Professional Documents
Culture Documents
Perioda e Tretë
Perioda e Tretë
2
Ky model i ofron prodhuesve të ndryshëm të pajisjeve të
rrjeteve kompjuterike standardet që i sigurojnë
komunikim dhe kompatibilitet më të madh ndërmjet
teknologjive të ndryshme të prodhuara nga kompani të
ndryshme.
3
Ndarja e rrjetit në këto shtatë shtresa na ofron këto
avantazhe:
Komunikimet në rrjet i ndan në pjesë të vogla dhe më
të thjeshtuara duke mundësuar zhvillim më të lehtë të
teknologjive të reja.
Na lejon që softueri dhe hardueri nga prodhuesit e
ndryshëm të mund të komunikojnë mes vete.
Mundëson standardizimin e komponentëve të rrjetit në
mënyrë që ato të zhvillohen dhe përkrahen nga prodhuesit
e ndryshëm
4
Shtresat e modelit referues OSI
Shtatë shtresa të modelit referues OSI janë:
Shtresa e shtatë – Shtresa e Aplikacionit
Shtresa e gjashtë – Shtresa e Prezantimit
Shtresa e pestë – Shtresa e Sesionit
Shtresa e katërt – Shtresa e Transportit
Shtresa e tretë – Shtresa e Rrjetit
Shtresa e dytë – Shtresa e Data‐Linkut
Shtresa e parë – Shtresa Fizike
5
Funksioni i tre shtresave me te larta
6
Funksioni i katër shtresave të ulëta
7
Shtresa e shtatë – Shtresa e Aplikacionit
Nga këndvështrimi i modelit referues OSI, shtresa e
aplikacionit (shtresa e 7) përkrah komponentin e
komunikimit të një aplikacioni. Shtresa e aplikacionit e
modelit OSI është shtresë e cila qëndron më afër
përdoruesit dhe ndryshe njihet si ndërfaqe në mes të
përdoruesit dhe rrjetit. Kjo shtresë na ofron shërbimet e
rrjeteve sikurse që janë qasje në fajlla dhe shtypje e
dokumenteve aplikacioneve të përdoruesit. Shtresa e
aplikacionit nuk i ofron shërbime asnjë shtrese tjetër të
modelit OSI, por i ofron shërbime proceseve të
aplikacionit siç janë aplikacioni i Word‐it, Excel
8
Shtresa e gjashtë – Shtresa e Prezantimit
Shtresa e prezantimit bën të mundur që informatat e
dërguara nga shtresa e aplikacionit të një dërguesi të jetë
e kuptueshme nga shtresa e aplikacionit të sistemit
pranues. Nëse është e nevojshme, shtresa e prezantimit
bën përkthimin në mes të formateve të ndryshme të të
dhënave, duke e përdorur një format të përbashkët. Kjo
shtresë e modelit OSI është përgjegjëse edhe për
komprimimin dhe enkriptimin e të dhënave. Nëse
dëshirojmë ta kujtojmë shtresën e 6 të OSI modelit me
më pak fjalë atëherë kujtoni formatin e përbashkët për të
dhënat.
9
Shtresa e pestë – Shtresa e Sesionit
Siç mund ta kuptojmë edhe nga emri, shtresa e sesionit
është përgjegjëse për vendosjen, menaxhimin dhe
përfundimin e sesioneve në mes të dy kompjuterëve
komunikues. Shtresa e sesionit i ofron shërbimet e veta
shtresës së prezantimit. Përveç rregullimit të sesionit, kjo
shtresë ofron dispozita për transferin sa më efikas të të
dhënave, klasën e shërbimeve, raportimin e përjashtimeve
të gabimeve për shtresën e sesionit, prezantimit dhe
aplikacionit.
10
Shtresa e katërt-Shtresa e transportit
Shtresa e transportit segmenton të dhënat e hostit dërgues dhe i
përmbledh ato në një varg të dhënash (ang. data stream) te hosti
pranues. Shtresa e transportit tenton të ofrojë shërbimet për
transportimin e të dhënave dhe në të njëjtën kohë i mbron
shtresat më të larta nga detajet e proceseve transportuese.
