BAHASA

KSSR
IBAN
TAHUN 6

BAHASA IBAN TAHUN 6

RM16.00
ISBN 978-983-49-0262-9

9 789834 902629 KSSR

IA
YS
B406013 KE

LA
ME A
NTE NM
RI A N PE N DI DI KA
 RUKUN NEGARA
Bahawasanya Negara Kita Malaysia
mendukung cita-cita hendak:

Mencapai perpaduan yang lebih erat dalam

kalangan seluruh masyarakatnya;

Memelihara cara hidup demokrasi;

Mencipta satu masyarakat yang adil di mana

kemakmuran negara akan dapat dinikmati bersama
secara adil dan saksama;

Menjamin satu cara liberal terhadap tradisi-tradisi

kebudayaannya yang kaya dan pelbagai corak;

Membina satu masyarakat progresif yang

akan menggunakan sains dan teknologi moden;

MAKA KAMI, rakyat Malaysia, berikrar

akan menumpukan seluruh tenaga dan usaha kami
untuk mencapai cita-cita tersebut berdasarkan
prinsip-prinsip yang berikut:

KEPERCAYAAN KEPADA TUHAN

KESETIAAN KEPADA RAJA DAN NEGARA
KELUHURAN PERLEMBAGAAN
KEDAULATAN UNDANG-UNDANG
KESOPANAN DAN KESUSILAAN
(Sumber: Jabatan Penerangan, Kementerian Komunikasi dan Multimedia Malaysia)

rukun negara.indd 1 3/17/15 7:42 AM

2019
 No. Siri Buku: 0022
KK 3728-1161-00262-2104
ISBN 978-983-49-0262-9
Cetakan Pertama 2015
Cetakan Keempat 2019
© Dewan Bahasa dan Pustaka 2015
Hak Cipta Terpelihara. Tidak dibenarkan mengeluar
ulang mana-mana bahagian artikel, ilustrasi, dan
isi kandungan buku ini dalam apa juga bentuk dan
dengan cara apa jua sama ada secara elektronik,
fotokopi, mekanik, rakaman, atau cara lain sebelum
mendapat izin bertulis daripada Ketua Pengarah,
Dewan Bahasa dan Pustaka, Peti Surat 10803, 50926
Kuala Lumpur, Malaysia. Perundingan tertakluk
kepada perkiraan royalti atau honorarium.
Penerbit:
Dewan Bahasa dan Pustaka,
Jalan Dewan Bahasa,
50460 Kuala Lumpur.
Telefon: 03-21479000 (8 talian)
Faksimile: 03-21479643
Laman Web: http://www.dbp.gov.my
Reka Letak dan Atur Huruf:
Dewan Bahasa Pustaka
Muka Taip Teks: Azim
Saiz Muka Taip Teks: 14 poin
PENGHARGAAN
Penghasilan buku teks ini melibatkan kerjasama
banyak pihak. Oleh itu, pihak penerbit merakamkan
penghargaan dan terima kasih kepada semua
pihak yang telah bersama-sama memberikan
sumbangan sehingga buku ini sempurna diterbitkan.
Sekalung penghargaan dan ucapan terima kasih
ditujukan kepada semua yang berikut:
• Jawatankuasa Penambahbaikan
Pruf Muka Surat, Bahagian Buku Teks (BBT),
Kementerian Pendidikan Malaysia (KPM)
• Jawatankuasa Penyemakan Pembetulan
Pruf Muka Surat, BBT, KPM
• Jawatankuasa Penyemakan
Naskhah Sedia Kamera, BBT, KPM
• Penyelaras Projek dan Pegawai
Teknikal BBT, KPM
• Bahagian Pembangunan Kurikulum, KPM
• Jawatankuasa Peningkatan Mutu,
Dewan Bahasa dan Pustaka (DBP)
• Panel Pembaca Luar, DBP
• Editor Pembaca Pruf, DBP
• Jabatan Pendidikan Negeri Sarawak
• Bank Negara Malaysia
• Yayasan Kebudayaan Dayak
• Taman Negara dan Rizab Semulajadi Sarawak
• Semua pihak yang terlibat secara langsung
atau tidak langsung dalam menjayakan
penerbitan buku ini.

Dicetak oleh:
Percetakan Nasional Malaysia Berhad,
Jalan Tun Abang Haji Openg,
93554 Kuching,
Sarawak.
 Pelasar Jaku iv
Penerang Ikon v
Lambar Pemungkal vi

Unit 1: Pengaya Menua 1

Unit 2: Pesaka Menua Ungkup Semua 9
Unit 3: Betuah Belimpah 17
Unit 4: Wi Tampung Tali, Rutan Tampung Danan 25

Unit 5: Cherita Nyadi ke Teladan 33

Unit 6: Pengeliat Ati Mai Pemujur 43
Unit 7: Sama Ngaling Sama Minching 53
Unit 8: Sedada Sama Seati 65

Unit 9: Asil Pengelandik Jari 77

Unit 10: Mimit Diserepit, Mayuh Ditaruh 89
Unit 11: Angin Oh Angin 103
Unit 12: Palan Pengumbai Temuai 117

iii
 PELASAR JAKU

Bup teks Jaku Iban Primari 6 tu betemaka pengidup siga ti mungkur utai idup enggau utai
tumbuh. Bup tu ngundan dua belas unit ti diara nitihka tema ti udah ditetapka. Bup tu digaga
nitihka langkah rapat kurikulum ti betukuh modular betatika pengelandik enggau sistem jaku
baka: mending enggau bejaku, macha, nulis, bungai jaku enggau jalai jaku. Tetiap unit mega
ditagaka aktiviti sereta latih ke mungkur pengelandik enggau sistem jaku ke udah dipelajarka.
Ba pengujung siti-siti unit bisi disempulangka pengukuh enggau tisih.
Kelimpah ari nya, bup teks Jaku Iban Primari 6 tu mega ngundan elemen pengisi kurikulum
baka ke diterangka dalam Dokumen Standard Kurikulum dan Pentaksiran enggau Tisih. Pengisi
elemen dikena nyendiaka nembiak napi pengidup ke balat enchabar kemaya hari tu. Elemen
ti bisi dalam pengisi kurikulum baka penemu, ukur pemanah, patriotisma, atur sosio daya idup
enggau pengelandik beukur tambah. Elemen ti dirintaika dalam pengisi kurikulum tu dikena
nyatup peneka Kurikulum Jaku Iban Primari 6.
Pengelandik beukur tambah ti tebal agi dipasukka dalam bup teks tu iya nya pengelandik
bepikir tikas tinggi. Pengelandik tu dikarapka ulih meransang nembiak bepikir ngena penemu
sereta nyerenih lebuh beperagam. Nembiak mega ditarak ngena pengelandik ti tau dikena
mutarka penanggul, nentuka pemutus runding, nempa inovasyen enggau pengelandik
nengkebang. Ngena peneleba diri enggau pengelandik bepikir tikas tinggi, nembiak ulih bepikir
ngelui ari rampa runding sida.
Aktiviti enggau latih dalam bup tu ulih meransang nembiak mansutka buah runding ngena
kar segala rata (circle map), kar gelembung (bubble map), kar sukung (brace map), kar gelembung
gandin (double bubble map), kar berurun-rurun (multi-flow map), kar rurun (flow map), kar titi
(bridge map) enggau kar kayu (tree map). Bup teks tu dikarapka ulih nyadi siti ari kereban ti
ulih mantu proses belajar enggau ngajar kelimpah ari kereban bantu ti bukai.

Berintai tapang tinggi bekejuau

Kenyalang terebai ngelawa tansang
Penemu beguna nyadi ke tenggau
Ngerandang jalai nuju pemansang.

iv
 PENERANG IKON

Unit
1 Ikon lumur lambar pemungkal tetiap unit.

Aram Mending enggau Bejaku

Pengelandik mending enggau bejaku nyadi fokus belajar dikena narak pengelandik
mending, meretika pekara ti didinga lalu dikena matih pengelanchar bekomunikasyen
serta berinteraksyen ngena chara ti menyana.

Aram Macha
Standard macha dikena matih pengelanchar macha ngena intonasyen ti betul belalauka
tanda bacha.

Aram Nulis
Pengelandik tu nyadi fokus pelajar dikena narak pengelandik nulis bepelasarka penemu
enggau peneleba.

Jalai Jaku
Standard jalai jaku nyadi fokus pelajar dikena ngajar pengelandik jalai jaku ti ngundan
leman, raban enggau tukuh jaku.

Bungai Jaku
Bungai jaku nyadi fokus pelajar dikena narak pengelandik leka main, jaku sempama, guna
jaku sereta beperindang sambil belajar.

Pengukuh
Pengukuh tu ngundan:
Seridi – Dikena nyaup sereta ngiring nembiak ti lubah nerima pelajar.
Pengaya – Dikena nambah sereta ngayaka agi penemu nembiak ti pandai.

Tisih
Dikena nisih nembiak ba pengelandik ti ditarak ba unit nya tauka nyengkaum unit ti udah.

Penyedal
Penyedal dikena mantu nerangka sekeda pekara ti bisi dalam pengelandik nya.

Lumur Standard Pelajar

1.2.3 Ngundan fokus enggau fokus sangking ti beguna bendar dikena pengajar ngaga langgur
ngajar lalu narak nembiak.
.
1 Lumur Lambar
Dikena ngayanka lumur lambar dalam bup teks tu.

v
 LAMBAR PEMUNGKAL

SK Batu Burak jelai rita

Rampa menua badas ditimpai
Selamat betemu selamat bekelala
Ngarapka mujur bulih pemandai.

vi
 Aram Mending enggau Bejaku
Jenaing baru pindah ngagai Sekolah Kebangsaan Batu
Burak. Keluluka randau di baruh tu.
Jenaing : Manah amat rampa menua ngelingi sekula tu.
Peda seduai bukit nyin, nyau burak bebendang.
Apai : Oh, nyin! Nya batu kapur, Dom. Bukit nya mih
ti benama Batu Burak. Nama sekula tu ngambi
nama bukit nya.
Indai : Taman negara nya, Dom. Pengidup siga ti bisi
dia dijaga perintah lalu enda tau dikachau.
Apai : Bah, aram kitai ngeripot nuan dulu, Dom.
Indai : Din lagi enti kepala pengajar nanya, saut
enggau manah.
Jenaing : Au, indai. Aram mih kitai kin.

A K T I V I T I

1. Sebut jaku pesan dalam randau di atas. Udah nya,

beri respons ngagai jaku pesan nya tadi.
2. Beri chunto sekeda pengidup siga ti dijaga perintah.
3. Nama pengawa ti ulih nasalka pengidup siga ba taman negara?
4. Ba runding nuan, nama kebuah pengidup siga ba taman negara enda tau
dikachau?
L A T I H

Bepelasarka peneleba, tulis jaku pesan nitihka situasyen di baruh tu ngena tanda
bacha ti betul.
Situasyen Jaku Pesan
a. ba hospital ...
b. ba librari ...
c. ba taman negara ...

1.1.1
1.3.4 1
 Aram Macha

MIRI- Perintah Sarawak deka netapka 10% ari tanah ti semak kandang nengeri
nyadi tanah simpan dikena ngaga taman galau asal. Naka ke diatu, Kem Piasau
udah digaga nyadi taman galau asal. Tuju numbuhka taman galau asal ba Kem
Piasau tu dikena nyaga pengidup mayuh bansa burung kelebih agi burung
kenyalang. Nitihka pansik, bisi 45 spesies burung siga ditemu dia. Kelimpah ari
nya, mayuh bansa engkatak, tupai, kesulai enggau utai tumbuh mega bisi ba
taman tu. Di Bandaraya Kuching, sebagi ari kandang nengeri semak Astana Negeri
diperambu nyadi rizab taman galau asal. Pengawa tu mega deka dikerembai
ngagai nengeri bukai baka Sibu enggau Bintulu. Taman ti bansa tu endang ulih
nyadi ke palan pengenduh pengidup siga
lalu ulih nyadi palan pengelantang ati orang
ke diau mangkang nengeri. Ari nya, sida ulih
meda penyelai enggau pemanah pengidup
siga ke bisi di menua kitai. Taman tu mega
nyamai dilawa temuai ari menua bukai ke
datai enda lama ngagai menua tu.
(Dibali ari: 10% Kawasan Bandar Sarawak Rizab Taman
Semulajadi, ww1.utusan.com.my)

A K T I V I T I

1. Pejurai lalu tuliska isi enggau isi sukung ke dibuntis ari teks.
2. Kerandauka dalam raban, nama penyadi enti pengidup siga enda dijaga
enggau manah? Bantaika penemu nya ngena kar berurun-rurun.
L A T I H

1. Saut tanya di baruh tu belalauka teks di atas.

a. Dini endur berita di atas tu nyadi?
b. Nama tuju Kem Piasau tu digaga nyadika taman galau asal?
c. Rintaika utai idup ti bisi dalam taman galau asal nya?
2. Ba penemu nuan, nama kebuah pengawa ngaga taman galau asal deka
dikerembaika ngagai nengeri bukai?

2.1.1
2 2.3.2
 Aram Nulis
Bacha notis di baruh tu.

NOTIS TAMAN NEGARA

• Ditagang masuk enti nadai pemendar.

• Enda tau ngasu ba taman negara tu.
• Enda tau muai uras sebarang alai ba taman negara tu.
• Anang ngerusak utai tumbuh ti bisi ditu.
• Anang mai keluar utai idup enggau utai tumbuh ari taman negara tu.
• Pengawa begagaka langkau, berimba kampung tauka betanam mega ditagang.

A K T I V I T I

1. Kelala bagi ayat tunggal enggau ayat turu ti bisi dalam notis di atas.
2. Gaga ayat turu ngena jaku penyambung ti bukai kelimpah ari ti bisi dikena
dalam notis. Tulis ayat nya ngena urup blok enggau urup mit.
3. Kerandauka empas ulah mensia ngagai rampa menua bepelasarka gambar
di baruh ngena kar gelembung gandin.

L A T I H

1. Ba runding nuan, nama chara ti patut dikena nyaga rampa menua enggau
pengidup siga.
2. Tuliska penemu nuan nya ngambika nyadi siti karang ngena tulis chelak
tauka tulis tampung. Beri topik ti engkeman ngagai karang nya.
3.1.1
3.3.4
1.1.4 3
 Jalai Jaku
Jaku Penyambung Tunggal
Tu glosari ti ditulis Suraya, bakih Jenaing. Ayat ti dikena nerangka reti nya bisi
ngundan jaku penyambung tunggal.

No. Leka Jaku Reti

1. kampung dalam Kampung tuai ti enda kala diperimba sereta jarang ditujah mensia.

2. kampung galau Kampung ti dijaga ngena undang-undang perintah lalu asil ditu
enda tau ditebang tauka diambi.
3. pengerang Temuda ti enda dipumai ari tujuh ngagai lapan taun.

4. rimba Kampung asal ti dipumai.

5. temuda Tanah enggau babas ti udah dipumai.

A K T I V I T I

1. Perati lalu kerandauka leka jaku di atas.

2. Kelala jaku penyambung tunggal dalam glosari di atas.
3. Nama kebuah mensia berimba suba?
4. Ba runding nuan, nama pemanah bisi kampung galau?

L A T I H

1. Kelala jaku penyambung tunggal ti bukai lalu isi dalam kar gelembung.

...
... ...
Jaku Penyambung
Tunggal
... ...

2. Gaga ayat turu ngena jaku penyambung tunggal ti udah dipilih nuan di atas.
3. Gaga ayat tunggal ari ayat turu di baruh tu.
a. Lawai enggau Ah Meng bemain bol ba padang sekula kemari.
b. Kami neruska pejalai ngagai wung nya enti ujan teduh.
c. Diatu Jang udah mujur dalam pengidup tang iya enda tinggi idung.

5.1.1
4 2.4.5
 Jalai Jaku
Atur D-N
Bacha penerang di baruh tu.

BERITA AKTIVITI KELAB

Kelab Rampa Menua SK Batu Burak bisi ngatur program nemuai sambil
belajar ngagai Taman Negara Kebawai. Sapa ti deka enggau nemuai
dipinta ngambi pom ari sekretari kelab. Pom mesti disain apai indai lalu
disempulangka salin surat pengada enggau gambar besaiz pasport. Pom ti
udah diisi mesti dianjung enda laun ari 2 Februari 2016 ngagai Pengajar
Jura. Penerang ti silik tau ditanya ngagai sekretari kelab iya nya Timai Anak
Ansok ba telefon 014-2345678 tauka emel ngagai timai@yihaa.com.
pengerang
Timai
(Timai Anak Ansok)

A K T I V I T I

1. Kelala lalu tentuka bagi pekara ti diterang enggau rambai jaku ti nerangka
pekara nitihka atur D-N.
2. Ba penemu nuan, padahka kebuah pom nya mesti disain apai indai?

L A T I H

1. Nuan bisi ati deka enggau masuk program nya. Tulis infomasyen bepelasarka
penerang di atas ngambika bisi dikena nerangka program tu ngagai apai
indai nuan.
Dalam atur
rogram: …
1. Nama P m: …
D-N, reti D
K e la b P e n gatur Progra nya pekara ti
2. ng: …
Penyempula
diterangka lalu
3. Pengajar N nya rambai
Kelab: …
4. Sekretari ngka enggau
jaku ti nerangka
D o ku m e n ti disempula pekara nya.
5.
pom: ...

2. Tulis surat pekirum rama ngagai bakih nuan ti nyeritaka perambu program
kita. Padahka penguntung ti disadang ari ke masuk program tu.

5.3.4
3.3.1 5
 Bungai Jaku
Kelab Rampa Menua SK Batu Burak bisi nemuai ngagai taman negara ke enda
jauh ari sekula sida. Dia bala sida enggau temuai bukai diberi penerang senentang
undang-undang ngena sada geliga ari siku pemesai ba taman negara nya.
Selamat datai bala temuai Enti tepedaka burung ruai sebelah tanah
Ba Taman Negara Kebawai Anang mih kita lalu gidan taja pan manah
Baik ke ari menua tu tauka menua bukai Nangika jemah ila pulaika penusah
Sebedau bejalai dulu aku deka bediri Nembiak mina ngelala ngena teknologi pemadah
Madahka undang-undang ti udah ditegi Baka nya mih kita bala rebak baru
Enti kita rembus kitu wai menyadi Enti kita pulai ke pelilih menua diri empu
Meda pun bebungai ba tangkai Anang rindang lama udu
Anang lalu dipatahka deka dibai pulai Mupuk besaup nibarka penemu
Laban nya diungkupka kitai Belabuh nudukka mangkuk pesaka
Ngagai nembiak ti deka datai Nirika pintu seribu guna
Sema kita bejalai neresa kampung puang Nesau mensia selampur dunya
Tepedaka raras selangan melintang Sama nyaga sayauka rampa menua.
Enda ibuh nguji deka nebang
Kapa enda tumbuh ngeninggi tapang
Bejalai kita wai pangan nengah sepan
Bepansa enggau jelu sebelah menalan
Anang mih lalu ngetan panjuk sebelah emperan
Enggaika pupus lus enda apus jeman

A K T I V I T I

1. Sadaka entelian leka main

di atas ngena intonasyen
geliga ti engkeman.
2. Kelala jaku tangkan ti bisi
dalam teks nya.
3. Kerandauka enggau lenak reti ayat ti bechura mirah dalam teks.
4. Ba penemu nuan, baka ni penatai temuai ngagai taman negara ulih mai
penguntung ngagai ekonomi menua kitai?

L A T I H

1. Nama kebuah temuai dulu diberi jaku tangkan?

2. Rintaika jaku tangkan ti bisi dalam teks di atas.
3. Tuliska bansa pengidup siga ti bisi dalam teks nya ngena kar kayu.
4. Peragamka pemesai guna teknologi pemadah enggau komunikasyen ngagai
pengidup kitai kelimpah ari ke dipadah dalam teks nya.

4.1.1
6 4.3.1
 Pengukuh
Seridi
Gaga ayat tunggal enggau ayat turu bepelasarka gambar di baruh tu.

Pengaya
Bacha teks di baruh tu lalu saut tanya ti nangkanka nya.

Palan Pengenduh Jelu Siga Matang digaga ba

Taman Negara Kubah. Seraka palan pengenduh
tu ari Bandaraya Kuching semina kira-kira 35
kilometer. Palan tu dibungkur kampung ujan
tropika ti besai, indah enda baka rumah jelu siga.
Program latih bisi dipejalaika ungkup jelu mayas.
Mayas ti enda regas tauka bisi timpang pendiau
diberi latih ngambika sida ulih ngidupka diri dalam
kampung.
(Dibali ari: http://www.tourism.gov.my.pusathidupanliarmatang)

1. Kelala lalu tulis rambai jaku nitihka atur D-N.

2. Giga ayat turu dalam teks nya.
3. Nama reti leka jaku timpang pendiau?
4. Nama kebuah palan pengenduh tu indah enda baka rumah jelu siga?
5. Nama penyadi bala mayas tu enti nadai digaga palan pengenduh?

7
 Tisih
1. Isi lapang ngena jaku penyambung tunggal ti engkeman.

“Dani! Dani! Mati kitai lagi ... enda pindah,” ku apai ngerak kami ti benung
tinduk jenak.
“Mindah kini? Ke bukit ... ke lebak?” tanya indai sambil ngilikka pala.
“Nama kebuah pindah?” ku madi indu aku baka ti deka nyabak ... takut
... tekenyit.
Apai lalu enda nyaut ... iya majak ngerak bala kaban bukai ti sama bela
diau dia. Bala kami begau, bisi ke engkaing, kerah- kerah, ngakak ... macham
munyi ke bukai. Enda lama udah nya apai pan bejaku.
“Aram pindah. Dinga kita munyi lipan enggau tinso. Kenu ku berita bisi
arang batu ditu, bala anak mensia deka ngelimbang ditu.”
Kami pan bekejang begigaka taman negara. Suah amat kami udah pindah.

2. Tulis jaku tangkan bepelasarka gambar di baruh.

8
 Aram Mending enggau Bejaku

Keluluka randau Suraya enggau Ah Meng di baruh tu.

Amat beresi
sungai tu. Ai ga chiru.
Manah amat alai
memarin. Amat nih. Bala temuai ari
menua bukai tentu
Nya alai kitai patut deka datai memarin kitu.
selalu nyaga pemeresi
enggau pemanah rampa Endang amat ku nuan.
sungai tu. Sama-sama mih kitai besaup
nyaga pemeresi enggau
pemanah iya.

