ክብረ በዓል

ዘመስከረም ዮሐንስ ሰላም ለገበዋቲክሙ እለ ዕሩቃን እምልብሰ ወርቅ፡

ሥሉስ ቅዱስ ስርግዋነ መፍርህ መብረቅ፡ መንገለ ፍኖቱ ምጽዋት
ለቆርኖሌዎስ ጻድቅ፡ ይምርሐኒ ወንጌልክሙ እግዚአ ፍኖት ረቂቅ፡
ዘጸያሒሁ ዮሐንስ መጥምቅ። ምስለ ራጉኤል ሥዑል በነበልባል
ወዮሐንስ ድንግል፡ ወበርተሎሜዎስ ሐዋርያ ሰባኬ ወንጌል፡ ወኢዮብ
ዓዲ ተወካፌ ቍስል ዐውደ ዓመት ለባርኮ እምጽርሐ አርያም ጌልጌል፡
ማርያም ንዒ በምሕረት ወሣህል። ሰላም ለሥዕርተ ርእስከ እንተ ደለወ
እኳቴ፡ ወለርእስከ ሰላም ዘተመትረ ከመ ናቡቴ፡ ርእሰ ዐውደ ዓመት
ዮሐንስ ወላዴ መጥቅዕ ወአበቅቴ፡ መብልዕ ዜና ፍቅርከ ወነባሪ
ጽድቅከ ስቴ፡ ያስተፌሥሕ መላእክተ ወሰብአ መዋቴ። ሰላም
ለአዕይንቲከ እለ ሰኑየ ይትኌለቁ፡ ወለአዕዛኒከ ሰላም እለ ይትላፀቁ፡
ዮሐንስ ከማከ ሶበ ፈተዉ ወጽሕቁ፡ እሳተ ነዳዴ ኢተክህሎሙ
ያጥምቁ፡ ራጉኤል በትጋሁ ወኢዮብ በጽድቁ። ሰላም ለአማዑቲከ
እግዚአብሔር ዘገብሮ፡ ወለንዋየ ውሥጥከ ሰላም መንጦላዕተ ሥጋ
እንተ ሠወሮ፡ ዮሐንስ ጻድቅ ምሉአ ጥበብ ወአእምሮ፡ እፎ ኢያጽራዕከ
ለሕቅለ ገዳም ፃዕሮ። ፍጹመ መኒነከ አብያተ ዘውቅሮ። አምኃ
ስብሐት አቅረብኩ ለመልክዕከ በጽዋዔ፡ እንዘ አስተዋድድ ቃለ መጠነ
ራብዕ ሱባዔ፡ ተወከፈኒ ዮሐንስ ምስለ በርተሎሜዎስ ቀርነ ጉባኤ፡
ከመ ተወክፈ እግዚአብሔር ቅድመ ወንጌላዊት ትንሣኤ፡ እምእደ
አሐቲ ብእሲት ጸራይቀ ክልኤ። ዘምትረተ ርእሱ ሰላም ለጕርዔከ
ወለክሳድከ ዓዲ፡ እምዐፀደ ሞት ፈጣን ዘኢያጐነዲ፡ ሀሎከ ሕያወ
ዮሐንስ አስካለ ጋዲ፡ ጊዜ ቀሰመከ ንጉሥ ዐማፂ ረዋዲ፡ ሰከየ እፎ
አቡከ ወላዲ። ሰላም ለመከየድከ በአስተሐምሞ ወጻሕቅ፡ ወለአፃብዒከ
ሰላም ዘአዕዋመ ሥጋ አዕፁቅ፡ ለመንግሥተ ሰማይ ዮሐንስ በእንተ
ኪዳንከ ጽድቅ፡ ብዙኃን ይወርስዋ እንበለ ብሩር ወወርቅ፡ በሕፍነ ማይ
ወክልኤ ጸሪቅ። ዘመስከረም ማርያም ለዝ ሐዋ ፳፩ ለኅዳር ለገጽኪ
ለጕርዔኪ ለመልክዕኪ ከደብረ ምጥማቅ በል። ሰላም ለሐቌኪ በትረ
ሌዋዊ ሳውዕ፡ ዘኢሐፀነኪ ጠል ወዘኢሰቀየኪ ነቅዕ፡ ማርያም ድንግል
እግዝእተ መላእክት ወሰብእ፡ ሰድኒ ብሔረ ፍግዕ በትንባሌኪ ባቍዕ፡
ምስለ ኅሩያንኪ ደርገ አሀሉ በስንዕ። ዘጥቅምት ገብረ መንፈስ ቅዱስ
ለሕፅንክሙ ፭ ለመጋ በል። ሰላም ለጕርዔከ ኅሩመ መብልዕ ዘኮነ፡
ወእስከ ስቴ ማይ መነነ፡ ሶበ ረድኤትከ ርእዩ ወኪዳንከ እሙነ፡ ይቤሉከ
አባ ገብረ መንፈስ ቅዱስ አቡነ፡ በኪዳንከ ዐሥራተ ንሥአነ። ሰላም
ለገቦከ ዘተሠርገወ አክናፈ፡ ወኢፈተወ መንጸፈ፡ ገብረ መንፈስ ቅዱስ
ስምከ ኀበ ዐምደ ብርሃን ተጽሕፈ፡ ምስሌከ ጸሐፍ በህየ ስመ ዚኣየ
ግዱፈ፡ መላእክተ ሰማይ ኵሎሙ ያንብብዋ ዘልፈ። ሰላም ለአእጋሪከ
እለ ኢሖራ በፍናዊሃ፡ ለዛቲ ዓለም ዘዕበድ ጥበባቲሃ፡ ለኢትዮጵያ
ምድርነ ገብረ መንፈስ ቅዱስ ሐዋርያሃ፡ ውስተ ገጸ ኵሉ ዜና ነገርከ
በዝኀ፡ ወእስከ ጽንፋ ለምድር ነቢብከ በጽሐ። ሰቆቃወ ድንግል
ወማህሌተ ጽጌ ኀበ ጽጌ በል። ዘጥቅምት አረጋዊ ሰላም ሰላም ለዝክረ
ስምከ ቀዋሚ፡ ለዓለመ ዓለም ዘይሄሉ ከመ ተብህለ ቀዳሚ፡ አረጋዊ
የዋህ ተምሳሌ ዳዊት ኢተቀያሚ፡ ላዕሌየ በተሐብሎ አመ ተንሥአ
ረጋሚ በሰዓተ በቀል ይብጽሖ መቅሰፍቱ ለሳሚ። ሰላም ለቀራንብቲከ
እንተ ደለዎን ውዳሴ፡ ወለአዕይንቲከ ጽዱላት እምነ ኦርያሬስ ወብናሴ፡
አረጋዊ መልአክ ዘትቄድስ ስመ ሥላሴ፡ አብኀኒ እንሣእ ሥልጣነከ
እንዘ እከውን ወራሴ፡ በእግረ ጽድቅከ አንበሳ ወከይሴ። ሰላም ለቃልከ
ምስለ እስትንፋስከ እብሎ፡ ወለጕርዔከ እምወይን ጣዕመ ፍቅረ
ክርስቶስ እንተ አጥለሎ፡ አረጋዊ ዮሐንስ ትሩፈ ምግባር ነቢየ ሴሎ፡
አይድዐኒ እስኩ ዘነጸርከ ኵሎ፡ ምሥጢረ ምሥጢራት ኅቡእ በሰማይ
ዘሀሎ። ሰላም ለአእጋሪከ በመካነ ሥርዐት ወሕግ፡ እለ ይቀውማ ወትረ
ምስለ ሰኳንው በደርግ፡ አረጋዊ ቅዱስ መክብበ ቅዱሳን አዕሩግ፡
ዝልፎሙ ለአጽራርየ ምሉኣነ እከይ ወጹግ፡ ከመ እምዕበዱ ዘለፎ
ለበለዓም አድግ። ዘጥቅምት መድኀኔ ዓለም ሰላም ለመታክፍቲከ እለ
ፆራ መስቀለ፡ ወለዘባንከ ክቡር በዘባነ ኪሩብ ዘተልዕለ፡ መድኀኔ ዓለም
ክርስቶስ ዘኢተአምር በቀለ፡ ተማሕፀንኩ በጻድቃንከ እስመ ወሀብኮሙ
ቃለ፡ ዘጸውዐ ስመክሙ እምሕር ብሂለ። ሰላም ለመልክዕክሙ
ዘተጠምቀ በደሙ፡ ለጻድቃን አኮ ለቤዛ ኀጥኣን ዳእሙ፡ መድኀኔ ዓለም
ኀቤከ እገይስ ለለ ጌሠሙ፡ እስመ ሰማዕኩ ኂሩተከ በከመ ትቤ ቀዲሙ፡
በላዕለ መስቀል አባ ስረይ ሎሙ። ዘኅዳር ጊዮርጊስ ሰላም ለዝክረ
ስምከ ዘሰሌዳ ሞገስ መጽሐፉ፡ ዘያሜንን ኵሎ ወዘያስተሴፉ፡ ጥዑመ
ዜና ጊዮርጊስ ለሐሊበ ዕጐልት ሱታፉ፡ ሰላምከ ወረድኤትከ በላዕሌየ
ያዕርፉ፡ አኮ ለምድር ዳእሙ ለዝላፉ። ሰላም ለአጽፋረ እግርከ ፍናዋተ
ረድኤት በተሐልፎ፡ ሰላም ለመዛርዒከ ከመ ቀስተ ብርት እለ ጸንዓ፡
ለረጊዘ አርዌ በረምሕ እንበለ ምምዓ፡ ጊዮርጊስ በለኒ በጸውዖ ስምከ
በዕለተ መርዓ፡ ነዓ ነዓ ውስተ ውሳጤ ጽርሕ ነዓ፡ ፍቁረ ዘኣየ ኢትቁም
በአፍኣ። ሰላም ለአእጋሪከ ዘተሞቅሐ ከመ ዐብድ፡ በርወተ ዐቢይ
ጕንድ፡ ገባሬ መንክራት ጊዮርጊስ በአቍጽሎ ይቡስ ዐምድ፡ ከመ
እንግር ኀይለ ዚኣከ ለዘይመጽእ ትውልድ፡ ተራድአኒ በገሀድ ከመ
አብ ለወልድ። ተወከፍ አምኃየ ዘንተ ስብሐተ ወይባቤ፡ ከመ ጼና
ስኂን ወመዓዛ ከርቤ፡ ጊዮርጊስ ኵነኒ በኪዳንከ ዐቃቤ፡ አንተ ምስካይየ
በጊዜ ምንዳቤ፡ ተሰጠው ቃልየ ወሰልጥ ዘይቤ። ልዳዊ ጊዮርጊስ
ምሥራቃዊ ቴዎድሮስ ደቂቀ መንግሥት ፊቅጦር አቦሊ ገላውዴዎስ
ወፋሲለደስ ገባሬ መንክራት መርምህናን ሚናስ ቂርቆስ ወአውሳብዮስ
ተጽዒነክሙ በዲበ ጽዕድዋን አፍራስ ምስለ እስጢፋኖስ ዑድዋ ለዛቲ
መቅደስ። ሰላም ለዘባናቲክሙ ዘሀሎ በማእከሉ ለመትከፍትክሙ
በታሕቱ ወለሐቌክሙ በላዕሉ፡ ሠረገላቲሁ ኪሩቤል ለዘይመልእ በኵሉ፡
ክብረክሙ እመላእክት አጋዕዝተ ሰማይ አልዐሉ፡ ኪሩበ ግበር ሙሴሃ
ይቤሉ። ሰላም ለልብክሙ ዘኢየአምር ጽልሑተ፡ እንበለ ዳእሙ ኂሩተ፡
ለልብየ እብሎ እንዘ እዛውዖ ሌሊተ፡ ኪሩቤሃ እለ ይስእሉ ምሕረተ፡
በታዕካ ሰማይ አጥረይኩ አዕርክተ። ሰላም ለአቍያጺክሙ ብርተ ርሱነ
እለ ይመስላ፡ አርባዕቱ እንስሳ ረዋድያን በሠረገላ፡ አመ ዲቤክሙ
ይነብር እግዚአብሔር መላኤ ኵላ፡ አጽንዑ መተንብላን ምስሌየ
መሐላ፡ ከመ ትተነብሉ ዘልፈ ለነፍስየ ሣህላ። ኦ መናብርተ አምላክ
አርባዕቱ እንስሳ፡ ገጸ ላሕም ወንስር ገጸ ሰብእ ወገጸ እንስሳ፡
ፈጺመክሙ ጻሕቅየ ወዘልብየ ኀሠሣ፡ ረስዩ ፍሬ ዐስብየ ህየንተ አሐዱ
ሠላሳ፡ ወተውሳኩ ምስለ ምእት ስሳ። ሰላም ለሥዕርተ ርእስክሙ ከመ
በረድ ንጹሕ ወዘኅብረ ያክንት ቀይሕ፡ ሠረገላቲሁ ኪሩቤል
ለእግዚአብሔር ስቡሕ፡ ጸግዉኒ አጋዕዝትየ እምጸጋክሙ ብዙኅ፡ ናኅየ
በሠርክ ወሣህለ በነግህ። ዘሚካኤል ሰላም ለጕርዔክሙ ስቴ አንብዐ
ሰብእ ዘኀሠሠ ብዑላነ ሞገስ ሥላሴ ኢታንድዩኒ ሞገሰ፣ እመ
ትትሐየዩኒሰ ወተኀድጉኒ ጽኑሰ፡ ሚካኤልኑ ለአውጽኦ ሥጋየ ጌሠ፡
ወእመ አኮ ገብርኤል ወሀበኒ ነፍሰ። ሰላም ለዝክረ ስምከ ምስለ ስመ
ልዑል ዘተሳተፈ፡ ወልደ ያሬድ ሄኖክ በከመ ጸሐፈ፡ ሶበ እጼውዕ
ስመከ ከሢትየ አፈ፡ ረዳኤ ምንዱባን ሚካኤል በከመ ታለምድ ዘልፈ፡
ለረዲኦትየ ነዓ ሰፊሐከ ክንፈ። ሰላም ለልሳንከ በነቢበ ጽርፈት
ዘኢተሀበለ፡ በእንተ ሥጋሁ ለሙሴ አመ ምስለ ሰይጣን ተባሀለ፡
ሚካኤል ክብርከ እምክብረ መላእክት ተልዕለ፡ ቀዊምየ ቅድመ
ሥዕልከ ሶበ አወትር ስኢለ፡ በብሂለ ኦሆ ፍጡነ አስምዐኒ ቃለ። ሰላም
ለልብከ መዝገበ ርኅራኄ ወየውሀት፡ ኅሩመ በቀል ወቅንአት፡ ሚካኤል
ስዩም ዘዲበ ኀይላት ለደቂቀ ያዕቆብ ዘአኅለፍኮሙ በማእከለ ባሕር
ግርምት፡ አሕልፈኒ ሊተ እምኅቡእ መሥገርት። ሰላም ለኅንብርትከ
ኅንብርተ መንፈስ ረቂቅ፡ ዘቱሳሔሁ መብረቅ፡ ነግሀ ነግህ አንተ
በአዝንሞ መና ምውቅ፡ በገዳም ዘሴሰይኮሙ ለነገደ ህሬ ደቂቅ፡ ሴስየነ
ሚካኤል ሕገከ ዘጽድቅ። አምኃ ሰላም አቅረብኩ ለመልክዕከ ኵሉ፡
ለለ አሐዱ አሐዱ ዘበበክፍሉ፡ ሚካኤል ክቡር ለልዑል መልአከ ኀይሉ፡
ተወኪፈከ አምኃየ እምኑኀ ሰማያት ዕሤተ ጸሎትየ ፈኑ ወዐስብየ
ድሉ። ሰላም ሰላም ለዝክረ ስምኪ ሐዋዝ እምነ ከልበኔ ወቁስጥ
ወእምነ ሰንበልት መዑዝ ማርያም ድንግል ለባሲተ ዐቢይ ትእዛዝ
ይስቅየኒ ለለጽባሑ ወይነ ፍቅርኪ አዚዝ ከመ ይሰቅዮ ውሒዝ
ለሠናይ ዐርዝ። ሰላም ለአስናንኪ ሐሊበ ዕጐልት ዘተዛወጋ፡ ወመራዕየ
ቅሩፃተ እለ እ’ምሕጻብ ዐርጋ፡ ማርያም ድንግል ለደብተራ ስምዕ
ታቦተ ሕጋ፡ አፍቅርኒ እንበለ ንትጋ፡ ለብእሴ ደም ወሥጋ፡ ዘየዐቢ
እምዝ ኢየኀሥሥ ጸጋ። ሰላም ለከርሥኪ ዘአፈድፈደ ተበጽዖ
እምታቦተ ሙሴ ነቢይ ለጽሌ ትእዛዝ ዘየኀብኦ ማርያም ድንግል ጊዜ
ጸዋዕኩኪ በአስተበቁዖ ለፀርየ ብእሴ ዐመጻ ኀይለ ዚአኪ ይጽብኦ
እስከነ ያስቆቁ ጥቀ ድኅሪተ ገቢኦ፡፡ ሰላም ለመከየድኪ እለ ረከቦን
መከራ እምፍርሀተ ቀተልት ሓራ እንበለ አሳእን አመ ሖራ ማርያም
ጽዮን ታቦተ ቃለ ጽድቅ መንፈቀ ዕሥራ ዕጐላት እምዕጐሊሆን ከመ
ኪያኪ አፍቀራ አፍቀርኩኪ አፍቅርኒ እምይዕዜ ለግሙራ። በዝንቱ
ቃለ ማኅሌት ወበዝንቱ ይባቤ ለዘይስእለኪ ብእሲ ጊዜ ረከቦ ምንዳቤ
ብጽሒ ፍጡነ ትሰጠውዮ ዘይቤ ማርያም ዕንቊየ ክርስቲሎቤ
ወምዕዝተ ምግባር እምከርቤ ዘጸገየ ማኅፀንኪ አፈወ ነባቤ። ዘካርያስ
ርእየ ለወርኀ ሳባጥ በሠርቁ፡ ተአምረኪ ለዘይት ማእከለ ክልኤ አዕፁቁ፡
ማርያም ጽዮን ለብርሃን ተቅዋመ ወርቁ፡ ዕዝራኒ በገዳም አመ ወዐለ
ውዱቁ፡ ለኅብረ ገጽኪ ድንግል ኀተወ መብረቁ። ዘካህናተ ሰማይ
ሰላም ለሥዕርተ ርእስክሙ ዘላህብ ዘቦቶን ዕረፍት ዘመዓዛሁ ዕፁብ
ዕሥራ ወረብዕ ሰማያውያን አርጋብ፡ በቅዳሴክሙ በዐውደ መንበሩ
ኪሩብ፡ ይትፌሣሕ ፈድፋደ ወይትኀሠይ አብ። ሰላም ለእንግድዓክሙ
ጥበበ ልቡና ዘአስተዋደዱ፡ እንግድዓ ትጉሃን አኮ ከመ አዋልደ ሰብእ
ዘከብዱ፡ መናብርተ እሳት ብክሙ ካህናት ለመንበረ ሠረገላ በዐውዱ፡
እምፆታ ዚኣክሙ ይምጻእ ሱራፊ በእዱ። ሰላም ለአእዳዊክሙ
ማዕጠንተ ቅዳሴ እለ ይጸውራ ውሣጣዊት ደብተራ፡ እደ ሰብእ እንተ
ኢገብራ፡ ሱራፌል መሥዋዕቱ ለበግዐ ምሥጢር እንፎራ፡ ተቀጺለክሙ
መስተፍሥሐ አልባብ ጌራ፡ እስከነ ገነት ንዝኁኒ እትለኀይ በኅድራ።
ዘኅዳር ተክለ ሃይማኖት ካህናቲከ እግዚኦ ይለብሱ ጽድቀ፡ ወጻድቃኒከ
ይትፌሥሑ ጥቀ፡ ለተክለሃይማኖት በልብሱ ኮከበ ብርሃን ሠረቀ፡
ካህናተ ሰማይ ዘይትዐፀፉ መብረቀ፡ አፍቀርዎ ወኮንዎ ማእምረ
ወዐውቀ። ሰላም ለሥዕርተ ርእስከ በሕሊና አምላክ ዘተፈቅዳ፡ እንተ
ቦን ግልባቤ አምሳለ ሠላስ ደቂቀ ይሁዳ፡ ተክለ ሃይማኖት ማርቆስ
ጸሓፌ መንክራት ውስተ ሰሌዳ፡ አበውእ ለከ እግዚኦ ዘስብሐት ጋዳ፡
ህየንተ ወርቅ ወብሩር ጸዓዳ። ሰላም ለመታክፍቲክሙ በገሪር እለ
ይገንያ፡ አርዑተ ወንጌል ይፁራ ወመስቀለ ቀስት ራያ፡ ተክለ
ሃይማኖት ሙቁሕ ጎርጎርዮስ ዘአርማንያ፡ ሕማሞሙ ለደቂቅከ
አዕይንቲከ ይርአያ፡ እስመ አርስሖሙ ለዘመን እከያ። ሰላም ለአእዳዊከ
ዘገሠሣ ነዶ፡ ለወልደ ማርያም አምላክ ስብሐተ መላእክት ዘየዐውዶ፡
ተክለ ሃይማኖት አብርሃም ዘጻመውከ በተአንግዶ፡ አድኅነኒ እምቀሳሜ
ወይን አመ ያሌዕል ማኅፈዶ፡ እስመ አብ ሥሩዕ ከመ ያድኅን ወልዶ።
ሰላም ለኵልያቲከ ዘፈተኖን በትዕግሥት፡ ኢየሱስ አበ ብርሃናት፡ ተክለ
ሃይማኖት ሰጋዲ ከመ መላእክት፡ ጸሎትከ ዘገበርካሃ እስከነ ኍልቈ
ምእት ዓመት፡ መድኀኒተ ትኵነነ እምግሩም ቀስት። ሰላም
ለእንግድዓከ ዘጥበብ ምዕላድ፡ ወዘመንፈስ ቅዱስ ማኅፈድ፡ ተክለ
ሃይማኖት ያዕቆብ እንተ እግርከ ግሙድ፡ ያስተበፅዑከ ሰማያውያን
ነገድ፡ እለ ይገሥሡ እሳተ በእድ። እንዘ አኀሥሥ በረከተከ አእዳወ
ልብየ በአንሥኦ፡ እለ መርሐ ክርስቶስ ወጴጥሮስ ከመ ኀሠሡከ
በተማልኦ፡ ተክለ ሃይማኖት ውሑደ ሰአልኩከ በአስተብቍዖ፡ ለጻድቅሰ
ኅዳጥ ቃል ትበቍዖ፡ ተሰጠወኒ እግዚኦ እግዚኦ። ዘታኅሣሥ በአታ
ሰላም ለእራኅኪ ተመጣዌ ኅብስት ወማይ፡ ሶበ ይመጽኡ ለኪ
መላእክተ ሰማይ እንዘ ሀሎኪ ማርያም በመቅደሰ ኦሪት ዐባይ፡
ይትወከፍ ሊተ ኪዳንኪ ከመ መሥዋዕተ ሠርክ ኅሩይ፡ ለእመ ሕፍነ
ማይ አስተይኩ ለጽሙእ ነዳይ። ለዝ ሐዋ ፳፩ ለጽዮ። ሰላም ለልሳንኪ
ሙኃዘ ሐሊብ ወመዓር፡ ዘተነብዮ ወፍቅር ማርያም ድንግል ወለተ
ድኁኃን አድባር ኅብእኒ እምዐይነ ፀር ወአንጽሕኒ እምነውር፡ እስመ
ተስፋየ አንቲ በሰማይ ወበምድር። ሰላም ለእመታትኪ እለ ጸንዓ
ይፍትላ ሜላተ ወወርቀ በናዝሬት ወበገሊላ ማርያም ድንግል ለዮዲት
ጥበበ ቃላ ብጽሒ በሠረገላ ንትመሐል መሐላ ከመ ታኅድርኒ
በብሔር ዘተድላ። ሰላም ለአብራክኪ በስብሐተ ልዑል ዘአስተብረካ
እምአመ ወሀቡኪ ብጽዐ ውስተ ኦሪታዊት ታዕካ ማርያም ድንግል
መንበር ዘዕብነ ፔካ ጊዜ ስደቶሙ ለኀጥአን እምዐጸደ ዐባይ ፋሲካ
ፄውውኒ መንገሌኪ እኩንኪ ምህርካ። ያኀዝነኒ ማርያም ዘረከበኪ
ድክትምና፡ አመ ቤተ መቅደስ ቦእኪ እንዘ ትጠብዊ ሐሊበ ሐና፡
ወያስተፌሥሐኒ ካዕበ ትእምርተ ልኅቀትኪ በቅድስና፡ ምስለ
አብያጺሁ ከመ አብ እንዘ ይሴስየኪ መና፡ ፍኑኤል ጽጌ ነድ ዘይከይድ
ደመና። ዘታሕሣሥ ገብርኤል ሰላም ለጕርዔክሙ ለኅዳር ሚካኤል
በል። ሰላም ለዝክረ ስምከ ዘኢይተረጐም ምሥጢር፡ ባሕቱ ይመስል
ብሂለ እግዚእ ወግብር፡ ገብርኤል ኪሩብ ጸዋሬ ዐቢይ መንበር፡
ሕዝቅኤል ዘነጸረከ በአምሳለ ብእሲ ክቡር፡ ምስለ ገጸ ላሕም ወአንበሳ
ወቀሊል ንስር። ሰላም ለአዕዛኒከ ኆኅያተ ቃለ አብ ሕያው
ወለመላትሒከ ልሁያት አምሳላተ ጽጌ ዘበድው፡ ኦ ገብርኤል መልአከ
አድኅኖ ፍንው፡ አድኅነኒ ዘአድኀንኮሙ በአክናፊከ ምንትው፡ አመ
ውስተ እሳት ተወድዩ ሠለስቱ እደው። ሰላም ለአቍያጺከ
ወለአብራኪከ ገሀደ፡ እለ ያቄርባ ወትረ ለአምላከ ሰማይ ሰጊደ፡
እግዚአ አእምሮ ገብርኤል ዘኢትፈቅድ ዕበደ፡ ጥበብ ሐነፀ በወርኅከ
ውስተ ልበ አብዳን ማኅፈደ፡ ወቆመት ላቲ ሰብዐተ አዕማደ። አልቦ
እምሰብእ ዘከማየ ዘይቴክዝ ነግሀ ወሠርከ፡ ወአልቦ እመላእክት ናዛዜ
