kabataan pa nya at nakatira sa Herusalem kasama ng kanyang ina. Posibleng sa tahanan nila nagtitipon ang unang kongregasyong kristiyano. Hindi gaanong nakasalumuha ni Marcos si Hesus ngunit nakasama niya ang mga Apostol na sina Pedro at Pablo pati na ang pinsan niyang si Barnabas. Karangalan niyang samahan sina Pablo at Barnabas sa kanilang pagmimisyoneryo, nakarating din sila sa malalayong lugar gaya nang Babylonya at Roma. Marahil sa pagitan ng taong 60 at 65 C. E (Common Era) habang nasa Roma isinulat ni Marcos ang kanyang ulat tungkol sa buhay ni Jesus. Ito ang ika-tatlong ebanghelyo na nabasa ng unang mga kristiyano. Maraming impormasyon sa Marcos ang makikita rin sa iba pang ebanghelyo pero may mga detalye na siya lang ang nag-ulat, tulad halimbawa; maliwanag na isinulat ang aklat na ito para sa mga hindi Hudyo lalo na sa mga Romano. Ipinaliwanag ni Marcos ang mga salita at kaugaliang Hudyo na baka hindi pamilyar sa mga Romano at mga hindi Hudyo. Posibleng ang karamihan ng impormasyong isinulat niya ay galing kay Pedro na naka saksi sa halos lahat na iniulat ni Marcos. Makikita ito sa paglalarawan ni Marcos tungkol sa mga ginawa at nadama ni Hesus. Ang aklat ay may labing anim na kabanata at ito ang pinaka maikli sa apat na ebanghelyo. Saklaw nito ang panahon mula 29 hanggang 33 C. E. Ang kabanata mula 1 hanggang 10 ay nagsimula sa ministeryo ni Juan na taga pag baustismo at sa Bautismo ni Hesus sa ilog Jordan, pagkatapos inilarawan ang tatlo at kalahating taong ministeryo ni Hesus. Iniulat din ang pagpili ni Hesus sa mga Apostol niya . Ang karamihan sa mga himala niya at ang kanyang magiliw na pagmamalasakit sa mga tao. Ipinakita sa kabanata 11-15 ang huling linggo ni Jesus na nagtapos sa kanyang pagkakaaresto at kamatayan .
Alam nyo ba na maaaring si Marcos ang
kabataang lalaki na tumakbo at nakaiwan ng damit niya noong gabing arestuhin si Hesus. Marcos 14:51-52 51 Sinundan si Jesus ng isang binatang walang damit maliban sa balabal niyang lino. Sinunggaban ito ng mga tao 52 ngunit iniwan niya ang kanyang balabal at tumakas ng hubad. Ipinakikita ng kabanata 16, ang tatlong tapat na babae ang unang nakaalam na binuhay na muli si Hesus. Makikita sa ebanghelyo na ito ang kapangyarihan ni Hesus sa sakit, kamatayan at sa kalikasan, at kung paano siya nagpakita ng malasakit at habag sa mga tao at ang masigasig na paggawa niya ng kalooban ng kanyang Ama na nakita sa pamamahala niya sa kaharian ng Diyos.
Koneksyon sa Lumang Tipan:
Dahil alam ni Marcos na mga Hentil ang makababasa ng kanyang aklat, kay hindi po siya madalas na bumanggit ng mga talata sa Lumang Tipan gaya ni Mateo, na sumulat naman partikular para sa mga Hudyo. Hindi po siya nagsimula sa talaan ng angkan na pinanggalingan ni Hesus. Sa halip po nagsimula siya sa pagbawtismo kay Hesus, ang pasimula ng Kanyang ministeryo sa lupa. Ngunit sa kabila po non, binanggit ni Markos ang isang babala sa Lumang Tipan at ito po ay tungkol sa mensaherong si Juan Bautista na "naghanda para sa daraanan ng Panginoon" (Markos 1:3; Isaiah 40:3) habang hinihintay ng mga tao ang pagdating ng Messiah.
Tinukoy din ni Hesus sa Lumang
Tipan sa ilang mga talata sa Marcos. Makikita po natin ito sa Markos 7:6 Sinagot sila ni Hesus, “Mga mapagkunwari! Tama nga ang sinasabi ni Isaias tungkol sa inyo, nang kanyang isulat, “ang paggalang sa akin ng bayang ito ay pakunwari lamang, Sapagkat ito’y sa bibig at hindi sa puso bumubukal.”
Sinaway ni Jesus ang mga Pariseo
dahil sa kanilang pagkukunwari na pagsamba sa Diyos ngunit wala naman sa kanilang puso. Ginamit din po ni Hesus ang propetang si Isaias upang usigin ang katigasan ng puso na makikita po natin sa Isaias 29:13. Binanggit din ni Hesus ang isang babala na magaganap sa mismong gabi kung kailan magkakawatak-watak po ang mga alagad na gaya ng mga tupang walang pastol ng arestuhin po si Hesus at hatulan ng kamatayan (Marcos 14:27; Zacarias 13:7). Binanggit muli sa aklat ng Isaias ng linisin ni Hesus ang templo sa mga nagbebenta at mamimili roon at nagpapalit ng salapi (Marcos 11:15- 17; Isaias 56:7; Jeremiah 7:11) at binanggit din niya ang mga Awit ng ipaliwanag ni Hesus na siya ang pundasyon ng ating pananampalataya at ng iglesya (Marcos 12:10-11; Awit 118:22-23). PRAKTIKAL NA APLIKASYON SA ATING BUHAY: Ipinakita ni Marcos si Hesus bilang isang mapagtiis na anak na makikita po natin sa Marcos 10:45 “Sapagkat ang anak ng tao ay naparito hindi upang paglingkuran kundi upang maglingkod at upang mag-alay ng kanyang buhay para sa ikatutubos ng marami.”
Si Hesus po ay dumating upang
maglingkod at magsakripisyo para sa atin at upang tubusin ang ating mga kasalanan at himukin tayo na gawin din natin ang katulad na ginawa ni Hesus na maglingkod sa Panginoon at magsakrispisyo. Dapat tayong maglingkod kung paanong naglingkod si Jesus ng may kapakumbabaan at katapatan sa paglilingkod sa iba. Pinaalalahanan tayo ni Hesus upang maging karapat- dapat tayo sa kaharian ng Diyos. Ang pagpapakasakit ay dapat na mangibabaw sa ating pangangailangan ng ating pagkilala gaya ni Hesus na kusang loob na nagpakababa upang ibigay ang kanyang buhay para sa kanyang mga tupa.
MAGANDANG GABI PO SA INYONG LAHAT!!!
Manunulat : Marcos Saan isinulat : Roma Natapos isulat : mga 60-65 C. E. Panahong saklaw :29-33 C. E