A K T I V I T I

1. Betanya saut senentang pekara ti dikerandauka di atas.

2. Nama penyadi ai sungai kitai enti enda dijaga enggau manah?
3. Ba penemu nuan, baka ni kitai tau bulih penatai pemisi ari sungai?
4. Ngena chara beraban kerandauka bansa utai tumbuh belalauka gambar
di atas. Udah nya, bantaika asil randau ngena kar kayu ba mua kelas.

L A T I H

1. Rintaika empat chunto utai tumbuh ke bebatang enggau berandau.

2. Tulis bansa utai idup ke bisi ditemu nuan ba gambar di atas.

1.1.2
1.3.5 9
 Aram Macha
Bacha teks di baruh tu ngena intonasyen ti betul.
Kaban Kelab Rampa Menua SK Batu
Burak bisi nemuai ngagai Taman Negara
Kebawai. Kami diuluka dua iku pengajar.
Tuju penemuai kami dikena ngulihka
penemu enggau peneleba senentang
bansa utai tumbuh enggau utai idup.
Sebedau bejalai nengah endur nya, kami
diberi penerang senentang atur ke bisi ba
Taman Negara Kebawai. Siku ari pemesai
ba taman nya meri brosur ngagai kami ke
malin enggau tanda pengingat.

Ba taman nya mayuh bendar pun kayu

ti tinggi gegiau sereta bebesai. Pun kayu
ti rinda ngasuh endur nya lindap lalu
nyamai alai ngenduh. Rutan tumbuh
galak niki nyerangkap kayu. Kulat tumbuh
ngachir ba sebelah tanah enggau kayu ke
udah repuk. Buah kayu nyau becherira
mansau nelipan. Kami tekait ati meda
pemanah spesies puk yuk ti bechura surik
gadung enggau mirah jerenang.

Kepuas ke bejalai, kami lalu rembus

ba sebatang sungai. Kami rindu meda
ikan nyemerai dalam ai sungai ti chiru
sereta beresi. Tekura ngerayap belubah
ensuruk ba selepak bandir. Ba tebing
sungai mayuh utai tumbuh baka tubu,
paku, riang enggau keladi. Utai tumbuh
ditu enda tau diambi tauka diayahka
sepeneka ati.

2.1.2
10 3.3.4
Kera bejelangkit di puchuk kayu sambil begigaka pemakai. Burung kenyalang
manah amat dipeda terebai ngelayang. Landak bejalai rayap-rayap ba atas
tanah. Tengiling ngulung diri baka buah bol tepedaka kami datai. Sekeda jelu
tu deka punas enti sema enda dijaga tauka diintu enggau manah. Nya alai,
pengawa ti ngasu enggau bejualka
jelu siga endang ditagang nitihka
undang-undang penyaga jelu siga.
Penemuai kami ke sekali tu ukai
semina ngerinduka ati tang mega
ulih ngerapitka kaul entara kaban
kelab enggau pengajar. Sebedau
mupuk, kami betabi jari lalu meri
terima kasih ngagai pemesai Taman
Negara Kebawai ke udah kiruh
nyambut penatai kami enggau adat
basa. Kami enda jera nemuai ke
taman tu dudi hari ila.

A K T I V I T I

1. Kelala lalu bacha ayat tunggal enggau ayat turu ke bisi dalam teks.
2. Gaga ayat tunggal enggau ayat turu ke bukai ngena leka jaku diri empu.
3. Nama penguntung kitai nemuai sambil belajar? Gaga kar gelembung dikena
mantaika penemu nuan.
4. Ba penemu nuan, nama kebuah sekula ngatur aktiviti nemuai sambil belajar?

L A T I H

1. Tulis lima iti ayat tunggal enggau lima iti ayat turu ke bisi dalam teks.
2. Tulis lima iti ayat turu ngena leka jaku penyambung ti disediaka di baruh tu
ngena jaku diri empu.

tauka seraya tang enggau sambil

2.1.2
3.3.4 11
 Aram Nulis

Teks di baruh tu nerangka senentang jelu nya.

Tengiling sebansa pengidup siga ti diau dalam
kampung. Tengiling sebansa jelu ti betisik.
Tisik iya tebal sereta kering. Tengiling tu jelu
mamalia. Iya betulang belakang, bedarah
panas, beranak, nyaga sereta nusuka anak.

Pemakai tengiling semut enggau sampuk. Iya

nangkap semut ngena junggur ti munchung
enggau jelur dilah ti panjai. Iya ngebuk sarang
semut ngena kukut ti tajam dikena ngulihka
semut. Tengiling ngiga pemakai malam hari
baka entambah.

Habitat iya dalam lubang kayu tauka tanah.

Tengiling bisi chara nyaga diri ari diserang
munsuh. Lebuh betemu enggau munsuh iya
nemu begulung. Gelung tubuh iya rat dibuka.
Kelimpah ari nya, iya mega landik belalai
dalam babas dikena nyaga pengelikun diri.
Jelu tu deka majak lus enti sema enda dijaga
enggau manah.
(Dibali ari: http://ipk.umt.edu.my/?portfolio=kaji-selidik-
tenggiling-malaya&lang=ms)

A K T I V I T I

1. Kelala lalu tulis ayat topik enggau ayat penerang ti bisi dalam teks.
2. Ba runding nuan, nama kebuah tengiling ngulung diri maya betempuh
enggau munsuh.

L A T I H

Tulis ayat topik enggau ayat penerang pasal jelu ke bukai.

3.3.5
12 3.2.3
 Jalai Jaku
Jaku Penyambung Berentayan

Pemesai Guna Buluh

Buluh tu siti bansa utai tumbuh ti mayuh macham guna. Iya tumbuh ba
tanah emperan, kaki bukit enggau tebing sungai.
Sekeda orang bekenaka buluh ngaga mayuh macham kereban
dikena beridup. Buluh ke tebal sereta tan manah digagaka ramu rumah,
geladak, dinding, lalau tangga, tiang langkau umai enggau ti bukai.
Nambahka nya, buluh mega dikena orang ngaga rakit. Menya orang ke
diau semak sungai suah mindah ngena rakit. Kemaya hari tu kitai mega
suah meda orang ngatur pekit lumba rakit di sungai.
Buluh mega ngasilka pemakai ke kitai mensia enggau jelu. Tubu buluh
tau ke engkayu. Sekeda ari engkayu ti digaga ari tubu nya baka achar,
kasam enggau jeruk. Tubu mega dikena ngulai dagin, ikan tauka jukut.
Kelimpah ari nya, orang suah bekenaka buluh nyumai pemakai.
Ambika banding, buluh dikena mansuh dagin, ikan, sayur enggau ngelulun
asi pulut.
Dalam industri asil pengelandik jari buluh beguna bendar dikena
ngaga mayuh perengka muzik, tabung duit, kelapung kunchi enggau ke
bukai. Buluh tu mega ukai semina dikena ngaga kerungan manuk, sangkar
burung enggau bubu tang mega tau nyadika teresang. Dalam pengawa
begawai orang Iban begunaka buluh ngaga teresang ti dikena nyimpan
kereban piring.
Taja pan menua udah mansang, kitai mega tetap begunaka buluh
dalam ngereja sesebengkah pengawa. Buluh endang bekaul rapat enggau
pengidup kitai. Nya alai, kitai patut ngembuan penyayau ke buluh.

A K T I V I T I

1. Kelala jaku penyambung berentayan bepelasarka teks di atas.

2. Padahka nama guna buluh ke bukai ngena kar segala rata.

L A T I H

1. Tulis ayat ngena leka jaku penyambung berentayan di baruh tu.

taja pan ukai semina tang mega udah nya

2. Tulis karang pandak senentang guna buluh dalam daya idup ngena tanda
wachana ti engkeman.

5.1.2
5.3.5 13
 Bungai Jaku

Sadaka dindang di baruh tu ngena aksyen enggau intonasyen ti betul.

Bukit Santubong tampak rita
Dikelala orang serata dunya
Jelu siga mesti dijaga
Laban nya pesaka menua
Bejalai jauh matau menua
Bebai kaban ngena kerita
Rindu ati sereta gaga
Bayam pemanah rampa menua
Bulan terang semepat bekepeli
Bintang kebelik di langit mingkai
Utai tumbuh anang dipenyati
Mayuh guna ke pengidup kitai
Bungai kenunsung bechura mirah
Nyadi lambang menua Malaysia
Pesaka menua dijaga enggau manah
Meruan dikayam dipeda menyana.

A K T I V I T I

1. Betanya saut senentang isi dindang.

2. Kelala lalu kerandauka leka jaku ke besenimbal enteli dalam dindang.
3. Ba runding nuan, nama aktiviti ke patut diatur dikena nyaga pemanah
rampa sekula?
4. Ngena chara beraban karang siti dindang ngena komputer bemalinka tema
pemanah rampa menua. Bantaika dindang nya tadi ngena LCD.
L A T I H

1. Tulis leka jaku ti besenimbal enteli ti bisi ditemu nuan dalam dindang di atas.
2. Giga reti leka jaku di baruh tu ngena diksionari lalu gaga ayat ngena leka
jaku nya.

pesaka dipenyati matau dikayam menyana

4.1.2
4.3.2
14 2.3.3
 Pengukuh
Seridi
Gaga ayat tunggal belalauka gambar di baruh tu.
1. 2.

... ...

3. 4.

... ...

Pengaya
1. Tulis chara nyaga pemanah rampa menua ngena kar gelembung.

...

Chara Nyaga
Pemanah
... ...
Rampa
Menua

...

2. Karang dua genteran dindang bemalinka tema pemanah rampa menua.

15
 Tisih
A. Bacha ayat di baruh tu. Pilih saut ti betul.
1. Kami serumah ngerupan meresi sungai ... lemai.
a. semina c. nyentuk ke
b. lebuh d. enti
2. Aki enda nyadi nurun nginti ... ujan bangat.
a. laban c. semadi
b. lalu d. sereta
3. Pengajar Jura ... nembiak benung kiruh ngias kelas.
a. seraya c. enti
b. enggau d. lebuh
4. Nembiak rebak baru diatu patut ngembuan asai ati ti siru ... sayauka
rampa menua.
a. sambil c. sereta
b. tang d. ngambika
5. Mayas nya sebansa jelu ti majak lus ... iya dijaga ngena
undang-undang perintah.
a. nangkanka nya c. nya alai
b. tambah mega d. entudika nya
6. Ah Meng ... landik becherita ... pandai ngaga karang dalam jaku Iban.
a. taja pia … tang mega c. agi mega … taja pan
b. ukai semina … tang mega d. udah nya … tang lalu

B. Gaga ayat ngena leka jaku penyambung berentayan di baruh tu.

1. taja pan
2. nambahka nya
3. nya alai
4. ukai semina
5. udah nya
6. keterubah iya
7. entudika nya
8. nambahka nya

16
 Aram Mending enggau Bejaku

Keluluka randau di baruh tu.

Jenaing enggau bakih iya Banyai benung nginti ba Sungai Kara. Maya nya
benung tengah hari nampun.
Bah, bisi udah ngait
ginti nuan unggal?

Em … bisi ga tu!
Manah mih nya tang hari tu dah
tinggi endar. Aruh ga perut aku tu
tak asaika dikeramak bayak. Bah, Au, am mih sama
enda ngetu dulu tua! nyerungkai bekal dikena
tua ngelapis perut.
Au mih.

A K T I V I T I

1. Kelala lalu kerandauka bagi tuduh penemu dalam randau di atas.

2. Giga sempama bukai ti bisi kaul enggau pengawa begiga.

L A T I H

1. Giga reti jaku sempama ti bisi ditemu dalam randau di atas lalu gaga
ba kar titi.
2. Baka ni chara nembiak dua iku di atas nya napi penanggul enti seduai nadai
mai bekal?

1.1.3
1.3.6 17
 Aram Macha
Bacha cherita di baruh ngena intonasyen ti betul nitihka tanda bacha.

Dulu kelia, bisi siku raja ti tebilang bendar. Nama iya Raja Merom. Iya enggau
bini iya bisi siku anak dara ti bajik amat. Semua orang bujang keran ati deka jadi
enggau anak dara raja laban meda pemajik gamal iya.
Raja Merom bisi ngeletak adat sereta peminta ke tinggi ngagai orang ke
keran ati deka ngambi anak iya ke bini. Orang bujang ke tau nyadi menantu iya
mesti orang ke berani ngambi anak iya ari meligai ke tinggi.
Mayuh chara iya nguji pemerani orang ke deka nyadi menantu iya. Iya
ngengkah siku jelu singa ba pintu penama meligai. Meligai nya nadai tangga
sereta nadai jalai bukai dikena niki ke atas.
Mayuh orang bujang udah nguji tang mih sida enda mujur niki ke atas.
Sekeda sida ti ulih ngenataika diri di atas lalu mantul. Sida takutka singa ti nyaga
pintu penama bilik endur anak dara raja ke diumbung.
Mayuh bala bujang nyengkaum bala anak raja ari menua jauh nguji deka
ngambi anak dara tu. Siku ari anak raja tu, benama Raja Limbang. Anak raja tu
bisi kereban ajih. Iya bisi kasut, baju enggau sayap ajih. Iya nengkira sereta lalu
ngerasukka kereban ajih iya. Iya pan begadai-gadai niki ke atas ngena kasut
ajih iya. Enda berasai iya pan datai di legit endur anak dara raja nya diau.
Iya bisi engkerabun. Iya ulih nyeliahka diri ari ti dipeda singa ke nyaga mua
pintu meligai nya.
Raja Limbang ulih ngumbuk ati anak dara Raja Merom. Anak dara raja nya
pan setuju deka nitihka Raja Limbang nurun ke baruh. Raja Limbang lalu nabanka
anak dara raja nya ngena sayap ajih. Raja Limbang mujur napi penguji ke udah

2.1.3
18 2.3.4
diletak raja ngagai orang ti keran deka jadi enggau anak dara iya.
Ari pengeran ati, dia Raja Limbang ulih jadi enggau anak dara Raja Merom
ti chukup bajik.

A K T I V I T I

1. Bepelasarka cherita ti udah dibacha nuan, kerandauka:

a. Watak enggau tempat.
b. Pekara ti ngerinduka ati nuan dalam cherita tu.
c. Ba penemu nuan, baka ni asai ati anak dara Raja Merom lebuh iya dibai
Raja Limbang terebai ngena sayap ajih?
L A T I H

1. Beri reti leka jaku tauka rambai jaku ti bechura mirah dalam cherita.
2. Saut semua tanya di baruh tu ngena ayat penuh belalauka cherita.
a. Nama kebuah sida ke bujang berebut deka jadi enggau anak dara Raja
Merom?
b. Nama adat enggau peminta ti diletak Raja Merom?
c. Baka ni Raja Merom nguji pemerani orang ti deka jadi enggau anak iya?
d. Padahka chara Raja Limbang mujur ngambi anak dara Raja Merom?
3. Perundingka perengka ajih ti dikinginka nuan. Padahka nama kebuah nuan
inginka perengka ajih nya.
4. Enti sema nuan penulis cherita tu, nama topik ti deka diberi nuan ngagai
cherita di atas?

2.1.3
2.3.4 19
 Aram Nulis
Bacha lalu peratika tibak jaku ti dipansutka Tuan
Opis Menteri Pelajar Malaysia lebuh ti bejadi
Pengerami Lumba Darat SK Batu Burak.
Selamat pagi, iya ti dipebasaka Kepala Pengajar
SK Batu Burak Mr. Anthony Abun, Chairman
Gerempung Apai Indai Nembiak enggau
Pengajar, Tuai Rumah Engkaul, bala pengajar,
bala apai indai enggau bala nembiak.
Keterubah tu, aku meri besai terima kasih
ngagai sekula tu laban udah ngangauka aku
bejadi lumba darat taun tu.
Lumba darat tu siti ari aktiviti kokurikulum
ti deka diatur ninting taun. Diatu Opis Menteri
Pelajar Malaysia benung bejalaika program
Siku Nembiak Siti Lumba. Nengah program tu
bala nembiak diperansang ngambi bagi dalam
lumba nitihka pengelandik diri empu. Nya alai
kita nembiak rebak baru betuah laban bisi
diberi peluang ngerembaika pengelandik diri
empu. Kelimpah ari nya perintah bisi nyendiaka
perengka lumba ti manah. Kita mega diberi
peluang nampung pelajar dalam sekula lumba.
Kemaya hari tu, lumba ulih nyadi siti kereja
profesional ... .

A K T I V I T I

1. Keluluka tibak jaku di atas nya.

2. Tusui peneleba nuan senentang aktiviti tu ba sekula.
3. Peragamka penguntung ari aktiviti lumba ngagai kitai. Bantaika penemu
nuan ngena kar runding segala rata.
4. Lumba ulih nyadi siti kereja profesional. Pejuraika penemu tu.

L A T I H

Gaga siti ripot bepelasarka aktiviti lumba sekula kita taun tu.

3.1.3
20 3.3.6
 Jalai Jaku
Keluluka randau di baruh tu.
Jenaing enggau Lawai benung berandau lebuh ngetu tengah hari maya
pengerami lumba darat sekula sida.
Jenaing : Nama berita Lawai?
Lawai : Manah ga, Aing. Nuan dih?
Jenaing : Akai, lelak amat. Baru udah belanda 200 meter tadi!
Nasit ga bulih lumur satu. Ngelama tu mina bulih lumur dua aja.
Lawai : Manah mih nya!
Jenaing : Terima kasih. Nama lumba ti dipasuk nuan dih, Lawai?
Lawai : Nikauka leka meriam. Nya sigi lumba ti dikerinduka aku. Apu, manah
amat kasut spike nuan Aing!
Jenaing : Pia. Kasut spike tu dibeli aku ngena duit simpan aku empu. Diserepit
ari belanja ke ngelama tu.
Lawai : Endang patut kitai bekelimat. Anang tak bumbus tapa enti apai indai
meri kitai belanja.
Jenaing : Au, amat nya!

A K T I V I T I

1. Rintaika ayat ti ngundan jaku tekenyit enggau jaku tanya dalam teks.
2. Gaga tiga iti ayat penerang ti nerangka pengerami lumba darat ba sekula nuan.
L A T I H

1. Gaga tiga iti ayat tekenyit enggau tiga iti ayat tanya.
2. Bepelasarka randau di atas, nama reti sempama bumbus tapa?
3. Ba runding nuan, baka ni chara nyungkak kualiti lumba menua kitai?

5.1.3
5.4.1 21
 Bungai Jaku

Pelandai Ngulihka Pemandai

Tumu pagi, teringkas siang
Dani merus ngeli, lalu mandi ba dulang
Ngirup kopi, lalu makai ruti gelang
Sugu buk, ngena sugu jarang
Belitka sementing, bansa tali belulang
Betinjau ba cheremin, sigat baka apai Jang
Aku nurun ke sekula, enggau ati lantang
Pasukka tanchut, beg dipelawik ke belakang
Pasuk baju, serak ngena baju sampang
Indai mesan, macha bup anang kurang
Nepan kerita, chat lawa mirah jerenang
Kandang sekula, rampa lawa ati teperansang
Regas masuk kelas, bakih meri tabi memagang
Mija tusun sebaka, nadai betemera melintang pukang
Nembiak chapuh ragak, ati chukup teperindang
Pengajar kelas badas, seruran disebut lalu dikenang
Iya tumu ke kelas, nembiak chukup pengadang
Nyawa iya inggar, didinga ari belakang
Iya ga nelap, kami betanya nadai kakang
Oh bala bakih, ngulihka pemandai anang bepampang
Duit taruh mimit, sebedau ujan datai kitai udah ngadang
Ngambika pengidup kitai, gerai nyamai lantang senang
Maju nengeri Sarawak, belambangka burung kenyalang.

A K T I V I T I

1. Sadaka pelandai jaku peransang di atas tu ngena intonasyen ti betul.

2. Tuliska ajar manah dalam pelandai jaku peransang di atas nya ngena kar
gelembung.
3. Kerandauka reti ayat sebedau ujan datai kitai udah ngadang.
4. Ba penemu nuan, nama penyadi kitai enti enda bekelimat belanja?
L A T I H

1. Terangka reti jaku adjektif ti bechura mirah.

2. Gaga lima iti ayat ngena jaku adjektif ti bukai.
3. Tengkebang siti entelian pelandai ti ngenang budi apai indai. Udah nya,
pandangka ngena kereban ICT.

4.1.3
22 4.4.5
 Pengukuh

Seridi
1. Tipak timbal leka jaku di baruh tu.

Leka Jaku Timbal

pagi pisit

jarang tusah

lantang laun

tumu niki

nurun lemai

2. Isi lapang dalam ayat di baruh tu ngena leka jaku ti udah disediaka.

jarang nerima lemai niki apin

a. Rajin amat Apai Radin gawa di kebun lada semadi nyau … hari baru
iya pulai.
b. Nitihka adat basa kitai ari menya, … niki ke rumah panjai bala temuai
dulu nanyaka penyadi rumah.
c. Ini aku rawan amat lebuh ngumpul buah lada laban gigi tangga ti
digaga aki kelalu … .
d. Lebuh beperesa ba klinik, pemutus peninggi darah Apai Lawai … belama
laban iya enda bepentika diri makai.
e. Igat semampai … jaku puji laban iya bagas gawa sereta selalu nulung
orang bukai.

23
Pengaya
1. Tulis ayat ngena jaku adjektif di baruh tu.

sigat regas lawa

teperindang betemera nelap

2. Tusun baru ayat ba pelandai di baruh tu awakka nyadi entelian ti menyana.

a. Ngarapka mujur bulih pemandai
SK Batu Burak jelai rita
Selamat betemu selamat bekelala
Rampa menua badas ditimpai

b. Terebai beraban ngelawa tansang

Lemai hari pipit begau
Penemu beguna nyadi ke tenggau
Ngerandang jalai nuju pemansang

3. Gaga siti karang pelandai ke diri empu bepelasarka tema:

Siku Nembiak Siti Lumba.

24
 Aram Mending enggau Bejaku

Keluluka randau di baruh tu.

Helma enggau Suraya nemuai ngagai rumah Timai laban deka ngambi gambar
pua kumbu dikena ngaga bup skrap.
Helma : Ibu, kami deka minta pemendar nuan ngambi gambar pua kumbu
kita dikena ngaga bup skrap.
Indai Timai : Au, nadai salah. Nya iya dih.
Suraya : Terima kasih ibu. Mayuh pua kumbu udah ditenun nuan ibu?
Indai Timai : Bisi ga. Iya ke lama nya ditenun niang indai aku lalu nyadika
pesaka kami sebilik.
Helma : Alus amat bekau jari niang indai nuan nih ibu. Kati nuan Timai
bisi belajar betenun?
Timai : Bisi. Maya lepa aku belajar betenun ba indai aku.
Indai Timai : Amat nya, Timai endang rindu betenun. Enti seduai Suraya deka
belajar, kitu mih maya lepa.
Suraya : Maya ujung minggu ila kami duai Helma
belajar betenun ba nuan ibu.
Helma : Au. Aku endang udah lama deka belajar
betenun.
Indai Timai : Manah mih nya. Awakka pengawa betenun
ulih ditampung bala rebak baru indah enda
baka wi tampung tali, rutan tampung danan.
A K T I V I T I

1. Dalam raban, pejuraika reti rambai jaku “baka wi tampung tali, rutan tampung
danan”. Bantaika asil jurai ngagai kita sekelas.
2. Ba runding nuan, nama kebuah pengawa betenun mesti dikeangkunka?