ኅዙናን ዘከማከ፡ ወበእንተዝ ኀሠሥኩ አእሚርየ ኪያከ ኦ ገብርኤል
ናዝዘኒ ወአስምዐኒ ቃለከ፡ ዕሴተ ጸሎትየ ዝንቱ ዘአቅረብኩ ለከ።
ፈትለ ወርቅ ወፈትለ ሜላት አመ በአጽባዕትኪ ተባየጹ፡ አምሳለ
መለኮት ወትስብእት እንዘ ኢየሐፁ፡ ተአምረ ብርሃን ማርያም ለጸሐየ
ጽድቅ አንቀፁ፡ ጸገይኪዮ እንበለ አብ በሰሚዐ ቃሉ ወድምፁ፡
ለገብርኤል መልአክኪ ዘፍሡሕ ገጹ። ተዘከረኒ ዘደቅስዮስ ተዘከረኒ
ሚካኤል ቅድመ ገጸ ንጉሥ ፈጣሪ፡ ለለ ትገብር ጸሎተ ጌጋየ ኀጥኣን
ታስተስሪ፡ ለኵሉ አግዓዚ ወለኵሉ ነባሪ፡ ምስለ ማርያም እግዝእትከ
ትምክሕተ ቤቱ ለኔሪ፡ ወአምጻኤ ትስብእት ሐዲስ ገብርኤል
አብሣሪ። ሶበ ጸሐፈ ደቅስዮስ ተአምሪሃ ዕሉደ፡ ወዮምኬ ተዝካራ
አግሀደ፡ ወሀበቶ ልብሰ ወመንበረ አሐደ፡ ገብርኤል አብሠራ ብሥራተ
ፍሥሓ ብዑደ፡ በድንግልና ጸኒሰ ወወሊደ ወልደ። ለዝ ሐዋ ከጽዮን።
ሰላም ለመላትሕኪ በእሳተ አንብዕ እለ ውዕያ ጊዜ ሰቀሉ በኵረኪ
ውሉደ ራኄል ወልያ ማርያም ድንግል ለነፍስየ ደብረ ምስካያ
አድኅንኒ እምአፈ ደም ዘአናብስተ ሐቅል አርአያ ከመ ማሕፈር
ጠቢብ ወምእመን ኬንያ። ሰላም ለቃልኪ እምአስካለ ወይን ጥዑም፡
ወእምድምፀ ናብሊስ አዳም፡ ዘያረስዖ ለሕማም፡ ማርያም ድንግል
ዘብርሃነ ሕይወት ተቅዋም፡ እመ ተሀውከ በላዕሌየ ማዕበለ ዝንቱ
ዓለም ከመ ያርምም ገሥፂዮ መሐሪት እም፡፡ ሰላም ለአፃብዕኪ
እምእራኀ እዴኪ እለ ሠረጻ እምኍልቈ ሠላስ ወሰብዕ እንዘ ኢየሐጻ
ማርያም ድንግል ደብረ ኤልያስ ነቢየ ፋጻ ዕቀብኒ በረድኤትኪ እምነ
አርዌ ዘኆጻ ህየንተ ሠናይ ለሰብእ ዘይሁብ ዐመጻ። ዘታኅሣሥ ተክለ
ሃይማኖት ሰላም እብል ለንዋየ ውስጥ ምሕረትክሙ፡ ትሩፋነ ግድል
ኩኑኒ ሥላሴ አምጣነ ትሩፋን አንትሙ፡ ሶበ ሖርኩሰ ከመ እሳተፍ
ገድሎሙ፡ ጊዮርጊስ ኢወሀበኒ መጠነ ጥበ ጠል እምደሙ፡ ወተክለ
ሃይማኖት ከልአኒ ስባረ እምዐፅሙ። ሰላም ለጽንሰትከ ወለልደትከ
እምከርሥ፡ አመ ዕሥራ ወረቡዑ ለታኅሣሥ፡ ተክለ ሃይማኖት በኵሉ
ወበውስተ ኵሉ ውዱስ፡ ናሁ ወጠንኩ ወእቤ ለስብሐቲከ ሐዲስ፡
በስመ አብ ወወልድ ወመንፈስ ቅዱስ። ሰላም ለልሳንከ በሠሉስ ዕለት
ዘተውህባ፡ አኰቴተ ታቅርብ ለወልደ ማርያም ንጉሠ ሕዝባ፡ ተክለ
ሃይማኖት ጸዋሚ ዮሐንስ ዘቤተ ራባ፡ ታሠምረከ ልሳንየ በአምጣነ
ኵሉ ንባባ፡ በከመ አሥመሮ ያዕቆብ ለላባ። ሰላም ለኅንብርትከ
ማእከለ ከርሥ ሐላዊ፡ ዝተቶስሐ በደሙ ለወልደ ማርያም ናዝራዊ፡
ተክለ ሃይማኖት ጽጌ ዘሠረፅከ እምአረጋዊ፡ ተባሀሉ በእንቲኣከ ካህናተ
ይሁዳ ወሌዊ፡ መልአክኑ ሰማያዊ ወብእሲ ምድራዊ። ሰላም ለቆምከ
ዘጶደሬ ሰማይ ልብሱ ልሳናት ቦቱ እለ ይቄድሱ፡ ተክለ ሃይማኖት
በለዝ ለእግዚአብሔር ዐምደ መቅደሱ፡ ጸውዐኒ እግዚኦ ኀበ እግርከ
አንሶሱ፡ ከመ ተለወ ለሙሴ ኢያሱ። እንዘ አኀሥሥ ፳፬ ለኅ።
ዘአማኑኤል ለዝ ሐዋ ከጽዮን። ሰላም ለዘባንኪ እምዘባነ ኪሩብ ዘዐብየ
ሐዚሎ እሳተ ወእምርስነ ነዱ ኢውዕየ ማርያም ድንግል ፈጻሚተ ኵሉ
ጻሕቅየ ሀብኒ እግዝእትየ ዘተመነይኩ ሠናየ እንበለ አፅርዖ ፍጡነ
በጺሐኪ ዝየ። ሰላም ለአጥባትኪ እለ አውኀዛ ፍጹመ ድንግልናዌ
ሐሊበ ውስተ አፈ አምላክ ቅድመ ማርያም ድንግል እንተ አምጻእኪ
ሰላመ ሕፅንኒ በአጥባትኪ ለእመ ኮንኩ ደክታመ ዘእንበሌኪ
ኢየኃሥሥ እመ፡፡ ሰላም እብል ለድንግልናኪ ዕጽው እንተ እምኔሁ
ሠረቀ ፀሐየ መለኮት ኅትው ማርያም ድንግል ዘሥነ ንጽሕኪ ፍትው
ለኀዲር በበፍናው በአህጉር ወበድው ዕቀብኒ ወለቶሙ ለኄራን
አበው። በዝንቱ ከጽዮን። ዘልደት ሰላም ለአፃብዒክሙ እለ
እምአጽፋር ኢይትሌለዩ፡ ለቤትክሙ ሥላሴ ዘኢየኀልቅ ንዋዩ፡ አመ
አብዐልክሙ ሰብአ ድኅረ አንደዮ ጌጋዩ፡ ዘኢርእዩ እምቅድመ ዮም
መላእክተ ሰማይ ርእዩ፡ ወአግብርተ ሰብእ መላእክት ተሰምዩ። ሰላም
ለዝክረ ስምከ ስመ መሓላ ዘኢይሔሱ ዘአንበረ ቅድመ እግዚአብሔር
በአትሮንሱ ኢየሱስ ክርስቶስ ለዳዊት ባህርየ ከርሡ አክሊለ ስምከ
እንዘ ይትቀጸል በርእሱ አህጉረ ፀር ወረሰ ኢያሱ። ሰላም ለአጽፋረ
እዴከ ዘኅበሪሆን ፀዓዳ በምግባር ወግዕዝ እለ ይትወሐዳ ኢየሱስ
ክርስቶስ ምስፍና አባሉ ለይሁዳ ለመንግሥትከ ሰፋኒት እንዘ
ይትመሐለሉ ዐውዳ ሰብአ ሰገል አወፈዩ ጋዳ፡፡ እምኵሉ ይኄይስ
በሥላሴከ ተአምኖ ወበወላዲትከ ተማሕጽኖ ኢየሱስ ክርስቶስ
እምቤተ መንግሥት ወተክህኖ ተሰብኦተከ እመቦ ዘያስተሐቅር መኒኖ
ያንኮርኵር ታሕተ ደይን ግዱፈ ከዊኖ፡፡ ማኅ ኦ ዝ ከጽጌ። ዘጥር
ወልደ ነጐድጓድ ሰላም ለአእዳዊከ እለ ተኬነዋ ብእሴ፡ ኦ ኄራን
አጋዕዝትየ ሥላሴ፡ ድኅረ ጸሐፈ ኦሪተ ሊቀ ነቢያት ሙሴ፡ መሐረኒ
ሥላሴክሙ መጽሐፈ መምህሩ ለአውሴ፡ ወወልደ ነጐድጓድ ዮሐንስ
ዘመልአ ውዳሴ። ሰላም ለዝክረ ስምከ ምሉአ ሞገስ ወጸጋ፡ እንበለ
ሕፀፅ ወንትጋ፡ ዮሐንስ መልአክ እንዘ ብእሴ ደም ወሥጋ፡ ምልአኒ
ከመ ተከዜ ለጥበብከ ፈለጋ፡ ፍካሬ ራእይከ አእምር ወእጠይቅ ሕጋ።
ሰላም ለእመትከ ዐቅመ እደ መልአክ አሐተ፡ ዘረሰየ ዐቅም ዐሠርተ
ወምእተ፡ ዮሐንስ ዘርኢከ ኆኅተ ሰማይ ርኁተ፡ ለጸላእትየ ኢትረስየኒ
ስላተ፡ እመተ እዴከ ትኩነኒ እኅተ። ሰላም ለሕሊናከ ዘይሔሊ ሠናየ፡
ወአኮ እኩየ፡ ጸሓፌ ወንጌል ዮሐንስ ወትእዛዘ ሙሴ ብሉየ፡ አዝዞ
ለሕሊናየ ከመ ይትለዐል ሰማየ፡ ወእመ አኮ ኢይኩን ጠዋየ። ዘጥር
ሥላሴ ሰላም ለአጽፋረ እግርከ ፍናዋተ ረድኤት በተኀልፎ፡
ዘኢተዳደቆን እብነ አዕቅፎ፡ ሚካኤል ቀዳሲ ትሥልስተ አካላት
በኢያዕርፎ፡ ኢትኅድገኒ በዓለም እስመ ኪያከ እሴፎ፡ አልቦ ብእሲ
ዘየኀድግ ሱታፎ። ሰላም ለህላዌክሙ ዘይመውዕ ህላዌያተ፡ ለረኪበ
ስሙ ኅቡእ አመ ወጠንኩ ተምኔተ፡ እምግብርክሙ ሥላሴ ሶበ ረከብኩ
አስማተ፡ መለኮተ ለለ አሐዱ ዘዚኣክሙ ገጻተ፡ እንበለ ትድምርት
እስሚ ወእሁብ ትድምርተ። ለዘበነጊድ አቅረብኩ መካልየ ልሳን
ስብሐታተ፡ መጠነ ራብዕ ዐሥር እንዘ አተሉ ሰብዐተ፡ ህየንተ አሐዱ
ሥላሴ እለ ትፈድዩ ምእተ፡ ጸግዉኒ እምገጽክሙ ነዋየ ገጽ
ትፍሥሕተ፡ ወዲበ ዐሠርቱ አህጉር ሀቡኒ ሢመተ። ዘጥምቀት ሰላም
ለአዕዛኒክሙ አናቅፀ ጸሎት ሠናይ፡ ምሥጢራተ ሰሚዕ ሥላሴ
ዘይተልዎ ርእይ፡ በአብትረ ያዕቆብ በርሀ ሥላሴክሙ ፀሐይ፡
ወተመሰሉ ሰብአ ዓይን አባግዐ ላባ ወማይ፡ ለኀበ አባግዕ ዘዮም
ወጥምቀት ዐባይ። ሰላም ለጥምቀት በዘቦቱ ይነጽሑ፡ ኀጣውአ ሰብእ
ዘዘዚኣሁ፡ አመ በላዕሌከ እግዚኦ አእዳወ ዮሐንስ ሰፍሑ፡ ሶበ ርእዩ
ማያት ደንገፁ ወፈርሑ፡ ማያትኒ በርእስከ ፈልሑ። ዘጥር ሚካኤል
ለስ ስም ከኅ ሚካኤል መኑ ይ ሥላሴክሙ ሥላሴ ይረስየኒ መካነ፡
ድኅረ ተዋሀድኩሰ ዘሥላሴሁ ብርሃነ፡ ዮርዳኖስክሙ ዝየ እስመ
ኵለንታየ ኮነ፡ ኢየኀሥሥ እምዮርዳኖስ ሰማዕተክሙ ምእመነ፡
ወኢይትሜነዮ ለታቦር እስመ ታቦር አነ። መል ኢየ ለዝ ስምከ ኀበ
ልደት በል። ሰላም ለክሣድከ ግብረ መንፈስ ቅዱስ ኬንያ አዳም ሥና
ወመንክር ላህያ ኢየሱስ ክርስቶስ ነቢይ ወሐዋርያ አመ ወጽአ
ስሙዓቲከ በአድያመ ኵሉ ሶርያ ብጹዓት አዕይንት ኪያከ ዘርእያ፡፡
ሰላም ለመከየድከ አሐዱ አሐዱ ውስተ ቤተ መቅደስ ለምህሮ እለ
ገይሰ ለመዱ ኢየሱስ ክርስቶስ ለመዓዛ ፍቅርከ ዕቍረ ናርዱ አኀዊከ
ሰማዕታት ቈላተ ሕማማት ወረዱ ወጻድቃኒከ ገዳማተ ዖዱ፡፡ ዘጥር
ቂርቆስ በል። መልክዐ ሚካኤል ለሕፅንከ በል። ለመጋቢት ፭። ሰላም
ለዝክረ ስምከ ቂርቆስ ሕፃን፡ ዘፍካሬሁ ተብህለ ጽጌ ምዑዝ ዕፍራን፡
ለዝ ስምከ ነጋሢ ዘኢየዐርቆ ሥልጣን፡ ሶበ ይጼውዖ ልሳንየ፡ ውስተ
ገጸ ኵሉ መካን፡ ይጽንን ሞት ወይጕይይ ሰይጣን። ሰላም ለክሳድከ
ለሰይፈ ነበልባል በልሳኑ፡ እንተ ተወቅየ ድድኑ፡ እምኀበ እለ
እስክንድሮስ አብድ ወዐላውያነ ተዐየኑ፡ ዘረከብከ ሕማመ ወምንዳቤ
ዘበበ ዘመኑ፡ ሕፃን ቂርቆስ እስፍንተ እዜኑ። ሰላም ለከርሥከ
ወለልብከ ኅቡረ፡ ኅብስተ ኵነኔ ወሕማም እለ ረሰዩ ድራረ፡ ረሲ
ቂርቆስ ቃለ አፉየ ሥሙረ፡ ወዘሰአልኩከ ነገረ፡ አዘክሮ ለአምላክ
ወንግሮ ወትረ። ሰላም ለጸአተ ነፍስከ ቀቲሎታ ዘኢክሕለ፡ መኰንን
ዐላዊ አመ ሥጋከ ቀተለ፡ ሰሚዐከ ቂርቆስ ረዳኤ ዘሰአልኩከ ስኢለ፡
አኮኑ እምነ ኵሉ እፈርህ ሲኦለ። ሰላም ለበድነ ሥጋከ በሠራገላሁ
ዘተኀብአ፡ ለነቢይ ኤልያስ በሕገ አምላክ ዘቀንአ፡ መምህረ መምህራን
ቂርቆስ እንተ ታጸድቅ ኀጥአ፡ ጌጋይየ ሥረይ ለአባሲ በከመ
መምህርከ ሠርዐ፡ ወኅድግ አበሳየ በበስብዕ ስብዐ። ሰላም ለሕማምከ
ወለግፍዕከ ብዙኅ፡ እንተ ያበኪ አልባበ ከመ ግፍዐ ክርስቶስ ርኅሩኅ፡
ክረምተ ፍሥሓየ ቂርቆስ ለብእሴ ሰቆቃው ወላሕ፡ ያንጠብጥብ
በላዕሌየ መጠነ ሠለስቱ አውራኅ፡ ነጠብጣበ ትፍሥሕት በረከትከ
ወዝናም ንጹሕ። ሰላም ለነቅዐ ደምከ ዘተቶስሐ በደሙ፡ ለበግዐ
መስቀል ክርስቶስ እንተ ያደነግፅ ዜና ሕማሙ፡ እኅወ (ማርያም)
ሰማዕታት ቂርቆስ ወለሐዋርያት ወልዶሙ፡ ለእለ ይገብሩ ተዝካረከ
ጸጋ መንፈስ ቅዱስ ሀቦሙ፡ ወዕሤተ ጽድቅ በሰማይ አስተዳሉ ሎሙ።
ሰላም ለመልክዓትኪ አርብዓ ወሠለስቱ፡ ዓዲ ሰላም ለጠባይዕኪ
አርባዕቱ፡ ኢየሉጣ ቅድስት ለቂርቆስ ወላዲቱ፡ ሰአሊዮ በእንቲኣየ
ከመ ኢያጥፍአኒ በከንቱ፡ ለእግዚአብሔር አምላከ ጽድቅ ዘብዙኅ
ምሕረቱ። ዘጥር ጊዮርጊስ ሰላም እብል ለንዋ ፳፬ ለታ። ሰላም ለዝክረ
ስምከ ዘሰሌዳ ሞገስ መጽሐፉ፡ ዘያሜንን ኵሎ ወዘያስተሴፉ፡ ጥዑመ
ዜና ጊዮርጊስ ለሐሊበ ዕጐልት ሱታፉ፡ ሰላመከ ወረድኤትከ በላዕሌየ
ያዕርፉ፡ አኮ ለምድር ዳእሙ ለዝሉፉ። ሰላም ለልሳንከ ዘነበበ ጽድቆ፡
ለስመ ኢየሱስ ክርስቶስ ቅድመ ዐላውያን በኢናፍቆ፡ ጊዮርጊስ ዕጉሥ
ለመንገነ ስቃይ ጻዕቆ፡ ልሳንየ ለውዳሴከ እስመ ረሰይኩ መሰንቆ፡
በመትልወ ስምከ ጸሐፍ ለስምየ ኍልቆ። ሰላም እብል ለአፃብዐ እዴከ
የውጣ፡ ወለአጽፋሪሆን ዓዲ ዲበ ከተማሆን ዘለብጣ፡ ጊዮርጊስ ኵኑን
ለዐራተ ሐፂን በውስጣ፡ ቅዱሳት አፃብዒከ ዲበ ርእስየ ይሡጣ፡ ቅብአ
ቅድስና ዕፍረተ ዘዕፁብ ሤጣ። ሰላም ለአማዑቲከ ወለንዋየ ውሥጥከ
ክዕውት፡ አመ ዐጸሩከ በምክያድ ከመ አስካለ ወይን ወዘይት፡
ጊዮርጊስ ክቡር መስፍነ ትጉሃን ክበበ ሰማዕት፡ በእንተ አባላቲከ እለ
ተከፍላ ለኀበ ዐሠርቱ ክፍላት፡ ኢይሰስል እምኔየ ዘለከ ረድኤት።
ሰላም ለሰኳንዊከ ውስተ ዐፀደ ስምዕ ዘአንሳሕለላ፡ ዱድያኖስሃ
ወጣዖታቲሁ ይጽአላ፡ ጊዮርጊስ ኵኑን ለመቅጹተ ሐፂን በነበልባላ፡
ስምከ በተአምኖ ሶበ ይጼውዕ በኵላ፡ ረዳእኪ አነ ለነፍስየ በላ። ዘጥር
ማርያም ለዝ ሐዋ ከጽዮን በል። ሰላም ለእስትንፋስኪ ዘመዓዛሁ
ሕይወት፡ ከመ መዓዛ ዕፅ ኅሩይ ዘውስተ ገነት፡ ማርያም ድንግል ቤተ
ቅድሳት ጽንሕኒ ውስተ ሠናይ ወሠውርኒ እ’ሞት በአክናፍኪ ርግብየ
ኅሪት፡፡ ሰላም ለገቦኪ ዘሐመልማለ ወርቅ ክዳኑ በከመ ዳዊት ይዜኑ
ማርያም ድንግል ለያዕቆብ ሞገሰ ሥኑ በልኒ እግዝእትየ አፈቅረከ
አኮኑ እንዘ ረዳኢትከ አነ ዘይክለከ መኑ። ሰላም ለጸዐተ ነፍስኪ እንበለ
ጻዕር ወፃማ ለነቢር ዘልፈ በየማነ ወልድኪ ፌማ ማርያም ድንግል
ክልልተ ሞገስ ወግርማ አጽንዒ በረደኤትኪ ለሕይወትየ ድካማ
እምሕይወተ ኄራን አበው ኢታሕጽጺ ዐቅማ። ሰላም እብል በድነ
ሥጋኪ ጽሩየ ዘተመሰለ ባሕርየ ማርያም ድንግል ዐፀደ ወይንየ
ንስቲተ ለዕበይኪ እንተ አቅረብኩ ግናየ ኢይትኀደግ ዲበ ምድር
ምስጢ ሰማየ። ሰላም ለግንዘተ ሥጋኪ በእደ ሐዋርያት አርጋብ
በአፈወ ዕፍረት ቅድው ዘሐሳበ ሤጡ ዕፁብ ማርያም ድንግል ወለተ
ኅሩያን ሕዝብ ረሰይኩኪ እግዝእትየ ህየንተ እም ወአብ ይሕፅነኒ
ከመ ጥብ ፍቅርኪ ሐሊብ። ሰላም ለመቃብርኪ ለጌቴሴማኒ በመርኅባ
እንተ ይእቲ ለኢየሩሳሌም ቅሩባ ማርያም ድንግል ለሀገረ መንግሥት
ርግባ ትትሜጦ ወርቀ እምአፌር ወጸበለ አፈው እምሳባ ጌቴሴማኒ
ለሥጋኪ ምስካባ። ሰላም ለመቃብርኪ ለኢዮሩሳሌም በአድያማ እንተ
ይእቲ ጌቴሴማኒ ስማ ማርያም ሰንበት ዕረፍተ ጽዑራን እምጻማ አመ
ኀደረ ላዕሌኪ ፀሐየ ቅዱሳን ዘራማ ወኀይለ ልዑል ጸለለኪ በመንክር
ግርማ። ዘልደተ ስምዖን ሰላም ለአዕዛኒከ ጽልዋተ እለ ኮና አምኃ ነገር
ያብኣ ለመኰንነ ውሥጥ ሕሊና ኢየሱስ ክርስቶስ ዘያዕቆብ ዐምደ
ደመና ምርሐኒ እግዚኦ ኀበ ዘይትፈቀድ ፍና በዓመተ ርስዓን ወድካም
ኢይርአይ ሙስና፡፡ ሰላም ለልብከ ቅሩበ ኵልያት ምንታዌ እንተ
ያንሰሐስሕ ቦቱ መንፈሰ ሕሊናከ ኀበ ህላዌ ኢየሱስ ክርስቶስ ፍጹመ
ትስብእት (መለኮት) ወሥጋዌ በቀለ በእንቲአከ አመ ትትፋታሕ ነነዌ
ውስተ መቅደስከ ረስየኒ ሠርዌ፡፡ እምኵሉ ይኄይስ በል ኀበ ልደት።
ዘኪዳነ ምሕረት ሰላም ለዝክረ ስምኪ ዘአስተማሰልዎ በኮከብ፡ ሶበ
ብርሃኑ ተከድነ ጽልሙታነ ራእይ ሕዝብ፡ ኪዳነ አምላክ ማርያም
ወተስፋ መድኀኒት ዘዐርብ፡ ተናዘዘ ብኪ አኮኑ ሕሊና ቀዳማይ አብ፡
አመ እምገነቱ ተሰደ በሐዘን ዕፁብ። ሰላም ለአዕዛንኪ እለ ተበሥራ
ኪዳነ፡ እምአፈ ፈጣሪ ወልድኪ ዘባሕርየኪ ተከድነ፡ አምሕለኪ
ማርያም ከመ ኢታርእይኒ ደይነ፡ እንበለ ምግባር ባሕቱ እመ
ኢይጸድቅ አነ፡ ቦኑ ለከንቱ ኪዳንኪ ኮነ። ሰላም ለመዛርዕኪ
ወኵርናዕኪ ምጽንጋዕ፡ እለ ሐቀፋሁ ለክርስቶስ ኅቡእ፡ ማርያም ኅሪት
እምነ መላእክት ወሰብእ፡ ተዝካረኪ ለእመ ገብረ በተአምኖ ጽኑዕ፡
በመንግሥተ ሰማይ ምስሌኪ ይነግሥ ኀጥእ። ሰላም ለድንግልናኪ
መክብበ ሕዋሳት ኀምስ፡ ወለአቍያጽኪ ክልኤ አዕማደ ነባቢት
መቅደስ፡ ማርያም ታቦት ወጽላተ ኪዳን ሐዲስ፡ ቅብእኒ ረጢነ እስከ
ሰኮና እግር ወርእስ፡ እስመ ደም ትፌውስ ሕማማ ለነፍስ። ሰላም
ለመልክዕኪ እመልክዐ ሐና ወኤልሳቤጥ፡ ዘብዑድ ሥኑ ወልምላሜሁ
ፍሉጥ፡ ማርያም ቅድስት ድንግልተ አፍኣ ወውሥጥ፡ ቤዛ ይኩነኒ
ኪዳንኪ በገጸ ፈጣሪ ሥሉጥ፡ አመ ወርኀ ነጊድ የኀልቅ ወይጸራዕ
ሤጥ። ዘመጋቢት ገብረ መንፈስ ቅዱስ ሰላም ለሕጽንክሙ ምርፋቀ
ጻድቃን አግብርቲሁ፡ ማያተ ኢያሱ ሥላሴ እለ ትውኅዙ
እምሕሊናሁ፡ እንዘ በአፍኣሁ አንትሙ ወአንትሙ በውሣጤሁ፡
ኢነጸረ ኀበ ሐይመት ከመ አብርሃም አቡሁ፡ ወመስኮተ ነቢይ ዳንኤል
