Name: __________________________________ Section: ___________________
Basahing mabuti.
Babasahin 1 (Baitang 6)
Date: April 12, 2024
Basahing mabuti.
TAGTUYOT HATID NG EL NIÑO
Tagtuyot ang hatid ng El Niño. Dahil dito, bumababa ang water level at nagkukulang sa suplay
ng tubig sa mga anyong tubig, gaya ng mga ilog at batis. Nagkukulang din sa suplay ng tubig sa mga
imbakan gaya ng La Mesa Dam na matatagpuan sa Lungsod Quezon at Angat Dam sa Bulacan. Ang
mga ito ang pinagkukunan ng tubig sa Kamaynilaan at sa mga karatig probinsya nito.
Malaki ang epektong dulot ng El Niño sa buhay ng tao. Kukulangin ang suplay ng tubig na
inumin, pati na rin ang gagamiting tubig para sa iba pang pangangailangan.
Hindi lamang tao ang mahihirapan sa epekto ng tagtuyot. Kung kulang ang tubig, magkakasakit
ang mga hayop at maaari rin silang mamatay.
Ang tubig ay kailangan din ng +mga halaman at kagubatan. Maraming apektadong taniman kung
kulang ang patubig. Dahil sa sobrang init, maaaring mag-apoy ang mga puno na nagdudulot ng sunog.
Isang malaking tulong sa panahon ng El Niño ay ang pagtitipid ng tubig. Iwasang aksayahin at
gamitin ang tubig sa hindi mahahalagang bagay
Sagutin ang sumusunod na tanong:
1. Ano ang HINDI nagaganap kapag tagtuyot? Magbigay ng isa.
____________________________________________________________________________________
2. Ano kaya ang nararamdaman ng mga tao kapag El Nino?
____________________________________________________________________________________
3. Bakit kaya maaaring maraming magutom kapag tagtuyot?
____________________________________________________________________________________
4. Bakit mahalaga na mabasa at maintindihan ang talatang ito?
____________________________________________________________________________________
5. Ano ang maaaring gawing paghahanda bago dumating ang El Nin᷉ o ?
____________________________________________________________________________________
Babasahin 2 (Baitang 6)
Date: April 12, 2024
Name: __________________________________ Section: ___________________
HARANA SA BUKID
(Kuwento)
May mga kaugaliang Pilipino na dapat pagyamanin. Isa na rito an paghaharana.
Mahimbing na ang lahat. Malapit na ring lumubog ang buwan. Isang pangkat ng mga binata ang
dumating. May dala silang gitara, biyulin, at banduria. Tumapat sila sa bahay na katabi nina Mang
Simon at tumugtog ng masiglang awit. Sinundan pa ito ng ibang mabilis na tugtog.
"Kuya, ano ba iyon?" tanong ni Edgar na biglang nagising.
“Narinig mo rin pala," sagot ni Ruben. May naghaharana sa kapitbahay natin.
"Harana? Parang pista. Bakit gabing-gabi na?"
Bumangon na rin sina Nena at Edna.“Ano ba iyon? Ang sarap ng tulog ko, eh nanggigising."
"Kung sabagay maganda naman ang mga tugtog. Lalo na't tahimik ang gabi."
"Saan kaya galing ang mga naghaharana?" tanong ni Ruben.
"Sino kaya ang hinaharana?"
"Marahil ang mga binata ay galing sa ibang baryo. Hịnaharana nila ang mga dalagang tumulong
sa pag-aani," sabi ni Cely. "Pakinggan natin kung sino ang hinaharana."
Nakinig ang mga bata. Sumilip sila sa bintana. Ngunit madilim ang paligid. Maya-maya ay
narinig nila ang awit.
Dungawin mo, hirang
Ang nananambitan
Kahit sulyap mo man lamang
Iyong idampulay.
Buksan ang bintana
at kamiy dungawin
0, Nenita naming mahal,
Kami ay tingnan.
"Narinig ba ninyo? Si Nenita pala ang hinaharana," sabi ni Cely. "Si Nenita kasi ang
pinakamaganda rito sa aming nayon."
"Ano ngayon ang gagawin ni Nenita?" tanong ni Edgar
"Tingnan natin kung ano ang gagawin ni Nenita," mungkahi ni Cely.
Maya-maya ay may nagbukas ng bintana. May nagsindi ng ilawan sa tabi ng bintana.
 "Ayan, maliwanag na! Makikita na ang mga binata. Makikita na rin natin si Nenita," sabi ni Cely.

"Magandang gabi po sa inyong lahat," sabi ng mga binata "Magandang gabi, Nenita."
Di-nagtagal at dumungaw na si Nenita. "Maganda nga pala siya. Mahaba ang buhok. Maputi ang
balat. Mapupungay ang mga mata. Tamang-tama sa kaniya ang awit na “Bituing Marikit."

Sagutin ang sumusunod na tanong:

1. Anong magandang katangian mayroon ang mga kabataan noon?

____________________________________________________________________________________
2. Kung ikaw ang dalaga o binata ngayon gusto mo ba ang harana? Bakit?
____________________________________________________________________________________
3. Sa iyong nakikita at napapanood , sang-ayon ka ba sa pagliligawan ng mga kabataan ngayon?
____________________________________________________________________________________
4. Nililigawan ng iyong kaklase ang iyong kaibigan, ano ang sasabihin mo sa kanila?
____________________________________________________________________________________
5. Sa iyong palagay , ano pa kayang kaugalian nating mga Pilipino ang dapat pagyamanin?
____________________________________________________________________________________