L A T I H

1. Tulis simpul penemu pasal randau di atas.

2. Ba penemu nuan, nama kebuah kitai mesti ngemeranka pengawa asil
pengelandik jari? Bantaika penemu ba mua kelas.

1.1.4
1.4.1 25
 Aram Macha
Bacha teks di baruh ngena intonasyen enggau ekspresyen ti betul.
Pua Kumbu
Pua kumbu tu siti ari pesaka asal kitai Iban. Kelia pua kumbu tu diasilka ari utai
tumbuh baka lemba, taya, engkerebai, sebangki, tarum, engkudu enggau mayuh
agi ke bukai. Sekeda ari perengka ti dikena orang betenun iya nya tendai, temeran,
rakup, lidi, karap, lebungan, leletan, belia, tangga tenun, tangga ajan, tiang tenun,
turak, sulat, tachu enggau tempaut.
Pua kumbu ngembuan mayuh bansa buah tenun enggau motif. Buah tenun
ditengkebang bemotifka jelu, utai tumbuh enggau engkeramba. Sekeda ari nama
buah tenun pua kumbu iya nya bali belumpung, bali berinjan, gumbang
besimpan, ai bebuli enggau mayuh agi ke bukai. Nama buah tenun tu
digaga nitihka motif iya.
Kelia pua kumbu dikena nyadi ke pua, nyambut indu beranak
tauka sapat lebuh bisi rabat. Diatu, pua kumbu enda agi nyadi ke
pua dikena tinduk tang agi nyadi ke sapat ruai lebuh bisi rabat. Pua
kumbu tu mega dikena ngias ruai lebuh maya bisi pemesai datai
sereta maya pengerami gawai.
Mayuh temuai ari menua bukai rinduka pua kumbu. Sida suah meli pua kumbu
nyadi ke tepa. Berindik ari nya, pua kumbu tu ulih ngemansangka dagang temuai
menua kitai.
Diatu, ukai semina kitai Iban aja ngembuan pua kumbu tang mega dikembuan
bansa bukai. Nya alai kitai mesti ngemeranka pengawa nenun pua kumbu ngambika
iya enda lenyau dibai pengerarat jeman.
A K T I V I T I

1. Ba penemu nuan, padahka nama penyadi enti pengawa nenun pua kumbu
tu pupus.
2. “Pua kumbu ulih ngemansangka dagang temuai.” Pejuraika rambai jaku tu
dalam raban.
L A T I H

1. Gaga kar segala rata pasal perengka dikena ngaga pua kumbu lalu bantaika
ba kita sekelas.
2. Tulis siti genteran pandak pasal asil ari betenun baka selampai, baju burung
enggau ke bukai.
3. Giga nama buah tenun pua kumbu kelimpah ari ti bisi dalam teks.

2.1.4
26 2.3.5
 Aram Nulis

Bacha teks di baruh tu.

Aku Selambar Pua Kumbu
Aku selambar pua kumbu. Aku ditenun Ibu Racha ari sebuah rumah panjai di pelilih
menua Julau. Ibu Racha tau disebut indu takar indu gar laban iya endang indu ti
chukup tebilang ba pengawa betenun di Batang Julau. Barang sapa ti mansa ruai
endur Ibu Racha ti nenun aku, nadai siku enda muji pengalus tenun enggau pemanah
buah tenun ti dikarap Ibu Racha. Nadai mesa Ibu Racha nenun aku laban jari iya
bengat jampat baka ke muar kesa. Udah tembu, aku lalu dilipat sereta ditaruh iya
manah-manah laban enggaika dikerit chit tauka diridangka indu gerinang.
Beserimbai enggau pengerami Lumba Perau ba Pasar Julau bisi diatur
pengawa ngayanka asil ari pengelandik jari. Aku enggau bala menyadi aku ti bukai
dibai Ibu Racha lalu diengkah ba kedai iya. Mayuh orang besun-sun ngelawa
kedai Ibu Racha. Semua orang ti datai, enda ngira bansa enggau pengarap bela
muji pemanah gamal aku.
Ari pemayuh temuai ti datai ngagai kedai Ibu Racha, tama orang putih melaki
bini. Lama seduai melaki bini merening bala kami menyadi tang mih tachar perening
bini orang putih nya tak lekat ba aku. Iya bayam pemanah aku lalu mai aku ngagai
Ibu Racha sereta minta diskaun 10% ari tiga ribu ringgit rega aku ti udah ditetapka.
Ibu Racha setuju. Indu orang putih nya mayar rega aku ngena ringgit Malaysia ukai
ngena mata duit Euro ti dikena di menua sida. Ati aku sinu laban beserara enggau
kami menyadi kelebih agi Ibu Racha ti diasaika baka indai aku. Taja pia, bisi ga ati
aku gaga laban bepeluang diau di menua ti selalu dikelandikka ngelama tu.
Lebuh datai di menua Europa, tak enda sabar pengempu aku ti baru mandangka
aku ngagai bala bakih iya. Sida bela muji pemanah motif enggau buah tenun aku.
Aku berasai gaga sereta temegah ati.

A K T I V I T I
1. Nama kebuah orang rinduka pua kumbu tu?
2. Berapa rega pua kumbu udah ti diberi diskaun 10%?
3. Ba penemu nuan, baka ni kitai ulih ngerembaika motif tenun ngagai pekayan
bukai?
L A T I H

1. Tulis genteran ti keempat ngena tulis tampung.

2. Gaga karang prosa “Aku Selampai Berega”.
3.1.4
3.4.1 27
 Jalai Jaku
Bacha jaku tapis di baruh tu.
Ngepan Indu Iban
Keterubah iya deka masukka kain mirah
baka darah mansau chechinang
Udah nya iya masukka kain kebat nyau betekilap
baka sempepat ngelambai petang
Iya lalu ngena kain tating nyau sering-sering
munyi naning ngelingi lubang
Udah nya pasukka rawai rinyai
maras di kerigai rusuk marang
Iya ngena tumpa demam mayuh ripan
ulih nanggam di lengan jari menchanang
Tinchin belian bemata intan mau ngerang
Deka ngena marik empang
dilempai ba janga bau nukang
Iya lalu ngelempaika selampai chukup ukir bechenagir
baka naga benung nungaka rang
Ngena sugu tinggi mesti ngelui ari lepi sanggul lintang
Nya baru lubah nyingkang baka lingguk Endun Kumang

Jaku figuratif mai reti ti besilup lalu

jaku deskriptif mai reti penerang
senentang pekara.
A K T I V I T I

1. Liska jaku bantu gaya enggau jaku bantu aspek ti bisi ba jaku tapis di atas.
2. Kelala bagi leka jaku figuratif enggau deskriptif.
3. Ba runding nuan, nama kebuah rengka ngepan indu Iban berega amat?
L A T I H

1. Bantaika jaku bantu gaya enggau jaku bantu aspek ti udah diliska ngena
kar kayu.
2. Liska leka jaku figuratif enggau leka jaku deskriptif ti bisi dalam teks.
3. Gaga ayat ngena leka jaku bantu aspek enggau leka jaku bantu gaya di
baruh tu.
benung udah ulih mesti deka

5.1.4
28 5.4.2
 Bungai Jaku
Sadaka jaku tapis di baruh tu.
Ajat Manggum Lesung
Palu bebendai nyau ayun lundai
Pangkung engkerumung nyau merengung
Palu tawak nyau beanjak-anjak
Sida ke nembiak duduk jenuh enda ragak
Tempap ketebung nyau begemung
Sebarang sapa ti ninga nadai bekira gagit ngajat
Dia tak enda berasai dih bujang biak
Ukai semina lempung dagu tang bagak
Nanggung pelepatung nempap pah sepiak
Entepaka jari sambil kaki lalu ngentak
Pala dipelenggi lalu punggung gegayak
Ngajat di tengah ruai bekechepai naka pengelanchat
Dia iya lalu nyengkau lesung kayu tekam
Ke diban sida aya jengayang bujang ganggam
Chukup pemerat, manah dipeda lis diketam
Tak enda berupai dipelawik lalu dikanit ngeli gam
Chukup tegam kelalu rat enda bekinsit nadai beginyat
Iya nerais engkanjung nabanka lesung kayu medang
Musin menalan mata gegining jari megai duku ilang
Gamal dipeda jauh sigat ari antu buyu ngelambai petang
Dia baru iya ngengkahka lesung begadai pulai ke sarang
Ngelangkah meri basa ngagai mensia penuh dedat.

A K T I V I T I

1. Keluluka ajat manggum lesung nitihka penerang ba jaku tapis di atas.

2. Bantaika bansa ajat ti bukai ke ditemu nuan ba kita sekelas.
3. Ba penemu nuan, patut tauka enda main asal kitai dikemeranka?
Saraka penemu nuan.
L A T I H

1. Padahka ajar manah ti bisi ba leka main di atas.

2. Liska kereban ti bisi dalam teks.
3. Ba runding nuan, baka ni chara ulih ngenanka main asal bansa kitai?

4.1.4
4.3.3 29
 Pengukuh
Seridi
1.. Giga enam leka jaku bantu dalam pitak urup di baruh tu. D
R U O S W X A Z K N P
N Y Z
GC T M I J Y Z M U L I H

E V
C
E
U
A
S K
T N
L
R
D
J
E
D
K
C
A
B
F B P
L S G T
I
B
H
V
G
T
F
O
I
F
N
P
K
E
V
K
A
M
G M EY
X HP D B
D
E
C
N
I
U
R
N
Y
G
A
U
I
E
O
L
A
X
L N 0 I
K J
F
Z
S
A
W
P
T
I
H
N
N
Q
P
V
D
B
X
Y
W
Z
F V A
mesti benung ulih kala apin deka

2. Isi lapang ngena jaku adjektif ti engkeman.

rat jerenang pengelebat tampak manah rangkai

Pelandai Pua Kumbu

Pua kumbu jelai nama ... rita

Dikelala bansa serata menua
Enda ngira adat, enda ngira bansa
Dikena bala bujang dara
Mirah ... baka tekang mau gemala
Bemacham chura bemacham bunga
Ditenun bala indu dara
Nitihka mimpi padah Petara
Ubung diikat ... ngena lemba rangkai
Disepuh ampuh ngena engkerebai bebungai
Ngambika chura berubah ... mata nimpai
Kebatka ba tangga awakka ...
Buah pua naka ... baka ke dirintai
Ngambika dipeda temuai datai
Sereta ke pesaka bansa kitai.

30
Pengaya
1. Bacha cherita di baruh tu.

Terubah Bansa Iban Nemu Bekelingai

Menya bisi kitai Iban siku benama Gendup. Iya rindu nyumpit. Nyadi sekali iya tepejuh
nyumpit ke pendai orang, lalu tepedaka indu siku benung mandi. Indu nya lalu nyapa iya.
Udah tembu mandi indu nya lalu mai Gendup niki ke rumah.
Nyau semak kaki tangga, dinga Gendup tak bekesetik munyi utai dalam rumah orang
nya. Iya enda nemu belabaka pengawa orang ke bengat bekesetik ngemalat nya. Gendup
nanya ngagai indu nya. Indu nya madahka sida serumah ngaga pantang.
Udah badu makai lemai orang serumah dia ngulu Gendup. Sida nanyaka menua enggau
pejalai Gendup laban iya nadai kala rembus ba menua nya. Gendup madahka diri pejalai
lantang. Ninga iya pejalai lantang dia sida ke bujang lalu deka ngaga kelingai ke dikena
ngingatka iya ke baru rembus. Malam nya sida ke tuai lalu madahka Gendup bagi kelingai ke
diengkah ba tubuh. Orang mega lalu madahka pasal tegulun ngagai iya. Tegulun enda tau
digaga ngapa enti nadai dengah.
Hari siti iya madahka diri deka dipantang sida. Tiga hari berunggu sida mantang Gendup
nya baru tembu. Naka pemanah kelingai ba sebelah tubuh Gendup laban orang ke mantang
nya endang landik. Sida dia endang pun penatai pengawa bekelingai. Apin Gendup pulai,
apai tuai orang nya lalu madahka nama diri Selang Pantang lalu sida serumah nya endang
Antu Pantang magang-magang. Antu Selang Pantang
nangkan Gendup mesti ngajar peturun iya bepantang
laban iya mensia ti keterubah datai di rumah sida lalu
bepantang.
Datai Gendup di menua, sida serumah bela
ngenung meda utai tak begenarau chelum sebelah
tubuh iya. Iya becheritaka diri ke kala begulai diau
enggau sida Antu Selang Pantang. Bepun ari ajar
Gendup nya mih kitai Iban nemu begagaka kelingai
ba tubuh.

(Dibali ari: https://gnmawar.wordpress.com)

2. Saut tanya di baruh tu.

a. Dini endur Gendup tepejuh maya iya nyumpit?
b. Sapa ke nanya Gendup ba pendai nya?
c. Nama pengawa ti benung digaga orang rumah panjai nya lebuh maya
Gendup datai dia?
d. Ba runding nuan, nama kebuah orang ti rembus ba menua Antu Selang
Pantang nya digagaka sida iya kelingai?

31
 Tisih
1. Liska jaku bantu aspek enggau jaku bantu gaya ngena kar kayu.

Jaku Bantu

Jaku Bantu Aspek Jaku Bantu Gaya

... ...
... ...
... ...
... ...

2. Gaga ayat ngena jaku bantu aspek enggau jaku bantu gaya ti udah
diliska nuan.
3. Beri penemu nuan senentang tanya di baruh tu lalu bantaika ngena kar
berurun-rurun.

Alus tenun ...

Mayuh diambi
... Nama kebuah kain kena ngaga
pekayan
tenun berega?

Nambahka
... penatai pemisi

32
 Mending enggau Bejaku
Perati lalu kerandauka pengawa dalam gambar di baruh tu.

Dulu kelia bisi dua iku jelu ti bebakih

amat. Seduai iya begulai manah enggau
pangan diri lalu semampai betawing
kin kitu baka belangkas.

A K T I V I T I

1. Tipak dialog di baruh enggau pengelulu ti engkeman.

a. Oh! Ni nuan jui? Tu aku ti bejulukka batu penemu jauh runding ngelui remang.
Pintar betimbang, akal enda kurang. Aram tua mupuk baka selama begigaka
engkayu sebelah kampung puang.
b. Tu aku jui ti beensumbar sambi lubah bejalai tang nadai penimpang, pandak
singkang tang ngembuan kerubung kering pengelamun tulang. Aram mih ari
tadi aku nganti nuan.

2. Kelala bagi sempama, emperian enggau jejuluk tauka ensumbar ti bisi dalam
dialog nya.
3. Ba penemu nuan, baka ni gaya kaul entara Tekura enggau Pelanduk kelimpah
ari dalam dialog?
4. Bepelasarka peneleba nuan, nama penguntung ari ngemeranka kaul ti manah
enggau pangan diri.

L A T I H

1. Tuliska emperian enggau ensumbar ti ditemu nuan.

2. Beri situasyen dalam pengidup kitai ti bemalinka kaul entara Pelanduk enggau
Tekura baka dalam dialog di atas.
1.2.1
1.4.2
5.4.4 33
 Aram Macha
Bacha cherita di baruh tu ngena kelis mua enggau lingguk tubuh ti engkeman.

Engkadah ke langit peda mua hari petang tegayam.

Nadai bintang pegari ngias malam. Bala jelu semua
agi bela betugung, sama berundingka penanggul ti
nuntung sida.

Nganti pagila aja mih kitai, Enti ujan lagi, tusur tanah tabanka ai nelusur
anang beguai mindah ke bukai. bukit. Kami tu mit, rarat lagi tabanka ai datai
ngenyit. Nyau asaika digenggam semengat.

Abis kampung puang ditebang enda beradat.

Mimit ujan ai sungai lalu mansang. Tanah Suba nadai
tusur nabanka kayu tumbang. penusah baka
tu. Sekumbang
kampung ti majak
kurang, kitai pedis
ngiga pemakai.
Endur diau pan
sebarang alai.

Kami semua enda engkeretik. Semua bela berunding. Enti mindah

ke ulu tanjung, nadai agi kampung puang endur belindung.
Temuda pan pedis digiga. Udah nyadi emperan bandar raya.
Ngejang ke ili pan bedau temu senuah untung. Din balat agi endur
anak mensia begenturung.

Mindah dulu mih kitai ngagai tanah landai. Mupuk bejalai begadai-gadai. Barang
ke besai ngema sida ke mit. Sapa ke laju nyingkang ngesan sida ti lubah bejalai.
Enti sema kitai lelak, ngetu ga enda lama. Enti sema kitai lepi ikak, bela bebagika
pemakai sama seempa.

2.1.5
34 2.4.1
 Amat munyi ku Tengiling nya. Merekah pajar lagi aku
terebai matau ngiga pulau galau anak mensia. Dia
endur kitai mubuk kampung. Anang irau, punggal.
Enda ditegu sida pulau galau nya.

Semua bala setuju magang. Tekerebak tawas

kami ngepunka singkang. Kami mindah
begigaka kampung galau anak mensia. Taja
pia, kami agi ngenang bala bakih ti mengkang
tinggal di menua lama din.

A K T I V I T I

1. Terangka isi cherita ngena kar rurun.

2. Kerandauka reti sempama ti bechura mirah dalam cherita di atas.
3. Pejuraika empas ari pengawa ke nebang kayu enda beradat ngagai pendiau
enggau pengidup kita.
4. Ba penemu nuan, terangka baka ni chara kitai nagang pengawa nebang
kayu enda beradat?
5. Nama penyadi menua kitai enti pengawa nebang kayu enda beradat enda
besekat?
L A T I H

1. Giga dua iti jaku sempama ti engkeman enggau cherita tu.

2. Rintaika tiga iti ajar manah ti bisi dalam cherita nya.
3. Tulis siti karang belalauka gambar di baruh.

2.1.5
2.4.1 35
 Aram Nulis

Tengiling nulis surat elektronik ngagai bakih iya, Ruai. Bacha surat di baruh tu.

Ruai.
Aram mih kitu.
Nama berita nuan enggau bala bakih ti bukai? Kati gerai kita dia? Kami sebuat
ditu bela gerai magang.
Kami diatu udah datai ba Taman Negara Kebawai. Akai rai, lelak amat
tulang tu! Bendar amat kami sebuat bejalai dua hari tu. Diatu baru nyau berasai
nyamai laban udah datai ba taman negara tu. Taman negara tu baka kampung
kitai dia suba. Semua pengidup siga ditu dijaga enggau manah. Pengawa ti
tau ngachau pengidup siga mega ditagang ditu. Nya alai taman negara tu tau
nyadi pengenduh ke bala kitai.
Aku meransang bala kita sama pindah kitu. Anang rindang kita bakih.
Kitu mih ngambika kitai bela ngenduh ditu. Eh, dah datai Rusa! Iya mai aku
matau kampung tu. Mupuk dulu aku bakih.

Bakih nuan,
Tengiling

A K T I V I T I

1. Kelala bagi bansa ayat dalam surat elektronik nya.

a. ayat penerang c. ayat tanya
b. ayat tekenyit d. ayat perintah
2. Gaga ayat ungkup tetiap bansa ayat di atas.
3. Bidaka rampa menua entara kampung asal sida suba enggau taman negara
nya nitihka penerang dalam surat elektronik ngena kar gelembung gandin.
4. Ba penemu nuan, nama kebuah Tengiling madahka diri berasai nyamai?
Beri penerang ti silik ke penemu nya.
L A T I H

Tulis segenteran karang ti nerangka bida entara rampa menua baru enggau
menua lama sida.

3.2.1
36 3.4.2
 Jalai Jaku

Ah Meng meli bup cherita ke tepa bakih iya ti diau ba menua bukai. Bacha tibak
cherita ari bup nya.

Majang seduai Balang ditinggalka apai indai

kenyau ari mit udah ke bebadi diserang burung
geruna. Seduai ngidupka diri lalu diau dalam
sebuah gua muak ke barat menua Lubuk
Bebatu. Gua nya enda jauh ari sebatang sungai
ti alai begigaka pemakai. Ngelingi gua nya
mega endang mayuh utai tumbuh ti tau ke
engkayu. Seduai nadai penyuntuk utai kena
laban seduai nemu ngaga mayuh macham
pekakas baka selabit, idas, bubu enggau
kereban bukai. Semua pekakas nya berupai
manah laban seduai iya sama alus jari. Seduai
mega enggai enda jenuh jari laban nemu nadai
orang bukai dikarapka agi. Balang ngembuan
juluk ati ti tinggi. Pagi siti, iya duduk nyandih ba
bandir sepun tapang. Pemesai pun tapang nya
bulih dua pemerap. Iya berunding deka mai
Majang mejuh ngichaka bisi tetemuka menua
ti diuan mensia. Malam nya Balang madahka
anak runding diri ngagai Majang. Majang lalu ... .

A K T I V I T I

1. Kelala bagi jaku prafrasa ti bisi dalam tibak cherita nya. Bantaika ngena kar
kayu.
Jaku Prafrasa

Jaku Penempat Pengenap Tesa

2. Kerandauka reti jaku silup ti bechura mirah dalam teks.

3. Enti nuan Ah Meng, nama sekeda pekara ti patut dikira sebedau nuan meli
bup cherita nya?
4. Rega asal bup nya RM8.00 siti tang bisi diberi diskaun 20%. Berapa rega bup
ti patut dibayar Ah Meng?

5.1.5
5.4.3 37
 L A T I H

1. Saut tanya di baruh.

a. Dini endur cherita tu nyadi?
b. Nama penguntung enti kitai enda jenuh jari?
c. Nama runding Balang ngagai menyadi iya?
d. Nitihka penemu nuan, beri pengudah cherita tu.
2. Tusun urup di baruh tu ngambika nyadi jaku penempat.

a. u j n u

b. d e s i n

c. u k s t u

d. n h t e a g

e. m g b n i a i

f. e e n s n g n t a

3. Tulis ayat ngena pengenap tesa di baruh.

batang buah pemerap pun

4. Isi lapang di baruh ngena jaku silup ti bisi dalam teks.

a. Lemai tadi aku enggau indai ke kebun lalu ngiga daun sabung enggau
daun empasa. Nya mih ke ... kami malam tu.
b. “Belajar bebendar, Igat. Tapatka ... nuan. Nuan mih ke tulang belakang
kitai sebilik,” ku apai. Jaku nya meruan dikingatka Jalin taja pan iya diatu
udah mujur.
c. Kami sekelas ngulu pemandang asil pengelandik jari kemari. Mayuh
macham kereban ti memanah dipandangka. Orang ke empu abi jari tu
sigi ... .
d. Pemujur Aya Buda dalam industri betanam betupi patut nyadi ke
teladan kitai. Iya ukai semina ... tang ngembuan juluk ati ti tinggi deka
ngemujurka diri dalam industri tu.

