ng mga bubuyog. Si reyna Niña ay araw-araw na inuutosan at pinagtatrabaho ang kanyang mga kapwa bubuyog. Kaya naman ang iilan sa mga ito ay napipilitan na lamang na sundin ang reyna. Malupit, makasarili at mataas ang tingin ni reyna Niña sa kanyang sarili. “Nasaan ang pagkain ko?! Bakit wala kayong dala?!”napatayong sigaw ng reyna, “pero mahal naming reyna umulan po kagabi, basa po lahat ng bulaklak dahilan para mahirapan kaming kumuha ng pagkain ninyo” sagot ng punong trabahador, “wala talaga kayong mga kwenta! Dahil diyan hindi ko kayo bibigyan ng kakainin niyo ng isang buwan, nagtatrabaho lang naman kayo para sa’kin!”sigaw ng reyna at umupo sa kanyang trono. Batid niyang nagagalit na ang iba pero nanatiling kampante ang reyna sapagkat alam niyang wala silang magagawa. Isang araw nagkasakit ang punong trabahador ng mga bubuyog ngunit pinilit ng reyna na pagtrabahoin pa rin ito sa kadahilanang wala na siyang makakain. Nagresulta ito sa lubos na panghihina ng punong trabahador. Dahil dito napuno na ng galit ang karamihan sa kanila. Habang natutulog ang reyna nagtipon- tipon ang mga bubuyog sa isang sulok upang pagplanohan ang pwedeng gawin. Makalipas ang ilang oras ay napagpasiyahan nila na paalisin nalang ang reyna kaysa sa saktan ito at sumangayon naman ang lahat dito. Pagkagising ng reyna ay nagulat siya nang malaman niyang hindi na niya suot ang kanyang korona. Mabilis siyang tumungo sa iba pang mga bubuyog at sa pagkakataon na ‘yon nadatnan niyang galit silang lahat. “Naging reyna ka lang naman dahil pumayag kami, ngayon dahil sa masama at makasarili mong ugali ayaw kana naming makita. Umalis kana!”. Hindi nakasagot at walang magawa ang reyna. Napagtanto niya kung ano ang mga nagawang kasalanan niya at humingi ng tawad. Naawa naman ang mga bubuyog kaya’t hindi nila pinagpatuloy ang pagpapaalis sa reyna. Tinanggap nila ito ulit at sa pagkakataong ito ay lahat na sila nagtutulongan.