Suliraning Nasyonal

Global Warming in the Philippine

a. Paglalarawan ( Obserbasyon, impormasyon, o Ebidensya)

- Ang climate change ay ang pagbabago ng klima o panahon dahil sa pagtaas ng greenhouse gases na
nagpapainit sa mundo. Nagdudulot ito ng pagbaha o tagtuyot, nagkakaroon ng mas maraming bagyo, at
pagguho ng lupa. Nagkakaroon rin ng epekto sa pang araw-araw na buhayan ng tao, pagbaba ng
produksyon sa agrikultura at pagtaas ng bilang ng kaso ng iba’t ibang sakit o karamdaman.

b. Dahilan/Resulta (cause and effect)

- Isa sa maraming dahilan ng climate change o pagbabago ng klima ay polusyon dala ng pagsunog ng
plastic at karaniwang basura, usok na nagmumula sa mga sasakyan, planta,agrikultura,pagkakaingin, mga
gases mula sa mga kagamitan at pagpuputol ng mga puno.

-Epekto: Ang climate change ay nagdudulot ng malalim at malawakang epekto sa ating kalikasan at
lipunan. Narito ang ilan sa mga epekto nito: Pagtaas ng global na temperatura ay nagdudulot ng mas
matinding init sa mga panahon ng tag-init, na maaring magresulta sa mas matinding tagtuyot, pag-init ng
mga karagatan, at pagkawala ng yelo sa mga polar na rehiyon. Dahil sa climate change, maaaring
magkaruon ng mas matinding pag-ulan o tagtuyot sa iba't-ibang bahagi ng mundo, na maaaring
magdulot ng mga pagbabago sa mga ekosistema at pati na rin sa mga industriya tulad ng agrikultura at
pangingisda. Ang mas matinding init at pagbabago sa klima ay maaring magdulot ng mga problema sa
kalusugan tulad ng pagtaas ng mga heatstroke cases, pagkalat ng sakit na dulot ng mga lamok na may
dengue o malaria, at mas mataas na panganib ng malnutrisyon. Ang pag-init ng mundo at pagbabago sa
klima ay maari ring magdulot ng pagkasira sa mga natural na ekosistema tulad ng mga kagubatan,
korales, at mga tundra. Ito ay maaaring magkaruon ng epekto sa mga hayop at halaman na nakadepende
sa mga ekosistemang ito.

c. Resolusyon at/ Hakbang

- Isa sa karaniwang resolusyon ngunit mahirap gawin para sa mga tao ay ang Pangangalaga sa Kalikasan,
Maaari tayong magsimula sa pamamagitan ng pangangalaga at pagpapalaganap ng kaalaman ukol sa
kalikasan, pagtitipid ng enerhiya, at pagbabawas sa paggamit ng single-use plastics. Isa pang solusyon ay
ang recycling at pagbabawas ng basura ay makakatulong sa pag-save ng kalikasan. Maaari tayong mag-
recycle ng papel, plastik, at iba pang recyclable materials. Pananagot sa wastong pamamahala ng basura.
Maaari rin magbigay ng parte ang gobyerno sa pagsulong ng pagbabawas ng mga dahilan sa global
warming, maaari silang maglabas ng memorandum o policy o batas na nagbabawal ng ilang masasamang
Gawain na nagsasanhi ng global warming. Maaari ring gawan ng paraan ng gobyerno ito sa pamamagitan
ng pagsulong ng mga proyekto na mas makakapagpabuti sa kundisyon ng ating klima tulad ng proper
waste segregation, pagtatanim ng mga puno at iba pa.