto ng K-pop sa
kultura pati na rin ang perspektibo sa pagbabago ng
kultura ng isang indibidwal dulot ng K-pop.
Ang kahalagan ng pagtaguyod ng pananaliksik na ito ay
maipakita na ang kultura ay patuloy na nagbabago -- na
hindi ito'y "static". Samakatuwid, gamit ang
pananaliksik na ito, mamumulat ang mga Pilipinong
mag-aaral kung paano hinuhubog at
naiimpluwensiyahan ng koreanong kultura gamit ang
K-pop ang kanilang paraan ng pamumuhay. Gayundin,
matututo ang mga mag-aaral na hindi maging malulong
at mahumaling ng sobra sa kultura ng K-pop. Sa paraan
na maipapahayag pa rin ang kagustuhan sa kulturang
Koreano na hindi nakakalimutan ang diwa ng
pambansang kultura.
Ang pag-aaral na ito ay sinusuportahan ng dalawang
teorya, ang SocioCultural Theory ni Vygotsky(1990) at
ang Social Influence ni Cialdini (1984). Ayon sa
teoryang Sociocultural Theory ni Vygotsky (1990), ang
kultura ay pwedeng magbago. Ang mga impluwensya
ng ibang tao ay pwedeng makaapekto sa kultura, tulad
ng isang katulong, mga magulang at mga kaibigan. Ibig
sabihin, ang mga tao ay pwedeng makabago ng kultura
sapagka’t, ang pagbabago ng isang tao ay maaaring
dahil sa pakikipag-salamuha sa iba. Maaari rin sa
impluwensya ng Social Media ang nagiging dahilan ng
pagbabago ng kultura. Ayon sa teoryang Social
Influence Theory ni Cialdini (1984), sinasabi rin dito na
nakakaimpluwensya sa mga tao ang mga nakikita nila
sa kanilang paligid na kung saan itinuturing na normal.
Ibig sabihin, ang kultura ay pwedeng magbago sa
kadahilanang ang nangyayari sa paligid ay
nakakahikayat sa iba. Katulad na lang ng sinabi ni
Cialdini, na ang mga tao ay may malaking posibilidad
na gawin nila ang mga ginagawa ng iba. Katulad na
lang ng K-pop o Korean Pop Music, isa sa mga musika
na hinahangaan ng mga Pinoy. Dahil sa dami ng
nakikinig at tumatangkilik dito, ang ibang mga tao ay
naghihikayat na maging mausisa at tangkilikin ang
K-pop dahil ito ang normal na nangyayari sa kanilang
paligid.
Sa simpleng salita, ayon sa dalawang teorya na
nabanggit, ang kultura ay pwedeng magbago dahil sa
mga nakikita, napapanood at sa pakikipag salamuha sa
iba. Ang mga nakikita at napapanood ng mga tao ay
pwedeng makuha o mai-adapt ng mga iba, gayundin sa
mga pakikipag salamuha sa iba. Sa pangkalahatan, itong
mga teoryang ito ang nagsisilbing batayan para
mapatunayan ang epekto ng K-pop sa kulturang
Pilipino.
LAYUNIN NG PAG-AARAL
Ang pag-aaral na ito ay naglalayong matuklasan ang
epekto ng K-pop sa mga mag-aaral ng Adamson Senior
High School at ang pananaw ng mga mag-aaral sa
pagbabago ng kanilang kinagisnang kultura, partikular
sa aspetong kultura ng mga mag-aaral ng baitang
labing-isa.
PAGLALAHAD NG SULIRANIN
Hindi maikakaila ang popularidad ng K-pop sa
kasalukuyang panahon lalo na’t sa pagkakaroon nito ng
magandang liriko, boses, sayaw at kaakit-akit na
pagmumukha ng mga Kpop idols. Kaya itong
penomena na ito ay mayroong epekto sa kultura ng mga
mag-aaral na nahuhumaling sa K-pop. Samakatuwid,
ang pag-aaral na ito ay nagnanais na masagot ang mga
sumusunod na katanungan:
1. Ano-ano ang mga epekto ng K-pop sa paraan ng
pamumuhay ng mag-aaral ng Senior High School?
a. Pagkain
b. Paraan ng Pananamit
c. Wika
2. Ano-ano ang mga pananaw o perspektibo ng mga
mag-aaral sa Senior High School sa mga pagbabago ng
kinagisnang kultura?