ኢፈቀደ ያርኁ። ሰላም ለሕጽንከ እንተ በዲቤሁ ሕቁፍ፡ ጸሎተ
ቅዱሳን ውኩፍ፡ ሚካኤል ክቡር መስፍነ ትጉሃን አእላፍ፡ ለረዲኦትየ
ከመ ዘይሰርር ዖፍ፡ እንዘ ትሠርር ነዓ በክልኤ አክናፍ። ሰላም ለዝክረ
ስምከ ኀበ ዐምደ ብርሃን ዘሆህያቲሁ ቅሩጽ፡ ወአኮ ዘዕፅ፡ ገብረ
መንፈስ ቅዱስ ኀያል ሠዋቄ ትንቱናን እምዳኅፅ፡ ለዝክረ ስምከ ሠናየ
ዜና ወድምፅ፡ ኢትዮጵያ ትሴብሕ ወትዜምር ግብጽ። ሰላም
ለከናፍሪከ ወለአፉከ ሰላም፡ ዐቃቤ ሥርዐት ዘሴመ ወማዕፆ ሕግ
ዘዐቅም፡ ገብረ መንፈስ ቅዱስ መነኮስ በምግባረ ሠናይ ፍጹም፡ እንበለ
መብልዕ ወስቴ እንዘ ትትጋደል በደም፡ ነጺራ ትዕግሥተከ አንከረት
ገዳም። ሰላም ለልሳንከ ጽድቀ ሃይማኖት ዘነበበ፡ ወለቃልከ ሰላም
እንተ ያቀልል ዕፀበ፡ ገብረ መንፈስ ቅዱስ ለከ መንግሥተ ለውህበ፡
እስመ አባ ከመ አርዌ ምድር ጠቢበ፡ በየውሃትከ ተመሰልከ ርግበ።
ሰላም ለከርሥከ ዘኢተሴሰየ ኅብስተ፡ አኮ ኅብስተ ምድራዌ እንተ
ያመጽእ ሀኬተ፡ ገብረ መንፈስ ቅዱስ ኵሉ ይንእዱከ ክሡተ፡ ብርሃነ
ለዕውራን ወለሐንካሳን ፍኖተ፡ ወለበሓማን ቃለ ዘኮንኮሙ አንተ።
ሰላም ለጸአተ ነፍስከ ከመ ትረሲ ህላዌ፡ ኀበ ኢይሰማዕ ቦቱ ዜና ሞት
ወዝክረ ደዌ፡ ገብረ መንፈስ ቅዱስ አንተ ዘገዳማውያን ሠርዌ፡ ወረዱ
ጊዜ ሞትከ ዑጹፋነ ጽዱል ሥርጋዌ፡ ከመ ይትቀበሉ ኪያከ መርዓዌ።
ሰላም ለበድነ ሥጋከ ብርሃነ ሰማይ ዘዐገቶ፡ እለ ያዕቆብ ወዮሴፍ
እስከነ ፈርሁ ቀሪቦቶ፡ ገብረ መንፈስ ቅዱስ ባዕል ለዘብዕልከ
ዘያሰትቶ፡ ኀያል ብእሲ ይንሣእ ሢመቶ፡ ወበዓለ ዕዳ ይበርብር ንዋዮ
ወቤቶ። ሰላም ለግንዘተ ሥጋከ ግብር ወስብሐት ዘሎቱ፡ መጽሐፈ
ገድልከሰ ኢይነግር ዜና ኵነቱ፡ ገብረ መንፈስ ቅዱስ ሊተ ይመስለኒ
ባሕቱ፡ ግንዘተ ሥጋከ በእደ መላእክት ውእቱ፡ እንዳዒ እግዚአብሔር
የአምር ባሕቲቱ። ሰላም ለመቃብሪከ ዘኢተከሥተ ለባዕድ፡ ከመ
መቃብሩ ለሙሴ ወልደ ዮካብድ፡ ዜና መቃብሪከሰ ገብረ መንፈስ
ቅዱስ ጸማድ፡ ቦ ዘይቤ በኢየሩሳሌም ዐፀድ፡ ወቦ ዘይቤ ሀለወ
በከብድ። ዘመድኀኔ ዓለም ሰላም ለዝክረ ስምከ ዘኢረከቡ ተፍጻሜተ፡
መላእክተ ሰማይ ወምድር እለ ለመዱ ስብሐተ፡ መድኀኔ ዓለም
ተወከፍ እንተ አቅረብኩ ንስቲተ፡ ዘሰተይከ በእንቲኣየ ከርቤ
ወሐሞተ፡ በሞተ ዚኣከ ከመ ትቅትል ሞተ። ሰላም ለጕርዔከ ክቡር
ወልዑል፡ ወለክሣድከ ዓዲ ዘሰሐብዎ በሐብል፡ መድኀኔ ዓለም
ክርስቶስ በቀራንዮ ስቁል፡ በለኒ መሐርኩከ በእንተ ማርያም ድንግል፡
እስመ ኄር አልቦ እንበሌከ ቃል። ሰላም ለገቦከ እንተ ያሴስል ትካዜ፡
ወለከርሥከ ዘኮነ ኅዙናነ ዓለም ናዛዜ፡ መድኀኔ ዓለም ክርስቶስ ምሉአ
ምሕረት ከመ ተከዜ፡ ታስምዐኒ ማእዜ እብለከ አምላኪየ በኵሉ ጊዜ።
ሰላም ለልብከ እግዚአብሔር ናዝራዊ፡ ነቢይ ወመንፈሳዊ፡ መድኀኔ
ዓለም ሕፃን ወአረጋዊ፡ እፎ ቀሰፉከ ካህናተ ይሁዳ ወሌዊ፡ በዐውደ
ጲላጦስ ኵኑን ከመ ገብር ዐላዊ። ሰላም ለጸአተ ነፍስከ አመ ዲበ
መስቀል ቆመ፡ ወለበድነ ሥጋከ ምዑዝ እንተ ያጥዒ ሕሙመ፡
መድኀኔ ዓለም ክርስቶስ ከመ ትቤዙ ዓለመ፡ አሜሃ እግዚእየ ፀሐይ
ጸልመ ወወርኅኒ ተመሰለ ደመ። ሰላም ለግንዘተ ሥጋከ ዘመዓዛሁ
ጽጌረዳ፡ ወለመቃብሪከ ዘኮነ ለኢየሩሳሌም በዐውዳ፡ መድኀኔ ዓለም
ክርስቶስ ሶበ በቅንአተ ሰይጣን ዘይሁዳ፡ ሞተ ወተቀብረ መቃብረ
ሐዲስ እንግዳ፡ ኀበ ኢተቀብሩ ለሔዋን ውሉዳ። ዘትስብእት በዓለ
እግዚአብሔር ለዝ ስም ኀበ ልደት በል። ማኅፀንኪ ፳፩ ለታኅሣሥ።
ሰላም ለርእስከ በመንበረ ክሣድ ዘተሣረረ እንዘ ማእሰ ሥጋ ይለብስ
ወእንዘ ይትገለበብ ጸጕረ ኢየሱስ ክርስቶስ ከመ ቃልከ ነገረ ይወርሱ
በእንቲአከ ነዳያነ ዓለም ክብረ ወቀደምትኒ ይከውኑ ድኅረ፡፡
እ’ምሥራቀ ፀሐይ እስከነ ዐረብ ይትአኰት ስሙ ለእግዚአብሔር
አምላክነ ኪያከ ወልዶ ዘፈነወ ለነ ኢየሱስ ክርስቶስ ሊቀ ካህናቲነ
አስተጋብአነ ኀበ ትረፍቅ መካነ እስመ ዝርዋን አግብርቲከ ንሕነ፡፡
ዘሆሳዕና ሰላም እብል ለዘዚአክሙ ቆም፡ ዓለማተ ዓለም ሥላሴ
ዘአልብክሙ ዓለም፡ እምኔክሙ አሐዱ በእንተ አሐዱ አዳም፡ እመኒ
በምድር ተወክፎ ለነግደ ጲላጦስ ሕማም፡ ሆሳዕና በአርያም ሆሳዕና
በአርያም ሆሳዕና በአርያም። ሰላም ለመትከፍትከ ከመ ልብሰ ክህነት
ሎግዮ ጊዜ ጸዐተ ፍትሕ ዘጾረ አርዑተ መስቀል በቀራንዮ ኢየሱስ
ክርስቶስ በግዐ መድኀኒት ወአስተሥርዮ አስትዳሎከ ለርእስከ ውስተ
ዐጸደ ግፍዕ ተርእዮ ወኵሎ በዘይደሉ አቅደምከ ሐልዮ። ሰላም
ለአእጋሪከ እለ ጠብዓ ለቀዊም ቅድመ ጲላጦስ ፈታሒ መስፍነ ይሁዳ
ወሮም ኢየሱስ ክርስቶስ ዘትማልም ወዮም ኀበ ወረደ ወነጠበ ዝናመ
አእጋሪከ ደም ለመስቀልከ በሰጊድ ሰላም፡፡ ዘሚያዝያ ጊዮርጊስ ለንዋየ
ውሥ ፳፬ ለታ። ለዝክረ ፲፰ ለጥር ጊዮርጊስ። ሰላም ለክሣድከ
ዘተመሰለ ምንሐረ፡ በአንቅዖ ሐሊብ ወማይ አመ በመጥባሕት
ተመትረ፡ ጊዮርጊስ ዘፆርከ ስቃየ ዓመታት መጽዕረ፡ በለኒ ቃለ
ብሥራት ከመ ነሀሉ ኅቡረ፡ ጥቃ ቤተ ነፍስየ ለከ ሐነፅኩ ማኅደረ።
ሰላም ለሕሊናከ ዘመከረ በልባዌ፡ በሞቱ ወበተንሥኦቱ ለተሳትፎ
መርዓዌ፡ ዐቃቤ ሥራይ ጊዮርጊስ መፈውሰ ደዌ፡ ለወለት ከመ
ቤዘውካ እምአፈ ደራጎን አርዌ፡ ተረፈ ሕይወትየ ቤዙ እምኵሉ
ምንዳቤ። ሰላም ለጸአተ ነፍስከ ጽዋዐ ደመ ስምዕ ጸዊቦ፡ እማኅፈደ
ሥጋ በገድል መከራ ሥቃይ ድኅረ ረከቦ፡ ጊዮርጊስ ስመከ ሶበ
እጼውዕ በአመክዕቦ፡ ለረድኤትከ ኀበ ሀሎኩ በአምሳለ ብእሲ ቀሪቦ፡
ለትካዘ ልብየ ዘልፈ ያሰስል ዕፀቦ። ሰላም ለበድነ ሥጋከ እምርጢነ
ገለዓድ ዘተኀርየ፡ በላዕለ ድዉያን ፈውስ እስመ ፈድፋደ አርአየ፡
ጊዮርጊስ ለከ ትብለከ ነፍስየ፡ ለበድነ ሥጋከ ተማሕፀንኩ
ኢታስተኀፍር ተስፋየ፡ ስእለተ ከናፍርየ ስማዕ ወፈጽም ጻሕቅየ።
ሰላም ሰላም ለግንዘተ ሥጋከ በእደ አግብርቲከ ክልኤ፡ ድኅረ ሠለጥከ
መዊተ እንዘ ብከ ተስፋ ትንሣኤ፡ ጊዮርጊስ ዘፆርከ ሥቃየ ዓመታት
ሱባዔ፡ ስመከ በተአምኖ ሶበ አወትር ጽዋዔ፡ አስራበ ረድኤትከ
ያጠልል ዘዚአየ ጕርዔ። ሰላም ለመቃብሪከ ምክሐ አድያሚሃ ወፀዓዳ፡
ለምድረ ሙላድከ ልዳ፡ ጊዮርጊስ ዘልፈ ሀብተ በረከት ዘእፈቅዳ፡ ከመ
ትጽጊ ሕንባበ ረዳ ለኢያሪኮ በዐውዳ፡ በዲበ ድማህየ ትጽጊ እምሰማይ
ወሪዳ። ዘግንቦት ልደታ ለዝክረ ስምኪ አመ ፳፩ ለኅዳር በል፡፡ ሰላም፡
ለአእዳውኪ እሳተ መለኮት እለ ገሠሣ፡ አውቃፈ ብሩር ወወርቅ
ለሥርጋዌሆን ኢኀሠሣ፡ ማርያም ድንግል ለመካን ህንባበ ከርሣ፡
አንጽሕኒ እግዝእትየ ለፍትወተ ዐለም እምርኵሳ፡ በዲበ ሥጋየ
ኢትንበር ነጊሣ፡፡ ለድንግልናኪ ዕፅው፡ አመ ፳፰ ለታህሣሥ በል።
በዝንቱ ቃለ ማኅሌት፡ አመ ፳፩ ለኅዳር በል፡፡ ሰላም፡ ለኪ እንዘ ንሰግድ
ንብለኪ፡ ማርያም እምነ ናስተበቍዐኪ፡ እምዐርዌ ነዐዊ ተማሕጸነ ብኪ፡
በእንተ ሐና እምኪ ወኢያቄም አቡኪ፡ ማኅበረነ ዮም ድንግል ባርኪ፡፡
ሚ ቡርክት ኀበ ጽጌ በል። ዘደብረ ምጥማቅ ግንቦት ማርያም፡ ለዝክረ
ስምኪ በል ኀበ ጽዮን፡፡ ሰላም፡ ለገጽኪ ዘጥቀ ይልሂ፡ እምስነ ከዋክብት
ወወርኅ ወእምስነ ጸሐይ መብርሂ፡ ማርያም ድንግል ፍናዋትየ ሠርሂ፡
በመዐልት ወበሌሊት ኢይርከበኒ ጸናሒ፡ መሥገርተ አበሳ ዘይጠፍር
ወግበ ዘይድሂ፡፡ ሰላም፡ ለጕርዔኪ ሠናይ እምወይን፡ በከመ ይቤ
ሰሎሞን፡ ማርያም ድንግል ለባሲተ ዐቢይ ትእዛዝ፡ ክድንኒ ገርዜነ ጸጋ
ኢያዕጽበኒ ዕርቃን፡ ዘኢአነምዎ ጠቢባን በኪን፡፡ ሰላም፡ ለመልክዕኪ
ዘተሠርገወ አሜረ፡ ዘያበርህ ወትረ፡ ፍቅርትየ አንቲ እንተ ታበድሪ
ፍቅረ፡ አርእይኒ ገጸ ዚአኪ ማርያም ምዕረ፡ ዘኢይሰምዖ ካልዕ እንግርኪ
ነገረ፡፡ በዝንቱ ቃለ ማኅሌት፡ በል ኀበ ጽዮን ኅዳር፡፡ ዘዕርገት፡ ሰላም
ለመታክፍቲክሙ መሠረተ ዐለም እለ ጾሩ፡ ኖትያተ ኖኅ ሥላሴ ወዕፀወ
ዐባይ ሐመሩ፡ ዲበ መንበርክሙ ሰብአ ሶበ አምላከ ነጸሩ፡ ኪሩቤል
ወሱራፌል ታሕተ እገሪሁ ገረሩ፡ እስመ ለሊሁ አዘዘ ወእሉ ተፈጥሩ፡፡
ለዝክረ ስምከ፡ ኀበ ልደት በል፡፡ ሰላም፡ ለአጻብዒከ አጻብዐ አዳም
ዘተኬነዋ፡ ወነቀላ ዐጽመ በእንተ ሕይወታ ለሔዋ፡ ኢየሱስ ክርስቶስ
አመ ተለዐልከ እምድረ ፄዋ፡ ለገነተ ጽድቅ ዘእደ ሱራፊ ዐፀዋ፡ ቤዛ
ኀጥአን ኵሎሙ ደምከ አርኀዋ፡፡ ሰላም፡ ለዕርገትከ ዘኢይትረከብ
መጠኑ፡ ወለንብረትከ ሰላም ለአቡከ ውስተ የማኑ፡ ኢየሱስ ክርስቶስ
እለ ኪያከ ተአመኑ፡ ቅዱሳነ ዘእምኀቤከ ወንጹሐነ ይኩኑ፡ ጰራቅሊጦስሀ
መንፈሰከ ፈኑ፡፡ ዘሰኔ ሚካኤል፡ ለጕርዔክሙ ወለዝክረ ስምከ ኀበ
ሚካኤል ኅዳር በል፡፡ ሰላም፡ እብል ለአስናኒከ ዘመንፈስ፡ ዘኢይረክቦን
ጥረስ፡ ሚካኤል ረዳኢ ለእለ ውስተ ባሕር ወየብስ፡ እስመ ረሰየከ ካህነ
ምሥዋዑ ክርስቶስ፡ መፍትው ሊተ ትተንብል ቀሲስ፡፡ ሰላም፡
ለእስትንፋስከ ቁሱላነ ነፍስ ለአጥዕዮ፡ ዘይነፍሕ ፄና አንሕዮ፡ ሚካኤል
ነዓ ኲናተ በተረስዮ፡ ለገቢር ከመ ቀዳሚ ለዐርዌ ዐመጻ ደርብዮ፡
እስመ ኢኀደገ እንከ ዘትካት እከዮ፡፡ ሰላም፡ ለአጻብዒከ መጽሐፈ እለ
ለክዑ፡ ዕጕለ አባግዕ እምኖሎት በጊዜ ተመልዑ፡ ሚካኤል አንተ
ለንጉሠ ነገሥት ካህነ ምሥዋዑ፡ አሳዕነ መድኀኒት ለእገርየ አጻብዒከ
ይቅጽዑ፡ ከመ በፍናውየ የሐዝ ለሰላም ቅብዑ፡፡ አምኃ ሰላም፡ ኀበ
ኅዳር ሚካኤል በል፡፡ ዘሰኔ ማርያም፡ ለዝክረ ስምኪ በል ኀበ ጽዮን፡፡
ሰላም፡ ለስዕርተ ርእስኪ ዘተንዕደ ፅፍሮሁ፡ ለአቡኪ በከናፍሪሁ፡
ማርያም ድንግል ለእግዚኣብሄር ጽርሑ፡ ለገብርኪ እግዝእትየ
ኢትኅድግኒ እላሁ፡ ከመ ኢይበሉኒ ፀር አይቴኑመ ምክሑ፡፡
ለእስትንፋስኪ ወለገቦኪ፡ በል ኀበ ፳፩ ለጥር፡፡ ሰላም፡ ለማሕጸንኪ
ለእግዚአብሔር ማኅፈዱ፡ ዘሐነጸኪ የማነ እዱ፡ ማርያም ድንግል
ምዕዝት ዘእም ናርዱ፡ ኀቤኪ ያንቅዐዱ ለረኪበ ኵሉ መፍቅዱ፡ ምስለ
ካልዑ አይንየ አሐዱ፡፡ በሠላስ አዕባን በል ኀበ ጽጌ፡፡ ዘሐምሌ ጴጥሮስ
ወጳውሎስ፡፡ ሰላም ለቃልክሙ መታሬ እሳት ነዳዲ፡ ሥሉስ ቅዱስ
ንዋያተ ዕፁብ ነጋዲ፡ አመ በንስሓ ተወልደ እምጸጋክሙ ወላዲ፡
ተወፈየ መርኆ ሰማይ የማነ ጴጥሮስ ከሓዲ፡ ወመምህረ ወንጌል ኮነ
ጳውሎስ ሰዳዲ፡፡ ሰላም፡ ለዝክረ ስምክሙ ዘአልባስጥሮስ አፈው፡
ወለስዕርትክሙ ጸሊም ዘድላሊሁ ፍትው፡ ምቱረ ክሣድ ጳውሎስ
ወጴጥሮስ ቅንው፡ ተራውፀ ውስተ ልብየ ምስለ መዓዛሁ ቅድው፡ ቃለ
ደምክሙ ሐዋርያ ዘእግሩ ከዋው፡፡ ሰላም፡ ለአዕዛኒክሙ በሰሚዐ ወንጌል
ዘተሰብሐ፡ ወለመላትሒክሙ ቀይሐት እምስባረ ሮማን ዘቄሐ፡
መሥዋዕተ አምልኮ ትኩኑ ወዘመሐይምናን ምክሐ፡ ደምከ ጴጥሮስ
ወልደ ዮና በጽዋዐ መስቀል ተቀድሐ፡ ወደመ ጳውሎስ ሐዋርያ
ሰማያተ ጸርሐ፡፡ ሰላም፡ ለዘባናቲክሙ በምኵራባት እለ ተቀስፉ፡
ወለእንግድዓክሙ ዘሰፍሐ መልዕልተ ጠባባት ወፈላስፋ፡ በእንተ
ኢየሱስ ክርስቶስ ዘተጸፍዐ ቅድመ ቀያፋ፡ ሀበኒ ጴጥሮስ መስቀል
ይኩነኒ ተስፋ፡፡ ሰላም፡ እብል ብርሃናተ ክልኤተ፡ በዐፀደ ንጉሥ ኔሮን
እለ ፈጸምክሙ ሩጸተ፡ ጳውሎስ ወለጴጥሮስ እንዘ ይፀውሩ ፀበርተ፡
አሐዱ በመስቀል ተሰቅለ ቁልቁሊተ፡ ወአሐዱ ተመትረ ክሣዶ
ክብርተ፡፡ ተዘኪረከ ክርስቶስ፡ ሐዋርያተ ኵሎሙ፡ ህየንተ ክቡር ደምከ
እለ ከዐዉ ደሞሙ፡ አክሊለ ስምዕ ሀበኒ ከመ እሳተፍ ገድሎሙ፡
ወደምስስ ለአጽራርየ እመጽሐፈ ሕይወት ዝክሮሙ፡ ከመ ለይሁዳ
ረሲዕ ተደምሰሰ ስሙ፡፡ ዘሐምሌ ሥላሴ፡ ሰላም ዘእምቅድመ ዐለም
ነጋሢ፡ ለወልድ ሰላም ሥጋ ማርያም ለባሲ፡ ወለመንፈስ ቅዱስ ሰላም
ኀጢአተ ዐለም ደምሳሲ፡ ኀይልየ ሥላሴ ወፀወንየ ሥላሴ፡ በስመ ሥላሴ
እቀጠቅጥ ከይሴ። መልክዐ ሚካኤል፡ ለአጽፋረ እግርከ በል አመ ፯
ለጥር፡፡ ማኅሌተ ጽጌ፡ ተፈሥሒ ድንግል ኀበ ጽጌ በል፡፡ ለህላዌክሙ፡
አመ ፯ ለጥር ለሕጽንክሙ ኀበ ገብረ መንፈስ ቅዱስ፡፡ ሰላም፡
ለሕሊናክሙ ለከዊነ ኄር ዘተሐመየ፡ እምከላውዴዎን አብርሃም
ዘምድረ ካራን ኀረየ፡ ሥላሴክሙ ሥላሴ ሶበ ይኔጽር ዕሩየ፡ ሠለስተ
ዕደወ ሊሉያነ ውስተ ርእሰ ሐይመት ርእየ፡ ወለአሐዱ ነገሮ ረሰየ፡፡
ሰላም፡ ለሐቌክሙ ዘቅንዐተ ኂሩት ቅንዐቱ፡ ሊሉያነ ፆታ ሥላሴ
እምአምላከ በለዐም ከንቱ፡ ኀበ መስፈርትክሙ ጽድቅ እስመ ያበጽሕ
ትምህርቱ፡ ተደለዉ ከመ ይሑሩ ምሕዋረ ዕለታት ሠለስቱ፡ በዐለ
መሥዋዕት አብርሃም ወይስሐቅ መሥዋዕቱ፡፡ ለዘነጊድ፡ በል ኀበ ሥላሴ
ዘጥር፡፡ ዘሐምሌ ቂርቆስ፡ ሰላም ለአቍያጺክሙ እለ ተሐብአ እምዐይን፡
አናምያኒሁ ሥላሴ ለሜላተ ሰማይ ብርሃን፡ ልብሰ ሰማዕትና ይኩነኒ
ምሕረትክሙ ክዳን፡ ላዕሌየ እስመ ኢሀሎ ልብሰ እስጢፋኖስ ዕብን፡
ወሥርጋዊሁ እሳት ለቂርቆስ ሕጻን፡፡ ለዝክረ ስምከ፡ በል ኀበ ጥር
ቂርቆስ፡፡ ሰላም፡ ለልሳንከ ለዐቃቤ ሥራይ በእዱ፡ እንተ ተመትረ
እምጕንዱ፡ ሕጻን ቂርቆስ ለጽሕርት ዘኢያፍርሐከ ነጐድጓዱ፡ ዮም
ባርክ ማኅበረነ ለለአሐዱ አሐዱ፡ ከመ ባረኮ አብርሃም ለይስሐቅ
ወልዱ፡፡ ሰላም፡ ለእንግዓከ ልቡና ዘከብዶ፡ ከመ እንግድዓሁ ለእዝራ
መጽሐፈ እንተ ንዕዶ፡ ሕጻን ቂርቆስ ምስለ ወላዲትከ በተዋሕዶ፡ መኑ
ከማከ ለእቶን አምሳለ አሣዕን ዘኪዶ፡ ወመኑ አምሳለ ማይ ዘአቍረረ
ነዶ፡፡ ሰላም፡ ለመልክዕከ በማየ ዮርዳኖስ ጥሙቅ፡ ወቅቡዕ በሜሮን
ቅብዐ ሰላም ወዕርቅ፡ በጸሎትከ ነጐድጓድ ወስዕለትከ መብረቅ፡
አቍረርከ ቂርቆስ ነበልባሎ ለእቶነ እሳት ምዉቅ፡ ከመ ነደ እሳት
አቍረሩ ሠለስቱ ደቂቅ፡፡ ሰላም፡ ለህላዌከ ማዕከለ ሰብዐቱ ነገድ፡ እለ
ስዑላን በነድ፡ አስተምህር ቂርቆስ ቅድመ መንበረ አብ ወወልድ፡ ኀበ
ተሐንጸ መርጡልከ ወዘዚአከ ዐፀድ፡ ኢይምጻእ ለዐለም ዘይቀትል
ብድብድ፡፡ ሰላም፡ ለልሳንከ ወለቃልከ ማኅተሙ፡ ለእስትንፋስከ ጠል
ለእሳተ ባቢሎን አቍራሬ ፍሕሙ፡ ገብርኤል ውኩል ለርድኤተ
ጻድቃን ኵሎሙ፡ አንግፈኒ እምነበልባል ኢያንጥየኒ ሕማሙ፡ ከመ
አንገፍኮሙ ቅድመ ለቂርቆስ ወእሙ፡፡ ሰላም ለመልክዓትኪ፡ በል ጥር
ቂርቆስ፡፡ ዘነሐሴ ሕንጸታ፡ ለዝክረ ስምኪ ኀበ ጽዮን ለልሳንኪ ኀበ
በአታ ለአእዳውኪ ኀበ አማኑኤል በል፡፡ ሰላም፡ ለፍልሰተ ሥጋኪ ወለተ
ንጉሥ ይሁዳ፡ ወወለተ ሌዊ እኁሁ ዘሀብተ ክህነቱ አገዳ፡ ማርያም
