1. Ang pasyente ay may karapatan sa mapagpahalaga at magalang na pagkalinga.
2. Ang pasyente ay may karapatang malaman ang kumpletong impormasyon tungkol sa kanyang kasalukuyang kalagayan, karamdaman, kalunasan at paggaling sa pamamagitan ng paliwanag na kanyang maiintindihan. 3. Ang pasyente ay may karapatang malaman sa kanyang doktor ang kinakailangang impormasyon para sa kanyang pagsang-ayon bago magpasimula ng anumang gamutan. 4. Ang pasyente ay may karapatang tumanggi nang naaayon sa batas at maipa- alam sa kanya ang mga maaaring mangyari sa kanyang kasalukuyang kalusugan dulot ng kanyang pagtanggi. 5. Ang pasyente ay may karapatan sa pagsasaalang-alang ng kanyang pribadong buhay patungkol sa kanyang sariling programang pangkalusugan. 6. Ang pasyente ay may karapatang magtiwala na ang lahat na komunikasyon at mga dokumento patungkol sa kanyang pagpapagamot ay ituturing na pribado. 7. Ang pasyente ay may karapatang magtiwala na sa kakayanan ng ospital, matutugunan nito nang naaayon ang kinakailangan niyang serbisyo. 8. Ang pasyente ay may karapatang makakuha ng impormasyon sa anumang kaugnayan ng ospital sa iba pang pagamutan at paaralan na may kinalaman sa kanyang kalusugan. 9. Ang pasyente ay may karapatang mapaliwanagan kung sakaling ang ospital ay magpanukala ng pagsasagawa ng pag-aaral o eksperimento na maaaring makaapekto sa kanyang kalusugan o kagalingan. 10. Ang pasyente ay may karapatang umasa sa karampatang tuloy-tuloy na pangangalaga. 11. Ang pasyente ay may karapatang magsiyasat at tumanggap ng paliwanag patungkol sa kanyang bayarin, kahit saan pa man galing ang kanyang pambayad. 12. Ang pasyente ay may karapatang malaman kung anu-ano ang mga patakaran at mga alituntunin ng ospital na patungkol sa kanya bilang isang pasyente.