Shtresa e transportit në vete përfshinë katër shërbime bazë:
Segmentimin e të dhënave që vijnë nga shtresat më të larta të OSI
modelit
Dërgimin e segmenteve nga burimi deri te destinacioni
Të sigurojë besueshmërinë e të dhënave
Të ofrojë mekanizmin e rrjedhës së trafikut
Detyra primare të kësaj shtrese është që të transportojë dhe të
rregullojë rrjedhën e trafikut nga burimi deri te destinacioni në
mënyrë të besueshme, të plotë dhe të saktë.
11
Shtresa e tretë – Shtresa e Rrjetit Shtresa e rrjetit është
një shtresë mjaft komplekse që mundëson ndërlidhjen
dhe zgjedhjen e rrugës më të mirë në mes të dy hosteve,
që mund të ndodhen në dy rrjete gjeografikisht të ndara
në mes veti. Për të arritur këtë, shtresa e rrjetit i përdor
këto informata: Informatat e adresave logjike që janë të
asociuara me hostet e burimit dhe destinacionit të
trafikut. Informatat e rrugëve më të mira nëpër rrjet për
të arritur nga burimi deri te destinacioni i dëshiruar.
Protokolli bazë që vepron në këtë shtresë është
protokolli IP
12
Shtresa e dytë – Shtresa e Data‐Link
Data‐Link Shtresa e Data‐Linkut mundëson transportimin
e të dhënave nëpër linja fizike. Prandaj, shtresa e
Data‐Linkut merret me adresim fizik, topologji të rrjeteve,
mediumeve transmetuese të rrjeteve si dhe zbulimin e
gabimeve në transmetim. Shtresa Data‐Link komunikon
me shtresat me të larta të modelit OSI duke përdorur
nënshtresën e kontrollit logjik të linjës (ang. Logical Link
Control – LLC)
Kjo shtresë përdor adresat fizike të hosteve të quajtura
MAC adresa (ang. Media Access Control) ndërsa si njësi
transmetuese përdor kornizën
13
Shtresa e parë – Shtresa Fizike
Fizike Funksioni kryesor i shtresës fizike është që të
vendosë të dhënat në medium fizik të rrjetit.
Disa specifikacione të mediumeve që përdoren për të
lidhur kompjuterët janë:
Kabllot me çiftore të përdredhura dhe të mbrojtura.
Kabllot me çiftore të përdredhura të pa mbrojtura.
Kabllot koaksiale.
Kabllot e fibrës optike.
14
Enkapsulimi i të dhënave
Në mënyrë që të kemi komunikim të besueshëm në rrjet,
informatat të cilat dërgohen duhet të vendosen në pako
të menaxhueshme, dhe të mëdha aq sa të jetë i mundur
transmetimi i tyre. Kjo realizohet me ndihmën e procesit
të quajtur enkapsulimi i të dhënave. Procesi i enkapsulimit
i mbështjell të dhënat me informatat shtesë të
protokolleve të ndryshme para se ato të dhëna të
transmetohen në rrjet. Secila shtresë e modelit OSI është
përgjegjëse për vendosjen e informatave shtesë që janë
karakteristikë e protokolleve që veprojnë në atë shtresë
15
Për ta kuptuar më mirë se çfarë ndodh me të dhënat
gjatë udhëtimit të tyre nëpër shtresat e modelit OSI do të
konsiderojmë shembullin e dërgimit të një letre
elektronike nga kompjuteri A te kompjuteri B.
Shtresa e Aplikacionit (shtresa e shtatë në modelin
OSI) vendos një fushë, të ashtuquajturin hederin, i cili
përmban informata siç janë madhësia e shkronjave dhe
lloji i shkronjave apo fonti. Këto të dhëna pastaj barten te
shtresa e prezantimit.
