Ika-2 ng Pebrero

KAPISTAHAN NG PAGDADALA KAY HESUS NA

PANGINOON SA TEMPLO
Ang Pagbabasbas at Pagpuprusisyon ng mga Kandila

Pangungunahan ni:
Reb. P. Nicanor J. Castro
Kura Paroko

Page 1 of 41
Sa simbahan magtitipun-tipon ang mga nagsisimbang may
hawak na mga kandila. Ang paring nakasuot ng puting damit
na pangmisa ay paroroon sa isang nababagay na dako sa
simbahan, sa labas ng pintuan o kahit sa loob na rin ng
simbahan. Kasama ng pari ang mga tagapaglingkod at ang mga
kinatawan ng mga tao sa pagparoon sa lugar na lantad para
mamalas ng lahat ang gagawing seremonyas, upang ang
maraming mga tao ay maayos na makibahagi.

Pagdating ng pari sa pook na paggaganapan ng paggagwad ng

pagpapala sa mga kandila, sisindihan ang mga kandila habang
inaawit ang taludtod-panagor na “Si Hesukristo ang ilaw” o
anumang nababagay na awitin.

COMMENTATOR:
Maaari na po nating sindihan ang ating mga kandila.
Sa pasimula ng ating pagdiriwang, magsitayo po ang lahat.

PAMBUNGAD NA AWIT
Liwanag na aming puso, sa ami’y manahan ka
Ang init ng ‘Yong biyaya, ami’y ipadama.
Patnubay ng mahihirap.
O aming pag-asa’t gabay.
Sa aming saya at hapis,
Tanglaw Kang kaaya-aya.

Page 2 of 41
Babatiin ng pari ang mga tao alinsunod sa karaniwang
ginagawa. Magbibigay siya ng ilang pangungusap bilang
paliwanag at paanyaya sa mga tao upang makiisa ang lahat sa
masigla at makabuluhang pagdiriwang ng kapistahang ito. Ang
sasabihan niya’y ganito o anumang katumbas nito:

Mga ginigiliw kong kapatid,

apatnapung araw na ang nakalipas
buhat nang ating ipagdiwang
ang Maligayang Pasko ng Pagsilang ng Panginoon.
Ngayon naman ang dakilang araw
ng pagdadala kay Hesus sa templo.
Sa hayagang pagtupad s autos ng Diyos
na itinadhana ni Moises,
ang totoong naganap ay ang pakikipagtagpo ng
Mesiyas
sa mga nananabik na tao para sa kanyang
pagdating.
Sa pag-akit ng Espiritu Santo,
ang mga banal na matatanda ay naparoon sa templo.
Sa tulong ng tanglaw ng Espiritu Santo,
kanilang nakilala ang Panginoon
at masaya nilang tinanggap siya.
Kaya naman tayo ngayo’y naririto
at nagtitipon bilang tugon sa pag-akit ng Espiritu
Santo.
Makaharap at makilala nawa natin siya ngayon
Page 3 of 41
 sa pagsasalo sa pinaghahati-hating tinapay
hanggang sa kanyang maningning na pagpapakita.

Pagkatapos mabigkas ang paliwanag at paanyaya, babasbasan

ng pari ang mga kandila. Darasalin niya ito nang magkadaop-
kamay:

Manalangin tayo.
Ama naming makapangyarihan,
ikaw ang pinanggagalingan ng lahat ng
kaliwanagan.
Ang Liwanag na tatanglaw sa lahat ng mga bansa
ay iyong ipinakita ngayon sa banal na si Simeon.
Gawin mong banal at basbasan +
ang mga kandilang ito sa hawak-hawak
ng mga bumubuo sa iyong sambayanan.
Sa aming pagdadala nito,
kami nawa’y marapatin mong umawit
ng pagpupuri para sambahin ang ngalan mo.
Sa aming paglakad sa landas ng ng iyong
kabutihan,
kami nawa’y loobin mong sumapit
sa di magmamaliw mong Liwanag:
si Hesukristo na aming Panginoon magpasawalang
hanggan.

Page 4 of 41
Sambayanan:
Amen

Tahimik na wiwisikan ng pari ang mga kandila ng banal na

tubig.