BALANGKAS TEORETIKAL
Figure 1: Balangkas Teoretikal
Ang mga sumusunod na teorya, SocioCultural Theory
ni Vygotsky (1990) at Social Influence ni Cialdini
(1984) ay siyang pundasyon ng pag-aaral na ito.
Pinapakita sa imahe ang balangkas kung paano ang
bawat teorya ay siyang mga rason maaaring
makaapekto ang K-pop sa kultura ng isang indibidwal.
Gamit ang Sociocultural Theory at Social Influence
Theory, masasabi na ang K-pop ay siyang baryabol na
makakaimpluwensiya sa kultura ng tao pagdating sa
kanilang putaheng kinakain, paraan ng pananamit at sa
wika na ginagamit.Gaya ng nakasaad sa Social
Influence Theory, “what they see is what they do”, na
nangangahulugang kung ano ang nakikita ng tao sa
kanyang kapaligiran ay siyang makakaapekto sa
kanilang pag-uugali. Ito’y suportado ng Sociocultural
Theory na nagsasaad na, “what people do becomes what
you do” na nagpapatunay na ang isang partikular na tao
o grupo ay maaaring makaimpluwensiya sa kanilang
kapwa at sa kasong ito, siyang kultura ang
naiimpluwensyahan; base sa prinsipyo ng dalawang
teorya.
Dahil ang pananaliksik na ito ay nakatutok sa
perspektibo ng mga mag-aaral tungo sa pagbabago ng
kanilang kultura, ang Social Influence Theory ay
maaaring maging baryabol na makaapekto sa kanilang
pananaw na nangyari sa kanilang sariling kultura.
Dagdag pa riyan, ang impluwensiya ng ibang tao ay
siyang makakaapekto rin sa perspektibo ng indibidwal
sa pagbabago sa kanilang kultura, positibo o negatibo
man ang kanilang pananaw ukol dito.

BALANGKAS KONSEPTUWAL
Ang balangkas konseptuwal ay tumutukoy sa daloy o
proseso ng pananaliksik na ito na siyang makikita sa
larawan. Sa balangkas na ito, ipinapaliwanag kung sa
paanong paraan ang bawat baryabol ay pinoproseso
bilang datos.
Sa parte ng input ng balangkas ay nakapaloob ang mga
baryabol na makikita sa pag-aaral na ito. Itong mga
baryabol ay mapapalitan bilang mga datos gamit ang
mga talatanungan, partikular na likert scale at ang ‘yes
or no questions’ na makikita sa parteng proseso.Saka
ito’y isasalin at susuriin ng mga mananaliksik upang
makakalap ng impormasyon sa epekto ng K-pop sa
kultura kaalinsabay ng perspektibo o pananaw ng mga
mag-aaral sa Senior High School ukol sa pagbabago sa
kanilang kultura.
KAHALAGAHAN NG PAG-AARAL
Ang pananaliksik ay makakatulong sa mga
sumusunod na indibidwal at organizasyon:
1. Mag-aaral - Gamit ang pag-aaral na ito, magiging
bukas ang isipan ng mag-aaral na makinig at manood ng
K-pop sa katamtamang paraan sapagkat matutunan nila
kung paano nakakaapekto ang K-pop sa kanilang paraan
ng pamumuhay.
2. Pamilya - Ang pananaliksik na ito ay magbibigay
linaw sa pamilya ukol sa kahiligan sa K-pop ng
kanilang kapamilya na siyang makakatulong upang
mapatnubayan ang kanilang anak sa pagbabago ng
kanilang kultura at pamumuhay.
3. Paaralan - Ang pananaliksik na ito ay magbibigay ng
impormasyon at datos sa paaralan kung paano
naimpluwensyahan ng K-pop ang perspektibo ng mga
mag-aaral tungkol sa kanilang kultura, na siyang
magsisilbing gabay sa mga mag-aaral na bigyang halaga
ang parehong kulturang Koreano at Pilipino..
4. K-pop stans - Ang pag-aaral na ito ay
mapapakikinabang ng mga K-pop fans sa pamamagitan
ng pagbibigay ng impormasyon kung paano
naiimpluwensyahan ng kulturang Koreano ang pananaw
ng mga Pilipino sa kanilang sariling kultura.
