Detyrimet ndaj shtetit

- Tatimi mbi fitimin:

Tatimi mbi fitimin është një tatim i vendosur mbi bazën e tatueshme, e cila nënkupton
diferencen mes të ardhurave dhe shpenzimeve të periudhës. Për përcaktimin e fitimit është
shumë e rëndësishme të evidentohen shpenzimet e njohura, ato që kryhen për qëllime fitimi,
sigurimi dhe ruajtje të fitimit, në masën që këto shpenzime duhet domosdoshmërisht të
provohen dhe dokumentohen nga tatimpaguesi, nëpërmjet faturës tatimore me TVSH, faturës
së thjeshtë tatimore dhe çdo dokumenti tjetër të përpiluar dhe të lëshuar në përputhje me
udhëzimet e Ministrit të Financave, në zbatim të legjislacionit tatimor.
Tatimi mbi fitimin paguhet paradhënie, nëpërmjet kësteve mujore ose 3-mujore.
Çfarë janë këstet paraprake të tatimit mbi fitimin?
1. Tatimi mbi fitimin paguhet çdo tremujor ose çdo muaj në formë paradhënie gjatë vitit,
bazuar në këste mujore.
2. Administrata tatimore, bazuar në të dhënat e deklaratës së fitimit të tatueshëm të vitit
paraardhës, dorëzuar nga tatimpaguesi brenda datës 31 Mars të vitit vijues, llogarit
këstet mujore të paradhënieve të tatimit mbi fitimin për periudhën Prill –Dhjetor të
vitit vijues dhe për periudhën Janar –Mars të vitit të ardhshëm.
3. Këstet mujore të paradhënieve të tatimit mbi fitimin, për periudhën Prill –Dhjetor të
vitit vijues dhe për periudhën Janar –Mars të vitit të ardhshëm, i njoftohen
tatimpaguesit brenda datës 30 Prill të çdo viti.
4. Këstet e paradhënieve të tatimit mbi fitimin, përcaktuar si më sipër paguhen nga
tatimpaguesit në bazë tremujore ose në bazë mujore.

Në llogaritjen e fitimit fiskal, në legjistlacion ka disa shpenzime të cilat nuk njihen të

zbritshme:
● Kostoja e blerjes dhe e përmirësimit të tokës dhe të truallit;
● Kosto e blerjes, përmirësimit, rinovimit dhe rikonstruksionit të aktiveve të
veprimtarisë, të cilat amortizohen, në përputhje me nenin 22 të këtij ligji;
● Zmadhimi i kapitalit themeltar të shoqërisë ose i kontributit të secilit person në
ortakëri;
● Vlera e shpërblimeve në natyrë;
● Dividentët e deklaruar dhe ndarjet e fitimit për ortakët apo aksionerët e shoqërive
tregtare, si dhe fitimet në rastet e ortakërisë;
● Interesat e paguara, të cilat tejkalojnë normën mesatare të interesit 12 mujor të
kredisë për tregun bankar, sipas publikimit zyrtar të Bankës së Shqipërisë
● Gjobat, kamatë-vonesat dhe kushtet e tjera penale;
 ● Krijimi ose rritja e rezervave dhe e fondeve të tjera, speciale, përveç rasteve të
parashikuara në ligj apo në akte nënligjore.
● Tatimi mbi të ardhurat personale, akciza, tatimi mbi fitimin dhe tatimi mbi vlerën e
shtuar të zbritshëm;
● Shpenzimet për përfaqësim dhe shpenzimet për pritje-përcjellje të cilat tejkalojnë
shumën 0,3 për qind të qarkullimit vjetor;
● Shpenzimet e konsumit personal, të përcaktuara nga Ministri i Financave;
● Shpenzimet të cilat tejkalojnë kufijtë e përcaktuar me ligj apo me akte nënligjore.
Për kufijtë e përcaktuar në ligjin nr. 7892 datë 21.12.1994, “Për sponsorizimet” ,
për qëllime tatimore, nuk njihen si shpenzime të zbritshme shumat e sponsorizuara,
që tejkalojnë masën 3 për qind të fitimit para tatimit
● dhe shuma e sponsorizuar për botuesit e shtypit, e cila tejkalon masën 5 për qind të
fitimit para tatimit.
● Shpenzimet për dhurata; çdo shpenzim, masa e të cilit nuk vërtetohet me
dokumente nga tatimpaguesi.
● Shpenzimet për shërbime teknike, konsulence dhe të menaxhimit, të faturuara nga
persona të tretë, për të cilat nuk është paguar tatimi në burim, brenda periudhës
tatimore nga tatimpaguesi.
● Humbjet, dëmtimet, firot dhe skarcot gjatë prodhimit, tranzitimit dhe magazinimit,
tej normave të përcaktuara në akte të veçanta ligjore dhe nënligjore.
● Shpenzimet për paga shpërblime dhe çdo formë tjetër e të ardhurave personale, të
cilat lidhen me marrëdhëniet e punësimit, që u janë paguar të punësuarve, përfshirë
edhe administratorët, pa kaluar nëpërmjet sistemit bankar.
shumat e paguara në cash mbi 150000 lekë;
Në rastin e nxjerrjeve jashtë përdorimit ose shkatërrimit të materialeve apo mallrave të cilat
për arsye të ndryshme, janë të papërdorshme ose të pa tregtueshme apo tregtohen me çmime
të ulura, përfshirë uljen sezonale, shpenzimet përkatëse ose të ardhurat e reduktuara do të
njihen për efekt fiskal vetëm nëse vërtetohen me proces-verbalin përkatës të mbajtur nga një
komision të posaçëm vlerësimi, dhe subjekti ka njoftuar organin tatimor përkatës.