Hahawakan ngayon ng pari ang kandilang nakalaan para sa

kanya at ang prusisyon ay magsisimula kapag kanyang
inihudyat sa pamamagitan ng pag-awit nito:

Padre Nick:
Halina’t tayo’y lumakad,
sa Panginoo’y humarap.
Kapayapaan n’ya’t galak
ay taglayin nating lahat.
Sumamba’t magpasalamat

Sa prusisyon ay aawitin ang taludtod na panagot sa bawa’t

pangungusap ng awitin ni Simeon. Maaaring umawit ng iba
pang nababagay na awit.

Page 5 of 41
PAMBUNGAD NA AWIT
Liwanag na aming puso, sa ami’y manahan ka
Ang init ng ‘Yong biyaya, ami’y ipadama.
Patnubay ng mahihirap.
O aming pag-asa’t gabay.
Sa aming saya at hapis,
Tanglaw Kang kaaya-aya.
Liwanag ng kaaliwan, sa ami’y dumalaw Ka.
Kalinga moa ng takbuhan,
noong unang-una pa.
Pawiin an gaming pagod,
ang pasani’y pagaanin.
Minamahanl kong kandungan,
sa hapis kami hanguin.
Liwanag na aming puso, sa ami’y manahan ka
Idulot Mo po sa amin, kapayapaang wagas.
Ang ‘Yong gantimpala’t mana, pangako Mong kasarinlan.
Ang bunga ng pagkandili: Ligaya magpakailanman

ANG MISA NG SAMBAYANAN

Kapag natitipon na ang sambayanan, ang pari at mga

tagapaglingkod ay lalakad patungo sa dambana samantalang
ang awiting pambungad ay ginaganap.

Page 6 of 41
Pagsapit sa dambana, ang pari at mga tagapaglingkod ay
magbibigay-galang alinsunod sa hinihinging paraan.
Magbibigay-galang ang pari sa dambana sa pamamagitan ng
paghalik sa ibabaw. Kung minamabuti niya, maiinsensuhan
niya ito. Pagkatapos, ang pari ay paroroon sa kanyang upuan.

Matapos ang awiting pambungad, habang nakatayo ang lahat,

ang pari at ang mga tao ay magkukrus. Ipahahayag ng paring
nakaharap sa mga tao:

Padre Nick:
+ Sa ngalan ng Ama at ng Anak at ng Espiritu Santo.

Sambayanan:
Amen.

Ilalahad ng pari ang kanyang mga kamay bilang pagbati sa mga

tao, habang ipinahahayag:

Ang pagpapala ng ating Panginoong Hesukristo,

ang pag-ibig ng Diyos Ama, at ang pakikipagkaisa
ng Espiritu Santo ay sumainyong lahat.

Sambayanan:
Page 7 of 41
 At sumaiyo rin.

Ang pari ay makapagbibigay ng maikling paliwanag tungkol sa

buod ng Misang ipagdiriwang:

Padre Nick:
Mga minamahal na kapatid ngayon ay Kapistahan
ng Pagdadala kay Hesus na Panginoon sa Templo at
ngayon din ay ginaganap natin ang Mahal na Birhen
ng Candelaria.

Mga kapatid, aminin natin ang ating mga kasalanan

upang tayo’y maging marapat gumanap sa banal na
pagdiriwang.

Magkakaroon ng saglit na katahimikan. Pagkatapos nito, lahat

ay sabay-sabay na aamin sa nagawang kasalanan:

Inaamin ko sa makapangyarihang Diyos

at sa inyo, mga kapatid,
na lubha akong nagkasala
Ang lahat ay dadagok sa dibdib.

Page 8 of 41
 Sa isip, sa salita, sa gawa
at sa aking pagkukulang.
Kaya isinasamo ko
sa Mahal na Birheng Maria,
sa lahat ng mga anghel at mga banal
at sa inyo, mga kapatid,
na ako’y ipanalangin sa Panginoong ating Diyos.

Ipapahayag ng pari ang pagpapatawad:

Kaawaan tayo ng makapangyarihang Diyos,
patawarin tayo sa ating mga kasalanan,
at patnubayan tayo sa buhay na walang hanggan.

Sambayanan:
Amen.

Isusunod ang mga pagluhog na “Panginoon, kaawaan mo

kami,” maliban kapag naganap na ito kaugnay ng ibang paraan
ng pagsisisi sa kasalanan:

Page 9 of 41
 Panginoon, kaawan mo kami.
Kristo, kaawaan mo kami.
Panginoon, kaawaan mo kami.

Kapag nakatakdang ganapin, aawitin o darasalin ang awit:

PANALANGING PAMBUNGAD

Manalangin tayo.