5.1.5
38 5.4.3
 Bungai Jaku

Bacha sereta keluluka ensera di baruh tu.

Dulu kelia, kenu ku jerita, semua jelu
1. nemu bejaku baka mensia. Bala jelu
mega idup begempung sereta betulung
enggau pangan diri. Hari siti, Penyaga
Kampung ngangauka semua
jelu begempuru.

2.

“Oh, bala anak! Petara udah nempa

anak mensia ti sama ngembuan pengelandik
bejaku baka kitai. Nya alai kitai diasuh
ngiga jaku bansa diri empu. Gaya pengidup
ngelama tu mega dilengka. Kita diberi awak
seminggu begigaka jaku baru. Minggu
nyin ila kitai betemu baru ditu,’’ pia ku
Penyaga Kampung.
3.
Bala jelu bekekisuk begigaka jaku
bansa diri. Singa digela Raja Kampung
ti keterubah milih jaku bansa diri.
“Auuumm, tu munyi dipilih aku,’’
ku Singa. Semua jelu setuju magang
semina Tiung aja ti ngelese.
“Hahaha, munyi beruang pedis
ngeli,’’ ku Tiung sambil ketawa.
Singa enda bemunyi laban sigi
nemu ulah Tiung baka nya.

4.

Hari beganti hari tang Tiung bedau

begigaka jaku bansa diri. Iya semampai
ketawa ke bala bakih aja.

4.2.1
1.2.4
2.3.5 39
5.
“Hahaha, munyi pintu ti enda diberi
minyak,’’ ku Tiung nganu Buntak.
“Hahaha, dinga kita munyi nyawa
bala ini tuai ketawa,’’ pia ku iya nempiaka
munyi jaku bala Kuda.
“Apu! Gelembung sapa ti bumbus
nya?’’ ku iya ketawa ke munyi Ular.
6.
Genap timpuh seminggu, bala jelu Miau
begelumu baru. Semua jelu ngayanka Mbeek Muu
jaku diri. Datai ba gintir Tiung iya lalu
bejaku.
“Mbeek,’’ ku Tiung tang Kambin
madah nya jaku iya.
“Muuu,’’ ku Tiung tang Chapi mantah
laban nya jaku iya.
“Miau,’’ ku Tiung nguji baru lalu dianu
mayau laban nunda jaku iya.
7.
Semua jelu ketawa meda Tiung. Iya
berasai malu lalu minta ampun ketegal
penyalah diri ti udah ngeleseka sida.
“Umbas nya bala anak. Nuan Tiung
tetap beri aku siti jaku. Nyadika ajar, nuan
deka lanchat nunda munyi jaku jelu bukai
selama-lama iya,’’ ku Penyaga Kampung
sambil tuchum.
(Dibali ari: Surayah Hussin, Haiwan Bijak
A K T I V I T I Bersuara, 2009, Lambar 172-174)

1. Nama penemu nuan senentang ulah Tiung?

2. Pejurai lalu tuliska ajar manah dalam kar gelembung.
3. Uji peragamka situasyen pengidup kitai kemaya hari tu enti semua jelu ulih
bejaku baka mensia?
L A T I H

1. Tulis lima iti ayat ti nerangka ajar manah dalam ensera tu.
2. Ba runding nuan, nama pekara ti ngerinduka ati dalam ensera tu?
Pekara ti ngerinduka ati aku dalam ensera tu iya nya ... .

4.2.1
1.2.4
40 2.3.5
 Pengukuh
Seridi
Bacha poster di baruh lalu pindahka penerang dalam pitak ti disediaka ke dalam
bup latih nuan.

ENSERA JELU BELELANG ENSERA PELANDUK ENGGAU TEKURA

NUMBIT BANDIR TAPANG

Rega: RM10.00 Rega: RM8.00

Endur Meli: Kedai Bup Tebilang
Diskaun: 10%
Batang Ensera:
Jelu belelang ngiga kampung galau ti
baru nyadika palan endur diau.
Endur Meli: Kedai Bup Jelai
Diskaun: 5%
Batang Ensera:
Pemintar Pelanduk enggau Tekura menang
dalam pekit numbit bandir tapang.

Ensera Pelanduk enggau Tekura

Topik Bup Ensera Jelu Belelang
Numbit Bandir Tapang
Rega (RM)
... ...
Diskaun (%)
... ...
Endur Meli
... ...
Batang Ensera
... ...

Pengaya
1. Bepelasarka penerang ba poster di atas, ni bagi bup ti dipilih nuan?
Tuliska kebuah nuan milih bup nya dalam bup latih.
2. Bepelasarka peneleba, pilih siti bup cherita ti kala dibacha nuan.
Tuliska penerang senentang pekara di baruh tu.
a. watak
b. sinopsis
c. ajar manah
d. pekara ti ngerinduka ati

41
 Tisih
1. Gaga ayat ngena jaku sempama dalam pitak di baruh tu.
senuah untung asaika digenggam semengat
merekah pajar mubuk kampung
2. Kelala jaku penempat ti bisi dalam ayat di baruh tu.
a. Pulau galau ti ditapatka bala kami sebuat nya apak ke barat.
b. Bala jelu udah datai ba tengah kampung. Sida udah mutus ati deka
ngelawa kampung galau anak mensia.
c. Aku nudukka diri ngimbai Suraya ke benung ngirup ba baruh pun kayu
ti rinda. Aku lalu mansutka bekal ari beg.
d. Seraban temuai ari menua luar neruska pejalai sida nuju endur ti bisi
bungai rafflesia. Endur nya enda jauh ari Gua Layang.
e. Taun tu kami bumai ba temuda Nanga Embawang senentang kami
berimba sepuluh taun menya. Bungkur pemesai temuda nya ari tebing
sungai nyentuk ke ngagai kaki Bukit Embawang.
3. Tulis baru genteran ayat di baruh tu ngena tanda bacha ti betul. Kelala bagi
bansa ayat ti bisi dalam teks nya.

pagi siti aku duduk ba tisi pegung aku nyinuk ngemataka ikan
dalam pegung nya enda mukai mukai aku ninga nyawa orang
nyerauh muak ke seberai jalai
tulung tulung tulung pia ku munyi nyawa
mata aku gining-gining ngiga orang ke minta tulung aku malik
ke kiba siku orang tuai teduduk ba tanah pala iya bedarah
aku belanda ngelawa ini tuai nya
apu lapa nuan ini ku aku
iya madahka diri terap udah nya aku nulung iya bediri
terima kasih uchu laban udah nulung aku ku iya sebedau
mupuk iya bepesan ngasuh aku bejimat ba rantu jalai

42
 Aram Mending enggau Bejaku

Peratika gambar ti mandangka pemujur apai Banyai bekebun lada di baruh tu.

A.

B.

C.
D.

A K T I V I T I

1.. Betanya saut bepelasarka gambar di atas.

2. Peratika situasyen dalam gambar C. Gaga ayat ti engkeman dikena
meransang orang nyimpan duit ba bank.
3. Ba runding nuan, baka ni chara bala pekebun tau mujur?

L A T I H

1. Tulis tiga iti ayat ti engkeman dikena meransang nembiak rebak baru
ngemeranka pengawa betanam betupi.
2. Ba runding nuan, nama kebuah apai Banyai mujur bekebun lada?
3. Gaga kar segala rata ti nunjukka kebuah apai Banyai mujur ba pengawa
betanam betupi.

1.2.2
1.4.3 43
 Aram Macha
Bacha cherita di baruh ngena intonasyen ti betul.
Ba Pengerami Hari Orang Bumai Tikas Menua Sarawak ke diatur empai lama ti udah,
Linggi Anak Sagoh nerima perais Anda Betanam Betupi 2015. Tu ke nyadi buah mulut
sida semenua. Pemayuh mensia ti ngulu pengerami nya suba baka ulat garam
nyengkaum bala menteri, pemesai
ari Opis Betanam Betupi, tuai-tuai opis
perintah enggau tuai-tuai raban bansa.
Iya ke bendar Linggi tu suba endang
orang ti merinsa. Maya betangkal getah
iya palu basu lalu maya bumai enda
pulai benih baka pengidup manuk kair
pantuk. Taja pia, iya benasit laban bisi
diungkupka entua iya sebidang tanah
ti umbas iya pemesai. Maya nya suba,
bini iya Isah agi betampung benung
beranak mit, kelalu pisit baka sit buah
pisang.
Suba Linggi enda belada laban
enda teulihka tuat lada. Deka beragih
orang enggai, deka meli duit ga nadai.
Tang jaku peransang ti dipansutka apai
iya selalu dikeingatka iya nyentuk ke diatu, pejalai beribu batu bepun ari singkang
keterubah. Iya bechuanka pemujur Tauke
Abong ti nyulut dalam pengawa dagang
ke ngembuan mayuh buah rumah batu di
Bandaraya Miri.
Bebekalka pengeliat ati, Linggi lalu mupuk
bekebun mimit-mimit. Iya meras ngereja
pengawa nyentuk ke enda begari rangkai.
Nyau kelama udah nya, Linggi bisi nerima
bantu ari Opis Lada enggau Opis Betanam
Betupi. Sida mantu meri perengka dikena
bekebun baka baja, rachun, pemanchit
enggau sekeda kereban ti bukai. Kelimpah
ari nya sida mega bisi meri latih senentang
chara bekebun lada.
2.2.1
2.4.2
44 4.2.2
 Kelimpah ari ti bebendar bekebun lada, iya mega enggau naka ulih nyengulaka
semua lima iku anak iya. Linggi enggau naka ulih meransang sereta nyeridika pelajar
anak laban meretika pemesai guna pelajar sekula.
Diatu semua lada iya bisi tiga ribu pun lalu ulih ngasilka penatai pemisi lebih
kurang RM200,000.00 dalam setaun. Pengawa bekebun muntang dikereja laban
sekeda pengawa baka manchit, mantun enggau ngigirka buah lada mayuh udah
ngena injin. Nambahka nya, Linggi diatu
udah dibantu dua iku orang gaji ngereja
pengawa.
Semua anak seduai udah mujur
dalam pelajar lalu megai pengawa ke
menyana ba perintah enggau kompeni.
Banyai nyadi lutur. Jilan nyadi luyar.
Meling nyadi polis lalu Umang Ensingan
nyadi pengajar. Semina siku Radin aja ti
agi besekula.
Diatu pendiau enggau pengidup sida
Linggi sebilik jauh udah berubah indah
enda baka lansar bebali nyadi lubuk.

A K T I V I T I

1. Kelala jaku figuratif dalam cherita di atas.

2. Kerandauka reti, pejalai beribu batu bepun ari singkang keterubah.

L A T I H

1. Rintaika ukur pemanah ti bisi dalam cherita di atas.

2. Terangka reti jaku sempama ti bisi ditemu dalam cherita di atas.
3. Tuliska penteba ulah manah Linggi Anak Sagoh ti nyadika chunto manah
ngagai kitai dalam kar runding segala rata.

2.2.1
2.4.2
4.2.2 45
 Aram Nulis

Peratika sereta bacha enggau silik biodata di baruh tu.

Nama : Linggi Anak Sagoh

Umur : 52 taun
Bansa : Iban
Penatai : Rumah Engkaul, Madu Midang
Nama bini : Isah Anak Sempurai
Pemayuh anak : 5 iku
Peninggi pelajar : (Pom 3) Lower Certificate of Education (LCE)
Endur sekula : SK Batu Burak (Primari 1 ngagai Primari 6)
SMK Batu Burak (Pom 1 ngagai Pom 3)
Pengawa : Betanam lada
Kelab dipasuk maya besekula : Kelab Husbandri (Chairman)
Setipikit diterima maya besekula : 1. Kaban Kelab Husbandri Pengabis Chakah
2. Pemenang Pekit Pemanah Kebun Sayur
Peringkat Menua Subis 1978
Penatai pemisi setaun : RM200,000.00
Kus ti kala dipasuk : 1. Chara Nanam Lada
2. Chara Nyaga Penyakit Lada
3. Enterpreneur Rebak Baru
Anugerah : Anda Betanam Betupi 2015
Juluk ati : Deka nyadi kontraktor ti mujur

A K T I V I T I

1. Kerandauka biodata di atas dalam raban.

2. Enti nuan Linggi diatu, baka ni chara nuan meransang nembiak rebak baru
rinduka pengawa betanam lada?
3. Ba runding nuan, nama kebuah Linggi deka nyadi kontraktor?

L A T I H

Bepelasarka biodata Linggi Anak Sagoh di atas, tulis siti karang pasal pengidup iya.

3.2.2
46 3.4.3
 Jalai Jaku
Bacha teks di baruh lalu peratika chara ngena penambah mua pe- enggau
penambah peN-.
Tan Sri Bantin Anak Sagoh siku orang dagang ti tebilang. Iya menyadi tuai Linggi
anak Sagoh, penanam lada ti maju amat. Pemujur iya numbuhka Supermarket
Sagoh Enterprise udah ditemu orang mayuh. Iya udah napi mayuh penusah
enggau penguji sebedau mujur dalam dagang nya. Iya selalu ingatka ulah tekura
ti enda mudah mantul ngapa enti apin tepantup ba bandir.
Taja pan iya enda ngembuan pelajar tinggi tang iya bisi ngembuan pengelandik
enggau pemintar ba pengawa dagang. Kelimpah ari nya, iya mega ngembuan
adat basa enggau penelap ati ti dikerinduka orang. Chukup pemedis iya terubah
numbuhka supermarket nya suba.
Pemujur pengidup iya ari ke semina muka kedai mit nyentuk ke muka
supermarket ti ngembuan mayuh pampang tau amat nyadika peransang kitai
ke rebak dudi. Iya udah dipilih nerima perais enggau setipikit ‘Usahawan Contoh
2011’. Iya mega selalu dikangauka meri jaku peransang ngagai nembiak ti benung
belajar.
Kelimpah ari nya, iya mega selalu gerah jari meri duit jali ngagai bala nembiak
ari ruang bilik ti merinsa mensena.

5.2.1
5.4.4 47
 A K T I V I T I

1. Giga lalu rintaika leka jaku bepenambah peN- enggau pe- dalam teks.
2. Kelala bagi urat jaku dalam jaku bepenambah nya.
3. Rintaika ukur pemanah dikembuan Tan Sri Bantin ti ulih mantu iya mujur
dalam pengawa dagang.
4. Nama juluk ati nuan? Peragamka chara nuan ngemansangka diri ngambika
ulih nyapai juluk ati nya. Tulis chara nya ngena kar gelembung.

L A T I H

1. Isi endur lapang ngena jaku penambah belalauka urat jaku dalam
engkerung.
a. ... (mujur) iya ba pengawa dagang nyadika pengeransing orang rebak
dudi.
b. Chukup mih ... (tusah) Tan Sri Bantin terubah iya muka dagang suba.
c. Iya ngembuan ... (landik) dalam pengawa dagang.
d. Pemujur iya ba pengawa dagang suba endang sigi bepun ari iya ti
ngembuan … (nelap) ati enggau bala orang ti bekereja ari baruh iya.
e. Bala … (beli) barang diatu udah ngembuan chukup pengelandik
bebelanja.
f. Tan Sri Bantin napi … (pedis) enggau penguji maya ti baru numbuhka
supermarket suba.
g. ... (datai) Tan Sri Bantin ba sekula SK Batu Burak disambut enggau chukup
basa.
h. … (jalai) pengidup Tan Sri Bantin tau bendar nyadi teladan bala kitai
rebak dudi ti nguji deka muka pengawa dagang.
i. … (gawa) Tan Sri Bantin balat dikenang rayat mayuh laban iya ukai
semina orang dagang ti mujur tang ngembuan penyiru ati ngagai semua
orang.
2. Isi jaku sempama ti engkeman dalam ayat di baruh tu nitihka chara iya
dikena ba teks nya tadi.
a. Ulah Tan Sri Bantin ti enda mudah mantul ngapa napi penusah maya
muka dagang disemaka baka ... .
b. Tan Sri Bantin tebilang di menua sida laban iya ... mantu orang ti suntuk
belanja.
3. Rintaika ukur pemanah ke bisi ditemu dalam cherita Tan Sri Bantin Anak Sagoh.

5.2.1
48 5.4.4
 Bungai Jaku
Sadaka pelandai di baruh tu.

Pengeliat Ati

Pun pengidup chukup penusah

Ngiga belanja betangkal getah
Sebarang pengawa nadai diseliah
Anang ngereja pengawa ti salah

Keterubah betanam lada

Nadai tambak, tuat enggau baja
Gawa siang malam enda ngira maya
Kengka asil ke belanja anak besekula

Anak lima iku benung belajar

Dipadah nadai mantah rajin sereta pintar
Diatu sida gawa lalu diau di bandar
Nyadi lutur, luyar, polis enggau pengajar

Pengidup kami duai melaki bini lantang

Bala anak bisi kereja perintah enggau bedagang
Kebun lada enda jena bisi beberapa bidang
Pengawa berat nadai ngangkat kereja kuli magang

Pesan aku ngagai kita rebak dudi

Ngambika kita enda nesal dudi hari
Ngereja pengawa mesti liat ati
Pengidup mujur nupi anak bini.

A K T I V I T I

1. Bacha leka main di atas sambil beratika enteli ba tetiap baris.

2. Kerandauka enggau pengajar chara nengkebang karang pelandai di atas.

L A T I H

1. Tuliska semua ukur pemanah ba leka main di atas ngena kar segala rata.
2. Betanam lada tau ngasuh kaya. Pejuraika.

4.2.2
49
 Pengukuh

Seridi
A. Giga timbal leka jaku dalam ayat di baruh tu nitihka jalai iya dikena dalam
teks ti udah dibacha ba lambar 44 enggau lambar 45.

No. Leka Jaku Timbal

1. mayuh ...
2. merinsa ...
3. meli ...
4. nadai ...
5. muntang ...

B. Tulis ayat ngena leka jaku di baruh tu:

1. bakih ...
2. meras ...
3. keterubah ...
4. bebendar ...
5. pemayuh ...

C. Isi lapang di baruh tu ngena leka jaku ti engkeman ari latih B di atas.

1. Amat raya ga … orang bebelika barang ba kedai nya lemai kemari.

2. Aka aku orang ti … ulih nampung pelajar ngagai universiti ari menua
kami.
3. Chukup … ati aku disangka Wat Kalum enchuri duit dalam kerepai iya.
4. Tetiap hari, kami duai … aku Jenaing sereta nurun ke sekula.
5. Apai aku enggai nangguhka pengawa, nya alai iya … lebuh ngereja
pengawa.

50
Pengaya
1. Isi kar di baruh tu belalauka biodata Linggi Anak Sagoh.

Umur Pemayuh anak Peninggi pelajar

Penatai Juluk ati

Nama bini Pengawa Tanda puji diterima

2. Tipak sempama di baruh tu enggau reti iya ba sepiak.

Bebendar ngereja pengawa nyentuk
Gerah jari
ke tembu.

Pengidup ti merinsa berubah nyadi

Buah mulut
senang.

Enda ngenyadi lalu mentas mantu

Lansar tau nyadi lubuk
tauka nulung orang.

Pekara ti selalu dikenang orang

Baka pengidup manuk kair pantuk belama.

Enda begari rangkai Pengidup orang ti kelalu merinsa.

Baka tekura enda mudah mantul ngapa

Orang ti kelalu bendar gawa.
enti apin tepantup ba bandir

3. Tulis ayat ngena jaku sempama di baruh tu.

a. Buah mulut
b. Enda begari rangkai
c. Baka tekura enda mantul ngapa enti apin tepantup ba bandir

51
 Tisih
A. Beri tanda bacha ti betul ba teks di baruh tu.
ba pengerami hari orang bumai tikas menua sarawak ke diatur empai
lama ti udah linggi anak sagoh nerima perais anda betanam betupi 2015
tu ke nyadi buah mulut sida semenua baka ulat garam pemayuh mensia
ti ngulu pengerami nya suba nyengkaum menteri bala pemesai ari opis
betanam betupi tuai-tuai opis perintah enggau tuai raban bansa

B. Nulis biodata.
Gaga siti pansik pasal siku orang ti mujur dalam
pengidup lalu tulis biodata iya nitihka format ti betul.

C. Leka jaku bepenambah peN- enggau pe-.

Tulis lima iti ayat ti ngundan leka jaku bepenambah peN- enggau
pe- kelimpah ari ti bisi dalam teks ti udah dibacha.

D. Tulis lima iti ayat tanya bepelasarka situasyen dalam gambar di baruh.

52
 Aram Mending enggau Bejaku
Pagi hari minggu nya, Lawai enggau aki iya nyual engkayu ba pasar tamu.

Amat manah tu, aya. Ngagihka

aku dua ikat dia, aya.
Uchu, nulung aku ngikat upa lalis tu.
Jimat enggaika ditebak duri. Au, aki. Tu bayar iya, aya.

Terima kasih, Jang.

A K T I V I T I

1. Keluluka randau di atas ngena lingguk tubuh, kelis mua sereta intonasyen
ti betul.
2. Kelala lalu bacha ayat perintah ti bisi dalam jaku randau di atas.
3. Ba runding nuan, nama penguntung ulih kitai enti nyema kitai empu begigaka
engkayu ari ti meli di pasar?

L A T I H

Tulis tiga iti ayat perintah nitihka tetiap kategori baka ke di baruh tu.
a. Ayat asuh
b. Ayat tagang
c. Ayat peminta

1.2.3
1.4.4 53
 Aram Macha

Bacha teks di baruh tu.

Projek Kebun Sayur

Kelab Sains SK Batu Burak bisi ngatur

pengawa ngerupan ngaga projek kebun
sayur. Aktiviti tu diatur kena hari enam.
Sebedau berengkah ngerupan kepala
pengajar meri penerang senentang tuju
enggau atur pengawa ngagai semua
nembiak, apai indai enggau pengajar.
Pengajar Jura dibantu pengajar ke
bukai berengkah magi sida ngagai tiga
raban nitihka batang pengawa. Apai
indai nembiak endang udah nyendiaka
kereban kediri empu dikena gawa.
“Seninjik amai hari tu nyangkung
kitai. Sebedau tu nyau belunggur ujan,”
ku Aki Lawai.

