PAGSULAT SA POSISYONG

PAPEL
ARALIN 5
PAGSULAT NG POSISYONG
PAPEL
…Maisasagawa ito kung may kakayahang mangatwiran sa desisyon o
panig na napili sa pamamagitan ng paglalatag ng matitibay na ebidensiya o
katibayan.

Ang Pangangatwiran ay isang uri ng diskursong naglalayong mapatunayan

ang katotohanan ng ipinahahayag at pinaniniwalaan at ipatanggap sa
nakikinig o bumabasa ang katotohanang iyon.

Mahalagang ang taong nangangatwiran ay may sapat na kaalaman tungkol

sa paksang pinangangatwiranan.
 Bakit mahalagang malaman ang tamang
paraan ng pagsulat at ng posisyong papel?
PANGANGATWIRAN
Ayon kay Jocson et al. (2005), sa kanilang aklat na Pagbasa at Pagsulat,
Tungo sa Pananaliksik,

ang Pangangatwiran ay tinatawag ding pakikipagtalo o argumentasyon na

maaaring maiugnay sa sumusunod na mga paliwanag:

● Ito ay isang sining ng paglalahad ng mga dahilan upang makabuo ng isang

patunay na tinatanggap ng nakararami

● Ito ay isang uri ng paglalahad na nagtatakwil sa kamalian upang

maipahayag ang katotohanan.

● Ito ay isang paraang ginagamit upang mabigyang-katarungan

ang mga opinyon at maipahayag ang mga opinyong ito sa
iba.
 PANGANGATWIRAN
Narito ang mga dapat isaalang-alang para sa isang mabisang
pangangatwiran:

1. Alamin at unawain ang paksang ipagmamatuwid

2. Dapat maging maliwanag at tiyak ang pagmamatuwid.
3. Sapat Na katwiran at katibayang makapagpapatunay.
4. Dapat ay may kaugnayan sa paksa ang katibayan at katwiran upang
makapanghikayat.
5. Pairalin ang pagsasaalang-alang, katarungan, at bukás na kaisipan sa
pagpapahayag ng kaalamang ilalahad.
6. Tiyaking mapagkakatiwalaan ang mga ilalahad na katwiran.
 POSISYONG PAPEL
- Kagaya ng isang debate, ay naglalayong maipakita ang katotohanan at
katibayan ng isang tiyak na isyung kadalasan ay napapanahon at nagdudulot ng
magkakaibang pananaw sa marami depende sa persepsiyon ng mga tao.

LAYUNIN
• Mahikayat ang madlang ang pinaniniwalaan ay katanggap-tanggap at may
katotohanan. Mahalagang maipakita at mapagtibay ang argumentong
ipinaglalaban gamit ang ebidensiyang magpatotoo sa posisyong pinaniniwalaan o
pinaninindigan
 GRACE FLEMING
- Ang sumulat ng artikulong (How to Write an argumentative Essay,)

- Ayon kay Grace Fleming ang Posisyong Papel ay - ang pagsalig o pagsuporta sa
katotohanan ng isang kontrobersiyal na isyu sa pamamagitan ng pagbuo ng isang
kaso o usapin para sa iyong pananaw o posisyon.

- Mahalagang mapatunayang totoo at katanggap tanggap ito sa pamamagitan ng

paggamit ng mga ebidensiyang kinapapalooban ng mga katotohanan, at opinyon
ng mga taong may awtoridad.

- Sa Pagsulat ng Posisyong Papel mahalaga ang kakayahang makabuo ng

isang kaso o isyu. Maaaring ang paksa ay maging simple o komplikado ngunit
ang iyong gagawing argumento o pahayag ng tesis ay mahalagang
MATIBAY, MALINAW, at LOHIKAL
 6 na MGA HAKBANG SA
PAGSULAT NG POSISYONG PAPEL
Ang pagsulat ng posisyong papel ay hindi lamang sining ng paglalahad ng mga
argumento at pangangatwiran kundi ito rin ay isang agham na
kinapapalooban ng mga katibayang kinalap sa pamamagitan ng
pananaliksik.