ድንግል ምዕዝት ዘእምጽጌረዳ፡ በጽሒፍ ኢይፌጽሞ ለስብሓትኪ
እንግዳ፡ እመ ኮነ በቅድሜየ ስፍሐ ምድር ሰሌዳ፡፡ ሰላም፡ ለፍልሰተ
ሥጋኪ መካነ ፍሥሓ ወኑዛዜ፡ ኀበ ይረስዕዎ ለላህ ወኢይሔልይዎ
ለትካዜ፡ ማርያም ህሉት ውስተ ልበ አምላክ እምቅድመ ጊዜ፡
ትፍሥሕተሰ ተፈሣሕኩ በፍልሰትኪ ማዕዜ፡ ገጸ ዚአኪ እሬኢ ማዕዜ፡፡
ሰላም ለኪ ኀበ ግንቦት ልደታ በል፡፡ ዘነሐሴ ደብረ ታቦር፡ ሥላሴክሙ
ሥላሴ ኀበ ቃና ዘገሊላ በል። ሰላም፡ ለፍልሰተ ሥጋኪ ስቡሐ
ዘተሰብሐ፡ እምስነ ፀሐይ ወወርኅ ሥነ ስብሓቲሁ አብርሀ፡ እንብሌኪ
ድንግል ወእንበለ ወልድኪ በኵረ ፍሥሓ፡ አልቦ ለሞት ማእሰሪሁ
ዘፈትሐ፡ ወሙታነ በሲኦል አንቅሐ፡፡ ለዝክረ ስምከ ኀበ ልደት በል፡፡
ሰላም፡ ለልሳንከ በደብረ ታቦር ዘአልኆሰሰ፡ ለብርሃን ዐቢይ እስከ
ጽላሎቱ ተሐውሰ፡ ነበልባለ እሳት ክርስቶስ ዘተወሐድከ ጳጦሰ፡ በዋዕየ
ፍቅርከ ከመ ሥርወ አእዋም የብሰ፡ ውሳጤ ሕሊናየ ነደ ወልብየ
ጤሰ፡፡ ሰላም፡ ለሰኰናከ እንተ ያስተጋብእ ኵሎ፡ ኀበ ኀደገ ወቀጽዐ
ውስተ ሰሌዳ ኰክሕ ስዕሎ፡ ኢየሱስ ክርስቶስ ለመልአከ ዐለም
ዘትትቤቀሎ፡ ስብሓቲከ እርአይ እግዚኦ እምቅድመ ዐለማት ዘሀሎ፡
መንጦላዕተ ዐይንየ ቅላዕ ወአብርህ ጸዳሎ፡፡ እምኵሉ ይኄይስ በል ኀበ
ልደት በላዕሌኪ ኀበ ጽጌ በል፡፡ ዘነሐሴ ኪዳነ ምሕረት፡ ለዝክረ ስምኪ
ኀበ ጽዮን፡ ለእስትንፋስኪ አመ ፳፩ ለጥር በል። ሰላም፡ ለፍልሰተ ሥጋኪ
ኀበ ሕንጻ ሕይወት ተሐደሰ፡ እምቅድመ ዝኒ ኀቤሁ ሥጋ ወልድኪ
ፈለሰ፡ ቤዛዊተ ዐለም ማርያም አስተበቍዐኪ አንሰ፡ ትቤዝዊ በኪዳንኪ
ዘዚአየ ነፍሰ፡ እስመ በሥራያ ይእቲ ቀባዕክኒ ፈውሰ፡፡ ሰላም፡ ለፍልሰተ
ሥጋኪ ዘኢይቀብል ሞገሱ፡ ወዘኢይነጽፍ ባህርየ ተውዳሱ፡ ማርያም
ታዕካ ለእግዚአብሔር ጽርሐ መቅደሱ፡ ተበሀሉ በሰማያት እለ ኪያኪ
አፍለሱ፡ ማርያምሰ እንተ በምድር ታንሶሱ፡፡ ሰላም፡ ለፍልሰተ ሥጋኪ
ደባትረ ብርሃን ኀበ ተተክሉ፡ ለገነተ ጽባሕ በማዕከሉ፡ ውድስት አንቲ
ወስብሕት በአፈ ኵሉ፡ እምነ ጻድቃን ዘታሕቱ ወእምትጉሃን ዘላዕሉ፡
ማርያም ለኪ ስብሓተ አደሉ፡፡ ዘነሐሴ ተክለ ሃይማኖት፡ ለንዋየ
ውስጥክሙ ኀበ ዘጥር ጊዮርጊስ፡ መልክዐ ሚካኤል ለሕጽንከ ኀበ
ዘመጋቢት ገብረ መንፈስ ቅዱስ በል፡፡ ሰላም፡ ለዝክረ ስምከ ዘጥንተ
ፊደሉ መስቀል፡ ስም ክቡር ወስም ልዑል፡ ተክለ ሃይማኖት ማቴዎስ
በዐለ ቀዳማይ ወንጌል፡ ከመ እወድስከ መጠነ አውስኦተ እክል፡
ማዕሠረ ለሳንየ ትፍታሕ ማርያም ድንግል፡፡ ሰላም፡ ለአዕይንቲከ
ዘአርአያሆን ሐዋዝ፡ እለ ጽዱላት እማንቱ ከመ ሠርቀ ቤዝ፡ ተክለ
ሃይማኖት ሕብአኒ እሞተ ኀጢአት አዚዝ፡ ለከ ሰአልኮ ከመዝ፡
ኢይርከብከ ሞት ዳግመ እምዝ፡፡ ሰላም፡ ለኵልያቲከ ዘፈተኖን
በትዕግስት፡ ኢየሱስ ክርስቶስ አበ ብርሃናት፡ ተክለ ሃይማኖት ሰጋዲ
ከመ መላእክት፡ ጸሎትከ ዘገበርካሃ እስከነ ኍልቈ ምዕት ዐመት፡
መድኀኒተ ትኩነኒ እምግሩም ቀስት፡፡ ሰላም፡ ለፀዐተ ነፍስከ በስብሓተ
አምላክ እንግልጋ፡ ለዐለም ዛቲ እምግብርናቲሃ ወጹጋ፡ ተክለ ሃይማኖት
ቶማስ ለመርዐት ዐቃቤ ሕጋ፡ ለእለ ገብሩ ተዝካረከ እንዘ ሀለዉ
በሥጋ፡ ሀቦሙ እግዚእየ ሞገሰ ወጸጋ። ሰላም፡ ለበድነ ሥጋከ ኤልሳዕ
መምህር ዘገነዛ፡ በሠናይ ጼና መዓዛ፡ ተክለ ሃይማኖት ሰባኪ ፊልጶስ
ዘብሔረ ጋዛ፡ ለሥጋየ መሬታዊት አመ የኀልቅ አዘዛ፡ ስብረተ ዐጽምከ
ይኩነነ ቤዛ፡፡ ሰላም፡ ለግንዘተ ሥጋከ በዘቦቱ ይትመሐፀኑ፡ ነገሥተ
እስራኤል ኄራን ዘአስተሣነይዎ በበዘመኑ፡ ተክለ ሃይማኖት ሰዋዒ
ለእግዚአብሔር ካህኑ፡ አድኅነኒ እምፀብዐ ከይሢ ዘዐሥር ቀርኑ፡
ወእምብእሲ ዘክልኤ ልሳኑ፡፡ ሰላም፡ ለመቃብሪከ እምቅድመ ትኑም
ውስቴታ፡ ታቦተ ማርያም ድንግል ዘአንበርከ በውስጢታ፡ ተክለ
ሃይማኖት አቡየ ለወልድከ ዕጓለ ማውታ፡ ለበረከትከ ይከልለኒ
ረድኤታ፡ ወይዑደኒ ዘጽድቅከ ወልታ፡፡ ሶበ አዕረፈ ተክለ ሃይማኖት
ከዊኖ ህልወ በጾማዕቱ፡ እንዘ ርኁብ ወእንዘ ጽሙዕ ውእቱ፡ ላዕካነ
ማርያም አሜሃ እለ መጽኡ ለአፍልሶቱ፡ ተበሀሉ በአርጋኖን ወዘመሩ
ሎቱ፡ አማን ለጻድቅ ክቡር ሞቱ፡፡ ዘሩፋኤል፡ ሰላም ለዝክረ ስምከ
ተጸውዖ ዘቀደመ፡ በአፈ አምላክ አዳም እንበለ ይሰመይ ስመ፡ ሩፋኤል
ምልዐኒ ወወስከኒ ዳግመ፡ መንፈስ ቅዱሳዌ አእምሮ እንተ ይፈሪ
ሰላመ፡ ወአምላካዌ ጥበበ ዘየዐዱ አቅመ፡፡ ሰላም፡ ለቃልከ ዘይደምፅ
እመብረቅ፡ ለእስትንፋስከኒ እስትንፋሰ መንፈስ ረቂቅ፡ ሩፋኤል
ሐዋርያ ወመልአከ ጽድቅ፡ ይጸንሑከ እግዚኦ ዕሡራነ በዐል በጻህቅ፡
ነዐ ነዐ እምህላዌከ ምጡቅ፡ ውስተ ቤትከ ዛቲ ክርስቶሳዊት ምርፋቅ፡፡
ሰላም፡ ለመዛርዒከ ለአኅጕሎ አርዌ ዘጸንዓ፡ ለኵርናዕከኒ እንበለ
ተፈልጦ ዘጸምዐ፡ ሩፋኤል መዋዒ እንተ ትትዐጸፍ መዊዐ፡ እምደዌ
ኀጢአት ትትፈወስ አባልየ እምርጢንከ ቅብዓ፡ ለዐይነ ጦቢት ከመ
ፈወስኮ ከዊነከ ሰብአ፡፡ ሰላም፡ ለገበዋቲከ ስርግዋነ ምንትው አክናፍ፡
ለከርሥከኒ ኅሩመ ሲሲት ዘዘልፍ፡ ሩፋኤል አሐዱ ሊቀ አእላፍ፡
አብሥረኒ ነገረ ሣህል ለወልደ ላሜህ ፍልሱፍ፡ ከመ ሕፀተ ማይ
አብሠረቶ የዋሂት ዖፍ። ተወኪፈከ እግዚኦ፡ ዘንተ አምኃየ፡ ዘአቅረብኩ
ለከ መጠነ ክሂል ዘብየ፡ ሩፋኤል ባዕል እንተ ታብዕል ነዳየ፡ ዕስየኒ
ለፍቁርከ ዕሴተ ሠናየ፡ ዘዕዝነ መዋቲ ኢሰምዐ ወዘዐይን ኢርእየ፡፡
 ወርኀ በዓል
በስመ አብ ወወልድ ወመንፈስ ቅዱስ አሐዱ አምላክ ብየ መልክዕ
ዘወርኀ በዓል እጀምራለሁ። ዘመስከረም ቅዱስ ሚካኤል ለዝክረ ስምከ
፲፪ ለኅዳር። ሰላም ለዘባንከ ዘይትሞጣሕ ቃሰ፡ ሞጣሕተ ሱራሄ ለንጳሰ፡
ሚካኤል ኢታስትት እኤምኀከ ፅኑሰ፡ አኮ አኮ ሥርናየ ማእረር ሐዲሰ፡
ፍሬ ክናፍርየ አላ እሁበከ ሐፍሰ። ሰላም አአእጋሪከ በክነፈ ነፋስ እለ
ይረውፃ፡ አብያተ ግፉዓን ከመ የሐውፃ፡ ሚካኤል የዋህ ወኅሩም እምነ
ዐመፃ፡ ተኖለው አእጋርየ ለፍኖተ ስሕተት እምዳኅፃ፡ መንገለ ፍና
ጽድቅ ምርሐኒ ከመ ዕብላ ሠርፃ። ዘመስከረም ሰላም ለአፉከ ለዮሐንስ
ዘሰዐሞ ንጽሐ ኅሊናሁ ወልቡ ለዐይነ ፍትወትከ ሶበ አደሞ ኢየሱስ
ክርስቶስ መፍቀሬ የውሀት እምተቀይሞ ጸግወኒ ማዕጾ አፍ እንተ
ይእቲ አርምሞ ለትዕግስትከ ከመ አእምር አቅሞ፡፡ ሰላም ለሕጽንከ
ምርፋቀ በረከት ወሣህል ዘአስመ'ከ ቦቱ ወልደ ዘብዴዎስ ድንግል
ኢየሱስ ክርስቶስ ሀይማኖትየ ወንጌል ከመ ዕፀ ሐምል ስፍሕተ
አዕጹቅ ወቈጽል ብዙኃተ አዕዋፈ አጽልሎተ ትክል፡፡ ለጥቅምት
ሚካኤል ሰላም ለርእስከ ዘይትገለበብ መብረቀ፡ ሚካኤል ዘኮንከ ዲበ
ሐራ ሰማይ ሊቀ፡ ኪያከ ረሰይኩ እምነ ትንታኔ ሠዋቀ፡ ከመ ታርኢ
በላዕሌየ አድኅኖተከ ጥዩቀ፡ ቅሩበ የማንየ ሀሉ ኢትቁም ርኁቀ። ሰላም
ለሕፅንከ እምነፈስ ወነድ ዘተሥዕለ፡ ምስለ ማይ ወመሬት
ዘኢተሐወለ፡ ሚካኤል ኀቤከ ሶበ አወትር ስኢለ፡ ከመ ይትከደኑ
አዕዋመ ሊባኖስ ቈጽለ፡ ተረፈ ሕይወትየ ክድን ወአሠርጉ ሣህለ።
ሰላም ለእራኅከ ስመ መሐላ ዘፀበጠ፡ ዖፈ ነበልባል ፅዕድው እሰምየከ
መንጢጠ፡ ሚካኤል ቅብአኒ ዕፍረተ መዓዛ ዕቡጠ፡ ብዙኃን እለ
የኀሥሡ ለአስተጋብእ ሥሉጠ፡ አንሰ አኀሥሥ ፍተከ ኅዳጠ።
ዘጥቅምት ማርያም ለገጽኪ ፳፩ ለግ። ሰላም ለአዕናፍኪ መሳክወ
ሠናይ መዓዛ ይኄይስ ፈድፋደ እምፄና ስኂን ዘጠረጴዛ ማርያም
ድንግል ለሕይወትየ ምርጒዛ፡ ሰዋስው ዘምድረ ሎዛ እንተ ርእየኪ
ወሬዛ፡ አመ ዕለተ ፍዳ ኩንኒ ቃውመ ወቤዛ። ሰላም ለአእጋርኪ እለ
ጻመዋ በረዊጽ እምቤተ ልሔም ዘይሁዳ እስከ ምድረ ግብጽ ማርያም
ድንግል ሥርጉተ ነበልባል ዕፅ ለኀዲር በቤተ ናሕስ እንተ መልዕልተ
ኰክሕ ሕኑጽ አጥብብኒ በተግሣጽ ወሡቅኒ እምዳኅፅ፡፡ በዝንቱ ቃለ
ማኅሌት ከጽዮን በል። ዘጥቅምት በዓለ እግዚአብሔር ሰቆቃወ
ድንግል እና ማኅሌተ ጽጌ ኦ ዝ መንክር ኀበ ማኅሌተ ጽጌ በል።
የማናቸውም ከማሁ። ሰላም ለከናፍሪከ ሙኃዛተ ከርቤ ሐዋዝ እምጽጌ
ገዳማት ኵሎን ዘፄናሆን ምዑዝ ኢየሱስ ክርስቶስ በግዐ ይስሐቅ
እኁዝ ይትከዐው ውስተ አፉየ ከመ አዜባዊ ውኂዝ ነቅዐ ገቦከ
በኲናት ርጉዝ፡፡ ለመከየድከ ከቃና በል። ዘኅዳር በዓለ እግዚእ ሰላም
ለመልክዕክሙ ዘኢኀደገ አምሳለ፡ እምፆታ ኵሉ መልክዕ አመ ውስተ
መጽሐፍ ተብህለ፡ ዋሕድናክሙ ሥላሴ ሶበ አርዮስ ከፈለ፡ ሰይፍክሙ
ንዋየ ውስጡ ከመ ይፍድዮ በቀለ፡ ዘእንበለ ሰይፍ ኪያሁ ቀተለ።
ለዝክ ከልደት። ሰላም ለኅንብርትከ ማእከለ ጠባይዕ ዘተመልአከ
በኵሉ ቱስሕቱ እንዘ ይትመሰል ማዕከከ መንግስተ ሰማያት ክርስቶስ
ከመ ዮሐንስ ሰበከ በሐፍ ወበዲናር እለ አሥመሩ ኪያከ ዲናረ
ሃይማኖት ነሢኦሙ የአትዉ ሠርከ፡፡ ለመከየድከ በቃና። ዘታኅሣሥ
ሚካኤል። ለዝክረ ስምከ ፲፪ ለሚካኤል። ለጕርዔክሙ ከማ። ሰላም
ለመከየድከ ዘረሰየ አሣእኖ፡ ለእሳተ ሕይወት ርስኖ፡ ሐዳፌ ነፍሳት
ሚካኤል ለሞገደ አዝማን ዘተኀዝኖ፡ ለዘሰአለከ በተአምኖ ተአንገድ
መካኖ፡ ለሰሚዐ አዳም ቃልከ ከመ ትክሥት ዕዝኖ። ሰላም
ለእንግድዓከ አባግዐ ልዑል ዘፆረ፡ ኀበ አልቦ ዖመ ወሣዕረ፡ ሚካኤል
ዘትቀውም ቅድመ ገጸ አምላክ ወትረ፡ ኪያየ በትንባሌከ ኢትርሳዕ
ዘኪረ፡ እስመ ኢ መፍትው ፍቁር ይርሳዕ ፍቁረ። ዘታኅሣሥ ማርያም
ለዝ ስም ከጽዮን። ሰላም ለአዕዛንኪ እለ ሰምዓ ቃሎ እግዚአብሔር
እግዚእ ሶበ ለገብርኤል ተመሰሎ ማርያም ድንግል ጽሕቅት ለተሣህሎ
ሶበ ለልብየ እሳተ ሐዘን አሕለሎ ያጽምዓኒ እላ ነገርየ ኵሎ፡፡
ለእመታትኪ ፫ ለታ። ሰላም ለንዋየ ውስጥኪ አምሳለ ንዋያ ለደብተራ
ስብሓተ ልዑል ዘይሴውራ ማርያም ድንግል ትምክሕተ ደቂቃ ለሳራ
ባልሕኒ ወለተ ቅስራ ለዓለመ ጽልመት እምፃዕራ እስመ መቅዓን
ወጠዋይ ምሕዋራ። በዝንቱ ቃለ ፳፩ ለኅዳር። ፳፱ ለታ ሰላም
ለአእዳዊከ ጽቡረ እለ ገብራ በምራቀ አፉከ ቅዱስ አዕይንተ ዕውር
ይፍጥራ ትምህርተ ኅቡአት ክርስቶስ ዘትትነገር እምጵርስፎራ
ነገሥታት በእንቲአከ ይገድፉ ጌራ ወዕጠቆሙ ይፈትሑ ሐራ፡፡ ዘጥር
በዓለ እግዚእ ለዝክ ስም ከልደት በል። ሰላም ለገቦከ ዐዘቅተ ሥጋዌ
ፍሉሕ እንተ እምኔሁ ተውህበ ፈልፈለ ቅድሳት ወንጽሕ ኢየሱስ
ክርስቶስ ዘኢሳይያስ መካሕ አመ አስተርአይከ በልብሰ ባሦር ቀይሕ
መልአከ ሞት ተሰጥመ በላህ፡፡ እምኵሉ ይኄይስ ፳፱ ለታ ዓዲ ለልብከ
በል። ዘየካቲት ሚካኤል ለአፃብዒክሙ ከልደት በል። ለዝክረ ስምከ
፲፪ ለኅ። ሰላም ለአእናፊከ መዓዛ አርያም እለ ተመልኡ፡ ሱራፌል
ምስሌከ አመ ይሠውዑ፡ ሚካኤል አንተ ለያዕቆብ ኖላዌ ዘርኡ፡
በሎሙ ለአብያፂከ ለሐውፆ ዐርክየ ንዑ፡ እስመ በአሐዱ ፍቁር
ይሰሐብ ካልኡ። ሰላም ለኵልያቲከ እግዚአብሔር ዘተከሎ፡ ውሣጤ
ገበዋት አማእኪሎ፡ ሚካኤል ኀይለከ ኀይለ ሰብእ ኢይትማሰሎ፡
ዝርዎሙ ለአጽራርየ እለ ይብሉኒ ንቅትሎ፡ ፈኒወከ ላዕሌሆሙ ቆባረ
ወዐውሎ። ዘየካቲት ማርያም። ለዝክ ስም ፳፩ ለኅዳር። ሰላም
ለእንግድዓኪ ለእሳተ መለኮት ምርፋቁ ዘይቄድስ ነፍሰ ወያጥዒ ሞቁ
ማርያም ድንግል ለነዳይ ንዋየ ወርቁ እመ ነገደ ርኁቀ ወሖረ ዕራቁ
ኢያኃዝኖ ሲሳይ እስመ አንቲ ስንቁ፡፡ ዘየካቲት በዓለ እግዚእ ለዝ ስም
፳፱ ለታ። ሰላም ለግንዘተ ሥጋከ በአፈው ወከርቤ ሕውስ ወበልብሰ
ገርዜን ንጹሕ ዘኅበሪሆን ፒሶስ መርዓዌ ሥርግወ አመ ትመጽእ
ክርስቶስ ዐሥረኒ ለቀበላከ በማኅቶተ ምግባር ውዱስ ከመ ደናግል
ጠባባት ዘኅልቆን ሐምስ፡፡ ዘሚያዝየ ሚካኤል ሰላም ለእንግድዓክሙ
ትዕይንተ ንጉሥ ምክር፡ ሥሉስ ቅዱስ መልኅቃተ ሰማይ ሐመር፡ ሶበ
ዴገነኒ ባዕስ መልአከ ቅንአቱ ለፀር፡ ምስለ ኀይል ይባልሐኒ ባሕረ
ምሕረትክሙ ፍቁር፡ ከመ ለእስራኤል ቅድመ ባልሖሙ ባሕር። ለዝረ
በል ለኅዳር። ለአእናፊከ ፲፪ ለታኅ። ለልብከ ፲፪ ለኅዳር። ለመከየድከ
፲፪ ለታ። ዘሚያዝያ ማርያም ለዝ ሐዋ ከጽዮን። ለመላትህኪ
ከታኅሣሥ ደቅስዮስ በል። ሰላም ለአማዑትኪ ነበልባለ ኀዘን ዘአውዐዮ
አመ ወዐለ ወልድኪ ስቁለ በቀራንዮ ማርያም ድንግል ጸምረ ጠል
ዘተነብዮ ጌጋይየ ለአስተሥርዮ እንተ አልብኪ ተፈልዮ በሥርዐተ
ካህን ላዕሌየ አንኂ ጸልዮ፡፡ ዘሚያዝያ በዓለ እግዚእ ለዝክረ ስምከ
ከልደት። ሰላም ለአዕናፊከ መሳክወ ጼና ወአናቅጽ እለ ውዱዳት
አማንቱ ማእከለ ክልኤ አብያጽ መልአከ ሕይወትየ ክርስቶስ
አስትርእየኒ በገጽ ናሁ ተመሰጥኩ በጣዕመ መስቀልከ ዕፅ ወተነደፍኩ
በፍቅርከ ሐፅ፡፡ ሰላም ለፀዐተ ነፍስከ ኀይለ ሥልጣነ ሞት ዘቀነየ ጽዋዐ
ፓሲካ ምሉዐ ድኅረ ሰለጥከ ሰትየ ኢየሱስ ክርስቶስ እንተ ትነብር
ሰደየ በሞት ወበሕይወት አማሕጸንኩ ነፍስየ ውስተ እዴከ ዘገብረ
ሰማየ፡፡ ሰላም ለበድነ ሥጋከ እ'መለኮቱ ዘኢተፈልጠ ለሰዓት አሐቲ
ከመ ቅጽበተ ዐይን ኅዳጠ ኢየሱስ ክርስቶስ ዘኢተአምር ተውላጠ
አኮ ዘሐይቅ ጽጌ ረዳ ወዘባሕር ሰግላጠ ባሕቱ ሀይማኖትየ እሁበከ
ሤጠ፡፡ ሰላም ለመቃብሪከ መካነ ምሥጢር ጎልጎታ ቀዳሚ አዳም
ዘኢተቀብረ በውስቴታ ኢየሱስ ክርስቶስ በረከተ ኤልያስ ዘሰራጵታ
ሣህልከ ወምሕርትከ ይመግቡኒ በጾታ ከመ ሀገፋ ወሥሙር ወልታ፡፡
ሰላም ትንሣኤከ እምድኅረ ዕለታት ክልኤ ዐቀብተ መቃብር አእላፍ
እንበለ ይስምዑ ቀርነ ጽዋዔ ወበእንተዝ ይብሉከ ክርስቶስ በኵረ
ትንሣኤ ተአመንኩ ወተወከልኩ ቅድመ ገጸ ኵሉ ጉባኤ ኪያከ አበ
ወኪያከ ረዳኤ፡፡ ሰላም ለትንሣኤከ እንተ ተጠየቀ' ቦቱ ዜና
ትንሣኤሆሙ ለቅዱሳን በክብር ዘሞቱ ኢየሱስ ክርስቶስ ለዳዊት ቀርነ
መንግሥቱ በዓለ ትንሣኤ ፋሲካነ ዝንቱ እስመ ሥርዐቱ ለእስራኤል
ውእቱ፡፡ ዘግንቦት ሚካኤል መልክዐ ተክለ ሃይማኖት ለዝክረ ለነሐሴ
፳፬ በል። ሰላም ለልብከ ቅዱስ ወቡሩክ፡ ዘዐቀበ ሕጎ ለወልደ ማርያም
አምላክ፡ ተክለ ሃይማኖት አሐዱ እምዐላውያን ዘሠርክ፡ እምይእቲ
ዐስበ ፃማከ ዘኢትትኀደግ በበክ፡ ያስተሳትፈኒ ለጽሩእ ሚካኤል
መልአክ። ሰላም ለፍልሰተ ሥጋከ እምውሣጤ ገዳም ኤላመ፡ ወእምነ
ኤላምኒ ደብረ ሊባኖስ ገዳመ፡ ተክለ ሃይማኖት ባህለ ከመ ወንጌላዊ
ቀደመ፡ አመ ረከቡ ደቂቅከ በዓለም ሕማመ፡ በኀቤከ አባ ይርከቡ
ሰላመ። ለሕፅንከ ፭ ለመጋ በል። ዘግንቦት በዓለ እግዚእ