“Amat ku nuan. Aram kitai berengkah

kedung ke hari tu manah. Naka ulih
mih nembuka pengawa tu lagi,” ku apai
Jenaing.
Aki Lawai enggau raban iya nebas
babas. Lawai enggau bakih iya ngangkut
bangkai rumput ngagai palan ti udah
ditagaka. Raban ke bukai berengkah
nyangkul tanah ngaga bakut.
“Kitai anang tak semina baka kepayang
ngadaka dilah aja. Enda patut pengawa
enda ulih tembu,” ku Chairman Gerempung
Apai Indai enggau Pengajar.
Sebedau berengkah nyambung
pengawa, sida ngetu ngirup kena muai
pengelelak bekau ke udah bebendar
gawa. Pengajar Jura enggau pengajar

2.2.2
54 3.4.3
bukai ngenahka ai irup ngagai sida. Pengawa ke penudi iya nya, pengawa
betanamka sayur deka dikereja bala nembiak enggau pengajar ba maya ke
bukai. Bansa sayur ke deka ditanam sida iya nya baka retak menuang, peria,
terung kanggan enggau rampu. Enti udah mansutka asil, kaban kelab deka bulih
mayuh penguntung ari ke bejualka sayur. Anak belanja ti disimpan mimit-mimit
tau nyadi mayuh lalu ulih dikena ngatur aktiviti ke bukai. Pengudah semua
pengawa ambis dikereja, kepala pengajar lalu bejaku dikena nutup pengawa sida
sehari nya. Iya meri besai terima kasih ngagai semua laban ti udah ngelimpangka
diri enggau enda belampung ati nyaup sekula nembuka projek nya. Semua sida
pulai ke rumah enggau lantang ati laban pengawa mujur dikereja.

A K T I V I T I

1. Betanya saut senentang pekara dalam teks dikena ngulihka penerang.

2. Pejuraika dalam raban senentang penguntung betanamka sayur.
3. Ba penemu nuan, nama pengawa bukai ti meri penguntung dikena ngisi
maya lepa?

L A T I H

1. Tuliska nama kebuah kaban Kelab Sains ngatur pengawa ngerupan?

2. Nama projek ti bisi diatur Kelab Sains di sekula nuan? Tulis nama penguntung
ari projek nya.

2.2.2
2.4.3 55
 Aram Nulis

Kaban Kelab Sains SK Batu Burak bisi ngatur pengawa ngerupan kena Hari Enam
tu tadi. Lawai bisi nulis diari senentang atur pengawa sida maya nya.

Hari Enam, 9 April 2016

7.30 pagi
Begelumu ba balai sekula mendingka jaku penerang pasal atur pengawa ngerupan ari
kepala pengajar. Pengajar Jura dibantu dua iku pengajar magi pengawa nitihka raban.
8.00 pagi
Pengawa ngerupan berengkah diatur. Nebas babas. Meresi endur ngaga bakut.
Nyangkul tanah.
10.00 pagi
Ngetu belelak.
11.00 pagi
Pengawa ngerupan disambung baru. Ngemas kereban.
12.30 tengah hari
Merarau.
1.30 ngalih hari
Begelumu ba balai sekula. Mendingka jaku penutup dikena nutup pengawa ngerupan
ari kepala pengajar. Betabi jari sambil meri terima kasih.
2.30 ngalih hari
Pulai ke rumah.

A K T I V I T I

1. Kelala lalu tulis ayat penerang ti bisi dalam teks diari di atas.
2. Terangka nama penguntung ari pengawa ngerupan. Bantaika penerang
nuan dalam kar gelembung.

L A T I H

Giga isi enggau sukung isi ti bekaul enggau topik “Ngerupan Meresi Kandang
Sekula”. Udah nya, tulis diari belalauka isi enggau sukung isi nya tadi.

3.2.3
56 3.4.4
 Aram Nulis

Kelab Sains udah mujur ngatur aktiviti ngerupan ngaga projek kebun sayur.
Helma, sekretari kelab dipinta nyendiaka ripot pasal aktiviti ngerupan nya.

Lansa Ripot Aktiviti Ngerupan Ngaga Projek Kebun Sayur

Kelab Sains SK Batu Burak udah mujur ngatur aktiviti ngerupan ngaga projek kebun sayur
kena 9 April 2016. Pengawa tu digulu apai indai, pengajar enggau nembiak sekula.
Pukul 7.30 pagi, kami begelumu ba balai mendingka penerang pasal pengawa
ngerupan ari kepala pengajar. Sepengudah kepala pengajar bejaku, kami dibagi ngagai
raban nitihka batang pengawa. Apai indai nyendiaka kereban baka duku enggau changkul
dikena meresi endur ngaga projek kebun sayur. Sekeda raban nebas babas endur ngaga
bakut. Raban kami ngangkut bangkai rumput. Tanah dichangkul endur ngaga bakut. Tembu
pengawa, kami besaup ngemas kereban ti udah dikena ngerupan.
Pukul 12.30 tengah hari, kami ngetu belelak lalu merarau. Sebedau pulai ke rumah,
kepala pengajar meri besai terima kasih ngagai semua orang ti bisi datai enggau ngerupan
sehari nya. Pengawa nya mujur laban kami lempung tulang nulung pangan diri. Pengawa
ti berat tau nyadi lempung enti sema kitai sama betulung ngereja pengawa.

Disediaka ulih, 12 APRIL 2016

……………………………
(HELMA A/P MUTHUSAMY)
Sekretari Kelab Sains,
SK Batu Burak.

A K T I V I T I
1. Perati lalu kerandauka format ripot di atas.
2. Ba penemu nuan, nama penyadi enti nyema kitai enda betulung ngereja
pengawa?

L A T I H

1. Tulis ayat topik enggau ayat penerang ke bisi ditemu nuan ba ripot di atas.
2. Gaga siti ripot pasal pengawa ke bisi diatur di sekula kita. Ripot nya patut
ngundan mayuh bansa ayat sereta tanda bacha ti betul.

3.2.3
3.4.4 57
 Jalai Jaku
Maya peremisi ujung minggu Timai nulung indai iya ngaga kerupuk jabang.
Peratika chara seduai ngaga kerupuk jabang belalauka gambar di baruh tu.
1. 2.

Keterubah iya, Timai nulung indai iya Udah nya, seduai ngaraka jabang ti
marut buah jabang ngena pemarut. udah diparut ba daun pisang.
3. 4.

Jabang ti udah diara ba daun pisang lalu Jabang ti udah dikukus lalu dijembi
dikukus datai ke chukup mansau. datai ke penumbas iya pengerangkai.
5. 6.

Nangkan nya, seduai lalu ngelitika Jabang diguntin nitihka tukuh dipilih
daun pisang ari jabang. diri empu. Udah nya, dijembi baru.

5.2.2
58 3.1.2
7.

Timai seduai indai iya nyual kerupuk

jabang. Rega sebungkus RM3.50 aja.

Sumber: Senorita Anak Gu

Graf 1: Agih Belanja

Belanja domestik
– Belanja ti dikena diri
Penabat berubat sebilik nyengkaum
20% pemakai, pekayan
Belanja sekula Belanja domestik enggau bayar api ai.
20% 40%
Duit simpan
20%
Penabat berubat 20%
Belanja sekula 20%
Duit simpan 20%
Belanja domestik 40%

Penyampau untung beresi indai Timai bulan tu RM1,000.00.

A K T I V I T I

1. Kelala jaku pengawa transitif bepelasarka gambar tadi.

2. Ba runding nuan, baka ni chara ngemansangka pengawa ngaga kerupuk
awakka nyadi pengawa dagang?
3. Kira penyampau belanja ungkup tetiap pekara dalam graf di atas.

L A T I H

1. Tulis ayat ngena jaku pengawa transitif ti disediaka di baruh tu.

ngara marut ngukus nguntin nyembi

2. Tulis not senentang nyimpan duit ngena tulis tampung dalam bup latih.

5.2.2
3.1.2 59
 Bungai Jaku
Bacha cherita di baruh tu.
Anak Tupai Belajar ari Penyilap
Indai Tupai enggau anak iya diau ba kampung gun. Indai Tupai selalu irauka pengelikun anak
iya laban Ular enggau Burung Lang deka makai anak iya.

Dinga manah ke ajar aku, anak.

Au, indai. Aku
Nuan, anang sekali-kali pansut
bedanji enda
ari lubang kayu tu maya aku
pansut ari
nadai. Ditu mayuh jelu siga
lubang tu.
begigaka pemakai.

Hari siti Indai Tupai pansut ari lubang laban deka ngiga pemakai ngagai endur bukai. Anak
iya tinggal kediri ba sarang.
Aku deka nurun
ngiga pemakai.
Ingatka ajar aku. Au, indai.

Anak Tupai enda ingatka ajar indai iya agi. Iya pansut ari lubang kayu laban deka bemain
enggau Anak Rasung. Ketegal ti kelalu rindang bemain, seduai enda nemu penatai Burung
Lang. Burung Lang lapar amat. Enda chamang-chamang Burung Lang entachang deka nyambar
Anak Tupai. Seninjik bendar Indai Tupai datai lalu sempat narit anak iya tama ke dalam lubang.

Akai ... rai, indai! Aku enda nyangka diri

empu ulih idup tadi. Enti nyema nuan
laun datai, nyangka lesi bebadi mih aku
enda tepadahka nyawa.

Kur semengat. Nasit aku jampat datai

tadi narit nuan, anak. Ke agi tu ila
anang enda ngasika ajar aku.

Aku minta ampun indai laban ti enda

ngasika ajar nuan. Pekara ti udah nyadi
tu ngasuh aku sedarka penyilap diri.

Seduai menyanak mindah ngiga endur ke likun agi.

4.2.3
60 4.2.4
A K T I V I T I

1. Sebut watak ke bisi dalam cherita nya.

2. Terangka gaya pendiau watak dalam cherita nya tadi.
3. Giga lalu sebut ajar manah ke bisi ditemu dalam cherita nya tadi.
4. Ba runding nuan, nama penyadi enti kitai enda ngasika ajar apai indai?

L A T I H

1. Tulis gaya pendiau watak nitihka dalam cherita nya tadi.

Watak Gaya Pendiau

Indai Tupai
...
Anak Tupai
...
Burung Lang
...

2. Giga bida entara watak Burung Lang enggau Indai Tupai.

Bida Watak

Burung Lang Indai Tupai

... ...

... ...

3. Tulis ajar manah ke bisi dalam teks cherita “Anak Tupai Belajar ari Penyilap”.
4. Giga antonim leka jaku di baruh tu.
Leka Jaku Antonim
pansut ...
narit ... Antonim nya
leka jaku ti
penatai ... belaban reti.
jampat ...
likun ...

4.2.3
4.2.4 61
 Pengukuh
Seridi
1. Isi lapang ngena jaku pengawa transitif ti betul dalam ayat di baruh tu.

tebas basu muai simpan nanam

a. ... rumput ba kebun sayur awakka enda repa.

b. ... jari dataika beresi sepengudah maja sayur.
c. Bala nembiak dibai pengajar ... ensabi ba kebun sayur.
d. ... semua kereban ba endur ti likun sepengudah ambis ngerupan.
e. Ngalai ... babas ba kebun sayur ba belakang rumah ngena duku
penebas.
2. Tulis baru ayat di baruh tu ngena tanda bacha ti betul.
a. simpan changkul ba endur ke likun.
b. kelab sains sk batu burak ngaga projek kebun sayur
c. anang enda bejimat megai upa lalis enggaika ditebak duri
d. kitai patut betulung maya ngereja pengawa ngerupan
e. pengajar jura ngasuh helma ngaga ripot projek kebun sayur
3. Giga leka jaku ari pitak urup di baruh ti bisi bekaul enggau utai tumbuh
enggau jelu siga.

KULAT N C B I M I W A U T K BULUH
Q H U H U T A N L U E
P L L K P I T A A Y M

J P U Y A K E H R H I
NYUMBUH TUBU
A H H I C U T S K O D

B S E M I R U L U K I
A L I K T U B G L H N

KEMIDING N O R I H A U S A T G JABANG
G N Y U M B U H T L S

R K E N Y A L A N G B

KENYALANG UPA
ULAR

62
Pengaya
1. Gaga bup skrap ti bekaul enggau jelu siga enggau utai tumbuh.
Chunto Bup Skrap
JELU SIGA UTAI TUMBUH

rimau puk yuk

2. Tuliska empat guna bup skrap dalam kar gelembung.

...

Guna Bup
... Skrap ...

...

3. Tulis ayat ngena jaku pengawa transitif di baruh tu.

ngirup ngikat

nyimpan nyambar

narit nyangkul
ngangkut ngagih

ngatur nyambung

4. Tembuka karang di baruh tu.

Lemai nya, Kelab Rampa Menua sekula kita bisi ngatur pengawa meresi
kandang sekula. Enda mukai-mukai, bakih nuan tak nyerarat ... .

63
 Tisih
A. Giga urat jaku ari jaku pengawa di baruh tu. Lalu gaga ayat ngena urat jaku
nya.
No. Jaku Pengawa Urat Jaku
1. digulu
2. begigaka
3. ngenahka
4. dibungkus
5. betanamka

B. Tulis dua ayat perintah nitihka tetiap kategori di baruh tu.

1. Ayat asuh
2. Ayat tagang
3. Ayat pengelalu
4. Ayat peminta
C. Tabakka tanda bacha ti betul dalam genteran teks di baruh tu.
sayur sebengkah ari bansa pemakai ti amat beguna ke pengerai tubuh nitihka
piramid pemakai kitai diasuh makai mayuh sayur laban iya bisi ngundan
vitamin enggau garam mineral ti beguna ke tubuh kitai sekeda asai sayur
nya pait manis enggau masam asai peria pait nya alai sekeda orang enggai
makai peria taja peria bisi ngundan protein lemak mineral serat karbohidrat
vitamin enggau kalsium ti beguna sereta manah ke pengerai
D. Tulis siti genteran senentang pengawa orang dalam gambar di baruh tu.

64
 Aram Mending enggau Bejaku

Lemai siti Pelanduk, Kera enggau Tekura betemu lalu berandau. Keluluka randau
sida tiga tu.

Kera : Nama runding kitai sebuat lemai tu?

Tekura : Aku tu sepemai aja bakih.
Pelanduk : Pelaba aku, manah kitai merambu pengawa ti ulih ngerapitka kaul
enggau pangan diri.
Tekura : Nama kini pengawa ti tau diatur kitai? Pengerami enggau lumba
ba ai tau kini?
Kera : Pengerami endang tau bakih, tang belumba ba ai nya enggai tentu
nyadi laban ukai semua kitai tu nemu nyemerai. Ba penemu aku
manah kitai ngerupan meresi kampung.
Pelanduk : Aku setuju. Lama endar kampung kitai tu enda diperesi. Kelimpah
ari nya, kitai mega ulih begulai enggau pangan diri.
Tekura : Au, nya ti manah. Enti kitai sedada sama seati pengawa kitai nyadi.

1.2.4
1.4.5 65
A K T I V I T I

1. Kelala bagi ayat ti nyukung tauka mantah siti-siti pekara dalam randau nya.
2. Beri chunto pengawa ti nunjukka pengidup begempung ba genturung pendiau.
3. Ba runding nuan, nama penguntung begempung enggau pangan diri?

L A T I H

BERAT SAMA NGANGKAT

LEMPUNG SAMA NANGGUNG

1. Kenataika penemu nuan dikena nyukung rambai jaku di atas lalu bantaika
ngena kereban ICT.
2. Tulis karang bepelasarka gambar di baruh tu dikena mantaika rambai jaku
di atas.

1.2.4
66 1.4.5
 Aram Macha
Bacha teks di baruh tu.
Hari Pengajar diintu kena 16 Mei ninting taun. Iya diintu dikena meri basa, puji
enggau pengaga ati ngagai semua bala pengajar ke udah bebendar ngajar
sereta meri penemu enggau pemandai ngagai bala nembiak sekula. Maya
pengerami tu mayuh program enggau aktiviti diatur dikena ngerami iya. Semua
bala pengajar, nembiak enggau bala pengereja pengawa ke bukai sama-sama
ngambi bagi berami bebala mayuh ba aktiviti ti bisi diatur.
Sekeda ari aktiviti maya nya nyengkaum mendingka bacha Jaku Pesan Hari
Pengajar ari Menteri Pelajar Malaysia enggau ari Tuai Pengarah Opis Pelajar
Malaysia. Sida mega mendingka jaku ari kepala pengajar, macha Sempekat Hari
Pengajar ti lalu ditangkanka bala pengajar ke nyadaka lagu Hari Pengajar. Sida
bisi mega aktiviti sangking baka melah kek Hari Pengajar enggau pengerami
main ti bukai.
Maya tu mega mayuh bala nembiak meri tepa ngagai bala pengajar. Tu
dikena ngenataika puji sereta pengaga ati ke pementas, penyabar enggau budi
pengajar ke udah ngembing, ngiring sereta ngajar sida ngulihka pemandai
enggau penemu. Sekeda apai indai nembiak mega bisi meri tepa ketegal ti
temegah ke budi pengajar ke udah ngambuh anak sida nyadi nembiak ke mereti
sereta mujur dalam pelajar.
Hari Pengajar mai reti ti besai
ngagai bala pengajar. Sida ulih
ngasaika pengawa ke ngajar bisi
dikenati sereta diberi puji. Endang
senutuk endar bala pengajar
suah disemaka baka dian ke
nunu diri ketegal meri penampak
ngagai orang bukai.

2.2.3
2.4.4 67
A K T I V I T I

1. Nama kebuah Hari Pengajar tu diintu?

2. Sebut aktiviti maya ngintu Hari Pengajar ba sekula kita.
3. Ba runding nuan, nama simpul penemu senentang teks tu?

L A T I H

1. Giga antonim enggau sinonim leka jaku di baruh tu lalu bantaika ba kar titi.
Sinonim andal lebu gaga penampak

Tipak .... .... .... ....

Antonim mujur suah puji gaga

Tipak .... .... .... ....

2.

Pekit Ngarang Pelandai

Hari Pengajar
Sk Batu Burak
Lumur 1 RM250.00

Lumur 2 RM200.00

Lumur 3 RM150.00

Anang muai peluang, anjung Pelandai Hari Pengajar

kita ngagai Pengajar Digat sebedau 8 Mei 2016.

a. Ba runding nuan, nama pemanah ngatur pekit ngarang pelandai

Hari Pengajar?
b. Nuan siku ari nembiak ti deka masuk pekit ngarang pelandai Hari
Pengajar. Tulis karang pelandai nuan.
c. Enti sema nuan menang dalam pekit tu, baka ni nuan ngatur guna
duit nya?

2.2.3
68 2.4.4
 Aram Nulis

Tulis baru teks di baruh tu ngena tanda

bacha ti betul.

radin benung niti jalai pendai sepengudah iya

mandi iya tekenyit ninga bala chapuh radin
meda apai iya belanda di baruh rumah apai
radin nyerauh api api api tulung tulung tulung
lebuh iya malik ke punggang setak ulu iya meda
asap nyau chelum sida serumah begau
enda chamang-chamang apai jenaing lalu
nutup suis karan jampat sah sida radin sebilik ku
apai jenaing bala bukai lalu begigaka sida radin
sebilik ini radin benung gali di pangking iya enda
nemu api benung nyadi di dapur indai radin nyerarat
nyabak minta sah sida ke lelaki berumban lalu ngambi
ini enggau adi radin udah nya bala bukai berampas
berangkut keresa sida radin sebilik sekeda ari sida
besaup madamka api ti baru deka nyadi nasib bendar
api bedau nyerarai ngagai kasau rumah
sida radin serumah benasib bendar laban api nya
ulih dipadamka enti sida enda besaup madamka api
nya tentu sida ditinggang penusah

A K T I V I T I

1. Baka ni kitai ulih mantu orang ti ditinggang penusah angus rumah?

2. Ba runding nuan, nama pekara ti patut digaga kena nyeliahka penusah
angus rumah?

L A T I H

Gaga karang senentang chara kitai tau nyeliahka penusah angus rumah.

3.2.4
3.4.5 69
 Jalai Jaku

Bacha ensera di baruh tu.

Begempung Maya Penusah
Sekali lebuh panas bisa,
Badak enggau Pelanduk
sama aus. Seduai berebut
deka ngirup laban engkebuk
nya mit sereta nyau deka
langkang. Benung Pelanduk
meremika tubuh deka ngirup
ai, Badak lalu nyeging iya.
“Aku dulu ngirup, laban
aku besai sereta tuai ari
nuan,” ku Badak.
“Ni tau baka nya. Ukai
nuan tetemuka engkebuk tu,
aku,” pia ku Pelanduk. “Sapa
dulu tetemuka iya, nya mih
dulu ngirup. Enti aku udah badu lagi nya baru nuan,” ku Pelanduk.
“Aku dulu, laban aku besai. Enti bisi laluh, baru nuan ngirup,” terengak Badak.
“Enti nuan dulu ngirup abis ai nya. Ukai nuan berundingka orang. Nuan ensepi
gamal diri besai, enggai enda beungkup ngipakka gamal,” timbal Pelanduk.
Ninga Pelanduk munyi nya, Badak lalu ngetikka Pelanduk ke tisi. Ensepi diri
digaga baka nya, Pelanduk lalu bejaku.
“Enggai nyadi kita ke besai sereta tuai peneka ati enggau kami ke mit sereta
biak. Enggai nyadi adat kitai jelu dirumpang ngapa,” ku Pelanduk.
“Aku ukai ngerumpang adat jelu, laban aku aus, nya alai aku minta ngirup
dulu,” ku Badak.
“Nya kita Badak nyadika sema jaku, enti orang nyemaka orang ngakal, selalu
kumbai orang pedua Badak laban kita selalu ngelakar kami,” ku Pelanduk.
Ninga Pelanduk nyakah iya, Badak lalu merakka nyawa muru Pelanduk.
Benung seduai begagai, seduai tepedaka burung Lang. Nyadi Lang nya endang
beridup ba bangkai jelu. Lebuh tepedaka Lang, Pelanduk seduai Badak sama
besirat iku.
“Nadai reti tua belaya enggau pangan,” ku Badak. “Enti tua ngeras diri
ngelaban pangan, Lang gaga enti tua belaya laban tua tulihka penusah ke tau

5.2.3
70 2.1.3
ngasuh mati. Udah tua mati bangkai
tua diempa iya.”
“Amat nya!” timbal Pelanduk.
“Nuan dulu ngirup, tang ngalauka
aku,” ku Badak.
“Tubuh aku ampuh enti direndam
ba engkebuk tu, dini aku teabiska ai
tu,” ku Pelanduk.
“Nyadi ke agi tu ila, anang
kitai ngering diri ngelaban pangan
laban laya kitai ngenusahka diri lalu
nguntungka orang bukai. Lebuh maya
kitai bisi penusah, kitai enda tau enda
begempung mutarka penusah nya.
Kitai anang nyanda laya lebuh maya
tusah,” ku Pelanduk.
(Dibali ari: Edward Kechendai, 1970, Sekeda Cherita Pandak, BLB.)

