Professional Documents
Culture Documents
1
2
TRASHËGIMIA KULTURORE
NË RAJONIN E DIBRËS DHE
REKËS
Pavlov
ko N ik o lo vski | Zoran
ar
imovska | D Mateska
Dafina Geras S n ez h an a Gerasimova-
hi Pecova |
Cvetanka Hax
3
Botues:
Ministria e Kulturës e Republikë së Maqedonisë
Drejtoria për Mbrojtjen e Trashëgimisë Kulturore
Për botuesin: Dr. Eleonora Petrova-Mitevski
Koordinues nacional i Projektit Pilot për Zhvillim Lokal të Dibrës dhe Rekës:
Mr. Snezhana Gerasimova-Mateska
Tekstet:
Dafina Gerasimovska
Darko Nikollovski
Zoran Pavllov
Cvetanka Haxhi Pecova
Snezhana Gerasimova-Mateska
Përkthimi në gjuhën shqipe:
Arben Ajdini
Përkthimi në gjuhën angleze:
Orhideja Zorova
Lektura në gjuhën angleze:
Tabitha Longley-Coomber
Fotografitë:
Dafina Gerasimovska
Konstantin Dimitrovski
Darko Nikollovski
Zoran Pavllov
Cvetanka Haxhi Pecova
Fransoa Zvardon
Vllado Kiprijanovski
Snezhana Gerasimova-Mateska
Dizajni dhe përgatitja: Frosina Coneva Ivanovic
Tirazhi: 300
Shtyp: Kosta Abrash, Ohrid
4
PËRMBAJTJA
Parathënia ......................................................................................................4
Dafina Gerasimovska,
Lokalitetet arkeologjike në komunën
e Dibrës dhe të Mavrovës dhe Rostushës ......................................6
Darko Nikolovski,
Monumentet sakrale krishtere të kulturës
në komunën e Dibrës dhe të Mavrovës dhe Rostushës ....... 13
Zoran Pavlov,
Tipologjia, karakteristikat dhe rëndësia
e monumenteve osmane në territorin
e Dibrës dhe Rekës ................................................................................. 27
Snezhana Gerasimova-Mateska,
Arkitektura tradicionale rurale në rajonin
e Dibrës dhe Rekës ................................................................................ 47
Referencat ................................................................................................... 64
5
PARATHËNIA
Projekti pilot për zhvillimin lokal të rajonit të Dibrës dhe Rekës, i realizuar
nga Ministria e Kulturës dhe Drejtoria për Mbrojtjen e Trashëgimisë Kulturore
në bashkëpunim me Këshillin e Evropës si pjesë e Programit Rajonal për
Trashëgiminë Kulturore dhe Natyrore të Evropës Juglindore synon të fillojë një
proces të zhvillimit lokal në territorin pilot, i cili bazohet në bashkëpunimin dhe
pjesëmarrjen e të gjithë partnerëve nacionalë dhe lokalë në procesin e avancimit
të trashëgimisë kulturore në rajon nga aspekti i perspektivës së saj në zhvillimin
e qëndrueshëm.
6
Topografia e terrenit e përbërë nga peizazhe malore me maja të larta malore në
të cilat janë të vendosura fshatrat, qasja e vështirë e tyre për shkak të mungesës
së rrugëve, vegjetacioni i bujshëm karakteristik për periudhën verore të vitit dhe
mos popullimi i rajonit ishin vështirësitë kryesore me të cilat u përballën ekipet
në realizimin e aktivitetet në terren. Pavarësisht nga këto vështirësi, u vizituan
gjithsej 58 fshatra, qyteti i Dibrës dhe objektet në rrethinat e tyre, si dhe disa
lokalitete arkeologjike.
Një përshtypje e përgjithshme rreth fshatrave është se, pavarësisht faktit se janë
të vendosura në një peizazh jashtëzakonisht piktoresk, ambienti i trashëguar
është degraduar në masë të madhe. Gjatë ekzistencës së tyre shekullore, ato
kanë pësuar ndryshime të ndryshme, duke zëvendësuar strukturën e tyre rurale
me elementë të rinj me karakteristika të kohës së ndërtimit, por megjithatë kanë
arritur të mbijetojnë dhe të ruajnë deri sot shtresëzimin e tyre historik. Objektet,
edhe pse në gjendje të keqe fizike, kanë ruajtur tiparet arkitektonike autentike.
7
LOKALITETET ARKEOLOGJIKE
NË KOMUNËN E DIBRËS DHE TË
MAVROVËS DHE ROSTUSHËS
Rajoni i Dibrës dhe Rekës ka një të kaluar të pasur historike. Këto zona kanë qenë
të banuara që nga kohët parahistorike, siç tregohet nga mbetjet e vendbanimit
neolitik në lokalitetin Muzgalicë pranë fshatit Selokuqi, Dibër, si dhe mbetjet e
vendbanimit të epokës së hekurit dhe nekropolit në zonën e Javorska Vodës në
perëndim të Llazaropoles.
Gjetje arkeologjike nga periudha helenistike nuk janë regjistruar deri më tani.
Për popullimin e rrallë në këtë rajon tregojnë njohjet arkeologjike në terren.
Popullsia ishte kryesisht e angazhuar në blegtori dhe jetonte në fshatrat e vegjël
malorë. Zona që mbulon komunat e Dibrës, Mavrovës dhe Rostushës ishte në
kufirin midis shtetit maqedonas dhe atij ilir, si rezultat i së cilës fiset që banonin
në këto zona shpesh ndryshuan zotërinjtë e tyre. Qarku Kërçovë-Dibër ishte i
banuar nga fisi Penestët, i cili në shekullin e 4 para erës sonë, erdhi nga zona e
rrjedhës perëndimore të lumit Drini i Zi.
8
Në grykën e Rekës së Vogël në Radikë janë ngritur katër kështjella kufitare dhe
roje në Kosovrast, Mogorçe dhe Skudrinjë, të cilat kontrollonin rrugët nga Drini
drejt veriut përgjatë rrjedhës së sipërme të Radikës dhe në lindje përgjatë Rekës
së Vogël.
Në zonën e Rekës, duke pasur parasysh gjetjet arkeologjike, duket se sllavët ish-
in të parët që krijuan vendbanimet e tyre, por duhet të theksohet se kjo fushë
ende nuk është hulumtuar mjaftueshëm në mënyrë arkeologjike.
