Edukasyong Pantahanan

at Pangkabuhayan
5
Ikalawang Home Economics
Markahan
EPP – HOME ECONOMICS- Ikalimang Baitang
Ikalawang Markahan – Modyul 11:Wastong Paggamit ng Makinang De- Pidal !
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi ang sinuman sa anumang akda ng Pamahalaan ng Pilipinas.
Gayunpaman, kailangan na may pahintulot ng ahensiya o tanggapan ng pamahalaan na
naghanda ng akda kung ito ay pagkakakitaan. Kabilang sa mga maaaring gawin ng
nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
modyul na ito ay nagtataglay ng karapatang-ari ng mga iyon. Pinagsumikapang malikom
ang mga ito upang makuha ang pahintulot sa paggamit ng materyales. Hindi inaangkin
ng mga tagapaglathala at mga may-akda ang karapatang-aring iyon. Ang anumang gamit
maliban sa modyul na ito ay kinakailangan ng pahintulot mula sa mga orihinal na may-
akda.

Walang anumang bahagi ng nilalaman nito ang maaaring kopyahin o ilimbag sa

anumang paraan nang walang pahintulot sa kagawaran.

Inilathala ng Kagawaran ng Edukasyon Dibisyon ng Lungsod ng Pasig.

Komite sa Pagsulat ng Modyul

Manunulat: Dolores O. Antolin
Editors: Bernadette B. Enriquez, Pepito B. Cagunot
Tagasuri: Bernadette B. Enriquez, Pepito B. Cagunot
Tagaguhit: Edison P. Clet, Arnel R. Ganados
Tagalapat:
Tagapamahala: Ma. Evalou Concepcion A. Agustin
OIC-Schools Division Superintendent
Carolina T. Rivera EdD
OIC-Assistant Schools Division Superintendent
Victor M. Javeña EdD
Chief, School Governance and Operations Division and
OIC-Chief, Curriculum Implementation Division

Education Program Supervisors

Librada L. Agon EdD (EPP/TLE/TVL/TVE)

Liza A. Alvarez (Science/STEM/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)
Inilimbag sa Pilipinas, Kagawaran ng Edukasyon – Pambansang Punong Rehiyon
Tanggapan ng mga Paaralan ng Sangay-Lungsod Pasig
 EPP 5
Ikalawang Markahan
Modyul 11 Para sa Sariling Pagkatuto

Wastong Paggamit ngMakinang

De-Pidal
Paunang Salita

Para sa tagapagdaloy:

Malugod na pagtanggap sa asignaturang Edukasyong Pantahanan at

Pangkabuhayan – Home Economics 5 ng Modyul para sa araling Wastong
Paggamit ng Makinang De- Pidal!

Ang modyul na ito ay pinagtulungang dinisenyo, nilinang at sinuri ng mga edukador

mula sa Dibisyon ng Pasig City na pinamumunuan ni Ma. Evalou Concepcion A.
Agustin, OIC Schools Division Superintendent at sa pakikipag ugnayan sa Lokal na
Pamahalaan ng Pasig sa pamumuno ng butihing Alkalde na si Hon. Victor Ma. Regis
N. Sotto, upang matulungang makamit ng mag-aaral ang pamantayang itinakda ng
Kurikulum ng K to12 habang kanilang pinanagumpayan ang pansarili, panlipunan
at pang-ekonomikong hamon sa pag-aaral.

Ang modyul na ito ay umaasang makauugnay ang mag-aaral sa mapatnubay at

malayang pagkatuto na mga gawain ayon sa kanilang kakayahan, bilis at oras.
Naglalayon din itong matulungan ang mag-aaral upang makamit ang mga
kasanayang pan-21 siglo lalong lalo na ang 5 Cs (Communication, Collaboration,
Creativity, Critical Thinking and Character) habang isinasaalang-alang ang kanilang
mga pangangailangan at kalagayan.

Bilang karagdagan sa materyal ng pangunahing teksto, makikita ninyo ang kahong

ito sa pinakakatawan ng modyul:

Mga Tala para sa Guro

Ito'y naglalaman ng mga paalala,
panulong o estratehiyang magagamit sa
paggabay sa mag-aaral.

Bilang tagapagdaloy, inaasahang bibigyan mo ng paunang kaalaman ang mag-aaral

kung paano gamitin ang modyul na ito. Kinakailangan ding subaybayan at itala ang
pag-unlad nila habang hinahayaan silang pamahalaan ang kanilang sariling
pagkatuto. Bukod dito, inaasahan mula sa iyo na higit pang hikayatin at gabayan
ang mag-aaral habang isinasagawa ang mga gawaing nakapaloob sa modyul.
Para sa mag-aaral:

Malugod na pagtanggap sa Edukasyong Pantahanan at Pangkabuhayan Home

Economics 5 Modyul ukol sa Wastong Paggamit ng Makinang De-Pidal !