Magsisilbing gabay rin ito sa kanila upang komunsumo
ng K-pop sa kainanman na paraan.
5. Cultural Anthropologist - Ang pananaliksik na ito ay
magbibigay ng impormasyon at komprehensibong ulat
sa kung paano maaaring magbago, iangkop at umunlad
ang kulturang Koreano sa Pilipinas na makakatulong sa
mga cultural anthropologist sa kanilang pag-aaral
tungkol sa pagkakaiba-iba ng kultura ng mga tao.
6.Pambansang Komisyon para sa Kultura at mga Sining
(Institusyonal na pang Gobyerno) - Ang mga
matutuklasan ng pag-aaral na ito ay magpapakita ng
epekto ng K-pop at kulturang Koreano sa paraan ng
pamumuhay at kultura na aspeto ng mga mag-aaral na
K-pop fan, na siyang magtutulak sa gobyerno na hindi
lamang ipakita ang kulturang Koreano ngunit upang
i-sulong at ipakilala pa ang lokal na musika at kultura sa
kanilang mga pinapatupad programa.
Metodolohiya
DISENYO NG PANANALIKSIK
Ang pananaliksik na ito ay may layuning matukoy ang
mga epekto ng K-pop sa kultura ng mga mag-aaral,
partikular sa kulturang Pilipino, tungo sa mga
pagbabago sa kanilang pang-araw-araw na pamumuhay;
pagkonsumo ng pagkain, paraan ng pananamit, at
wikang ginamit. May obhetibo rin ito na malaman ang
mga pananaw ng mga mag-aaral sa mga pagbabagong
ito, kung ito ay positibo o negatibo. Upang
maisakatuparan ito, ang disenyong deskiriptib-sarbey
ang gagamitin.
Ayon sa surveyplanet (2022), ang deskriptib sarbey ay
ginagamit sa kwantitatibong pag-aaral upang masagot
ang mga tanong na “ano”, “paano”, “kailan”, at
“nasaan”. Ginagamit din ang disenyong ito upang
masuri ang relasyon ng mga baryabol sa pag-aaral.
(Descriptive Research Studies | Research Connections,
n.d.)Sa pag-aaral na ito, pinili ito ng mga mananaliksik
upang masagot kung ano ang epekto ng kulturang
Koreano, gamit ang K-pop, sa kultura ng mga
estudyante sa baitang labing isa, at ano ang pananaw o
perspektibo nila sa mga pagbabago o epekto ng
kulturang Koreano sa kanilang sariling kultura.
Instrumento ng Pananaliksik
Upang makamit ang layuning matukoy ang mga epekto
ng K-pop sa kultura ng mga mag-aaral, partikular sa
kulturang Pilipino, tungo sa mga pagbabago sa kanilang
pang-araw-araw na pamumuhay; pagkonsumo ng
pagkain, paraan ng pananamit, at wikang ginamit, ang
mga mananaliksik ay gagamit ng likert scale upang
matukoy ang mga pagbabago sa kanilang kultura
(pagkonsumo ng pagkain, paraan ng pananamit, at
wikang ginagamit). Habang ang mga tanong na oo/hindi
ay gagamitin upang matukoy ang pananaw ng mga
mag-aaral. Samakatuwid, gagamitin ng mga
mananaliksik ang frequency distribution upang matukoy
ang mga epekto ng K-pop sa kanilang kultura at
gayundin ang mga pananaw ng mga mag-aaral tungkol
sa mga pagbabago ng kanilang kultura.
Mga Respondente
Ang mga mananaliksik ay magsasagawa ng sarbey sa
isang daan (100) na baitang labing-isa na mag-aaral ng
Senior High School sa Adamson University. Ayon kay
Bullen (n.d.), ang 100 na respondante ay sapat na para
sa mga pag-aaral. Ibig sabihin, ang 100 na respondente
ay sapat na para mabalideyt ang datos na nakuha sa mga
mag-aaral . Ang mga mananaliksik ay gagamit ng
Convenience Sampling bilang sampling method. Ayon
sa blog ni Nikolopoulou (2022), ang Convenience
Sampling ay isang non-probability sampling na kung
saan ang mga respondente ay ang mga madaling
mapagtatanungan. Sa kadahilanang limitado ang oras ng
mga mananaliksik. Pinili ng mga mananaliksik ang
teknik na ito dahil sa mga limitasyon sa oras at ng
mananaliksik.