9
Trashëgimia arkeologjike e komunave të Dibrës, Mavrovës dhe Rostushës luan
një rol të madh në zhvillimin e kulturës së përgjithshme në këto zona. Më shpesh
me anë të njohjeve, në zonat e komunave të përmendura, u regjistruan disa zona
arkeologjike me mbetje të fortifikimeve të antikitetit të vonë, vendbanime antike
dhe mesjetare dhe kisha mesjetare. Gjithashtu janë regjistruar shumë nekropole,
të cilat në vetvete nuk përfaqësojnë një pjesë të rëndësishme të trashëgimisë
kulturore arkitekturore, por janë një burim i artefakteve të vlefshme, vepra të
rëndësishme të artit që zgjerojnë njohuritë e së kaluarës kulturore të akumul-
uara gjatë një periudhe të gjatë kohore. Për fat të keq, hulumtimet arkeologjike
janë kryer në minimum, ashtu që vlerat e trashëgimisë të së kaluarës nga peri-
udha prehistorike deri në mesjetë nuk mund të perceptohen tërësisht. Shumica
e mbetjeve arkeologjike në komunat e përmendura i përkasin periudhës mesje-
tare. Këto janë mbetjet e kishave, vendbanimeve dhe nekropoleve.
“Borçe/Sh. Panteleimon”
KISHAT MESJETARE tek Nikoforova, kompleks
manastiresh (nga shek.
Në komunën e Mavrovës dhe Rostushës janë evidentuar 5-17), mbetje të fazës së
parë
14 vende arkeologjike me mbetje të kishave mesjetare. Të
gjitha objektet janë në gërmadha.
Tek disa prej tyre mund të shihen
konturet e ndërtesave, prandaj
mund të përfundojmë se ato janë
kryesisht kisha me një anijatë.
10
ndërtimin e ndërtesave mesjetare, mund të konstatohet se “Kryqi” tek Novo Sello,
kishë mesjetare me
mbizotërojnë ndikimet bizantine. nekropol
11
Janë ruajtur muret e fortifikimeve nga guri i grimcuar “Vranska Krasta”
dhe llaçi gëlqeror, themelet e ndërtesave dhe mbetjet e tek Mogorçe,
materialit ndërtimor si dhe fragmente të enëve shtëpiake. fortifikim i antikës
së vjetër
Fortifikimet Kalaja, pranë Kosovrastit
të Epërm, dhe Vranska Krasta, pranë
Mogorçes, i përkasin periudhës së vonë
antike. Fortifikimi i antikitetit të vonë
Vranska Krasta ka një pozitë dominuese
për të mbrojtur rrugën që çonte nga
Dibra për në Kërçovë. Muret me gurë
të grimcuar të lidhur me llaç gëlqeror
ngrihen në kodër pranë grykës së
lumit Beleshnicë në Rekën e Vogël. Në
lokalitetin Zagradishtë – në Klak, pranë
fshatit Kosovrasti i Poshtëm, ekziston
një fortesë mesjetare në një lartësi me
një bazë të parregullt katrore. Kjo kala
ka mbrojtur rrugën që ka kaluar nëpër luginën e Radikës. Mbetjet e ndërtesave
të fortifikuara dhe të rrugës mesjetare pranë Kosovrastit të Poshtëm tregojnë për
ekzistencën e një rrjeti rrugor të zhvilluar gjatë periudhës romake, antikitetit të
vonë dhe kohëve mesjetare.
“Zagradishta” – në
Për vazhdimësinë e jetesës në rajonin e Dibrës, flasin Klak tek Kosovrasti
mbetjet e vendbanimeve. Vendbanimi në zonën e Paraspurit i Poshtëm, kala
i përket kohës romake, vendbanimi i lokalitetit Taranesh ka mesjetare
ekzistuar gjatë periudhës romake
dhe të antikitetit të vonë, ndërsa
pjesa tjetër e vendbanimeve ka
ekzistuar gjatë Mesjetës.
NEKROPOLET
12
Në komunën e Mavrovës dhe Rostushës janë evidentuar 28 nekropole që datojnë
nga Mesjeta.
13
një trashëgimi kulturore e regjistruar, njëra prej të cilave është një bazilikë
nga shekulli 5-6, që shtrihet nën themelet dhe rreth kishës së sotme Shën
Panteleimon në f.Nikiforë.
Disa nga ndërtesat e evidentuara nuk ekzistojnë sot. Disa prej tyre janë të mbuluara
nga uji gjatë ndërtimit të hidrocentraleve, disa prej tyre janë shkatërruar gjatë
ndërtimit të ndërtesave të mëvonshme dhe mbetjet e disa ndërtesave, të cilat
janë të njohura nga dokumentet me shkrim dhe tregimet me gojë të popullatës
lokale, ende qëndrojnë nën shtresat e tokës ose nën ndërtesat e mëvonshme.
Pjesa më e madhe e ndërtesave, të ruajtura në themele, mund të rindërtohen
pjesërisht dhe të ripërdoren për aktivitetet që lidhen me turizmin, gjë që do të
kontribuonte në zhvillimin e komunave. Mbetjet e konservuara të ndërtesave
antike dhe mesjetare do të thoshin vende atraktive për dashamirët e së kaluarës
kulturore, mbi të cilën bazohet zhvillimi i arkitekturës dhe kulturës së mëtejshme
të komunave të Dibrës, Mavrovës dhe Rostushës.
14
MONUMENTET SAKRALE
KRISHTERE TË KULTURËS NË
KOMUNËN E DIBRËS DHE TË
MAVROVËS DHE ROSTUSHËS
Fryma e rilindjes që fryu në gjysmën e parë të shekullit XIX në Maqedoni u nxit nga
Paqja e Odrit (1829) dhe Hatisherifi i Gjylhanesë (1838), kur ndërtimi i tempujve
të krishterë u liberalizua përfundimisht, duke rezultuar në të ashtuquajturën
“Rilindja” në shekullin e nëntëmbëdhjetë dhe fillimin e ndërtimit masiv të
tempujve të mëdhenj bazilikalë me tre anijatë. Veprimtaria krijuese në rajonin
e Dibrës dhe Rekës, prej nga rrjedhin familjet më të rëndësishme ndërtimore të
ikonografëve në Maqedoni (fisi Renzovcë nga Tresonçeja), shënuan periudhën e
shekullit XIX me aktivitete të shumta që çuan në ndërtimin e një numri të madh të
objekteve të shenjta. Ndër më të rëndësishmet janë kompleksi i manastirit Shën
Jovan Bigorski, Shën Apostujt Pjetri dhe Pavli në fshatin Tresonçe, Shën Gjergji
në fshatin Llazaropole etj.
Kompleksi i Manastirit Shën “Jovan Bigorski”
15
Kisha Shën Apostujt Pjetri dhe Pali
në f. Tresonçe Kisha Shën Gjergji në
f. Llazaropole
16
Karakteristikat themelore të këtyre ndërtesave të shenjta të krishtera, në terri-
toret e komunave të Dibrës, Mavrovës dhe Rostushës në shekullin XIX, janë ndër-
timi i tempujve të mëdhenj bazilikë me tre anijatë ose i atyre më modeste me një
anijatë në zonat më të vogla rurale. Organizimi i brendshëm i këtyre bazilikave
me tre anijatë u dallua nga dominimi i naosit i cili në lindje, në drejtim të hapë-
sirës së altarit, është ndarë me një barrierë monumentale ikonostasi, dhe në
perëndim afirmohet një galeri në kat, duke fituar kështu një hapësirë monolitike.