- Në rast se fitimi i tatueshëm në një periudhë tatimore rezulton negativ, humbjet e

rezultuara dhe të njohur nga organet tatimore, mund të mbulohen me fitimet në tri
periudhat e ardhshme tatimore, sipas parimit “humbja e parë më përpara se ajo e
fundit”.
Nëse një humbje nuk arrin të mbartet për tre vite pasardhëse radhazi (pasi subjekti mund të
rezultojë përsëri me humbje), ajo nuk mund të shtrihet më tej dhe të prekë rezultatin e viteve
të tjera, para aplikimit të tatimit mbi fitimin.
 1. Në rast se gjatë një periudhe tatimore pronësia e drejtpërdrejtë dhe/ose e tërthortë, të
një personi, ndryshon me më shumë se 50%, vlerë ose numër, humbjet nuk
transferohen.
Transferimin i humbjes së shoqërive është i ndaluar, pasi mbartja e humbjes duhet të jetë e
lidhur vetëm me tatimpaguesin që e pëson atë.

Shkalla e tatimit mbi fitimin është:

Shkalla tatimore e aplikueshme mbi fitimin e tatueshëm, për tatimpaguesit që i nënshtrohen

tatimit të thjeshtuar mbi fitimin e biznesit të vogël, me qarkullim vjetor nga 0 (zero) deri në 8
(tetë) milionë lekë, është 0%.

Për subjektet që i nënshtrohen tatimit mbi fitimin, shkalla është:

1. a) 0% për tatimpaguesit me të ardhura deri në 14 000 000 lekë në vit.

2. b) 15% për tatimpaguesit me të ardhura mbi 14 000 000 lekë në vit.

Shkalla e tatimit mbi fitimin është 5 % per:

-Për personat juridikë, të cilët ushtrojnë aktivitet për prodhimin/zhvillimin e software-ve

-Për personat juridikë, të cilët zhvillojnë veprimtari ekonomike sipas ligjit nr. 38/2012, “Për
shoqëritë e bashkëpunimit bujqësor”

-Për personat juridikë, të cilët ushtrojnë veprimtari ekonomike në industrinë automotive

Për subjektet, të cilat zhvillojnë veprimtari pritëse të certifikuar si “agroturizëm”, sipas

legjislacionit në fuqi në fushën e turizmit, shkalla e tatimit mbi fitimin është 5 %. Kjo shkallë
aplikohet për një periudhë 10-vjeçare për personat juridikë që përfitojnë statusin “subjekt I
certifikuar agroturizmi”, deri më 31 dhjetor 2021. Aplikimi i shkallës së reduktuar fillon në
vitin tatimor pasardhës, pas përfitimit të statusit “subjekt i certifikuar agroturizmi.

- Diferenca mes tatimit të thjeshtuar mbi fitimin dhe tatimit mbi fitimin përvec nivelit
të qarkullimit është që tatimi i thjeshtuar mbi fitimin shkon si e ardhur e njësive
vendore ndërsa tatimi mbi fitimin është e ardhur qeveritare, megjithese shkalla për
momentin është zero.
Më poshtë janë ilustruar deklarimi i tatimit mbi fitimin fiskal në platformën e-filing dhe
deklarimi i tatimit mbi fitimin në pasqyrat financiare nëpërmjet PASH, për vitin 2021.
Pasqyra e të Ardhurave dhe Shpenzimeve
 Periudha
Florinda Zherri Raportuese
L94106201M

Shënime 31 Dhjetor 2021

I. Të Ardhurat
Të Ardhurat nga Shërbimi/Shitja 14 85 153 727
Të Ardhura të tjera 15 -
Totali i të Ardhurave (I) 85 153 727

