Iba't ibang tao ang sumasakay sa dyip ni Tatay. May mga
estudyanteng papasok ng eskuwela. May aleng mamamalengke. May nanay na may kasamang anak. Pero may isang taong sumakay na bukod-tangi. Ang suot niya'y makulay at maluwang na damit. Napakalaki ng sapatos niyang pula! Pula rin ang ilong niya. Puting-puti ang mukha niya at asul ang kulot niyang buhok. Hindi ko siya mapigilang tingnan. Tinititigan din siya ng katabi niya.Ngumiti siya sabay-labas ng limang bola mula sa kaniyang bulsa. Isa-isa niyang itinapon ang mga bola pataas at sinalo. Paulit-ulit niya itong ginawa. Napapalakpak kaming lahat! Ang Pagong at ang Kuneho "Ako ang pinakamabilis tumakbo, ”sabi ni Kuneho. “Wala nang bibilis pa sa akin!” “Naku, Kuneho, wala ka nang ibang sinabi kung hindi gaano ka kabilis tumakbo, ”sabi ni Pagong. “Hinahamon kita sa isang paligsahan." “Hindi mo ako matatalo! ”sabi ni Kuneho. “Dahil mas mabilis akong tumakbo!" "Malalaman natin ‘yan bukas ng umaga, ”sabi naman ni Pagong. “Kapana-panabik ito! ”sabi ni Buwaya. “Kawawa naman si Pagong kasi ang bagal niyang gumalaw, ”sabi naman ni Elepante. “Kahit mabagal siya ay hindi naman siya tumitigil, ” sabi ni Unggoy. Kinabukasan, dumating ang lahat ng hayop upang manood ng paligsahan.