Pagsusuri ng Datos
Sa pagsusuri ng datos, ang mga mananaliksik ay
gagamit ng Frequency Distribution at Weighted mean
para malaman kung ilang mga estudyante ang may
positibo o negatibo na pananaw sa pagbabago ng
kanilang kultura, at malaman din kung ano ang epekto
ng K-pop sa kulturang Pilipino (sa pagkain, pananamit,
at wika). Gagamitin ng mga mananaliksik ang
Microsoft Excel upang macompute ang mean ng mga
respondente, para malaman ang persyento at kung
gaano nakakaapekto ang K-pop sa kulturang Pilipino.
Gagamitin din ng mga mananaliksik ang tabular upang
mairepresenta ang datos o mga sagot ng mga
respondente.
Pangangalap ng Datos
Sa paglalaganap ng datos, ang mga mananaliksik ay
nagpadala ng google forms na kung saan ito’y daan para
masagot ang mga sarbey na kinakailangan ng mga
suliranin sa pag-aaral na ito. Ang mga mananaliksik ay
nagtanong sa mga mag-aaral na baitang labing isa para
makakuha ng permiso sa kanila sa pagsagot ng sarbey.
Ibinigay din ng mga mananaliksik ang nagawa google
form sa block representative upang mapabigay sa mga
group chats ng estudyante sa baitang labing isa.
Pagkatapos masagutan ng mga respondante ang sarbey,
ang mga mananaliksik ay tumungo sa pagsusuri ng
datos.
Resulta
Nakasaad sa parteng ito ang mga datos na
nagpapakita ng epekto ng K-pop sa kultura ng baitang
labing isa ng Senior High School sa Adamson
University, at ang perspektibo nila ukol sa pagbabago
dito.
Talahanayan 1 Distribusyon ng mean ng
katanungang Oo at Hindi sa pananaw o perspektibo
ng mga mag-aaral sa mga pagbabago ng
kinagisnang kultura
AYTEM OO HINDI
1. Mahilig ka ba sa 81 19
K-pop?
2. Mahilig ka ba sa 70 30
kulturang koreano
(korean culture)
 “Oo” ay 53.6%. Sa kabilang banda, ang mean ng mga
3. Sa iyong palagay ang 88 12
mga pagbabago sa kasagutang “Hindi” ay 46.4%.
pamumuhay mo (tulad
ng pagkonsumo ng
koreanong pagkain, Talahanayan 1.1 Distribusyon ng kasagutan at mean
pag suot nang damit score sa epekto ng K-pop sa paraan ng pamumuhay
pang-koreano, at ang (pagkain, paraan ng pananamit, wika) ng mga
paggamit ng
koreanong lenggwahe) mag-aaral
ay maganda?
AYTEM MEAN DESKRI
4. Sa iyong palagay 19 81
PSYON
dapat bang
gawin/gayahin ng 1. Mahilig ka ba sa mga 3.68 Sang
ibang tao ang mga K-pop na napapanood, ayon
kagawian ng mga partikular sa mga
Koreano (hal. Sa pagkaing kinakain,
kanilang kinakain, mga paraan ng
pananamit, at ang pananamit, at ang
lenggwahe)? paggamit ng kanilang
wika?
5. Kung ikaw ang 10 90
papipiliin, mas pipiliin 2. Mahilig ka ba sa mga 3.74 Sang
mo ba ang koreanong koreanong pagkain? ayon
kultura kaysa sa sarili
mong kultura?
3. Mahilig ka bang 3.62 Sang
BAHAGDAN 53.6% 46.4% kumain sa mga ayon
Koreanong restawran
o fast food chain?