Narteksi merr pamjen e një hajati apo një tremeje të hapur me portikë, të cilat
shpesh përhapen në anën jugore dhe veriore. Disa nga tempujt janë thjeshtuar
me një anijatë të ngritur në qendër ndërsa muret anësore janë me tavane të
sheshtë. Një lloj tjetër ndërtesash ka dominuar në komplekset e manastireve të
cilat iu kthyen llojit bizantin të kishave kryq-formuese të lidhura me manastiret
athoniane. Ky lloj athonian theksin e vendos mbi kupolat ku në hapësirën e ani-
jatës është bërë një zgjidhje qendrore me një hapësirë maksimale të gjerë nën
kupolë (Manastiri i Bigorskit).
17
Deisis, kisha Shën Varvara, F. Rajçicë, fillimi i shekullit XVII
18
Boshllëku në prodhimin vendas në rajonin e Rekës, i cili është pasqyruar
veçanërisht në veprimtarinë artistike në fund të shekujve 17 dhe 18, pjesërisht
është plotësuar me ikona nga punëtoritë e ikonografëve epirotë lidhur kryesisht
me dy qendra, Janinën dhe Selanikun. Ky grup “epirot i manastirit” shfaqet me
ikona individuale për ikonostaset në disa kisha në rajonin e Dibrës-Rekës, që
ishin sjellë si porosi apo dhurata nga tregtarët vendas. Elementi më i njohur i
tyre është zbukurimi i shabllonizuar me lule i bordurës, mbushja e aureolave
me një zbukurim shtuko të reliefit, ose me skalitjen e rrathëve etj. Kishat në të
cilat hasen ikonat e këtij grupi janë: Shën Varvara dhe Shën Atanasie në Rajçicë,
Shën Pjetri dhe Pavli në Tresonçe, Hyrja e Hyjlindëse në Rosoki, Shën Gjergji në
Llazaropole, Shën Hyjlindësja në Melniçanin e Poshtëm, Shën Dhimitri në Tatar
Elevci etj.
19
Prej tyre vërehen ikonat individuale të fronit dhe ikonat festive në kishat e Shën
Gjergjit në Llazaropole, Shën Petkës në Galiçnik, Hyrja e Hyjlindëses në Rosok,
Fjetja e Hyjlindëses në Gari. Në Manastirin e Bigorskit është ruajtur grupi më i
madh i ikonave të tyre, dhe përveç një pjese të koleksionit të ikonave, krijimtarisë
së tyre gjithashtu i përshkruhet edhe piktura afreske e ruajtur në muret jugore
të naosit.
20
Ikonostasi në Manastirin e Bigorskit
Ikonografi Mihail Anagnosti dhe djali i tij Dimitri, në murgjëri Daniil, nga fshati
Samarinë i Epirit, u ftuan nga vëllazëria e manastirit për të punuar afresket e
dhomës së ngrënies së meshkujve dhe pikturimin e ikonave për ikonostasin e
ri trekatësh me 44 ikona mbi të (1831-1833). Ata fillojnë traditën e pikturimit të
portreteve të ktitorëve (themeluesve) të udhëheqësve shpirtërorë, të iniciuar
nga arkimandriti Arsenije, pasuar nga pasuesit e tij. (arkimandriti Arsenije,
hieromonahu Teodosij, etj.)
21
Hieromonahu Joakim, i lindur në fshatin Biban, vazhdoi përpjekjet e Arsenijes,
dhe si trashëgimtar i tij nga viti 1840 deri në vitin 1862, ngriti një iniciativë për
zgjerimin e manastirit dhe metohisë së tij me kishën Shën Gjergji në fshatin Ra-
jçicë. Me ftesën e tij në vitin 1840 sërish u angazhuan Mihail Anagnosti dhe Daniili
për të bërë ikonat e ikonostasit dhe pikturimin e afreskeve të kubesë së kishës
në fshatin Rajçicë. Mihaili paraprakisht, në vitin 1838 ka bërë ikonat e fronit të
kishës Shën Arkangjeli Mihail në fshatin Trebisht. Më vonë nga viti 1848 deri në
vitin 1852 punën e pikturimit të afreskeve në tempullin në Rajçicë e vazhdon Diço
Zografi nga fshati Tresonçe, si dhe të portreteve në sallën e ngrënies së mesh-
kujve në Manastirin e Bigorskit. (Portretin e Meletiut – mitropolit i Dibrës (1849),
portretin e hieromonahut Teodosij dhe të abatit Joakim (viti 1868))
Ikonografi Antonij, aktiv në periudhën ndërmjet viteve 1810 dhe 1841 kryesisht në
peshkopatën e Dibrës-Kërçovës, ka bërë disa vepra të pikturimit të afreskeve në
Manastirin e Bigorskit (dhe dy afreske të ikonave të Jezusit dhe Hyjlindëses në
shtyllat perëndimore të naosit në Manastirin e Bigorskit, rreth vitit 1814), pastaj
ikona për kishat Hyrja e Hyjlindëses në Melniçanin e Poshtëm në vitin 1816, Shën
Vraçin në Melniçanin e Epërm, Shën Dimitrin në Tatar Elevci, Shën Akilin në fsha-
tin Trebisht.
22
Gjatë kohës së abatit Hariton, në vitin 1866, është pikturuar kupola e vogël në
Manastirin e Bigorskit, kushtuar Shën Gjon Pagëzorit nga ana e një ikonografi të
panjohur, dhe ikonografi Vasil Ginovski nga fshati Galiçnik, në vitin 1871, me ftesë
të arkimandritit Mihail ka bërë ndërhyrjen e fundit në këtë tempull me pikturimin
e afreskeve në fasadën perëndimore të tremes.
Diço Zografi njohuritë e para të tij i ka marrë nga Mihail Anagnosti nga Samarina,
gjë që i ka mundësuar për të mësuar prej njërit nga ikonografët më të shquar
të kohës së tij, të fitojë shkathtësi dhe përvojë që do t’i mundësojnë në të
ardhmen për t’u rritur në një nga figurat më të rëndësishme dhe më produktive
ikonografike vendase të periudhës së rilindjes në rajonin e Rekës, fama e të cilit
do të zgjerohet në të gjithë Ballkanin (dymijë ikona dhe shumë ansamble (tërësi)
afreskesh. Hapave të tij kanë vazhduar bijtë e tij Avram Diçov dhe në mënyrë
sporadike edhe Spiridoni. Në punëtorinë e tij kanë mësuar dhe më vonë me të
kanë bashkëpunuar ikonografë të tjerë jashtë familjes së tij, siç është Pjetër
Dibrani, një fqinj i tij nga fshati Tresonçe.