Page 10 of 41
 Ama naming makapangyarihan,
iniluluhog naming sa iyong dakilang kamahalan
na katulad ng iyong Anak na naging hindi naiiba sa
mga tao
at ngayo’y dinala sa iyong banal na templo,
kami rin nawa’y maging dalisay at marapat dalhin
sa banal na tahanan mo sa pagtitipong ito
sa pamamagitan ni Hesukristo
kasama ng Espiritu Santo
magpasawalang hanggan.

Sambayanan:
Amen.

UNANG PAGBASA

Page 11 of 41
Pagbasa mula sa aklat ni propeta Malakias
Malakias 3, 1-4

Ito ang sinabi ng Panginoong Diyos, “Ipadadala ko ang

aking sugo upang ihanda ang daraanan ko. At ang Paginoon na
inyong hinahanap ay biglang darating sa kanyang templo.
Darating ang pinakahihintay ninyong sugo at ipapahayag ang
aking tipan.”
Ngunit sino ang makatatagal pagdating ng araw na iyon?
Sino ang makakaharap pag siya’y napakita na? Siya’y parang
apoy na nagpapadalisay sa bakal at parang matapang na sabon.
Darating siya para humatol at dadalisayin niya ang mga
saserdote, tulad ng pagdalisay sa pilak at ginto. Sa gayun,
magiging karapat-dapat silang maghandog sa Panginoon, at ang
mga handog na dadalhin ng mga taga-Juda at Jerusalem ay
magiging kalugod-lugod sa kanya, tulad ng dati.

Ang salita ng Diyos

SALMONG TUGUNAN

Page 12 of 41
R. D’yos na makapangyariha’y dakilang hari kailanman,
Salmo 23, 7. 8. 9. 10.
Ang pintuang luma ay buksan nang lubos, ang dakilang hari
ay doon papasok. R.
Ang dakilang haring ito ay sino ba? Siya ang Poon, dakilang
talaga; Saanmang labanan tagumpay ay kanya. R.
Ang pintuang luma ay buksan nang lubos, ang dakilang hari
ay doon papasok. R.
Ang dakilang hari’y sino bang talaga? Makapangyarihang
Diyos at hari siya! R.

IKALAWANG PAGBASA

Page 13 of 41
Pagabsa mula sa sulat sa mga Hebreo
Hebreo 2, 14-18

Yamang ang mga anak na tinuturing ng Diyos ay tao,

naging tao rin si Hesus, tulad nila – may laman at dugo. Ginawa
niya ito upang sa pamamagitan ng kanyang kamatayan ay
maigupo niya ang diyablo na siyang may kapangyarihan sa
kamatayan. Sa gayun, pinalaya niya ang lahat ng naging alipin
habang panahon dahil sa kanilang takot sa kamatayan. Hindi ang
mga anghel ang kanyang tinutulungan kundi “Ang lahi ni
Abraham.” Kaya’t kinakailangang matulad siya sa kanyang mga
kapatid sa lahat ng paraan. Sa gayun, siya’y naging isang
dakilang saserdote, mahabagin at tapat, naglilingkod sa Diyos at
naghahandog ng hain sa ikapagpapatawad ng mga kasalanan ng
tao. Sapagkat siya ma’y tinukso at nagbata kaya ngayo’y
matutulungan niya ang mga tinutukso.

Ang salita ng Diyos

ALELUYA
Lucas 2, 32

Aleluya! Aleluya!
Para sa lahat ng bansa
liwanag na nagmumula
sa bayan mong dinakila!
Aleluya! Aleluya!

Page 14 of 41
MABUTING BALITA
Sumainyo ang Panginoon.
Sambayanan:
At sumaiyo rin.