II. Shpenzime
Shpenzime për materiale 9 (67 444 153)
Shpenzime personeli 16 (3 421 114)
Amortizimi i Aktiveve Afatgjata 10 (5 687 528)
Shpenzime të tjera 17 (557 148)
Totali i Shpenzimeve (II) (77 109 943)

Fitim Humbja nga Aktiviteti (I+II) 8 043 784

III. Shpenzime Financiare

Diferenca nga kursi i këmbimit (2 020)
Interesa të paguara dhe komisione bankare (1 102 079)
Totali i Shpenzimeve Financiare (III) 18 (1 104 099)

Fitimi (Humbja) para Taksave (I+II+III) 6 939 685

Tatimi mbi Fitimin 7 (1 043 721)
Fitimi (Humbja) pas Tatimit (Rezultati i
5 895 964
Periudhës)

Përfaqësuesi Ligjor / Administratori

Florinda Zherri

Regjistrimet kontabël:

- Momenti i parapagimit të tatimit mbi fitimin:

D: Parapagim tatim mbi fitimin

K: Banka
Sipar urdhërpageses

Llogaria : parapagim tatim fitimi është një llogari e cila gjatë vitit debitohet me pagesat e
tatim fitimit, këstet e paguara cdo muaj apo 3-muaj. Në fund periudhe bëhet veprim
rregullues dhe llogaria parapagim tatim fitimi mbyllet e gjitha me llogarine tatim fitimi.
Rradha e veprimeve në fund viti është e tillë.

1- Mbyllen TR
D: TR
K: H/F
2- Mbyllen shpenzimet
D: H/F
K: SHpz
3- Llogaritet tatim fitimi nga rezultati i H/F , nëse kemi dale me fitim.
Tatim fitimi= Fitim x 15%

D: H/f
K: Tatim fitimi
4- Veprimi i fundit gjithmonë do të jetë rregullimi i tatim fitimit me
parapagimet, me vlerën e parapagimeve.

D: Tatim fitimi
K: Parapagimi tatim fitimit ( vlera totale)

Tatimi mbi vlerën e shtuar

Tatimi mbi vlerën e shtuar (TVSH) është një tatim i përgjithshëm, mbi konsumin e mallrave
dhe shërbimeve.
TVSH-ja zbatohet si një tatim në përqindje, mbi çmimin e mallrave dhe shërbimeve dhe
bëhet i pagueshëm, pasi më parë zbritet TVSH që rëndon drejtpërdrejt, elementet e kostos së
mallrave dhe të shërbimeve.
Tatimit mbi vlerën e shtuar i nënshtrohen:

● të gjitha furnizimet e mallrave dhe shërbimeve, të kryera kundrejt pagesës, brenda

territorit të Republikës së Shqipërisë, nga një person i tatueshëm;
● të gjitha importet e mallrave në territorin e Republikës së Shqipërisë.
Personat e tatueshëm
Person i tatueshëm konsiderohet:
● çdo person, pavarësisht nga forma e organizimit të tij, i cili në mënyrë të pavarur
kryen veprimtari ekonomike, cilido qoftë vendi dhe qëllimi ose rezultati i kësaj
veprimtarie.
Veprimtari ekonomike është çdo veprimtari e kryer nga prodhuesit, tregtarët, personat
që furnizojnë mallra ose shërbime, përfshirë veprimtarinë nxjerrëse, bujqësore dhe
aktivitetet profesionale.
● çdo person rezident në Shqipëri, qarkullimi vjetor i veprimtarisë ekonomike të të cilit
është mbi vlerën 10,000,000 lekë, që është kufiri minimal të regjistrimit për TVSH-
në.
Shkalla standarde e TVSH
Shkalla standarde e tatimit mbi vlerën e shtuar për furnizimet e mallrave dhe shërbimeve, e
cila aplikohet si një përqindje e vlerës së tatueshme, është 20 për qind.
Shkalla 0% e TVSH
Shkalla tatimore 0% e TVSH është e zbatueshme për:
● eksportin e mallrave;
● furnizimi i mallrave organizmave pa qëllim fitimi;
● furnizimi i shërbimeve që konsistojnë në punime mbi mallra të importuara për t’u
bërë atyre punime në Shqipëri dhe të dërguara sërish jashtë Shqipërisë;
● furnizimi i shërbimeve, të lidhura drejtpërdrejt me eksportimet apo importimet e
mallrave;
● disa operacione të lidhura me transportin ndërkombëtar të mallrave e udhëtarëve;
● furnizimet e mallrave dhe shërbimet e kryera në kuadrin e marrëdhënieve diplomatike
dhe konsullore;
● furnizimet e mallrave dhe shërbimeve ndaj organizatave ndërkombëtare, si dhe
anëtarëve të këtyre organizatave;
● furnizimet e mallrave dhe shërbimeve për forcat e armatosura të shteteve të tjera
anëtare të NATO-s;
● furnizimi i arit ndaj Bankës së Shqipërisë.
Shkalla e reduktuar
Përveç shkallës standarde të TVSH-së, kur parashikohet në ligjin “Për tatimin mbi vlerën e
shtuar”, mund të aplikohet shkalla e reduktuar e TVSH-së, e cila aplikohet si një përqindje e
vlerës së tatueshme.