Ang modyul na ito ay ginawa bilang tugon sa iyong pangangailangan. Layunin nitong
matulungan ka sa iyong pag-aaral habang wala ka sa loob ng silid-aralan. Hangad
din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

MGA INAASAHAN
Sa bahaging ito malalaman mo ang mga dapat mong
matutuhan pagkatapos mong makumpleto ang Modyul.

PAUNANG PAGSUBOK
Dito masusukat ang dati mo nang kaalaman at mga dapat mo
pang malaman sa paksa.

BALIK-ARAL
Dito masusukat ang I iyong matutuhan at naunawaan sa mga
na unang paksa.

ARALIN
Tatalakayin sa bahaging ito ang paksa sa Modyul na ito.

MGA PAGSASANAY
Pagbibigay ng guro ng ibat ibang pagsasanay na dapat sagutan
ng mga mag-aaral.

PAGLALAHAT
Sa bahaging ito ibunuod ang mahahalagang konsepto na dapat
bigyang halaga.

PAGPAPAHALAGA
Sa bahaging ito ay titiyakin kung ang mga kasanayang
pagkatuto ay naiuugnay at nailalapat sa inyong mga
pagpapahalaga.

PANAPOS NA PAGSUSULIT
Dito masusukat ang mga natutuhan ng mga mag-aaral.
 MGA INAASAHAN

Pagkatapos ng modyul na ito ang mga mag-aaral ay inaasahang

natatalakay at naipakikita ang wasto at maingat na paraan ng paggamit ng
makina.

PAUNANG PAGSUBOK

Ang mga sumusunod ay mga panuntunan na dapat sundin sa

panahi upang maiwasan ang sakuna o aksidente.

Panuto: Isulat ang SA kung sumasang- ayon ka sa ipinahahayag ng

pangungusap at DS kung di- sumasang- ayon. Isulat sa patlang ang
tamang sagot.

_______1. Gamitin ang gunting sa pagputol ng sinulid.

_______2. Ipitin ng bibig ang karayom at aspili kapag ginagamit ito.
_______3. Umupo nang tuwid kung mananahi upang maginhawa sa likod.
_______4. Manahi sa isang lugar na madilim upang walang makakita sa iyo
_______5.Mag-ingat sa paggamit ng mga matutulis na bagay kagaya ng
gunting, karayom at iba pa.
 BALIK-ARAL

Panuto: Basahin at unawain ang pangungusap sa bawat bilang. Piliin at

Isulat sa patlang ang titik nang tamang sagot.

___1. Anong bahagi ng makina ang nagdudugtong sa balance wheel at sa

band wheel?
A. Belt o kulindang
B. Needle bar
C. Presser foot
D. Slide plate
____2. Anong bahagi ng makina ang pinaglalagyan ng karete ng sinulid?
A. Needle bar
B. Spool pin
C. Tension regulator
D. Thread take up lever
____3. Anong bahagi ng makina ang makikita malapit sa balance wheel
upang lagyan ng sinulid ang bobina?
A. Bobbin Case o kaha ng bobina
B. Bobbin winder o ikitan ng sinulid
C. Stitch regulator
D. Stop motion screw
____4. Anong bahagi ng makina ang pumipigil o gumagabay sa tela habang
tinatahi?
A. Feed dog
B. Presser foot
C. Presser bar lifter
D. Throat plate
____5. Anong bahagi ng makina ang pinapatungan ng dalawang paa upang
paandarin ang makina?
A. Band wheel
B. Balance wheel
C. Stop motion screw
D. Treadle
 ARALIN

Paggamit ng Makinang De-Pidal

Ang pagpapatakbo ng makinang de-padyak ay madaling gawin kung
ito ay pag- aaralan at pagsisikapan. Ilagay ang makina sa lugar na may sapat
na liwanag upang makitang mabuti ang ginagawa. Pumili ng upuan na may
sapat na taas upang hindi mahirapang manahi.

Wastong Pagpapatakbo ng Makinang De-Pidal

Kailangan tama at wasto ang pagpapatakbo ng makina. Magiging maayos

ang pananahi kung susundin ang mga panuntunan sa wastong
pagpapatakbo ng makina. Gawing madalas ang pagsasanay upang
mapatakbo ito nang tama.

1. Tiyaking na ang liwanag ay nanggagaling sa

likuran.

2. Umupo nang maayos sa harap ng makina.

Ilagay nang lapat ang dalawang paa sa
apakan o treadle. Ang kaliwang paa ay dapat
bahagyang mataas kaysa kanan.