Interpretasyon:
Ang talahanayan na ito ay nagpapakita ng 4. Sang-ayon ka ba na 2.32 Hindi
perspektibo ng mga mag-aaral sa mga pagbabago ng mas masarap ang sang
Koreanong pagkain ayon
kinagisnang kultura. Ang pahayag na nakakuha ng
kaysa sa sariling
pinakamataas na kasagutan “Oo” na may bilang ng 88 kulturang pagkain?
ay “Sa iyong palagay ang mga pagbabago sa
pamumuhay mo (tulad ng pagkonsumo ng koreanong 5. Mas pipiliin mo bang 2.39 Hindi
pagkain, pag suot nang damit pang-koreano, at ang kumain sa mga sang
paggamit ng koreanong lenggwahe) ay maganda?”. Koreanong restawran ayon
kaysa sa mga
Samantalang ang pahayag na nakakuha ng
restawran na naaayon
pinakamababang “Oo” na may bilang na 10 ay “kung sa iyong kultura?
ikaw ang papipiliin, mas pipiliin mo ba ang koreanong
kultura kaysa sa sarili mong kultura?”. Ang
pinakamataas na kasagutan na may bilang ng 90 6. Mahilig ka ba mag 3.42 Katamta
“Hindi” ay ang “Kung ikaw ang papipiliin, mas pipiliin suot ng mga damit man
pang koreano (tulad ng
mo ba ang koreanong kultura kaysa sa sarili mong
mga blazers, coats, o
kultura?” at ang pinakamababa na kasagutan sa “Hindi” kahit anong
na may bilang ng 19 ay “Mahilig ka ba sa K-pop?” “aesthetic” na
pananamit)?
Sa kabuuan, ayon sa nakalap na datos ng mga
mananaliksik, natukoy ang mean ng mga sumagot sa
 Table 1.2 Distribusyon ng kasagutan at mean score
7. Mahilig ka ba 2.14 Hindi
gumamit ng wikang sang sa kadalasan sa pagtatangkilik ng mga Koreanong
Koreano ayon pagkain, pananamit, at sa wikang ginagamit

8. Sang ayon ka ba na 1.84 Higit na AYTEM MEAN DESKRIPSYON

mas maganda ang hindi
wikang Koreano kaysa sang 1. Gaano ka 2.90 Minsan
sa sariling wika? ayon kadalas kumain
ng mga
Koreanong
Weighted Mean 2.89 Katamta pagkain?
man
2. Gaano ka 2.58 Hindi gaano
LEGEND: kadalas kumain
sa mga
Higit na hindi sang ayon 1.00-1.80 Koreanong
restawran
Hindi sang ayon 1.90-2.60
kumpara sa
Katamtaman 2.70-3.40 mga restawran
Sang ayon 3.50-4.20 na naaayon sa
Higit na sang ayon 4.30-5.00 iyong kultura?

Interpretasyon:
3. Kadalasan ba 2.91 Minsan
Makikita sa talahanayan, ang epekto ng K-pop
na naka suot
sa paraan ng pamumuhay (pagkain, paraan ng kang pang
Pananamit, wika) ng mga mag-aaral. Nakakuha ng koreano tuwing
pinakamataas na mean score na 3.74 ang pahayag na lumalabas ng
“Mahilig ka ba sa mga koreanong pagkain?” at ang bahay (tulad ng
resulta nito ay “Sang ayon”. Na nangangahulugang may mga blazers,
makabuluhang kagustuhan ang respondente sa coats, o kahit
anong
kulturang Koreano at K-pop. Sa kanilang perspektibo,
“aesthetic” na
ang epekto ng Koreanong kultura nito sa pagkain, pananamit)?
pananamit at wika ay maganda.
4. Mas ginagamit 1.45 Hindi kailanman
Samantalang, ang pahayag na ”Sang ayon ka ba mo ba ang
na mas maganda ang wikang Koreano kaysa sa sariling wikang
Koreano kaysa
wika?” ay may pinakamababang mean. Ito ay
sa sariling
nangangahulugan na ang mga respondente ay hindi wika?
sumasang-ayon sa pahayag na mas maganda ang
Koreanong wika kaysa sa sariling wika.