A K T I V I T I

1. Bacha ensera ngena intonasyen nitihka tanda bacha.

2. Ba penemu nuan, nama penyadi enti Pelanduk seduai Badak majak berebut
deka ngirup ai ba engkebuk?
3. Pejuraika pemanah pengidup kitai ti belalauka adat.

L A T I H

1. Kelala bagi leka jaku ti ngundan penambah belakang –ka dalam teks.
2. Tusun leka jaku nya dalam pitak di baruh tu.

Jaku Pengawa Jaku Pengawa

Transitif Intransitif

... ...

3. Gaga ayat ngena leka jaku penambah belakang –ka ti udah dikelala
dalam teks.
4. Rintaika ukur pemanah ti bisi dalam teks.

5.2.3
2.1.3 71
 Bungai Jaku

Bacha teks di baruh tu.

Kebun Lia Kunsi

Komiti Pemansang enggau Pengelikun

Rumah Panjai Kumbong bisi ngaga
kebun lia kunsi. Projek tu diatur enggau
bantu ari Opis Betanam Betupi Pelilih
Menua Subis. Semua 30 pintu sida
serumah sampal enggau masuk projek
tu. Sida apai Timai serumah gagit ngereja
projek tu ngena chara ngerupan baka ti
suah dikereja sida ngelama tu.
Ba atur pengawa ti keterubah sida
sebuat besaup nyendiaka tanah alai
bekebun ti enda jauh ari rumah panjai sida.

Sida besaup nebas lalu meresi tanah

alai ngaga bakut. Sida nyangkul bakut
endur nerenakka lia. Pengawa sida
berupai lempung laban sida serumah
sama saum ati sereta segulai sejalai
berari indah enda munyi ku jaku tuai,
lempung sama nanggung, berat sama

ngangkat. Sida enda betiki pinang, enda

betiki nibung.
Udah tembu nyendiaka bakut, sida
apai Timai lalu sama besaup nanam lia.
Sida serumah begintir-gintir ngintu kebun
lia kunsi. Sida dibagi ngagai enam raban

4.2.5
72 4.4.4
ti ngundan lima pintu seraban. Sekeda
pengawa ti dikereja sida nya maja
enggau mantun bakut lia enggaika
alah gasak rumput. Kelimpah ari nya,
sida sebuat mega begintir-gintir nyiram
lia ti suah dikereja beturut hari lalu
semina belepa enti hari ujan.
Kebun lia kunsi sida apai Timai
serumah mujur amat. Asil kebun sida
didaja tauka dijual ukai semina ngagai
sida serumah tang mega ngagai
rumah bukai ke sama begenturung
enggau sida. Kelimpah ari nya, mayuh
mega asil kebun sida dijual besemekih
enggau asil kebun orang bukai ba
pasar tamu. Duit asil ari rega lia dikukun lalu disimpan enggau naka penyeremat
sereta likun nitihka atur kira-kira ti endang udah ditetapka komiti sida.
Pemujur kebun lia kunsi sida apai Timai serumah ukai semina ulih mai
penguntung ari segi duit ringgit tang mega ulih ngerapitka kaul entara diri serumah
kelimpah ari enggau opis tauka agensi perintah. Berindik ari pemujur tu, projek
sida serumah udah ditemu lalu diaku perintah nyadi siti projek chunto ngagai
rumah panjai bukai.

A K T I V I T I

1. Bacha lalu rintaika rurun pengawa ti nyadi dalam cherita tu.

2. Padahka ajar manah ti bisi dalam cherita tu.
3. Peragamka nama penyadi kebun lia kunsi sida apai Timai serumah enti sida
bisi betiki pinang, betiki nibung.

L A T I H

1. Gaga rurun pengawa ti bisi dalam teks ngena kar rurun.

2. Ba runding nuan, nama penguntung enti kitai idup beserakup sereta segulai
sejalai enggau pangan diri?
3. Karang siti cherita bekaul pengawa ngerupan.

4.2.5
4.4.4 73
 Pengukuh
Seridi
Tembuka leka jaku beteresa di baruh tu ngena leka jaku antonim enggau sinonim.

5.
b
1. 4.
b e b

i
e
2.
b g p r u

6.
k
3.
b e l g a

Melintang Ngunjur
Giga sinonim leka jaku tu. Giga antonim leka jaku tu.

1. bebagi ... 4. begulai ...

2. begelumu ... 5. bebai ...

3. besaup ... 6. begenturung ...

74
Pengaya
Gaga karang bepelasarka rintai gambar di baruh tu lalu beri topik ti engkeman.

ri
rang kut–lo
a h–be
h rum
pinda
mah
angkut perengka ru
tiga iku–ng

berim
temb bai pen
u diau
–besa
up–j
amp
at

meri
terim
a kas
ih–ga
ga at
i

75
 Tisih
A. Pilih ayat ti ngundan tanda bacha ti betul.
1. a. Pengajar, terima kasih laban udah ngajar aku, ku Lawai.
b. “Pengajar, terima kasih laban udah ngajar aku,” ku Lawai.
c. “Pengajar terima kasih laban udah ngajar aku,” ku Lawai
d. “pengajar, terima kasih laban udah ngajar aku,” ku lawai.

2. a. “Akai, pedis amat kaki aku kena indik nuan!” ku Pelanduk.

b. “Akai pedis amat kaki aku kena indik nuan” ku Pelanduk.
c. Akai, pedis amat kaki aku kena indik nuan! ku Pelanduk
d. “akai, pedis amat kaki aku kena indik nuan!” ku pelanduk.

B. Pejantilka jaku penambah belakang –ka ba urat jaku di baruh tu lalu gaga
ayat ngena leka jaku ti udah dipejantilka nya.

1. ngasai 2. begiga 3. nyema

4. nitih 5. madam 6. nguntung

C. Giga reti rambai jaku di baruh tu lalu bantaika ngena kar titi.

1. Besirat iku.

2. Baka dian ti nunu diri ke penampak orang bukai.

3. Berat sama ngangkat lempung sama nanggung.

76
 Mending enggau Bejaku

Peratika gambar lalu keluluka dialog di

baruh tu.
Timai : Nama gaga nuan, ini? Ulih aku
nulung nuan?
Ini : Benung madat tikai. Ulih aah. Tu
sikap ulih nuan lagi, uchu. Sidan
nya engkah ba atas mija.
Timai : Au, tu ti dikumbai sidan, pia?
Ini : Iya mih nya. Sidan tu ke
sula mata buah ukir. Iya
alai beteladan ngaga asil
pengelandik jari ke besai baka
tikai tu.
Timai : Ooh, pia! Manah buah tikai nya.
Tikai nama tu dih, ini?
Ini : Tu tikai bemban dianyam
bebuah bangkit.
Timai : Rindu endar aku meda abi jari
nuan, ini.
Ini : Nya alai, enti ulih aku meransang
nuan belajar kala aku agi dapat.
Timai : Au, ini. Maya peremisi tu tua ila
belabuh belajar.
Ini : Manah mih nya, uchu. Ngarapka
kita ke rebak dudi agi nampung
pengawa tu.

1.2.5
3.2.1 77
A K T I V I T I

1. Kelala bagi jaku pesan enggau respons ti bisi dalam dialog nya tadi.
2. Kelala lalu tulis bansa ayat ti bisi dalam dialog nya.
3. Nama penyadi asil pengelandik jari enti kitai selalu bepanggai ba pekakas
moden? Bantaika ngena kar segala rata.

L A T I H

1. Tulis jaku pesan aki ngagai bala uchu iya bepelasarka gambar di baruh tu.

2. Isi kar di baruh tu.

... ...
Penguntung enti kitai
ngenataika jaku pesan
ngena chara ti alus
sereta bebasa.
... ...

1.2.5
78 3.2.1
A K T I V I T I

1. Giga kereban anyam asal bukai kelimpah ari ti bisi dalam teks nya.

... ...

kereban
... ...

... ...

2. Kerandauka dalam raban guna sesebengkah kereban di atas nya.

3. Peragamka baka ni kereban pengelandik asil jari ulih mantu nyungkak
pemansang industri dagang temuai.

L A T I H

1. Giga chunto kereban ti digaga ari rutan nitihka guna ngena kar kayu.
rutan

kena besimpan kena berangkut

2. Kelala bagi kereban tu nitihka penerang dalam glosari.

selabit pemansai tanggui

Sumber: Lily Nyelia Anak Daud

3. Ba penemu nuan, nama pekara ti tau nasalka pengawa ngaga kereban

pengelandik jari.

2.2.4
80 2.4.5
 Aram Nulis

Bacha leka main di baruh tu.

A.
Betukuh segala, dikena ngetau
Dianyam pisit ari bila rutan
Bisi rambing nadai kerakau
Tali penyandik beribiska temeran.
Rampa menua mesti dijaga
Nyadika pesaka serata dunya
Kereban nya endang beguna
Sintung saut tanya nuan nya.

Aku tu sebansa ari kereban

Digaga ari senggang tauka bemban
Dikena betampi tauka ngeruman
Uji giga saut nya bala kaban.
B.
Mayuh beraban ga burung puna
Mupuk terebai maya agi serepan
Kereban nya dikena nampi ampa
Pelaba aku saut iya chapan.

Sumber: Lily Nyelia Anak Daud

3.2.5
3.4.6 81
A K T I V I T I

1. Sadaka leka main nya ngena chara bepasang.

2. Ba penemu nuan, nama kebuah kereban nya tau dikumbai kitai siti ari aris
ti berega?
3. Ba penemu nuan, nama chara ngenanka aris nya ari lus?
4. Tunda tulis leka main dalam lambar 81 ngena kereban ti patut nitihka kreativiti
diri empu. Pandangka asil nya ba sukut Jaku Iban.

L A T I H

Tulis karang senentang bansa utai tumbuh bepelasarka grafik di baruh tu ngena
mayuh bansa media. Beri chunto kereban ti digaga ari utai tumbuh nya.

Utai tumbuh ti
bemban dikena ngaga rutan
kereban

Sumber: Lily Nyelia Anak Daud

kerupuk senggang

3.2.5
82 3.4.6
 Jalai Jaku
Jenaing nusui peneleba diri begigaka rutan enggau aki iya ba kampung ngagai
sida sekelas. Bacha cherita Jenaing nya.

Rutan tu sebansa utai tumbuh ti panjai sereta beduri tajam.

Iya tumbuh tinggi lalu bekait ba pun kayu ti bukai. Nyadi
aku tu deka nusui peneleba diri ngiga rutan maya peremisi
suba. Aku enggau aki ngiga rutan ba kampung. Serantu
jalai, aku meda rampa menua ti manah amat. Ari atas
tuchung bukit aku nimpai kampung ke nyau rapas mata.
Burung richah bemunyi ngasuh runding berasai lantang.

Datai di kampung, aki belabuh ngiga rutan. Rutan nya panjai sereta beduri.
Iya bejimat maya narit rutan laban duri rutan nya tajam. Iya tumbuh tinggi
lalu bekait ba pun kayu ti bukai. Nya alai, lebuh aki narit rutan munyi iya inggar
amat. Aku nguji makai buah rutan, asai iya kelat laban agi mata. Chukup maya
ngetu, kami duai aki lalu muka tungkus bekal. Maya nya perut endang udah
asai ti dikeramak bayak.

Nyau tengan ngalih hari, kami duai mulaika diri. Ba rantu jalai, aki ngumpul
daun kesindu. Daun tu bebau bisa agi ari buah petai. Maya pulai kami duai
mansa mayuh bansa buah ke benung bebungai. Apu, baru aku nemu bungai
pakan bebau rengut! Nyau silau hari kami duai datai ba rumah. Akai rai, taja
pan aku lelak amat tang gaga laban ke bulih peneleba baru.

5.2.4
1.4.1 83
A K T I V I T I

1. Kelala lalu rintaika jaku adjektif ti bisi dalam teks nya ngena kar kayu.
2. Cheritaka peneleba diri bekaul enggau pengawa maya peremisi.
3. Peragamka baka ni gaya rampa menua ti nyamai alai ngidupka diri.

L A T I H

1. Tulis asil pengelandik jari ti digaga ari rutan dalam kar kayu di baruh tu.

rutan

... ... ... ...

2. Rintaika dua iti jaku adjektif ba tetiap rawang di baruh tu.

rawang rawang rawang rawang rawang

peda tegu sepi bau dinga
... ... ... ... ...
... ... ... ... ...

3. Gaga ayat ngena jaku adjektif di atas.

4. Pilih siti asil pengelandik jari ti ditemu nuan. Tuliska segenteran penerang
ngena jaku adjektif ti engkeman dikena nerangka asil pengelandik jari nya.
5. Bemalinka cherita Jenaing, tulis siti surat elektronik nuju bakih nuan ti nusui
peneleba nuan maya peremisi tu tadi.

5.2.4
84 1.4.1
 Bungai Jaku
Bacha cherita di baruh tu.
Kepuas-puas bejalai neresa kampung Riti berasai lelak lalu ngetu. Iya pan nyandih
ba pun kayu ti besai. Ai mata iya ngenjing perebujuh labuh ngenang penyeranta
diri. Enda lama udah nya iya bisi ninga nyawa orang nyapa.

Anang tusah ati, Riti. Mayuh

kami ditu nulung nuan.
Mayuh utai tumbuh ditu
tau diguna nuan, Riti.

Riti berasai tekenyit sereta alit ati

ninga pun buluh enggau tebelian ngelala
lalu nyapa iya. Riti enda tesagamka reti
jaku utai tumbuh ti madahka diri ulih
nulung iya. Iya mengkang duduk sambil
mata iya beratika rampa menua dia.
Riti meda mayuh amat bansa utai
tumbuh ti bisi ngelingi iya. Ba tebing
sungai mayuh pun bemban enggau
kerupuk tumbuh galak. Ba munggu
mayuh pun senggang, lung enggau
biru. Muak ke kaki bukit mayuh batang
tebelian ti bebesai. Riti beba runding tang
enda lama udah nya mua iya berupai
terang. Iya tuchum gaga.

4.2.6
4.2.3 85
 Hari beganti hari, Riti ngasaika pengidup iya belinsur nyamai ari ke suba
laban semua kereban ti dikena ngidupka diri dikemisi iya. Riti laban ke endang
pandai di chunggai ujung jari ulih ngasilka kereban ti alus sereta manah. Kenyau
ari nya, iya angkunka utai tumbuh ngambika bisi diariska ngagai anak telesak
dudi hari ila.

A K T I V I T I

1. Terangka endur pekara ti nyadi dalam cherita nya.

2. Kelala bagi watak ti bisi dalam cherita tu lalu bantaika ngena kar gelembung.
3. Ba runding nuan, nama guna utai tumbuh ngagai mensia kelimpah ari dikena
ngaga kereban asal kitai?
4. Ba penemu nuan, nama kebuah utai tumbuh tau dikumbai pesaka ti berega?

L A T I H

1. Giga reti rambai jaku pandai di chunggai ujung jari.

2. Tuliska ukur pemanah ti bisi dalam cherita nya.
3. Ba runding nuan, peragamka pengujung pendiau pengidup Riti.

4.2.6
86 4.2.3
 Pengukuh
Seridi
Kelala lalu giga bansa kereban dalam pitak bepelasarka gambar tu.

p i a t w a s u m

e a g a i s i u y

m b q n z e n t c

a r a g a l t t h

n e w g x u u m a

s a v u o k n d p

a s e i d j g d a

Sumber: Lily Nyelia Anak Daud i b e s u y u t n

Pengaya
Bacha leka main di baruh tu lalu saut tanya ti nangkanka nya.

Dinga kita semua dih wai 1. Kelala jaku adjektif ti bisi dalam
Enda milih biak tauka tuai leka main nya.
Ti diau di nengeri besai a. …
Tauka ba rumah panjai b. …
Aku bepesan deka meransang c. …
Sama nyaga aris ti tebilang d. …
Enggaika mina nyadi buah kenang 2. Gaga ayat turu ngena jaku adjektif
Jaga mih iya enggaika lelang di atas.
Ni kita bala apai indai 3. Tulis jaku pesan bepelasarka leka
Bediri kitai sama berintai main nya.
Ngenanka aris bansa kitai a. …
Awakka ngerembai ngerekai b. …
Ni kita bala bakih, bala menyadi c. …
Dikeandalka kami pengabis ati 4. Ba penemu nuan, nama kebuah
Pelajarka mih pengelandik jari penulis madahka aris tu semina
Ulih dikena ngidupka diri dudi hari. nyadi buah kenang enti iya enda
dijaga?

87
 Tisih
1. Peratika gambar di baruh lalu gaga latih ti nangkanka nya.
a. Tulis jaku pesan ngena chara ti manah.
b. Gaga segenteran karang ngena mayuh bansa ayat.

2. Kelala gambar di baruh tu lalu tipak enggau penerang iya. Tulis nyadi ke
glosari dalam bup latih.
Kulit kayu Utai tumbuh Tau nyadika tali Bila ulih dianyam
ke ribis ma. dikena ngaga dikena ngebat nyadi tikai
tanggui. sereta ngikat ubung perampan.
ti deka ditenun.

3. Gaga ayat ngena jaku adjektif dikena nerangka gambar di baruh tu.

Sumber: Lily Nyelia Anak Daud

88
 Aram Mending enggau Bejaku

Peratika lalu kerandauka gambar di baruh tu senentang Timai ke disempulang

indai iya muka akaun ba bank. Ba penemu nuan baka ni asai ati Timai lebuh
udah bisi akaun bank?

1.3.1
3.4.2 89
A K T I V I T I

1. Keluluka randau Timai seduai indai iya enggau orang ti gawa ba bank.
2 Kerandauka tiga iti penguntung nyimpan duit ba akaun bank ngena kar
segala rata.
3. Ba runding nuan, patut tauka enda tetiap iku nembiak bisi akaun bank kenyau
ari mit? Nama kebuah?

L A T I H

1. Gaga kar sukung dikena nerangka chara ngatur belanja ti diberi apai nuan
tiap-tiap hari.
2. Tulis ayat bepelasarka tetiap gambar di baruh tu. Udah nya bantaika ba
mua kelas.

1.3.1
90 3.4.2
 Aram Macha

Kedai Gerempung Madu Midang

Rumah panjai Madu Midang ti betuaika Tuai Rumah Engkaul, mujur numbuhka
kedai gerempung ti benama Kedai Gerempung Madu Midang. Tuai Rumah
Engkaul dichiri nyadi chairman. Sapit chairman nya Matu lalu Igat Rimong nyadi
tukang wang. Sida tiga tu teleba ngatur pengawa di rumah panjai sida. Rumah
sida ti panjai lima puluh pintu nya endang begempung ati bejalaika gerempung
nya. Rumah sida di Madu Midang udah dipilih nyadi Rumah Panjai Chunto Taun
2014 suba.
Pemayuh untung kedai gerempung
sida bisi betambah ari taun ke taun. Ba taun
2011, untung sida semina RM10,000.00 aja.
Untung ba taun 2012 pan sama enggau ba
taun 2011 tang ba taun 2013 penyampau
untung bisi niki ngagai RM30,000.00. Untung
sida majak niki ngagai RM60,500.00 dalam
taun 2014 lalu ke taun 2015 niki ngagai
RM120,000.00.
Asil tauka untung kedai tu bisi dikena
mantu sida serumah. Kelimpah ari nya, sida
mega meri perais ngagai nembiak ti bulih
pemutus peresa ke manah sereta mantu
ruang bilik ti kena tinggang penusah.
Asil ari kedai gerempung tu mega
bisi dikena nemuai sambil belajar ngagai
gerempung dagang ti udah maju sereta
dikena ngulu program baka kus tauka
seminar dagang. Nambahka nya, sida bisi
ngungkupka duit dikena ngintu hari gawai
awakka enda ibuh mupu ari tetiap pintu bilik.
Ketegal kedai gerempung sida udah
maju sereta beberita, sida mayuh udah
nerima perais. Ambi ke banding, dalam taun
2014, sida bisi nerima Anugerah Koperasi
Desa Contoh 2014. Tuai Rumah Engkaul
udah nerima perais nyadi Korperator Terbaik
laban iya rajin sereta chakah ngempung sida

2.2.5
1.1
5.1
5.
5.1.1 91
serumah bejalaika pengawa gerempung. Igat Rimong mega bisi nerima perais
mata duit RM30,000.00 laban kedai gerempung sida bulih gelar Pengurusan
Akaun Koperasi Desa Terbaik 2015.

A K T I V I T I

1. Bacha teks di atas ngena intonasyen ti betul.

2. Giga reti leka jaku ti bechelak mirah dalam teks ngena diksionari.
3. Rintaika rurun pemansang Kedai Gerempung Madu Midang ngena kar rurun.
4. Enti nuan deka bulih surat puji tauka perais ba sesebengkah pengawa, nama
utai ti patut dikereja nuan?

L A T I H

1. Gaga ayat ngena leka jaku ti bechelak mirah.

2. Tengkebang tiga iti ayat ngena leka jaku penyambung tunggal ti bisi
dalam teks.
3. Enti nuan nerima bantu ari gerempung tu, baka ni nuan mandangka tanda
terima kasih ngagai sida?

2.2.5
92 5.1.1
 Aram Nulis

Bacha teks lalu peratika gambar di baruh tu.

Meling menyadi Radin baru udah abis nembuka pengawa belatih nyadi polis
ba palan pematih polis. Iya belabuh gawa ba Balai Polis Pusat, Kuala Lumpur.
Kos idup tinggi bendar, nya alai iya enda ulih enda bekelimat ngena belanja.
Taja pan kos idup di Kuala Lumpur tinggi, tang Meling bisi chara napi pekara
nya. Tambah mega iya endang udah teleba bekelimat ari sekula suba. Iya semina
nitihka atur belanja diri empu. Ninting bulan iya nyimpan sekeda ari gaji iya dalam
akaun bank. Suah agi iya bebelanja ba pasar ti bejualka barang rega murah tang
bekualiti. Iya mega rajin betanamka sayur ngena chara hidroponik. Asil iya ulih
mantu ngurangka belanja dapur. Kelimpah ari nya, Meling jarang amat makai ba
kedai. Iya rumpas amat berapi lalu nyendiaka bekal ti dibai iya kereja.
Lebuh nurun kereja, Meling bekunsi kerita enggau bakih iya. Chara tu ulih
ngurangka belanja. Meling enggau bakih iya nadai penanggul bekunsi kerita
laban kaul entara sida sigi manah indah enda baka isi enggau kukut.
Betaun-taun sepengudah bekelimat ngena belanja, ulih ga iya meli sebuah
kerita Proton bansa ti baru. Enda lama agi iya bisi tawing enggau begulai. Iya
nadai penanggul laban lama udah besediaka payung sebedau ujan.

