mga kababayan ang epekto ng inflation o bilis ng pagtaas ng mga presyo ng bilihin. Ilan sa mga pangunahing dahilan ng pagtaas ng inflation rate ay ang pagmahal ng pagkain tulad ng gulay, bigas, at isda. Nag-ambag din sa pagbilis ng inflation ang ilang beses na pagtaas sa presyo ng produktong petrolyo. Athena (Studio Reporter): May report si Mharie Jewell Asuncion para sa presyo ng mga gulay sa Pamilihang Bayan ng Baliwag. SCENE 1 Jewell (Interviewer): Pagtaas sa presyo ng mga gulay nararanasan ngayon. Narito ang ilang presyo sa isang tindahan ng gulay dito sa Baliwag: Kamatis – isang daang piso kada kilo. (P100) Sibuyas – P120-150 kada kilo. Bawang – P110-130 kada kilo. Patatas – P110-130 kada kilo. Karots – P100 kada kilo.
Alexis (Nagbebenta): Mataas po ang presyo ng
mga gulay at prutas ngayon. Kaya yung iba kong mga suki patingi-tingi na lang kung bumili. Jewell (Interviewer): Kapanayamin natin ang isang suki ni Aling Alexis. Ano pong pangalan niyo ma’am? At kamusta naman po ang budget niyo dahil sa pagtaas ng mga presyo ng bilihin? Janwin (Mamimili): Janwin Claire Corong po, kailangan po kasi ng gulay sa hapag-kainan kaya tamang diskarte nalang po ang ginagawa ko para makabawas sa gastos. Halimbawa sa nilaga, nilalagyan ko na lang ng mga tig-iilang piraso ng gulay para lumasa. Jewell (Interviewer): Mharie Jewell Asuncion, nagbabalita para sa Pilipinas Ngayon. SCENE 2 Athena (Studio Reporter): Presyo ng bigas sa Pilipinas, tataas sa mga susunod na buwan. Narito si Janwin Claire Corong para magbalita. Janwin (Interviewer): Presyo ng bigas posibleng madagdagan pa ng ₱2 kada kilo. Narito ang presyo ng mga bigas sa isang grocery store dito sa Baliwag. Sinandomeng - ₱60 kada kilo. Angelica - ₱65 kada kilo. Dinorado - ₱70 kada kilo. Malagkit - ₱80 kada kilo. Janwin (Interviewer): Sa taas ng presyo, problemado na rin ang mga nagtitinda. Narito si Aling Dhane, ang may-ari ng grocery store. Dhane (Nagbebenta): Kinakabahan ako, kasi ang mga suki ay gusto na mas mababa sa halagang ₱50 eh. Syempre nagbabayad din kami ng upa sa pwesto at mga tauhan. Alexis (Mamimili): Sana bumalik na ang dating murang presyo ng bigas dito sa atin. Halos lahat kasi ng bilihin tumaas na kaya mas lalong naghihirap ang mga tao. Janwin (Interviewer): Usap-usapan na mas lalo pang tataas ang presyo ng bigas ngayong papalapit ang El Niño. Janwin Claire Corong, nag-uulat para sa Pilipinas Ngayon. SCENE 3 Athena (Studio Reporter): Tumaas ang presyo ng ilang uri ng isda sa mga pamilihan. Pinangangambahan pang lalo yang tumaas sa kasagsagan ng El Niño. Nasa Pilipinas Ngayon ang balitang yan. Narito si Eunice Dhane Ignacio. Dhane (Interviewer): Presyo ng bangus at tilapia, tumaas ng hanggang ₱30 kada kilo. Dito sa tindahan ni Aling Jewell, ang presyo ng bangus ay ₱150-250 kada kilo. Ang tilapia naman ay ₱170 kada kilo. At ang galunggong ay umabot sa ₱280 kada kilo. Jewell (Nagbebenta): Naghahanap sila ng ibang uri ng isda, yung mas mura. Dhane (Interviewer): Sir, ano po ang binili niyong isda? Ralph (Mamimili): Isang bangus nalang ang binili ko, lalagyan ko ng sibuyas at kamatis para sulit, ulam na namin maghapon. Tumataas ang lahat ng presyo ng billihin, pero ang sweldo, hindi. Kaya kailangan talagang matutong magtipid at dumiskarte. Dhane (Interviewer): Isa sa dahilan ng pagtaas ng presyo ng mga isda ay dahil sa “Closed Fishing Season”. Nagbabalita mula sa Pilipinas Ngayon, Eunice Dhane Ignacio. SCENE 4 Athena (Studio Reporter): Kapit na mga motorista, eto na ang Busina sa Petrolyo. Oh no! Big time na po ang magiging dagdag presyo sa gasolina. Maglalaro po sa dalawang piso at limampung sentimo ₱2.50 hanggang dos otsenta ₱2.80 kada litro ang taas presyo sa gasolina. Ang Diesel nasa piso hanggang uno trenta ₱1.00/L - ₱1.30/L ang magiging dagdag presyo. Habang ang kerosene naman ay 40 centavos hanggang 60 centavos kada litro ang imamahal. Isa sa dahilan ng pagtaas ng inflation rate ay ang pagtaas ng presyo ng gasolina at langis, dahil ginagamit ito sa transportasyon upang makarating ang mga produkto sa merkado. Pasok, Alexis Chanel Estanislao! Alexis (Interviewer): Ayon sa Department of Energy tumaas ang demand ng langis sa India at America kaya sumipa ng todo ang presyo ng langis sa World Market. Kasali pa rin sa mga dahilan ang kaguluhan at tensyon sa Middle East. Kakapanayamin ko ang isang driver at pasahero. Ralph (Driver): Imbis na kikitain mo na pauwi para sa pamilya mo madadagdag pa para sa gasolina. Mahirap din magtaas ng presyo sa mga suki mo. Jewell (Pasahero): Mahirap po para saming mga estudyante, imbes na pambaon mo nalang mababawasan pa dahil sa taas ng pamasahe. Alexis (Interviewer): Alexis Chanel Estanislao, katulong niyo sa pagbabalita sa Pilipinas Ngayon. LAST SCENE Athena (Studio Reporter): Inaasahan ni Pangulong Bongbong Marcos na bababa ang inflation sa 2nd quarter ng taon. Sa isang mensahe sinabi ng pangulo na patuloy na gumagawa ng hakbang ang gobyerno para mapababa ang inflation. Ang pahayag ng pangulo ay kasunod ng paglabas ng Philippines Statistics Authority ng Inflation rate sa buwan ng Pebrero na nasa 8.7%. Mas mataas ito kumpara sa 8.1% na naitala noong December 2023. Athena (Studio Reporter): Mga kababayan, Athena Anica Rei Carrillo. Maging mapagmatyag at may pakielam sa mga napapanahong balita sa bansa. Tumutok lang po dito sa All: Pilipinas Ngayon! Athena (Studio Reporter): Magandang umaga/hapon po.
Magandang Hapon Po Sainyong Lahat Ako Nga Po Pala Si Ginoong Jay-Mil Na Nag Mula Sa 10 Jose Abad Santos at May Ibabahagi Po Akong Kaalaman Tungkol Sa Presyo NG Bilihin Pero Bago Po Tayo Mag Simula