Mula sa Gulistan ni Sa’di Parabula mula sa Iran Salin ni Mercy P. Ros Gulista- maimpluwensyang obra sa panitikang Persian; kalipunan ng mga tula at kuwento na pinagmulan ng karunungan Sa’di- isa sa mga dakilang makatang Persian Qazi- tagahatol ng simbahan Padshah- hari Ang Sultan ng tribu ng Tunani ay nagkaroon ng malubhang karamdaman. Ang pag-uusap tungkol dito ay hindi pinahihintulutan sa kanilang kaugalian. Ang mga manggagamot ng tribu ay sumasang-ayon na ang sakit na ito ay malulunasan lamang sa pamamagitan ng apdo ng taong may magandang katangian. Ipinag-utos na hanapin ang taong nagtataglay ng nasabing katangian, at ang anak ng isang nagmamay-ari ng lupa ay natuklasang nagtataglay ng mga katangiang binanggit ng manggagamot. Ipinatawag ang Sultan ang mga magulang ng bata at nakamit naman niya ang kapahintulutan ng mag-asawa sa pamamagitan ng pagbibigay sa mga ito ng kayamanan. Ang Qazi naman ay naglabas ng batas na nagpapahintulot na gawain ang pagpaslang sa bata para lang sa kaligtasan ng Sultan. Nang ang bata ay papatayin na, tumingala ito sa langit na ngumiti. Nagtanong ang Sultan, “Ano ang iyong ikinagagalak sa mga oras na ito na ikaw ay papaslangin na?” Ang sagot ng bata, “Ako ay nagagalak sa pagmamahal na ibinigay ng aking ama at ina upang ipabalot ang aking kalagayan sa Qazi at humingi ng katarungan sa Padshah. Subalit sa kalagayan ko ngayon, ang aking ama at ina ay nagpapakasasa sa yaman ng mundo kapalit ng buhay ko. Ang Qazi ay naglabas pa ng kautusan para maging ayon sa batas ang pagpaslang sa akin. Ang Sultan ay naniniwala na gagaling siya kapag ako ay napaslang. Wala akong ibang mapagbabalingan kung di ang pagmamahal ng Diyos na higit na makapangyarihan. Kanino ako magpapatulong na makamit ang katarungan laban sa iyo, kung sa iyo rin dapat lumapit?” Ang Sultan ay nagambala sa kaniyang narinig. Siya ay napaluha at siya ay nagwika, “Mas mabuti pang ako ay mawala kaysa ang batang ito.” Hinagkan niya ang ulo at pisngi at binigyan ng walang-hanggang yaman. Sa loob ng isang linggo, ang Sultan ay gumaling sa karamdaman. Naalala ko ang palaging binabanggit ng isang taga-pagpatakbo ng elepante sa pampang ng Ilog Nile, “Kung alam mo ang kalagayan ng isang langgam sa paanan mo, ito rin ang kalagayan mo sa paanan ng elepante. Panuto: Sagutin ang mga sumusunod:
–Ano-ano ang naging problema ng mga tauhan sa
binasang parabula? Ano-ano ang naging solusyon sa mga ito?
–Sumasang-ayon ka ba sa iminungkahing lunas ng
mga manggagamot sa karamdaman ng Sultan? Pangatwiran ang iyong sagot. Panuto: Sagutin ang mga sumusunod:
–Kung ikaw ay isa sa mga kasapi ng Qazi, sasang-
ayunan mo ba ang bagong batas na binuo kaugnay ng kalagayan ng Sultan? Bakit?
–May mga pangyayari ba sa parabula na
nangyayari pa rin sa mundo sa kasalukuyan? Patunayan ang sagot. Panuto: Sagutin ang mga sumusunod:
–Kung ikaw ang batang tauhan sa
kuwento, ano ang magiging saloobin mo sa iyong magulang? Bakit? Ipaliwanag ang kahulugan ng mga sumusunod na mga pahayag: 1. Ako ay nagagalak sa pagmamahal na ibinigay ng aking ama at ina upang ipaabot ang aking kalagayan sa Qazi. 2. Ang aking ama at ina ay nagpapakasasasa yaman ng mundo kapalit ng buhay ko. 3. Wala akong ibang mapagbabalingan kung di ang pagmamahal ng Diyos na higit na makapangyarihan. 4. Kanino ako magpapatulong na makamit ang katarungan laban sa iyo, kung sa iyo rin ako dapat lumapit? 5. Mas mabuti pang ako ay mawala kaysa ang batang ito. Maraming Salamat sa Pakikinig !!!