ማህሌተ ጽጌ

አመ ፳ወ፯ ለመስከረም ዘቀዳማይ ጽጌ

በዓለ መድኃኔዓለም ማህሌት
ስምዓኒ እግዚኦ ጸሎትየ፡ ሃሌ ሉያ ሃሌ ሉያ፡
ወይብጻሕ ቅድሜከ ገዓርየ፡ ሃሌ ሉያ ሃሌ ሉያ፡
ወኢትሚጥ ገፀከ እምኔየ፡ በዕለተ ምንዳቤየ አጽምእ
ዕዝነከ ኃቤየ፡ ሃሌ ሉያ ሃሌ ሉያ፡
አመ ዕለተ እጼውአከ ፍጡነ ስምዓኒ፡ ሃሌ ሉያ ሃሌ ሉያ፡
ለዓለም ወለዓለመ ዓለም፡ ሃሌ ሉያ ዘውእቱ ብሂል፡
ንወድሶ ለዘሃሎ እግዚአብሔር ልዑል፡ ስቡሕ ወውዱስ
ዘሣረረ ኲሎ ዓለመ፡ በአሐቲ ቃል።
መልክዓ ሥላሴ

ሰላም ለኵልያቲክሙ እለ ዕሩያን በአካል፤

ዓለመክሙ ሥላሴ አመ ሐወፀ ለሣህል፤
እምኔክሙ አሐዱ እግዚአብሔር ቃል፤
ተፈጸመ ተስፋ አበው በማርያም ድንግል፤
ወበቀራንዮ ተተክለ መድኃኒት መስቀል፡፡
ዚቅ፦
እግዚኦ በሰማይ ሣህልከ፤
ወበደመናትኒ አንተ አርአይከ ኃይለከ፤
ወበምድርኒ ዘሠናየ ጽጌ ወጥዕመ ፍሬ
አንተ አርአይከ፤
ወበቀራንዮ አንተ አርአይከ ትሕትናከ፤
በዲበ ዕፀ መስቀል
መግቢያ ዘማኅሌተ ጽጌ

ኀለፈ ክረምት ቆመ በረከት፤

ተሠርገወት ምድር
በስነ ጽጌያት፤ለመርዓዊሃ ትብሎ
መርዓት፤ወልድ እኁየ ወረደ ውስተ
ገነት።
ማኅሌተ ጽጌ፦

ጽጌ አስተርአየ ሠሪጾ እምዓጽሙ፤

ለዘአምኃኪ ጽጌ ለገብርኤል ምስለ
ሰላሙ፤ወበእንተዝ ማርያም ሶበ
ሐወዘኒ ጣዕሙ፤ለተአምርኪ አኀሊ
እሙ፤ማኅሌተ ጽጌ ዘይሰመይ ስሙ፡፡
ወረብ

መዓዛ ጣዕሙ ለተአምርኪ ሶበ ሶበ

ሐወዘኒ፪
ወበእንተዝ ማርያም አኅሊ
ለተዓምርኪ፪
ዚቅ፦
ሃሌ ሉያ ሃሌ ሃሌ ሉያ ናሁ አስተርአየ ጽጌ
መርዓቱኒ ትቤ ወልድ እኁየ ይምዕዝ
ከርቤ፤ ዕንባቆም ነቢይ ግብረ ምግባሩ
ለወልድ አንከርኩ ይቤ፤ ንጉሠ ሰላም
ክርስቶስ ዓቢይ ልዕልናከ ወመንክር
ስብሐቲከ፤ለዕረፍት ሰንበት ሠራዕከ፤
ማኅሌተ ጽጌ
እንዘ ተሐቅፊዮ ለሕጻንኪ ጽጌ ፀዓዳ
ወቀይሕ ፣አመ ቤተ መቅደስ ቦእኪ
በዕለተ ተአምር ወንጽሕ፣ንዒ ርግብየ
ትናዝዝኒ እምላህ፣ወንዒ ሠናይትየ
ምስለ ገብርኤል ፍሡሕ፣
ወሚካኤል ከማኪ ርኅሩኅ
ወረብ
እንዘ ተሐቅፊዮ ለሕጻንኪ ጽጌ ፀዓዳ
ወቀይሕ ፪
አመ ቤተ መቅደስ ቦእኪ ሠናይትየ
በዕለተ ተአምር ወንጽሕ፪
ዚቅ፦
ንዒ ርግብየ ሰላማዊት፤ ተመየጢ
ወንርአይ ብኪ ሰላመ፤ በአምሳለ
ወርቅ ይግበሩ ለኪ ኮሰኮሰ ዘብሩር፤
አመወለደቶ አርአያ ወሰደቶ፤
በትእምርተ መስቀል፤ ትፍሥሕትኪ
ውእቱ፤ ብርሃንኪ ውእቱ ሰላምኪ።
 ማኅሌተ ጽጌ
ክበበ ጌራ ወርቅ ጽሩይ እምዕንቈ
ባሕርይ ዘየኃቱ፤ዘተጽሕፈ ብኪ
ትእምርተ ስሙ ወተዝካረ
ሞቱ፤አክሊለ ጽጌ ማርያም ለጊዮርጊስ
ቀጸላ መንግሥቱ፤አንቲ ኵሎ
ታሰግዲ ሎቱ፤ወለኪኒ ይሰግድ ውእቱ፡፡
ወረብ
ክበበ ጌራ ወርቅ ጽሩይ ክበበ ጌራ
ወርቅ ጽሩይ እምዕንቈ ባሕርይ፪
አክሊለ ጽጌ ማርያም ቀጸላ
መንግሥቱ፪
ዚቅ፦
ነያ ሠናይት ወነያ አዳም፤ አግዓዚት
ማርያም ጽርሕ ንጽሕት፤ በአልባሰ
ወርቅ ዑጽፍት ወኁብርት፤
ማ፦ ወዲበ ርእሳኒ አክሊል፤ ፅሑፍ
በትምህርተ መስቀል
መዝሙር
ሃሌ ሉያ ሃሌ ሉያ፤ሃሌ ሃሌ ሉያ፤ትዌድሶ
መርዓት፤እንዘ ትብል ነዓ ወልድ እኁየ፤
ንፃዕ ሐቅለ፤ትዌድሶ መርዓት ንርዓይ ለእመ ጸገየ
ወይን፤ወለእመ ፈረየ ሮማን፤ትዌድሶ መርዓት
አሠርገወ ሰማየ በከዋክብት፤ወምድረኒ በስነ
ጽጌያት፤ትዌድሶ መርዓት
እስመ ውእቱ ወልድ ዋሕድ፤እግዚአ
ለሰንበት፤ማ፦ትዌድሶ መርዓት ወትብሎ፤
ወልድ እኁየ ቃለከ አዳም።
አመላለስ

ትዌድሶ መርዓት ወትብሎ ፪ / /

ወልድ እኁየ ቃለከ አዳም ፬

/ /