+ Ang Mabuting Balita ng Panginoon ayon kay San

Lucas
Maikling Pagbasa, Lucas 2, 22-32
Nang dumating ang araw ng paglilinis sa kanila
ayon sa kautusan ni Moises, si Hesus ay dinala ng
kanyang mga magulang sa Jerusalem upang iharap sa
Panginoon, sapagkat ayon sa Kautusan, “Ang bawat
panganay na lalaki ay nakatalaga sa Panginoon.” At
naghandog sila, ayon sa hinihingi ng Kautusan ng
Panginoon: “Mag-asawang batu-bato o dalawang inakay
na kalapati.”
May isang tao noon sa Jerusalem, ang pangala’y
Simeon. Matapat at malapit sa Diyos ang lalaking ito at
naghihintay sa katubusan ng Israel. Sumasakanya ang
Espiritu Santo na nagpahayag sa kanya na hindi siya
mamamatay hangga’t hindi niya nakikita ang Mesiyas
na ipinangako ng Panginoon. Sa patnubay ng Espiritu,
pumasok siya sa templo. At nang dalhin doon ng
kanyang mga magulang ang sanggol na si Hesus upang

Page 15 of 41
gawin ang hinihingi ng Kautusan, siya’y kinalong ni
Simeon. Ito’y nagpuri sa Diyos, na ang wika,
“Kunin mo na, Panginoon, ang iyong abang alipin,
ayon sa iyong pangako, yamang nakita na ng aking mga
mata ang iyong tagapagligtas, na inihanda mo para sa
lahat ng bansa: Liwanag itong tatanglaw sa mga Hentil,
at magbibigay-karangalan sa iyong bayang Israel,”

Ang Mabuting Balita ng Panginoon.

Sambayanan:
Pinupuri ka namin, Panginoong Hesukristo.

HOMILIYA
-Reb. P. Nicanor J. Castro

PANALANGIN NG BAYAN
Padre Nick:
Page 16 of 41
 Nagniningning si Kristo bilang liwanag ng
kaligtasan sa lahat ng bansa at kaluwalhatian ng
kanyang bayan. Ilapit natin ang ating mga
panalangin sa Ama na nag-alay mg kanyang
bugtong na Anak para sa atin.

Ating itutugon:

R. Panginoon, masinagan nawa kami ng Iyong

liwanag.

1. Ang Simbahan sa buong mundo nawa’y ipakita

ang tunay na mukha ni Kristo at maging tanda ng
kaligtasan sa lahat, manalangin tayo sa Panginoon. R.
2. Ang mga maykapangyarihan nawa'y maglingkod
sa lipunan nang may pag-aalay ny sarili, magkaroon
ng tapang na mag- pahayag at kumilos sa ngalan ng
katotohanan at katarungan, at maging saksi sa pag-
ibig ni Kristo, manalangin tayo sa Panginoon. R.
3. Tayo nawa'y mabigyan ng sigla ng pagiging
masunurin ng Birheng Maria at ni San Jose sa laging
pagtupad sa mga kautusan ng Simbahan, manalangin
tayo sa Panginoon. R.

Page 17 of 41
 4. Sa pamamagitan ng kanilang mga sariling
halimbawa, mahikayat ng mga ama at ina ang
kanilang mga anak sa pagsunod kay Kristo,
manalangin tayo sa Panginoon. R.
5. Ang mga yumaong mahal natin sa buhay nawa’y
humayo sa kapayapaan ng Diyos at magdiwang nang
walang katapusan sa piling ni Maria at ng lahat ng
mga santo, manalangin tayo sa Panginoon. R.

Panginoon, nasa kadiliman kami kung wala ka.

Magningning nawa sa amin ang iyong liwanag
upang sa aming sariling paraan, kami’y maging mga
salamin ng iyong liwanag, Hinihiling namin ito sa
pamamagitan ni Kristo na aming Panginoon.

Amen.

PAGDIRIWANG NG HULING HAPUNAN

Page 18 of 41
 PAGHAHANDA NG ALTAR
AT NG MGA HANDOG

Hahawakan ng pari ang pinggan ng tinapay nang bahagyang

nakaangat sa dambana, habang dinarasal niya nang pabulong.

Kapuri-puri ka Diyos Amang lumikha sa

sanlibutan. Sa iyong kagandahang-loob narito ang
aming maiaalay. Mula sa lupa at bunga ng aming
paggawa ang tinapay na ito para maging pagkaing
nagbibigay-buhay.

Sambayanan:
Kapuri-puri ang Poong Maykapal ngayon at
kailanman.

Ang diyakono ay magbubuhos ng alak at kaunting tubig habang

dinarasal nang pabulong:

Sa paghahalong ito ng alak at tubig

kami nawa’y makasalo sa pagka-Diyos ni Kristo na
nagpagindapat makihati sa aming pagkatao.

