PAMAGAT: ANG IKATLONG MAPAPALAD
ANG MAAMO
TEKSTO: MATEO 5:5 – “Mapapalad ang maaamo sapagkat
mamanahin nila ang lupa”.
I. MAPAPALAD ANG MAAAMO
1. Tiniyak ng Panginoong Jesus na ang sinomang maamo ay
mapalad, napakapalad o napakasaya.
2. Mahalaga ang katangian na pagiging maamo.
3. Ano ba ang katangiang ito na gusto ng Panginoong Jesucristo
sa atin?
II. ANG PAGIGING MAAMO
1. Ito ay hindi katamaran. May mga mukhang maamo, nguni’t sa
totoo lang ay tamad.
2. Hindi rin ito pagwawalang-bahala o ugaling pabayaan na
lamang ang dapat sana ay ayusin, ituwid o sawayin.
3. Hindi rin ito pakikipag-“compromise”.
a) Bagaman ang ibang mga propeta noon ay nagsasalita ng
mga bagay na “smooth” o madali, si Jeremias ay hindi.
b) Walang anoman sa kaniya kung anoman ang sabihin ng
mga tao.
c) Para sa kaniya, ang mahalaga ay masabi niya ang Salita
ng Dios. Ito ay isang pagpapakita ng kaamuan.
4. Ang pagiging maamo ay hindi pagpapalalo sa sarili.
a) Hindi siya nagmamapuri sa kaniyang sarili maging
anoman o gaano man ang kaniyang nagawang kapuri-
puri.
b) Para sa kaniya ay wala siyang maipagmamapuri sa
kaniyang sarili.
5. Ang pagiging maamo ay hindi pagsisiksik o pagpipilit ng tao sa
kaniyang sarili.
a) Hindi siya nagde-demand para sa kaniyang posisyon,
mga pribilehiyo, at kalagayan sa buhay.
b) Bagama’t pinaalam kay David na siya ay magiging hari
ng Israel, kahit pagkatapos na siya ay mapahiran na ng
langis upang maging hari, siya ay nagtiis ng maraming
mga bagay sa mga kamay ni Saul na hari.
III.
1. Ang maamo ay hindi nababalisa tungkol sa kaniyang sarili
maging anoman ang sabihin sa kaniya ng ibang mga tao sa
mabuting bagay na kaniyang ginagawa.
2. Ang maamo ay hindi naaawa sa kaniyang sarili. Wala siyang
“self-pity”.
3. Hindi rin siya naghihiganti o maghihiganti sa gumawa o
gumagawa sa kaniya ng masama.
a) Ibinibigay niya sa Panginoon ang paghihiganti.
b) ROMA 12:19 – “Huwag kayong mangaghigantihan,
mga iniibig, kundi bigyan ninyong daan ang galit ng
Dios: sapagka't nasusulat, Akin ang paghihiganti; ako
ang gaganti, sabi ng Panginoon.”.
4. Ang maamo ay sumasagot ng mahinahon sa anomang personal
na atake laban sa kaniya.
5. Ang maamo ay handang paturo (teachable).
6. Ang maamo ay kuntento at nasisiyahan.
a) Masaya siya sa kung ano mayroon siya.
b) Dahil dito ay nagagawa niyang magalak sa Panginoong
lagi at magpasalamat sa Panginoon sa lahat ng mga
bagay.
c) Ano ang sabi ni Pablo na naging maamo mula nang siya
ay maging mananampalataya ng Panginoong
Jesucristo?
d) “… aking natutuhan ang masiyahan sa anomang
kalagayang aking kinaroroonan.” FILIPOS 4:11
7. Ang maamo ay ipinagkakatiwala ang kaniyang buhay o lahat
ng tungkol sa kaniyang buhay sa Panginoong Dios.
IV. IKAW BA AY MAAMO?
1. Muli, mahalaga ang pagiging maamo sa buhay ng isang
Kristiyano.
2. Malaking pakinabang ang idudulot nito sa kaniyang buhay
maging sa buhay ng ibang mga tao.
3. Ang maamo ay tiyak na pagpapalain ng Panginoon.
4. Mapapalad ang maaamo!