PRAYER (ANG DASAL PARA SA BUILD MY HOME) BMH Prayer
Ama, nagpapasalamat po kami
sa iyong walang hanggang pagmamahal at habag sa amin. Amang makapangyarihan sa lahat na gumawa ng langit at lupa, isinasaayos po ninyo ang Lahat ng bagay. Sa pamamagitan ng Banal na Espiritu ay itinuturo niyo sa amin kung ano ang aming gagawin at mga plano. Salamat po, O Diyos sa pagkakaloob Mo sa amin ng mga taong namumuno at nagsusulong upang magkaroon ng katuparan ang proyektong ito. Salamat po sa pagbibigay ninyo ng mga taong busilak na puso upang Ang gawaing ito ay magkaroon ng kaganapan. Panginoon, salamat po sa mga biyaya, tulong, at proteksyon na inyong ipinagkaloob sa mga taong nasa likod ng proyecton ito sampu ng kanilang pamilya. Ama, patawarin po niyo kami na kung minsan ay nag- aalinlangan kami tungkol sa proyektong ito. Palakasin po ninyo kami sa panahong kami’y pinaghihinaan ng loob dahil sa Mga pangamba’t bagabag at nawa’y pagliwanagin po ninyo ang aming kaisipan kapag kami’y nadidiliman. Panginoon, hinihiling po namin na gabayin ninyo kami upang maitayo na Ang aming minimithing tahanan. Patnubayan at pagpalain po ninyo ang mga taong buong pusong tumutulong dito. Ama, nawa’y patuloy n’yo po kaming lukuban ng iyong Banal na Espiritu Upang ang aming mga pagpaplano ay naaayon sa inyong kagustuhan. Bigyan po ninyo kami ng mga manggagawang may magandang kalooban, malakas Na pangangatawan at malinaw na kaisipan upang magawa naming ng maayos ang mga gawain na ipinagkatiwala sa amin. Iligtas po ninyo kami sa anumang kapamahakan sampu Ng aming pamilya upang wlang maging hadlang sa proyektong ito. Panginoon, itulot mo po na marami pa kaming mga kapatid na mabuksan ang kaisipan at hipuin ang kanilang mga puso Upang patuloy na suportahan ang proyektong ito. Ito po ay aming hinihiling at idinadalangin sa makapangyarihang pangalan ng iyong Anak na si Hesus, kaisa ng Mahal na Birheng Maria at ng Espiritu Santo. Amen