AYON SAAKING NAKALAP NA PANANALIKSIK AYUN SA AKING
NAPILING AKDANG PAMPANITIKAN TUNGKOL SA KASAYSAYAN NANG AMING BAYAN, ANG BAYAN NG PARACALE. GALING SA TANGGAPAN NANG OPISINA NANG DEPARTAMENTONG TURISMO NANG PARACALE ANG ISANG BUOD NANG PAPEL NA ANG NILALAMAN AY ANG KASAYSAYAN NANG PARACALE. PINAMAGATANG “GININTUANG BAYAN, MAY GININTUANG KASAYSAYAN.”
SINABI NG ISANG PARING HESUWITA – “SA PAMAMAGITAN NG
MASUSING PAG-AARAL NG ATING NAKARAAN AT ANG PAG-AARAL NG ATING NAKARAAN AT ANG PAG-UNAWA SA MGA MAKABAGONG SUKAT NG PANGKASALUKUYAN, AY MATITIYAK NATIN KUNG ANO ANG ATING MAGIGING HUWARANG MORAL SA HINAHARAP”. SA TAONG ITO HINDI KAYA NARARAPAT LAMANG NA PAG-UKULAN NG PANSIN NG MGA PARACALENO ANG GININTUANG KASAYSAYAN NG KANYANG BAYAN? NGAYONG 1981 AY IKA-APAT NA DAAN TAONG PAGKAKATATAG NG BAYAN NG PARACALE. SA TAONG ITO’Y DAPAT LAMANG NA PAGBALIK-ARALAN ANG KANYANG LUMIPAS GAYON DIN ANG MGA BAGAY-BAGAY NA MASASABING ANGKIN AT KALINANGANG PARACALENO.
BAGO DUMATING ANG MGA KASTILA SA DAKONG ITO NG LUPAING
PERLAS NG SILANGAN, MASASABING ANG POOK NA ITO AY MAY SARILI NANG KABIHASNAN, LALONG-LALO NA SA MGA BAGAY NA MAY KINALAMAN SA GINTO. SINABI NG BAYANI NG CAMARINES NORTE NA SI WENCESLAO Q. VINZONS NA ANG GINTO AY IPINAGPAPALIT SA MGA GUSING TSINO NOONG KAPANAHUNAN NG MGA T’ANGS. TINAGURIAN NI PADRE FRANCISCO COLIN AT IBA PANG “FILIPINO HISTORIAN” NA “GOLDEN CHERSONESE” IBIG SABIHI’Y GINITUANG TANGWAY O PENINSULA. SA MGA PAG-UULAT NI PADRE MARTIN DE RADA AT SULAT NI GOVERNADOR GUIDO DE LAVEZARES KAY HARING FELIPE II LUMABAS NA SA BAHAGING ITO NG LUZON, ANG GINTO AY BAHAGI NA NG KANILANG ANGKING KABIHASNAN.
NOONG TAONG 1571, DALAWANG EKPLORASYON ANG INILUNSAD SA
MAYNILA, MATAPOS ITATAG ANG BAYAN NG NABOTAS. ANG UNANG EKPLORASYON PAPUNTANG HILAGA AY PINAMUNUAN NI MARTIN DE GOITE, KASAMA ANG MGA PARING AGUSTINO SINA PADRE FRANCISCO DE ORTEGA AT DIEGO DE ESPINAR. ANG KANILANG LAYUNIN AY MAKIPAGKASUNDO SA MGA PAMPANGOS. ANG IKALAWA AY PINAMUNUAN NG APO NG “ADELANTADO” MIGUEL LOPEZ DE LEGAZPI NA SI JUAN DE SALCEDO KASAMA SINA PADRE ALONZO DE ALVARADO, osa AT PADRE DIEGO DEL ESPINAR, osa, MGA PARING AGUSTINO. ANG KANILANG LAYUNIN AY UPANG MAKIPAGKASUNDO AT HIKAYATIN SA KRISTIYANISMO ANG MGA TAGALOG AT DITO’Y NAPADAKO SILA SA POOK NA NGAYO’Y TINATAWAG NA PARACALE. ANG PANGKAT NA ITO NG MISYON ANG NAGBIGAY NG PANGALAN SA BAYANG ITO. DITO NAGMALASAKIT ANG DALAWANG PARING AGUSTINO NA HIKAYATIN SA KRISTIYANISMO ANG MGA KATUTUBO AT INILIGTAS SA PAGKAKAALIPIN ANG MGA TINGUIAN O MGA ITA. ITO ANG UNANG GAWAING EBANGHELISASYON SA BUONG PROBINSIYA NG AMBOS CAMARINES. MABIBIGYANG PANSIN NA AGAD TINAGGAP NG MGA KATUTUBO ANG PANANAMPALATAYANG IPINAHAYAG SA KANILA NG MGA PARING AGUSTINO. MAIPAGMAMALAKI NA ANG PARACALE AY ANG KAUNA- UNAHANG POOK NG EBANGHELISASYON SA BUONG PROBINSIYA. ANG MISYON NG MGA PARING AGUSTINO AY NAUDLOT NANG IPATAWAG NA MULI SA MAYNILA ANG KAPITAN JUAN DE SALCEDO, AT DAHIL SA KAKULANGAN NG MGA PARING MISYONERO, ANG MISYON SA DAKONG ITO NG BANSA AY NAPABAYAAN. ` ANG BALITA TUNGKOL SA GINTO ANG SIYANG NAGPASIGASIG KAY SALCEDO UPANG SAKUPIN ANG “MINAS DE PARACALE” PATI NA ANG BIKOL. ANG MGA KATUTUBO AY SINASABING PINAKAMAHUSAY GUMAWA NG ALAHAS NA GINTO. SILA AY MAIHAHAMBING SA MGA INCAS NG TIMOG AMERICA SA UBOD NG HUSAY SA PAGGAWA NG MGA ALAHAS NA GINTO. ITO ANG DAHILAN UPANG SI SALCEDO AY BUMALIK NOONG 1573, SA PAGKAKATAONG ITO NARATING NIYA ANG ILOG NG BIKOL HANGGANG SA LOOK NG BATO AT ITINATAG ANG VILLA SANTIAGO DE LIBONG (NGAYO’Y LIBON, ALBAY).
