Ngayan:

___________________________________________________________________
___________________________________________________________________
___________________________________________________________________

PAGTULUN-AN 2: Mga Katungod nan Tawo

Jaoy ba katungod an kada miyembro sa komunidad?Uno man ini na mga katungod ? Sin–
o may mohatag nan katungod sa kada miyembro nan komunidad?
An mosunod amo an mga katungod na kinahanglan hibayuan sanan mapahimuslan nan
kada miyembro sa komunidad.
1. Katungod na mabuhi – Tulubagon nan kada ginikanan an pag-atiman nan insakto
an ila mga kabataan. Kinahanglan mahatagan sila sa mga panginahanglanon parehas
sa pagkaon, pagbisti sanan paghuya sa insakto na bayay na mapanalipdan sila sa
kapaso sanan sa katignaw.

2. Katungod na makatungha/maka-eskwela – An kada bata na jaon na sa insakto na

edad may katungod na maka-eskwela para sila mahibayo mosuyat, mobasa sanan
mobilang. An kahibayo na makab-ot mahimong bahandi sa tibuok nato na kinabuhi
na dili makuha nan iban gikan sa ato.

3. Katungod nan proteksiyon kontra sa mga sakit –

An Department of Health kon DOH an tagtahasan nan ato gobyerno para mahilikay
sa mga sakit sanan magpabilin himsog an kada miyembro sa komunidad pananglitan
an libre na bakuna batok sa Covid-19.

4. Katungod na makaangkon nan malinawon na pamilya – An malinawon na

pamilya an mogiya sa mga bata para sila magdaku na buotan sanan malipajon na
paghuya. Daku ini na ikatabang para magmauswagon an komunidad sanan an ato
nasud.

5. Katungod sa paghuya na malinawon sanan luwas na palibot – Marajaw huy-an an

lugar na diin an miyembro sa kada pamilya malinawon sanan luwas na palibot. Kon
jaoy lihok na makahatag nan kadaot sa ija palibot angay ipahibayo sa awtoridad para
mahatagan nan solusyon sanan dili mahimutang sa kapeligro an kinabuhi nan mga
katawhan.

Himuunon 2

A. Direksiyon: Basaha sanan sabta pagdajaw an hugpulong. Pilia sanan lingini an kada
letra kon uno na katungod an tagpakita sa miyembro sa komunidad.
 1. Dili makahimo sa pagpatungha an ginikanan ni Josie kay bag-o pa madajaw sa
sakit an ija tatay. Wayay sab trabaho an ija nanay sanan hamok sila na magsoon.
Tagtabangan sija nan ija auntie. Tagpalitan sija nan mga gamit sa eskwelahan sanan
uniporme. An ija auntie sab an nagbayad nan mga bayranan sa eskwelahan. Uman na
katungod an tagpakita?

A. Katungod na mabuhi
B. Katungod nan paghuya nan malinawon na palibot
C. Katungod nan pagtungha/eskwela
D. Katungod nan proteksiyon kontra sa mga sakit

2. Nasakit si Elsie. Tagdaya sija nan ija mga ginikanan sa Siargao District Hospital
para matagaan nan insakto na tambay sanan madajaw sija pagdali. An katungod na
tagpakita amo an

A. Katungod na mabuhi
B. Katungod nan paghuya nan malinawon na lugar
C. Katungod na makaangkon nan malinawon na pamilya
D. Katungod nan pagtungha

3. Nakadawat nan libre na bakuna si Nanay Beyay kontra Covid-19.

A. Katungod nan proteksiyon kontra sa mga sakit

B. Katungod nan malinawon na pamilya
C. Katungod nan malinawon na paghuya sanan palibot
D. Katungod na mabuhi

4. An silingan nila ni Kringkring permanente magkantahay gamit an video-singko.

Maski halayom na an duyom sigi pa gihapon sila manganta. Mahamok na silingan an
nagreklamo kay dili man sila na makatuyog nan insakto na oras. Tagpaabot ini nila sa
barangay kapitan. Uman na katungod an tagpakita nan mga katawhan ?

A. Katungod na mabuhi
B. Katungod nan pagtungha
C. Katungod nan malinawon na pamilya
D. Katungod nan malinawon na paghuya sanan sa palibot
 5. Nagpasalamat gajud si Herriss sa Diyos na nakabaton sija nan mga ginikanan na
mahigumaon, mapinayanggaon sanan mahadlokon mohimo nan mga butang na supak
sa kagustuhan nan Ginoo.

A. Katungod na mabuhi
B. Katungod nan malinawon na pamilya
C. Katungod nan pagtungha
D. Katungod nan proteksiyon kontra nan mga sakit

B.Direksiyon: Tan-awa an tagpakita na mga litrato. Isuyat ang imo tubag sa kilid nan
kada litrato.

1.

___________________________

___________________________________

2.
3.

_____________________________

4.

____________________________