MACROECONOMICS 06/20/2022

Në fund të javës së kaluar FED vendosi një rritje tjetër të normës bazë të interesit (Fed funds) prej 0.75%, e para e kësaj amplitude që nga viti 1994. Sigurisht që
ecuria e furishme e rritjes së çmimeve e kishte bërë thuajse të pashmangshme një lëvizje në rritje por t5 bps ishte gjithsesi një surprizë për tregun.
Norma e inflacionit USA

Duket se norma e inflacionit do të marrë kohë për të nisur uljen pasi tashmë duket se kjo normë është incorporuar çmimet e larta të mallrave dhe një treg pune
shumë të shtrënguar. Qe inflacionin të ulej më shpejt, do të duhej që ana e ofertës së sidomos të mallrave të zgjerohej më shpejt në mënyrë që të jetë më afër
ekuilibrit me kërkesën e fortë. Por kjo nuk ka gjasa të ndodhë në së afërmi duke pasur parasysh mungesën e ofërtës në tregun e punës në SHBA, luftën në Ukrainë,
strategjinë zero-COVID në Kinë dhe gjasat e bllokimeve të përsëritura deri në vitin 2023.
Pritshmëria ende është që inflacioni i mallrave të bjerë në një mënyrë më kuptimplotë në fund të këtij viti por inflacioni në sektorin e shërbimeve, me strehimin si
shtytësin e tij kryesor, nuk ka gjasa të arrijë kulmin përpara vitit 2023. Çmimet e larta të ushqimeve dhe energjisë do të mbajnë gjithashtu inflacionin total të lartë
për një periudhë kohore më gjatë, duke ruajtur presioni rritës mbi pritjet inflacioniste të konsumatorëve .
 MACROECONOMICS 06/20/2022

Edhe lënia hapur e mundësisë për një rritje tjetër të së njëjtës përmasë, është një tjetër element i ri në lidhje me pritshmëritë lidhur me reagimin e bankës qendrore
të SHBA për sa i përket ecurisë së inflacionit.

Pritshmërite e anëtarëve vendimarrës të FOMC (Federal Open Market Committee) që përcakton nivelin e normës së Fed funds.

Dhjetor 2021 Qershor 2022

Si rezultat, projeksionet aktuale tregojnë një shtrëngim shumë më të shpejtë dhe më të fuqishëm të politikës sesa disa muaj më parë, me 175bp rritje të normës
nga tani dhe për pjesën tjetër të vitit 2022 duke arritur në nivelin rreth 3.5 - 4% deri nga fillimi i vitit 2023, sidomos nën ndikimin e çmimeve të ushqimeve dhe
energjisë.
 MACROECONOMICS 06/20/2022

Ecuria e politikës shtrënguese po e bën gjithnjë e më të mundshme që ekonomia e SHBA të hyjë në një recesioin të mirëfilltë në vitin 2023. Ritmi i rritjes së
normës bazë duket se është më agresivi që nga cikli shtrëngues i vitit 1988.
 MACROECONOMICS 06/20/2022

Evidentohet se normat e interesit të kredive hipotekare janë rritur ndjeshëm dhe shitjet e shtëpive kanë rënë. Është thjesht çështje kohe përpara kjo do të
reflektohet në një aktivitet shumë më të dobët të ndërtimit (nisja e banesave të reja tashmë kanë eënë 14% në maj), dhe rrjedhimisht edhe me çmime më të
ulëta. Një rënie në investimet për banesa duhet gjithashtu të çojë në kërkesë më të dobët për mallra dhe çmime më të ulëta të aseteve do të rëndojë në
perceptimet e konsumatorit dhe të biznesit, me efekte negative negative në konsum dhe punësimin. Një dollar i fortë duhet gjithashtu të dëmtojë aftësinë
konkurruese të firmave dhe t'i godasë marzhet e tyre fitimit duke ndikuar në nivelin e kërkesës agregate.

Divergjenca e theksuar e politikës monetare midis ECB dhe FED është thelluar kohët e fundit. Megjithatë, shifrat shumë të larta të inflacionit për eurozonën ka
rritur shumë presionin ndaj ECB për të vepruar me në shumë vendosmëri nga sa ka qenë pritshmëria apo orientimi i shpallur i ECB deri më tani. Duke shpallur një
rritje e normës bazë të referencës prej 0.25% për korrikun duke indikuar njëkohësisht një rritje tjetër prej 0.50% për shtatorin, ECB tani perceptohet qartë se
angazhohet për të luftë kundër inflacionit, ndërkohë që thekson se «inflacioni do të qëndrojë në nivele të larta të padëshirueshme për disa kohë".
 MACROECONOMICS 06/20/2022

Pritshmëria aktuale është që ECB të rrisë në secilin nga gjashtë takimet e saj të ardhshme normën e interesit, përgjithësisht me 0.25%.
Eurozone Consumer Price Index ECB forecast rate

Një efekt i rëndësishëm anësor i qasjes më agresive të ECB lidhur me normat e interesit është problemi i divergjencave mes yields të titujve mes vendeve të
Evropës Veriore dhe tyre Jugore. Shpallja e rritjes së pritshme të normës së referencës solli thuajse menjëherë shfaqjen dhe tendencën për thellim të kësoj
divergjence.
Si rrjedhojë e kësaj situate, ECB ditët e fundit shpalli se ka nisur punën për
krijimin e një qasje “antifragmentuese” si përpjekje për zbutje të spread-eve
mes titujve, sidomos italinë me ata gjermanë. Thelbi i kësaj lëvizje ka të bëjë
me mundësinë që ECB të përdorë cash-in e përftuar nga mosinvesitmi i
titujve që maturohen (të blera në kuadër të quantitative easing) për të
mbështetur tituj nga vendet më vulnerabël (në veçanti shqetësuese është
situata e Italisë për shkak të borxhit shumë të madh të kësaj të fundit).