pinatitirhan ng pamilyang Salvador. Ang lugar na ito ay
sagana sa mga yamang lupa; pati na rin ng mga yamang tubig dahil sa silangan nito ay may malawak at maingay na rumagasang ilog. Pamilyang ito ay isang magsasaka ng malawak na palayan. Sina Ginoong at Ginang Salvador ay may sampung anak, anim na lalaki at apat na babae. Ang maga lalaki ang kasama ni Ginoong Salvador sa pagsasaka at ang mga babae namn ay katulong ni Ginang Salvador sa mga gawaing bahat tulad ng paglilinis, paggogontyilyo at pagluluto ng mga makakain sa pang-almusal, tanghalian at hapunan.
Pagsapit ng anihan, ang mga Salvador ay nagulantang
sa nadatnang senaryo sa kanilang sakahan dahil ang mga palay ay putol-putol at ang mga butyl nito ay lumulutang na sa tubig. Nadatnan nila ang sakahan na parang bang dinaan ng isang delubyo. Napaluhod nalang si Ginoong Salvador sa putikan. Ang kaisa-isa nilang pinagkukunan ng kanilang makakain ay sinira pa.
Gabi bago mag-anihan, habang mahimbing natutulog
ang mga Salvador, may mga grupo ng mga kalalakihan, na may bilang na sampu, na nagtungo sa sakahan at pinagsisira ang mga tanim ng mga palay. Isa sa mga ito ay tinaktapakan ang mga palay; habang ang mga iba naman ay pinaglalagas ang mga butil ng mga palay at pinagtatapon dito, doon, kahit saan. Sa gabing iyon, ang kanilang halakhak ay namutawi sa tahimik at matiwasay na madilim na palayan ng mga Salvador.
Habang kumukuha ang mga Salvador ng mga maaari
pang kainin sa nasirang palayan, napa-isip si Ginoong Salvador kung ano talaga ang nangyari sa kanilang aanihin at sino ang nagpakana nito, kaya napakuyom nalang siya ng kanyang kamay. Pagkatapos nilang kumuha ng mga palay na pwede pang kainin, napagpasyahan nilang umuwi na sa kanilang tagpi-tagping tahanan. Sa malamig at maliwag na gabi kung saan ang buwan ay nagniningning nang lubos sa kalangitan. May mga padyak na patungo sa bahay ng Salvador kaya napabalikwas si Ginoong Salvador sa kanilang kama. Tumingin si Ginoong Salvador sa bintana upang tignan kung saan ng gagaling ang mga padyak at nakita nya ang isang grupo na nakatago sa anino ng mga punong kahoy. Bawat pagkurap ng kanyang talukap ay mas lalong pumapalapit sila kaya ginising nya ang kanyang mag-iina na natutulog. Naguluhan ang mga ito sa pag-gising ng kanilang ama nang ipapaliwanag na ni Ginoong Salvador ay bumalig at lumipad ang kanilang pinto. Tumambad sa kanila ang mga balat kayong mga halimaw— mga Timawa. Ang mga timawa ay mayroong mahahabang kuko at malalaking bibig na kumakain sa mga lamang-loob ng mga tao. Nataranta at napasigaw at napatili ang mga Salvador. Nagsitakbuhan ang mga ito sa labas upang isalba ang kanilang sarili sa gutom na gutom na mga timawa. Maliksi at mabilis na tumakbo ang timawa dahil mayroon silang mahahabang mga biyas. Muntik nang makain ang isa sa mga anak nina Ginoong at Ginang Salvador dahil napatid sya sa malaking ugat ng punong kahoy. Magkakasama silang tumatakbo, hindi nila mawari kung saan sila patungo, ang kanilang paa nalang ang nagdidikta kung saan sila papunta. Malamig ang simoy ng hangin sa gabing iyon pero tagaktak ang mga pawis nila.
Buti nalang nakakita sila ng matataguang kweba sa
kakahuyan. Napag-isipan nilang doon muna magpahinga at matulog ngunit nasilaw sila sa bilog na ilaw na kuminang- kinang na parang bituin sa kalawakan. Ang ilaw na ito ay unti-unting naghuhulmang babae. Ang babaeng ito ay isang diwata na nag-aalaga sa lugar na iyon. Tinanong ng diwata kung bakit sila napadpad sa kanyang luga at pinagtapat nila ang karumaldumal na ginawa ng mga timawa sa kanilang sakahan at sinabi rin nilang muntik na silang makain kaya ang diwata ay nagalit at hinanap ang mga timawa. Nang nahanap na nya ang mga timawa ay kinumpas nya ang kanyang kamay at pinatamaan nya ito ng mga kulay dilaw na mga bilog na nagtataglay ng malakas na mahika. Tinamaan lahat ang mga ito at namatay.
Pagkatapos nyang parusahan ang mga timawa, napako
ang kanyang paningin sirang tagpi-tagpi bahay nang mga Salvador. Dahil sa awa ng diwata, biniyayaan nya ng kakayahan ang mga lalaking Salvador na gumawa ng maganda at matibay na bahay at nagbigay din sya ng mga ginto para simula ng kanilang bagong buhay. Pagdaan ng mga taon, lumaki ang pamilya ng Salvador. Ang nag-iisang bahay ay dumami nang dumami. Ang pagsasalin ng biyaya mula sa diwata ay nagpatuloy sa pamilya ng Salvador. Kinilala ang kanilang lugar na magaling gumawa ng mga bahay sa mga karatig bayan. Halos lahat ng kalalakihan dito ay pag-gawa ng bahay ang trabaho. Kaya pinangalanan nila ang kanilang lugar na Carpintero.
Ibong Adarna
Corrido at Buhay na Pinagdaanan nang tatlong Principeng Magcacapatid na Anac nang Haring Fernando at nang Reina Valeriana sa Cahariang Berbania