NANG DUMATING ANG MGA PRANSISKANONG PRAYLE NOONG 1578,
ANG REHIYON BIKOL AY INILAGAY SA KANILANG PAGKAKANDILI. ITINATAG NILA ANG MGA BAYAN NG NAGA, QUIPAYO AT NABUA NUONG 1578 AT IKINALAT ANG MABUTING BALITA SA PRONCIA DE CAMARINES. NOONG TAONG 1581, APAT NA DAANTAON NA ANG NAKARARAAN, ITINATAG NA BAYAN O “PUEBLO” ANG PARACALE. KASABAY NA NAITATAG ANG BAYAN NG DAET AT INDANG AY ITINATAG DING PAROKYA ANG PARACALE DAHIL SA KAKULANGAN NG MGA PARI AY NANANTILING MISYON AT NAITATAG NA PAROKYA NOONG 1611, ANG IKATLONG PAROKYA SA LALAWIGAN NG KAMARINES NORTE. SA PAGLAGO NG PANANAMPALATAYA, INIHIWALAY NG PAROKYA ANG ISA SA KANYANG MISYON NOONG 1634 SA PAMAMAHALA NG MGA PRANSISKANONG PRAYLE AT NGAYO’Y BAYAN NA NG CAPALONGA. ANG MAMBULAO (NGAYO’Y JOSE PANGANIBAN) AY NAITATAG NA BAYAN AT PAROKYA NOONG 1666 LAMANG SA ILALIM NG PAMAMAHALA NG MGA PRANSISKANONG PRAYLE. ANG ISA PANG KARATIG-BAYAN, ANG LABO, NA DATING NAYON LAMANG NG INDAN AY NAITATAG NOOG 1656.
SA PAGKAKATAONG ITO, MASASABI NA ANG MGA PARACALENO AY
NAITALI NG MAHIGPIT SA KADENA NG KATOLISISMO AT ITO AY MAKIKITA SA MGA TRADISYON AT KAUGALIAN NA HANGGANG NGAYON AY MASASAKSIHAN PA. ANG PANANAMPALATAYA AY NAITANIM SA MGA PARACALENO NG MGA MISYONERO. NABAGO NILA ANG KANILANG LUMANG KAUGALIAN AT URI NG PAMUMUHAY AT UMAYON SA BAGONG PANANAMPALATAYANG KATOLIKO. MAKIKITA PA NGAYON ANG TANDA NG PANANAMPALATAYANG ITO SA SIMBAHANG KATOLIKO NG PARACALE NA MASASABING ISANG “BANTAYOG NG ARKITEKTURA”. SA PAGDIRIWANG NG BANAL NA TAON NOONG 1974-1975 ANG SIMBAHANG KATOLIKONG ITO NG BAYANG PARACALE AY OPISYAL NA IDINEKLARANG “ARCHDIOCESAN PILGRIM SITE” NG MABUNYING MONSIGNOR TEOPISTO V. ALBERTO, ARSOBISPO NG CACERES. KAYA’T ANG PARACALE AY ISANG BANAL NA LUNAN UPANG PAGDAUSAN NG PEREGRINASIYON. ISA PANG KAHANGA- HANGANG RITUAL NA BUNGA NG TALINO NG ATING NINUNO AY ANG UGALI NG SALUBONG TUWING PASKO NG PAGKABUHAY, KUNG SAAN ANG IMAHEN NG SANTA MARIA MAGDALENA AY ITINATAKBO SA IBA’T-IBANG KALYE NG BAYAN BAGO ITUNTON ANG ANGHEL NG PAGKABUHAY. ANG UGALING ITO AY HINDI MASASAKSIHAN KAHIT SAAN BAYAN SA PILIPINAS KAYA’T MASASABING ITO’Y ANGKIN AT KALINANGANG PARACALENO LAMANG. PINATUTUNAYAN NILA NA ANG UGALING IYON AY INIUGNAY SA EBANGHELYO NI SAN JUAN. SAYANG NGA LAMANG AT ITO’Y PINALITAN NA NGAYON NG IBANG PALABAS, BINALIWALA NA ANG BUNGA NG MGA ISIP NG ATING MGA NINUNO. ANG IPINALIT AY GALING SA TALINONG HIRAM SA IBANG BAYAN.
