Professional Documents
Culture Documents
Peer- to - peer
Gjatë komunikimit peer-to-peer çdo shtresë varet nga funksionet që i kryen shtresa e mëposhtme.
Për të siguruar këtë sherbim, shtresa e ulët kryen procesin e enkapsulimit për t’i vendosur njësitë
e protokoleve të të dhënave (PDUs) nga shtresat më të larta në fusha të të dhënave.
Procesi i enkapsulimit
Nëse një kompjuter (host A) deshiron të dergojë të dhëna në një kompjuter tjetër (host B), atëherë
së pari të dhënat duhet të paketohen përmes procesit të quajtur enkapsulim. Enkapsulimi i
mbështjell të dhënat me informacione para se ato të kalojnë nëpër rrjet. Të dhënat duke lëvizur
teposhtë nëpër shtresat e modelit OSI, çdo shtresë e këtij modeli mbledh një header të të dhënave
para se t’i përcjell në shtresat tjera më të ulëta. Headerat (headers) si dhe trailerat permbajnë
kontrollin e informacionit për pajisjet e rrjetit dhe pranuesin, në mënyrë që të sigurojnë shprendarje
të besueshme të të dhënave dhe të mundësojnë që pranuesi t’i interpretoje të dhënat në mënyrë
efikase. Për ilustrim te marrim si shembull dergimin e një e-maili prej burimit në destinacion dhe
të shohim hapat që i përcjellin shtresat njera pas tjetres.
Enkapsulimi
Hapi 1: krijimi i të dhënave-shfrytëzuesi dërgon një e-mail mesazh, ku karakterët alfanumerike
janë shndërruar në të dhëna, të cilat mund të kalojnë nëpër rrjet.
Hapi 2: paketimi i të dhënave për transportin end-to-end – të dhënat janë paketuar për transport.
Duke përdorur segmentet, funksionet e transportit sigurojnë që mesazhi të kaloje nga hosti në host
në mënyrë të sigurtë.
Hapi 3: shtimi i adresës së rrjetit në header- të dhënat janë vendosur brenda paketes ose datagramit
që përmbajnë një header të rrjetit me adresat logjike të burimit dhe destinaconit. Këto adresa
ndihmojnë pajisjet e rrjetit për t’i dërguar paketat nëpër rrjet, përgjatë një path-i të zgjedhur.
Hapi 4: shtimi i adresës lokale në headerin e data linkut- çdo pajisje e rrjetit duhet ta vendose
paketen e të dhënave brenda një frejmi. Frejmi lejon lidhjen me pajisjen tjetër të rrjetit përmes
lidhjes direkte në link.
Hapi 5: shndërrimi në bite për transmetim- funksionet clocking mundësojnë që pajisjet t’i dallojnë
(njohin) bitat gjatë kalimit nëpër medium. Mediumi në rrjetin fizik mund të ndryshoje në bazë të
zgjedhjes së path-it.
De-Enkapsulimi
Pasi që të dhënat arrinë nga hosti i burimit dhe në formë bitesh arrin tek shtresa fizike e hostit
destinacion, atëherë shtresa fizike i kalon të dhënat tek shtresa data link për manipulim me to.
Shtresa data link i kryen këto funksione:
Hapi 1: verifikon se a përputhet MAC adresa e destinacionit me adresen e hostit nga ka ardhur
informacioni, ose a është Ethernet broadcast.
Hapi 2: nëse të dhënat janë gabim, duhet të hidhen dhe shtresa data link mund të kërkoje
ritransmetimin e të dhënave. Nëse të dhënat janë pa gabime, shtresa data link i lexon dhe i
interpreton duke kontrolluar informacionin në headerin e data linkut.
Hapi 3: shtresa data link e “zhvesh” headerin më të dhëna dhe i përcjell të dhënat e mbetura tek
shtresa e rrjetit-network, duke u bazuar në kontrollin e informacionit në headerin data link. Procesi
i tillë i kundërt me enkapsulimin quhet de-enkapsulim.