Professional Documents
Culture Documents
Jyprogram Brochure-1
Jyprogram Brochure-1
Ang mga nasa pagitan ng mga edad 12 at 15 ay sabik na mapasama sa isang grupo ng mga
magkakaibigan, kung saan maibabahagi nila ang kanilang mga saloobin, makagagawa sila
ng mga proyekto, makasasali sila sa mga palaro, at iba pa. Sa kadahilanang ito, ang
programa ay binuo sang-ayon sa konsepto ng isang "grupo ng mga junior youth". Ang bawat
grupo ay ginagabayan ng isang "animator", na madalas ay isang mas matandang kabataan,
na bilang isang tunay na kaibigan ng mga miyembro, ay tinutulungan silang paunlarin ang
kanilang mga kakayahan.
Ang grupo ay nagpupulong nang regular. Sa kanilang mga pagpupulong, natututo amg mga
junior youth na saliksikin ang mga konsepto at ipahayag ang mga ideya nang walang rakot
sa pagpula o pangungitya. Hinihimok silang makinig, magsalita, magnilay-nilay, sumuri,
gumawa ng mga pasiya, at kumilos ayon sa mga iyon.
Nabubuhay tayo sa isang panahon kung kailan napakaraming mga negatibong puwersa ang
nagkakaroon ng epekto sa pag-iisip at pag-uugali ng mga junior youth. Tinutulungan sila ng
mga animator upang labanan ang mga puwersang ito-hindi lamang upang mapangalagaan
ang kanilang mga sarili mula sa pagkabulok ng moralidad sa lipunan kundi upang gumawa
para sa pagpapabuti ng daigdig.
Ang pag-unawa sa mga konsepto ay kinakailangan para sa pag-unlad ng kaisipan. Ang mga
junior youth at maaari g mahirapan sa paaralan dahil inaasahang matututuhan nila ang
maraming impormasyon sa ibat ibang mga paksa, nang hindi tumatanggap ng sapat na
tulong upang maunawaan ang mga konseptong painagbabatayan ng mga ito. Ang programa
ay gumaganyak sa kanila upang mag-isip nang malalim tungkol sa mga ideya-sa moral,
matematika, pang-agham, at iba pa-at ito ay palaging nagpapabuti sa kahusayan ng
kanilang pag-aaral.
Nakakamit ng programa ang ibat ibang mga layunin nito-ang pagpapaunlad sa moralidad,
ang espirituwal na pang-unawa at ang mga kakayahan sa pananalita-sa tulong ng isang
serye ng mga teksto. Ang mga teksto ay binubuo ng simpleng mga kuwento tungkol sa
buhay ng mga kabataan sa ibat ibang bahagi ng mundi. Bukod sa pag-aaral ng mga
tekstong ito nang magkakasama, sa pagtatalakay ng mga nilalaman nito, at sa pagbubuo ng
kaugnay na mga pagsasanay, ang mga junior youth ay lumalahok din sa mga palaro at
natututo tungkol s amga sining at mga likhang kamay.
Sa tulong ng mga animator, ang mga grupo ay bumubuo at nagsasagawa ng serye ng mga
proyekto ng paglilingkod, na isnag pangunahing bahagi ng programa. Sa pamamagitan ng
ganitong mga proyekto, natututo ang mga junior youth na mag-isip tungkol sa pamayanan at
sa mga pangangailangan nito, magsanggunian at makipagtilungan sa kanilang mga sarili at
sa mga iba pa sa pamayanan.
Ang mga paksang tinatalakay ng mga teksto ay magkakaiba; ang bawat isa ay nakatuon sa
isang temang mahalaga sa pagbibigay ng espiritwal na lakas sa mga junior youth.
Halimbawa, sa unag teksto tinatalakay ang paksa ng "pagpapatibay"-na pinapatibay ng
Diyos ang mga pagsisikap na ginagawa natin para sa marangal na mga layunin. Ang isa
pang teksto ay tungkol sa "pag-asa"- na dapat tayo tumingin nang may pag-asa sa
hinaharap kahit sa pinakamahirap na mga sandali. Ang isa pa ay sumusuri sa konsepto ng
"kahusayan". Ang "kaligayahan" ay tema sa isang kuwento, habang ang "kapangyarihan ng
salita" ay ang paksang pinagninilayan sa isa pa. Kabilang sa mga telstong patungkol sa mga
konseptong pang-matematika, sinisiyasat ng isa ang mga gawi ng isnag maayos na
kaisipan. Sa larangan ng agham, may isang tekstong nakatuon sa pag-aalaga sa sariling
kalusugan-pisikal, pangkaisipan at espirituwal. At mat isang dosena o higit pa na
pinag-aaralan ng mga junior youth sa loob ng tatlong taon.