16
17
Shtresa e Prezantimit vendos fushën e hederit me
informatat karakteristike për këtë shtresë. Si shembull
mund të marrim tekstin e mesazhit, i cili mund të
konvertohet në sistemin ASCII apo me çfarë formati
prezantohen fotografitë (jpeg, tif, pict)
Shtresa e sesionit në hederin e vet shtresa e sesionit
vendos të dhënat për inicimin, mirëmbajtjen dhe
përfundimin e sesionit në mes të aplikacioneve
komunikuese
18
Shtresa e transportit i ndan në segmente nga ku secili
segment e ka numrin e vet rendor i cili i ndihmon sistemit
pranues t’i bashkojë ata në radhitje të njëjtë. Shtresa e
transportit në hederin e vet vendos informatat për
lajmërimin se segmenti është pranuar nga sistemi pranues.
19
Shtresa e Data‐Linkut në pjesën e përparme të të
dhënave të pranuara e vendos hederin me informata, siç
janë adresa fizike e dërguesit dhe adresa fizike e pranuesit,
ndërsa në pjesën e prapme vendos informatat për
sekuencën kontrolluese të kornizës – FCS (ang. Frame
Check Sequence) për t’u siguruar se informatat e
transmetuara nuk janë ndryshuar gjatë udhëtimit.
Këto të dhëna pastaj barten në shtresën Fizike për t’u
transmetuar nëpër mediumin fizik bartës.Vargu i bitëve
transmetohet si sinjal elektrik, 1 dhe 0, në shtresën Fizike.
Në këtë nivel shtresa Fizike garanton sinkronizimin e
bitëve gjatë transmetimit. Ky sinkronizim i të dhënave do
të sigurojë se të dhënat do të grumbullohen në mënyrë të
saktë ashtu siç janë transmetuar.
20
Këto procedura nga shtresa e parë e deri te ajo e shtata
ndodhin në mënyrë të kundërt te pajisja pranuese dhe ky
proces quhet procesi i de‐enkapsulimit. Kompjuteri B e pranon
vargun e bitëve nga mediumi fizik dhe i bart ato lart në
shtresën e Data Linkut, e cila pastaj i largon informatat e
vendosura në fillim dhe në fundin e të dhënave dhe pastaj
informatat ia bart shtresës së Rrjetit e kështu me radhë derisa
të dhënat arrijnë në shtresën e Aplikacionit. Në fund
kompjuteri B do të pranojë letrën elektronike ashtu siç është
dërguar. Nga ky shembull mund të shohim se modeli OSI ofron
shërbimin i cili mundëson që të dhënat të kalojnë rrjedhshëm
nga një shtresë në tjetrën. Në fund informatat e dërguara do
të paraqiten në pajisjen pranuese në format të lexueshëm
21
Modeli referues TCP/IP
Modeli TCP/IP Modeli referues TCP/IP emrin e ka marrë
nga shkurtesa e dy protokolleve Transmission Control
Protocol / Internet Protocol dhe është zhvilluar nga
Departamenti Amerikan i Mbrojtjes – DOD (ang.
Department of Defense) me qëllim të krijimit të rrjeteve
që do të mbijetonin në kushte më të vështira operimi,
duke përfshirë këtu edhe luftën nukleare. Kërkesa
primare e Departamentit të Mbrojtjes ka qenë që të
dhënat të transmetohen në mënyrë të besueshme në çdo
destinacion të rrjetit dhe në çdo rrethanë. Kjo kërkesë
është plotësuar me krijimin e modelit referues TCP/IP.
22
Versioni prezent i modelit TCP/IP është standardizuar për
herë të fundit në vitin 1980. Modeli TCP/IP është njësoj i
vlefshëm sikur modeli OSI.