ለመታክፍቲከ ኀበ ዕርገት በል። ለአፃብዒከ ለዕርገትከ ዝ ኵሉ ኀበ
ዕርገት። እምኵሉ ይኄይስ ከልደት። ዘሰኔ ማርያም ለዝክረ ሐዋ
ከጽዮን። ሰላም ለእስትንፋስከ እስትንፋሰ ላህብ ምውቅ ጊዜ ፍና
ሠርክ ዘነፍሐ ገነተ ኅሩያን ደቂቅ ኢየሱስ ክርስቶስ ጠፈረ ሃይማኖት
ወጽድቅ ይትወሀውሁ ከዋክብት በአየርከ ምጡቅ ወያንበሰብሱ
ደመናት በዐረብ ወሠርቅ፡፡ ሰላም ለሕጽንከ ምርፋቀ በረከት ወሣህል
ዘአስመ'ከ ቦቱ ወልደ ዘብዴዎስ ድንግል ኢየሱስ ክርስቶስ ሀይማኖትየ
ወንጌል ከመ ዕፀ ሐምል ስፍሕተ አዕጹቅ ወቈጽል ብዙኃተ አዕዋፈ
አጽልሎተ ትክል፡፡ እምኵሉ ይኄይስ ከልደት። ዘሐምሌ ሚካኤል
ለጕርዔከ ለ፲፪ ለኅዳር። ለገጽከ ፲፪ ለመስ። ሰላም ለመትከፍትከ
ዘረሰየ ክዳኖ፡ ኤጲሞሰ ዋካ ዐራዘ ተክህኖ፡ ሚካኤል ፍንው ለረድኤት
ወለአድኅኖ፡ ከመ ሐረሳዊ ዘይቀኒ ተያፊኖ፡ መታክፈ ፀርየ ቅኒ ወቅጻዕ
ዘባኖ። ሰላም ለቆምከ ዘአሕመልመለ ከመ ዘግባ፡ ለጽርሐ አርያም
በዐውደ መርኅባ፡ ሚካኤል የዋህ ለገነተ ሰማይ ርግባ፡ ከመ ይሠውራኒ
ለመርቄ ኀጢአት እምላህባ፡ አክናፊከ ክልኤ ዲቤየ ይርብባ። ዘሐምሌ
ማርያም ለዝ ሐዋ ከጽዮን ለቃልኪ ከደቅስዮስ። ለሐቌኪ ከመስከረም
ማርያም በል። ሰላም እብል ለዘዚአኪ ሰኰና ዘኢድኅፀ በውስተ ፍና
ማርያም ድንግል ትእምርተ ኪዳን ቀስተ ደመና አምዕዝኒ በዕፍረትኪ
ወጸግውኒ ጥዒና በከመ ትገብር እም ለንኡስ ሕፃና። በዝንቱ ቃለ ፳፩
ለኅ። ዘሐምሊ በዓለ እግዚእ ለዝክረ ስምከ ከልደት። ሰላም ለከርሥከ
ዘኢይትፈተን መዝገቡ ሚ ዕመቁ ወሚ ራኅቡ ኢየሱስ ክርስቶስ
ለወንጌለ ንግሥከ በወርኀ መግቡ እለ ይነግዱ ዲበ ባሕር አስትአ
በረከት ወሀቡ ወእለ የኀድሩ ዲበ የብስ አምኃ አቅረቡ፡፡ ሰላም
ለአፃብዒከ እምጕንደ ክልኤቱ አእጋር እለ አሕመልመላ ደርገ አርአያ
አዕፁቅ ዐሥር ኢየሱስ ክርስቶስ ወልደ እግዚአብሔር በዘባነ ባሕር
ከመ ትትለሀይ ሐመር መንክር ተላህያ በዘለከ ፍቅር፡፡ ዘነሐሴ
ሚካኤል ለዝ ስም ፲፪ ለኅ። ለርእስከ ፲፪ ለጥቅምት። ሰላም ለአእዳዊከ
እለ ይትመረጐዛ በትረ ወርቅ፡ ዘቦ ላዕሌሁ ማዕተበ መስቀል
ዘመብረቅ፡ ሚካኤል የዋህ ዘገዳመ ራማ ማዕነቅ፡ ነግሀ ነግህ ዘበበሕቅ
ከመ ልኅቁ ደቂቅ፡ ትልኀቅ በላዕሌየ ዘዚኣከ ጽድቅ። ሰላም ለሐቌከ
ኤፉደ ሱራሔ ዘአጠቀ፡ እንተ ይመልእ መብረቀ፡ ሚካኤል ዘኮንከ
እምነ መዓት ርኁቀ፡ ሥነ ላህይከ፡ አርእየኒ ሕቀ ለቍረተ ነፍስየ አጥዒ
እምላብህከ ሞቀ። ሰላም ለፍልሰተ ሥጋኪ ዘአፈድፈደ ስባሔ፡
እምፍልሰተ ያዕቆብ ዐርከ ኤሎሄ፡ ማርያም ቀንሞስ አፈወ ርኄ፡ እንዘ
ብርሃነ ይለብሱ ወይትዐጸፉ ሱራሔ፡ በዓለ ፍልሰትኪ መላእክት ሰበኩ
ኵለሄ። ዘነሐሴ ማርያም ሰላም ለልብኪ እምነ በቀል ርኁቅ አምጣነ
ዐረብ ወሠርቅ ማርያም ድንግል ገነተ ኅሩያን ደቂቅ ክድንኒ ልብሰ
ከብካብ ለቅኑይኪ ዕሩቅ ከመ ጶደሬ ጽጌሁ ዘወርቅ፡፡ ሰላም ለቆምኪ
በቀልተ ዘተመሰለ ኀበሙኀዘ ማይ ዘበቈለ ማርያም ድንግል እስእለኪ
ስኢለ ኢይረድ ታሕቲተ ምጥቅኒ ላዕለ ኢረከብኩ በርኅራኄ ከማኪ
ዘብዕለ። ሰላም ለፍልሰተ ሥጋኪ መካነ ፍሥሓ ምጡቀ በአእባነ
ባሕርይ ዘተነድቀ ማርያም ደብተራ እንተ ኢትትከደኒ ሠቀ ጽሒፈ
ውዳሴኪ እምኢኀልቀ ሶበ ኮነ ጥቀ ዝናመ ክረምት ቀለመ ወሰማየ
ረቀ። ሰላም ለፍልሰተ ሥጋኪ ዘተወጥነ ቦቱ፡ ዕርገተ ቅዱሳን ሰብእ
እለ ኪያኪ የአኵቱ፡ ለሊቀ ካህናት አሮን ማርያም ሠርጐ ትርሲቱ፡
ሥዑለ ይኩን በልብስኪ እንተ ላዕሉ ወታሕቱ፡ ፍሬ ከናፍር ወአፍ
ውዳሴኪ ዝንቱ። ዘነሐሴ በዓለ እግዚአብሔር ለዝ ስም ከልደት።
ለሐቌክሙ ፯ ለሐምሌ። ለአዕዛኒክሙ ከልደተ ስምዖን። ለከናፍሪከ
፳፩ ለጥቅምት። አምላከ ምድር ኀበ ነግሥ በል። ብኪ ይትባረኩ ኀበ
ጽጌ በል።
 ነግሥ
ምስለ ራጉኤል ስኡል በነበልባል ወዮሐንስ ድንግል ወበርተሎሜዎስ
ሐዋርያ ሰባኬ ወንጌል ወኢዮብ ዓዲ ተወካፌ ቍስል ዓውደ ዓመት
ለባርኮ እምጽርሐ ኣርያም ጌልጌል ማርያም ንዒ ለምሕረት ወሳህል።
ዘምትረተ ርእሱ ፥ ሰላም ለአብራኪከ ዘኢሰገዳ ለደማሊ፡ወለብሩር
ኣቦሊ፡ ኤዎስጣቴዎስ ኣቡየ ዘተንሣእከ እምድኅረ ኤሊ፡ አባ አባ
በእንተ ውሉድከ ጸሊ፡ እስመ ኵሉ ለቤቱ ይሔሊ። ዘሚ አርዘ ሊባኖስ
ምዑዝ ዘተከለት የማንከ፡ ወዘዘግባሁ ዘአስተባዛህከ፡ ወዲበ ሰብል ፍሬ
አርአይከ በእደ ሚካኤል ዕቀቦ በኂሩትከ ትትመየጠነ እንከ መሓሪት
ዓይንከ፡፡ ዘመ ሰላም ለሚካኤል ቀዳሴ ሕያው በጽርሑ፡ ወመሓሪ
በርኅራኄሁ ሐዋርያት ዜነዉ ዕበየ ዚአሁ፡ ለሄኖክ ዘአለበወ ለዕጸ መዓዛ
ፍሬሁ፡ ኢይጸመሂ በዓለም ዘይቤ ጽጌሁ። ዘጊዮርጊስ ሰላም እብል
ለጊዮርጊስ ቅዱሱ፡ ወኅሩይ እንተ እምንእሱ፡ አስማተ ሥላሴ ጽሑፍ
በከተማ ርእሱ፡ ሰማዕት ኀየለ በመንፈሱ፡ ሰርጉ ሜላተ ወርቅ ልብሱ
አየራተ አየራተ ሠረረ ፈረሱ፡፡ ዘ፬ቱ እንስሳ ሰላም ለክሙ ሚካኤል
ወገብርኤል ሱራፌል ወኪሩቤል ኡራኤል ሩፋኤል ሱርያል ወፋኑኤል
አፍኒን ወራጉኤል ወሳቁኤል ሊቃናተ ነድ ዘሰማያዊት ማሕፈድ
በእንተ በግዑ ዕቀብዋ ለዛቲ ዓጸድ። ዓዲ ሰላም ለእመታቲክሙ
መሰረተ ዓለም እለ ፆሩ፡ ኖትያተ ኖኅ ሥላሴ ወዕፀወ ዓባይ ሐመሩ፡
ዲበ መንበርክሙ ሰብአ ሶበ ኣምላከ ነጸሩ፡ ኪሩቤል ወሱራፌል ታሕተ
እገሪሁ ገረሩ፡ እስመ ለሊሁ አዘዘ ወእሉ ተፈጥሩ፡፡ ዘኅዳር ሚካኤል
ጐስዐ ልብየ ጥበበ ወልቡና፡ ለውዳሴከ ጥዑመ ዜና፡ ቅዱስ ሚካኤል
ዘልማድከ ግብረ ትሕትና፡ አንተኑ ዘመራሕኮሙ ፍና፡ ወአንተኑ
ለእስራኤል ዘአውረድከ መና። ዘጽዮን ነቢያተ እስራኤል ጸሐፉ
በመጽሐፎሙ እሙነ ነገረ ሶቆቃው ወላህ በዘመኖሙ ዘኮነ፡ ለባቢሎን
ውስተ አፍላጋ አመ በጼዋዌ ነበርነ፡ ውስተ ኲሓቲሃ እንዚራቲነ ሰቀልነ
ሶበ ተዘከርናሃ ለጽዮን እምነ፡፡ ዘበአታ መቅደሰ ኦሪት ዘቦእኪ ማርያም
እምነ፣ ወእሙ ለእግዚእነ፣ በሕፅነ ሐና ተማሕፀነ፣ ፈንዊዮ ለፋኑኤል
ይዕቀብ ኪያነ፣ በረምሐ መስቀል ረጊዞ ሰይጣነ። ዘሚካኤል እንዘ
ይተግህ ለጸልዮ ወያስተበርክ ለስኢል፣ መንኮብያቲሁ አጥበቦ ወልደ
ማርያም ድንግል፣ አመኒ ወረዱ በሞቱ ተድባባተ ብርሃን ጽዱል፣ ቃል
ለተድባቡ ዘይብል፡ ሳሙኤል ሳሙኤል ሳሙኤል ዘዋልድባ መነኮስ
ኀያል። ዘስብከት ዘውእቱ አምላክ ዘበአማን ዘበነቢያት አቅደመ
ተዐውቆ ወበሐዋርያት ተሰብከ ወእመላእክት ተአኵተ ወእምኀበ ኵሉ
ተሰብሐ። ዘብርሃን ክርስቶስ ብርሃን ጥንተ ቀዳማዊ ልደት፣ ሀሎ
እምትካት፡ ውእቱ ኮነ ትምህርተ ኅቡኣት፡ ሰርጐ ዓለም ገባሬ
መላእክት፡ ዘበፀዳለ ብርሃኑ ሰሰለ ኀይለ ጽልመት ወሞት። ዘኖላዊ
እንዘ ነአምን በሃይማኖቱ ንገኒ ከመ ውእቱ ብርሃን ሕፅበተ መድኀኒት
ምሥዋር ረድኤት ወመምህር ዘይትቃወም ለነ ዘየዐሲ ተወካፊ
ምጽንዐተ ቅጽርነ ውእቱ ኖላዊ ኆኅት አንቀፅ ፍኖተ ሕይወት ፈውስ
ሲሳይ መስቴ መኰንን። ዘገብርኤል ሚካኤል ዘትቀውም በየማና
ለማርያም ድንግል፡ ወበየማና ገብርኤል፡ አብሣሬ ትስብእቱ ለቃል፡
እንዘ ትሰፍሑ ክንፈክሙ ዘነበልባል፡ ወረድኤትክሙ አድኅኖ ዘይክል።
ዓዲ ሰላም ለከ ገብርኤል ላእክ ትስብእተ ፈጣሪ ዘትሰብክ፡ ኀበ
ማርያም ድንግል ልደተ አምላክ፡ ለዳንኤል ዘገሠሥኮ ጊዜ መሥዋዕተ
ነግህ ወሠርክ ላዕለ ሣውዕ ባርክ ባርክ። _______ ማኅፀንኪ
እግዝእትየ ማርያም ከብረ ምስብዒተ፡ እምጽርሐ አርያም ዘላዕሉ
ወእምኪሩቤል ትርብዕተ፡ ተስዐተ አውራኀ ወኀመስተ ዕለተ፡ ፆረ
ዘኢይፀወር መለኮተ፡ አግመረ ዘኢይትገመር እሳተ። ዘተክለ ሃይማኖት
ሰላም ለልደትከ ተክለ ሃይማኖት ሐዋርያ፡ ለሰብአ ግብፅ ወኢትዮጵያ፡
ሞገሰ ልደትከ አባ በአዕይንቲሃ ርእያ፡ ነፍስየ ትባርኮሙ ወታበፅዖሙ
ነያ፡ ለጸጋ ዘአብ ወእግዚእ ኀረያ። ዘልደት ሰላም ለልደትከ ኦ
አማኑኤል፡ ዘቀዳሚ ወዘደኃሪ ብሉየ መዋዕል፡ ኢየሱስ ክርስቶስ ዘአብ
ቃል፡ እፎ እፎ አግመረተከ ድንግል፡ ወእፎ እንዘ አምላክ ሰከብከ
በጎል። ዘወልደ ነጐድጓል ወልደ ነጐድጓድ ዮሐንስ በራእዩ ዜነወነ፡
ዘከመ ሞዐ ሰይጣነ፡ ሚካኤልሃ ዘይትዐፀፍ ርስነ፡ ይቤ ወንጌላዊ ርኢኩ
አነ፡ ታዎጎሎስ ዘረፈቀ እንተ ነድ ሕፅነ። ዘጥምቀት ሰላም ለማየ
ዮርዳኖስ ለእደ ዮሐንስ ዐተቦ፡ መንፈስ ቅዱስ ከመ አጥበቦ፡ ሶበ መጽአ
ቃል እምሰማይ ለተናብቦ፡ ነድ ለማየ ባሕር ከበቦ፡ ማይ ኀበ የሐውር
ጸበቦ። ዘጊዮርጊስ ይትባረክ እግዚአብሔር ዘከለለከ በስልጣን፡ ከመ
ትማዖ ለሰይጣን፡ ቅዱስ ጊዮርጊስ በዐውደ ዱድያኖስ ኵኑን፡ እክልኑ
አባልከ ዘኀረድዎ በእብን፡ ወርቅኑ ዘፈተንዎ በእሳት ርሱን።
ዘአስተርእዮ ለምንት ይዜሀር ኀያል በኀይሉ፡ ወባዕል በብዝኀ ብዕሉ፡
ኢያድለወ ሞተ ክርስቶስ ለሥጋ አባሉ፡ ሞትሰ ለመዋቲ ይደሉ፡ ሞታ
ለማርያም የዐፅብ ለኵሉ። ዘሆሳዕና ሰላም እብል ለዘዚአክሙ ቆም፡
ዓለማተ ዓለም ሥላሴ ዘአልብክሙ ዓለም፡ እምኔክሙ አሐዱ በእንተ
አሐዱ አዳም፡ እመኒ በምድር ተወክፎ ለነግደ ጲላጦስ ሕማም፡ ሆሳዕና
በአርያም ሆሳዕና በአርያም ሆሳዕና በአርያም። ዘጊዮርጊስ ሰላም
ለቆምከ ዘአዳም ቆሙ፡ ወለመልክዕከ በይነ ሰላሙ፡ ቅዱስ ጊዮርጊስ
መክብበ ሰማዕት ኵሎሙ፡ ሶበ መተሩ ክሳደከ ምድር አጥለለት ደሙ፡
በጊዜ ሞትከ ብርሃናት ጸልሙ። ዘግንቦት ልደታ ክልኤቱ አዕሩግ አመ
በከዩ ብካየ፡ ረከቡ ወለተ ዘታስተሰሪ ጌጋየ፡ ለወንጌላውያን ኵልነ
ዘኮነተነ ምጕያየ፡ ኢያቄም ወሐና ወለዱ ሰማየ ሰማዮሙኒ አሥረቀት
ፀሐየ። ዘግንቦት ሚካኤል ሰላም ለገቦከ አክናፈ ብርሃን ግልቡብ፡ እንተ
በዲቤሁ ይጼልል መንፈሰ ኪሩብ፡ ሚካኤል መልአኩ ለእግዚአብሔር
አብ፡ አጥረየ በረድኤትከ መዓርገ ስብሐት ዕፁብ፡ ተክለ ሃይማኖት
ጠቢብ ወየዋህ ርግብ። ዘጴጥሮስ ወጳውሎስ ሰላም ለመልክዕክሙ
እመልክዐ አዳም ዘተቶስሐ፡ እግዚአብሔር ፈጣሪ ዘኮነክሙ መርሐ፡
ዐሠርቱ ወክልኤቱ እለ ሰበክሙ ቃለ ንሥሓ፡ ስረዩ ኀጢአትየ ወጌጋይየ
ብዙኀ፡ በእንተ ማርያም ድንግል በሕሊናሃ ወድንግል በሥጋሃ።
ዘፍልሰታ እምጌቴሴማኒ ፈለሰት ኀበ ዘሉዓሌ መካን ምውቅ፡ በነፋሰ
አውሎ ወበድልቅልቅ፡ ማርያም አንቲ ሰዋስወ ጽድቅ፡ ይቤለኪ አሮን
ሌዋዊ በደብተራ ሙሴ ባላቅ፡ ታቦት ታቦት ታቦት እንተ ውስቴታ
ኦሪት ውቱረ ይከድንዋ በወርቅ። ዘደብረ ታቦር ዳዊት ነቢይ እምነ
አድባራት ዘአልዐላ አምሳለ ኪሩቤል አስተማሰላ፡ አመ ወዐለ ባቲ
ክርስቶስ ርእሰ መሐላ፡ በደብረ ታቦር ካልእተ ጸናፊ ጌልጌላ፡ ናሁ
ተመነየ በማእከላ ጴጥሮስ ከመ ይሣርር ሰቀላ። ዘኪዳነ ምሕረት
እምጌቴሴማኒ ፈለሰት ኀበ ዘሉዓሌ መካን፡ ውስተ ቤተ መቅደስ ረባቢ
ዘመሳክዊሁ ብርሃን፡ አንቀፀ አድኅኖ ማርያም ጽላተ ኪዳን፡ ኵሉ
ይብል በአኅብሮ ዘበዕብራይስጥ ልሳን፡ ዕፀ ጳጦስ ይእቲ እንተ በአማን፡
ቅድስተ ቅዱሳን እመቅድሐ ከርሣ ተቀድሐ አሥራባተ ወይን፡
ወበውስቴታ ቍርባን። ዘበዓለ እግዚአብሔር አምላከ ምድር ወሰማያት፡
አምላከ ባሕር ወቀላያት፡ አምላከ ኵሉ ፍጥረት፡ አምላኮሙ አንተ
ለአበው ቀደምት፡ አምላኮሙ ለነቢያት አምላኮሙ ለሐዋርያት፡
መሐረነ ለነ አምላክነ እስመ ግብረ እዴከ ንሕነ፡ ወኢትዝክር ኵሎ
አበሳነ።
 ዚቅ ዘጽጌ
፳፮ ለመስከረም ለሥሉስ ቅዱስ ጥዑም ቃሎሙ ናርዶስ ፈረየ ውስተ
አፉሆሙ። ሃሌ ሉያ ሃሌ ሃሌ ሉያ ናሁ አስተርአየ ጽጌ መርዓቱኒ
ትቢ ወልድ እኁየ ይምዕዝ ከርቤ፡ እንባቆም ነቢይ ግብረ ምግባሩ
ለወልድ አንከርኩ ይቤ፡ ንጉሠ ሰላም ክርስቶስ ዐቢይ ልዕልናከ
ወመንክር ስብሐቲከ ለዕረፍት ሰንበተ ሠራዕከ። ሰመዮ ብርሃነ በውስተ
ጽልመት ለዘተወልደ እምብእሲት አእሚሮ እምከርሠ እሙ ሰገደ
ወልደ መካን ለወልደ ድንግል። ንዒ ርግብየ ወንዒ ሠናይትየ እንተ
ሐዋርያት ይሴብሑኪ መላእክት ይትለአኩኪ ፃኢ እምሊባኖስ ሥነ
ሕይወት። ሃሌ ሃሌ ሉያ ሃሌ ሉያ ወልድ እኁየ ወልድ እኁየ ፈነወ
እዴሁ እንተ ስቍረት ለከፎ ሶቤሃ ርስነ መለኮት። ውድስት አንቲ
በአፈ ነቢያት ወስብሕት በሐዋርያት አክሊለ በረከቱ ለጊዮርጊስ
ወትምክሕተ ቤቱ ለእስራኤል። እወ አማን እምውሉደ ሰብእ አልቦ
ምንዳቤ ወግፍዕ ዘከማኪ በውስተ ኵሉ ዘረከቦ። ለጥቅምት ፫ በአታ
በ፱ ሃሌ ሃሌ ሃሌ ሉያ ሃሌ ሃሌ ሃሌ ሉያ ሃሌ ሃሌ ሃሌ ሉያ ሐረገ
ወይን እንተ በምድር ሥረዊሃ ወበሰማይ አዕፁቂሃ እንተ በሥሉስ
ትትገመድ ወታፈሪ ለነ አስካለ በረከት ሲሳዮሙ ለቅዱሳን ሠርዐ
ሰንበተ በቃሉ ወጸገወ ሰላመ ለኵሉ። ሰንበቶሙ ይእቲ ለጻድቃን
ትፍሥሕት ሰንበቶሙ ይእቲ ለኀጥኣን ዕረፍት ኅቡረ ንትፈሣሕ ዮም
በዛቲ ዕለት። አንቲ ውእቱ ንጽሕት እምንጹሓን ድንግል ኅሪት
ዘነበርክሙ ውስተ ቤተ መቅደስ ከመ ታቦት ዘግቡር እምዕፅ
ዘኢይነቅዝ ሥርጕ በወርቅ ንጡፍ ወልቡጥ እምዕንቈ ባሕርይ ዘየኀቱ
ዘብዙኅ ሤጡ ከመዝ ነበርኪ ውስተ ቤተ መቅደስ ወመላእክት
ያመጽኡ ወትረ ሲሳየኪ ከመዝ ነበርኪ ዐሠርተ ወክልኤተ ዓመተ እንዘ
ትትናዘዚ እምኀበ መላእክት ስቴኪኒ ስቴ ሕይወት ውእቱ
ወመብልዕኪኒ ኅብስት ሰማያዊ። እንዘ ተሐቅፊዮ ንዒ ርግብየ
አግአዚት በል። ዓዲ ንዒ ርግብየ በል ከቁ ዓዲ ይዌድስዋ ትጉሐን
ይቄድስዋ ቅዱሳን ሰሎሞን ይቤላ ርግብየ ሰናይት ጳውሎስኒ ይቤላ
ደብተራ ፍጽምት ዳዊትኒ ይቤላ ስምዒ ወለትየ ወርእዪ ወአጽምዒ
እዝነኪ። ክበብ ከርካዕ ዘተተክለት በቤተ መቅደስ መራሁት ለጴጥሮስ
አንቲ ውእቱ ደብተራ ስምዕ ዘጳውሎስ አማን አክሊሉ ቀጸላ
መንግሥቱ ለጊዮርጊስ። ሰቆቃ በቤተ እሴብሕ ጸጋኪ ኦ ዑፅፍት ልብሰ
ወርቅ እግዝእትየ ወለተ ዳዊት ንጉሥ ዘተሐፀንኪ በቤተ መቅደስ
ወለንግደትኪ በፈሊስ እምሀገር ለሀገር እንዘ ተዐውዲ በተጽናስ። ፲
መጋቢት በዓለ መስቀል ዝኬ ዘተዘርአ ቃለ ጽድቅ በትውክልተ
መስቀል ወፍሬሁኒ ኮነ መንፈሰ ሕይወት ተስፋሆሙ ለእለ ድኅኑ
ወበጽጌሁ አርአየ ገሀደ በአምሳለ ልብሰ መለኮት ዕቍረ ማየ ልብን
ጽጌ ወይን ተስፋሆሙ ለጻድቃን። በትረ አሮን እንተ ሠረፀት ወባቲ
ይገብሩ ተአምረ በውስተ አሕዛብ እስመ አርአያ መስቀል ይእቲ።
ትመ እምኵሉ ዕለት ሰንበተ አክበረ ወእምኵሎን አንስት ማርያምሃ
አፍቀረ ከመ ትኵኖ ማኅደረ ለመንፈስ ቅዱስ ወምስጋድ ለኵሉ
ዓለም። እንዘ ንዒ ፳፯ ለመስ ሀሎ። ዓዲ ወይቤላ ንዒ ንሑር ኀበ
