Professional Documents
Culture Documents
TALAS
K - _________________________________
A -__________________________________
ARALIN 1 Kasaysayan ng Wikang Pambansa, Kahulugan ng
Wika/Balarila , Mga Katangian ng Wika
Tutok
Unawain at basahin ang pagpapalalim ng araling ito.
BILINGGWALISMO
Nobyembre 7, 1936- Inaprobahan ng Kongreso ang Batas Komonwelt
Bilang 184 na lumikha ng Surian ng Wikang Pambansa na naatasang
gumawa ng pag-aaral ng mga katutubong wika at pumili ng isa na
magiging batayan ng wikang pambansa.
Disyembre 30, 1937 - Sa pamamagitan ng Kautusang Tagapagpaganap
Blg. 134 ng Pangulong Quezon, ang Wikang Pambansa ay ibabatay sa
Tagalog.
Abril 1, 1940 - Ipinalabas ang Kautusang Tagapagpaganap na
nagtadhana ng paglilimbag ng isang balarila at isang diksyunaryo sa
Wikang Pambansa. Ipinahayag pa ring ituturo ang wikang pambansa sa
mga paaralan sa buong Pilipinas na nagsimula noong Hunyo 19, 1940.
Hunyo 7, 1940 - Pinagtibay ng Batas-Komonwelt Blg. 570 na nagtadhana
na simula sa Hulyo 4, 1946. Ang Wikang Pambansa ay isa sa mga opisyal
na wika ng bansa.
Marso 26, 1954 - Nagpalabas ng isang kautusan ang Pangulong Ramon
Magsaysay sa taunang pagdiriwang ng Linggo ng Wikang Pambansa mula
sa Marso 29 - Abril 4. Subalit ang petsa ng pagdiriwang ay inilipat sa
Agosto 13-19 tuwing taon.
Agosto 12, 1959- Tinawag na Pilipino ang Wikang Pambansa ng lagdaan
ni Kalihim Jose Romero ng Kagawaran ng Edukasyon ang Kautusang Blg
7. Ayon sa kautusang ito, kaylaman at tutukuyin ang pambansang wika ay
Pilipino ang gagamitin.
Oktubre 24, 1967- Nilagdaan ni Pangulong Marcos ang isang kautusang
nagtatadhana na ang lahat ng mga gusali at mga tanggapan ng
pamahalaan ay panganlan sa Pilipino.
Marso, 1968 - Ipinalabas ni Kalihim Tagapagpaganap, Rafael Salas, ang
isang kautusan na ang lahat ng pamuhatan ng liham ng mga kagawaran,
tanggapan at mga sangay nito ay maisulat sa Pilipino.
Agosto 7, 1973- Nilikha ng Pambansang Lupon ng Edukasyon ang
resolusyong nagsasaad na gagamiting midyum ng pagtuturo mula sa
antas elementarya hanggang tersyarya sa lahat ng paaralang pambayan o
pribado at pasisimula sa taong panuruan 1974--75.
Hunyo 19, 1974 - Nilagdaan ni Kalihim Juan Manuel ng Kagawaran ng
Edukasyon at Kultura ang Kautusang Pangkagawaran Blg.25 para sa
pagpapatupad ng edukasyong bilingwal sa lahat ng kolehiyo at
pamantasan.
Kahulugan ng Wika
Ano nga ba wika? Iba’t ibang ang pagpapakahulugan dito.
Ayon kay Dr. Roderick Hemphill ang wika ay isang masistemang kabuuan
ng mga sagisag na sinasalita o binibigaks ng pinagkaisahan o kinaugalian ng
isang tao at sa pamamagitan nito’y nagkakaugnay, nagkakaunawaan at
nagkakaisa ang mga kaanib.
Ayon naman kay Henry Gleason, isang dalubwika ang wika ay
masistemang balangkas ng sinasalitang tunog na isinaayos sa paraang
arbitrary. Ang tunog ay hinuhugisan o binigyan ng mga makabuluhang simbolo
na pinagsama-sama upang makabuo ng mga salita na gamit sa pagbuo ng mga
kaisipan.
Ayon kay Webster isang leksikografer na Amerikano, ang wika ay
kalipunan ng mga salitang ginagamit at naiintindihan ng isang maituturing na
komunidad.
Ayon kay Edgar Sturtevant, isang kontemporaryong linggwistika, ang wika ay
isang sistema ng mga arbitraryong simbolo ng mga tunog, para sa
komunikasyon ng tao.
Ayon kay Veneranda S. Lachica ang wika ay tumutukoy sa anumang
paraan ng pakikipagtalastasan at pagpapahayag ng kaisipan at damdamin sa
pamamagitan ng sarili upang maunawaan ng kapwa. Ito ay binubuo ng mga
salita, parirala at pangungusap na nagtataglay ng kahulugan.
TALAKAY
Tutok
Unawain at basahin ang pagpapalalim ng araling ito.
Ayon sa Genesis 11: 1-9 Noon, ang buong daigdig ay iisa ang wika at salita. Ang mga tao’y naglakbay
papuntang Silangan at nakita nila ang isang kapatagan sa Sinai. Dito sila nanirahan. Nag-uusap-usap sila.
“Gumawa tayo ng tisa at lutuin nating mabuti”. Tisa ang ginamit nila sa halip na bato at alkitran sa halip na
bato. Pagkatapos, sinabi nila, “Gumawa tayo rito ng isang lungsod na may toreng abot sa langit. Sa gayon
magiging bantog at di mangangalat sa buong daigdig.
Ngunit bumaba ang Diyos upang tingnan ang lungsod at ang toreng ginawa ng mga tao. Sinabi ng
Panginoon, bilang isang grupo ng tao na iisa ang wika, nakapagsimula silang gumawa nito. Kung gayon,
anumang kanilang balangkasin ay magagawa na muli. “ Bumaba tayo at guluhin ang kanilang wika upang hindi
sila magkaintindihan. Kaya mula noon, pinangalat sila ng Panginoon sa buong daigdig at hindi na naipagpatuloy
ang pagtatayo ng lungsod. Ito ang dahilan kaya tinawag na Babel ang lugar na iyon pagkat doon ginulo ng
Panginoon sa iba’t ibang panig ng mundo.
Mula sa mga teoryang nabanggit sa itaas, hindi nasasabing ito’y totoo o
walang batayan, subalit nagiging mahalaga ang mga ito sa pagtalakay at pag-
alam sa pinagmulan ng mga wika. Sa ganitong paraan, nakabubuo na tayo ng
mga palagay. Ang kwentong matatagpuan naman sa Banal na Aklat tungkol sa
paglaganap ng iba’t ibang wika sa daigdig ay isa pang mapagkukunan nang kung
paano nagsimula ang wika.
TALAKAY
PAGPAPALAWAK
Pagsasalita/Pagsasadula
➢ Pumili ng pinakamabuting teorya na sa palagay mo ay ginagamit mo sa
alinmang sitwasyon (Mag-isip ng isang sitwasyong maaaring magaganap sa
tahanan, sa eskwelahan, sa simbahan, sa palengke o kaya’y sa paparating na
eleksyon). Isagawa ito sa pamamagitan ng VIDEO CLIP (Maaari kang
gumamit at magpatulong sa iyong pamilya at mga kaibigang malapit sa
inyong bahay sa pagsasagawa nito.
KAPWA
Walang sinuman sa mundong ito ang nabubuhay para sa sarili lamang.
Kung kaya’t kailangan natin ang ating kapwa upang sa gayon ay lalo pa nating
mapaunlad ang ating kaalaman at kakayahan.
LIPUNAN
Nagkakaroon ng isang maayos na lipunan sa sandaling magkaroon ng
mabuting ugnayan ang mga tao sa isang tiyak na pamayanan. Nagagawang
pagbuklurin ang lahat ng mga taong nakatira sa isang lipunan sa pamamagitan
ng wikang gagamitin upang magkaunawaan, magkaintindihan, at
magkapalagayan dahil nakabatay ito sa kanilang sariling kultura.
INTERAKSYUNAL
➢ Nagagawa ng wika na mapanatili at mapatatag ang relasyon ng tao sa
kanyan kapwa. Ang tungkuling ito ng wikaay naipapakita sa
pamamagitan ng pakikipagpalagayan ng tao sa kanyang kapwa,
pakikipag-usap, pakikipagtalakayan, pakikipagtalo hinggil sa isang isyu,
pagsasalaysay ng mga masasaya at malulungkot na kwento, pakikipag-
text, pakikipag-chat at iba pa.
➢ Maaaring bigyan natin ng kowd na “Ikaw, ako, tayo, ay iisa”
Halimbawa:
NIKKA: Aba, ano kaya ang nakain nun at masyado ata siyang masaya?
EHLA: Secret! Pero for sure alam mo na iyon friend . Hihihihi !
PAMPERSONAL
➢ Nagagamit din ang wika upang magpahayag ng sariling kuro-kuro o pala-
palagay, sa paksang pinag-uusapan. Kasama rin dito ang pagsulat ng
journal at talaarawan (diary).
➢ Maaari nating bigyan ng kowd na “Ako ito eh.”
Halimbawa:
GERALD: Sus,grabe naman ang mga pulitiko ngayon, hayagan na kung
bumili ng boto.
NATHAN: Wala tayong magagawa diyan ‘Tol kasi nakasanayan ng nila
yan eh!
HEURISTIKO
➢ Nakatutulong din ang wika upang makapagtamo ang tao ng iba’t ibang
kaalaman. Ilan sa mga ito ang pagkuha o paghahanap ng mga
impormasyon na may kinalaman sa paksang pinag-uusapan o kaya
nama’y pinag-aaralan. Kabilang din dito ang pakikipanayam sa mga taong
dalubhasa sa kanilang larangan upang masagot ang mga tanong na may
patungkol sa kanilang pinagkakadalubhasaan. Maisasama rin dito ang
pakikinig sa radyo, panonood ng telebisyon, pagbabasa ng pahayagan at
aklat.
➢ Maaari naman nating itong bigyan ng kowd na “Makinig ka’t may
sasabihin ako sa iyo”
Halimbawa: KENNETH: Alam mo ba na ang pinakamatagal na movie na tumagal
ng 85 hours ay ang “The Cure For Insomia”.
RONNIE: Wow! Ang galing!
IMAHINATIBO
➢ Nakapagpapahayag ng imahinasyon sa malikhaing paraan.
➢ Mga biro
Halimbawa:
CANNIBAL
NATHAN : Wala kayo sa lolo ko... CANNIBAL! sampu na nakaing tao!
Ganun katindi lolo ko!
EMMAN : Sampu lang? Lolo mo ata nagje-jeta eh?! Bagsak apetite! Yung
lolo ko bente eh.
GERALD : Ano ba mga lolo ninyoVEGETARIAN? Lolo ko dalawa lang
nakain eh.
NATHAN : Oh baket naman dalawa?! Eh sa lolo ko nga 10 eh, sa lolo ni
Emman 20.
GERALD: Eh yung dalawang kinaIn ng lolo ko eh yung mga lolo nInyo.
HAHAHAHAHAHA!
"Ang wika ay susi ng puso at diwa, tuluyan ng tao’t ugnayan ng bansa.“ -
Marisol Mapula -
“If you talk to a man in a language he understands, that goes to his head. If you
talk to him in his language, that goes to his heart.” ― Nelson Mandela
TALAKAY