Filipino sa Piling

Larangan
(Sining at Disenyo)
Fanny A. Garcia
Jonathan V. Geronimo
Mga May-akda

Aurora E. Batnag
Koordineytor
 Yunit I – Sining at Disenyong Popular, Ating Kilatisin

ARALIN 1
Ang Wika ng Sining at Disenyong
Pilipino: Introduksiyon sa Pag-unawa,
Pagsusuri, at Pagpapahalaga
Layunin
 mabigyang-kahulugan ang mga batayang elemento at
prinsipyo ng sining at disenyo;
 makapagsuri ng mga terminong teknikal na ginamit sa
pagtalakay ng mga batayang elemento at prinsipyo sa sining
at disenyo;
 mailapat ang mga batayang elemento at prinsipyo ng sining
at pagdidisenyo sa pamamagitan ng batayang kasanayan sa
pagkuha ng larawan o potograpiya; at
 makasulat ng makabuluhang repleksiyong papel ukol sa
malikhaing proseso ng paglalapat ng mga batayang elemento
at prinsipyo ng sining at disenyo sa nilikhang output.
Kahulugan at Kahalagahan ng Pag-unawa
sa Wika ng Sining at Disenyo

May sariling wika ang sining at disenyo. Anumang wika

ay nagtataglay ng sarili nitong sistema, estruktura, at
mga tuntunin na nauukol naman sa tinatawag na
gramatika.
Kahulugan at Kahalagahan ng Pag-unawa
sa Wika ng Sining at Disenyo

Ayon
kina Kress at Van Leeuwen (1998), tulad sa
gramatika ng wika na naglalarawan sa kung
paano pinagsasama-sama ang mga sugnay,
pangungusap, at teksto, ang gramatikang
biswal ay naglalarawan sa paraang
hinahalaw ang mga tao, lugar, at bagay na
pinagsasama-sama
sa biswal na pagpapahayag.
Kahulugan at Kahalagahan ng Pag-unawa
sa Wika ng Sining at Disenyo

Pinaunlad ang ganitong lohika ng pagpapakahulugan

sa gramatika ng
lingguwistang si Halliday (1985) na, lampas sa pormal
na mga tuntunin ng kawastuhan ay
pinahihintulutan ang mga tao na lumikha sa kanilang
isipan ng interpretasyon ng realidad
upang magdulot ng makabuluhang karanasan sa mga
nakapaligid at nakapaloob sa kanila.
Kahulugan at Kahalagahan ng Pag-unawa
sa Wika ng Sining at Disenyo

Hango naman ang

Sa diksiyonaryo, sining sa
ang salitang salitang Latin na ars na
nangangahulugang
disenyo ay kakayahan at
kasingkahulugan katumbas din sa
ng plano at pag- kahulugan ng
oorganisa. salitang Griyego na
techne na pinagmulan
naman ng salitang
teknolohiya.
Kahulugan at Kahalagahan ng Pag-unawa
sa Wika ng Sining at Disenyo

 Hindi magkabukod na larangan ang dalawa kundi

magkaugnay. Hindi maitatanggi na ang sining at
disenyo ay magkakambal na may proseso, tungkulin,
at layunin sa paglikha.

 Tulad ng wika sa paglikha ng produksiyon ng

kahulugan at mensahe, kapuwa ginagamit ang sining
at disenyo sa komunikasyon.
Kahulugan at Kahalagahan ng Pag-unawa
sa Wika ng Sining at Disenyo
Ang suliranin ay kung paano matagumpay na magagamit
sa pakikipagtalastasan ng ideya o paghahanap ng tinatawag
na solusyong biswal o visual solution sa pagsasanib ng
dalawang ito?
 Nagpanukala sina Lauer at Pentak (2000) na “…
ang matagumpay na solusyon ay hindi lamang
epektibo sa biswal bagkus maging sa
pakikipagkomunika ng ideya. Anumang elemento
ng sining ay maaaring gamitin sa komunikasyon.”
Kahulugan at Kahalagahan ng Pag-unawa
sa Wika ng Sining at Disenyo
 Sa pag-unawa ng isang disenyo, napakahalagang
aspekto ang ugnayan ng anyo at nilalaman sa isang
likhang-sining.
 Ang anyo o porma ay tumutukoy sa purong
aspektong biswal, manipulasyon ng sari-
saring elemento at prinsipyo ng disenyo na
inilapat sa isang likhang-sining.
 Ang nilalaman o content naman ay
tumutukoy sa paksa, kuwento, o
impormasyon na nais isalin ng likhang-
sining sa kaniyang audience.
Kahulugan at Kahalagahan ng Pag-unawa
sa Wika ng Sining at Disenyo

 Maliban sa pag-unawa sa ugnayan ng anyo at nilalaman,

ang solusyong biswal ay maaaring mabigyang-kahulugan
sa pamamagitan ng pag-unawa sa mga panlabas na
impluwensiya gaya ng halagang kultural, pag-unlad na
historikal ng sining o genre, perspektiba ng target na
audience, at/o pilosopiya ng artista.
Mga Elemento ng Sining at Disenyo

1. Linya
 Naipahahayag ang damdamin at pananaw ng
manlilikha sa pamamagitan ng iba’t ibang anggulo ng
linya na tuwirang tumatawid sa sinumang
tumutunghay ng isang likhang-sining.