Page 19 of 41
 Hahawakan ng pari ang kalis nang bahagyang
nakaangat sa dambana, habang dinarasal niya nang
pabulong:
Kapuri-puri ka Diyos Amang lumikha sa
sanlibutan. Sa iyong kagandahang-loob narito ang
aming maiaalay. Mula sa katas ng ubas at bunga ng
aming paggawa ang alak na ito para maging
inuming nagbibigay ng iyong Espiritu.

Sambayanan:
Kapuri-puri ang Poong Maykapal ngayon at
kailanman.

Yuyuko ang tagapagdiwang habang kanyang sinasambit nang

pabulong:

Diyos Amang Lumikha, nakikiusap kaming mga

makasalanan. Tanggapin mo ang aming pagsisisi
bilang handog upang kami’y matutong sumunod sa
iyo nang buong puso.

Maaring insensuhan ang altar at ang mga handog. Matapos ay

iinsensuhan ng diyakono ang tagapagdiwang at ang
sambayanan.
Page 20 of 41
Ang pari ay maghuhugas ng kanyang kamay habang dinarasal
nang-pabulong

O Diyos kong minamahal, kasalanan ko’y hugasan

at linisin mong lubusan ang nagawa kong
pagsuway.

Ang pari ay haharap sa dambana nang nakalahad ang mga

kamay habang ipinahahayag.
Padre Nick:
Manalangin kayo mga kapatid upang ang
paghahain natin ay kalugdan ng Diyos Amang
makapangyarihan.

Sambayanan:
Tanggapin nawa ng Panginoon itong paghahain sa iyong
mga kamay, sa kapurihan niya at karangalan, sa ating
kapakinabangan at sa buong sambayanan niyang banal.
PANALANGIN UKOL SA MGA ALAY
Ama naming Lumikha,
nawa’y maging kalugud-lugod sa iyo
ang paghahaing ito ng iyong nagagalak na
Sambayanan.
Page 21 of 41
 Niloob mong para sa ikabubuhay ng sanlibutan
ay maihandog ang tupang maamo at walang bahid-
dungis,
si Hesukristo na iyong Anak
at aming Panginoon magpasawalang hanggan.

Sambayanan:
Amen.

PANALANGIN NG PAGPUPURI AT PASASALAMAT

PREPASYO
V: Sumainyo ang Panginoon.
R: At sumaiyo rin.
V: Itaas sa Diyos ang inyong puso at diwa.
R: Itinaas na namin sa Panginoon.
V: Pasalamatan natin ang Panginoong ating Diyos.
R: Marapat na siya ay pasalamatan.

Ama naming makapangyarihan,

tunay ngang marapat
na ikaw ay aming pasalamatan.

Page 22 of 41
 Ngayo’y dinala sa iyong templo
ang Anak mong dati nang di iba sa iyo.
Siya ang nagbibigay-karangalan
sa Israel na iyong bayan.
Siya ang ipinahayag ng Espiritu Santo
bilang Liwanag na tatanglaw sa lahat ng tao.

Kaya kaisa ng mga anghel

na nagsisiawit ng papuri sa iyo
nang walang humpay sa kalangitan
kami’y nagbubunyi sa iyong kadakilaan:

SANCTUS

Nakalahad ang kamay ng pari sa pagdarasal

Ama naming banal,
ikaw ang bukal ng tanang kabanalan.

Page 23 of 41
Pagdaraupin ng pari ang kanyang mga kamay at lulukuban ng
mga kamay niya ang mga alay habang siya’y nagdarasal

Kaya’t sa pamamagitan ng iyong Espiritu

gawin mong banal ang mga kaloob na ito

Pagdaraupin ng pari ang kanyang mga kamay at kukrusan niya

ang tinapay at kalis samantalang kanyang dinarasal

upang para sa ami’y maging

Katawan at Dugo + ng aming
Panginoong Jesukristo.

Pagdaraupin niya ang kanyang mga kamay.

Ang mga salita ng Panginoon sa mga sumusunod ng

pangungusap ay ipahahayag nang malinaw at nauunawaan ng
tanan ayon sa hinihingi ng kahulugan ng mga ito

Bago niya pinagtiisang kusang loob

na maging handog

Page 24 of 41
Hahawakan ng pari ang tinapay nang bahagyang nakataas sa
ibabaw ng dambana habang kanyang patuloy ng inihahayag:

hinawakan niya ang tinapay,

pinasalamatan ka niya,
pinaghati-hati niya iyon.
iniabot sa kanyang mga alagad at sinabi:

Bahagyang yuyuko ang pari:

TANGGAPIN NINYONG LAHAT

ITO AT KANIN: ITO ANG AKING KATAWAN
NA IHAHANDOG PARA SA INYO.