Weighted Mean 2.46 Hindi gaano

LEGEND:
Hindi kailanman 1.00-1.80
Hindi gaano 1.90-2.60
Minsan 2.70-3.40
Madalas 3.50-4.20
Palagi 4.30-5.00
Interpretasyon:
Matatagpuan sa talahanayan na ito ang pangalawang
parte ng epekto ng K-pop sa paraan ng pamumuhay
(pagkain, paraan ng Pananamit, wika) ng mga
mag-aaral. Ang nakakuha ng pinakamataas na mean
score ay ang pahayag na “Kadalasan ba na naka suot
kang pang koreano tuwing lumalabas ng bahay (tulad
ng mga blazers, coats, o kahit anong “aesthetic” na
pananamit)?” na ang resulta ay 2.91 “minsan”. Ayon sa
datos na ito, ang mga respondante ay minsan nagsusuot
ng mga koreanong paraan ng pananamit, kabilang na
dito ang mga blazers, coat at anumang ma-estilo at
magandang pananamit. Ang pinakamababang mean
score naman ay ang pahayag na mas ginagamit mo ba
ang wikang Koreano kaysa sa sariling wika? Na
nangangahulugang “hindi kailanman”.
Bilang lagom, ang weighted mean ng mga datos ng
talahanayan na ito ay 2.46. Ang resulta ay “Hindi
gaano.”
Konklusyon:
Mula sa mga nakalap na mga datos, ipinapakita nito ang
epekto ng K-pop sa kultura ng mag-aaral pati na rin
ang perspektibo ng mga mag-aaral tungkol sa nasabing
epekto na ito. Naipapakita na hindi lahat ng mga
mag-aaral ay mahilig sa K-pop. Gayundin, naipapakita
rin na walang masyadong epekto at hindi kalakihan ang
pagbabago na naidudulot ng K-pop sa kanilang kultura
bagaman na ito ay labis na tinatangkilik at
kinokonsumo. Kahit na nagugustuhan ng mga
estudyante ang K-pop, wala pa ding masyadong epekto
ito sa kanilang kultura o kanilang parang pamumuhay,
partikular sa mga pagkaing kinakain, pananamit, at
wikang ginagamit; kontra sa sinabi nina Joven (2015),
Tupas at Lee (2020) na kung saan naiimpluwensyahan
ang mga tao sa mga nakikita nila o napapanood sa
telebisyon, at kahit na may pagkakatulad ang mga
pagkain ng Koreano at Pilipino, hindi pa din sila
masyadong naapektuhan ng impluwensya nito. Dagdag
pa riyan, kahit na ang perspektibo nila sa epekto ng
K-pop sa kanilang pamumuhay ay maganda; karamihan
sa mga respondente ay hindi nagustuhan ang pagbabago
na naidudulot ng K-pop sa kanilang kultura. Ito’y tugma
sa sinabi ni Deen (2014) na hindi nagugustuhan ng mga
tao ang nakikitang pagbabago sa kanilang kultura. Itong
resulta ay naging pruweba sa pagtatangi o sa negatibong
perspektibo mga mag-aaral sa pagbabago na nakikita sa
kultura.
Rekomendasyon:
Batay sa mga datos na nakuha galing sa mga
respondante, nirerekomenda ng mga mananaliksik ay
ang mga sumusunod:
1. Mag-aaral: Para sa mga mag-aaral, hindi
naman masama ang tangkilikin ang ibang
kultura; huwag lang kalimutan ang kinagisnang
kultura. Sapagkat ang kultura ang iyong
katauhan at identidad.
2. Pamilya: Para sa mga pamilya ng mga
mag-aaral—tandaan, hindi masama ang
tangkilikin ang ibang kultura, pero masama
kapag sobra-sobra. Kaya’t kinakailangan ng
gabay ng mga mag-aaral kapag nakakalimutan
na nila ang kanilang kinagisnang kultura, o
kaya naman ang kanilang identidad bilang isang
Pilipino
3. Paaralan: Para sa mga paaralan, dahil sa
pagtatangkilik ng mga estudyante sa Koreanong
kultura gawa ng K-pop o kahit anong medyum;
pwedeng magkaroon ng isang event o programa
na tungkol sa Koreanong kultura o kahit anong
kultura na kung saan mas malalantad o mas
lalawak ang kanilang kaalaman tungkol sa iba’t
ibang kultura.
4. K-pop stans: Para sa mga K-pop stans, base sa
resulta ng pag-aaral na ito, kinakailangang
nilang malaman na ang sobrang pagtatangkilik
sa K-pop ay pwedeng makabago ng kanilang
pamamaraan ng pamumuhay o mismong
kultura o identidad nila bilang Pilipino.
