Enero 1, 2011 salin sa Filipino ni Shiela C. Molina
Si Dilma Rousseff ang kauna-unahang babaeng pangulo ng bansang
Brazil. Ngayon ay nasa harap siya ng maraming mga brazilian para ipabatid ang kaniyang pangako ng kaniyang administrasyon Tinitiyak ng aking pamahalaan na lalabanan at susugpuin ang labis na kahirapan gayundin, ang lumikha ng mga pagkakataon para sa lahat. Hindi ako titigil hanggat may brazilian na walang pagkain sa hapag , may mga pamilya pakalat-kalat sa lansangan at mga naghihirap Hindi ito naiibang tungkulin ng isang pamahalaan, isa itong kapasiyahan na dapat gampanan ng lahat sa lipunan. Sa pagsugpo nang labis na kahirapan, kailangang bigyang priyoridad ang mahabang panahong pagpapaunlad. Ang mahabang panahong pagpapaunlad ay lilikha ng mga hanapbuhay para sa kasalukuyan at sa darating pang henerasyon. Kailangan ang paglagong ito, kasama ang matatag na programang panlipunan upang malabanan ang hindi pantay na kita at pagkakaroon ng rehiyunal na pagpapaunlad.