Meling – belatih – senapang Sayur – chara hidroponik – bekelimat

Ujung bulan – bank – apai indai Simpan – kerita – bebini

3.3.1
3.4.7 93
A K T I V I T I

1. Kerandauka situasyen ti dipandangka dalam empat iti gambar nya.

2. Kunsika peneleba chara nuan bebelanja enggau kita sekelas.
3. Ba runding nuan, nama kebuah kitai patut bekelimat ngena
belanja?
4. Terangka enggau silik reti “besediaka payung sebedau ujan”.

L A T I H

1. Tulis ayat ngena leka jaku ba tetiap gambar dikena nerangka situasyen ti
dipandangka.
2. Bepelasarka teks, pindahka penerang nya ngagai grafik di baruh tu.

...

Chara Meling
...
Bekelimat ...
Belanja

...

3. Tulis karang bepelasarka penerang dalam grafik di atas.

3.3.1
94 3.4.7
 Jalai Jaku
Bacha ayat di baruh tu.
1. 2.

Tuai Rumah Engkaul bagas. Kedai kami Kedai Gerempung Madu Midang.
3. 4.

Madu Midang ba pelilih menua Sungai Payan. Meling menyadi Radin belatih nyadi polis.

A K T I V I T I

1. Kelala subjek enggau predikat ayat nya nitihka; FN – Frasa Nama

a. FN + FN FP – Frasa Pengawa
FA – Frasa Adjektif
b. FN + FP FJPt – Frasa Jaku
c. FN + FA Penempat
d. FN + FJPt
2. Gaga ayat tunggal nitihka leman ayat di atas.
3. Ba runding nuan, nama pekara ti nyungkak ati Meling deka nyadi polis?
5.3.1
3.3.2
3.3.3 95
 L A T I H

1. Tulis dua iti ayat tunggal dikena nerangka subjek enggau predikat nitihka
atur di baruh tu.
a. FN + FN b. FN + FP

c. FN + FA d. FN + FJPt

2. Gaga ayat turu ari ayat tunggal di baruh tu ngena jaku penyambung ti engkeman.

a. Lawai enda tembu kereja latih.

Lawai dianu pengajar.

b. Radin rindu bemain sepak takraw.

Radin enda rindu bemain hoki.

c. Ini aku mentas.

Ini aku manah ati.

d. Indai Suraya benung berapi.

Indai Suraya belagu.

e. Jenaing enda nurun sekula.

Jenaing sakit pedis perut.

f. Apai Radin enda nurun nangkal.

Hari ujan.

g. Timai nurun sekula.

Jenaing nurun sekula.

h. Aki Radin nurun ke umai.

Aki Radin ngabas bubu.

5.3.1
3.3.2
96 3.3.3
 Bungai Jaku
Bacha dindang di baruh tu ngena intonasyen ti betul.

Mimit diserepit, mayuh ditaruh

Timai ke kedai meli gula
Laluh duit simpan dalam tabung
Kitai mesti bekelimat bebelanja
Dudi hari pulai ke penguntung

Sida Madu Midang betuaika Engkaul

Barang gerempung sida mayuh macham
Rajin betanam betupi enggau besayur
Mayuh untung ulih meli saham

Tuai Rumah Engkaul chukup chakah

Matu enggau Rimong sapit iya
Untung gerempung selalu betambah
Mantu anak sida pandai besekula

Gelar Rumah Panjai Chunto diterima

Selalu berakup enggau pangan diri
Enti kaya anang bangat empelita
Awakka penguntung betali ai.

4.4.1 97
 Diatu rega barang majak niki
Getah enggau sawit turun rega
Bebelanja anang peneka diri
Manah ba Kedai 1Malaysia

Meling polis ngembuan ati teguh

Landik bekelimat diau di nengeri
Mimit diserepit mayuh ditaruh
Melanja anak belajar ba universiti.

A K T I V I T I

1. Kelala ayat tunggal enggau ayat turu dalam leka dindang di atas.
2. Kerandauka ajar manah dalam leka dindang di atas.
3. Kerandauka reti rambai jaku ‘mimit diserepit, mayuh ditaruh’ bepelasarka
situasyen dalam pengidup kitai besehari-sehari.

L A T I H

Tengkebang leka dindang ngena ayat tunggal enggau ayat turu senentang siti
ari topik di baruh tu.
a. Chara bejimat ngena belanja
b. Penguntung bejimat ngena belanja

98 4.4.1
 Pengukuh
Seridi
A. Ayat Tunggal
Peratika chara nempa ayat tunggal di baruh tu. Peratika subjek enggau
predikat lebuh ngaga ayat tunggal.

No. Subjek Predikat

1. Tuai Rumah Engkaul bagas.

2. Sida di Madu Midang betuaika Tuai Rumah Engkaul.

3. Sida udah numbuhka kedai gerempung.

4. Tuai Rumah Engkaul dichiri sida nyadi Chairman.

5. Sida serumah bisi lima puluh pintu.

B. Ayat Turu
Peratika chara nempa ayat turu di baruh tu.
Sapit Chairman iya nya Matu. Tukang wang sida igat Rimong.
Sapit Chairman iya nya Matu lalu tukang wang sida igat Rimong.

No. Subjek Jaku Penyambung Predikat

1. Sapit chairman iya nya lalu tukang wang sida igat Rimong.
Matu

2. Sida ngatur penemuai sereta sida betatika gerempung dagang ti

sambil belajar udah maju.
3. Penyampau untung tang ba taun 2013 penyampau
dagang sida taun 2012 untung sida bisi niki ngagai
RM10,000.00. RM30,000.00.

Latih
1.. Tulis lima iti ayat tunggal enggau lima iti ayat turu.
2. Tengkebang siti jaku berambai ti ngajar
orang bekelimat ngena belanja.

99
Pengaya
1. Bacha lalu peratika penerang dalam pitak di baruh tu.
Chara Timai ngerikod duit belanja iya ba pun taun 2016.
DUIT SIMPAN

Haribulan Pemeri Ari Penyampau (RM)

4 Januari 2016 Indai 15.00

20 Januari 2016 Aki 5.00

Penyampau RM20.00

DUIT BELANJA

Haribulan Pekara Penyampau (RM)

4 Januari 2016 Meli bup tulis 2.00

Meli penyuran 1.00

Meli ruti 0.50

10 Januari 2016 Meli sabun mandi 2.00

15 Januari 2016 Meli bup latih Sains 3.00

20 Januari 2016 Meli pinsil 2B 1.50

Meli selipar 4.00

Penyampau RM ...
Duit simpan – Duit belanja = Laluh duit

2. Isi endur lapang pasal chara Timai ngena duit belanja ba pun taun 2016
di baruh tu, belalauka penerang dalam pitak di atas.

Kena 4 Januari 2016, Timai bisi nerima duit ti diberi ........ iya RM ....... .
Sehari nya mega iya bisi meli dua iti bup tulis ti berega RM ........ . Iya mega
meli sebatang ........ ti berega RM1.00. Kelimpah ari nya iya mega bisi meli
sebungkus ........ ti berega 50 sen.
Kena 10 Januari 2016, iya bisi meli setuku sabun mandi ti berega RM ..... .
Kena 15 Januari 2016, iya meli bup latih Sains ti berega RM ........ .

100
 Kena 20 Januari 2016, aki Timai bisi ngabas iya ke sekula. Aki iya bisi
meri iya duit RM ........ . Sehari nya mega iya bisi meli sebatang pinsil 2B
ba kantin sekula ti berega RM ........ . Ba ujung bulan nya mega, iya bisi meli
sepasang selipar ti berega ........ laban selipar iya ti lama udah putus tali.
a. Kira penyampau duit belanja Timai sepemanjai bulan Januari.
b. Berapa laluh duit belanja Timai ba ujung bulan Januari?
c. Tuliska pengenap tesa ti bisi dikena dalam teks latih di atas.
d. Ba penemu nuan, landik ke enda Timai ngena belanja. Nama kebuah?
3. Peratika penerang ba pitak di baruh tu pasal pengawa pemansang sida Tuai
Rumah Engkaul di Madu Midang.
Pengawa Skim Skim Skim Pegung Sawit
Pemansang Buah Getah Lada Ikan

Penyampau 5 15 10 8 12
Pintu (50)

a. Bepelasarka pitak di atas, gaga siti graf bar pasal pengawa pemansang
sida di Madu Midang.
Chunto:
Pengawa Pemansang Sida Tuai Rumah Gilang Emperan Ratai.

Penyampau Pintu
X Graf bar patut ngembuan
pekara baka di baruh:
• Topik
25 • X nunjukka penyampau
• Y nunjukka pekara ti
20 diterangka
• Petunjuk dikena mantaika
15 kunchi informasyen

10
Petunjuk:

5 Skim buah
Sawit
Skim lada
0 Y
Skim getah
Pengawa Pemansang Pegung ikan

b. Ba penemu nuan, ba taun 2016 enggau ti nangkanka nya, baka ni ku gaya

pengidup sida di Madu Midang?

101
 Tisih
A. Gaga leka jaku ti bisi besangkut paut enggau pengawa dagang ti dilalaika
dalam Jaku Berasuk di baruh tu.

Z G E R E M P U N G

I N U G X E E T I N

P U K U A L M Q H A

E T I N T I A P C R

R N I K I Q Y V A A

A U J M U J U R D B

I S U K D C H A P I

S E P A K A T A R S

B. Pilih saut ti betul ngagai tanya di baruh tu belalauka leka dindang ba lambar
97 enggau 98.
1. Dini endur Timai nyimpan laluh duit?
a. baruh tilam b. dalam beg c. ba pengajar d. dalam tabung

2. Sapa nyadi Chairman Kedai Gerempung Madu Midang?

a. Tuai Rumah Engkaul b. Meling c. Matu d. Lawai

3. Nama tanda puji ti udah diterima sida Tuai Rumah Engkaul serumah?
a. Rumah Pemadu Beresi b. Rumah Panjai Chunto
c. Rumah Panjai Begempung c. Rumah Panjai Tebilang

4. Pengidup Meling di nengeri senang laban iya landik ... .

a. belagu b. bedagang c. bekelimat d. bekebun

5. Kedai tu selalu nyual barang murah agi ari kedai bukai.

a. supermarket b. kedai runchit
c. kedai pajak gadai d. Kedai 1Malaysia

102
 Aram Mending enggau Bejaku
Perati lalu kerandauka gambar di baruh tu.

Nunu uras Nunu babas

Sumber: Senorita Anak Gu

A K T I V I T I

1. Betanya saut senentang gambar di atas.

2. Nama penyadi enti sema orang majak betunuka uras tauka babas?
3. Pejuraika chara nyeliahka pengawa nunu baka ti di atas.

L A T I H

Rintaika chara kitai ulih nagang pengawa nunu ngena chara tebuka.

1.3.2
1.2.1 103
 Aram Mending enggau Bejaku
Timai enggau bakih iya berandauka pasal angin ti udu besebun ba menua sida.
Keluluka randau sida tu ngena intonasyen ti betul.

Apu, hari tu nyau majak

besebun! Angin baka tu sigi
enda manah ke pengerai.

Maya belajar Sains, Pengajar Amat. Nya alai anang

Jura udah madahka kitai
senentang pemanah ngena
sengkabung mua. Sengkabung
mua ulih nyeliahka debu alus
tama ke dalam tubuh kitai.
enda nyaga pengerai.
Enti ulih anang empelita
enggau pengerai diri.
Endang amat ku seduai.
Kitai patut ngena
sengkabung mua maya
bisi aktiviti di luar.

A K T I V I T I

1. Ba penemu nuan, nama kebuah angin besebun?

2. Baka ni chara kitai nyaga pengerai maya angin besebun?
3. Ba runding nuan, nama kebuah kitai patut ngena sengkabung mua maya
ngaga aktiviti di luar?

L A T I H

1. Rintaika lima kebuah ti ngasuh angin majak besebun dalam kar gelembung.
2. Tuliska kebuah kitai enda diperansang ngaga aktiviti luar maya angin besebun.

1.3.2
104 1.2.1
 Aram Macha
Bacha enggau silik karang di baruh tu.

Angin Majak Kamah

Angin kamah nya ngundan gas, molekul tauka zarah ti enda manah. Angin kamah
mai pengerusak ke kitai mensia, utai idup enggau rampa menua. Angin nya kamah
ketegal bisi ngundan gas sulfur monoksid, nitrogen dioksid, gas karbon monoksid
enggau debu ti enda manah ke pengerai.
Penanggul angin kamah tu endang bepun ari asap tebal ke mayuh pansut
ari kilang, perengka pengangkut enggau pengawa nunu ngena chara tebuka.
Nambahka nya, pengawa nunu ke enda beradat majak nyadi. Betunuka reban ba
kebun ke bedandang besai sepeneka ati mega tau ngerusak sesebengkah menua.
Suah mega bisi nyadi kampung angus ketegal pengawa orang ti enda bejimat
enggau api baka betikauka papung ruku ti agi bisi api. Semua utai tu nyadi ketegal
ulah mensia.
Angin ti kamah mai penusah ukai semina ngagai mensia tang mega jelu, utai
tumbuh enggau rampa menua. Angin besebun ngasuh menua kitai dilamun asap
tebal. Asap tebal ngasuh rampa peda serekat ti ngujungka penusah bebadi ba jalai
raya selalu nyadi.
Sebun tauka asap tau ngenataika pengerusak ngagai pengerai tubuh kitai
mensia enggau utai idup ti bukai. Kitai suah ngasaika diri tusah enseput ketegal
mayuh nyintak asap. Baka nya mega asap tu tau ngasuh mata kitai bepedi sereta
belai. Asap tebal ti ngundan debu alus ngujungka penyakit baka batuk, riman,
sengak enggau anemia.
Penanggul ke baka tu tau mega ngasuh ekonomi menua nyau kusut kelebih
agi baka industri dagang temuai. Temuai ari menua luar enggai datai ke menua tu
ketegal nangika pengelikun diri.
Nya alai, semua kitai patut nyeliahka diri ari ngereja pengawa ti ngamahka
angin. Angin ti beresi manah ke pengerai tubuh mensia enggau utai idup ke bukai.

2.2.6
2.4.5 105
 A K T I V I T I

1. Kerandauka reti leka jaku ti bechura mirah dalam teks. Giga reti leka jaku
nya dalam diksionari.
2. Ba penemu nuan, baka ni kitai ulih nyaup perintah neritka undang-undang
nyaga pemanah rampa menua?
3. Nama penyadi enti nyema perintah enda ngaga undang-undang nyaga
pemanah rampa menua?

L A T I H

1. Giga sereta tulis reti terminologi di baruh tu.

Glosari Reti
gas
...
molekul
...
sulfur ...
monoksid
...
karbon ...
nitrogen ...

2. Bepelasarka terminologi di atas gaga ayat ngena jaku diri empu.

3. Liska kebuah angin besebun lalu padahka nama penyadi enti nyema angin
majak besebun dalam kar berurun-rurun.

Pun Penyadi

... ...
Nama
kebuah
... angin ...
besebun?

... ...

4. Gaga karang pandak pasal “Angin Kamah Ngerusak Pengerai”.

2.2.6
106 2.4.5
 Aram Macha
Bacha teks di baruh tu.
Penumbuh mayuh kilang beserimbai enggau
pemansang menua udah mansutka asap ti lebih lalu
ngujungka angin kamah sereta bebau. Kelimpah ari
nya mega, asap ari kilang balat ngeluarka debu ti
ngujungka orang ke diau berimbai dia kena tuntung
penusah rumah bedebu.
Gari ti dijembi di luar mega bebau sereta bedebu.
Nambahka nya, pengagit ati sekeda mensia ke
amu ngujungka sida
muka mayuh kebun bedandang besai. Nya alai,
pengawa betunuka reban ngeluarka asap ke mayuh
ti bechampur enggau kelatan. Asap ke baka tu mega
ngenataika penusah ngagai mensia, jelu enggau
utai idup. Kemaya hari tu, penyampau perengka
pengangkut jauh udah betambah.
Asap ke dikeluarka ari perengka pengangkut
ngeluarka gas karbon monoksid. Gas tu ngundan rachun ti tau ngerusak pengerai.
Asap ti disintak lebuh kitai enseput tau ngasuh
lempuang kitai sakit laban asap nya ngundan
gas ti berachun ti tau ngasuh sel dalam lempuang
kitai rusak. Dunya kitai kemaya hari tu udah jauh
berubah ketegal lapis ozon nyau udah mipau
bendar. Ari nya kitai udah ngasaika pengangat
dunya tu nyau majak betambah.

A K T I V I T I

1. Giga reti leka jaku ti bechura mirah dalam kereban sanding.

2. Ba penemu nuan, baka ni chara ulih ngurangka angin besebun?

L A T I H

1. Tulis ayat ngena jaku ti bechura mirah dalam teks di atas.

2. Tulis karang ti bekaul enggau topik, “Penanggul Ketegal Pengamah Angin”.

2.2.6
2.4.5 107
 Aram Nulis

Sadaka lagu ti dikirum pangan nuan nengah WhatsApp.

Oh Angin
Angin menua tu majak besebun
Enda ngira di pesisir tauka nengeri
Sama dituntung penusah besebun
Ngasuh kitai irau berari

Baka nya mega utai tumbuh

Majak ditebang ngasuh tusah ati
Bala jelu sama ngasai penusah
Sebanaka diri suntuk pemakai

Oh dinga kita semua

Patut panjai runding enggau kira
Nunu babas anang sengapa
Laban nya tau ngamahka dunya

Ari nya kitai anang enda ngira

Anang ngerusak rampa menua
Laban nya pesaka amat beguna
Beguna ke pengidup dudi ila .

Tiun Lagu: Dunya Inflasi, Michael Jemat

3.3.2
3.4.8
108 4.3.3
A K T I V I T I

1. Kerandauka ayat tunggal enggau ayat turu ke bisi ba lagu nya tadi.
2. Gaga dua genteran lagu ti besangkut paut enggau rampa menua ngena
chara beraban. Udah nya, kirumka ngagai pangan nuan ngena WhatsApp.
3. Ba runding nuan, baka ni angin besebun ulih ngachau aktiviti kitai
besehari-sehari baka ke di baruh tu?
a. Industri dagang temuai
b. Pengawa betanam betupi
c. Aktiviti kokurikulum di sekula

L A T I H

1. Tulis ayat turu belalauka ayat tunggal di baruh tu.

Ayat Tunggal Ayat Turu

Angin besebun.
Kitai patut ngena sengkabung mua. ...

Angin beresi patut dijaga.

...
Angin beresi manah ke pengerai.

Gumpul uras ba kandang sekula.

Buai ba tung uras. ...

Kami ngerupan meresi palan memarin.

Palan memarin beresi. ...

Asap ngundan gas berachun.

Asap tau nganu pengerai. ...

2. Tulis ukur pemanah ke bisi dalam lagu tadi.

3.3.2
3.4.8
4.3.3 109
 Jalai Jaku
Peratika gambar lalu bacha ayat di baruh tu.
Ayat Aktif Transitif enggau Pasif

Kasih mih tudah kami, tu. Kami selalu ditebang

enggau ditunu. Kampung dikeruga sepeneka ati.
Nadai endur jelu besarang.

Nadai penyadi enti majak baka tu.

Tusah amat ngiga pemakai enggau endur
belindung. Pun kayu ambis ditebang.

Asap ti dipansutka ari kilang, perengka pengangkut

enggau betunuka babas ngasuh kami kamah sereta
bebau. Semua utai idup tasal ketegal kami ti
udu kamah. Kami tu amat beguna ngagai
mensia, jelu enggau utai tumbuh.

Penerebai kami tejanggal laban angin

udu besebun. Sebun ti melap tebal tau
ngenataika penanggul maya kami angkat
enggau sangkai ba padang bilun.

Sinu ninga sebana deriba kami ke enda ulih meda

enggau terang laban ti kabur. Suah kami belantak
enggau pangan diri laban seraka peda
ti udu serekat.

Enti baka tu nama mih penyadi anak mensia idup di

dunya dudi ila? Penyakit mayuh nuntung ngerusak
pengerai kelebih agi sida ti sakit sengak pedis ka
enseput. Anang enda ngena sengkabung mua maya
di luar rumah. Nya alai kitai mesti begempung ngintu
sereta nyaga rampa menua ngambika meruan
menyana nyadika pesaka rebak dudi.

5.3.2
110 5.2.2
A K T I V I T I

1. Kelala ayat aktif transitif enggau ayat pasif dalam teks.

2. Giga jaku pengawa transitif dalam teks.
3. Gaga ayat aktif enggau ayat pasif ngena jaku diri empu.
4. Nama kebuah sida sebanaka pendiau pengidup diri?
5. Uji pelabaka nama penyadi menua tu enti nyema Indeks Pengamah Angin
ngelui ari tikas ti ngirauka ati?

L A T I H

1. Tulis lima ayat aktif transitif enggau lima ayat pasif.

2. Kelala lalu garis bagi jaku pengawa transitif dalam ayat di baruh tu.
a. Orang enda ulih nurun berikan laban hari besebun.
b. Angin ti balat besebun ngujungka bebadi ba jalai raya suah nyadi.
c. Mensia pedis deka enseput laban angin ti disintak kelalu kamah.
d. Kitai patut nyaga pengerai diri maya angin besebun.
e. Pengawa orang ti nebang kayu sepeneka ati tau ngasuh tikas pengangat
menua betambah.
3. Tukar ayat aktif transitif ngagai ayat pasif.

Chunto: Ayat aktif transitif Ayat pasif

Ah Meng nanam pun kayu. Pun kayu ditanam Ah Meng.

Ayat Aktif Transitif Ayat Pasif

Kitai patut nyaga pemeresi angin.

...

Perengka pengangkut ngeluarka gas berachun.

...

Ibu Rinjong ngiga daun engkayu ba kampung.

...

Tuai rumah nagang sida serumah nunu babas.

...

Lawai numbakka butul enggau put kusung dalam tanah.

...
Pengajar Jura ngajar nembiak chara ngena sengkabung
mua enggau betul. ...