5. Cultural Anthropologist: Para sa mga Cultural
Anthropologist, pwede nilang pag-aralan ang
mga hindi nakamit ng pag-aaral na ito; ang
epekto ng K-pop sa kanilang personalidad at
ang epekto ng K-pop sa kultura sa
pangkalahatan.
6. Pambansang Komisyon para sa Kultura at
mga Sining (Institusyonal na pang
Gobyerno): Para sa Pambansang Komisyon
para sa Kultura at mga Sining (Institusyonal na
pang Gobyerno), maaari nilang pag-aralan sa
paanong napalaganap ang kulturang Koreano sa
iba’t ibang panig ng mundo. Samakatuwid,
 makakahanap din sila ng inspirasyon mula sa
penemoneong hallyu upang maipalaganap o
ipahatid sa ibang bansa ang kulturang Pilipino.
Reference:
Ainslie M. J., Lipura, S. J., & Lim, J. (2018).
Understanding the Potential for a Hallyu “Backlash” in
Southeast Asia: A Case Study of Consumers in
Thailand, Malaysia and Philippines. Archīum
Ateneo.
https://archium.ateneo.edu/korean-stud-faculty-
pubs/3
Beginners Guide to K-pop: 2017 Edition Part One.
(2017, August 30).
https://noonanaturalhairandbeauty.wordpress.co
m/2017/08/30/beginners-guide-to-k-pop-2017-e
dition-part-one/
Bullen P. B. (2013, October 17). How to choose a
sample size (for the statistically challenged) -
tools4dev. Tools4dev.
https://tools4dev.org/resources/how-to-choose-a
-sample-size/
Delgado C. (2018, December 4). 4 reasons why
Filipinos love K-pop.
https://www.alike.com.ph/journals/view/4-reaso
ns-why-filipinos-love-k-pop-130
Descriptive Research Studies | Research Connections.
(n.d.).
https://www.researchconnections.org/research-t
ools/study-design-and-analysis/descriptive-rese
arch-studies
Joven, A. E. (2022, January 1). Hansik and Hallyu: An
analysis of the Filipino appropriation of Korean
Cuisine as a function of imagining Korean
culture.
https://www.semanticscholar.org/paper/Hansik-
and-Hallyu%3A-An-Analysis-of-the-Filipino-o
f-a-Joven/3dba430cfb48dad2034bfb0162b280a
16530713d
Necula, A. E. (2016). The Hallyu Influence. K-POP on
Foreign Lands. (PDF) the Hallyu Influence.
K-POP on Foreign Lands.
https://www.academia.edu/40541372/The_Hall
yu_Influence_K_POP_on_Foreign_Lands
Nikolopoulou, K. (2022, August 9). What Is
Convenience Sampling? | Definition & Examples
https://www.scribbr.com/methodology/convenie
nce-sampling/
Salceda S. A., Bangcot Q. E., Espero Y. & Dayoman A.
S. (March, 2019). Effects on Korean Pop Music to
the lifestyle of Psalms Junior High School
students.https://www.academia.edu/39393229/E
ffects_of_Korean_Popular_music_to_the_lifest
yle_of_PSALMS_junior_high_school_students
Survey Descriptive Research: Design & Examples
(2022, November 2).
https://blog.surveyplanet.comsurvey-descriptive
-research-method-design-and-examples
Tanhueco, J., Bringula S. G., Malawig K. E., Onlayo K.
F., & Real A. (2019). A Phenomenological Study
on How American and Korean Cultures Affect
the Present Culture of Filipino People.
https://www.academia.edu/44354990/A_Pheno
menological_Study_on_How_American_and_
Korean_Cultures_Affect_the_Present_Culture_
of_Filipino_People
Touhami, B., & Al-Haq, F. (2022, January 1). The
Influence of the Korean Wave on the Language of
International Fans: Case Study of Algerian
Fans.
https://www.semanticscholar.org/paper/The-Infl
uence-of-the-Korean-Wave-on-the-Language-of
-Touhami-Al-Haq/edb10104b6de1033cd73b09
2a81dbeb8cff8c7ff
Tupas V. A. & Lee A.(2020, October 22). Here’s how
Filipinos have grown to love Korean food. GMA
News Online.
https://www.gmanetwork.com/news/lifestyle/fo
od/760977/explaining-the-filipinos-k-foodies-p
henomenon/story/