IMPLIKASYON SA SISTEMA NG EDUKASYON SA PILIPINAS INTRODUKSYON
Ang wikang Ingles ay isa sa mga pangunahing wika
na ginagamit sa pandaigdigang komunikasyon, pag- aaral, trabaho, at negosyo. Ito rin ay nagbubukas ng maraming oportunidad para sa mga tao na matuto at makipag-ugnayan sa iba't ibang kultura, impormasyon, at kaalaman. Ang paggamit ng wikang Ingles ay nagbibigay-daan sa mga indibidwal na maging global at mas madaling makipag-ugnayan sa iba't ibang sektor ng lipunan. Sa kabila ng mga positibong epekto ng wikang Ingles, hindi maiiwasan na magdulot ito ng pagkakaiba at pagkakawatak-watak sa mga hindi gaanong bihasa sa wikang ito. Mula sa isinulat ni Gunigundon (2023), ang desisyong gamitin ang wikang Ingles bilang midyum ng pagtuturo ay magiging isang malaking hamon na maaaring magdulot ng kawalan ng halaga o pagkakakilanlan ang mga lokal na wika at kultura. Bukod pa riyan, maaaring magdulot ito ng di-pantay na oportunidad sa edukasyon at trabaho, kung saan ang mga may kakayahang matuto sa Ingles ay may mas malalaking tsansa para sa mas mataas na posisyon sa lipunan at trabaho, samantalang ang iba ay maaaring mahirapan o magkaroon ng limitadong oportunidad. KAHALAGAHAN NG PAG-AARAL Ang pananaliksik na ito ay naglalayong malaman, mailahad at mapagkumpara ang mga epekto at benepisyo ng wikang Ingles sa sistema ng edukasyon sa Pilipinas. Sa pananaliksik na ito ay masasagutan at mabibigyang linaw ang mga katanungang patungkol sa mga mabuti at 'di mabuting implikasyon ng wikang Ingles sa sistema ng edukasyon, partikular sa papel na ginaganapan nito sa pagtuturo ng mga asignatura. Dito malalaman kung bakit kailangang isaalang-alang ang pagpili ng wikang panturo at kung ano ang mga posibleng dulot nito sa mga mag-aaral. MGA TIYAK NA LAYUNIN
1) Malaman kung ano ang mga benepisyo
ng paggamit ng wikang Ingles bilang midyum ng pagtuturo sa mga mag-aaral. 2) Matukoy kung ano ang mga mabuti at 'di mabuting epekto ng wikang Ingles sa sistema ng edukasyon. 3) Malaman kung bakit kailangang isaalang-alang ang pagpili ng wikang panturo. MGA SULIRANIN NG PAG-AARAL 1. Paano nakakatulong ang wikang Ingles bilang midyum ng pagtuturo sa edukasyon ng mga mag-aaral sa Pilipinas? 2. Anong wika ang mas epektibo upang gamitin ng mga guro bilang midyum ng pagtuturo? 3. Ano ang mga benipisyo at epekto ng paggamit ng wikang Ingles bilang midyum ng pagtuturo sa mga mag-aaral? Hypothesis Ang paggamit ng wikang Ingles bilang pangunahing midyun ng pagtuturo ay maaaring magdulot ng mga positibong epekto sa kakayahan ng mga mag-aaral na maunawaan at gamitin ang global na komunikasyon at teknolohiya, ngunit maaari ring magdulot ng mga hamon sa pag-unlad ng komprehensyon at identidad ng sariling wika at kultura ng mga mag-aaral. SALAMAT SA PAKIKINIG