Ipamamalas niya ang ostiyang itinalagang maging Katawan ni

Kristo, ipapatong niya ito sa pinggan, at luluhod siya bilang
pagsamba.

Ang pari ay magpapatuloy

Page 25 of 41
 Gayun din naman, noong matapos ang hapunan,

Hahawakan ng pari ang kalis nang bahagyang nakataas sa

ibabaw ng dambana habang patuloy na inihahayag:

hinawakan niya ang kalis

muli ka niyang pinasalamatan
iniabot niya ang kalis sa kanyang
mga alagad at sinabi:

Bahagyang yuyuko ang pari:

TANGGAPIN NINYONG LAHAT ITO AT

INUMIN: ITO ANG KALIS NG AKING DUGO NG
BAGO AT WALANG HANGGANG TIPAN,
ANG AKING DUGO NA IBUBUHOS PARA SA
INYO AT PARA SA LAHAT SA
IKAPAGPAPATAWAD NG MGA KASALANAN.
GAWIN NINYO ITO SA PAG-ALALA SA AKIN.

Page 26 of 41
Ipamamalas niya ang kalis, ipapatong niya ito sa telang
patungan ng Katawan ni Kristo, at luluhod siya bilang
pagsamba.

Pagkatapos ay ipahahayag ng pari

Ipagbunyi natin ang misteryo ng pananampalataya.

Magbubunyi ang sambayanan:

Si Kristo’y namatay
Si Kristo’y nabuhay
Si Kristo’y babalik sa wakas ng panahon

Ilalahad ng pari ang kanyang mga kamay samantalang siya ay

nagdarasal
Ama,
ginagawa namin ngayon ang pag-alala

Page 27 of 41
 sa pagkamatay at muling pagkabuhay ng iyong
Anak kaya’t iniaalay namin sa iyo ang tinapay na
nagbibigay-buhay
at ang kalis na nagkakaloob ng kaligtasan.

Kami’y nagpapasalamat
dahil kami’y iyong minarapat
na tumayo sa harap mo
para maglingkod sa iyo.

Isinasamo naming kaming magsasalu-salo

sa Katawan at Dugo ni Kristo
ay mabuklod sa pagkakaisa
sa pamamagitan ng Espiritu Santo

Tagapagdiwang o isa sa Nakikipagmisa:

Ama,
lingapin mo ang iyong Simbahang
laganap sa buong daigdig.

Page 28 of 41
 Puspusin mo kami sa pag-ibig
kaisa ni Francisco na aming Papa,
ni N. na aming Obispo
at ng tanang kaparian.

Tagapagdiwang o isa sa Nakikipagmisa:

Alalahanin mo rin ang mga kapatid naming
nahimlay nang may pag-asang sila’y muling
mabubuhay gayundin ang lahat ng mga pumanaw.
Kaawaan mo sila at patuluyin sa iyong
kaliwanagan. Kaawaan mo at pagindapatin kaming
lahat na makasalo sa iyong buhay na walang wakas.
Kaisa ng Mahal na Birheng Maria na Ina ng Diyos,
kaisa ni San Jose na kanyang kabiyak ng puso,
kaisa ng mga apostol at ng lahat ng mga banal na
namuhay dito sa daigdig nang kalugud-lugod sa
iyo, maipagdiwang nawa namin ang pagpupuri sa
ikararangal mo

Pagdaraupin niya ang kanyang kamay

sa pamamagitan ng iyong Anak na aming

Page 29 of 41
 Panginoong Jesukristo.

Itataas ng pari ang pinggang may Ostiya at ang kalis habang

kanyang binibigkas

SA PAMAMAGITAN NI KRISTO, KASAMA NIYA

AT SA KANYA ANG LAHAT NG PARANGAL AT
PAPURI AY SA IYO, DIYOS AMANG
MAKAPANGYARIHAN, KASAMA NG ESPIRITU
SANTO, MAGPASAWALANG HANGGAN.

Magbubunyi ang sambayanan:

Amen.