23
Shtresat e modelit referues TCP/IP
Për ndryshim nga modeli OSI, modeli TCP/IP përbëhet
nga katër shtresa:
Shtresa e katërt – Shtresa e Aplikacionit
Shtresa e tretë – Shtresa e Transportit
Shtresa e dytë – Shtresa e Internetit
Shtresa e parë – Shtresa e Qasjes në Rrjet
24
Krahasimi i modeleve TCP/IP dhe OSI
25
Krahasimi i modeleve TCP/IP dhe OSI Ngjashmëritë e
këtyre dy modeleve përfshijnë këto elemente:
Të dy modelet përdorin shtresa për të përshkruar
funksionimin e rrjeteve.
Të dy modelet kanë shtresën e aplikacionit, edhe pse
kjo shtresë ka funksione të ndryshme.
Të dy modelet kanë ngjashmëri në shtresat e
transportit dhe të rrjeteve.
Të dy modelet presupozojnë se paketat komutohen.
Kjo nënkupton se paketat individuale mund të udhëtojnë
nëpër rrugë të ndryshme për të arritur deri te destinacioni
i njëjtë
26
Dallimet në mes të këtyre dy modeleve përfshijnë këto dy
elemente:
Modeli TCP/IP grupon funksionet e OSI shtresës së
prezantimit dhe sesionit në shtresën e aplikacionit.
Modeli TCP/IP grupon funksionet e OSI shtresës së
Data‐Linkut dhe shtresës Fizike në shtresën e Qasjes në
Rrjet.
Në shikim të parë modeli TCP/IP duket më i thjeshtë
pasi ka më pak shtresa.
Protokollet e modelit TCP/IP janë standarde rreth të
cilëve është zhvilluar i gjithë Interneti i sotëm
27
Në figurën e mëposhtme është paraqitur lidhja në mes të
shtresave të TCP/IP modelit protokolleve që veprojnë në ato
shtresa
28
Shtresa e Aplikacionit
Shtresa e Aplikacionit e modelit TCP/IP Shtresa e
Aplikacionit e modelit TCP/IP në vete i përfshin tre
shtresa të larta të modelit OSI, shtresën e Aplikacionit,
shtresën e Prezantimit dhe shtresën e Sesionit. Nga kjo
rrjedh se proceset e prezantimit, enkodimit dhe kontrollit
të dialogut në modelin TCP/IP trajtohen nga shtresa e
Aplikacionit. Kur një informacion procesohet nga këto
shtresa quhet e dhënë (ang. Data), por emërtimi ndryshon
pastaj duke kaluar në shtresat e tjera
29
Protokollet e shtresës së Aplikacionit
Protokollet që veprojnë në shtresën e Aplikacionit të
modelit TCP/IP janë:
Protokolli DNS (ang. Domain Name Service)
Protokolli HTTP (ang. Hypertext Transfer Protocol)
Protokolli SMTP (ang. Simple Mail Transfer Protocol)
Protokolli FTP (ang. File Transfer Protocol)
Protokolli Telnet
30
Protokolli DNS – është zhvilluar për të lehtësuar
asocimin e përmbajtjes së sajtit me IP adresën e atij sajti.
DNS është një sistem i cili përdoret në Internet për të
përkthyer emrat e domeneve në IP adresat e tyre
përkatëse.
Protokolli HTTP ‐ funksionon ngushtë me ueb‐in apo
www (ang. world wide web)
që paraqet pjesën me rritje më të shpejtë si dhe me
përdorim më të madh në
Internet. Njëra nga arsyet e rritjes së jashtëzakonshme të
ueb‐it është thjeshtësia
me të cilën kjo teknologji na mundëson t’i qasemi
informatave.
31
Protokolli SMTP – përdoret nga email serveri për të
dërguar apo pranuar mesazhet elektronike. Protokolli
SMTP transporton mesazhet elektronike në formatin
ASCII duke përdorur protokollin TCP të shtresës së
Transportit.