5.3.2
5.2.2 111
 Bungai Jaku
Jenaing udah menang dalam Pekit Licha Entara Sekula Pelilih Menua sida. Bacha
teks ti dikenataika Jenaing ngena intonasyen, kelis mua enggau lingguk tubuh
ti engkeman.

Chara Nyaga Pemeresi Angin

Meri tabi basa lalu selamat pagi ngagai Tuan Pengatur Program, raban hakim, pengajar
sereta ngagai kitai semua ti bisi begempuru ditu.
Aku berasai gaga bendar diberi peluang bejaku ngagai bala mayuh pasal tanggung
pengawa kitai nyaga pemeresi angin. Ngena peluang tu aku mantaika sekeda penemu
aku ti deka dipekunsika enggau kitai semua.
Penanggul angin kamah tu endang bepun ari pengawa orang ti balat betunuka
reban ba endur ke bedandang besai. Kampung angus ketegal orang ti betikauka papung
ruku ti agi bisi api. Asap tebal tu enda manah ke pengerai kelebih agi sida ti sakit sengak
enggau batuk.
Bala peninga mayuh,
Mayuh chara dikena kitai nyaga pemeresi angin. Di sekula, disediaka kurikulum senentang
Pelajar Rampa Menua ke bala nembiak. Pengajar patut terus ngajar nembiak pasal
tanggung pengawa nyaga pemeresi angin ke tiap-tiap iku kitai. Kelimpah ari nya, kimpin
sereta penerang ulih nulung ngelalau mensia mayuh ngambika enda ngereja pengawa
ti ngamahka angin. Brosur ti nerangka chara nyaga pemanah rampa menua mega tau
disadung ngagai semua orang.
Bala peninga mayuh,
Perintah mega patut neritka undang-undang rampa menua awakka ekosistem setimbang.
Sapa ti ditemu ngereja penyalah deka diukum. Kompaun maksimum RM1,000.00 ngagai
orang ti muai uras sepeneka ati sepengudah Akta Sisa Pepejal dan Pembersihan Awam
(PPSPPA) 2011 berengkah dikena. Teritka ukum ngagai orang ti nginsap ba premis orang
mayuh. Ukum ti setipak patut diberi ngagai pengempu kilang tauka perengka pengangkut
ti mayuh ngeluarka asap.
Kepenudi,
Tetiap iku kitai patut nemu tanggung pengawa diri nyaga pemeresi angin lalu ukai semina
bepanggai ba perintah aja. Angin beresi idup bepengerai.

Nya aja, terima kasih.

4.4.2
112 2.1.4
A K T I V I T I

1. Kerandauka enggau pangan nuan pasal isi licha.

2. Dalam raban nuan, kerandauka format nulis licha.
3. Ba penemu nuan, nama kebuah Jenaing menang dalam pekit licha?
4. Pindahka informasyen senentang chara nyaga pemeresi angin dalam kar
gelembung.
...

Chara Nyaga ...

...
Pemeresi Angin

...

L A T I H

1. Tulis lima iti isi ti beguna ari teks licha.

2. Giga isi senentang topik “Chara Nyaga Pemeresi Rampa Menua”. Udah nya,
tulis isi dalam kar kayu.
3. Tulis karang licha senentang topik nya tadi belalauka isi dalam kar kayu.
4. Tulis lima ayat senentang gambar di baruh tu.

4.4.2
2.1.4 113
 Pengukuh
Seridi
Pilih lalu isi lapang dalam lumpung karang ngena jaku pengawa di baruh tu.

ngaga ngereja dilalau ditepan disintak

Penyampau orang ke … penyakit sengak sereta penyakit ke bukai ti berindik ari

pengamah angin bisi nambah. Nya alai, mensia mayuh … kelebih agi sida ke bisi
penanggul lempuang ngambika nyaga pengerai baka bekenaka sengkabung
idung enggau mulut lebuh … aktiviti di luar rumah. Sekeda utai ti diundan angin ti
… kitai lebuh kitai enseput nya ngundan gas ti berachun ti tau ngasuh sel dalam
lempuang kitai rusak. Baka nya mega asap tu tau ngasuh mata kitai bepedi lalu
tau ngujungka pedis mata. Ketegal nya kitai enda ulih … pengawa baka orang
bukai ke suman nadai pemedis tauka nadai penyakit.

Pengaya
1. Gaga ayat transitif ngena leka jaku di baruh tu.

ngerusak nagang mindah

nuntung nyintak

2. Gaya ayat pasif ngena leka jaku di baruh tu.

dibuai disadung
diperansang
dilamun dituntung

114
 Tisih
A. Bacha teks di baruh tu.

Pemesai Guna Kampung

Mayuh bendar guna kampung ba pengidup kitai mensia di dunya tu. Tebal
agi utai ke dikena kitai idup bisi dalam kampung. Kitai mayuh nemu sekeda
utai idup enggau utai tumbuh ti bisi ba kampung nyengkaum kayu, burung,
indu utai, jelu, ikan enggau bansa utai idup ke bukai. Sekeda utai tumbuh
tu tau diempa lalu bisi nya enda tau diempa.
Ba kampung jerung agi meruan bisi pengidup siga baka rusa, kijang,
beruang enggau jelu ke bukai. Ikan dalam sungai sigi mengkang magang
laban nadai ditubai tauka dirachun. Pemakai bukai baka upa enggau
engkayu ari babas sigi agi meruan.
Bemacham-macham buah ti tau diambi sereta digumpul kitai
ari kampung, baka buah rian, tutung, enseruit, puak, temedak, kubal,
engkeranji, buah rutan, danan, kembayau enggau buah ke bukai. Kelimpah
ari ti ngulihka pemakai mega, kitai begunaka kampung endur ngambi kayu
ramu dikena ngaga rumah.
Kitai mega begunaka akar, randau, enggau wi ari kampung. Utai
tumbuh bukai baka bansa palma enggau jaung diambi kena ngaga atap.
Nibung ke tiang enggau ke gelegar. Wi dikena ngaga macham-macham
bansa ma, tikai enggau mayuh perengka anyam. Daun biru dikena ngaga
tudung lalu takang iya dianyamka chapan enggau perengka anyam ke
mit agi.
Kenu ku bala saintis, kampung tu beguna bendar laban iya tau nukar
karbon dioksid ngagai angin ti dikena kitai enggau semua utai benyawa
di dunya tu idup.
Kitai sama nemu pemesai guna kampung tu. Diatu pengawa nyaga
kampung enggau pemanah rampa menua nya siti ari bidang dalam
Dagang Temuai Menua kitai. Nya alai, kitai anang ngerusak kampung
nyadika pesaka menua ti chukup berega.

115
B. Saut semua tanya di baruh tu belalauka teks.
1. Nama asil ti ulih kitai ari kampung?
2. Nama kebuah kampung beguna ba pengidup kitai?
3. Nama kebuah jelu siga agi mayuh ba kampung jerung?
4. Nama penyadi utai idup baka jelu enti nyema nadai utai tumbuh agi ba
kampung?
5. Enti nyema kayu ambis ditebang ketegal deka ngaga pengawa
pemansang, nama penyadi ngagai kitai mensia? Dini kitai bulih kayu?
6. Nitihka teks, kayu mayuh guna dalam pengidup kitai mensia. Terangka
guna kayu dalam kar segala rata.
C. Beri sinonim ngagai leka jaku di baruh tu.

suah meruan perengka

ngerusak dipangkang

D. Tulis leka jaku pengenap tesa ti setipak enggau leka jaku ti diberi.
Leka Jaku Pengenap Tesa

wi ...
atap ...
tikai ...
tugal ...
langkau ...
E. Gaga ayat tanya belalauka ayat penerang di baruh tu.
1. Jelu siga idup meruan laban habitat sida enda dikeruga.
2. Angin besebun ketegal ulah mensia ti balat betunuka reban.
3. Kami enda ulih meda utai jauh enggau nyengala ketegal udu besebun.
4. Rutan tau dianyamka mayuh macham bansa utai baka tikai, selabit
enggau bakul.
5. Maya angin besebun kami ngena sengkabung mulut enggau idung
ngaga aktiviti di luar rumah.
6. Sekeda utai idup enggau utai tumbuh ti bisi ba kampung nyengkaum
kayu, akar, rutan, burung, indu utai enggau bansa bulu babas ke bukai.

116
 Aram Mending enggau Bejaku

Kerandauka palan pengelantang ati ba kar di baruh tu.

Tasik China Selatan

MIRI
Taman Negara LIMBANG
Lambir
Taman Negara
Niah Taman Negara
Taman Negara Mulu
Similajau
BINTULU

MUKAH

SIBU
Pasar Tamu Sibu
Taman
Negara Sarawak
Gunung Cultural KAPIT
Gading Village
SARIKEI
Taman Negara
Bako Taman Negara Sebangkoi
Taman BETONG
KUCHING
Negara Taman Negara
Kubah KOTA Batang Ai
SRI AMAN
SAMARAHAN

Petunjuk
: Indu mengeri bagi menua
: Palan penemuai

1.3.3
117
 A K T I V I T I

1. Betanya saut senentang palan penemuai belalauka kar.

2. Kerandauka pasal palan penemuai di baruh tu.

ah
ra Gua Ni Taman Negara Lambir
n Nega
Tama

iri
n Selera M
Tamu Sibu Tama
Sumber: Lydia Anak Ungam

3. Enti nuan bisi peluang ngelawa palan penemuai di Sarawak, ni bagi palan ti
dipilih nuan? Padahka kebuah nuan milih palan nya lalu bantaika penemu
ngena kar sukung.
4. Ba penemu nuan, nama pekara ke narit penatai temuai ari menua luar
ngagai menua Sarawak?

L A T I H

1. Liska palan penemuai ti udah dikerandauka di atas ngena kar kayu, lalu
bantaika ba mua kelas.
2. Gaga poskad palan penemuai ti dikerinduka nuan.

118 1.3.3
 Aram Macha
Bacha teks di baruh tu.
Palan Bejual Bebeli
Sarawak digela Bumi Kenyalang berindik ari pemayuh burung Kenyalang ti bisi
ditemu ba menua tu. Kelimpah ari ngembuan mayuh palan penemuai, Sarawak
mega bisi pasar tamu enggau pasar jalai ti suah disebut Pedestrian Mall ti tebilang.

Medan Niaga Satok tu tamu ti tebilang di Kuching.

Palan tu chukup tebilang laban ikan masin terubuk
sereta kek lapis ke dijual dia. Mayuh macham
bansa asil babas mega bisi dijual. Maya ujung
minggu tamu tu penuh dedat laban mensia ti
bebelika macham bansa sayur, buah enggau
barang pemakai ke bukai.

Tamu Sibu iya nya pasar tamu ti pemadu besai di

Sarawak. Tamu Sibu tu chukup tebilang laban bisi
nyual buah dabai ti nyamai. Ba tamu Sibu mayuh
bansa engkayu baka upa lalis enggau sayur babas
bisi dijual ditu. Kelimpah ari nya asil betanam betupi
enggau pengelandik jari bisi mega dijual.

Tamu Muhibah mega sebuah tamu ti chukup

tebilang di Bandaraya Miri. Tamu tu tebilang alai
nyual beras Bario enggau bubuk. Asil ari bubuk
baka belacan, enchalu enggau bubuk rangkai
mayuh dijual ditu. Ditu mega mayuh nyual buah
salak enggau bansa buah ti bukai. Mayuh macham
asil pengelandik jari mega bisi dijual ditu.

2.3.1 119
Pasar India Street tu sebuah pasar jalai ti chukup
tebilang di Kuching. Iya tebilang alai bebelika
rempah, gambir enggau kain ti bemacham chura
enggau motif. Kelimpah ari nya, pasar India
Street mega tebilang alai bebelika mayuh bansa
pekayan enggau perengka dapur baka periuk
belanga enggau chapak mangkuk.

Pasar Main Bazaar tu sebuah pasar lama ti

betiban enggau Sungai Sarawak. Iya tebilang
alai bala temuai bebelika tepa dibai pulai.
Sekeda ari kereban ti tebilang dibeli iya nya asil
tenun baka pua kumbu, kain kebat, baju burung
enggau selampai. Kelimpah ari nya, temuai mega
rindu meli tikai idas, tikai rutan, terabai enggau
engkeramba. Ditu mega bisi bejual perengka
Sumber: Lydia Anak Ungam temaga enggau kereban tabuh.
A K T I V I T I

1. Bacha lalu giga isi teks dikena ngaga simpul penemu senentang barang
ti dijual ba palan bejual bebeli bepelasarka teks. Bantaika simpul penemu
ngena kar titi.

Palan bebeli .... ... ... ... ...

Barang dijual .... ... ... ... ...
2. Nama kebuah dagin jelu siga nadai dijual ba pasar tamu?
3. Ba penemu nuan, nama penguntung menua Sarawak ngembuan palan
bejual bebeli tu?

L A T I H

Saut tanya di baruh tu.

1. Nama barang pemakai ti tebilang ba Medan Niaga Satok?
2. Ba penemu nuan, nama kebuah temuai rindu bebelika barang ba India Street?
3. Enti temuai deka meli kereban temaga enggau kereban tabuh, dini palan
bejual bebeli ti patut dituju iya?
4. Baka ni chara kitai ulih narit mayuh agi temuai datai ngagai palan bejual
bebeli ba menua kitai?

2.3.1
120
 Aram Nulis
Bacha teks di baruh tu.
Taman
Negara Lambir

Sumber: Lydia Anak Ungam

Taman Negara Lambir tu tisi Jalai Miri-Bintulu. Penyauh iya ari Bandaraya Miri
30 kilometer. Taman Negara Lambir tu ngembuan 1 173 bansa kayu enggau 237
bansa burung. Kelimpah ari nya mayuh mega bansa jelu bukai baka tupai, rusa,
kera, pelanduk, landak enggau ti bukai. Mayuh bansa indu utai mega bisi ditemu
ba Taman Negara Lambir tu.
Taman Negara Lambir tu tebilang ketegal Wung Latak. Penyauh Wung Latak ari
opis penerang kira-kira pejalai kaki sepengelama 20 minit. Wung Latak dikerinduka
temuai ketegal guchur ai wung nya ke bulih 25 meter peninggi. Sepemanjai bejalai
kaki nuju wung nya, kitai ulih meda anak sungai ti chiru. Dia kitai ulih meda kenaya
ikan dalam sungai nya. Kelimpah ari nya kitai mega deka mansa mayuh bansa
kayu enggau bungai kampung. Ba rantu jalai nya bisi siti jematan gantung. Udah
ke meraka sungai nya kitai deka mansa sigi bukit ke tinggi. Ba tuchung bukit nya
bisi kayu sepun ti pemadu besai ba Taman Negara Lambir. Sebedau datai ba Wung

3.3.3
121
Latak dia kitai deka mansa Wung Pantu enggau Wung Nibung ti ngembuan lebih
kurang dua meter peninggi.
Nadai kebuah kitai enda nemuai ngagai Taman Negara Lambir laban iya
siti ari palan ti chukup dikerinduka bala temuai. Kelimpah ari ke meda pemanah
rampa menua, kitai mega ulih ngerapitka kaul enggau pangan diri lebuh ti bisi
ngatur pengawa ba palan tu.
(Sumber: www.miri.sarawak.gov.my)

A K T I V I T I

1. Kelala ayat turu dalam teks lalu tulis dalam bup latih.
2. Nuan bisi perambu deka nemuai ngagai Taman Negara Lambir, bepelasarka
kar dalam lambar 117, cheritaka perambu pejalai nuan ari sekula kita ke
Taman Negara Lambir.
3. Udah nuan ke macha teks senentang Taman Negara Lambir tu, kati bisi ati
nuan deka nemuai kia? Padahka kebuah.

L A T I H

Tulis lima iti ayat turu ngena jaku penyambung bepelasarka gambar.

122 3.3.3
 Jalai Jaku
Sida Radin sebilik bisi merambu deka bekem ba Taman Negara Niah. Radin
madahka bala kaban iya program sida sebilik ti deka bekem nya.
Radin : Nama program kita maya peremisi tu? Kami sebilik udah merambu
deka bekem ba Taman Negara Niah.
Jenaing : Kami sebilik lalu nadai udah merambu pengawa maya peremisi. Kati
ti aku enggau kita sebilik bekem, ulih kini?
Lawai : Kami duai Ah Meng deka mih enggau.
Radin : Nadai salah, nya ti manah awakka kitai rami agi.
Ah Meng : Aku bisi perengka dikena kitai bekem. Tambah mega pengajar udah
ngajar kitai baka ni chara masang perengka bekem.
Jenaing : Ngasuh ke enda sida apai nih?
Lawai : ...

A K T I V I T I

1. Tampung lalu tulis randau sida Lawai ngena tanda bacha ti betul.
2. Nama kebuah kitai mesti minta pemendar ari apai indai enti deka ngereja
aktiviti ba luar?
L A T I H

1. Liska ukur pemanah ti bisi ba randau di atas tu.

2. Ba penemu nuan, nama penguntung bekem? Bantaika ngena kar gelembung.

5.3.3 123
 Bungai Jaku
Sadaka lagu di baruh tu.

Selamat Datai Temuai Kitai

Bala temuai mayuh datai

Ke Sarawak menua kitai
Bebelika tawak enggau bebendai
Sereta mayuh bansa pemakai

Taman Negara Bako manah lelendu

Palan rasung bisi ditemu
Batang Ai menua Lubuk Antu
Tekat besai ai chiru

Taman Negara Sebangkoi manah udu

Agi bedau madang engkejuru
Bukit Aup endur ngulihka penemu
Bepalan di menua Sibu

Singgah di Batu Niah

Dipansa orang kundang-kasang
Jalai mit bebelit ditengah
Nuju Gua Niah ti tebilang

Datai nemuai ke rumah panjai

Meli selampai enggau tikai
Belelak ke Pantai Bungai
Di Bekenu endur tepanggai

Taman Negara Lambir dituju

Ai wung tinggi sereta chiru
Burung richah ragak udu
Pemeresi menua chukup intu

Nepan bas ke Bandaraya Miri

Mansa Pantai Tanjung Lobang
Nepan bilun tetumu pagi
Gua Mulu tampak bebendang

124 4.4.3
 Bala temuai berasai lantang
Ati rindu naka pengaga
Udah neresa Bumi Kenyalang
Ti jelai nama tampak rita.

Tiun Lagu: Budi Bahasa Budaya Kita, Dato’ Siti Nurhaliza

A K T I V I T I

1. Rintaika taman negara ti bisi di Sarawak kelimpah ari ti bisi dalam lagu.
2. Ba penemu nuan, nama kebuah mayuh temuai datai ke Sarawak?
3. Padahka chara kitai nyaga taman negara awakka utai tumbuh enggau utai
idup enda lus.

L A T I H

1. Giga reti leka jaku ti bechura mirah ngena diksionari lalu gaga ayat ngena
leka jaku nya.
2. Tulis siti karang pasal Taman Negara di Malaysia ti ditemu nuan.

4.4.3 125
 Pengukuh
Seridi
Sambung ayat di baruh tu ngena jaku penyambung ti engkeman.

1.
- Taman Negara Lambir ngembuan 237 bansa barung.
- Taman Negara Lambir ngembuan 1173 bansa pun kayu.

2.
- Pasar India Street tebilang ba Sarawak.
- Pasar India Street ngembuan mayuh macham rempah enggau kain.

3.
- Memarin ulih ngelantangka ati maya lepa.
- Memarin ulih ngerapitka kaul enggau pangan diri.

4.
- Ah Meng bisi perengka dikena bekem.
- Jenaing bisi perengka dikena nginti.

Pengaya
Tengkebang empat genteran dindang ti betemaka “Sarawak Jelai Nama Tampak
Rita”.

Chunto:

Bungai kenunsung mirah bebendang

Diengkah endun ba tisi cheremin
Sarawak digela Bumi Kenyalang
Tebilang enggau palan memarin.

126
 Tisih
1. Tulis baru genteran di baruh tu ngena tanda bacha ti betul.

radin nurun nginti enggau jenaing seduai beumpanka buah getah

benung seduai nginti seduai tekenyit amat meda pemayuh uras dibuai
orang ke ai apu sapa-sapa ti bangat enda mereti muai uras tu ku
jenaing tu kereja orang ti nadai tanggung pengawa nyaga pemeresi
sungai saut radin aram tua muai sekeda ari uras nya ku radin

2. Tulis ayat turu ngena jaku penyambung bepelasarka gambar.

a. ... . b. ... .

c. ... . d. ... .

127
3. Gaga lima iti ayat bepelasarka gambar di baruh tu.

4. Gaga karang bepelasarka gambar di atas tu.

128
5. Beri penambah ti engkeman ngagai urat jaku di baruh tu.

Urat Jaku Penambah

limpang ...

untung ...

terang ...

tulis ...

likun ...

datai ...

6. Giga entelah di baruh tu.

Asi mansau periuk pechah.

Ulu lungga : tanah genting

Landak nelan lutak, lutak nelan batu.

Ulu lungga : tanah emperan

Di tanah baka jugam, di rumah

baka tuan.
Ulu lungga : telu

129
Selamat Beserara
Pun tapang reregah bediri
Anang ditebang taja sebatang dua
Pengaya menua topik diberi
Pesaka menua ungkup semua
Bet�ah belimpah ngasuh temegah
Topik tiga endur menalan
Ngereja pengawa manah-manah
Wi tampung tali r�tan tampung danan
Cherita nyadika teladan
Ngereja pengawa nitihka langg�r
Anang irau anang rawan
Pengeliat ati mai pemujur
Sama ngaling sama minching
Nyadika tenggau pengidup kitai
Topik sedada sama seati
Ajar ti manah pat�t dipegai
Bemban bat� dianyamka tikai
Diambi jauh ari menua Lingga
Asil pengelandik jari bansa kitai
Nyadika pesaka aris ti berega
Mimit diserepit may�h ditar�h
Ngajar kitai bekelimat belanja
Tali sempekat dipegai teg�h
Ngambika idup kitai menyana
Angin oh angin beresi terebai
Ngagai utai idup di dunya
Nuju palan peng�mbai temuai
Tampak rita jelai nama
Deras amat sungai kerangan
Anak semah selepak bat�
Selamat beserara kitai pangan
Betemu bar� ba Pom Sat�.

130
 Dengan ini SAYA BERJANJI akan menjaga buku ini
dengan baik dan bertanggungjawab atas kehilangannya
serta mengembalikannya kepada pihak sekolah pada
tarikh yang ditetapkan.

Skim Pinjaman Buku Teks

Sekolah _______________________________________

Tahun Darjah Nama Murid yang Menerima Tarikh

Terima

Nombor Perolehan: ________________________________

Tarikh Penerimaan: ________________________________

BUKU INI TIDAK BOLEH DIJUAL