Kaya naman, napakahalagang mapag-isipan at mapaghandaang mabuti ang

paggawa nito. Narito ang mga hakbang na maaaring sundin sa pagsulat ng
posisyong papel
 MGA HAKBANG SA PAGSULAT NG
POSISYONG PAPEL

1. Pumili ng paksang malapit sa iyong puso.

Ang posisyong papel ay kadalasang naglalaman ng mga paniniwala at

paninindigan ng may akda.

Makatutulong nang malaki kung ang paksang tatalakayin ay malapit sa iyong

puso at lubos na nakaaantig ng iyong interes at maging ng maraming
makababasa nito.
 MGA HAKBANG SA PAGSULAT NG
POSISYONG PAPEL
2. Magsagawa ng panimulang pananaliksik hinggil sa napiling paksa.

Ang pagsasagawa ng panimulang pananaliksik ay naglalayong malaman, kung

may sapat na ebidensiyang makakalap hinggil sa nasabing paksa.

Magsaliksik sa mga aklatan, maging sa mga mapagkakatiwalaang web site tulad

ng educational at government sites upang makahanap ng mga propesyonal na
mga pag-aaral at pananaliksik at mga estadistika tungkol sa iyong napiling kaso o
isyu.

Kung makalipas ang ilang oras ng pananaliksik sa Internet ay wala kang makitang
sapat na datos na magsisilbing mga patunay at ebidensya para sa iyong napiling
posisyon, mas makabubuting pumili na lamang ng ibang paksa
 MGA HAKBaNG SA PAGSULAT NG
POSISYONG PAPEL
3. Bumuo ng thesis statement o pahayag ng tesis.

Ayon kina Pamela C. Constantino at Galileo S. Zafra (1997) sa kanilang aklat na

Kasanayan sa Komunikasyon Il, ang pahayag ng tesis ay naglalahad ng
pangunahin o sentrong ideya ng posisyong papel na iyong gagawin. Isa itong
matibay na pahayag na naglalahad ng pinapanigang posisyon o pananaw ng
mananaliksik tungkol sa paksa na handa niyang patunayan sa pamamagitan ng
pangangalap ng mga datos o ebidensiya.

Kadalasang ito ay maikli lamang na binubuo ng isa o dalawang pangungusap.

Sa pamamagitan ng pahayag ng tesis ay malalaman ng mga mambabasa kung
tungkol saan ang posisyong papel. Dito rin nakasalig ang gagawing pangangalap
ng mga ebidensiyang magpapatunay sa kanyang argumento.
 MGA HAKBANG SA PAGSULAT NG
POSISYONG PAPEL
4. Subukin ang katibayan o kalakasan ng iyong pahayag ng tesis o
posisyon

Ito ay napakahalagang bahagi sa pagsulat n posisyong papel. Kailangang

mabatid ang mga posibleng hamong maaaring harapin sa gagawing
pagdepensa sa iyong napiling tesis o posisyon hinggil sa isyu.

Ilatag din ang mga kahinaan ng pinasusubaliang posisyon sa

pamamagitan ng pag-lisa-isa sa mga argumentong maaaring iharap dito upang
mapagtibay ang kahinaan at kakulangan nito.
 MGA HAKBANG SA PAGSULAT NG
POSISYONG PAPEL

5. Magpatuloy sa pangangalap ng mga kakailanganing ebidensiya

Kapag ganap nang napatunayan na ang napiling posisyon ay may matibay

at malakas na laban sa pinasusubaliang posisyon ay maaari nang magsagawa
nang mas malalim na pananaliksik.
 MGA HAKBANG SA PAGSULAT NG
POSISYONG PAPEL
Maaaring isaalang-alang ang sumusunod na mga sanggunian sa pangangalap
ng mga katibayan batay sa kakailanganing impormasyon…

URI NG IMPORMASYON URI NG SANGGUNIANG MAAARING

GAMITIN
Panimulang Impormasyon at
pangkalahatang kaalaman tungkol Talatinigan, Ensayklopedya, Handbooks
sa paksa
Mga pagaaral hinggil sa paksa o
Aklat, Ulat ng Pamahalaan
isyu
Mapagkakatiwalaang Artikulo Dyornal na pang- Akademiko

Napapanahong Isyu Pahayagan, Magasin

Sangay ng pamahalaan at mga organisasyon/

Estadistika
samahan
 MGA HAKBANG SA PAGSULAT NG
POSISYONG PAPEL
Ayon kay Constantino at Zafra (1997), nauuri sa dalawa ang mga ebidensiyang
magagamit sa pangangatwiran:

A. Mga Katunayan (facts) - ay tumutukoy sa mga ideyang tinatanggap na totoo dahil

ang mga katibayan nito ay nakabatay sa nakita, narinig, naamoy, nalasahan, at
nadama.