23
Pamje drejt kupolës së kishës Sh. Ahili në f. Trebishtë
24
Kisha Shën Nikolla në f. Tresonçe
Jovanoviç. Për kishën Shën Hyjlindësja, fshati Sencë, ikonat për ikonostasin i ka
bërë Diço Zografi në vitin 1855. Diço Zografi ka punuar disa herë në shumicën e
tempujve në rajonin e Rekës, si në punimin e pikturës murale ose për nevojat
e plotësimit të materialit të pikturimit të afreskeve të ikonostaseve: Manastiri i
Bigorskit (1849), Shën Gjergji në Llazaropole (1841), Shën Gjergj Ngadhënjimtari
në Rajçicë (1848//52), Hyrja e Hyjëlindëse në Rosok, Shën Apostujt Pjetri dhe
Pavli në Tresonçe (1845/49), Shën Akili në Trebisht (1849/50), Shën Hyjlindësja
në Dibër (1965/6), Shën Ilia në Sellcë (1864) ), Shën Dimitri në Vollkovi (1852),
Fjetja e Hyjëlindëse në Jançe, Shën Nikolla në Kiçinicë (1849/50), Shën Nikolla në
Kosovrastin e Poshtëm, Shën Dimitri në Tatar Elevci etj.
Avram Diçovi një nga bijtë e tij dhe bashkëpunëtori më besnik ka ma rrë pjesë
në këto ndërmarrje së bashku më të atin (Shën Hyjlindësja në Dibër, 1872, kisha
Fjetja e Hyjlindëses në Gari, Shën Petka në Dibër, mëhalla e poshtme) dhe më
vonë në mënyrë të pavarur (Shën Nikolla në fshatin Tresonçe, 1873). Spiridoni,
gjithashtu i biri i Diços ka punuar së bashku me të atin në punimin e pikturës së
afreskeve në Shën Apostujt Pjetri dhe Pavli në Tresonçe.
Prodhimi artistik vendas në rajonin e Rekës është plotësuar nga një numër i
ikonografëve vendas. Pikturimi i afreskeve të vitit 1873 në kishën Shën Hyjlindësja
në Dibër është vepër e ikonografit Koço Kërstev nga fshati Llazaropole, ndërsa
një pjesë e ikonave të fronit janë nga dora e Nikolla Kërstiqit nga Llazaropoleja në
vitin 1872. Në ikonostasin e kishës Shën Petka (mëhalla e poshtme) në Dibër ka
ikona të Kërste Nikollovit nga Llazaropoleja. Kisha e dytë kushtuar Shën Petkës
në Dibër, është e pozicionuar në të ashtuquajturin livadh i pashkëve në pjesën
e sipërme të qytetit në afërsi të tempullit të katedrales Shën Hyjlindësja. Sipas
datës së skalitur në tryezën e nderit të vitit 1693 supozohet se është viti kur është
25
ngritur tempulli. Ikonat e ikonostasit janë vepër e ikonografit Zafir Angjellkoviç
të vitit 1923. Në ikonën Shën Mërija me Jezusin e vitit 1928 përmendet gjithashtu
piktori i afreskeve Gj. Doneviç nga fshati Gari. Një pikturë afreskash është ruajtur
në qemerin e narteksit dhe në qemerin e altarit me gjasë vepër e piktorit të
rëndësishëm të afreskeve e vitit 1928. Mbi fshatin Rajçicë ekziston gjithashtu
kisha kushtuar Shën Atanasies (viti 1868). Një pikturë afreskesh e vitit 1875
është ruajtur vetëm në hapësirën e altarit dhe në murin perëndimor, dhe është
vepër e ikonografëve Dobre Doiçin dhe Kërste Kolov nga Llazaropoleja. Në afërsi
të menjëhershme të Dibrës, në një zonë idilike malore në fshatin Tatar Elevci
ekziston kisha Shën Dimitrija (v. 1873). Një pjesë e ikonave të fronit të ikonostasit
janë nga duart e Dimitria Andonovit nga fshati Gari nga viti 1899. Në kishën Shën
Gjergji në fshatin Osoj sipas mbishkrimit mbi hyrjen jugore në anën e brendshme,
autor i afreskeve në qemerin dhe altarin është Isaija Xhikov nga fshati Osoj në
vitin 1887, ndërsa në emporionin e galerisë në pjesën perëndimore të naosit
është shënuar viti 1872 me gjasë vepër e një ikonografi tjetër më me përvojë se
Xhikovi. Në konstruksionin e ikonostasit është shënuar viti 1882 ndërsa në ikonat
e fronit, Xhikov ka shënuar vitet e punimit të ikonave v. 1885-86. Në fshatin Gari
në kishën Fjetja e Hyjlindëses, ikona kushtuar Shën Parashqevisë është bërë nga
Eftim Spasev nga fshati Gari në vitin 1893. Në kishën Shën Nikolla në Beliçicë
26
(1885) ikonat e fronit të ikonostasit në këtë kishë i ka pikturuar ikonografi nga
Krusheva Nikolla Mihaillov në vitin 1888 dhe një pjesë ikonografi Kërsto Avramov
nga fshati Tresonçe në vitin 1896. Kisha Shën Pjetri dhe Pavli e ndërtuar në vitin
1930 është pikturuar me afreske në vitin 1931 nga ana e piktorit të artit Llazar
Liçenoski. Për kishën Shën Petka, fshati Galiçnik (v. 1809?) ikona kanë bërë
Nedelko nga fshati Rosoki në vitin 1770 dhe Hristo Makroviç, Kosmia Makariov
në vitin 1868 dhe një ikonograf tjetër i panjohur në vitin 1879. Në kishën Shën
Panteleimoni, fshati Nikiforovë, (v. 1867, e rinovuar në vitin 1923), ikonograf i
ikonave të ikonostasit është Ruse Kërstiq (Ikonografi Ruse Krstiq nga Nistrova
zona e Galiçnikut, 3 korrik 1926). Për kishën Shën Hyjlindësja, fshati Sence, ikona
për ikonostasin kanë bërë një ikonograf i panjohur në vitin, Diço Zografi (v. 1855)
dhe Teodosia Kostiq nga Llazaropoleja në vitin 1930.
27
28
TIPOLOGJIA, KARAKTERISTIKAT
DHE RËNDËSIA E MONUMENTEVE
OSMANE NË TERRITORIN
E DIBRËS DHE REKËS
Ndërtimi i objekteve osmane në territorin e Dibrës dhe Rekës fillon pas rënies
nën sundimin osman, në gjysmën e dytë të shekullit të 15-të. Traditat osmane të
ndërtimit të bartura në këtë zonë pasqyrohen në numrin e madh të ndërtesave
të ndërtuara me karakter profan dhe të shenjtë që duhej t’i plotësonin nevojat
e popullsisë. Përveç numrit të madh të shtëpive, aktivitetet arkitektonike
osmane krijuan dhe vepra arkitektonike që deri atëherë nuk ishin të njohura për
arkitekturën vendore. U ngritën xhami, teqe dhe tyrbe në përputhje me nevojat
islame për shprehjen fetare, por edhe hamame, hane dhe kështu me radhë,
të cilat në dimensionin e tyre funksional dhe shoqëror u përdorën nga gjithë
popullsia pavarësisht përcaktimit të tyre fetar. Por numri i këtyre ndërtesave si
rezultat i zgjerimit modern urban gradualisht ka shënuar rënie dhe deri më tani
janë ruajtur vetëm një numër i vogël - disa xhami, dy hamame, një banjë termike,
një teqe, tyrbe etj.