ISA PANG KALINANGANG PARACALENO AY ANG GININTUANG GAYAK
NG MAHAL NA BIRHEN NG CANDELARIA. ITO ANG KANILANG PARAAN UPANG GUMANTI SA MGA PAGKAKANDILI NG INA NG DIYOS, SA MGA PAGTUGON SA KANILANG PAGTAWAG AT LALONG-LALO NA SA HIMALA NA KANYANG IPINAMALAS SA MGA MATA NG ATING MGA NINUNO NOONG IKA- 29 NG AGOSTO, 1809. AT SIYA RING DAHILAN UPANG ILUKLOK SIYANG PATRONA NG BAYAN NOONG 1881, IKA-ISANDAANTAON NA NGAYON. DAHIL SA KANILANG PAG-IBIG SA MAHAL NA INA NA INIALAY NILA ANG MGA NATATANGI NILANG YAMAN. SAPAGKA’T IBINIBIGAY SA MINAMAHAL ANG MGA BAGAY NA PINAKAMAHALAGA SA IYO – ITO ANG PINAKAMATAAS NA ANTAS NG PAGSAMBA, PAGHANGA AT PAG-IBIG. “SINASALUBONG KA NG MGA ANAK NA BABAE NG MGA HARI; ANG REYNA AY NASA GAWING KANAN MO NA MAY KASUOTANG GINTO. MAALINDOG ANG ANAK NA BABAE NG HARI SA KANYANG PAGPASOK ANG KANYANG KASUOTAN AY GININTUAN” (SALMO 44, 10:14). SI MARIA ATING PATRONA, NA HUWARAN NG SANTA IGLESYA NA NOBYA NG KORDERO ANG PINAG-UUKULAN NG SALMONG ITO. NINAIS NG ATING MGA NINUNO NA MAIPALIWANAG MULA SA KANILANG PAGKUKURO AT NGAYO’Y LARAWAN UPANG PAG-UKULAN NG PAGNINILAY. MAKALIPAS ANG APAT NA DAANG TAON, ANG MGA TRADISYON AT KAUGALIAN SA MGA SALIN-LAHI SA BAYANG ITO AY MASASABING ISANG KUMIKISLAP NA HIYAS SA TRADISYONG PILIPINO.
SA IKAAPAT NA DAANG TAON NG BAYAN PARACALE SANA’Y
MAKITANG MABUTI AT MALINAWAN NG MGA TAGA-PARACALE NGAYON ANG LARAWAN NG KANILANG MGA NINUNO, AT PANATILIHIN ANG MGA KALINANGANG NAGMULA SA KANILA LALO NA’T ITO AY LIKAS AT TUNAY. MAGKAROON SANA SILA NG LARAWAN NGAYON NA MAY KAUGNAYAN SA NAKARAAN, SAPAGKA’T IPINAHAYAG NG ATING BAYANING SI GAT. JOSE RIZAL, “ SA PAGHAHAYAG NG KAHIHINATNAN NG ISANG BANSA, DAPAT LAMANG NA BUKSAN ANG AKLAT NA NAGSASAAD NG KANYANG NAKARAAN”. SANA’Y MAUNAWAAN NILA NA ANG TAONG ITO AY MAIPAGDIWANG NG NAAAYOS BILANG TAON NG BAYANG PARACALE. ISANG “QUADRICENTENIAL CELEBRATION” ANG NGAYON SAPAKA’T HINDI NA BABALIK ANG TAONG ITO, WALA NG IBA PANG PAGKAKATAON UPANG IPAGDIWANG ANG GANITONG KAPANAHUNAN. SANA’Y MATAWAG ANG PANSIN NG MGA NAMAMAHALA NG BAYAN UPANG SILA ANG MAGPASIMUNO NG NAANGKOP NA MGA PAGDIRIWANG. AYON SA NAITONAL ARTIST NICK JOAQUIN “ANG KABAYANIHAN AY LAGING NAGSISIMULA SA PAMPOOK NA KABANALAN, ANG PAGTATANGI NA NADARAMA NATIN SA ATING SINILANGANG BAYAN. AT ANG ATING PAGKATAO AY NABUBUO, HINDI LAMANG NG PAGTATANGING ITO, NGUNI’T MAGING ANG MGA BAGAY NA MAY KAUGNAYAN SA BAYAN; ANG KANYANG MGA ALAMAT AT MGA TRADISYON, ANG KANYANG MGA KAUGALIAN AT PAGDIRIWANG, ANG KULTO AT PISTA NG PATRON, AT MAGING LAKI AT ANYO NG KANYANG SIMBAHAN”..
(EXCERPTED FROM THE SOUVENIR PROGRAM OF PARACALE TOWN