PAKIKINABANG
Sa tagubilin ng mga nakagagaling na utos at turo ni
Hesus na Panginoon natin at Diyos ipahayag natin
nang lakas-loob:

Page 30 of 41
Ilalahad niya ang mga kanyang mga kamay at kaisa ang
sambayanan ay sasambitin o aawitin

Ama namin
Sumasalangit ka, sambahin ang ngalan mo
Mapasaamin ang kaharian mo,
Sundin ang loob mo dito sa lupa para nang sa langit
Bigyan mo kami ngayon ng aming kakanin sa araw-araw
At patawarin mo kami sa aming mga sala
Para nang pagpapatawad namin sa nagkakasala sa amin
At huwag mo kaming ipahintulot sa tukso at iadya mo kami
sa lahat ng masama.

Magpapatuloy ang pari nang nakalahad ang mga kamay:

Hinihiling naming
kami’y iadya sa lahat ng masama, pagkalooban ng
kapayapaan araw-araw, iligtas sa kasalanan

Page 31 of 41
 at ilayo sa lahat ng kapahamakan samantalang
aming pinananabikan ang dakilang araw ng
pagpapahayag ng tagapagligtas naming si
Hesukristo.

Pagdaraupin niya ang kanyang mga kamay

Wawakasan ng sambayanan ang panalangin sa ganitong
pagbubunyi:
Sapagka’t sa iyo ang kaharian
at ang kapangyarihan at ang kapurihan
magpakailan man! Amen.

PAGBATI NG KAPAYAPAAN
Malakas na darasalin ng paring nakalahad ang mga kamay:
Panginoong Hesukristo,

Page 32 of 41
 sinabi mo sa iyong mga Apostol:
“Kapayapaan ang iniiwan ko sa inyo.
Ang aking kapayapaan ang ibinibigay ko sa inyo.”
Tunghayan mo ang aming pananampalataya at
huwag ang aming mga pagkakasala.
Pagkalooban mo kami ng kapayapaan
at pagkakaisa ayon sa iyong kalooban

Pagdaraupin niya ang kanyang mga kamay:

kasama ng Espiritu Santo magpasawalang hanggan.

Sambayanan:
Amen.

Sasabihin ng pari nang nakaharap sa sambayanan at nakalahad

ang mga kamay.
Ang kapayapaan ng Panginoon ay laging sumainyo.

Sambayanan:
At sumaiyo rin

Page 33 of 41
Sasabihin ng diyakono o ng pari
Magbigayan kayo ng kapayapaan sa isa’t-isa.

Alinsunod sa kaugalian ay magbibigayan ng kapayapaan ang

bawat isa.

Pagkatapos, hahawakan ng pari ang ostiya at hahati-hatiin niya

ito sa ibabaw ng pinggan at isasawak niya ang kaputol sa kalis
habang pabulong niyang dinarasal:

Sa pagsasawak na ito
ng Katawan at Dugo ng aming Panginoong
Jesukristo
tanggapin nawa namin sa pakikinabang
ang buhay na walang hanggan.

PAGHAHATI NG TINAPAY

Samantala ay aawitin ng sambayanan

Kordero ng Diyos na nag-aalis ng kasalanan ng sanlibutan,

maawa ka sa amin

Page 34 of 41
 Kordero ng Diyos na nag-aalis ng kasalanan ng sanlibutan,
maawa ka sa amin
Kordero ng Diyos na nag-aalis ng kasalanan ng sanlibutan,
ipagkaloob mo sa amin ang kapayapaan

Magkadaop ang mga kamay ng pari sa pabulong na pagdarasal

Panginoong Hesukristo, Anak ng Diyos na buhay,
sa kalooban ng Ama kasama ng Espiritu Santo,
binuhay mo sa iyong pagkamatay ang sanlibutan.
Pakundangan sa iyong banal na Katawan at Dugo,
iadya mo ako sa tanang aking kasalanan at lahat ng
masama, gawin mong ako’y makasunod lagi sa
iyong mga utos, at huwag mong ipahintulot na
ako’y mawalay sa iyo kaylan man.

o kaya:

Ang pakikinabang sa Katawan at Dugo mo,

Panginoong Hesukristo,
ay huwag nawang magdulot ng paghuhukom at
parusa sa kasalanan ko. Alang-alang sa iyong
dakilang pag-ibig nawa’y aking matanggap ang
pagkupkop mo sa akin at kaloob mong lunas.

Page 35 of 41
PAANYAYA SA PAKIKINABANG
Luluhod ang pari bilang pagsamba, hahawakan ang ostiya at
bahagyang itataas sa pinggan o sa kalis at sasambitin nang
malakas nang nakaharap sa sambayanan:
Ito ang Kordero ng Diyos.
Ito ang nag-aalis ng mga
kasalanan ng sanlibutan.
Mapalad ang inaanyayahan
sa kanyang piging.