Protokolli FTP – Nga vet emri kuptojmë se ky
protokolli është përgjegjës për transferimin e fajlla nga
serveri te klienti dhe anasjelltas. Gjatë punës së vet
protokolli FTP shfrytëzon shërbimet e protokollit TCP që
do të thotë se FTP është protokoll i besueshëm, i
orientuar në ndërlidhje
32
Protokolli Telnet – është protokoll i cili mundëson
qasje nga distanca në kompjuter nëpërmjet Internetit apo
rrjeteve lokale. Telneti i mundëson përdoruesve të qasen
në hostin e caktuar dhe pastaj të ekzekutojnë komandat e
ndryshme.
33
Shtresa e Transportit
Shtresa e Transportit e modelit TCP/IP Shtresa e
Transportit në modelin TCP/IP është identike për nga
përgjegjësitë dhe funksioni me shtresën e Transportit të
modelit OSI. Detyra kryesore e shtresës së transportit
është rregullimi i qarkullimit të informatave nga burimi e
deri te destinacioni në mënyrë të besueshme dhe të saktë
34
Në shtresën e Transportit veprojnë dy protokolle, njëri
është i besueshëm dhe i sigurt. Ky protokoll është TCP
(ang.Transmission Control Protocol). Protokolli i dytë
është i thjeshtë, i shpejtë dhe nuk garanton dorëzimin e
informatave te destinacioni. Ky protokoll është UDP (ang.
User Datagram Protocol).
TCP – është protokoll i shtresës së Transportit i cili në
mënyrë të besueshme mundëson transmetimin e
segmenteve me dupleks të plotë (ang. full‐duplex).
Protokolli TCP i ndan të dhënat në segmente, në
destinacion i ribashkon ato. Ndërsa në rastet kur ndonjë
segment humbet gjatë transmetimit, i ridërgon ato që
mungojnë.
35
Shtresa e Internetit
Shtresa e Internetit është shtresa e dytë e modelit TCP/IP.
Kur një informacion kalon nga shtresat e tjera (më poshtë
apo më lart) nëpër shtresën e Internetit shndërrohet në
paketë. Disa nga funksionet themelore të shtresës së
Internetit janë dërgimi i paketave nga hosti në host,
rrugëtimi i paketave nga rrjete e burimit deri te rrjeti i
destinacionit, si dhe menaxhimin e gabimeve të paketave
gjatë transmetimit. Rrugëtimi është proces i gjetjes së
rrugës më të mirë dhe më të shkurtër në rrjet nëpër të
cilën do ta dërgojë paketën e të dhënave
36
Protokollet që veprojnë në shtresën e Internetit të
modelit TCP/IP janë:
Protokolli i Internetit – IP (ang. Internet Protocol)
Protokolli i kontrollit të mesazheve në Internet – ICMP
(ang. Internet Control Message Protocol)
Protokolli i zbërthimit të adresës – ARP (ang.Address
Resolution Protocol).
37
Internet Protokolli
Internet Protokolli (IP) ‐
është mekanizëm
transmetues shërbimet e të
cilit i përdorin TCP/IP
protokollet në shtresën e
Internetit
IP është protokolli jo i
besueshëm dhe nuk vendos
lidhje paraprake me hostin
destinacion, mirëpo për
dërgimin e paketave në
destinacioni e tyre e përdor
shërbimin me përpjekje më
të mirë të dërgimit
38
Shtresa e Qasjes në Rrjetë e modelit TCP/IP
Shtresa e Qasjes në Rrjet është shtesa e parë e modelit
TCP/IP. Kjo shtresë asociohet me shtresën e Data‐linkut
dhe shtresën Fizike të modelit OSI.
Shtresa e Qasjes në Rrjet definon mënyrën e
transmetimit të kornizave nëpër mediume të rrjetit siç
janë kabllot koaksiale, fibrat optike, çiftoret e përdredhura
prej bakri, transmetim pa tela etj. Kjo shtresë gjithashtu,
përshkruan proceset se si pajisjet harduerike i
shndërrojnë bitët (1 dhe 0) në sinjalet elektrike apo
optike.
Protokollet që përfshihen në shtresën e qasjes në rrjet
janë Ethernet, FDDI, ATM etj.
39