Mga Layunin

Pagkatapos ng araling ito, dapat na:

• nailalarawan mo ang sitwasyong pangwika sa
Pilipinas noong panahon ng Amerikano;
• natutukoy mo ang mga dahilan ng mga pangyayari
sa wika sa panahong ito;
• naipaliliwanag mo ang pulitikal na kaligirang
nagbunsod sa pangyayari sa wika;
• naipaliliwanag mo ang praktikal na kaligirang
nagbunsod sa pangyayari sa wika; at
• naibibigay mo ang sariling hinuha sa epekto ng
pangyayari sa wika noong panahon ng Amerikano
sa magiging sitwasyon sa hinaharap.
*Kalagayang Pangwika sa Pilipinas Bago
Dumating ang mga Amerikano
Alalahanin ang katangian ng wika sa
Pilipinas bago dumating ang mga
Amerikano:
•May walong pangunahing lokal na wika na
namamayani sa bansa - Tagalog, Sebwano,
Ilokano, Hiligaynon, Bikol, Waray,
Kapampangan at Pangasinense.
•Ginagamit pa rin ang wikang Espanyol ng
ilang sektor ng lipunan, partikular sa
relihiyon.
*Kalagayang Pangwika Pagdating ng mga
Amerikano
Malaki ang papel na ginampanan ng mga Amerikano
sa paghulma ng kasaysayan at kultura ng Pilipinas.
Sa pamamagitan ng pagtingin sa ilang aspekto ng
kanilang pananakop sa ating bansa, magkakaroon ka
ng ideya kung paano sila nagkaroon ng napakalaking
impluwensiya sa mga Pilipino. Simulan mo ito sa
pagtanaw sa impluwensiya nila sa wika ng bansa.
Sa pagdating ng mga Amerikano, ganito ang
kalagayang pangwika sa bansa:
•Patuloy na namayani ang iba’t ibang wikang lokal
matapos ang himagsikan.
•Nabibilang ang mga Pilipinong nakauunawa ng
Ingles.
Wika ng Edukasyon
•Nagkaroon ng suliranin ang mga
Amerikano kung ano ang wikang
panturo.
•Pinili nilang gamitin ang wikang Ingles.
• Mas praktikal ang paggamit ng Ingles
• Hindi na kailangang pag-aralan ng
mga Amerikanong guro ang wika ng
mga Pilipino
• Nasa wikang ingles ang mga
batayang aklat at iba pang materyal
sa pagtuturo.
•May politikal na kalamangan para sa
mga Amerikano ang paggamit ng Ingles.
• Maaaring isipin ng mga Pilipino na
itinuturing silang kapantay ng mga
Amerikano.
• Makikilala at tatangkilikin ng mga
Pilipino ang mga produkto ng Estados
Unidos na wala sa bokabularyo ng
mga lokal nitong wika.
• Mas madaling maiimpluwensiyahan
ng mga Amerikano ang kulturang
Pilipino
Hakbang tungo sa Pambansang
Wika
Kasabay ng pagtatatag ng
Pamahalaang Commonwealth,
sinimulan ang hakbang tungo sa
pagtuklas at pagbuo ng
pambansang wika ng Pilipinas.
Mga Isyu ukol sa Pagpili sa Tagalog
bilang Batayan ng Wikang
Pambansa
Hindi naging madali ang pagtukoy sa lokal
na wikang gagawing batayan para sa
itatalagang pambansang wika sa Pilipinas.
Naitatag ang Surian ng Wikang
Pambansa (SWP) para manguna sa
misyong matukoy at mabuo ang isang
pambansang wika. Una nitong iminungkahi
ang wikang Tagalog, ngunit marami ang
tumutol dito.
Minadali ang pagdedesisyon
upang makatugon sa isa sa
mga kahilingan ng mga
Amerikano bago nila ideklara
ang kalayaan ng Pilipinas.
Tagalog ang wika ni Manuel L.
Quezon, ang pangulo ng
bansa at tatanghaling ama ng
wikang pambansa.
Tandaan na ang Tagalog ay pinili bilang batayan
lamang ng wikang pambansa, hindi ito itinakda
bilang wikang pambansa.
Sa puntong ito, makabubuting maibigay ang
depinisyon ng ilan sa mga importanteng
konseptong pangwika:
•Wikang opisyal – wikang ginagamit sa
pagsusulat at pagbibigay-kahulugan sa batas.
•Wikang pambansa – wikang itinatakda ng batas
upang maging simbolo ng isang bansa.
•Wikang panturo – wikang ginagamit sa aktuwal
na pagpapaliwanag at talakayan sa loob ng
klase.
Mahahalagang Kaalaman
•Umiiral na ang walong pangunahing lokal na
wika at wikang Espanyol sa Pilipinas nang
dumating ang mga Amerikano.
•Ginamit ng mga Amerikano ang edukasyon at
kinasangkapan ang wikang Ingles para higit na
maimpluwensiyahan at masakop ang mga
Pilipino.
•Nabuo ang konsepto ng isang pambansang
wika noong panahon ng
Pamahalaang Commonwealth.
•Taong 1937 nang italaga ang Tagalog bilang
batayan ng bubuuing wikang pambansa.