Kaisa ang sambayanan ay kanyang sasambitin

Panginoon hindi ako karapat-dapat na magpatuloy
sa iyo, ngunit sa isang salita mo lamang ay gagaling
na ako.

Siya’y makikinabang nang magalang at nakayuko sa dambana

habang pabulong na nagdarasal
Ipagsanggalang nawa ako ng Katawan ni Kristo
para
sa buhay na walang hanggan.

Mapitagan niyang tatanggapin ang Katawan ni Kristo

Page 36 of 41
Pagkatapos, hahawakan ng pari ang kalis at pabulong na
magdarasal
Ipagsanggalang nawa ako ng Dugo ni Kristo para sa
buhay na walang hanggan.

Mapitagan niyang tatanggapin ang Dugo ni Kristo

Matapos ito ay kanyang kukunin ang pinggan o ang sisidlan ng
Katawan ni Kristo at tutungo sa mga magkokomunyon. Itataas
ng pari nang bahagya ang ostiya upang ipakita sa tatanggap
habang sinasabi:
Katawan ni Kristo.

Sambayanan:
Amen.

PANALANGIN PAGKAPAKINABANG
Padre Nick:
Manalangin tayo.

Page 37 of 41
Sandaling katahimikan
Ama naming mapagmahal,
sa pagtanggap naming ng pakikinabang
nawa’y mapasaaming lubusan ang iyong
kagandahang-loob
na kinamtang ganap ni Simeon noong matupad ang
kanyang inaasam
na huwag munang mamatay
hanggang hindi nakikita ang Mesiyas
Marapatin mo ring aming makamtam ang walang
maliw na buhay
sa pagtahak naming sa landas ng pakikipagtagpo
sa aming Panginoong Hesukristo
ngayon at magpasawalang hanggan.

Sambayanan:
Amen

Paghayo sa pagwawakas

Maisusunod kapag may ipagbibigay-alam, ang mga maiiksing

patalastas na sasabihin sa mga tao.

Page 38 of 41
Pagkatapos, gaganapin ang paghayo. Ang paring nakalahad ng
mga kamay sa mga tao ay magpapahayag:
Sumainyo ang Panginoon.

Sambayanan:
At sumaiyo rin.

Babasbasan ng pari ang mga tao habang kanyang ipinahahayag:

Pagpalain kayo ng makapangyarihang Diyos,

Ama at Anak + at Espiritu Santo.

Sambayanan:
Amen

Ang diyakono o ang paring magkadaop ang mga kamay ay

magpapahayag ng paghayo sa sambayanan:
Taglayin ninyo sa inyong pag-alis
ang kapayapaan ni Kristo
o kaya:
Humayo kayong taglay ang kapayapaan
upang ang Panginoon ay mahalin at paglingkuran.

Page 39 of 41
Sambayanan:
Salamat sa Diyos.

PAG-AALAY NG AWIT SA MAHAL NA BIRHENG

MARIA
Padre Nick:
Salve Regína,

mater misericórdiæ;
vita, dulcédo, et spes nostra, salve.
Ad te clamámus, éxules fílii Evæ.
Ad te suspirámus, geméntes et flentes
in hac lacrimárum valle.
Eia ergo, advocáta nostra,
illos tuos misericórdes óculos ad nos convérte.
Et Iesum, benedíctum fructum ventris tui,
nobis post hoc exsílium osténde.
O clemens, O pia, O dulcis Virgo María.

Padre Nick:
Page 40 of 41
 Ora pro nobis, sancta Dei Génetrix.
R. Ut digni efficiámur promissiónibus Christi.

Padre Nick:
Orémus.
Omnípotens sempitérne Deus,
qui gloriósæ Vírginis Matris Maríæ corpus et
ánimam,
ut dignum Fílii tui habitáculum effíci mererétur,
Spíritu Sancto cooperánte, præparásti:
da ut cuius commemoratióne lætámur,
eius pia intercessióne,
ab instántibus malis et a morte perpétua liberémur.
Per eúndem Christum Dóminum nostrum.
R. Amen.

Padre Nick:
Divínum auxílium máneat semper nobíscum.
R. Amen.

PANGWAKAS NA AWIT
Page 41 of 41