ደብረ ከርቤ ውስተ አውግረ ስኂን እኅትየ መርዓት ርግብየ። ክበበ
ነያ ሠናይት ፳፯ ለመ። ዓዲ በወርቅ ወበዕንቍ ወበከርከዴን ሥርጉት
ሥርጉት በስብሐት ወነገሥት ይትቀነዩ ለኪ ትርሲተ መንግሥቱ አንቲ
መድኀኒቶሙ ለነገሥት። ዓዲ በብዙኀ መናሥግት አጽንዐቶ ለጸልቦ
አቅፈለት በወርቅ ወበዕንቍ ክቡር መስቀል ብሂል ዕፀ ሕይወት ብሂል
መስቀል ዘአስተዐፀቡ ያቀልል። ሰቆ አመ አጕየይኪ ፰ ለዝ ወቦ ሐፃቤ
ርስሐትየ ይኩን አንብዕኪ ዘአንጸፍጸፈ ዲበ ምድር አመ ወልድኪ
ይጼዐር በመልዕልተ መስቀል ጊዜ ቀትር እንዘ ያመሐፅን ኪያኪ
እምኀበ ረድኡ ዘያፈቅር። መ/ው ማርያም መስቀሎ ለበዓል ኀበ ትወዲ
ዬ መስቀል ጸገየ ዘጋዲ ዬ መስቀል ጸገየ ዘጋዲ። ፲፯ ለጥቅምት በዓለ
እስጢፋኖስ ብፁዕ እስጢፋኖስ ምስለ ኵሎሙ ቅዱሳን ለከ የዐርጉ
ስብሐተ እግዚኣ ለሰንበት አሠርጐካ ለምድር በሥነ ጽጌያት ወሠራዕከ
ሰንበተ ለሰብእ ዕረፍተ። እንዘ ንዒ በል። ክበበ ሃሌ ሉያ ሃሌ ሉያ
ይእቲ ተዐቢ እምአንስት እሞሙ ለሰማዕት ወእኅቶሙ ለመላእክት
መድኀኒቶሙ ለነገሥት አክሊል ንጹሕ ለካህናት ብርሃኖሙ
ለከዋክብት። ሐሙ ወርኅቡ ጸምኡ ወተመንደቡ ዘኢይደልዎ ለዓለም
ረከቡ ቦ እለ በእሳት ወቦ እለ በውግረተ እብን ወቦ እለ በመጥባሕት
ሃሌ ሃሌ ሉያ ሃሌ ሉያ ዐስበ ፃማሆሙ ነሥኡ ሰማዕት። ፳፬ ለጥቅምት
በዓለ ተክለ ሃይማኖት ዛቲ ይእቲ እኅተ ትጉሃን መላእክት ወለተ
ኄራን ነቢያት እሞሙ ለሐዋርያት ሞገሶሙ ለጻድቃን ወሰማዕት።
ወቦ ዘይቤ ንዑጹማ እንዘ በ፫ በሰላም ንዒ ማርያም ትናዝዝኒ ኀዘነ
ልብየ በ ምስለ ሚካኤል ወገብርኤል በ ምስለ ሱራፌል ወኪሩቤል በ
ምስለ ኵሎሙ ቅዱሳን በ ምስለ ወልድኪ አማኑኤል በሰላም ንዒ
ማርያም ለናዝዞ ኵሉ ዓለም። ክበበ ሰአሊ ለነ ማርያም አክሊለ ንጹሓን
ወብርሃነ ቅዱሳን። ዓዲ አክሊሎሙ ለሰማዕት ተስፋ መነኮሳት
ሰያሚሆሙ ለካህናት ነያ ጽዮን መድኀኒት። ተአ/በማ ይዌድስዋ
ኵሎሙ ወይብልዋ ሐዳስዩ ጣዕዋ በሰማያት ኵሎሙ መላእክት
ይኬልልዋ ወበምድር ኵሎሙ ቅዱሳን ይቄድስዋ ካዕበ ወይብልዋ
ሐዳስዩ ጣዕዋ። ለም አዘክሪ ለኀጥኣን ወአኮ ለጻድቃን አዘክሪ
ለርሱሓን ወአኮ ለንጹሓን። ሠረቀ ፪ ለጥቅምት ሃሌ ሉያ ለክርስቶስ
ይደሉ ስብሐት ለዘአብጽሐነ እስከ ዛቲ ሰዓት እግዚኣ ለሰንበት አኰቴተ
ነዐርግ ለመንግሥትከ ምድረ ብጽጌ አሠርጐከ። ለ አፊ አሠርገዎ በል።
ወቦ ዘይቤ እምሥርወ ዕሴይ ትወጽእ በትር ወየዐርግ ጽጌ እምጕንዱ
ወየአርር መንፈስ ቅዱስ መንፈሰ እግዚአብሔር ላዕሌሁ መንፈሰ
ጥበብ መንፈሰ አእምሮ ይቀንት ጽድቀ ውስተ ሐቊሁ ወይትዐፀፍ
ርትዐ ውስተ ገቦሁ ብርሃን ለጻድቃን ክርስቶስ። እለ ትነብሩ ተንሥኡ
ወእለ ታረምሙ አውሥኡ ማርያምሃ በቃለ ስብሐት ጸውዑ ቁሙ
ወአጽምዑ ተአምረ ድንግል ከመ ትስምዑ፡ ጸልዩ ቅድመ ሥዕላ
ለቅድስት ድንግል መርዓተ አብ ወእመ በግዑ። ለንጉሠ ሰሎሞን
ይቤላ ለማርያም ወለተ ሐና ወኢያቄም ጽጌ ደመና ዘብርሃን። ዓዲ
ወትወጽኢ እምግበበ አናብስት እምታዕካ ዘነገሥት እምቅድመ
ሃይማኖት ንዒ ርግብየ ሠናይት ኵለንታኪ ሠናይት _______ አልብኪ
ነውር ወኢ ምንትኒ ላዕሌኪ ንዒ ርግብየ ሠናይት ንዒ ርግብየ
ሠናይት። እንዘ ንዒ ኀቤየ ኦ ድንግል ምስለ ወልድኪ ፍቁርኪ ኢየሱስ
ክርስቶስ ከመ ትባርኪ ላዕሌነ። ክበበ አክሊል ህብረ ሃሌ ሃሌ ሉያ ሃሌ
ሉያ ጥቀ አዳም መላትሕኪ ከመ ማዕነቅ ይግበሩ ለኪ ኮሰኮሰ ወርቅ።
ሰቆ ተመየጢ ተመየጢ ፳፱ ለመስከረም እግዚኦ በሰማይ ሣህልከ
ወበደመናትኒ እንተ አርአይከ ኀይለከ ወበምድርኒ ዘሠናየ ጽጌ
ወጥዑመ ፍሬ አንተ አርአይከ ወበቀራንዮ አንተ አርአይከ ትሕትናከ
በዲበ ዕፀ መስቀል ሐጹር የዐውዳ ወጽጌ ረዳ ብእሲ ተወልደ
በውስቴታ ንጉሠ እስራኤል አልቦ ማኅለቅት ለመንግሥቱ ህየ ማኅደሩ
ለልዑል መድኀኔ ዓለም እግዚአብሔር ኀደረ ላዕሌሃ ኪያሃ ዘሠምረ
ሀገረ መድኀኒተ ኮነ መድኀኒተ ኮነ ለአሕዛብ መድኀኒተ ኮነ መድኀኒተ
ኮነ ለአሕዛብ መድኀኒተ ኮነ። ንዒ ርግብየ ሰላማዊት ተመየጢ
ወንርአይ ብኪ ሰላመ በአምሳለ ወርቅ ይግበሩ ለኪ ኮሰኮሰ ዘብሩር
አመ ወለደቶ አርኣያ ወሰደ በትእምርተ መስቀል ትፍሥሕትኪ ውእቱ
ብርሃንኪ ውእቱ ሰላምኪ። ክበበ ነያ ሠናይት ወነያ አዳም አግዓዚት
ማርያም ጽርሕ ንጽሕት በአልባሰ ወርቅ ዑፅፍት ወኍብርት ወዲበ
ርእሳኒ አክሊል ጽሑፍ በትእምርተ መስቀል። ዓዲ አክሊል
ዘእምጳዝዮን ተደለወ ጌራ ባሕርይ ወቀጸላ ወርቅ በቤተ ልሔም
ተወልደ እምድንግል ብሥራትክሙ መሐይምናን እምአፈ ዮሐንስ
ሥርግው ተቀስመ አፈው ሰባኬ ወንጌል ነዋ በማእከለ አኃው።
እምሥርወ ዕሴይ ሠሪፃ ወእምዘርአ ዳዊት ተወሊዳ ተዐብዮ ነፍስየ
ለእግዚአብሔር ትቤ ድንግል ጻዓዳ ከመ ፍሕሶ ቀይሕ ከናፍሪሃ ወከመ
ሮማን መላትሒሃ ኅብስተ ሕይወት በየማና ወጽዋዐ ወይን በጸጋማ
ጸሎታ ወበረከታ ይኩነነ ወልታ። ለጥቅምት ፬ _______ ንዒ ኀቤየ
እንቲኣየ ሠናይት ንባብኪ አዳም መዓዛ አፉሃ ከመ ኮል ትሁብ ሰላመ
ለአሕዛብ ወለበሐውርት። ______ በሊዐ ሕፃናት ሶበ ሐለየ ሄሮድስ
አርዌ ሰማይ ዘምስለ ዮሴፍ አረጋይ ነገደት ቍስቋም ናዛዚተ ኀዘን
ወብካይ። ሃሌ ሉያ እምሊባኖስ ትወጽእ መርዓት ወትወጽእ እምግበበ
አናብስት እምታዕካ ዘነገሥት ከመ ፍሕሶ ቀይሕ ከናፍሪሃ መዓዛ አፉሃ
ከመ ኮል። በ፲፩ ለጥቅምት ሰአሉ ለነ ኢያቄም ወሐና ዘፈረይክሙ
በቅድስትና መሶበ ወርቅ እንተ መና ዕፀ ጳጦስ ይእቲ እንተ በአማን
ይብልዋ ቅድስተ ቅዱሳን ንዒ ርግብየ ሠናይት ወይቤላ መልአክ
ተፈሥሒ ቡርክት አንቲ እምአንስት። ኢሀለዉ አሜሃ አቡኪ ወእምኪ
ከመ ይርአዩ ድክትምናኪ ወይሰምዑ ገዓረኪ እስመ ሞቱ እምንእስኪ
ወኀድጉኪ ባሕቲተኪ። ሰቆ አመ ወጽአት በፍርሀት እምሀገረ ዳዊት
ዘይሁዳ በብሥራተ መልአክ እንግዳ ኢረከበት ማየ በፍኖት ዘታሰትዮ
ለወልዳ። ፲፰ ለጥቅምት መዓዛሆሙ ለቅዱሳን ከመ ጽጌ ደንጐላት
ወከመ ሮማን ዘውስተ ገነት ይትፌሥሑ ጻድቃን የዋሃን ውሉደ
ብርሃን በትፍሥሕት ዔሉ ውስተ አድባር። እንዘ ንዒ ርግብየ አግዓዚት
ከመ ጎሕ ሠናይት ታቦተ መቅደስ ቅድስተ ቅዱሳን ዕፀ ጳጦስ ደብተራ
ፍጽምት ማኅደረ መለኮት። ፳፭ ለጥቅምት አንብርኒ በከመ ከዋክብት
ያሠረግውዎ ለሰማይ ወሰኖሙ ከማሁ ሰማዕትኒ ያሠረግዉዋ ለቤተ
ክርስቲያን በገድሎሙ። አሠርገዎሙ ለሰማዕት በሰማያት ወንጌለ
መንግሥት አወፈዮሙ ሰንበተ ክርስቲያን ለዕረፍት ሠርዐ ሎሙ ከመ
ወርቅ በእሳት ፈተኖሙ ወከመ ጽንሐሐ መሥዋዕት ተወክፎሙ
አሠርገዎሙ ለሰማዕት በሰማያት። ዘኒ አመ ይነዓዲ ገጹ ብሩህ ከመ
ፀሐይ ወእምኵሉ ሥነ ሠርጐ ሰማይ ለመርቆሬዎስ ኅሩይዘተወልደ
እመንፈስ ቅዱስ ወማይ አልባሲሁ በደመ በግዕ ዘሐፀበ ወእምሰረቅት
ፍጹመ ዐቀበ። ትሰከ ማዕ ትንቢት ፪ ለኅዳር በዓለ ታዴዎስ ንዒ ኀቤየ
ኦ ድንግል ምስለ ኵሎሙ መላእክት ከመ ታዕርጊ ጸሎተነ ጊዜ
መንፈቀ ሌሊት። ሰዊተ አመ ድኅነት። ፳፰ ለመ ዘብኪ ቡራኬሁ
ለሴም ወክፍል ሎቱ ተናግዶቱ ለአብርሃም መዓዛሁ ለይስሐቅ
ወሰዋስዊሁ ለያዕቆብ ወናዛዚቱ ለዮሴፍ። ለጥቅምት ፭ ወልድ እኁየ
ወረደ ውስተ ገነት ኀበ ቀደሳ ወአክበራ ለሰንበት ኀበ ባረከ ዓመተ
ጻድቃን ኀበ ምድረ ርስት ጽዕዱት ወብርህት ወልድ እኁየ ወረደ
ውስተ ገነት ምድረ ምግባረ ለጻድቃን ማኅደረ። እምደቂቀ ሕዝብኪ
ማርያምሰ ረከብኪ ሞገሰ በኀበ እግዚአብሔር ወአነሂ እትፌሣሕ
በእንቲኣኪ እስመ ረከብኩ እምውስተ ደቂቅኪ እለ የሐውሩ በትእዛዝየ
አምኂ አምኂ ደቂቀ እኅትኪ ኅሪት። ፲፪ ሰንበተ ክርስቲያን እምርት
እንተ አቡነ ዳዊት ቡርክት እንተ ትመጽእ መንግሥት። ዓዲ ንዒ
ኀቤየ ኦ ድንግል ምስለ ወልድኪ መዝሙር ዘኀለየኪ እንዘ ይብል
ክነፈ ርግብ በብሩር ዘግቡር። ክበበ መሰንቆሁ ለዳዊት ወአክሊሉ
ለሰሎሞን ገነት ዕፁት ዐዘቅት ኅትምት። ፲፱ ለጥቅምት ፈጠርካሆሙ
ለመላእክት ከመ ይትለአኩከ ግብረ እደዊከ አዳም አሠርጐኮ ለሰማይ
በከዋክብት ወለምድርኒ በሥነ ጽጌያት ግብረ እደዊከ አዳም እግዚኦ
ፈድፋደ ቃልከ። አእሚርየ ሃሌ ሉያ ጸርሐ ገብርኤል ልዑለ ቃል
ወይቤ ጸግዪ ገዳም ተፈሥሒ ገዳም እስመ ናሁ ናርዶስ ወሀበ
መዓዛሁ። ፳፮ ለጥቅምት ኦ ድንግል አምሳል ወትንቢት ዘነቢያት
ሞገሶሙ ለሐዋርያት ኑ እሞሙ ለሰማዕት ወእኅቶሙ ለመላእክት። ፫
ለኅዳር እንባቆምኒ ይቤ እግዚኦ ሰማዕኩ ድምፀከ ወፈራህኩ መስቀል
ገብረ ሕይወተ ዮም መስቀል አርኀወ ገነተ መስቀል ገብረ መድኀኒተ
መስቀል መልዕልተ ኵሉ ነገር ያድኅነነ እምፀር። ፳፱ ለመስከረም
ትወጽእ በትር እምሥርወ እሴይ ወየዐርግ ጽጌ ይእቲ በትር አምሳለ
ማርያም ቅድስት ወጽጌ ዘወጽአ እምኔሃ አምሳሉ ለወልድ ኀደረ
ላዕሌሃ ቃል ሥጋ ኮነ ወተወልደ እምኔሃ። ከመ ይት ከመ ፍህሶ ቀይሕ
ከናፍርኪ ቡርክት አንቲ እምአንስት መንፈስ ቅዱስ ይመጽእ ላዕሌኪ
እሞሙ ይእቲ ለሰማዕት ወእኅቶሙ ለመላእክት መ ወኀደረ ላዕሌኪ
ወተወልደ ፍሥሓ እምኔኪ። ወተወልደ እምኔሃ ወይቤላ ንዒ ርግብየ
ሠናይት ንባብኪ አዳም። እምብሔረ ጽባሕ አምጽኡ ወርቀ ወጋዳ
ለንጉሥነ ለወልደ ማርያ ኮከብ ኮነ ወዜነዎሙ ፍሥሓ። ቀቲለ ሕፃናት
ንጉሠ ገሊላ አመ ኀሠሠ በዘባነ እሙ ሕዙለ ተግኅሰ። ክህ ክህነቱ
ክርካዕ ለአሮን ሳውዕ ዘጸገየት ለነ ጽጌ ቆዕ በደብተራ ስምዕ አርኣያ
ኢየሱስ በግዕ። ፮ ለጥቅምት አዘክሪ ድንግል ንግደቶ ዘእምኔኪ እንዘ
ትጐይዪ ምስሌሁ እምሀገር ለሀገር በመዋዕለ ሄሮድስ ርጉም። ሰላም
ለኪ ኦ ደብረ ቍስቋም ዘኀደረ ውስቴትኪ መድኀኔ ዓለም ህየ ንሰግድ
ኵልነ ኀበ ቆመ እግረ እግዚእነ። አመ አተውኪ ርግብ ዘመክብብ
ማርያም በብሩር ዘግቡር አክናፊሃ ከመ ፍሕሶ ቀይሕ ከናፍሪሃ። ፲፫
ንዒ ኀቤየ ኦ ድንግል ምስለ ራጉኤል ወሩፋኤል ሠናያነ ራእይ እለ
ዜነዉ ምሥጢራተ ዘሰማይ። ዓዲ በምድረ ጽዮን ኢይኩን ሐከክ
ወበገራህታ ኢይብቈል ሦክ ጸሊ ኀበ አምላክ ሩፋኤል መልአክ ፍሬ
ምድርነ ከመ ይትባረክ። ለጥቅምት ፳ ሃሌ ሉያ ይኬልልዋ መላእክት
በውስተ ውሣጤ መንጦላዕት ለቅድስት ማርያም ነቢያት ወሐዋርያት
ወሰማዕትኒ ያሰምኩ ባቲ ለቅድስት ቤተ ክርስቲያን ይብልዋ ቅድስተ
ቅዱሳን ወማኅደሩ ለልዑል። ናሁ ነፍሳተ ጻድቃን አውያን አመ
ይሁቡ መዓዛ ለዘምግባረ ጽድቅ አልብነ ይኩነነ ቤዛ ንግደትኪ ማርያም
እስከ ደብረ ቍስቋም እምሎዛ። ሰመዩኪ መሰንቆሁ ለዳዊት ወአክሊሉ
ለሰሎሞን ገነት ዕፁት ዐዘቅት ኅትምት መሶበ ወርቅ እንተ ኤልያስ
መስብክት ዘኤልሳዕ ጽንስ ምስለ ድንግልና ዘኢሳይያስ። ዓዲ ሃሌ ሃሌ
ሉያ ሃሌ ሉያ ገነት ዕፁት ገነት ዕፁት ዐዘቅት ኅትምት ተሠውጠ
ዲቤሃ ምዑዝ ዕፍረት። እንዘ ንዒ ኀቤየ ኦ ድንግል ምስለ ኤልያስ
ወኤልሳዕ ነቢያተ እስራኤል ወምስለ እዝራ ሱቱኤል ጽዋዐ ልቡና
ዘአስተዮ ኡርኤል። ፳፯ አዘክሪ ድንግል ለወልድኪ ዕርቃኖ አመ
ሰለብዎ አይሁድ ክዳኖ ለአማዑተ ከርሥኪ ነበልባለ ኀዘን ዘአርሰኖ።
ዓዲ ማርያምሰ ተኀቱ እምትካት ውስተ ከርሡ ለአዳም ከመ ባሕርይ
ጸዓዳ እስመ በእንቲኣሃ ወበእንተ አዝማዲሃ ተሰቀልኩ ዲበ ዕፅ ይቤ
ከመ አድኅኖሙ አዳምሃ አቤልሃ አብርሃምሃ ይስሐቅሃ ወያዕቆብሃ።
ዘኒ ስብሐተ ዮም ሠረፁ ጽጌ በረከት ወበዝኁ ውሉደ ጥምቀት
ትእምርተ መድኀኒት ቆመ ማእከለ አሕዛብ እስመ ቤዘወነ ክርስቶስ
በዕፀ መስቀሉ ወተሣየጠነ በክዕወተ ደሙ ገብረ ሕይወተ ማእከሌነ።
ዓዲ መንክር ተአምሪሁ ለመድኀኒ በከመ ወጽአት በትር እምሥርወ
እሴይ በአምሳለ በትረ ያዕቆብ በዘይርኢ አባግዒሁ ይእቲኬ ማርያም
ይእቲ። ፬ ለኅዳር ናሁ ሠናይ ወናሁ አዳም ብዝ መካን መዓዛሆሙ
ለቅዱሳን ከመ ጽጌ ደብጐላት ዘቈላት ወከመ ሮማን ዘውስተ ገነት
ለዘቀደሳ ለሰንበት ኪያሁ ፍርህዎ ወሰብሕዎ ወተማኅፀኑ ኀቤሁ።
ለመስከረም ፴ ወኀይዝተ ወንጌል የዐውዳ ለቤተ ክርስቲያን
እምአርባዕቱ አፍላጋት እንተ ትሰቀይ ትእምርተ ለለጽባሑ እማቴዎስ
ልደቶ ወእማርቆስ መንክራቶ እምሉቃስ ዜናዊ ተሰምዮ ላሕም
ወእምዮሐንስ በግዐ ወዘንተ ሰሚዓ ትገብር በዓለ በፍግዓ። ኦ
መድኀኒት ለነገሥት ማኅበረ ቅዱሳን የዐውዱኪ ነቢያት የአኩቱኪ
ወሐዋርያት ይዌድሱኪ እስመ ኪያኪ ኀርየ ለታዕካሁ ከመ ትኵኒዮ
ማኅደረ መላእክት ይኬልሉኪ ጻድቃን ይባርኩኪ አበው ይገንዩ ለኪ
እስመ ኪያኪ ኀርየ ለታዕካሁ ከመ ትኵኒዮ ማኅደረ። ፯ ለጥቅ በህየ
ማርያም እኅቱ ለሙሴ በዕብራይስጥ በይባቤ ዘበጠት ከበሮ በዝየ
ማርያም ቅድስት በሥምረተ መለኮት። እንዘ አንቀጸ አድኅኖ ረሰያ
ኀደረ ቃል ኀበ ሠምረ አብ ወይቤላ ንዒ ርግብየ ሠናይትየ አግዓዚት
ንባብኪ አዳም። ዓዲ መንፈስ ቅዱስ ይመጽእ ላዕሌኪ ወኀይለ ልዑል
ይጼልለኪ ንዒ ርግብየ ሠናይት ጽርሕ ንጽሕት አግዓዚት ሰማይ
ማኅደረ መለኮት ንዒ ርግብየ ሠናይት። ፲፬ ለጥቅምት ሃሌ ሉያ ሃሌ
ሉያ ሃሌ ሉያ ንፌኑ ስብሐተ ለዘአክበረ ነቢያተ ን ወለዘኀርየ
ሐዋርያተ ን ወለዘአፍቀረ ካህናተ ን ወለዘአጽንዐ መነኮሳተ ን እለ
ዔሉ አድባራተ ንፌኑ ስብሐተ ንበሎ ኵልነ ዓቢተ አንተ። ለተአም
ትእግሥትኪ ፈድፈደ እምትዕግሥተ ኢዮብ ጻድቅ ወእማርቆስ
ዘቆርማቅ ወገብረ ክርስቶስ መርዓዊ ተወካፌ ሕማም መጽዕቅ። ፳፩
ለጥቅምት ስብሐተ ፍቅር ወዓዲ በትር እንተ ሠረፀት ወጸገየት
ወፈረየት ሐውልተ ስምዕ ዘኢያሱ ጸምር ዘጌዴዎን ሙዳየ ዕፍረት
ወቀርነ ቅብዕ ዘሳሙኤል። ዓዲ ስብሐተ ማርያም ይነግር አፉየ ወኵሉ
ዘሥጋ ይባርክ ለስማ ቅዱስ ለዓለም ወለዓለመ ዓለም። ዓዲ ስብሐተ
ለማርያም ንፌኑ ይእቲ ለመለኮት ክዳኑ። ወቦ ማእ ይቤሎ ኢዩኤል
ለንጉሥ ናሁ ደምፀ እገሪሁ ለዝናም ያንጸፈጽፍ መዓር እምአድባር
ወያሕመለምል አውግር። እንዘ ንዒ ርግብየ ወንዒ ሠናይትየ ከመ
ፍሕሶ ቀይሕ ከናፍሪሃ እሞሙ ለሰምዕት ወእኅቶሙ ለመላእክት አልቦ
ዘይመስል ዘከማኪ ክብረ እግዚኣ ለሰንበት በማኅፀንኪ ተጸውረ። ፳፰
ለጥቅምት አሠርገወ ገዳማተ ሥን በመንክር ኪን አርኣያሁ በኵሉ
ክብሩ ከመ እሎን ጽጌያት ኢ ቀደምት ወኢ ደኀርት ዐራዛተ ሠርጕ