Tiyaking reliable o mapagkakatiwalaan ang testimonyang gagamitin sa iyong

posisyong papel.

Gayundin, dapat isaisip na hindi lahat ng itinuturing na katotohanan ay unibersal at

panghabampanahon. Ito ay maaaring mabago depende sa mga bagong tuklas na datos
o impormasyon batay sa pag-aaral o pananaliksik hinggil sa mga nabanggit na
katotohanan kayâ maging handa rin sa pagharap sa mga hamong ito.
 MGA HAKBANG SA PAGSULAT NG
POSISYONG PAPEL
B. Mga Opinyon -ito naman ay tumutukoy sa pananaw ng mga tao, mga ideyang
nakasalig hindi sa katunayan kundi sa ipinapalagay lamang na totoo.

Hindi ito katunayan kundi pagsusuri o judgment ng katunayan. Kung

gagamiting ebidensiya ang opinyon sa iyong sulating papel, kailangang
manggaling ito sa taong may awtoridad na magsalita hinggil sa isang isyu o
paksa. Karaniwang kinikilalang may awtoridad ang mga taong may posisyon o may
mahalagang ginagampanan sa lipunan tulad ng mga iskolar,propesyonal, politiko,
akademiko, at siyentipiko.

Ang isang simpleng mamamayan ay maaari ding masabing nasa

awtoridad na magbigay ng idea kung ang pinag-uusapang isyu ay may direktang
kinalaman sa kanyang buhay o ginagalawang lipunan.
 MGA HAKBANG SA PAGSULAT NG
POSISYONG PAPEL
6. Buoin ang balangkas ng posisyong papel.

Bago tuluyang isulat ang Kabuoang sipi ng posisyong papel ay gumawa

muna ng balangkas para dito, Narito ang pormat na maaaring gamitin

I. Panimula
a. Ilahad ang paksa
b. Magbigay ng maikling paunang paliwanag tungkol sa paksa at
kung bakit mahalaga itong pag-usapan
c. Ipakilala ang tesis ng posisyong papel o ang iyong strand o
posisyon tungkol sa isyu
 LAYUNIN
• Una, upang ipakilala ang paksa at ang tesis, at
• Upang maantig ang interes ng mga babasa nito. Tunghayan ang
halimbawa nito:
 HALIMBAWA

a. Isa sa napapanahong isyung pinag-uusapan sa lipunan ngayon ay ang

Enhanced Basic Education Act of 2013 o Republic Act No. 10533. (PAKSA)

b. Bawat pamilya at mag-aaral na Pilipino sa kasalukuyan ay labis na

naaapektuhan ng programang ito. Puspusan ang isinasagawang paghahanda at
pagsasanay ng pamahalaan upang maihanda ang mga paaralan at mga guro sa
maayos na pagpapatupad nito.

c. Mahalagang maihanda ang mga mag-aaral sa totoong buhay lalo na sa

paglinang sa kanilang mga kasanayang kakailanganin sa papasuking larangan o
trabaho kayà mahalagang maipatupad ang programang ito.
 BALANGKAS NG POSISYONG PAPEL

II. Paglalahad ng Counterargument o mga Argumentong Tumututol o

Kumokontra sa lyong Tesis

a. Ilahad ang mga argumentong tutol sa iyong tesis

b. Ilahad ang mga kinakailangang impormasyon para mapasubalian
ang binanggit na counterargument
c. Patunayang mali o walang katotohanan ang mga counterargument
na iyong inilahad
d. Magbigay ng mga patunay para mapagtibay ang iyong ginawang
panunuligsa
 BALANGKAS NG POSISYONG PAPEL

Maaaring matukoy ang mga posibleng counterargument tungkol sa isyu sa

pamamagitan ng pag-iisip ng mga tanong na maaaring iharap Sa isang taong
nakaalam ng paksa tungkol sa iyong posisyon sa isyu sa pangkalahatan:

Matapos mong matukoy ang mga posibleng counterargument, pag-isipan kung

paanong sasagutin o pangangatwiranan ang mga ito, Kailangang mahimok at
mapaniwala ang mga mambabasang higit na matibay ang katotohanang iyong
pinaniniwalaang nakasaad sa tesis.