Në territorin e Dibrës dhe Rekës ekzistojnë ende shembuj dhe vepra nga opusi
ndërtimor i periudhës osmane. Megjithatë, si më të rëndësishme i veçojmë ato që
u ndërtuan në qytetin e Dibrës, i cili menjëherë pas pushtimit të osmanëve u banua
29
Xhamia e Bajram Beut, nga kolonistët turq, të cilët formuan një
pamje nga perëndimi vendbanim qytetor në të cilin ata prezantuan
mënyrën e tyre të jetesës dhe kulturës.
30
Xhamia Hynqar, pamje nga veriu Mihrabi dhe minberi në brendësinë
e Xhamisë Hynqar
31
tyrbe me tyrben e Kapllan Pashës në Tiranë (Shqipëri), e cila u ndërtua në të
njëjtën periudhë (1820) dhe posedon të njëjtat karakteristika stilistike dhe
arkitektonike që flasin për një skemë të përbashkët ndërtimi të pranishme në
këtë pjesë të Gadishullit Ballkanik . Tyrbja në Dibër është e vetmja tyrbe e këtij
lloji e ruajtur në Maqedoni.
Ndërtesat e vetme të këtij lloji janë ruajtur në qytetin e Dibrës. Duke ndjekur
formën e tyre arkitekturore, hamamet e Dibrës i përkasin llojit të hamameve të
vetëm. Në pjesën e brendshme të tyre janë të renditura në disa halvete mbuluar
me kupola të vendosura në një tambur të ulët dhe të mbuluara me kallaj
plumbi. Si material për ndërtimin e objekteve janë përdorur guri dhe tullat që
theksojnë gjallërinë e objekteve. Hamamet e ruajtura në Dibër janë ndërtuar në
shekullin e 16-të, me rindërtimin gjatë shekullit të 19-të të bërë në “Hamamin
32
“Hamami i Vjetër” Mbetjet nga halvetet në “Hamamin
e Vjetër”
33
Teqja e Kadirit, gjendja e vjetër
34
Teqja e Kadirit, para rrënimit
35
Teqetë si objekte fetare në të cilat janë kryer ritualet e tarikateve të dervishëve
nuk ndryshojnë me specifikat e tyre në lidhje me skemën e ndërtimit. Dervishët,
siç është rasti me teqenë e Dibrës, si seli të teqesë shpesh kanë zgjedhur dhe
shtëpitë, dhomat e të cilave janë përshtatur për qëllime fetare. Shtëpia në Dibër,
ku ndodhej Teqeja e Kadirit, përfaqëson një përfaqësues tipik të shtëpisë së
qytetit të Dibrës. Në njërën prej dhomave në kat ishte bërë një kupolë e verbër
dhe një mihrab, dhe atje janë kryer ritualet fetare të dervishëve të tarikatit të
Kadirisë. Megjithëse në këtë rajon nuk ka asnjë teqe tjetër të ruajtur, sipas
karakteristikave arkitekturore, nuk është e mundur të bësh dallimin e një grupi
ose forme të veçantë stilistike të teqeve.
36
ZHVILLIMI HISTORIK
DHE URBAN I QYTETIT
Në shekullin e 15-të (1449), Dibra bie nën sundimin turk dhe menjëherë pas arri-
tjes së tyre, vendbanimi i qytetit u bë një udhëkryq i rëndësishëm për territorin e
zgjeruar të Perandorisë Osmane. Komunikimi dhe lidhjet ekonomike kontribuuan
në zhvillimin e qytetit në një qendër të mirënjohur tregtare-artizanale, ku u ndër-
tua çarshia dhe u ndërtuan objekte të rëndësishme të arkitekturës profane dhe
të shenjtë (publike dhe private).
37
e parë dhe më e vjetër është Mëhalla Varosh, e cila zë pjesën veriore të qytetit
dhe përfaqëson bërthamën rreth së cilës janë zhvilluar dhe formuar mëhallët
tjera të banimit: Hunqar, Mëhalla e Vakëfit, Mëhalla e Bajram Begut, Tikvarçe,
Mëhalla e Poshtme, Mëhalla Kodra, Kovaç dhe të tjerë. Shtëpitë e banimit janë
një element qendror që përbën hapësirën urbane të ndërtuar, por çdo mëhallë
gjithashtu ka objekte për aktivitetet e shërbimit, ndërtesa fetare për nevojat fe-
tare dhe funksionale të qytetarëve (kishë, xhami, hamam), çezme me ujë të pi-
jshëm. Në strukturën arkitekturore dhe urbane të qytetit, veçanërisht shquhen
shtëpitë në kate të myslimanëve - të vendosura në parcelat e mëdha të tokës me
fasadat e përparme të orientuara në oborret e gjera të rrethuara me mure guri,
ndërsa popullsia e krishterë kryesisht u vendos në shpatet e kodrës - me shtëpi
të ndërtuara përgjatë rrugës, zakonisht në një rresht me shtëpitë e tjera dhe të
orientuara drejt rrugës, ku kanë marrë pjesë në përkufizimin e atij segmenti të
pjesës së përparme të rrugës dhe të ambientit hapësinor.
38
Shtëpia në rr. “JNA” nr. 33 (më e njohur si shtëpia e
Gani Grazhdanit) tavani i gdhendur dhe i ngjyrosur
39
të shtëpisë, e cila në të njëjtën kohë ka dëshmuar si një tregues i rëndësishëm i
pasurisë së familjes.
KARAKTERISTIKAT ARKITEKTONIKE-ARTISTIKE
TË SHTËPIVE TË DIBRËS
Pamja që përcakton trashëgiminë arkitekturore të hasur në Dibër sot ndryshon
në raport me të dikurshmen, në aspektin e humbjes dhe ndryshimeve të rëndë-
sishme në karakteristikat dhe cilësitë. Bazuar në fondin e ruajtur të shtëpive
tradicionale me specifika arkitekturore dhe artistike që marrin pjesë në imazhin
aktual urban të qytetit, në masë të konsiderueshme mund të regjistrohen mjetet
e përdorura arkitektonike, ornamentet, materialet e aplikuara, teknikat ndërti-
more-konstruktive, kompozicioni.