3. Ikabit ang belt o kulindang sa balance wheel

upang magdugtong ito sa drive wheel.

4. Hawakan ang gulong sa itaas o balance wheel

at paandarin ito patungo sa iyo. Ipadyak nang
banayad ang treadle.

5. Magsanay sa pagpadyak nang tuloy- tuloy

hanggang maging maayos at iisang direksiyon
lamang ang takbo ng makina.
6. Simulan ang pagpapatakbo ng makina na
walang sinulid.
 7. Itaas ang presser foot gamit ang presser bar
lifter. Igalaw ang balance wheel upang
tumaas ang karayom.

8. Magsanay manahi nang tuwid gamit muna

ang dalawang pirasong papel na may tuwid
na guhit upang sundan ito. Ilagay ang
dalawang papel sa ilalim ng presser foot at
simulang paandarin ang makina.

9. Gumamit ng mga retasong tela at subukin

kung maayos ang tahi ng makina.
10.Paandarin ang makina sa katamtamang
bilis. Patnubayan ng kaliwang kamay ang
tinatahi upang maging tuwid ang mga tahi.
11.Bagalan ang pagpapatakbo sa treadle kapag
malapit na sa dulo ng telang tinatahi. Itigil
ang makina sa huling tahi.
12.Kailangan tahiin nang ilang beses ang mga tahi sa makina upang
hindi ito matastas. Ikutin ang tela sa huling tahi na hindi itinataas
ang karayom.Tahiin muli ang dinaanan ng karayom hanggang isang
pulgada upang hindi ito matastas. Gawin din ito sa simula ng mga
tahi.

MGA PAGSASANAY

Pagsasanay 1

Panuto: Basahin at unawaing mabuti ang mga tanong. Piliin ang titik
nang tamang sagot.

1. Paano ang tamang pag-upo habang nananahi sa makina?

A. Umupo nang nakabaluktot ang likod.
B. Umupo nang tuwid na tuwid ang likod.
C. Umupo nang maayos sa harap ng makina.
 D. Umupo nang bahagyang nakabaluktot ang likod.
2. Paano ang tamang ayos ng paa sa treadle habang nananahi?
A. Ang kaliwang paa ay nasa itaas ng apakan.
B. Ang kanang paa ay nasa bandang ibaba ng apakan.
C. Ang dalawang paa ay magkatabi sa gitna ng apakan.
D. Ang kaliwang paa ay bahagyang mataas kayasa kanang paa.
3. Kung magpapatakbo ng makina ano ang unang paandarin?
A. Apakan o treadle
B. Balance wheel
C. Band wheel
D. Thread take up lever
4. Upang itaas ang karayom ng makina anong bahagi ang
pagagalawin?
A. Balance wheel
B. Feed dog
C. Presser foot
D. Presser bar lifter
5. Bakit mahalagang magsanay sa pagpadyak sa makina?
A. Upang maging tuloy-tuloy ang takbo ng makina.
B. Upang isang direksiyon lamang ang takbo ng makina.
C. Upang tuwid ang tahi ng makina.
D. Lahat ng nabanggit ay tama.
6. Ano ang dapat gawin kung malapit na sa dulo ang tinatahi?
A. Paandarin nang mabilis ang apakan.
B. Bagalan ang pagpapatakbo sa apakan.
C. Ihinto ang pag-andar ng apakan.
D. Paandarin ng tuloy tuloy ang apakan.
7. Kung magsasanay manahi upang maging tuwid ang tahi, ano ang
maaaring gamitin?
A. Kaperasong papel
B. Kaperasong sako
C. Kaperasong karton
D. Kaperasong plastic
8. Kung mananahi sa makina ang unang paandarin ay ang balance
wheel, kasabay ang gulong sa ilalim. Paano ito paandarin?
A. Paandarin papalayo sa iyo.
B. Paandarin pabalik sa iyo.
C. Paandarin malapit sa iyo.
D. Paandarin patungo sa iyo.
9. Kung mananahi saan mangagaling ang liwanag upang maiwasan
ang pagkasilaw ?
A. Manggagaling sa likuran
 B. Mangagaling sa harapan
C. Manggagaling sa gilid
D. Mangagaling sa itaas.
10. Kung mananahi sa makina kailangan ang upuan. Anong uri ng
upuan ang gagamitin upang hindi mahirapan sa pananahi.
A. May sapat na haba ang sukat.
B. May sapat na taas ang sukat.
C. May sapat na laki ang sukat.
D. May sapat na liit ang sukat.

Pagsasanay 2

Panuto: Iguhit ang masayang mukha kung wasto ang

m
ipinahahayag ng pangungusap at a puso kung di wasto.
Isulat sa patlang ang tamang sagot.

