TULA

ANO ANG TULA?

•Ang tula ay isang anyo ng sining o

panitikan na naglalayong maipahayag
ang damdamin sa malayang
pagsusulat. Binubuo ang tula ng
saknong at taludtod.
 MGA ELEMENTO NG
TULA
•Sukat •Talinhaga
•Saknong •Anyo
•Tugma •Tono/Indayo
•Kariktan g
1. SUKAT
•Ito ay tumutukoy sa bilang ng pantig
ng bawat taludtod na bumubuo sa
isang saknong. Ang pantig ay
tumutukoy sa paraan ng pagbasa.
•Halimbawa: isda – is da-ito ay may
dalawang pantig
MGA URI NG SUKAT
•Wawaluhin
•Lalabindalawahin
•Lalabing-animin
•Lalabingwaluhin
• WAWALUHIN
Halimbawa- Isda ko sa Mariveles
• LALABINDALAWAHIN
Halimbawa- Ang laki sa layaw karaniwa’y hubad
• LALABING-ANIMIN
HALIMBAWA- Sari-saring bungangkahoy, hinog na at
matatamis
• LALABINGWALUHIN
Halimbawa- Naroon din sa loobang may bakod pang kahoy na
malabay
2. SAKNONG
•Ang saknong ay isang grupo
sa loob ng isang tula na may
dalawa o maraming linya
(taludtod).
2 linya – couplet 6 linya – sestet
3 linya – tercet 7 linya – septet
4 linya – quatrain 8 linya – octave
5 linya – quintet
Ang couplets,tercets at quatrains ang
madalas na ginagamit sa mga tula
3. TUGMA
•Sinasabing may tugma ang tula kapag ang
huling pantig ng huling salita sa bawat
taludtod ay magkakasintunog. Lubha itong
nakaga-ganda sa pagbigkas ng tula. Ito
ang nabi-bigay sa tula ng angkin nitong
himig o indayog.
 URI NG TUGMA
•Tugma sa patinig (Ganap)
Para masabing may tugma sa patinig, dapat
pare-pareho ang patinig sa loob ng isang
saknong o dalawang mgkasunod o salitaan
Halimbawa- Mahirap sumaya
Ang taong may sala
 URI NG TUGMA
• Tugma sa katinig (Di-ganap)
A. Unang lipon – B, K, D, G, P, S, T
Halimbawa:Malungkot balikan ang taong lumipas
Nang siya sa sinta ay kinapos-palad
B. Ikalawang lipon – L, M, N, NG, R, W, Y
Halimbawa: Sapupo ang noo ng kaliwang kamay
Ni hindi matingnan ang sikat ng araw
4. KARIKTAN
•Kailangan magtaglay ang tula ng maririkit
na salita upang masiyahan ang
mambabasa gayon din mapukaw ang
damdamin at kawilihan.
Halimbawa: Maganda-Marikit
Mahirap- Dukha o Maralita
5. TALINGHAGA
•Tumutukoy ito sa paggamit ng
matatalinhagang salita at tayutay.
Magandang basahin ang tulang di
tiyakang tumutukoy sa bagay na
binabanggit.
6. ANYO

•Porma ng tula
ANYO NG TULA

1. MALAYANG TALUDTURAN
•Isang tula na isinulat nang walang sinusunod
na patakaran kung hindi ang anumang naisin
ng sumusulat
•Ito ang anyo ng tula na ipinakilala ni
Alejandro G. Abadilla
ANYO NG TULA

2. TRADISYONAL NA TULA
•Ito ay isang anyo ng tula na may sukat,
tugma at mga salitang may malalim na
kahulugan
3. MAY SUKAT NA WALANG TUGMA
4. WALANG SUKAT NA MAY TUGMA
 MGA KATUTUBONG TULA
• DIONA- ay isang katutubong anyo ng tula na binubuo ng
pitong pantig kada taludtod, tatlong taludtod kada saknong at
may isahang tugmaan.
• TANAGA- ay isang katutubong anyo ng tula na binubuo ng
pitong pantig kada taludtod, apat na taludtod kada saknong
na may isahang tugmaan.
• DALIT- ay isang katutubong anyo ng tula na binubuo ng
walong pantig kada taludtod, apat na taludtod kada saknong
at may isahang tugmaan.
7. TONO/INDAYOG
•Diwa ng tula
•Sinasabing nakagaganda sa tula ang
pagkapare-pareho ng tunog ng mga huling
pantig ng mga salita, ito din ay nagiging
kasangkapan ng makata upang
makapaghatid ng isang madamdamin at
matalinong karanasan.
 3 URI NG TUNOG

1. ALITERASYON- Ito ay ang pag uulit ng isang

tunog ng isang katinig na ginagamit sa magkalapit
na salita o pantig.
Halimbawa:
Sa sinayaw- sayaw at hinalik-halik sa aking
paanan, Titik kong masigla ng lumang talindaw,
Dalampasigan(Teodoro Agoncillo)
 3 URI NG TUNOG

2. ASONANSYA- ang pag uulit ng tunog ng isang

pantig.
Halimbawa:
Ang buhay ng tao at sa taong palad, Nasa ginagaya
ang halaga’t bigat, May mga mayaman na dapat
umiyak, At mga dukha naming magalak ang dapat,
Ang buhay ng Tao(Jose Katindig)
 3 URI NG TUNOG

3. ONOMATOPEYA- Ang pagkakahawig ng

tunog ng salita at ang diwa nito
Halimbawa:
Kumaluskos ang dahon, Sumalpok ang alon, Sa
luhang dumaloy, Lumagaslas ang talon, Kulog ay
dumagundong, Lumalagablab ang apoy.
“Harana ng kalikasan”
8. PERSONA
•Tumutukoy sa nagsasalita sa
tula; una, ikalawa, o
ikatlong panauhan.