40
Shtëpitë me bazën e konceptuar në mënyrë simetrike janë objekte që qëndrojnë
lirshëm, të ndërtuara në P+1 ose P+2 kate, me formë drejtkëndore dhe rregullsi
gjeometrike në grupimin e hapësirave dhe organizimin e tyre hapësinor në nive-
le të veçanta, gjë që reflektohet dhe theksohet qartë në vetë fasadën. Një nga
tiparet estetike për formimin e fasadave të këtij lloji të shtëpive është çardaku i
41
kun, si dhe konfigurimi i terrenit. Mënyra e vendosjes së çardakut në organizimin
hapësinor të shtëpisë dibrane formon zgjidhje të ndryshme të formave të parreg-
ullta të bazave (forma “G”, një çardak i zgjatur, si dhe një kombinim i pozicionit të
çardakut dhe formave të ndryshme sipas niveleve). Në rastin kur çardaku ka një
pozitë frontale, përveç karakteristikës së tij funksionale bazë - të komunikimit
dhe lidhjes, njëkohësisht bashkon disa funksione dhe ndarja e hapësirës arrihet
përmes uljes së nivelit të dyshemesë. Pjesët e ngritura quhen shanishan dhe
shërbejnë për pushim/gjumë gjatë verës. (siç janë shtëpitë në rrugët: “Zdravko
Çoçkovski” nr.226, “Liman Kaba” nr. 13 dhe nr. 22, pastaj shtëpia në rrugën “Drini
i Zi” nr. 32, etj.). Shtëpia në Rr. “Zdravko Çoçkovski” nr. 226 është një shembull
karakteristik i një shtëpie dibrane me një zgjidhje asimetrike të bazës, me një
çardak të gjerë dhe një dekorim jashtëzakonisht të pasur të brendshëm është një
nga të mirat e rralla kulturore të ruajtura nga trashëgimia ndërtimore e arkitek-
turës otomane të banimit të shekullit të 19-të në Republikën e Maqedonisë.
42
Shtëpia në rr. “Zdravko Çoçkovski” nr. 12 (226),
pamja e brendshme, dhoma reprezentuese e mysafirëve
me dekorim të pasur të gdhendur dhe të ngjyrosur
43
Shtëpia në rr. “Petar Popovski” nr. 57 (9)
enterier – detaj i rozetës së gdhendur në
mënyrë dekorative të tavanit
44
Për të arritur sa më shumë përfaqësim të hapësirave të brendshme të shtëpive
dibrane, sidomos në dhomat e mysafirëve, është aplikuar një përpunim i
pasur me gdhendje të elementeve prej druri dhe zbukurime të pikturuara (në
sipërfaqet e murit, përpunim polikromatik i elementeve të mobileve të ndërtuara,
si dhe oxhakut), të cilat janë më shpesh të pranishme në shtëpitë e popullsisë
myslimane.
45
Shtëpia në rr. “JNA” nr. 33 (më e njohur si shtëpia e Gani Grazhdanit)
Pamja juglindore
GJENDJA E RUAJTJES
Trashëgimia arkitektonike, nëpërmjet përfaqësuesve të saj nga e kaluara - që
ende ekzistojnë në strukturën arkitektonike dhe urbane të qytetit të Dibrës
përfaqësojnë pjesë të veçanta dhe disi të segmentuara që ekzistojnë jashtë
kontekstit të gjendjes aktuale.
46
negativ i faktorëve të jashtëm - ku ata humbën gjurmët e autenticitetit dhe njohjes
së tyre origjinale.
47
48
ARKITEKTURA TRADICIONALE
RURALE NË RAJONIN E DIBRËS
DHE REKËS
Të gjitha fshatrat në Rekë janë të llojit malor dhe kompakt, ndërsa në rajonin e
Dibrës ka fshatra fushore të tipit kompakt ose gjysmë-kompakt. Të vendosura në
gjirin e maleve, të strehuara nga erërat e forta, të rrethuara nga kullota të pasura,
në fshatra kishte mundësi për të zhvilluar bagëtinë, si degë e vetme ekonomike
që ka mundësuar mbijetesën e banorëve.
Terreni plastik, sidomos në rajonin e Rekës, i cili nga mali lëshohet pjerrët në
shtretërit e lumenjve ose në fushë, ka imponuar krijimin e një strukture rurale që
në mënyrë maksimale përdor hapësirën dhe mundësitë e lokacionit. Dendësia e
ndërtimit dhe pjerrësia e terrenit kushtëzojnë që komunikimi ndërmjet objekteve
të jetë me shtigje të ngushta, të pjerrëta dhe të lakuara. Sokakët më të mëdhenj
kanë një vijë të parregullt të lëvizjes që ndjek izohipset dhe konfigurimin e terrenit.
Kushtet në terren dhe ndarja e parcelës me rritjen e familjes kanë kontribuar në
parregullsinë e madhe në formën e parcelave. Sipas sipërfaqes, parcelat janë
të vogla dhe zakonisht në to është vendosur vetëm ndërtesa e banimit, ndërsa
objektet ekonomike janë ndërtuar në periferi të fshatit. Për shkak të dendësisë së
madhe të fshatrave, rrallë kishte hapësirë për një oborr para hyrjes së shtëpisë.
49
Matrica e trashëguar rurale dhe arkitektura e ruajtur në pjesën më të madhe
janë të shekullit të 19-të dhe fillimit të shekullit të 20-të.
Deri në gjysmën e dytë të shekullit XIX, në tërë rajonin e Rekës shtëpia ishte
modeste për nga madhësia. Pjesa përdhese ishte ishte prej mureve të gurit, kati
me një skelet të dukshëm prej druri, kulmi i mbuluar me kashtë. Muret e gurit
kanë një rrjet të dendur të trarëve horizontal, “kushakë”. Shembuj individualë të
këtij lloji të shtëpisë u ruajtën deri në fund të shekullit të 20-të.
Gari, panoramë
50
Vendosja amfiteatrale e shtëpive në
Tresonçe
Shtëpi-kulla në Kiçinicë, të
ndërtuara plotësisht nga guri
51
Në të gjitha fshatrat e Rekës së Epërme në të njëjtën kohë ka shtëpi të larta
“kulla” dhe shtëpi përdhese të mbuluara me kashtë thekre “thekërishte”. Të dyja
reflektojnë kontrastet sociale në rajon gjatë shekullit të 19-të dhe në fillim të
shekullit të 20-të.
Shtëpia e Rekës është prej guri, i cili ka ndikim në zgjidhjen konstruktive dhe
formimin arkitektonik të shtëpisë. Guri i përdorur kishte edhe rol dekorativ, është
përpunuar me kujdes në fasadat që kanë mbetur të pa suvatuara, i gdhendur për
qoshet e mureve, për kornizat e portave dhe dritareve, për kaminët dhe oxhaqet
e brendshme. Jo më pak rol konstruktiv ka edhe druri, megjithatë, pjesët e tij të
dukshme nuk janë përpunuar në mënyrë dekorative.