ነሢኦሙ ኢክህሉ ከመ ክርስቶስ መዊዐ። ዘኒ ማኅሌተ ነዐርግ
ወስብሐተ ዘነግህ ንፌኑ ለኪ እግዝእትነ ማርያም። ፭ ለኅዳር ፩
ለጥቅምት ሰአሉ ለነ ሐና ወኢያቄም ዘወለድክምዋ ለማርያም ቤዛዊተ
ኵሉ ዓለም። ሰሎሞን ይቤላ ለማርያም ወለተ ሐና ወኢያቄም ጽጌ
ደመና ዘብርሃን ሠርፀ መንግሥት ዘእምሥርወ እሴይ ወጽጌ ንጽሕት
ዘእምጕንደ ዳዊት ወብኪ ይትሜዐዙ ኵሎሙ ቅዱሳን። ፰ ለጥቅምት
ዐቢየ ከመዝ ይቀድም መራናታ ወማዕጠንታኒ ዘወርቅ ወውስቴታ
መሶበ ወርቅ ዘመና በትረ አሮን እንተ ሠረፀት ላዕሌሃ ኀደረ ቃለ አብ
ዛ አንቀፅ እንተ እግዚአብሔር ጻድቃን ይበውኡ ውስቴታ መላእክት
ይኬልልዎ ላዕሌሃ ኀደረ ቃለ አብ መላእክት ወሊቃነ መላእክት
ይትለአክዎ እለ ይገብሩ መሥዋዕተ ዘበሕጉ። ዓዲ ማዕጠንትኑ ንብለኪ
መዓዛ ስኂን ወልድኪ መላእክቲሁ ሠዋዕትኪ ዐቀብተ ጽንሐሁ
ለበኵርኪ። ዓዲ ገነይነ ለኪ ኦ ወለተ ዳዊት ብረሌ ንጽሕት ሙዳየ
ዕፍረት በዘባቲ ተምዕዙ ካህናት። ፲፭ ለጥቅምት ተብልዋል። ፳፪
ለጥቅምት ይቤ እግዚእነ ኢየሱስ ክርስቶስ እንዘ ይሜህረነ በወንጌል
ሉቃስ ወባሕቱ ይቀልል ሰማይ ወምድር ይኅልፍ እምትደቅ አሐቲ
ቃል እምኦሪት። ዘኒ ዘፈረየ አምዐተ ወአመክዐበ ቦ ዘ ፷ ወቦ ዘሠላሳ
ዘራኢሁሰ ካህን ውእቱ ወገራህቱኒ ዓለም ውእቱ። ሠርጉጎሙ
ለሐዋርያት ንዋየ ነዳያን ወምስካየ ግፉዓን ሠርከ ነአኵተከ መሓሪ
ንጉሥ ዘኢይትኄየይ ተግባሮ። ፳፱ ለጥቅምት ኦ ዝ ቡርክት አንቲ
ማርያም ወቡሩክ ፍሬ ከርሥኪ ፀሐይ ብሩህ ወወርኅ ንጹሐ ኮከብ
ሥርግው ኀበ ማርያም ኀደረ። ዓዲ ወተወልደ እምኔሃ ወይቤላ ንዒ
ርግብየ ሠናይት ንባብኪ አዳም። ለጥቅምት ፪ ኀበ ጸገየ ወይን ወፈረየ
ሮማን ወልድ እኁየ ወረደ ውስተ ገነት ዬ ዬ ዬ ወልድ እኁየ ውስተ
ገነት ብሃል ውስተ ርስቶሙ ለኵሎሙ ሐዋርያት ብሂል። ቅዳሴኪ
ማር ኦ እግዚኦ በከመ አሜሃ ዘንተ ኅብስተ ባርክ ወፈትት ወሀብ ኦ
እግዚኦ በከመ አሜሃ ዘንተ ጽዋዐ ዕተብ ወቀድስ ወመጡ። ዓዲ
ቅድሳት ለቅዱሳን አሐዱ አብ ቅዱስ አሐዱ ቀልድ ቅዱስ አሐዱ
ውእቱ መንፈስ ቅዱስ። ማዕጠ በል ፰ ለዝ። ለጥቅምት ፱ ጽጌረዳሁ
ሃሌ ሉያ ለአብ ዘአንጾኪያ ውሉደ መንግሥት ሃሌ ሉያ ለወልድ
ወዘኢየሩሳሌም ዕንቍ ትርሲት ሃሌ ሉያ ወለመንፈስ ቅዱስ ፊቅጦር
ወአቦሊ ወታውክልያ ቅድስት ረከቡ ክብሮሙ በመጽሐፍ ጽሕፍት።
አንተ ውእቱ ምርጕዞሙ ለጻድቃን ተስፋሆሙ ለስዱዳን መርሶሙ
ለእለ ይትሀወኩ ብርሃነ ፍጹማን ወልደ አምላክ ሕያው። ፲፮
ለጥቅምት ስብሐት ለአብ ለአኃዜ ኵሉ ዓለም ስብሐት ለወልድ
ለዘአክበራ ለማርያም ስብሐት ለመንፈስ ቅዱስ ለዘአሠርገዋ ለምድር
በጽጌያት። ቀስተ ደ ንጉሥኪ ጽዮን አሠርገዋ ለምድር በጽጌያት
ወለሰማይኒ በከዋክብት ውእቱ ክብሮሙ ለቅዱሳን። ዓዲ ንዒ ይትባረክ
አስተብፅዕዋ ወይቤልዋ እለ ይነብሩ ፈለገ እሳት ሰአሊ ለነ ማርያም
ቅድስቱ ለእግዚአብሔር። ዓዲ ይጸድቁ ኀጥኣን በኪዳንኪ እለ ገብሩ
ተዝካረኪ ወጸውዑ ስመኪ ይጸድቁ ኀጥኣን በኪዳንኪ ወዘሐለየ ካህናት
ማኅሌተ በበዓልኪ ማርያም በሊዮ ለወልድኪ ይሰምዐኪ ይጸድቁ
ኀጥኣን በኪዳንኪ ይጸድቁ ኅረይ። ለጥቅምት ፳፫ ለገባሬ ዛቲ ትመስል
እምኵሉ ዕለት። ወበጽጌያት ምድረ አሠርጎከ ወሥነ ገዳምኒ ምስለ
ቅዱሳኒከ ወመኑ መሓሪ ዘከማከ ወከመ ወሬዛ ኀየል መላትሒሁ
ጕርዔሁ መዓርዒር አምሳሉ ዘወይጠል ወመኑ መሓሪ ዘከማከ።
ለጥቅምት ፴ ወበጽጌያት ምድረ አሠርጐከ ወሥነ ገዳምኒ ምስለ
ቅዱሳኒከ ወመኑ መሓሪ ዘከማከ። ፮ ለኅዳር
 ማኅሌተ ጽጌ
ጽጌ አስተርአየ ሠሪፆ እምዐፅሙ፡ ለዘአምኀኪ ጽጌ ለገብርኤል በይነ
ሰላሙ፡ ወበእንተዝ ማርያም ሶበ ሐወዘኒ መዓዛ ጣዕሙ፡ ለተአምርኪ
አኀሊ እሙ፡ ማኅሌተ ጽጌ ዘይሰመይ ስሙ። አይኑ ዘተገብረ ፈውስ፡
እምቅድመ ትትወለዲ ድንግል እምቤተ ክህነት ወንግሥ፡ መድኀኒተ
ዓለም ኮነ ደመ ጽጌኪ ክርስቶስ፡ እሰግድ ለተአምርኪ በአብራከ ሥጋ
ወነፍስ፡ በከመ ሰገደ ለወልድኪ ዮሐንስ በከርሥ። እንዘ ተሐቅፊዮ
ለሕፃንኪ ጽጌ ጸዓዳ ወቀይሕ፡ አመ ቤተ መቅደስ ቦእኪ በዕለተ
ተአምር ወንጽሕ፡ ንዒ ርግብየ ትናዝዝኒ እምላሕ፡ ወንዒ ሠናይትየ
ምስለ ገብርኤል ፍሡሕ፡ ወሚካኤል ከማኪ ርኅሩኅ። ጽጌኪ ማርያም
ኮነኒ ሲሳየ ወዐራዘ፡ ወጸገወኒ እምትካዝ ተአምረኪ መናዝዘ፡ ቶማስ
ሎቱ አመ ገቦሁ አኀዘ፡ እንዘ ይብል ከርቤ እምእዴየ ውሕዘ፡ ረኪቦ
በውስተ ቍስሉ አፈወ ምዑዘ። ክበበ ጌራ ወርቅ ጽሩይ እምእንቈ
ባሕርይ ዘየኀቱ፡ ዘተጽሕፈ ብኪ ትእምርተ ስሙ ወተዝካረ ሞቱ፡
አክሊለ ጽጌ ማርያም ለጊዮርጊስ ቀጸላ መንግሥቱ፡ አንቲ ኵሎ
ታሰግዲ ሎቱ፡ ወለኪኒ ይሰግድ ውእቱ። በስመ እግዚአብሔር እግዚእ
ሕፀተ ግጻዌ ዘአልቦ ሰቆቃወ ድንግል እጽሕፍ በቀለመ አንብዕ
ወአንጠብጥቦ፡ ወይሌ ወላሕ ለይበል ዘአንበቦ፡ ከማሃ ኀዘን ወተሰዶ
ሶበ በኵለሄ ረከቦ፡ ርእዮ ለይብኪ ዓይነ ልብ ዘቦ። ብኪ ተባረኩ
ወተቀደሱ አሕዛብ፡ ትእምርተ ግዝረቱ ወዘርኡ ለአብርሃም አብ፡ ጽጌ
ድንግልናኪ በግዕ ለቤዛ ይስሐቅ ውሁብ፡ ማርያም ዕፀ ሳቤቅ
ወምሥራቅ ዘያዕቆብ፡ ወላዲቱ ለሥርግው ኮከብ። ከመ ይትፈሣሕ
መርዓዊ ውስተ ገነቱ ዘወረደ፡ ጽጌያተ ይርአይ በጊዜ ፈቀደ፡
በተአምርኪ ድንግል እትፌሣሕ ፈድፋደ፡ ዘያቀልል እምኀጥኣን ፆረ
ኀዘን ክቡደ፡ እስመ እምኔኪ ፍሥሓ ተወልደ። አይቴ ሀሎ ንጉሠ
እስራኤል ዘተወልደ፡ ከመ ነሀብ ሎቱ አምኃ ወሰጊደ፡ እንዘ ይብሉ
ሰብአ ሰገል ሰሚዖ ገሀደ፡ ሄሮድስ አሜኃ በእሳተ ቅንአት ነደ፡ ከመ
ይቅትሉ ሕፃናተ ወኢያትርፉ አሐደ፡ እስከ ቤተ ልሔም ወገሊላ
ሐራሁ አዖደ። ሰዊተ ትእምርቱ ለታዴዎስ ወለበርተሎሜዎስ ወይኑ፡
እንተ ጸገይኪ አስካለ በዕለተ ተከለኪ እደ የማኑ፡ ማርያም ለጴጥሮስ
ጽላሎቱ ወለጳውሎስ ሰበኑ፡ ብኪ ምውታን ሕያዋነ ኮኑ፡ ወሐዋርያት
በሰማያት መላእክተ ኰነኑ። ሚ ቡርክት ወቅድስት ይእቲ፡ ሰዓተ
ትፍሥሕት ሐና ዘጸገየተኪ ባቲ፡ ወፈረየኪ ለሕይወት ኢያቄም መዋቲ፡
እሴብሕ ተአምረኪ ርግብየ አሐቲ፡ መድኀኒተ ኵሉ ዓለም እስመ
ኮንኪ አንቲ። ለንጉሠ ነገሥት ሰሎሞን ከመ ተፈሥሐ ልቡ፡ በዕለተ
ወጻእኪ መርዓት ለአንበሳ ትንቢት እምግቡ፡ ማእከለ ፍሡሓን ማኅበር
ተአምረኪ እንዘ እነቡ፡ እዜምር ለኪ ጽጌ ሐና ወፍኖተ ነፈርዐፅ እሌቡ፡
ከመ ጣዕዋ ሐሊበ ዘይጠቡ። ቅዳሴኪ ማርያም ጸገየ መለኮተ፡ ወፈረየ
ብኪ ለቅዱሳን ቅድሳተ፡ ለላእካኒሁ እምግዘት ከመ የሀቡ ፍትሐተ፡
አርአዮሙ ለመምህራን ዐበይተ ኀይላተ፡ እንዘ ይገብር ተአምረ
ወመንክረ በኀበ ተአኵተ፡ ወለማይኒ ረሰዮ ኅብስተ። በከመ ይቤ
መጽሐፍ ማእከለ ፈጣሬ ወፍጡራን፡ ለዕረፍት ዘኮንኪ ትእምርተ
ኪዳን፡ ሰንበተ ሰንበታት ማርያም ዕለተ ብርሃን፡ ብኪ ይትፌሥሑ
ዘገነተ ጽጌ ጻድቃን፡ ብኪ ይወጽኡ ኀጥኣን እምደይን። ከመ ታቦት
ሥርጉት በወርቅ ዐረብ ወተርሴስ፡ በድንግልናሃ ማርያም ሥርጉተ
ሥጋ ወነፍስ፡ ተአምረ ነቢር አርአይኪ በቤተ መቅደስ፡ ኢያቄም ወሐና
ቀንሞስ ቀናንሞስ፡ እምዘጸገዩኪ ለጳጦስ በዓመት ሠላስ። በቤተ መቅደስ
ዘልኅቀት ወለተ ካህናት፡ እንዘ ትሴሰይ ሥሩዐ፡ ኅብስተ ሰማይ ኅቡአ
ወጽውዐ ወይን ምሉአ፡ እፎ ከመ ነዳይ ሲሳየ ዕለት ኀጢአ፡ ተዐገሠት
በብሔረ ግብፅ ረኀበ ወጽምአ፡ አልቦ ከማሃ ዘረከበ ግፍዐ። ጼነወኒ
ተአምርኪ ሶበ ይነፍሑ ነፋሳት፡ ከመ ጼና ገነት ዘይጼኑ እምርኁቅ
ፍኖት፡ መዓዛ አፈዋት ማርያም ወጽጌ መንግሥት ቡርክት፡ ጽጌ ጽጌ
ዘሰሎሞን ወዳዊት፡ ጽጌ ጽጌ ጽጌ አሮን ዘክህነት። ሶበ ዴገነኪ አርዌ
በሊዐ ሕፃንኪ ዘሐለየ፡ በዘትሰርሪ ገዳመ ወታፈጥኒ ጐይየ፡ እንተ
ጸገይኪ አክናፈ ከመ ዮሐኒ ጸገየ፡ ብእሲተ ሰማይ ማርያም ዘትለብሲ
ፀሐየ፡ ተአምረኪ ጸሐፈ ዮሐንስ ዘርእየ። እፎ ጐየይኪ እምፍርሀተ
ቀተልት እምገጸ ሄሮድስ ቍንጽል፡ ወለተ አናብስት ግሩማን እለ
ይጥህሩ በኀይል፡ ኢፈቀድኪዮ በምድር ለመንግሥተ ዓለም ወብዕል፡
እስመ ልማዱ ትሕትና ለፍሬ ከርሥኪ ልዑል፡ ከማሁ ግዕዝኪ በምግባር
ወቃል። እምደቂቀ ሕዝብኪ አነ እንዘ ነዳይ ወአባሲ፡ በብዕለ ዚኣኪ
ድንግል እትሜካሕ ከመ ነጋሢ፡ ወበጽድቅኪ እትፌሣሕ አርኣያ ጽድቅ
ብእሲ፡ እስመ ብየ ተአምርኪ ጌጋየ ኀጥኣን ደምሳሲ፡ ወመዝገበ ብዕል
ጽጌኪ ለኵሉ ዘይሴሲ። እስከ ማእዜኑ እግዝእትየ ውስተ ምድረ ነኪር
ትሔልዊ፡ ሀገረኪ ናሁ ገሊላ እትዊ፡ ለወልድኪ ሕፃን ዘስሙ ናዝራዊ፡
ለክብረ ቅዱሳን በከመ ይቤ ዖዝያን ዜናዊ፡ እምግብፅ ይጼውዖ አቡሁ
ራማዊ። ተአምረ ግፍዕኪ ለአርእዮ እምገጸ ሄሮድስ መስቴማ፡ አመ
ጐየይኪ ማርያም በሐዊረ ፍኖት እለ ደክማ፡ ምስለ እግረ ጽጌኪ
ልምሉም ኀበ አእጋርኪ ቆማ፡ ለምድረ ገዳምኪ ቅድስት እንተ
ቍስቋም ስማ፡ እምፈተውኩ በጺሕየ በሰጊድ እስዐማ። አመ አተውኪ
ውስተ ታቦት ምስለ ቈጽለ ዘይት ሐመልሚል፡ ከመ አብሠርኪዮ ለኖኅ
ትእምርተ ጊዜሁ ለሣህል፡ አብሥርኒ ጽድቀ በጸዊረ ጽጌ ጽዱል፡
ማርያም ርግበ ቍስቋም ዘአክናፍኪ መስቀል፡ ሃሌ ሉያ ፋሲካየ
ማዕዶት እምኀጕል። ተፈሥሒ ድንግል እንተ ኢተአምሪ ብእሴ፡
ዘጸገይኪ ለነ አሐደ እምነ ሥላሴ፡ እንዘ እዘብጥ ከበሮ ቅድመ አእላፈ
ኤፍሬም ወምናሴ፡ ለተአምርኪ ትነግር ውዳሴ ማርያም እኅቱ ለሙሴ።
እንበለ ትሣረር ምድረ ገነት፡ ወሥነ ጽጌያት ያስተርኢ፡ በሕሊና ሥሉስ
ዘሀሎ ተአምረኪ በቋዒ፡ ኦ መዋዒት እመ አምላክ መዋዒ፡ ንዒ ንዒ
እምርእሰ ኤርሞን ንዒ፡ ከመ ትንስቲዮ ለጸላኢ ሕዝበኪ ገፋዒ።
ስብሐት ለኪ ማርያም በጽጌ መላእክት ትጉሃን፡ ስብሐት ለኪ ማርያም
በጽጌ ነቢያት ቅዱሳን፡ ስብሐት ለኪ ማርያም በጽጌ ሐዋርያት
ሰባክያን፡ ስብሐት ለኪ ማርያም በጽጌ ሰማዕት ወጻድቃን፡ እስመ
በጽጌኪ ወይን ይትፌሣሕ ኅዙን። ብክዩ ኅዙናን ሐልየክሙ ስደታ፡
ወላሕዉ ፍሡሓን ተዘኪረክሙ ብዝኀ ሠናይታ፡ ማርያም ተዐይል ከመ
ዖፍ ውስተ አድባረ ግብፅ ባሕቲታ፡ ተአወዩ በኀጢኦታ ሀገረ አቡሃ
ኤፍራታ፡ ወደመ ሕጻናት ይውሕዝ በኵሉ ፍኖታ። ጽጌ ረዳሁ
ለእስጢፋኖስ እምሥነ ጽጌያት ዘትጸድሊ፡ ተአምረ ፈውስ አንቲ
ማርያም እብነ ናብሊስ ተጸንጻሊ፡ ወእለ ምስሌሁ ሰማዕታት ማኅበራነ
ፊቅጦር ወአቦሊ፡ ለጽንፃሌ ፍቅርኪ እሙ በሰሚዐ ቃሎሙ መጥለሊ፡
ኢያእመርዎ ለሕማም ቀታሊ። አንብርኒ ማርያም ውስተ ልብኪ ከመ
ኅልቀት፡ ወከመ ማዕተብ ፁርኒ በመዝራዕትኪ ልዕልት፡ በእንተ
ርስሐትየሰ ኢትመንንኒ ንግሥት፡ እስመ ወሀብኩ ንብረትየ ለፍቅርኪ
ሞት፡ ዘአሠርገዎሙ ለሰማዕት በጽጌሁ ሕይወት። ኢየሱስ ስዱድ
ተስፋሆሙ ለስዱዳን፡ ኢየሱስ ግፉዕ ምስካዮሙ ለግፉዓን፡
እግዚአብሔር ማኅደር ዘአልቦ ከመ ነዳያን፡ ኢየሱስ ነግድ ወፈላሲ
እንዘ ውእቱ ሕፃን፡ ወልደ አብ ፍቁር ዘበኀበ ሰብእ ምኑን፡ መኀልየ
ብካይ ኮነኒ ዘእሙ ኀዘን። በትረ አሮን ማርያም ዘሠረፅኪ እንበለ
ተክል፡ ወጸገይኪ ጽጌ በኢተሰቅዮ ማይ ወጠል፡ ወበእንተዝ ያሬድ
መዓርዒረ ቃል፡ ምስለ ሱራፌል ይዌድሰኪ ወይብል፡ ሐጹር የዐውዳ
ወጽጌረዳ በትእምርተ መስቀል። ትመስል እምኪ ማርያም ዕለተ
ሣልስተ ወራብዕተ፡ ዘወለደት ጽጌ ወፀሐየ ዓለም ብርህተ፡ ካዕበ
ትመስል ሳብዕተ ዕለተ፡ እስመ ፈረየት ኪያኪ ተአምረ ግዕዛን ሰንበተ፡
ለእለ በሰማይ ወምድር ዘኮንኪ ዕረፍተ። ተንሥኢ ወንዒ ዖፈ ገነት
እምአድባረ ከርቤ ወዐልው፡ ወሐውፂ ቤተ ክርስቲያን እንተ መሳክው፡
ርግበ ተነብዮ ማርያም ተአምርኪ ፍትው፡ ክንፍኪ ርሱይ በጽጌ ብሩር
ጽዕድው፡ ወበጽጌ ወርቅ ሐመልሚል ገቦኪ ሥርግው። ከመ ፍሕሶ
ቀይሕ ከናፍርኪ ጽጌ፡ ስዉጠ ስርናይ ከርሥኪ ወሕፁር በጽጌ፡
ትእምርተ ሕይወትየ ድንግል ወዘውደ መንግሥት ጽጌ፡ በማኅሌተ
ጽጌ እዌድሰኪ ለጽጌ፡ ተቀጺልየ ዘንጽሕኪ ጽጌ። ጐየ ዮሴፍ ብሔረ
ግብጽ ተንሢኦ እምንዋሙ፡ መልአከ እግዚአብሔር ሌሊተ ከመ ነገሮ
በሕልሙ፡ ነሢኦ ሕፃነ ዘምስለ ማርያም እሙ፡ ይእቲ ትበኪ ወትቤ
ቀቲሎትየ ይቅድሙ፡ እምእርአይ ለወልድየ ዘይትከዐው ደሙ።
ምሥጢረ መንግሥት ሠናይ ለኀቢእ ወግብረ ጽጌኪ በክብር ለከሢት፡
ሩፋኤል መልአክ በከመ ይቤሎ ለጦቢት፡ ተአምርኪ ማርያም
ለዘየኀብእ ስሑት፡ ትኅብኦ ምድር ሕያዎ እስመ አኀዞ ቅንአት፡ በከመ
ኀብአቶ ሕያዎ ለዳታን ትካት። ለተአምርኪ ማርያም ኀጥእ ውእቱ
ዘአስተቶ፡ ከመ ስብሐቲሁ ኢይርአይ እስመ ጽጌኪ አእተቶ፡
ለተአምርኪሰ እንዘ ይነግር ረድኤቶ፡ ቦ ዘፈለሰ ኀዲጎ ብእሲቶ፡ ወቦ
ገዳመ ዘወፈረ መኒኖ መንግሥቶ። ተአምረ ፍቅርኪ ማርያም ይገብር
መንክረ፡ እንዘ ጻዕረ ሞት ያረስዕ ወያስተጥዕም መሪረ፡ እመዓዛ ጽጌኪሰ
ለዘበዐውደ ስምዕ ሰክረ፡ ውግረተ አእባን ይመስሎ ሐሠረ፡ እሳተ ማየ
ባሕረ ቈሪረ። ቀስተ ደመና ማርያም ትእምርተ ኪዳኑ ለኖኅ፡
ዘእግዚአብሔር ሴመኪ ለተዝካረ ምሕረት ወፍትሕ፡ ህየንተ ቀሰፋ
ለምድር ወአማሰና በአይኅ፡ በእንቲኣኪ አሠርገዋ በጽጊ ኵሉ አቅማሕ፡
ከመ በከዋክብት አሠርገዎ ለሰማይ ስፉሕ። ይትባረክ ጽጌኪ ማርያም
ለልብየ ፍቅርኪ ዘከፈሎ፡ ወኢያርኀቀ እምኔየ ለኪዳንኪ ሣህሎ፡
ትእምርተ ኪዳንኪ ይሁብ ለዘማውያን ተደንግሎ፡ ሶበሰ ኪዳንኪ
ምክንያተ ድኂን ኢሀሎ፡ ፈለገ እሳት ወደይን እምአስጠመ ኵሎ። ዘኒ
ስብሐተ ወዘኒ ማኅሌተ፡ ተአምርኪ ጸገየ ወፈረየ ሊተ፡ ከመ እሰብሕ
ዳግመ እንዘ እጸውር ጸበርተ፡ ምስለ እለ ሐፀቡ አልባሲሆሙ በደመ
በግዑ ድርገተ፡ ውስተ ባሕረ ማሕው ድንግል ክፍልኒ ቁመተ።
ለምንት ሊተ ኢትበሊ እምአፈ ኀጥእ ውዳሴ፡ ይበቍዐኒ ዘብየ እምአፈ
ጻድቃን ቅዳሴ፡ ጽጌ መድኀኒት ማርያም ዘሠረፅኪ እምሥርወ እሴ፡
እመ ተወከፍክኒ ኪያየ አባሴ፡ ተአምረኪ የአኵት ብናሴ። አእሚርየ
ማርያም ከመ ዘልፈ ታፈቅሪ፡ ሰላመ መልአክ ለኪ እንተ ጽጌ ረዳ
ትፈሪ፡ ለለ አማኅኩኪ ባቲ ከመ ገብርኤል አብሣሪ፡ አፈዋተ ጽጌ
እምልሳንየ ትእርሪ፡ ትእምርቶ ለሠናይ ምስሌየ ግበሪ። አይቴኑ
መልአክ ዘአብሠረኒ ብካይየ ይርአይ ወይርድአኒ፡ አልብየ ሰብእ
ዘየአምረኒ፡ እንዘ ትብሊ ድንግል አራኅራኅክኒ፡ በገዳም አመ ነሥኡኪ
ልብሰ ወልድኪ ረቡኒ፡ ጸላኢ ወተቃራኒ ፈያታይ ማኅዘኒ። ናሁ ጸገየ
