Posisyong Papel ng Isang Mag-aaral sa Ave Maria College Tungkol sa Pagpapatanggal ng K-12
Program sa Pilipinas
PANATILIHIN ANG K TO 12 PROGRAM SA PILIPINAS: HUWAG ALISIN ANG
PROGRAMANG ITO SA ATING BANSA, SA MGA GURO AT LALO NA SA MGA KABATAANG NAG-AARAL. Ang pagpapatatag at pagpapatibay ng K-12 Program sa Pilipinas ay may mga benepisyo katulad ng paghahanda sa mga mag-aaral sa kukunin nilang trabaho paglaki, pagkakaroon ng internasyonal na pamantayan na edukasyon, at lalo na ang paghahasa sa mga kaisipan ng bawat mag-aaral. Ngunit kahit na mahalaga ang layunin ng programang ito, hindi natin maaaring ipagwalang-bahala ang mga hamon at isyu na kaakibat dito. Ang mga halimbawa nito ay ang kakulangan sa libro, pasilidad, badyet para sa mga guro at kagamitan sa paaralan, at lalo na ang pagdami ng mga estudyanteng tumitigil mag-aral dahil may dumagdag na dalawang taong at wala silang perang gagamitin para sa kanilang tuition, kaya naman dapat talagang tanggalin ang K-12 Program. Subalit, hindi ito dahilan upang ipatanggal ang programang K-12 dahil ito ay malaking tulong para sa mga mag-aaral na dapat magkokolehiyo na. Dahil sa programang ito, tinutulungan ang mga mag-aaral na magkaroon ng mga pangunahing kasanayan tulad ng pagbabasa at pagsusulat na mahalaga sa pagtamo ng mas mataas na edukasyon at trabahong kukunin paglaki. Ang Department of Education (DepEd) ay may mga programa at proyekto upang matugunan ang mga isyu at hamon ng K12 Program na nabanggit. Narito ang ilang paraan kung paano ito matugunan. Una, ang pagpapabuti ng pasilidad: ang DepEd ay may mga proyektong pang-imprastruktura upang mapabuti ang mga pasilidad sa mga paaralan. Ito ay maaaring maglakip ng pagpapagawa ng mga bagong silid-aralan, pag-aayos ng mga lumang gusali, o pag- a-update ng mga kagamitan sa pasilidad. Ikalawa, ang pagpapalakas ng Public-Private Partnerships: ang DepEd ay maaaring makipagtulungan sa pribadong sektor upang magkaroon ng karagdagang pondo at suporta para sa mga pasilidad at kagamitan. Ikatlo, ang pamamahagi ng mga kagamitan: ang DepEd ay maaaring maglaan ng pondo para sa pamimigay ng kagamitan sa mga paaralan tulad ng libro, kompyuter, at iba pang materyales na makakatulong sa pag-aaral ng mga estudyante. Ikaapat, and pagbibigay ng Scholarship at Financial Assistance: maaaring maglaan ng mga scholarship at financial assistance programs ang DepEd para sa mga estudyante na nais magpatuloy ng kanilang pag-aaral ngunit may kakulangan sa pinansiyal na kakayahan. At panghuli, ang pakikipagtulungan sa Stakeholders: ang DepEd ay maaaring magkaroon ng regular na konsultasyon at pakikipagtulungan sa mga magulang, guro, at iba pang stakeholders upang malaman ang kanilang mga pangangailangan at alinlangan. Pinapatuloy ng DepEd ang kanilang mga pagsisikap upang matugunan ang mga pangangailangan ng mga estudyante. Sa halip na alisin ang programang ito, hindi ba't mas kailangan nating patatagin ito dahil ang mga estudyante ay nangangailangan ng sapat na kasanayan at kaalaman sa pag-aaral? At dahil ang pag-aaral ay isa sa susi upang makamit ang mga pangarap sa pamamagitan ng sistemang K-12, pinapalakas nito ang pundasyon ng mga mag-aaral sa mahahalagang asignatura at kasanayan, kasama na ang matematika, agham, wika, at mga agham panlipunan. Ito ay isinabatas ng Republic Act No. 10533, na kilala sa titulong "Enhanced Basic Education Act of 2013" na layuning mabigyan ng sapat na pag-aaral ang mga Pilipino na gaya sa ibang bansa, kung saan may matibay na kompetensiya, kakayahan at kaalaman sa trabaho na pinanghahawakan. Panatilihin ang K-12 Program dahil ito ay nakakatulong sa mga kabataan at sa ating bansa. Ayon sa Official Gazette of the Republic of the Philippines, ang K to 12 program ay ang hakbang na nagbibigay-diin sa pagpapahanda ng mga mag-aaral para sa kanilang mga hinaharap sa pamamagitan ng pagpapalakas ng kanilang mga kasanayan at kaalaman. Binibigyan nito ang mga mag-aaral ng mas maraming pagkakataon na makabuo ng mga kasanayan na kinakailangan para sa kanilang kolehiyo o trabaho. Ang K to 12 program ay nagbubukas ng mas maraming pintuan para sa mga mag-aaral, nagbibigay sa kanila ng mas malawak na mga kaalaman, at nagpapahintulot sa kanila na magkaroon ng mas mataas na lebel ng pagpapahanda para sa kanilang mga pangarap. Ito ay nagbibigay-daan sa mga kabataan na mas higit pang mapagtanto ang kanilang potensyal at makamit ang kanilang mga pangarap na hindi lamang para sa kanilang sariling tagumpay, kundi para sa ikauunlad din ng bansa. Maraming pilipino ang gustong panatiliin ang ng Programang K-12 dahil alam nilang magkakaroon ito ng benepisyo sa mga mag-aaral at sa ating bansa. Kung hindi man magbago ang isipan ng mga tumututol sa Programang K-12, tiyak na kikilos at gagawa nang paaran ang Department of Education o DepEd upang hindi ito mawala at maging mas matibay ang sistemang ito. Kaya naman, mahalaga na tayo ay magkaisa sa pagsuporta at pagpapanatili ng K to 12 program sa Pilipinas. Ang programang ito ay hindi lamang isang makabago at makabuluhan na hakbang sa larangan ng edukasyon, kundi isang puhunan sa kinabukasan ng ating bansa. Dahil dito, ating pangarapin at itaguyod ang K to 12 program bilang isang pundasyon para sa mas mataas na kalidad ng edukasyon sa Pilipinas. Ito ay hindi lamang para sa kasalukuyan, kundi para sa mga henerasyong darating. Sa pagtutulungan ng mga guro, mag-aaral, magulang, at lahat ng sektor ng lipunan, magkakaroon tayo ng mas malalim na pang-unawa sa kahalagahan nito. Sa ating pagkakaisa, maaabot natin ang mas maliit na mga paaralan, mas magaling na mga guro, at mas mahusay na edukasyon para sa ating mga kabataan. Ito ang landas tungo sa mas maligayang, mas mayaman, at mas makabuluhan na bukas para sa Pilipinas. Kaya naman, hindi tayo dapat titigil sa pagsuporta at pagpapanatili ng K to 12 program. Dahil ito ay isang hakbang tungo sa mas maunlad na kinabukasan para sa lahat ng Pilipino.
Pinagtibay ngayong Oktubre 27, 2023
Mga sanggunian: https://www.philippinesbasiceducation.us/2012/05/k-to-12-program-ng-gobyerno-ng.html? m=1 https://www.deped.gov.ph/2020/06/22/statement-for-stakeholders-filipino/ https://www.officialgazette.gov.ph/2013/09/04/irr-republic-act-no-10533/ https://www.dpwh.gov.ph/dpwh/PPP/PPP_index