Shkalla e reduktuar prej 6 % është e zbatueshme për:

● furnizimin e shërbimit të akomodimit në strukturat akomoduese, sipas kategorive të

përcaktuara në legjislacionin e fushës së turizmit;
● çdo furnizim shërbimi të ofruar brenda strukturave akomoduese“Hotel/Resort me pesë
yje, status special”, sipas përcaktimit në legjislacionin e fushës së turizmit dhe që janë
mbajtës të një marke tregtare të regjistruar dhe njohur ndërkombëtarisht
“brand name”. Kushtet, kriteret dhe procedurat për zbatimin e kësaj pike përcaktohen
me vendim të Këshillit të Ministrave.
● Për strukturat, të cilat zhvillojnë veprimtari pritëse të certifikuar si “agroturizëm”,
sipas legjislacionit në fuqi në fushën e turizmit, aplikohet shkalla e reduktuar e tatimit
mbi vlerën e shtuar 6 për qind për furnizimin e shërbimit të akomodimit dhe
restorantit, me përjashtim të pijeve. Personi i tatueshëm, që aplikon shkallën e
reduktuar të tatimit mbi vlerën e shtuar 6 për qind, është personi i regjistruar me
NIPT/NUIS, vetëm për zhvillimin e veprimtarisë pritëse të certifikuar si
“agroturizëm”;
● furnizimin e shërbimit të reklamave nga media audiovizive;
● furnizimin e mjeteve të transportit publik tё licencuar të udhëtarëve me autobus me
nëntë plus një vende ose më shumë, vetëm me motor elektrik;
● furnizimin e librave të çdo lloji;
● furnizimin e shërbimit të punimeve të ndërtimit për investimet shtetërore të klubeve
sportive/federatave sportive apo për investimet e subjekteve private në infrastrukturën
sportive, të përcaktuar në legjislacionin e fushës për sportin,

Personi i tatueshëm, është i detyruar të mbajë librin e blerjeve dhe të shitjeve, ku regjistron, të
gjitha blerjet dhe shitjet e kryera në periudhën tatimore (muaji). Libri i blerjeve dhe i shitjeve,
dorëzohet elektronikisht jo më vonë se data 10 e muajit që pason periudhën tatimore që
deklarohet.

Çdo person i tatueshëm duhet të dorëzojë një deklaratë TVSH-je, e cila përmban gjithë
informacionin e nevojshëm në të cilin bazohet llogaritja e TVSH-së që është bërë e
kërkueshme, vlerën e TVSH-së që mund të zbritet, vlerat e tatueshme të veprimeve që lidhen
me llogaritjen e TVSH-së së kërkueshme dhe asaj të zbritshme si edhe vlerën e furnizimeve
të përjashtuara nga TVSH-ja.
Më poshtë po ju ilustroj librin e shitjes dhe librin e blerjes së muajit nëntor:

Klikoni në ikonë dhe hapet faqja e exel të librit të shitje dhe librit të blerjes.

TVSH Nga shitja njihet me emrin kontabël “TVSH e pagueshme”, llogari pasive,
kreditohet në cdo shitje.

TVSH Nga blerja njihet me emrin kontabël “TVSH e zbritshme”, llogari aktive, debitohet
në cdo blerje.

Në fund periudhe raportohet TVSH e muajit nëpërmjet deklarimit në e-filing.

Veprimi kontabël që bëhet është (ka dy raste):

1- nëse TVSH e pagueshme me e madhe se TVSH e zbritshme:

D: TVSH E pagueshme
K: TVSH E zbritshme
K: TVSH për tu paguar (tvsh qe duhet paguar muajin pasardhës)
2- nëse TVSH e pagueshme me e vogël se TVSH E zbritshme:

D: TVSH E pagueshme
D: TVSH për tu marrë (Ose e rimbursueshme) ( tvsh që mbartet me minus në
muajin pasardhës)
K: TVSH e zbritshme

Deklarata si më poshtë: