Ano ang soberaniyang panloob? *Ang soberanyang panloob (internal sovereignty) ay tumutukoy sa kapangyarihan ng estado na mag-utos at magpa-sunod sa mga tao na naninirahan sa teritoryong nasasakupan nito. *Sa soberanya na ito nakasalalay ang kaayusan at kaunlaran ng isang bansa. *Kasama dito ang: pagpapatupad ng batas, pagbibigay ng paglilingkod sa mga mamamayan, pangangasiwa ng likas na yaman, pagpapanatiling maayos at mapayapa ang bansa at pagpapanatili ng kalayaan at karapatan ng mga mamamayan.
Ano ang soberaniyang panlabas?
*Ang soberanyang panlabas o external sovereignty naman ay tumutukoy sa kapangyarihan ng estado sa pamamalakad at pamamahala ng estado na malaya sa impluwensya at panghihimasok ng ibang estado. *Kasama dito ang pagtataguyod ng ekonomiya, edukasyon, buwis, hanapbuhay, at iba pang bagay na nagbibigay ng suliranin o tinatayang mag-aambag sa kagalingan ng bansa. *Nakikita ito sa pamamagitan ng kapangyarihan ng bansang makipagsundo o makipag-ugnayan sa ibang bansa. Bakit mahalagang taglayin ng isang bansa ang dalawang uri ng soberaniya? nakikita ba sa pilipinas ang paghahari ngpanloob at panlabas na soberaniya? *Mahalagang taglayin ng isang bansa ang dalawang uri ng soberanya upang maisakatuparan nito ang pagtataguyod ng kabutihan at kapakanan ng mga mamamayang nasasakupan nito upang masabing ito ay ganap nang malaya. *Sa Pilipinas, nakikita ang paghahari ng panloob at panlabas ng soberanya. Mayroon tayong sariling Saligang Batas o Konstitusyon. May mga batas din tayo na ipinapatupad upang mapanatili ng maayos at payapa ang ating bansa. May sarili rin tayong watawat, salapi, at opisyal na selyo ng bansa na ilan sa mga simbolo ng soberanya. *Itinataguyod din ng Pilipinas ang sariling ekonomiya, edukasyon, buwis, at hanapbuhay para sa ika-uunlad at ikabubuti ng ating bansa. Nakikipag- ugnayan din tayo sa ibang bansa.