ወወሀበ መዓዛ፡ ተአምርኪ ናርዶስ ለቤተ ክርስቲያን ዘየሐውዛ፡ እንዘ
ታረውጽኒ ቦቱ ማርያም ፍኖተ ሎዛ፡ አጕይይኒ ከመ ወይጠል ወከመ
ኀየል ወሬዛ፡ እምገጸ ኀጢአት እኅተ አርዌ ዘይቀይእ ኅምዛ። ሰመዩኪ
ነቢያት እለ ርእዩ ኅቡኣተ፡ ገነተ ጽጌ ዕፁተ ወኆኅተ ሰማይ ኅትምተ፡
እግዚአብሔር ወሀበ እንዘ ይብል ለቤተ ዳዊት ትእምርተ፡ ከመ ትፀንሲ
ድንግል ወትወልዲ ሕይወተ፡ ኢሳይያስኒ ነገረ ክሡተ። ተአምርኪ
መጽሐፈ ጽጌ በኀቤየ ክቡር፡ ከመ ወንጌሉ ቅዱስ ለሕፃንኪ ፍቁር፡
ጽላተ ኪዳን ማርያም ጸዋሪተ ትእዛዝ ዐሥር፡ እምይደቅ እምቃልኪ
አሐዱ ነገር፡ ይቀልል ኅልፈቶሙ ለሰማይ ወምድር። ኢየኀፍር ቀዊመ
ቅድመ ሥዕልኪ፡ ወርኀ ጽጌ ረዳ አመ ኀልቀ፡ ዘኢየኀልቅ ስብሐተ
እንዘ እሴብሐኪ ጥቀ፡ ተአምርኪ ማርያም ከመ አጠየቀ፡ ጸውዖ ስመኪ
ያነሥእ ዘወድቀ፡ ኀጥአኒ ይሬሲ ጻድቀ። ኦ ዝ መንክር በዘዚኣኪ
አምሳል፡ ኮከበ ትንቢት ዘቦቱ መልክዐ ሕፃን ሥዑል፡ ሠኒቀ ያርኢ
ተአምርኪ ድንግል ወመርሖሙ ለሰብአ ሰገል እምርኁቅ ደወል፡ ጽጌኪ
ኀበ ሀሎ ሰኪቦ በጎል። ኅብረ ሐመልሚል ቀይሕ ወጸዓጽዒድ አርአያ
ኰሰኰስ ዘብሩር፡ ተአምርኪ ንጹሕ በአምሳለ ወርቅ ግቡር፡ ተፈጸመ
ናሁ ማኅሌተ ጽጌ ሥሙር፡ አስምኪ ቦቱ ንግሥተ ሰማይ ወምድር፡
አመ ቦ በሕፅንኪ ያሰምክ ፍቁር። ተመየጢ እግዝእትየ ሀገረኪ
ናዝሬተ፡ ወኢትጐንድዪ በግብጽ ከመ ዘአልብኪ ቤተ፡ በላዕሌኪ አልቦ
እንተ ያመጽእ ሁከተ፡ ለወልድኪ ዘየኀሥሦ ይእዜሰ ሞተ፡ በከመ ነገሮ
መልአክ ለዮሴፍ ብሥራተ። ለምንት ሄሮድስ ለወልደ ዳዊት ከመ
ይቅትሎ ዘኀሠሦ፡ እስመ መሰሎ በቅንአት ዘይወርስ ንግሦ፡ ስእነት
እሙ አግይዮቶ ወእምብካያ ተዐግሦ፡ በደብረ ቍስቋም እንዘ ትስዕም
ርእሶ፡ ፈያትኒ አመ ነሥኡ ልብሶ። አብርሂ አብርሂ ናዝሬት ሀገሩ፡
ንጉሥኪ በጽሐ ዘምስለ ማርያም መፆሩ፡ ጣዖታተ ግብፅ ኵሎ ቀጥቂጦ
በበትሩ፡ ይጕየዩ ወይትኀፈሩ ሠራዊተ ሄሮድስ ፀሩ፡ ዘበላዕሌሁ እኩየ
መከሩ። ወለተ ዳዊት በሊ እንዘ ትነግሪ ዘእግዚአብሔር አድኅኖ፡
ወታየድዒ ሥልጣኖ፡ ርኢክዎ ለኀጥእ ዐብየ ወተለዐለ ከመ አርዘ
ሊባኖስ ከዊኖ፡ ኀሠሥክዎ በግብአትየ ወኢተረክበ መካኖ፡ እስመ ሰበረ
ወልድየ ለሄሮድስ ቀርኖ። ዘሰ ይብል አፈቅረኪ ወኢያፈቅር ተአምረኪ
ክርስቲያናዊ፡ ኢ ክርስቱን አይሁዳዊ ወሠርፀ እስጢፋ ሐሳዊ፡ አንሰ
እቤ በማኅሌተ ሰሎሞን ወልደ ሰንቃዊ፡ አፈቅሮ ለፍግዕኪ ወለተ ይሁዳ
ወሌዊ፡ ከመ መርዓቶ ያፈቅር ጽጌኪ መርዓዊ። ዐቢይ ውእቱ ስብሐተ
ተአምርኪ ጸግዮትኪ በድንጋሌ፡ ወፈርዮትኪ በንጽሕ ቍርባነ አምልኮ
መጥለሌ፡ ማዕጠንተ ሡራፊ ዘወርቅ ወጽዋዐ ኪሩብ እንተ ቢረሌ፡
ወአልቦ ጸሎት ወአልቦ ትንባሌ፡ እንበሌኪ ማርያም ዘየዐርግ ሉዓሌ።
ተአምረ ፍቅርኪ ማርያም በማኅበረ ጻድቃን ተወደሰ፡ ወፈድፋደሰ
በላዕለ ኀጥኣን ነግሠ፡ እስመ አሕየወ ሙታነ ወሕሙማነ ፈወሰ፡ ቦ
ዘይቤ አጽገየ ዘየብሰ፡ ወቦ ዘይቤ አድባረ አፍለሰ። ስብሐተ ፍቅርኪ
ማርያም ኵሎ አሚረ፡ በልሳነ ኵሉ ይጸጊ ወኢይፈርህ አባረ፡ ዘያረጥብ
የብሰ ወያየብስ ባሕረ፡ እስመ ብኪ ጠለ ተአምር እንተ ርደቶ ነጸረ፡
ጌዴዎን ኀበ ሰፍሐ አምሳልኪ ጸምረ። ማእረረ ትንቢት ማርያም ዘመነ
ጽጌ እንግዳ፡ ወዘመነ ፍሬ ጽጋብ ዘዓመተ ረኀብ ፍዳ፡ ብኪ ተአምረ
ዘይቤ ኢዩኤል ነቢየ ኤልዳ፡ ያንጸፍጽፍ እምአድባሪሁ ወእምአውግሪሁ
ለይሁዳ፡ ጸቃውዐ መዓር ቅድው ወሐሊብ ጸዓዳ። ምዕረ በዘባንኪ
ወምዕረ በገቦኪ፡ ማርያም ብዙኀ በሐዚለ ሕፃን ደከምኪ፡ ሶበኒ የሐውር
በእግሩ ከመ ትፁሪዮ ይበኪ፡ አልቦ እንበለ ሰሎሜ ዘያስተባርየኪ ለኪ፡
ወዮሴፍ አረጋዊ ዘይጸውር ስንቀኪ። አድኅንኒ በተአምርኪ ዳግመ
ኢያስቆቁ፡ ሰቈቃወ ዚኣኪ ድንግል ይበቍዐኒ በሕቁ፡ እስመ አንቲ
ወትረ መድኀኒተ አዳም ወደቂቁ፡ ኅልዪ ኀጥኣነ እስከ አድኀነ በጽድቁ፡
ከመ ጽጌኪ ንጉሥ ተሰቅለ ዕራቁ። ኦ ሰላመ ሰጣዊት እንተ ትሔውጺ
እምርኁቅ፡ ወትትረአዪ ለኵሉ በደብረ ምጥማቅ፡ ተፈሥሒ ድንግል
ዘገዳመ ጽጌ ማዕነቅ፡ እስመ ተሰምዐ በምድርነ ቃለ ተአምርኪ ጽድቅ፡
ለአድኅኖ ኀጥእ ዘይበቍዕ እምብሩር ወወርቅ። ጽጌ ደመና ማርያም
ሥጋኪ ዘገብረ ግልባቤ፡ ትእምርተ መዊዕ ምህርካ ነሢኦ እምንዳቤ፡
ሶበ ዐርገ ወልድ ኀበ ወግረ ስኂን ወከርቤ፡ አርኅዉ ኆኃተ መኳንንት
ለንጉሠ ስብሐት ዘይቤ ተሰምዐ ቃለ ቀርን ወደምፀ ይባቤ። በሠላስ
አእባን ገጸ ሥላሴሁ ለአምሮ፡ ሐኒፀ ቤትኪ ድንግል ድኅረ ፈጸመ
ሣርሮ፡ አመ ወረደ ለበዓል ምስሌኪ በአማኅብሮ፡ እንዘ ይብላ ለዘምሮ፡
ልዑል ቀደሰ ማኅደሮ፡ ደናግል ለጽጌኪ ዘበጣ ከበሮ። ኡራኤል ለሄኖክ
ዘአርአዮ ትእምርተ አምሳልኪ ቤተ ነድ፡ ዘመብረቅ ጠፈራ ወኅብራ
በረድ፡ በከመ ተነበይኪ ድንግል ጽጌ ነጐድጓድ፡ ያስተበፅዑኪ ኵሉ
ትውልድ፡ ወእምኔሆሙ አንሰ ገብርኪ ዋሕድ። በላዕሌኪ ወበዮርዳኖስ
ወበታቦር ሥልሰ ጊዜያተ፡ ዘአልቦ ተውሳክ ወአልቦ ሕፀተ፡ ለውሉደ
ሰብእ ያርኢ ዘሥላሴሁ ገጻተ፡ ጽጌኪ ድንግል ተአምሪሁ ከሠተ፡
ወበጸዳሉ አብርሀ ጽልመተ። እንዘ ይጸውርኪ በሐቂፍ ወይስዕመኪ
በአፍ፡ አመ አፍለስኪ ወልድ ውስተ የማኑ ለዐሪፍ፡ ጽጌሰ ማርያም
ዘትፄንዊ ለአንፍ፡ እንዘ ይትጐድኡ አክናፈ በክንፍ፡ ለቅበላኪ ወረዱ
አእላፍ። ትእምርተ ፍልሰትኪ እምድረ ጽጌ ኦ ድንግል በክልኤ፡
በደመና ሰማይ አርአየ ዘሐዋርያት ጉባኤ፡ ወእለ ሞቱ አንቅሐ
እምከርሠ መቃብር በቀርነ ጽዋዔ፡ ለነሰ እስከ ይብሉ ሶበ ሰማዕነ
ውዋዔ፡ መሰለነ ዘበጽሐ ትንሣኤ። ዘብኪ በል። እምትካት አይሁድ
በቅንአቶሙ ይጸልኡኪ ጥቀ፡ በእንተ ዘወለድኪ በድንግልና ወልደ
ጻድቀ፡ ሰደዱኪ እምቤተ ልሔም እንበለ ታልኅቂዮ ሕቀ፡ ለእደቅ
በብሔር ባዕድ ከመ ኀደርኪ ውዱቀ፡ ማርያም እንግዳ ተአልብኪ
ዐውቀ፡ ዘይትዌከፈኪ ወይሁበኪ አሐተ ጸሪቀ።
 ማዕዶት
እስ ዛቲ ፋሲካ ቀዳሚት ሕግ በከመ ይቤ ያዕቆብ ዘሥሩግ ዛቲ ፈሲካ
ቀዳሚት ሕግ። ዕዝ ፋሲካ ብሂል ማዕዶት በዘቦቱ ዐዶነ እሞት ውስተ
ሕይወት። ምል ፋሲካ ብሂል ማዕዶት ብሂል ፋሲካ ብሂል ማዕዶት
ብሂል ማዕዶት ብሂል። ዘይ ትንሣኤሁ ለመድኀኒነ ክርስቶስ ብርሃን
ኮነ ለአሕዛብ በሰ አሰሰለ ኵሎሙ ሙስና ዘበምድር እስ እምሰብእ
እምላዕለ ሰብእ ፍጹመ አግዐዞ ለሰብእ። ይት ሰአለ ዮሴፍ በድኖ
ለኢየሱስ ወገነዘ በሰንዱናት ወቀበሮ ውስተ መቃብር ሐዲስ ኀበ
አልቦቱ ዘተብረ ለዓል አቡሁ አንሥኦ ለወልዱ እሙታን ወወሀቦ
ስብሐተ ወጸገወ ስመ ዘየዐቢ እምኵሉ። አቡ ሃሌ ሉያ ንግበር በዓለ
በትፍሥሕት መንፈሳዊተ ቅድስተ ተነበዩ ነቢያት በእንቲኣሁ
እንባቆምኒ ይቤ መልአ ምድረ ስብሐቲሁ ጽፋ እንባቆምኒ ይቤ መልአ
ምድረ ስብሐቲሁ ትንሣኤሁ። ዘሠሉስ ዛቲ ዕለት ዐባይ ፋሲካ ተዝካረ
ትንሣኤሁ ለመድኀኒነ እስመ ነገረነ በእንተ ወልዱ ዘረሰዮ በኵረ እስመ
በትንሣኤሁ ቤዘወነ። ዕዝ ይገብሩ በዓለ መላእክት ይገብሩ በዓለ
ሰማያት ይገብሩ በዓለ ደመናት ባሕርኒ ማዕበልኒ ይገብሩ በዓለ እንስሳ
ገዳምኒ ይገብሩ በዓለ አዕዋፈ ሰማይኒ ይገብሩ በዓለ ወባሕርኒ ንግበር
በዓለ ተዝካረ ትንሣኤሁ ለመድኀኒነ። ምል ይገብሩ በዓለ መላእክት
ይገብሩ በዓለ ሰማያት ይገብሩ ይገብሩ በዓለ። ዘይ ለሞት ለዓ ለሞት
ወለሕይወት ሥልጣን ብከ ተንሣእከ ወአንሣእከ ቅዱሳኒከ። ይት
እምድኅረ ተንሥአ እሙታን አስተርአዮሙ ለዐሠርቱ ወክልኤቱ
ረዳኢሁ ስብ ትንሣኤሁ ገብረ ለኵሉ ዘሥጋ። አቡ በ፩ ዮምሰ
በሰማያት ይትፌሥሑ መላእክት ሙሴኒ ይቤ ይትፌሥሑ ሰማያት
ኅቡረ እስመ ተንሥአ እሙታን በሥልጣን ወበኀይል እስመ ሥልጣነ
አቡሁ ተውህበ ሎቱ ይትፌሥሑ ሰማያት በላዕሉ ወምድረኒ
ትትኀሠይ በታሕቱ ወይትኀሠያ ደሰያት በትንሣኤሁ እምነ ምውታን።
ዘረቡዕ እስ ዐፀውተ ሲኦል አድለዉ ሎቱ ወይቤሉ ዝኬ ውእቱ
ክርስቶስ ዘወረደ ኀቤነ ከመ ያንሥእ ኵሎ ሙታነ። ዕዝል ተፈሣሕ
በቃለ እግዚአብሔር አምላክከ ግበር በዓለ ፈሲካሁ ወዮም ትንሣኤሁ
እንተ ወኵሉ ቤትከ ግበር በዓለ ፋሲካሁ ወዮም ትንሣኤሁ በሰ ዛቲ
ፋሲካ ዕለተ በርህ ወዋካ ዛቲ ፋሲካ። ዘይ ለአልኣዛር ጸውዖ እመቃብር
አንሥኦ ለዓ ፃዕረ ዘሞት ፈትሐ እሙታን ተንሥአ ሞዖ ለሞት። ይት
ድምፀ ቃልከ ይስማዕ ሞት ወይደንግጽ ሲኦል በትንሣኤከ ዘኢየአምን
ይጕየይ ወይዘርዘር ኵሉ ዘፍጥረታተ ኅምዝ። አቡ በ፭ አልቦ ዘገብረ
በዓለ ዘከመ ገብረ ኢዮስያስ በዓለ ፋሲካ ተፈሢሓ ውእቱኒ ወኵሉ
ቤቱ ወገብረ በዓለ ወንሕነኒ ንትፈሣሕ ዮም ወንግበር በዓለ ተዝካረ
ትንሣኤሁ ለመድኀኒነ ። እስ አምላከ አዳም ሠርዐ ሰንበተ ለብዙኅ
አዝማን ዕረፍት ለእለ ውስተ ደይን ትፍሥሕት ወኀሤት ለጻድቃን።
ዕዝል ዮም ሠረፁ ጽጌ በረከት ወበዝኁ ውሉደ ጥምቀት ትምህርተ
መድኀኒት ቆመ ማእከለ አሕዛብ እስመ ቤዘወነ ክርስቶስ በዕፀ መስቀሉ
ወተሣየጠነ በክዕወተ ደሙ ገብረ ሕይወተ ማእከሌነ ይዜንዉ
መላእክት ከመ ተንሥአ ወልድ እሙታን ይትፌሥሑ ዮም ሰማያት
እስመ ተንሥአ ወልድ ወትትኀሠይ ምድር በቃለ ትፍሥሕት። ይቤሎ
እግዚኡ ለአዳም ተፈሣሕ ዮም ምስሌየ እስመ አሕየውኩከ በሞትየ።
ምል ይቤሎ እግዚኡ ለአዳም ይቤሎ እግዚኡ ለአዳም ተፈሣሕ ዮም።
ዘይ ተንሥአ ከይዶ በሰ መቃብሪሁ ለአዳም ከይዶ ተንሥአ። ይት
ይእዜ እትነሣእ ይቤ እግዚአብሔር እሬሲ መድኀኒተ ወአግህድ ቦቱ።
አቡ በ፪ ዝኒ ፋሲካ ዘንገብር አኮኑ ለክርስቶስ ሕማማቲሁ ውእቱ
ተዝካረ ትንሣኤሁ ለመድኀኒነ ኪያሁ ረሰዮ መልአከ ሕይወት
ወአንበሮ በየማኑ አንሥኦ ለወልዱ እሙታን ወወሀቦ ስብሐተ። ዘዐርብ
እስ ኀያላን ሰብእ ዘኢይክሉ ጠይቆቶ ተሰቅለ ወሐመ በእንቲኣነ
አፍቂሮ ኪያነ ሠርዐ ለነ ሰንበተ ለዕረፍት እንዘ አኃዜ ኀይል ኀይል
ለኵሉ ፍጥረት። ዕዝ እምከመሰ ቅዱሳነ ንዜከር ፋሲካነ ንግበር
ወኪያነሂ እግዚእነ ያንሥአነ በትንሣኤሁ። ዘይ በደሙ ቤዘዋ ወበማይ
ዘውሕዘ እምገቦሁ አጥመቃ ለዓ ወረሰዩ ለቅድስት ቤተ ክርስቲያን።
ይት ውእቱ ባሕቲቱ አምላክ መድኀኒትነ ሀገሪትነ ክርስቶስ በኵረ ኮነ
እሙታን ወንገኒ ለስሙ ቅዱስ። አቡ በ፭ እንዘ ወዲሙ ኢኮንክሙ
ሕዝቦ ይእዜሰ ሕዝበ እግዚአብሔር አንትሙ እንዘ ቀዲሙ አልቦ
ዘይሜህረክሙ ዮም ተሠሀለክሙ በሤጥ ተሣየጠክሙ በትንሣኤሁ
እምነ ሙታን። ዘቀዳሚት እስ ማእከለ ክልኤ ፈያት ተሰቅለ
ወአውረድዎ እምዲበ መስቀል ወቀበርዎ ሀገረ ኀበ ምሕዋረ አንስት
ማርያም ወላዲተ አምላክ ወማርያም መግደላዊት። ዕዝል አቅዲሙ
ነገረ በደኃሪ መዋዕል ከመ ይትነሣእ ክርስቶስ አንስት አንከራ ወነገራ
ከመ ተንሥአ እግዚእነ እሙታን። ምል አንስት አንከራ ትንሣኤሁ
ነገራ አንስት አንከራ አንስት አንከራ ትንሣኤሁ ነገራ አንስት አንከራ።
አቡ በ፬ እምድኅረ ተንሥአ እሙታን አስትርአዮን ቀዲሙ ለአንስት
ለማርያም ወላዲተ አምላክ ወለማርያም መግደላዊት ለሣራ ወለሰሎሜ
ወለኵሎን ለሳራ ወለሰሎሜ ወለኵሎን ቅዱሳት አንስት አንስት አንከራ
ትንሣኤሁ ወነገራ ለአርዳኢሁ። ዓራ አንስት አንከራ ትንሣኤሁ ነገራ
ለአርዳኢሁ። ይት በከመ ጽሑፍ በወንጌል ዘይቤ ቃለ ሕይወት
ዘለዓለም ብከ ለዓ አንሥአ ለነ ቀርነ መድኀኒትነ። አመ ሣልስት አመ
ሣልስት ዕለት ሞዖ ለሞት ገብረ ትንሣኤ በሰንበት ብዙ አመ ሣልስት
ዕለት ሞዖ ለሞት ገብረ ትንሣኤ በሰንበት ለዓ አመ ሣልስት ዕለት
ሞዖ ለሞት ገብረ ትንሣኤ በሰንበት። ምል እስመ ሞዖ ለሞት እስመ
ሞዖ መላእክት ዮም ይትፌሥሑ ወልድ ሞዖ ለሞት ወተንሥአ።
ብፁዕ ዘይ ሠርከ ሰንበት ለጸቢሐ እኁድ ኮነ ትንሣኤ እምዕ ሠርከ
ሰንበት ለጸቢሐ እኁድ ኮነ ትንሣኤ ለዓ ሠርከ ሰንበት ለጸቢሐ እኁድ
ኮነ ትንሣኤ። ምል ይገብሩ በዓለ ይገብሩ በዓለ ባሕርኒ ማዕበልኒ
ይገብሩ በዓለ። መወድስ ክርስቶስ ተንሥአ እሙታን በዐቢይ ኀይል
ወሥልጣን አሰሮ ለሰይጣን አግዐዞ ለአዳም ሰላም እምይእዜሰ ይኩን
ሰላም። ምል ኀይለ ጽልመት ተሰደ ኀይለ ጽልመት ተሰደ በሰንበት
ኀይለ ጽልመት ተሰደ። ኵልክሙ ዮም በዛቲ ዕለት ሰበካ ትንሣኤ
አዋልዲሃ ለጽዮን ለዓለም ዮም በዛቲ ዕለት። ምል ተስፋ ሕይወት
ተሠርዐ ተስፋ ሕይወት ተሠርዐ ነሰማያት ተስፋ ሕይወት ተሠርዐ።
ምል በመንጦላዕተ ሥጋሁ በመንጦላዕተ ሥጋሁ ግብተ እስመ ሐደሰ
ለነ ሥርዐተ። ምል ረከባ መልአክ ዘይነብር ትርአሰ ወይቤ አምላክ
ተንሥአ ወይቤ አምላክ ተንሥአ። ዘይ እምድረ ግብፅ አውጽኦሙ
ወበመዝራዕቱ መርሆሙ በሰ ወይቤሎሙ ግበሩ በዓለ በትፍሥሕት
ለዓ ዛቲ ፋሲካ ቀዳሚት ሕግ ወሥርዐት። ዛቲ ፋሲካ ተዝካረ
ትንሣኤሁ ለመድኀኒነ ዛቲ ፋሲካ ለኵልነ በዓል ለኵሉ በዓል። ምል
ዛቲ ፋሲካ ቀዳሚት ሕግ በከመ ይቤ ያዕቆብ ዘሥሩግ ዛቲ ፋሲካ
ቀዳሚት ሕግ። እምድኅረ ወሀበ ሥጋሁ ወደሞ ተኈለቈ ምስለ ጊጉያን
ኢያውሥአ ቃለ ለእለ ይሴአልዎ ስብ ነበረ ሠሉሰ ውስተ ልበ ምድር
ትንሣኤ ሰመያ ለበዓለ ፋሲካ። ምል ትንሣኤ ሰመያ ትንሣኤ ሰመያ
ለበዓለ ፋሲካ ትንሣኤ ሰመያ። ፋሲካ ግበሩ ለሕዝበ ፋሲካ አብሥሩ
ፋሲካ ሕዝበ ፋሲካ ቤተ ፋሲካ ከመ ትኅድሩ። ማኅ ንፍሑ ቀርነ
በጽዮን ስብኩ በደብረ መቅደስ ወዜንዉ ትንሣኤየ። ምል በጽዮን
ንፍሑ ቀርነ በደብረ መቅደሱ ንፍሑ ቀርነ። ስብ እምእቶነ እሳት
ዘይነድድ አንግፈነ ወተንሥአ ዘይትዐፀፍ ብርሃነ። ለደቂቅ በል። ምል
እምእቶነ እሳት ዘይነድድ አንግፈነ ብርሃናተ ዘይትዐጸፍ ተንሥአ ለነ።
ስብ ተንሥአ ክርስቶስ እሙታን በዐቢይ ኀይል ወሥልጣን እምዝ
ዳግመ ኢይረክቦ ሞት። ምል ዳግመ እምዝ ኢይረክቦ ሞት ከመዝ
ዳግመ እምዝ። ስብ ብዙኃነ ሙታነ አንሢኦ ቅድመ ውእቱ ተንሢኦ
በሣልስት ዕለት። ሰብሕዎ እስከ ምልጣኑ ድረስ አቡ በ፩ ይትፌሣሕ
ሰማይ ወትትኀሠይ ምድር መላእክተ እግዚአብሔር ወመኳንንት
ነገሥተ ምድር ሰብሕዎ ለዘተንሥአ እሙታን ማንሻ ዮምሰ ዐቢይ
ትፍሥሕት ኮነት ለነ። ሰላም ፍጹመ ንጉሠ ኰነንዎ አይሁድ ተካፈሉ
አልባሲሁ ሐራ ሠገራት ወኮርዖዎ ርእሶ በሕለት ረገዝዎ ገቡሁ
በኲናት ትንሣኤሁ ገብረ በሰንበት ሰላመ ይጸጉ ለነገሥት ለአሕዛብ
ወለበሐውርት። ምል ሰላመ ይጸጉ ለነገሥት ለአሕዛብ ወለበሐውርት።