_________1. Igalaw ang balance wheel upang tumaas nang husto ang karayom.
________2. Paandarin ang makina sa katamtamang bilis.
________3. Ilagay ang dalawang paa sa apakan. Ang kanang paa ay dapat
mataas kaysa kaliwa.
________4. Bagalan ang pagpadyak sa treadle kapag malapit na sa dulo ng
telang tinatahi.
________5. Paandarin ang makina sa pamamagitan ng pagpapaikot ng balance
wheel palayo sa taong gumagamit.
________6. Gumamit ng mga retasong tela at subukin kung maayos ang tahi
ng makina.
_________7. Magsanay sa pagpadyak nang mabilis hanggang maging maayos
at iisang direksiyon lamang ang takbo ng makina.
________8. Ilagay ang dalawang papel sa ilalim ng presser foot at simulang
paandarin ang makina.
________9. Patnubayan ng kanang kamay ang tinatahi upang maging
tuwid ang mga tahi.
________10.Manahi na ang liwanag ay nanggagaling sa harapan.
 PAGLALAHAT

Ngayon natutuhan mo na ang wastong paggamit ng makinang de-

pidal. Sa palagay ko kaya mo nang sagutin ang mga tanong sa ibaba.

1. Bakit mahalagang matutuhan ng mga batang

katulad mo ang wastong pagpapatakbo ng
makinang panahi?
2. Bakit kailangan mo ang wastong pag-iingat sa
pagpapatakbo ng makina?

Sagot:

1.______________________________________________________________
________________________________________________________________
________________________________________________________________

2.______________________________________________________________
________________________________________________________________
________________________________________________________________
 PAGPAPAHALAGA

Nalaman mo na kung paano magpatakbo ng makina, nais

kong malaman kung paano mo ito pahahalagahan?

Nais matutong manahi sa makina ni Daniela

kaya nagpaturo siya sa kanyang nanay kung paano
gamitin ang makina. Sa tuwing umuuwi siya galing
sa paaralan nagsasanay siyang manahi sa makina.
Nang matutuhan niya ang pananahi sa makina
sinubukan niyang manahi ng punda ng unan. Anong
kaugalian ang ipinakikita ni Daniela?

Sagot:
1.__________________________________________________________________
___________________________________________________________________
___________________________________________________________________

PANAPOS NA PAGSUSULIT

Panuto: Lagyan ng bilang 1-5 ayon sa wastong pagkakasunod-sunod ng mga

hakbang sa pagpapatakbo ng makina.

______ Ikabit ang belt o kulindang sa balance wheel upang magdugtong ito sa
drive wheel.
______ Magsanay sa pagpadyak nang tuloy tuloy hanggang maging maayos at
iisang direksiyon lamang ang takbo ng makina.
______Umupo nang maayos sa harap ng makina. Ilagay nang lapat ang
dalawang paa sa apakan o treadle.
______ Hawakan ang gulong sa itaas o balance wheel at paandarin ito patungo
sa iyo.
______ Paandarin ang makina sa katamtamang bilis. Patnubayan ng kaliwang
kamay ang tinatahi upang maging tuwid ang mga tahi.
 SUSI SA PAGWAWASTO

10. 10. B
9. 9. A
8. 8. D
7. 7. A
6. 6. B
5__ 5. 5. D
3__ 4. 4. A
1__ 3. 3. B
4__ 2. 2. D
2__ 1. 1. C

Panapos na Pagsusulit Pagsasanay 2 Pagsasanay 1

B 5. 5 .SA
B 4. 4. DS
B 3. 3. SA
B 2. 2. DS
A 1. 1. SA
Balik-Aral Paunang Pagsubok

SANGGUNIAN
Department of Education K-12 Curriculum Most Essential Competencies
Lydia C. Abeja , Joven Anselmo B. Tayo’y Gumawa Tungo Sa Kaunlaran 5 St.
Augustine Publication, Inc. Sampaloc Manila 1993
Cleofe, Ventura Del Castillo, Ana B., Deliarte, Evelyn D. et.al Makabuluhang
Gawaing Pantahanan at Pangkabuhayan Batayan/Sanayang Aklat sa
Edukasyong Pantahanan at Pangkabuhayan, Adriana Publishing Co. Inc. 2003
Caridad A. Miranda Umunlad sa Paggawa Batayang Aklat sa Edukasyong
Pantahanan atPangkabuhayan sa Ikalimang Baitang
Gloria A. Peralta, Ruth, Ipolan, Catalina R.et.al Kaalaman at Kasanayan
Tungo sa Kaunlaran. Vibal Group, Inc. 2016
Bitmoji Application