Gayunman, mahalagang mailahad ang bawat pangangatwiran bilang iyong depensa

sa pinasusubaliang argumento nang patas at obhetibo upang maipakitang iyong
lubos na napag-aralan ang bawat anggulo ng isyu at hindi lilitaw sa iyong isinulat na
binabatikos mo lamang ang kabilang panig nito.
 BALANGKAS NG POSISYONG PAPEL

Mas mainam kung iyong pagtutuonan lamang ang dalawa o tatlong mabibigat
na counterargument nang may malalim na pagpapaliwanag kaysa maglatag ng
maraming counterargument na hilaw na hilaw o kulang na kulang naman sa
mga obhetibong paliwanag o tugon para rito at mga ebidensiya.

Tiyaking ang mga tugon na ilalahad ay sumusuporta sa inilatag na tesis o

posisyon.
 BALANGKAS NG POSISYONG PAPEL
Ill. Paglalahad ng lyong Posisyon o Pangangatwiran Tungkol sa Isyu

a. Ipahayag o ilahad ang unang punto ng iyong posisyon o paliwanag.

b. Ipahayag o ilahad ang ikalawang punto ng iyong posisyon o paliwanag.

c. Ipahayag o ilahad ang ikatlong punto ng iyong posisyon o paliwanag.

• llahad ang iyong matalinong pananaw tungkol sa ikauna, ikalawa, at ikatlong

punto.
• Maglahad ng mga patunay at ebidensiya na hinango sa tatlong
mapagkakatiwalaang sanggunian.
 BALANGKAS NG POSISYONG PAPEL

IV. Kongklusyon
a. Ilahad muli ang iyong argumento o tesis.
b. Magbigay ng mga plano ng gawain o plan of action na makatutulong sa
pagpapabuti ng kaso o isyu.

Ang pinakamabisa at pinakasimpleng paraan ng pagwawakas ng posisyong

papel ay sa pamamagitan ng muling pagbanggit sa tesis sa ibang paraan ng
paglalahad nito at ang pagtalakay sa mga magiging implikasyon nito.
HALIMBAWA NG
POSISYONG
PAPEL
Ito ay isang uri ng diskursong naglalayong mapatunayan ang
katotohanan ng ipinahahayag at pinaniniwalaan at
ipatanggap sa nakikinig o bumabasa ang katotohanang iyon

PANGANGATWIRAN
Ayon sa kanila, ang Pangangatwiran ay
tinatawag ding pakikipagtalo o
argumentasyon

JOCSON ET AL.
Ilan ang mga Hakbang sa Pagsulat ng posisyong papel

6 (ANIM)
Tumutukoy sa mga ideyang tinatanggap na totoo
dahil ang mga katibayan nito ay nakabatay sa
nakita, narinig, naamoy, nalasahan, at
nadama.

?
MGA KATUNAYAN (FACTS)
 Kagaya ng debate, ito ay naglalayong
maipakita ang katotohanan at katibayan
ng isang tiyak na isyu

?
POSISYONG PAPEL
 sa kanilang aklat na Kasanayan sa
Komunikasyon Il, ang pahayag ng tesis
ay naglalahad ng pangunahin o sentrong
ideya ng posisyong papel na iyong
gagawin.

?
PAMELA C. CONSTANTINO AT GALILEO S. ZAFRA
1997
ito naman ay tumutukoy sa pananaw ng
mga tao, mga ideyang nakasalig hindi sa
katunayan kundi sa ipinapalagay lamang
na totoo.

MGA OPINYON
 Ano-ano ang mga nakapaloob sa
pormat ng pag-gawa ng balangkas
?
• PANIMULA

• PAGLALAHAD NG COUNTERARGUMENT 0 MGA ARGUMENTONG

TUMUTUTOL O KUMOKONTRA SA IYONG TESIS

• PAGLALAHAD NG IYONG POSISYON O PANGANGATWIRAN

TTUNGKOL SA ISYU

• KONKLUSYON
MARAMING
SALAMAT