52
por mbushja kryesisht është me gurë dhe baltë. Muret e jashtme rreth “shtëpisë”
dhe hapësirat ekonomike janë nga guri. Si një sipërfaqe e jashtme finale e fasadës
së kateve është përdorur llaçi në fshatrat më të ulët malorë (Jançe) ose dërrasa
të mbërthyera vertikalisht (Galiçnik, Bitushe). Konstruksionet në mes kateve janë
bërë prej trarëve prej druri, dhe dyshemetë janë bërë nga dërrasa ose toka e
shtypur. Konstruksioni i çatisë prej druri si një material mbulimi përfundimtar
ka pllaka guri ose dërrasa nga pisha ose bredhi (shendere), ndërsa llojet më të
vjetra të shtëpive janë mbuluar me kashtë thekre.
Struktura e gurit në mur në katin përdhes, e cila tek shtëpitë e Rekës së Epërme
vazhdon në katet e sipërme, në Rekën e Poshtme kthehet në një konstruksion
53
të butë bondruk prej druri. Muret e lehta “bagdatie”, daljet e vogla dhe të
patheksuara erkere të kateve dhe strehët e thella, janë elementet themelore
në formimin e shprehjes së fasadës. Formimi i fasadave lind spontanisht nga
organizimi i brendshëm i hapësirës, me mungesën e dekorimit të shkallës së dytë.
Në fshatrat që ndodhen në Rekën e Vogël, fasada shpesh mbetej e pa suvatuar
me dërrasa të holla të dukshme të mbërthyera horizontalisht (Gari, Mogorçe).
54
Shtëpi të Galiçnikut, të futura në pjerrësinë e terrenit
55
Sipas organizimit hapësinor dhe vendndodhjes së çardakut mund të hasen disa
lloje shtëpish:
- një lloj i mbyllur i shtëpisë me një çardak të vendosur në një kënd të
bazës,
- një organizim boshtor-simetrik i hapësirës me një çardak të vendosur
në qendër,
- një çardak i mbyllur i vendosur përgjatë tërë gjatësisë së bazës dhe
- një shtëpi vëllazërore, e cila përfaqëson dy njësi hapësinore plotësisht të
ndara.
Shtëpia e Rekës në katin përdhes përmban objektet ekonomike dhe ndihmëse.
Baza e shtëpisë është në formë drejtkëndore, me përjashtim të hapësirave të
ndërtuara dendur ku forma e bazës i përshtatet terrenit dhe organizimit ekzistues
të hapësirës së jashtme. Në katet janë hapësirat e banimit të familjes. Organizimi
hapësinor i kateve më së shpeshti ndjek renditjen në katin përdhes, edhe pse
ekzistojnë përjashtime kur paraqitja simetrike e katit përdhes është pasuar nga
një organizim asimetrik i hapësirës së kateve ose anasjelltas.
Në fshatrat e Rekës së Poshtme, siç është Jançe, ekziston një variant i veçantë i
një shtëpie-kullë. Shtëpia në Jançe është me forma të gjalla. Mbi suterenin dhe
përdhesen prej gurit masiv ngrihet kati nga një ndërtim i lehtë bondruk i suvatuar
ose i mbuluar rreth e rrotull me dërrasa. Lëshimet erkere mbështeten në qoshe
druri të rrumbullakosura dhe sipërfaqet e suvatuara në qoshet janë të mbuluara
rreth e rrotull nga druri.
56
Shtëpi në Prisojnicë e mbuluar me pllaka të gurit
57
qerpiç, të punuar në nivel lokal, të rrafshuar me pjesë horizontale. Edhe nëse
është përdorur një konstruksion bondruk, ai është mbushur me qerpiç.
Në disa fshatra ka ende çezme të fshatit, edhe pse më shpesh në shtëpitë është
futur ujësjellësi.
Hambari ka shërbyer për të ruajtur grurin. Ai është ndërtuar nga druri në një
bazament nga guri dhe nga trarët prej druri. Konstruksioni mbajtës është nga
58
druri i mbuluar rreth e rrotull
me dërrasa, dhe kulmi është
bërë prej pllakave të gurit ose
qeramidheve. Në shumë shtëpi
në të gjithë rajonin, hambari
gjendet në çardak, i punuar
nga dërrasat e drurit (Sretkovë,
Trebisht).
Mullinjtë dhe dërstilët janë ndërtesa të vogla guri të ndërtuara jashtë fshatrave.
Edhe pse kishte një numër të madh të mullinjve dhe dërstilave në lumenjtë e
59
Kope kafshësh në një stan në Bistër
shpejtë të malit, ata janë shkatërruar plotësisht dhe janë mbuluar me bimësi
të lartë, në mënyrë që nuk mund të gjenden në terren, përveç disa mullinjve që
gjenden në fshatra.
Stanet janë të vendosura lart në Bistër dhe Stogovë. Objektet për prodhimin dhe
ruajtjen e djathit janë ndërtesa prej guri, kryesisht të futura në dheun e terrenit.
Vathët janë hapësira të hapura, të mbyllura nga gardhe guri ose një mur i thatë.
Pranë staneve ka çezme me ujore për bagëtinë.
60
61
FJALORI ABÇDE
TERMINOLOGJIK
62
FGHIJK
63
LMNPS
Levha – Panele të mëdha në kornizë të i cili përdor energjinë e ujit për të bluar
cilat vendosen në muret e xhamive ose në drithin.
shtëpitë e myslimanëve në të cilat janë
Murg – Person që ka hequr dorë nga
shkruar në mënyrë kaligrafike citate të
jeta e kësaj bote dhe i është përkushtuar
Kuranit me emrat e kalifëve të parë ose
shërbimit religjioz.
me fjalë të urta orientale.
Myezin – Nëpunës i xhamisë, i cili para
Mahfil – Galeri e gurit ose e drurit e
lutjes me zë i thërret besimtarët nga
shtyllave, e vendosur në xhami pranë
minarja e xhamisë.
murit me portalin hyrës.
Naos – Hapësirë e brendshme, qendrore
Medrese – Emërim i përgjithshëm për
në tempujt antikë si dhe në kishat
shkollat e mesme dhe të larta islame të
krishtere, dedikuar për besimtarët.
tipit të internatit.
Narteks – Treme hyrëse në ndërtesa
Mëhallë – Pjesë e një qyteti, një lagje
sakrale krishtere.
qyteti, lagje, rrugë.
Nekropol (nekropolis) – Qytet i të
Meka – Vendlindja e profetit Muhamed.
vdekurve, varreza.
Metoh – Vend i manastirit ose kishës ose
Nishan – Përmendore mbi varr nga guri në
pronë, pronë e dhuruar për ndonjë kishë
një varrezë myslimane ose varrezë, shenjë,
ose manastir.
gjurmë.
Mitropolit – Titulli më i lartë priftëror pas
Odë – Dhomë, hapësirë e shtëpisë për të
patriarkut ose arqipeshkvit.
fjetur, për të pritur mysafirë etj.