 Ang patayo, pahilis, at pahalang na linya ay maaaring

magpahayag ng galaw at tensiyon sa paksa. Maging
ang mga kurbado, maalon, at zigzag na linya ay
maaaring maglinaw ng direksiyon o makapagpahiwatig
ng namamayaning damdamin at intensiyon ng kapuwa
sining at manlilikha nito.
Mga Elemento ng Sining at Disenyo
2. Kulay
 Naitatanghal naman ang iba’t ibang dimensiyon ng
payak, pabago-bago, at sumusulong na damdamin sa
pagtitimpla ng mga kulay na maaaring mapusyaw o
matingkad.
3. Hugis

 Mahalaga ang papel ng hugis at pagsasama-sama

nito sa isang komposisyon na makapagpapalitaw ng
mga imahe at representasyon upang lumikha ng
impresyon at kahulugan.
Mga Elemento ng Sining at Disenyo

4. Espasyo
 Napatitingkad ang positibo at negatibong lugar
gayundin ang lalim ng isang likhang-sining batay sa
kaayusan ng mga detalye sa isang komposisyon at sa
kinalalagyan nito sa loob ng isang establesimyento o
pampublikong espasyo.
5. Tekstura
 Lumilikha naman ng ilusyon sa mata ang paggamit
ng tekstura sa sining. Nilalayon nitong magpamalas
ng natural at realistikong ugnay sa mga
tumutunghay.
Mga Elemento ng Sining at Disenyo

6. Value

 Tumutukoy ito sa ugnayan ng kapusyawan at

katingkaran sa iba’t ibang antas ng pag-iiba o contrast.

 Nabibigyang-diin sa paggamit ng value bilang elemento

ang bigat at hubog ng isang likhang-sining.
Mga Batayang Prinsipyo ng Sining at
Disenyo
1. Kaisahan
 Matatamo ang kaisahan sa pamamagitan ng biswal na
pagkakaparepareho ng mga hugis, elementong linyar, at pag-
uulit ng mga padron na tinatawag ding harmoniya.
2. Empasis/Focal Point
 Mahalaga ang prinsipyo ng empasis upang mahikayat ang
isang tumutunghay na pagtuunan ng pansin ang isang
likhang-sining.
 Sa isang disenyo, ang elemento na binibigyang-diin o
tinatawag na focal point ang humihikayat na titigan at
pagmasdang mabuti at mapahalagahan ang mensahe ng
isang likhang-sining.
Mga Batayang Prinsipyo ng Sining at
Disenyo
3. Proporsiyon
 Ang sukat at laki ng isang likhang-sining o mga elemento
sa loob nito ay pinagpapasyahan gamit ang matalinong
lohika ng paglikha ng mensahe at pagpapakahulugan ng
isang manlilikha o artista; sa ganitong punto, nagiging
mahalaga ang proporsiyon bilang prinsipyo ng
pagdidisenyo.

 Sa pagpapakahulugan ni Jirousek (1995), ang

proporsiyon ay tumutukoy sa relatibong sukat at eskala
ng sari-saring elemento sa isang disenyo.
Mga Batayang Prinsipyo ng Sining at
Disenyo
4. Balanse
 Tumutukoy ito sa distribusyon ng mga elemento sa
buong disenyo na tumitiyak sa pagkakaroon ng pantay
na biswal na bigat o visual weight sa isang sining.

5. Ritmo/Galaw
 Karaniwan nating naiuugnay ang salitang ritmo sa
pakikinig at galaw sa pagsasayaw.
 Ayon kina Lauer at Pentak (2000), “Ang ritmo bilang
prinsipyo ng disenyo ay nakabatay sa pag-uulit.”
Pagsusuri sa Paksa, Konteksto, at Gamit
ng Sining at Disenyo
 Ang tinutukoy na paksa sa isang likhang-sining ay ang pangunahing
ideya na kinakatawan nito. Matutunton sa paksa ang pangunahing
esensiya ng komposisyon o piyesa na gustong ilarawan: palitawin
ang nais sabihin ng artista at kung paano nais ihatid at buuin ang
mensahe mula sa imahinasyon.
 Gaya sa presentasyon sa mga naunang talakayan ukol sa elemento at
prinsipyo ng sining at disenyo sa Pilipinas, mapatutunayang may
sariling mayamang tradisyon, kultura, at kasaysayan ng paglikha sa
bansa. Sa puntong ito, tinutukoy ang konteksto o
pinagmulan/identidad ng likhang-sining bilang mahalagang aspekto sa
pag-unawa nito.
 Mahalaga ring matukoy ang gamit ng isang sining at disenyo upang
mapalalim pa ang pag-unawa sa saysay at kabuluhan nito sa artista,
target audience, at sa lipunan sa kabuuan.
Pagsulat ng Sulating Pansining at Disenyo

 Binigyang kahulugan nina Cecilia Dela Paz at Patrick Flores (2014)

ang kritisismong pansining na “interpretasyon, pagsusuri, at
pagtatasa ng sining at ng mga aspekto nito. Ang sumisipat ng sining
ay nagtatala ng datos (tema, estilo, at kumbensiyon) tungkol sa obra,
naglalarawan, nagbibigay-kahulugan, at nagtatalaga ng halaga sa
konteksto hindi lamang sa kultura kundi sa pamilihan ng sining din.”
 Inilahad naman ng The Kennedy Center Arts Edge sa kanilang website
ang apat na batayang larangan ng kritisismong pansining.
Una, ang pagbibigay ng deskripsiyon sa obra
Ikalawa, ang paglalatag ng pagsusuri
Pangatlo, ang pagbibigay-interpretasyon
At panghuli, ang ebalwasyon