Minare – Kullë e lartë pranë xhamisë nga
Plevicë – Objekt nga druri i vendosur mbi
e cila myezini thërret myslimanët në lutje;
mure të gurit, për të ruajtur kashtën.
xhamitë mund të kenë nga një deri në
gjashtë minare. Plithar – Tullë e papjekur, e punuar nga
balta, qerpiç.
Minber – Një vend me shkallë prej ku
predikohet në xhami afër mihrabit, nga Pondilë – Stallë në pjesën përdhese të
guri ose druri, nga e cila të premten dhe shtëpive ose plevicave.
ditën e parë të dy bajrameve imami mban
Portik – Treme hyrëse e cila çon te dera
një predikim të veçantë (hytbe).
hyrëse, treme e mbuluar me kolonada.
Mihrab – Vend i futur në mur në formë
Sergen – Orman i futur në mur për të
gjysmërrethi ose poligonale, i vendosur
ruajtur shtrojën.
përballë hyrjes kryesore në drejtim të
kiblës, prej nga imami udhëheq lutjen e Semahane – Hapësirë në teqe kur kryhet
përbashkët. rituali i dervishëve “zikër”.
Mulli – Objekt pranë një përroi ose lumi,
64
STVXZ
65
REFERENCAT
66
Василев, А. Дичо Зограф, Македонска мисьл, год. I, март-април 1946, кн. 7-8, 372-382.
Грозданов, Ц. „Архиепископот Јован од Дебарско и традицијата за основање на
манастирот Свети Јован Бигорски“, Манастир Свети Јован Бигорски, Скопје 1994, 41-78.
Грозданов, Ц. „Нови прилози за културата и уметноста од XIX век во западна
Македонија“, Прилози, МАНУ, Одделение за општествени науки, XXXVI/2, Скопје 2005,
54, сл. 11-14.
Грозданов, Ц. Почетоците на Дичо Зограф и иконостасот во село Росоки, МАНУ,
Скопје 1994, 33-39.
Nikolovski, A. Macedonian Architecture in the Ninetenth and Twentieth Centuries, The
Republic of Macedonia, Skopje, 1974, 136-138
Николовски, А. „Живописот во манастирот Свети Јован Бигорски од XVIII и XIX век“,
Манастир Свети Јован Бигорски, Културно-историско наследство на Р. Македонија
XXXII, Скопје, 1994, 97-128.
Николовски, А. „Проучувања и археолошки испитувања на манастирската црква“
Манастир Свети Јован Бигорски, Културно-историско наследство на Р. Македонија
XXXII, Скопје, 1994, 81-96.
Николовски, А. Уметноста на XIX век во Македонија, Културно наследство IX, Скопје
1984.
Николовски, А. „Црква Св. Варвара, с. Рајчица, Дебарско“ (заедно со К. Балабанов),
Споменици на културата во Р. Македонија, Скопје, 1971, 216.
Поповски, А. „Тајниот јазик на мајсторите градители од Река“, Бигорски научно-
културни собири 1974-1975, Скопје 1976.
Поповска-Коробар В. Икони од Музејот на Македонија, Музеј на Македонија, Скопје,
2004.
Поповска-Коробар В. „Зографот Антониј Јованов во уметноста од првата половина на
XIX век“, Зборник посветен на митрополитот Дебарско-кичевски Тимотеј, Охрид 2007,
279-294.
К. Томовски - Т. Паскали, „Манастирот Свети Јован Бигорски – архитектура“,
Манастир Свети Јован Бигорски, Скопје 1994, 41-78.
Трайчев, Георги, Книга за Мияцитъ, София 1941.
Трајановски, А. „Свети Јован Бигорски - значаен македонски манастир во текот на
втората половина на XIX век“, Манастир Свети Јован Бигорски, Скопје 1994, 227-230.
Тричковска, Ј. Делата во Македонија на сликарското семејство на Михаил од
Самарина, (докторски труд одбранет на Филозофскиот факултет во Скопје во март
2009).
Тричковска, Ј. „Западњачки утицаји на црквено сликарство у Македонији преко
зографа Михајла и Димитра из Самарине“, ЗБЗ, књ. 18, Београд, 1991.
Тричковска, Ј. „Иконописот во Бигорскиот манастир во времето пред обновувањето
во 1800 година“, Манастир Свети Јован Бигорски, КИНМ, XXXII, Скопје, 1994.
Тричковска, Ј. „Композицијата Оплакување Христово од проскомидијата во црквата
Св. Ахилие Лариски во Требиште“, Културно наследство XVI (1989), Скопје 1993, 119-
128.
Ќорнаков, Д. „Резбите во манастирот Свети Јован Бигорски“, Манастир Свети Јован
Бигорски, Скопје 1994, 191-211.
Ќорнаков, Д. Творештвото на мијачките резбари на Балканот од крајот на 18 и 19 век,
Прилеп 1986.
67
Целаковски, Н. „Културата, просветата и книжевната традиција на манастирот Свети
Јован Бигорски“, Манастир Свети Јован Бигорски, Скопје 1994, 215-226.
68
Tомовски, К. „Дебарските куќи од 19-от век“, Архитектурата на почвата на
Македонија, Прилози за истражувањата на историјата на културата на почвата на
Македонија, МАНУ Скопје 2000, стр 71-85
Томовски, К. „Дејноста на мајсторите градители од Дебарската школа во 19 век“,
Бигорско - научно - културни собири, Прв научен собир, Гостивар 1971 г
69
CIP - Каталогизација во публикација
Национална и универзитетска библиотека «Св. Климент Охридски», Скопје
930.85:726(497.77)
930.85:725(497.77)
The CULTURAL heritage in the Debar and Reka region / Dafina Gerasimovska ...
[и др.] ; [English translation Orhideja Zorova]. - Skopje : Directorate for protection of
cultural heritage, 2018. - 135 стр. : илустр. ; 25 см
Текст на англ. и алб. јазик. - Други автори: Darko Nikollovski, Zoran Pavllov,
Cvetanka Haxhi Pecova, Snezhana Gerasimova-Mateska. - List of
terms: стр. 60-63 ; Fjalori terminologjik: стр. 128-131. - Bibliography:
стр. 64-67 ; Referencat: стр. 132-135. - Содржи и: Trashëgimia kulturore në rajonin
e Dibrës dhe Rekës
ISBN 978-608-4549-66-6
1. Gerasimovska, Dafina [автор] 2. Nikollovski, Darko [автор] 3.
Pavllov, Zoran [автор] 4. Haxhi Pecova, Cvetanka [автор] 5.
Gerasimova-Mateska, Snezhana [автор]
а) Културно наследство - Сакрална архитектура - Дебарско-рекански регион
б) Културно наследство - Профана архитектура - Дебарско-рекански регион
COBISS.MK-ID 109135626
70